ନିଦ ହେଉନି କି, ଖାଆନ୍ତୁ ଏହି ଫଳ

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର): ସମସ୍ତଙ୍କ ରୋଷେଇ ଘରେ ଜାଇଫଳ ଦେଖିବାକୁ ମିଳିଥାଏ। ଏହା କେବଳ ଖାଇବାକୁ ସ୍ୱାଦିଷ୍ଟ କରି ନଥାଏ, ଏଥିରେ ଔଷଧୀୟ ଗୁଣ ମଧ୍ୟ ରହିଛି। ତା’ହେଲେ ଆସନ୍ତୁ ଜାଣିବା ଜାଇଫଳରେ କେଉଁସବୁ ସ୍ୱାସ୍ଥ୍ୟ ଉପକାରୀ ଗୁଣ ରହିଛି।

୧. ଅନିଦ୍ରା ସମସ୍ୟା ବା ଇସୋମୋନିଆ ଦୂର କରିବା ପାଇଁ ଜାଇଫଳ ଲାଭଦାୟକ। ଏହି ରୋଗ ହେଲେ ରାତିରେ ନିଦ ହୁଏନି।  ଏଥିପାଇଁ ଦୈନନ୍ଦିନ ଭୋଜନରେ ଜାଇଫଳ ସାମିଲ କରନ୍ତୁ।

୨. ଜାଇଫଳରେ କ୍ୟାନସର୍‌ ପରି ରୋଗ ସହିତ ଲଢ଼ିବା ପାଇଁ ଶକ୍ତି ରହିଛି।

ଶୀତଦିନେ ନିହାତି ଖାଆନ୍ତୁ ଗ୍ରୀନ୍ ମଟର୍

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର): ସାଧାରଣତଃ ଶୀତ ଦିନେ ଗ୍ରୀନ୍ ମଟର ହୋଇଥାଏ। ଗ୍ରୀନ୍‌ ମଟର୍‌ ଖାଇବାକୁ ପ୍ରାୟ ସମସ୍ତେ ପସନ୍ଦ କରନ୍ତି। ଏହାକୁ ସବୁ ତରକାରିରେ ବ୍ୟବହାର କରି ହୁଏ। ଅନେକ ଲୋକ ଏହାକୁ କଞ୍ଚା ଖାଇବାକୁ ମଧ୍ୟ ପସନ୍ଦ କରନ୍ତି। ତେବେ ଏହା କେବଳ ପାଟିକୁ ସୁଆଦିଆ ଲାଗେ ନାହିଁ, ଏଥିରେ ଅନେକ ଭିଟାମିନ୍ ସହିତ ଔଷଧୀୟ ଗୁଣ ଭରି ରହିଥାଏ, ଯାହା ଶରୀର ପାଇଁ ବହୁତ ଭଲ। ତା’ହେଲେ ଆସନ୍ତୁ ଜାଣି ନେବା ଗ୍ରୀନ୍ ମଟର ଖାଇଲେ କେଉଁ କେଉଁ ଲାଭ ମିଳେ।

୧. ଶୀତଦିନେ ଖାଦ୍ୟ ଠିକ୍‌ ଭାବେ ହଜମ ହୁଏ ନାହିଁ। ଏହି ସମସ୍ୟାକୁ ଠିକ୍‌ କରିବାରେ ମଟର ସାହାଯ୍ୟ କରିଥାଏ। ଏଥିରେ ଥିବା ଫାଇବର୍‌ ଡାଇଜେଷ୍ଟିଭ୍‌ ସିଷ୍ଟମ୍‌କୁ ଠିକ୍‌ ରଖିଥାଏ। ଫଳରେ କୋଷ୍ଠକାଠିନ୍ୟ ସମସ୍ୟା ହୋଇନଥାଏ।

୨. ମଟରରେ ଅଧିକ ପରିମାଣରେ ଫାଇବର୍‌ ଓ ପ୍ରୋଟିନ୍‌ ଥିବାରୁ ଏହା ପେଟରେ ଅଧିକ ସମୟ ପର୍ଯ୍ୟନ୍ତ ରହିଥାଏ। ଫଳରେ ପେଟ ପୂରିଲା ପୂରିଲା ଲାଗେ ଓ ଭୋକ କମ୍‌ ହୋଇଥାଏ। ଭୋକ କମ୍‌ ହେଲେ ଖାଇବା କମ୍ ହୁଏ ଓ ଏହାଦ୍ୱାରା ଓଜନ ହ୍ରାସ ପାଏ।

୩. ମଟରରେ ମ୍ୟାଗ୍ନେସିୟମ୍‌, ପୋଟାସିୟମ୍‌ ଓ କ୍ୟାଲସିୟମ୍‌ ରହିଛି। ଏସବୁ ତତ୍ତ୍ୱ ହାଇ ବ୍ଲଡ୍‌ ପ୍ରେସର ଓ କୋଲେଷ୍ଟ୍ରଲ୍‌କୁ ନିୟନ୍ତ୍ରଣ କରିଥାଏ। ଫଳରେ ହାର୍ଟ ଆଟାକ୍‌ର ଆଶଙ୍କା କମ୍ ହୋଇଥାଏ।

୪. ମଟର ଡାଇବେଟିସ୍‌ ରୋଗୀଙ୍କ ପାଇଁ ମଧ୍ୟ ଭଲ।

୫. ମଟରରେ ପ୍ରଚୁର ମାତ୍ରାରେ ଆଇରନ୍‌ ରହିଛି। ଏହି ଆଇରନ୍‌ ଶରୀରରେ ଆଲର୍ଜିକୁ କମ୍‌ କରିଥାଏ ଏବଂ ଏନିମିଆ ସମସ୍ୟାକୁ ଦୂର କରିଥାଏ।

୬. ମଟରରେ ଥିବା ଭିଟାମିନ୍‌ ଓ ମିନେରାଲ୍ସ ରୋଗ ପ୍ରତିରୋଧକ ଶକ୍ତିକୁ ବଢ଼ାଇଥାଏ। ଫଳରେ ଶୀତଦିନେ ହେଉଥିବା ବିଭିନ୍ନ ରୋଗ ହେବାର ଆଶଙ୍କା କମ୍‌ ହୋଇଥାଏ।

୭. ମଟରରେ କାରୋଟେନୋଏଡ୍‌ ପିଗମେଣ୍ଟ ଲୁଟିନ୍‌ ନାମରେ ଏକ ତତ୍ତ୍ୱ ରହିଛି, ଯାହା ଆଖି ପାଇଁ ଭଲ। ଏହା ଦୃଷ୍ଟିଶକ୍ତିକୁ ଠିକ୍ ରଖେ।

କୋଳଥରେ ରହିଛି ଏହି ସବୁ ଚମତ୍କାରୀ ଔଷଧୀୟ ଗୁଣ ।

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ଅନେକ ଲୋକ କୋଳଥ ଖାଇବାକୁ ବେଶ୍ ଭଲପା’ନ୍ତି। କୋଳଥ ଡାଲି ବେଶ୍‌ ସୁଆଦିଆ ଲାଗେ। ହେଲେ ଆପଣ ଜାଣନ୍ତି କି, ପାଟିକୁ ସୁଆଦିଆ ଲାଗୁଥିବା ଏହି ଡାଲିଜାତୀୟ ଖାଦ୍ୟ ସାମଗ୍ରୀଟି ଆମ ଶରୀର ପାଇଁ କେତେ ଉପକାରୀ ?

