“ପଦ୍ମପୁର ଥାନାଅଞ୍ଚଳରୁ ବିପୁଳ ମାତ୍ରାରେ ଗଞ୍ଜେଇଜବତ ଏକ ଟ୍ରକସହ ଜଣେ ଗିରଫ”…!
!!! ରାୟଗଡ଼ା ରୁ ଜିଲ୍ଲା ପ୍ରତିନିଧି ପି. ଦିଲ୍ଲୀପ କୁମାର ଙ୍କ ରିପୋର୍ଟ୍ !!!
ଏଥର ସମ୍ଭାଳ(ରାୟଗଡ଼ା) – ରାୟଗଡ଼ା ଜିଲ୍ଲାରେ ଗଞ୍ଜେଇ ମାଫିଆଙ୍କ ଭୂସ୍ବର୍ଗ ପାଲଟିଛି।ପ୍ରାୟ ସବୁଦିନେ କହିଲେ ଅତ୍ୟୁକ୍ତି ହେବ ନାହିଁ।ଗଞ୍ଜେଈ କେଉଁଠି କେଉଁଠି ଧରାପଡୁଛି ଖବର କାଗଜରେ ପୃଷ୍ଠା ମଣ୍ଡନ କରୁଛି।ଏହି ପ୍ରଶ୍ନ ରାୟଗଡ଼ା ଜିଲ୍ଲାରେ ବୁଦ୍ଧିଜୀବୀ ଓ ଜନସାଧାରଣଙ୍କ ମହଲରେ ଏକ ଗୁଞ୍ଜରଣ ସୃଷ୍ଟି କରୁଛି। ପୋଲିସ ଓ ଅବକାରୀ ବିଭାଗ ତତ୍ପର ଥିଲେସୁଦ୍ଧା କାହିଁକି ରୋକା ଯାଇପାରୁନି ଏହାର ରହସ୍ୟ କଣ ଭେଦ କରିବାକୁ ପଡିବ।ନଚେତ ଏହିଭଳି ପୋଲିସ ଧରୁଥିବା କାମ ଜାରୀରହିଲେ ସୁଦ୍ଧା କିଛିଫଳ ମିଳିବନାହିଁ ବୋଲି ଜନସାଧାରଣରେ ଗୁଞ୍ଜରଣ ସୃଷ୍ଟି ହେଇଚି।
ଏହି ଗୁଞ୍ଜରଣ ପୋଲିସ ଓ ଅବକାରୀ ବିଭାଗର ଅପାରଗତା ଆଡକୁ ଅଙ୍ଗୁଳି ନିର୍ଦେଶ କରୁନାହିଁତ? ସେହିଭଳି ଗତକାଲି ଆଉ ଏକ ବଡଧରଣର ସଫଳତା ପାଇଛି ରାୟଗଡ଼ା ଜିଲ୍ଲା ପଦ୍ମପୁର ଥାନା ଅଞ୍ଚଳର କେନ୍ଦୁଗୁଡା ନିକଟରେ ଏକ କୁଇଣ୍ଟାଲରୁ ଅଧିକ ଗଞ୍ଜେଇ ଜବତ ହେଇଚି ଏଥିସହ ଏକ ଟ୍ରକ ଯାହାକି ଗଞ୍ଜେଈ ବୋଝେଇ ହୋଇ ବେଆଇନ ଭାବେ ଚାଲାଣ କରାଯାଉଥିଲା ଟ୍ରକ ନମ୍ବର ୱେ ବି ୦୩ ସି ୫୫୯୪କୁ ଜବତ କରିଛି ଓ ଗୋଟିଏ ମୋବାଇଲ ଫୋନସହ ଜଣକୁ ଗିରଫ କରି କୋର୍ଟଚାଲାଣ କରିଛି ପୁଲିସ। ପଦ୍ମପୁର ଥାନା ଅଧିକାରୀଙ୍କ କହିବା ଅନୁସାରେ ରାୟଗଡ଼ା ପଟରୁ ଗଂଜାମ ନୂଆଗାଁ ଆଡକୁ ଦେଇ ଯାଉଥିବା ସମୟରେ କେନ୍ଦୁଗୁଡା ତନଖି ଫଟାକ ନିକଟରେ ତନଖି ସମୟରେ ଏହି ଗିରଫ ଓ ଗଞ୍ଜେଈ ଜବତ କରାଯାଇ ପଦ୍ମପୁର ଥାନା କେସ ନମ୍ବର ୮୨/୨୫-୦୯-୨୧ ଏନ ଡି ପି ଏସ ଧାରା ଅନୁଯାଇ କେସ ରୁଜୁ କରି ତଦନ୍ତ ଚାଲିଛି।ଏହା ପଛରେ କାହାର ହାତରହିଛି ତାହା ତଦନ୍ତପରେ ଜଣାପଡିବ ବୋଲି ପୋଲିସ ପ୍ରକାଶ କରିଛି।