ସରକାର ଙ୍କୁ ଚେତାବନୀ ଦେଲେ ଗ୍ରାମବାସୀ !

!!! କନ୍ଧମାଳ ଜିଲ୍ଲା ଖଜୁରୀପଡ଼ା ରୁ ବିକାଶ ଦିଗଲ ଙ୍କ ରିପୋର୍ଟ !!!

ଏଥର ସମ୍ଭାଳ (କନ୍ଧମାଳ) – କନ୍ଧମାଳ ଜିଲ୍ଲା ଖଜୁରୀପଡ଼ା ତହସିଲ୍ ଅନ୍ତର୍ଗତ ଖଜରୀପଡ଼ା ମୌଜାର ସୁରାଦେଇ ଗ୍ରାମରେ ବେଆଇନ୍ ଭାବେ ଜବର୍ ଦଖଲ୍ କରି ରହିଛନ୍ତି କିଛି ପରିବାର। ସେହି ପରିବାର ମାନଙ୍କର ନିଜ ନିଜ ଗ୍ରାମରେ ଜମିବାଡ଼ି, ଘର ଦ୍ବାର ଥିବା ସତ୍ବେ ଜବର ଦଖଲ କରି ରହୁଛନ୍ତି। ଏମାନଙ୍କ ମଧ୍ୟରେ କିଛି ବ୍ୟବସାୟୀ,ସରକାରୀ ଚାକିରିଆ ଏବଂ ଧନି ଶ୍ରେଣୀର , ଇତ୍ୟାଦି ଲୋକ ମାନେ ବିଭିନ୍ନ କିସମର ସରକାରୀ ଜାଗାରେ ଯବର୍ ଦାଖଲ କରିରହିବା ସହିତ ଘର ଭଡ଼ାରେ ମଧ୍ୟ ଲଗାଇଛନ୍ତି। ଏହି ଜବର ଦଖଲ କରି ରହିଥିବା ଲୋକ ମାନେ ଅସାମାଜିକ କାର୍ଯ୍ୟ କରୁଥିବା ମଧ୍ୟ ପ୍ରମାଣ ରହିଛି। ସରକାରଙ୍କ ତରଫରୁ ଏହି ଜବର ଦଖଲ ଉଚ୍ଛେଦ ପାଇଁ ସୁରାଦେଇ ଗ୍ରାମବାସୀ ଅନେକ ଥର ଜିଲ୍ଲାପାଳ, ଉପ ଜିଲ୍ଲାପାଳଙ୍କୁ ଲିଖିତ ଭାବେ ଜଣେଇଥିଲେ ମଧ୍ୟ ସରକାରଙ୍କ ତରଫରୁ କୌଣସି କାର୍ଯ୍ୟାନୁଷ୍ଠନ ନିଆଯାଇନାହିଁ। ଏହି ଜବର ଦଖଲ ଉଚ୍ଛେଦ ପାଇଁ ସରକାର ଗ୍ରାମବାସୀଙ୍କୁ ବାରମ୍ବାର ପ୍ରତିଶୃତି ହିଁ ଦେଇଥିଲେ। କିନ୍ତୁ ପ୍ରତିଶ୍ରୁତି ପ୍ରତିଶ୍ରୁତି ରେ ହିଁ ରହିଯାଇଥିବାରୁ ଗ୍ରାମବାସୀ ଆଗାମୀ ଫେବୃଆରୀ 28 ତାରିଖରେ ଏକ ନମ୍ୱର୍ ରାଜ୍ୟ ରାଜପଥ ଫୁଲବାଣୀ-ମାଧପୁର ରାସ୍ତା ଅବରୋଧ ପାଇଁ ଚେତାବନୀ ଦେଇ ଖଜରୀପଡ଼ା ଥାନା ଅଧିକାରୀଙ୍କୁ ଲିଖିତ ଭାବେ ଜଣାଇ ଛନ୍ତି।