ଆଜି ଆମେ ଆପଣଙ୍କୁ କୋଳଥ ଡାଲିର କିଛି ଚମତ୍କାରୀ ଔଷଧୀୟ ଗୁଣ ସମ୍ପର୍କରେ କହିବୁ।

୧.କୋଳଥରେ ମେଟାବଲିଜିମ୍‌ ବଢ଼ାଇବାର କ୍ଷମତା ରହିଛି। ତେଣୁ ନିୟମିତ କୋଳଥ ଡାଲି ଖାଇବା ଦ୍ୱାରା ମେଦ ହ୍ରାସ ହୋଇଥାଏ। ଦୈନିକ ୧୦୦ ଗାମ୍‌ର କୋଳଥ ଡାଲି ଖାଇବା ଦ୍ୱାରା ମାସକ ମଧ୍ୟରେ ମୋଟାପଣ କମିଯାଏ।

୨. କୋଳଥକୁ ଖାଦ୍ୟ ରୂପେ ବ୍ୟବହାର କରିବା ଦ୍ୱାରା ମହିଳାଙ୍କ ଋତୁକାଳୀନ ଯନ୍ତ୍ରଣା ଏବଂ ଅନିୟମିତ ଋତୁସ୍ରାବ ସମସ୍ୟା ଦୂର ହୁଏ। ଏଥିପାଇଁ ଆପଣ କୋଳଥ ସୁପ୍‌ ମଧ୍ୟ ପିଇପାରିବେ।

୩. କୋଳଥକୁ ଚୂନା କରି ରଖନ୍ତୁ। ସେହି ଚୂନାରୁ ପ୍ରତିଦିନ ଦୁଇ ଚାମଚ ପାଣିରେ ମିଶାଇ ପିଇବା ଦ୍ୱାରା ତ୍ୱଚାରୁ କୁଞ୍ଚନ ଦୂର ହୋଇଥାଏ।

୪. କୋଳଥ ଖାଇବା ଦ୍ୱାରା ଅତ୍ୟଧିକ ତୈଳିକ ତ୍ୱଚାରୁ ମୁକ୍ତି ମିଳେ। କୋଳଥ ବ୍ରଣ ସମସ୍ୟା ମଧ୍ୟ ଦୂର କରେ।

୫. କୋଳଥ ଡାଲି ଖାଇବା ଦ୍ୱାରା ପେଟରେ ପଥର ବା ଷ୍ଟୋନ୍‌ ସମସ୍ୟା ଦୂର ହୁଏ। ଏଥିରେ ଥିବା ଭିଟାମିନ୍‌-ଏ ପେଟର ପଥରକୁ ବାହାର କରିବାରେ ସହାୟକ ହୋଇଥାଏ।

୬. କୋଳଥର କାଢ଼ା ପ୍ରସ୍ତୁତ କରି ସେବନ କରିବା ଦ୍ୱାରା ବାତ ସମସ୍ୟା ଦୂର ହୁଏ। ତେବେ ଏହି କାଢ଼ାରେ ଗୋଲମରିଚ ଗୁଣ୍ଡ ପକାଇ ପିଇବା ଦ୍ୱାରା ଗଳା ସମସ୍ୟାରୁ ସୁରକ୍ଷା ମିଳିଥାଏ।

୭. କୋଳଥ କାଢ଼ାରେ ହେଙ୍ଗୁ ଏବଂ ଶୁଣ୍ଠି ଗୁଣ୍ଡ ସହ ସାମାନ୍ୟ ଲୁଣ ମିଶାଇ ସକାଳେ ଏବଂ ସନ୍ଧ୍ୟାରେ ସେବନ କରିବା ଦ୍ୱାରା ପେଟ ଯନ୍ତ୍ରଣା ଦୂର ହୁଏ।

ବାଇଗଣ ଖାଆନ୍ତୁ, ଆଉ ଏସିଡିଟି ହବନି !

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ସମସ୍ତଙ୍କ ରୋଷେଇ ଘରେ ଏକ ସାଧାରଣ ପରିବା ହେଉଛି ବାଇଗଣ। ଏହାକୁ ଆମେ ଦୈନନ୍ଦିନ ଖାଦ୍ୟରେ ଅଧିକ ମାତ୍ରାରେ ବ୍ୟବହାର କରିଥାଉ। ପୋଡ଼ି କିମ୍ୱା ସିଝାଇ ଭର୍ତ୍ତା କରି ଖାଇବାକୁ ଆମ ଓଡ଼ିଆ ଲୋକେ ବେଶି ପସନ୍ଦ କରିଥାନ୍ତି। କିନ୍ତୁ ଜାଣି ଖୁସିହେବେ ଯେ, ବାଇଗଣ ଖାଲି ପାଟି ସୁଆଦ ପାଇଁ ନୁହେଁ ବରଂ ଆପଣଙ୍କ ଏସିଡିଟି ବା ଅଗ୍ନିମାଦ୍ୟ ଦୂର କରିବାକୁ ମଧ୍ୟ ଅମୋଘ ଔଷଧ।

କାହିଁକି ଜାଣିଛନ୍ତି ?

ବାଇଗଣରେ ପ୍ରଚୁର ପରିମାଣରେ ଆଣ୍ଟି ଅକ୍ସିଡାଣ୍ଟ ଓ ଫାଇବର ଭଳି ପୋଷକ ତତ୍ତ୍ଵ ରହିଛି। ଯାହା ଏସିଡିଟି ଭଲ କରିବାକୁ ସକ୍ଷମ ବୋଲି ଗବେଷକମାନେ କୁହନ୍ତି। ବିଶ୍ୱରେ ପ୍ରତି ୧୦ ଜଣରେ ୫ ଜଣ ବ୍ୟକ୍ତି ବାଇଗଣ ଖାଇବାକୁ ପସନ୍ଦ କରନ୍ତି। ଆଉ ସବୁଠାରୁ ଅଧିକ ଜାପାନ ଓ ଭାରତରେ ଏହି ପରିବାର ଆଦର ରହିଛି। ଜାପାନରେ ଏହାକୁ ଆମିଷ ତରକାରୀ ସହ ରନ୍ଧାଯାଏ। ଦୈନିକ ବାଇଗଣ ଖାଇବା ଶରୀର ପାଇଁ ଭଲ ବୋଲି ମଧ୍ୟ ନିକଟରେ ଏକ ଆମେରିକୀୟ ଗବେଷଣା ପ୍ରତିଷ୍ଠାନ ପ୍ରକାଶ କରିଛି।

• ବାଇଗଣ ଭର୍ତ୍ତାରେ ଏକ ଚାମଚ ମହୁ ମିଶାଇ ଖାଇଲେ ସୁନିଦ୍ରା ହୁଏ। ତରକାରିରେ ଏହା ଖାଇବା ଖୁବ୍ ଭଲ।
• ବାଇଗଣ ସୁପ୍‌ରେ ହେଙ୍ଗୁ ଓ ରସୁଣ ସମପରିମାଣର ମିଶାଇ ପିଇଲେ ଅମ୍ଲ ରୋଗ ବା ଏସିଡିଟିରୁ ରକ୍ଷା ମିଳେ।
• ଆଫ୍ରିକୀୟ ଆଦିବାସୀଙ୍କ ମତରେ ବାଇଗଣ ପୋଡାକୁ ଗୋଟା ଖାଇଲେ କାଶ ସମସ୍ୟାରୁ ମୁକ୍ତି ମିଳେ। ସକାଳୁ ଖାଲି ପେଟରେ ବାଇଗଣ ଭର୍ତ୍ତାରେ ଅଳ୍ପ ଚିନି ମିଶାଇ ଖାଇଲେ ରକ୍ତଜନିତ ରୋଗର ଆଶଙ୍କା କମ୍ ହୁଏ।
• ମଧୁମେହ ରୋଗୀଙ୍କ ନିମନ୍ତେ ଏହା ଏକ ସର୍ବୋତ୍କୃଷ୍ଟ ପରିବା। ଏଥିରେ ଖାଦ୍ୟ ତନ୍ତୁ ପ୍ରଚୁର ପରିମାଣରେ ଥାଏ। ମଧୁମେହ ରୋଗୀ ଏହାକୁ ନିୟମିତ ଖାଇଲେ ଶରୀରରେ ଶର୍କରା ନିୟନ୍ତ୍ରଣରେ ରହେ।
• ହୃଦରୋଗୀଙ୍କ ପାଇଁ ଏହା ଉତ୍ତମ ପରିବା ଅଟେ। ଏହି ପରିବା ଖାଇଲେ ହୃଦରୋଗର ଆଶଙ୍କା ମଧ୍ୟ କମ୍ ହୋଇଥାଏ ବୋଲି ବିଶେଷଜ୍ଞଙ୍କ ମତ।

ଆପଣଙ୍କ ଅବସାଦ ଦୂର କରିବ ଜୀବନସାଥୀଙ୍କ କଳ୍ପନା !

ଏଥର ସମ୍ଭାଳ ବ୍ୟୁରୋ (ନୂଆଦିଲ୍ଲୀ) – ଯେବେ ଆପଣ ଚିନ୍ତାରେ କିମ୍ୱା କୌଣସି ସମସ୍ୟାରେ ରହୁଛନ୍ତି, ତେବେ ସେହି ସମୟରେ ଆପଣ ନିଜ ପାର୍ଟନର୍‌ଙ୍କ କଥା ଚିନ୍ତା କରନ୍ତୁ। ଆପଣ ଚିନ୍ତାରୁ ମୁକ୍ତି ପାଇପାରିବେ। ଏକଥା ଶୁଣି ଆପଣଙ୍କୁ ଥଟ୍ଟା ଲାଗିପାରେ କିନ୍ତୁ ଗବେଷଣାର ନିର୍ଯାସ ଏହା ହିଁ କହୁଛି।

ନିକଟରେ ଏକ ଗବେଷଣାରେ ଦାବି କରାଯାଇଛି ଯେ, ଚିନ୍ତାରେ ଥିବା ସମୟରେ ପାର୍ଟନର୍‌ଙ୍କ କଥା ଭାବିଲେ, ରକ୍ତଚାପ କମ୍‌ ହୋଇଥାଏ। ଏହି ଗବେଷଣାରେ ପ୍ରତିଯୋଗୀଙ୍କୁ ୩.୩ ଡିଗ୍ରୀ ସେଲ୍‌ସିୟସ୍‌ରୁ ୪.୩ ଡିଗ୍ରୀ ସେଲ୍‌ସିୟସ୍‌ରେ ଥଣ୍ଡା ପାଣିରେ ଏକ ମିନିଟ୍‌ ପାଇଁ ଗୋଡ଼ ବୁଡ଼ାଇ ରଖିବା ପାଇଁ କୁହାଯାଇଥିଲା। ଥଣ୍ଡା ପାଣିରେ ଶିରାରେ ଏକ ପ୍ରକାର ରିଆକସନ୍‌ ହୋଇଥାଏ, ଯାହାଦ୍ୱାରା ରକ୍ତରେ ଥିବା ଶିରାପ୍ରଶିରା ସଙ୍କୁଚିତ ହୋଇଥାଏ ଏବଂ କିଛି କ୍ଷଣ ପାଇଁ ହାଇପର୍‌ଟେନସନ୍‌ ଅନୁଭୂତ ହୋଇଥାଏ। ଏହି ସମୟରେ ପ୍ରତିଯୋଗୀଙ୍କ ସମ୍ମୁଖରେ ତାଙ୍କ ପାର୍ଟନର୍‌ଙ୍କୁ ରହିବା ପାଇଁ କିମ୍ୱା ତାଙ୍କ ବିଷୟରେ ଭାବିବା ପାଇଁ କୁହାଯାଇଥିଲା। ହାଇପର୍‌ ଟେନସନ୍‌କୁ ରୋକିବା ପାଇଁ ପାର୍ଟନର୍‌ର କଥା ମନରେ ଚିନ୍ତା କରିବା ଅଧିକ ଫଳପ୍ରଦ ହୋଇଥାଏ ବୋଲି ଗବେଷଣାରୁ ଜଣାପଡ଼ିଥିଲା।

ଏହି ଗବେଷଣାର ନେତୃତ୍ୱ ରିସର୍ଚ୍ଚ ୟୁନିଭରସିଟି ଅଫ୍‌ ଏରିଜୋନାର ଛାତ୍ର କେଲ୍‌ ବୋରାସା ନେଇଥିଲେ। ବୋରାସାଙ୍କ କହିବା ଅନୁସାରେ, “ଆମ ଜୀବନରେ ସମସ୍ୟା ଭରି ରହିଛି। କେବଳ ସମ୍ପର୍କ ସହାୟତାରେ ଏହିସବୁ ସମସ୍ୟାରୁ ମୁକୁଳି ହେବ। ଆମେ ପାର୍ଟନର୍‌ଙ୍କ ସହିତ ସିଧା କଥା ହୋଇ କିମ୍ୱା ତାଙ୍କର ଫଟୋକୁ ମନକୁ ଆଣି ଚିନ୍ତାମୁକ୍ତ ହୋଇପାରିବେ। ଅଫିସ୍‌, ପରୀକ୍ଷା କିମ୍ୱା ଅପରେସନ୍‌ ଏପରି ପରିସ୍ଥିତିରେ ପାର୍ଟନର୍‌ କଥା ଚିନ୍ତା କରି ଆପଣ ନିଜ ରକ୍ତଚାପକୁ ନିୟନ୍ତ୍ରଣ କରିପାରିବେ।”

ବୋରାସାଙ୍କର ଏହି ଗବେଷଣାରେ ୧୦୨ ଜଣ ଲୋକଙ୍କୁ ସାମିଲ୍‌ କରାଯାଇଥିଲା, ଯେଉଁମାନେ ଏକ ପ୍ରତିଶ୍ରୁତିବଦ୍ଧ ସମ୍ପର୍କରେ ରହିଥିଲେ। ଗବେଷଣାରେ ଏହି କଥାର ପୁଷ୍ଟି କରାଯାଇଥିଲା ଯେ, ହାଇପର୍‌ ଟେନସନ୍‌ରୁ ମୁକୁଳିବା ପାଇଁ ଜୀବନସାଥୀର କ’ଣ ଭୂମିକା ରହିଥାଏ। ଗବେଷଣାର ଫଳାପଳରୁ ଜଣାପଡ଼ିଥିଲା ଯେ, ଯେଉଁ ପ୍ରତିଯୋଗୀମାନେ ତାଙ୍କ ପାର୍ଟନର୍‌ଙ୍କ ବିଷୟରେ ଚିନ୍ତା କରିଥିଲେ, ତାଙ୍କର ବ୍ଲଡ୍‌ ପ୍ରେସର୍‌ ଅନ୍ୟ ପ୍ରତିଯୋଗୀଙ୍କଠାରୁ କମ୍‌ ଥିଲା। ଯେଉଁ ପ୍ରତିଯୋଗୀମାନେ ରିଲେସନ୍‌ସିପ୍‌ରେ ଅଧିକ ଖୁସି ଓ ସନ୍ତୁଷ୍ଟ ଥିଲେ, ସେମାନଙ୍କର ଅଧିକ ଫାଇଦା ହୋଇଥିଲା।

ବୟସ୍କମାନେ ବି ଏହି ସବୁ କାମ ପାଇଁ ବ୍ୟବହାର କରି ପାରିବେ ‘ବେବି ପାଉଡର୍’ ।

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ଘରେ ଛୋଟ ପିଲାଙ୍କ ପାଇଁ ସାଧାରଣତଃ ବେବି ପାଉଡର୍‌ ପ୍ରାୟ ସମସ୍ତେ ବ୍ୟବହାର କରିଥା’ନ୍ତି। ଶିଶୁଙ୍କ ସ୍କିନ୍‌ ଖୁବ୍‌ କୋମଳ ଥିବାରୁ ଇଆଡୁ ସିଆଡୁ ପାଉଡର୍‌ ବଦଳରେ ‘ବେବି ପାଉଡର୍‌’ ବ୍ୟବହାର ପାଇଁ ଡାକ୍ତର ମଧ୍ୟ ପରାମର୍ଶ ଦେଇଥା’ନ୍ତି। ତେବେ ‘ବେବି ପାଉଡର୍‌’କୁ କେବଳ ଶିଶୁଙ୍କ ପାଇଁ ନୁହେଁ, ବୟସ୍କମାନେ ବିଭିନ୍ନ ସମସ୍ୟାରୁ ମୁକ୍ତି ପାଇଁ ନିଜେ ବ୍ୟବହାର ମଧ୍ୟ କରିପାରିବେ। ଏବେ ଆସନ୍ତୁ ଜାଣିବା, ବୟସ୍କମାନେ ଅନ୍ୟ କେଉଁ ସବୁ କାମ ପାଇଁ ‘ବେବି ପାଉଡର୍‌’ ବ୍ୟବହାର କରିପାରିବେ।

୧. ଯଦି ଆପଣଙ୍କ କେଶ ଅଧିକ ତେଲିଆ ଲାଗି ଚିପ୍‌ଚିପ୍‌ କରୁଛି ଓ ଏହାକୁ ଶାମ୍ପୁ କରିବା ପାଇଁ ଆପଣଙ୍କ ସମୟ ନାହିଁ, ତେବେ କେଶରେ କିଛି ବେବି ପାଉଡର୍‌ ଛିଞ୍ଚି ଦିଅନ୍ତୁ କିମ୍ବା ପାନିଆରେ କିଛି ବେବି ପାଉଡର୍‌ ଲଗାଇ ମୁଣ୍ଡ କୁଣ୍ଡାଇ ଦିଅନ୍ତୁ। ଏହାଦ୍ୱାରା କେଶରୁ ଚିପ୍‌ଚିପ୍‌ ଦୂର ହୋଇଯିବ। ଶାମ୍ପୁ କରିବା ପରେ ଆପଣଙ୍କ କେଶ ସିଲ୍କି ଓ ସାଇନି ଦେଖାଯିବ।

୨. ଆଖି କଜଳ କିମ୍ବା ପତାରେ ମସ୍କରା ଲଗାଇ ସାରିବା ପରେ ତା’ର ଆଖପାଖ ଅଂଶରେ କିଛି ବେବି ପାଉଡର୍‌ ମାଲିସ୍ କରି ଦିଅନ୍ତୁ। ଏଭଳି କଲେ, ମସ୍କରା ଆଉ ଆଖିସାରା ବୋଳି ହୋଇଯିବାର ଆଶଙ୍କା ରହିବ ନାହିଁ।

୩. ଆପଣ ଯଦି ଓଠକୁ ‘ମ୍ୟାଟ୍‌ ଲୁକ୍‌’ ଦେବାକୁ ଚାହୁଁଛନ୍ତି, କିନ୍ତୁ ଆପଣଙ୍କ ପାଖରେ ମ୍ୟାଟ୍‌ ବଦଳରେ କେବଳ ଗ୍ଲସି ଲିପ୍‌ଷ୍ଟିକ ଅଛି, ତେବେ ବି ଚିନ୍ତା କରନ୍ତୁ ନାହିଁ। ଓଠରେ ଗ୍ଲସି ଲିପ୍‌ଷ୍ଟିକ୍‌ ଲଗାଇବା ପରେ ଏହା ଉପରେ ଟିକେ ବେବି ପାଉଡର୍‌ ଥାଫି ଥାପି ଲଗାନ୍ତୁ। ଏହା ପରେ ଏକ ଟିସୁ ପେପର୍‌କୁ ଦୁଇ ଓଠ ମଝିରେ ରଖି ଚାପି ଦିଅନ୍ତୁ, ଦେଖିବେ ଆପଣଙ୍କ ଓଠକୁ ‘ମ୍ୟାଟ୍‌ ଲୁକ୍‌’ ମିଳିଯିବ।

୪.ଖରା ଦିନେ ଅନେକଙ୍କ ପାଦରୁ ଝାଳ ବାହାରି ଜୋତାରୁ ଦୁର୍ଗନ୍ଧ ଆସିଥାଏ। ଆପଣଙ୍କ କ୍ଷେତ୍ରରେ ଯଦି ଏମିତି କିଛି ହେଉଛି, ତବେ କିଛି ବେବି ପାଉଡର୍‌ ଜୋତା ଭିତରେ ଛିଞ୍ଚି ଦିଅନ୍ତୁ। ଦେଖିବେ, କିଛି ସମୟପରେ ଆପଣଙ୍କ ଜୋତାରୁ ଦୁର୍ଗନ୍ଧ ବାହାରିବା ବନ୍ଦ ହୋଇଯିବ।

୫. ଅନେକ ସମୟରେ ଅସାବଧାନତା ଯୋଗୁ ଆପଣଙ୍କ ମନପସନ୍ଦର ଡ୍ରେସ୍‌ ବା ଅନ୍ୟ କପଡ଼ାରେ ତେଲ ପଡ଼ି ଦାଗ ହୋଇଯାଇଥାଏ। ଏହା ଦେଖିବାକୁ ଖରାପ ଲାଗିବା ସହ ଏଥିରୁ ତେଲିଆ ଗନ୍ଧ ମଧ୍ୟ ଆସିଥାଏ। କିଛି ବେବି ପାଉଡର୍‌ ନେଇ ତେଲ ପଡ଼ିଥିବା ସ୍ଥାନରେ ଲଗାଇ ଘସି ଦିଅନ୍ତୁ। ଏହାପରେ କପଡ଼ାକୁ ସଫା କରି ଦିଅନ୍ତୁ, ଦେଖିବା ତେଲ ଦାଗ ସମ୍ପୂର୍ଣ୍ଣ ଚାଲିଯିବ।

୬. ଅନେକ ସମୟରେ ଆମେ କିଛି ଗହଣା ଏକାଠି ରଖିଦେଲେ, ଏହା ପରସ୍ପର ସହ ଛନ୍ଦି ହୋଇଯା’ନ୍ତି। ଏଗୁଡ଼ିକୁ ଯେତେ ଖୋଲିବାକୁ ଚେଷ୍ଟା କଲେ ବି ଏ ସବୁ ଟଣା ଟଣି ହୋଇ ଆହୁରି ଗଣ୍ଠି ପଡ଼ିଯାଏ। ହେଲେ ବ୍ୟସ୍ତ ହୁଅନ୍ତୁ ନାହିଁ, ଆପଣଙ୍କର ଯଦି ଏଭଳି ସମସ୍ୟା ହେଉଛି, ତେବେ ଗଣ୍ଠି ପଡ଼ି ଯାଇଥିବା ଗହଣାରେ କିଛି ବେବି ପାଉଡର୍‌ ଲଗାଇ ଦିଅନ୍ତୁ। ଏହାଦ୍ୱାରା ଛନ୍ଦି ହୋଇଥିବା ଗହଣା ଅତି ସହଜରେ ଖୋଲିଯିବ।

୭. ଖରାଦିନେ ଘରର ବିଭିନ୍ନ ଜାଗାରେ ପିମ୍ପୁଡ଼ି ଭର୍ତ୍ତି ହୋଇଯା’ନ୍ତି। ବିଛଣାରେ, ରୋଷେଇଘରେ ଓ ଅନେକ ଜାଗାରେ ପିମ୍ପୁଡ଼ି ହୋଇଥା’ନ୍ତି। ତେବେ ପିମ୍ପୁଡ଼ି ହେଉଥିବା ସ୍ଥାନରେ ଆପଣ ଯଦି କିଛି ବେବି ପାଉଡର୍‌ ଛିଞ୍ଚିଦେବେ, ତେବେ ଦେଖିବେ କିଛି ସମୟ ଭିତରେ ପିମ୍ପୁଡ଼ି ସବୁ କୁଆଡ଼େ ଗାଏବ ହୋଇଯିବେ।

ଅତ୍ୟଧିକ ଗରମ ଚା’ ପିଉଛନ୍ତି କି? ସାବଧାନ୍, ହୋଇପାରେ କ୍ୟାନ୍‌ସର୍ ।

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ଚା’ ସାଧାରଣତଃ ଗରମ ହିଁ ପିଆଯାଏ। କାରଣ ଚା’ ଗରମ ଥିଲେ ହିଁ ପାଟିକୁ ତାଜା ଅନୁଭବ ଦିଏ। ତେବେ ଆପଣ ଜାଣନ୍ତି କି, ଅତ୍ୟଧିକ ଗରମ ଚା’ ଶରୀର ପାଇଁ କେତେ ହାନିକାରକ ? ଏକ ଗେବଷଣାରୁ ଜଣାପଡ଼ିଛି ଯେ ଅତ୍ୟଧିକ ଗରମ ଚା’ ପିଇଲେ, ଖାଦ୍ୟ ନଳୀ କିମ୍ବା ଗଳାରେ କ୍ୟାନ୍‌ସର୍‌ ହେବାର ଆଶଙ୍କା ଆଠଗୁଣା ଅଧିକ ବଢ଼ିଯାଏ।  ଇରାନ୍‌ର ଲୋକେ ଖୁବ୍‌ ଚା’ ପିଅନ୍ତି। ହେଲେ ଏମାନେ କେବେ ହେଲେ ଧୂମପାନ କି ତମାଖୁ ସେବନ କରନ୍ତି ନାହିଁ। କିନ୍ତୁ ସେମାନଙ୍କ ଠାରେ ଅଧିକ ମାତ୍ରାରେ ଇସୋଫେଗଲ୍‌ କ୍ୟାନସର୍ ସମସ୍ୟା ଦେଖିବାକୁ ମିଳିଛି। ଆଉ ଏହା ପଛର କାରଣ ହେଉଛି ଅତ୍ୟଧିକ ଗରମ ଚା’। ଗରମ ଚା’ ପିଇବା ଦ୍ୱାରା ଗଳାର ଟିସୁଗୁଡ଼ିକ ନଷ୍ଟ ହୋଇ ପରେ କ୍ୟାନ୍‌ସର୍‌ର ଆକ୍ରାନ୍ତ ହୁଅନ୍ତି। ଚା’କୁ ଆଞ୍ଚରୁ ଓହ୍ଲାଇବାର ଦୁଇମିନିଟ୍‌ ଭିତରେ ଯେଉଁମାନେ ପିଇଥା’ନ୍ତି, ସେମାନଙ୍କ କ୍ଷେତ୍ରରେ ଏହି ସମସ୍ୟା ଅଧିକ ଦେଖାଦିଏ। ତେଣୁ ଗବେଷକଙ୍କ ମତରେ, ଚା’କୁ କପ୍‌ରେ ଢ଼ାଳିବାର ୫ ମିନିଟ୍‌ ପରେ ର୍ହିଁ ଏହାକୁ ପିଇବା ଉଚିତ୍। ଏହି ଗବେଷଣାରେ ପ୍ରାୟ ୫୦ ହଜାର ଲୋକଙ୍କୁ ସାମିଲ କରାଯାଇଥିଲା। ଏହି ଗବେଷଣାରୁ ମିଳିଥିବା ତଥ୍ୟ ଅନୁଯାୟୀ, ଚା’ କପ୍‌ରେ ଢାଳିବା ଓ ପିଇବା ଭିତରେ ଅତି କମ୍‌ରେ ୪ରୁ ୫ ମିନିଟ୍‌ ଅନ୍ତର ରହିବା ଉଚିତ୍‌। ଗରମ ଚା’ ପିଇବା ଦ୍ୱାରା ଆସିଡିଟି, ଅଲ୍‌ସର୍ ଓ ପେଟ ସହ ଜଡ଼ିତ ଅନେକ ସମସ୍ୟା ହୋଇପାରେ। କେବଳ ଗରମ ଚା’ ନୁହେଁ, ଆହୁରି ଅନେକ ଜିନିଷ ରହିଛି, ଯାହାକି ଏତେ ଗରମ ହୋଇଥାଏ ଯେ ଏହା ପେଟର କୋଷିକାଗୁଡ଼ିକୁ ପ୍ରଭାବିତ କରିଥାଏ। ଫଳରେ ପେଟ ସହ ଜଡ଼ିତ ଅନେକ ସମସ୍ୟା ଦେଖାଦିଏ।

କେଶ ଝଡ଼ିବା ବନ୍ଦ ହେବ, ଖାଆନ୍ତୁ ଏହି ସବୁ ଖାଦ୍ୟ ।

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ପ୍ରାୟ ସବୁ ମହିଳା ଚାହାନ୍ତି ତାଙ୍କର ଲମ୍ବା, ଘନ ଓ ସୁନ୍ଦର କେଶ ହେଉ। କିନ୍ତୁ ଅବ୍ୟବସ୍ଥିତ ଜୀବନଶୈଳୀ, ପ୍ରଦୂଷଣ ଓ ଖାଦ୍ୟପେୟରେ ଅନୀୟମିତତା ଯୋଗୁ କେଶ ଝଡ଼ିଥାଏ। ହେଲେ ଆପଣ ଯଦି ଚାହିଁବେ ତେବେ ଆପଣଙ୍କ ଲମ୍ବା କେଶର ସ୍ୱପ୍ନକୁ ସାକାର କରିପାରିବେ। ଲମ୍ବା ଓ ମଜଭୂତ କେଶ ପାଇଁ କିଛି ପୋଷକ ତତ୍ତ୍ୱ ଥିବା ଦ୍ରବ୍ୟକୁ ବ୍ୟବହାର କଲେ କେଶ ଉପୁଡ଼ିବା ସମସ୍ୟାରୁ ମୁକ୍ତି ମିଳିବ। ଏଥିପାଇଁ ନିଜ ଖାଦ୍ୟରେ ଏମିତି କିଛି ଦ୍ରବ୍ୟକୁ ସାମିଲ କରିବାକୁ ହେବ। କାରଣ ନିଜ ଭୋଜନରେ ସେହି ଖାଦ୍ୟପେୟକୁ ନିୟମିତ ଖାଇଲେ କେଶ ଉପୁଡ଼ିବା ସମ୍ପୁର୍ଣ୍ଣ ବନ୍ଦ ହୋଇଯିବ। ଏ ବାବଦରେ ଆଜି ଆମେ ଆପଣଙ୍କୁ କିଛି ଉପକାରୀ ଟିପ୍ସ ବତାଇବୁ। ଯଦି ଆପଣ ଏଗୁଡ଼ିକୁ ଆପଣାନ୍ତି, ତେବେ ଆପଣଙ୍କ କେଶ ଲମ୍ବା, ଘନ ଓ ସୁନ୍ଦର ହେବ।

ଅଁଳା: ଅଁଳା କେଶ ପାଇଁ ଖୁବ ଉପକାରୀ । ଏହାର ଗୁଣ୍ଡ, ଜୁସ୍‌ କିମ୍ବା ଆଚାରକୁ ମଧ୍ୟ ଖାଇପାରିବେ। ଅଁଳାକୁ କେଶ ମୂଳରେ ଓ ମୁହଁରେ ମଧ୍ୟ ଲଗାଇ ପାରିବେ। ଅଁଳାରେ ଭିଟାମିନ ସି ଓ ଆଣ୍ଟିଅକ୍ସିଡ଼ାଣ୍ଟ ଗୁଣ ରହିଛି। ଯାହା କେଶକୁ ମଜଭୂତ, ଘନ କରିବା ସହ ଉପୁଡ଼ିବା ସମସ୍ୟାକୁ ଦୂର କରିଥାଏ।

ପାଳଙ୍ଗ ଶାଗ: କେଶ ପାଇଁ ପାଳଙ୍ଗ ଶାଗ ଖୁବ ଲାଭଦାୟକ ଅଟେ। ଏଥିରେ ଭିଟାମିନ ସି, ଇ, ବି ଆଦି ରହିଛି। ଏହାକୁ ନିୟମିତ ଖାଇଲେ କେଶ ମୂଳ ମଜଭୂତ ହୋଇଥାଏ।

ମେଥି: ସମସ୍ତଙ୍କ ଘରେ ମେଥି ନିଶ୍ଚୟ ଥାଏ। ଏହା ବହୁ ଛୋଟ ବଡ଼ ରୋଗ ପାଇଁ ମଧ୍ୟ ବ୍ୟବହାର କରାଯାଏ। ଏଥିରେ ଅଧିକ ମାତ୍ରାରେ ପ୍ରୋଟିନ ରହିଛି। ଯାହାକୁ ଖାଇବା ଦ୍ୱାରା ଓ କେଶରେ ଲଗାଇବା ଦ୍ୱାରା କେଶ ଲମ୍ବା ଓ ଘନ ହୋଇଥାଏ।

ନଡ଼ିଆ ତେଲ: ଘରେ ନଡ଼ିଆ ତେଲ ପ୍ରସ୍ତୁତ କରି ଏହାକୁ କେଶ ମୂଳରେ ମାଲିସ କରନ୍ତୁ। ନଡ଼ିଆ ତେଲ ବ୍ୟବହାର କରି ଖାଦ୍ୟ ପ୍ରସ୍ତୁତ କରି ମଧ୍ୟ ଖାଇପାରିବେ। ଯାହାଦ୍ୱାରା କେଶ ସୁସ୍ଥ ଓ ସୁରକ୍ଷିତ ରହିବ। 

ଶୀତଦିନେ ଖାଆନ୍ତୁ ସବୁଜ ଚଣା ।

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ଶୀତଦିନେ ଆପଣ ସ୍ୱାଦଯୁକ୍ତ ଖାଦ୍ୟର ଭରପୂର ମଜା ନେଇପାରିବେ। ଆପଣ ଯଦି ଫୁଡି, ଏହି ଋତୁ ହିଁ ଆପଣଙ୍କ ପାଇଁ ସର୍ବୋକୃଷ୍ଟ ସମୟ। ଏହି ଋତୁରେ ବ୍ରୋକେଲି, ପାଳଙ୍ଗ, ମଟର, ମେଥି ଶାଗ, ବଥୁଆ, ଗାଜର, ବିଟ୍‌ ପରି ପରିବା ଆପଣଙ୍କୁ ଆରାମ୍‌ରେ ମିଳୁଥିବାରୁ ସ୍ୱାଦିଷ୍ଟ ଓ ସ୍ୱାସ୍ଥ୍ୟକର ବ୍ୟାଞ୍ଜନ ପ୍ରସ୍ତୁତ କରିବା ଆପଣଙ୍କ ଲାଗି ସହଜ। ହେଲେ ଜାଣିରଖନ୍ତୁ, ଏମିତି କିଛି ପରିବା ଅଛି ଯାହାକୁ ଏହି ସମୟରେ ସେବନ କରିବା ଆପଣଙ୍କ ସ୍ୱାସ୍ଥ୍ୟପାଇଁ ଭଲ। ଆସନ୍ତୁ ଜାଣିବା ସେ ସମ୍ପର୍କରେ।

ସାଧାରଣତଃ ଶୀତଦିନେ ପାଳଙ୍ଗ, ଗାଜର ଏବଂ ମଟର ପରି ପରିବାକୁ ଆପଣ ଅଧିକ ଭାବେ ବ୍ୟବହାର କରିଥାନ୍ତି। କିନ୍ତୁ ଏପରି ଏକ ପରିବା, ଯାହାକୁ ଆପଣ ନଜରଅନ୍ଦାଜ କରିଥାନ୍ତି, ତାହା ହେଉଛି ସବୁଜ ଚଣା।

ସବୁଜ ଚଣାରେ ଏପରି ତତ୍ତ୍ୱ ରହିଛି, ଯାହାକୁ ଆପଣ ନିଜ ଡାଏଟ୍‌ ଚାଟ୍‌ରେ ସାମିଲ୍‌ କରିବା ନିହାତି ଦରକାର। ଆପଣ ଏହାକୁ କଞ୍ଚା ମଧ୍ୟ ଖାଇପାରିବେ ଏବଂ ଏଥିରେ ବିଭିନ୍ନ ବ୍ୟଞ୍ଜନ ମଧ୍ୟ ପ୍ରସ୍ତୁତ କରିପାରିବେ। ତେବେ ଆସନ୍ତୁ ଜାଣିବା ଆମ ଶରୀର ପାଇଁ ସବୁଜ ଚଣା କେତେ ଉପକାରୀ।

• ମଟର ପରି ସବୁଜ ଚଣାରେ ପ୍ରୋଟିନ୍‌ ଅଧିକ ମାତ୍ରାରେ ରହିଛି। ଏହା ଆପଣଙ୍କ ମାଂସପେଶୀକୁ ଶକ୍ତ କରିବାରେ ସାହାଯ୍ୟ କରିଥାଏ।
• ସବୁଜ ଚଣାରେ ଭିଟାମିନ୍‌ ‘ଏ’ ଓ ‘ସି’ ପ୍ରଚୁର ମାତ୍ରାରେ ରହିଥାଏ। ଯାହା ଶୀତଦିନେ ଅଧିକ ଆବଶ୍ୟକ ହୋଇଥାଏ। ଏଥିରେ ଆଣ୍ଟି-ଅକ୍ସିଡାଣ୍ଟ୍‌ ଗୁଣ ରହିଛି, ଯାହାଦ୍ୱାରା ଆପଣଙ୍କ ଇମ୍ୟୁନୋ ସିଷ୍ଟମ୍‌ ଓ ସ୍କିନ୍‌ ଠିକ୍‌ ରହିଥାଏ।
• ସବୁଜ ଚଣାରେ ଭିଟାମିନ୍‌ ‘ବି – ୬’ ଏବଂ ଫୋଲେଟ୍‌ ରହିଛି। ଏଥିରେ ଥିବା ଫୋଲେଟ୍‌ ଆପଣଙ୍କୁ ଚିନ୍ତା ମୁକ୍ତ ରଖିଥାଏ।
• ସବୁଜ ଚଣାକୁ ବାଟି ଆପଣ ଏଥିରେ ପରଟା ମଧ୍ୟ ତିଆରି କରିପାରିବେ। ଏହା ବ୍ୟତୀତ ଆପଣ ଏହାକୁ ଭାତ ଓ ଆମିଷ ବ୍ୟଞ୍ଜନରେ ପକାଇ ପ୍ରସ୍ତୁତ ମଧ୍ୟ କରିପାରିବେ।

ଆସିଡିଟିରୁ ମୁକ୍ତି ପାଇଁ ଏହି ୬ଟି ସାମଗ୍ରୀରୁ ଦୂରେଇ ରୁହନ୍ତୁ ।

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ଅନିୟମିତ ଜୀବନଚର୍ଯ୍ୟା ଓ ଖାଦ୍ୟ ଯୋଗୁ ଅଧିକାଂଶ ଲୋକ ବିଭିନ୍ନ ସ୍ୱାସ୍ଥ୍ୟ ସମସ୍ୟାରେ ପଡ଼ନ୍ତି। ଏହିଭଳି ଏକ ସ୍ୱାସ୍ଥ୍ୟ ସମସ୍ୟା ହେଉଛି ଆସିଡିଟି। ଆସିଡିଟି ବା ଅଜୀର୍ଣ୍ଣ ସମସ୍ୟା ଦେଖାଦେଲେ, ସାଧାରଣତଃ ପେଟ ଓ ଛାତିରେ ଜଳାପୋଡ଼ା ସହ ବାରମ୍ବାର ଆମ୍ୱିଳା ହାକୁଟି ହୋଇଥାଏ। ଏହା ବେଳେ ବେଳେ ଖୁବ୍‌ କଷ୍ଟଦାୟକ ବି ହୋଇଥାଏ। ଖାଇବା, ପିଇବାରେ ଅନିୟମିତତା ସାଙ୍ଗକୁ ଅନୁଚିତ ଖାଦ୍ୟାଭ୍ୟାସ ଆସିଡିଟିର ପ୍ରମୁଖ କାରଣ। ତେବେ, ଆଜି ଆମେ ଆପଣଙ୍କୁ କିଛି ଏପରି ଖାଦ୍ୟ ସାମଗ୍ରୀ ବିଷୟରେ କହିବୁ, ଯେଉଁଥିରୁ ଦୂରେଇ ରହିଲେ ଆପଣଙ୍କୁ ଆଉ ଆସିଡିଟି ସମସ୍ୟା ଭୋଗିବାକୁ ପଡ଼ିବ ନାହିଁ।

୧.ଚକୋଲେଟ୍: ପ୍ରାୟ ଅଧିକାଂଶଙ୍କୁ ଚକୋଲେଟ୍‌ ଖୁବ୍‌ ଭଲ ଲାଗେ। ହେଲେ ଏହା ପେଟ ପାଇଁ କ୍ଷତିକାରକ ମଧ୍ୟ ହୋଇପାରେ। ଚକୋଲେଟ୍‌ରେ କ୍ୟାଫିନ୍ ଓ ଥିୟୋବ୍ରୋମାଇନ୍ ପରି ପଦାର୍ଥ ରହିଛି, ଯାହା ଆସିଡିଟିର କାରଣ ସାଜିଥାଏ। ଏହା ସହ ଏଥିରେ ଥିବା ଅତ୍ୟଧିକ ମାତ୍ରାର କୋକୋ ସାମଗ୍ରୀ ଓ ଫ୍ୟାଟ୍‌ ମଧ୍ୟ ଶରୀର ପାଇଁ କ୍ଷତିକାରକ। ତେଣୁ ସମ୍ପୂର୍ଣ୍ଣ ବନ୍ଦ ନ ହେଲେ ବି ସୀମିତ ମାତ୍ରାରେ ଚକୋଲେଟ୍‌ ଖା’ନ୍ତୁ।

୨. ସୋଡ଼ା: ଆସିଡ଼ିଟି ହେବାରେ ସୋଡ଼ା ଓ ଅନ୍ୟ କାର୍ବୋନେଟେଡ୍ ପାନୀୟ ମଧ୍ୟ ପ୍ରମୁଖ କାରଣ ସାଜିଥାଏ। ଏସବୁ ପିଇବା ଦ୍ୱାରା ପେଟ ଭିତରେ କାର୍ବୋନେସନ୍‌ର ଫୋଟକା ସୃଷ୍ଟି ହୁଏ। ଫଳରେ ପେଟ ଜଳାପୋଡ଼ା ହୋଇଥାଏ।

୩.ଆଲ୍‌କହଲ୍: ବିଅର୍‌ ଓ ୱାଇନ୍ ପରି ମାଦକ ଦ୍ରବ୍ୟ ପେଟରେ ଗ୍ୟାଷ୍ଟ୍ରିକ୍‌ ଆସିଡ୍‌କୁ ବଢ଼ାଇବା ସହ ଶରୀରକୁ ଡିହାଇଡ୍ରେଟ୍‌ କରି ଆସିଡ୍‌ ସୃଷ୍ଟି କରିଥାଏ। କିନ୍ତୁ ତଥାପି ଯଦି ଆପଣ ଆଲ୍‌କହଲ୍‌ ପିଉଛନ୍ତି, ତେବେ ଏହାକୁ ସୋଡ଼ା କିମ୍ବା କାର୍ବୋନେଟେଡ୍ ଡ୍ରିଙ୍କ୍‌ସ୍‌ ସହ ମିଶାଇ ପିଅନ୍ତୁ ନାହିଁ।

୪. କ୍ୟାଫିନ୍: ଦିନରେ ଗୋଟିଏ କପ୍‌ ଚା’ କିମ୍ବା କଫି ପିଇବା ଉଚିତ୍। କିନ୍ତୁ ଏହା ଅତ୍ୟଧିକ ସେବନ କଲେ, ଆପଣ ଆସିଡିଟିର ଶିକାର ହେବେ। କାରଣ ଏଥିରେ କ୍ୟାଫିନ୍‌ର ମାତ୍ରା ଅଧିକ ଥାଏ। ଯାହା ଦ୍ୱାରା ପେଟ ଭିତରେ ଗ୍ୟାଷ୍ଟ୍ରିକ୍ ଆସିଡ୍‌ ସୃଷ୍ଟି ହୁଏ। ତେଣୁ କେବହେଲେ ଖାଲି ପେଟରେ ଚା’ କି କଫି ପିଅନ୍ତୁ ନାହିଁ।

୫. ତେଲ ମସଲାଯୁକ୍ତ ଖାଦ୍ୟ: ଅତ୍ୟଧିକ ତେଲ ମସଲାଯୁକ୍ତ ଖାଦ୍ୟ ଖାଇଲେ ଏହା ପେଟରେ ଅଧିକ ସମୟ ଯାଏ ହଜମ ନ ହୋଇ ରହିଥାଏ। ଫଳରେ ପାଚନ କ୍ରିୟା ପ୍ରଭାବିତ ହୋଇ ଆସିଡିଟି ହେବାର ଆଶଙ୍କା ବଢ଼ିଯାଏ। ଲଙ୍କା ଗୁଣ୍ଡ, ଗରମ ମସଲା ଓ ଗୋଲମରିଚ ମଧ୍ୟ ପ୍ରାକୃତିକ ରୂପରେ ହିଁ ଆସିଡିକ୍ ହୋଇଥାଏ। ଫଳରେ ଏ ସବୁ ଅଧିକ ଖାଇବା ଦ୍ୱାରା ଆସିଡିଟି ହୋଇଥାଏ। ଏହା ବ୍ୟତୀତ ଛଣା ଜିନିଷ ଓ ଫାଷ୍ଟଫୁଡ୍‌କୁ ମଧ୍ୟ ଆପଣଙ୍କ ନିୟମିତ ଖାଦ୍ୟ ତାଲିକାରୁ ବାଦ୍‌ ଦିଅନ୍ତୁ।

୬. ଖଟା ଫଳ: ସମସ୍ତେ ଜାଣନ୍ତି, ଫଳ ସ୍ୱାସ୍ଥ୍ୟ ପକ୍ଷେ ହିତକର। ହେଲେ କିଛି ଖଟା ଫଳ ଅଛି, ଯାହା ଖାଲି ପେଟରେ ଖାଇଲେ ଆସିଡିଟି ହେବାର ଆଶଙ୍କା ରହିଛି। କମଳା, ଲେମ୍ବୁ, ଟମାଟୋ, ଜାମୁ କୋଳି ପରି ଖଟା ଫଳ ଅତ୍ୟଧିକ ଅମ୍ଳିୟ ହୋଇଥାଏ। ତେଣୁ ଖାଲି ପେଟରେ ଏଗୁଡ଼ିକୁ ଖାଇଲେ, ଆସିଡିଟି ହୋଇ ପେଟ, ଛାତି ଜଳାପୋଡ଼ା କରିଥାଏ।