ଉଦଘାଟିତ ହେଲା ସୁନୀଲ ମେମୋରିଆଲ ଡିୟୁଜ ବଲ କ୍ରିକେଟ ଟୁର୍ଣ୍ଣାମେଣ୍ଟ…!

!!! ରାୟଗଡ ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଶୀ ଙ୍କ ରିପୋର୍ଟ୍ !!! 

ଏଥର ସମ୍ଭଳ(ଗୁଣପୁର) – ରାୟଗଡ଼ା ଜିଲ୍ଲା ଗୁଣପୁର ମିନି ଷ୍ଟାଡିୟମ ଠାରେ ସକାଳ ୯:୩୦ ମିନିଟ୍ ସମୟରେ ରେ ସୁନୀଲ ମେମୋରିଆଲ ଚାରିଟେବୁଲ ଫାଉଣ୍ଡେସନ, ଭୁବନେଶ୍ବର ପକ୍ଷରୁ ଶିକ୍ଷକ ନେତା ତଥା ସାମ୍ବାଦିକ ଙ୍କ ପିତାମହ ତଥା କ୍ରୀଡ଼ା ପ୍ରେମୀ ସ୍ଵର୍ଗତ. ସୁନୀଲ କୁମାର ଦାଶ ଙ୍କ ସ୍ମୃତି ରେ ଏକ ଡ୍ୟୁଜ୍ ବଲ କ୍ରିକେଟ ଟୁର୍ଣ୍ଣାମେଣ୍ଟ ଆୟୋଜିତ ହୋଇଯାଇଛି । ଏହା ଆଜିଠାରୁ ଆରମ୍ଭ ହୋଇ ଆଗାମୀ ୧୭ ତାରିଖ ରେ ସମାପ୍ତ ହେବା ବୋଲି ସୁନୀଲ ମେମୋରିଆଲ ଚାରିଟେବୁଲ ଫାଉଣ୍ଡେସନ ର ନିର୍ଦ୍ଦେଶକ ଶ୍ରୀ ଶକ୍ତି ଦାଶ ସୂଚନା ଦେଇଛନ୍ତି ।

ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଗୁଣପୁର ପୌର ପରିଷଦ ଉପାଧ୍ୟକ୍ଷ ଶ୍ରୀ ଶିବ ପ୍ରସାଦ ଗୌଡ ଓରଫ୍ ସାନ ଗୌଡ, ସମ୍ମାନିତ ଅତିଥି ଭାବେ ଓକିଲ ସଂଘ ସଭାପତି ଶ୍ରୀ ଗୌରୀ ଶଙ୍କର ଦାଶ, ମହର୍ଷି ଗୁରୁକୁଳ ର ଅଧ୍ୟକ୍ଷ ଶ୍ରୀ ସନ୍ତୋଷ କୁମାର ଗୁରୁ ଓ ସମ୍ପାଦକ ଶ୍ରୀ ରାଜେଶ କୁମାର ପଣ୍ଡା, କ୍ରୀଡାବିତ୍ ରବିନ୍ଦ୍ର କୁମାର ପଣ୍ଡା, ସାମାଜ ସେବୀ କୃଷ୍ଣ ମାଧବ ଦାଶ, କଳିଙ୍ଗ ସାମ୍ବାଦିକ ସଙ୍ଘ ର ଉପ ସଭାପତି ଶ୍ରୀ ସୂର୍ଯ୍ୟ ପ୍ରକାଶ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ।

ଆଜି ପ୍ରଥମ ଦିନ ମ୍ୟାଚ୍ ଟି ପାରଳାଖେମୁଣ୍ଡି ଓ ଗୁଣପୁର ଜି.ଆଇ.ଇ. ଟି ବିଶ୍ୱ ବିଦ୍ୟାଳୟ ମଧ୍ୟ ରେ ହୋଇଥିଲା ।ଏଥିରେ ପ୍ରଥମେ ଜି.ଆଇ.ଇ. ଟି ବିଶ୍ୱ ବିଦ୍ୟାଳୟ ଟଚ ଜିତି ବ୍ୟାଟିଂ କରିବା ନିଷ୍ପତ୍ତି ନେଇ ସମୁଦାୟ ୨୫ ଓଭର ଖେଳି ୯ ଗୋଟି ୱିକେଟ ହରାଇ ୧୩୭ ରନ୍ କରିଥିବା ବେଳେ ପାରଳାଖେମୁଣ୍ଡି ଦ୍ଵିତୀୟ ପର୍ଯ୍ୟାୟ ରେ ୨୪ ଓଭର ୩ ଟି ବଲ ଖେଳି ୩ ୱିକେଟ ରେ ବିଜୟୀ ହୋଇଛି। ଜି.ଆଇ.ଇ. ଟି ବିଶ୍ୱ ବିଦ୍ୟାଳୟ ପକ୍ଷରୁ ପ୍ରୀତମ ପ୍ରଧାନ ସର୍ବାଧିକ ୪୧ ରନ୍ କରିଥବା ବେଳେ ପାରଳାଖେମୁଣ୍ଡି ପକ୍ଷରୁ ସୁନିତ ବେହେରା ସର୍ବାଧିକ ୪୭ ରନ୍ କରି ମେନ ଅଫ୍ ଦି ମ୍ୟାଚ୍ ଲାଭ କରିଛନ୍ତି ଏବଂ ପାରଳାଖେମୁଣ୍ଡି ପକ୍ଷରୁ ସର୍ବାଧିକ ଭାବେ ପି ସତୀଶ ୩ ଗୋଟି ଓ ଶୁଭମ୍ ରାଉତ ୩ ଗୋଟି ୱିକେଟ ନେଇଥିଲେ।

ରାୟଗଡ଼ ରାଜସ୍ବ କ୍ଷେତ୍ର ଅଧିକାରୀ ସଂଘ ବାର୍ଷିକ ସମ୍ମିଳନୀ ଏବଂ ସାଧାରଣ ନିର୍ବାଚନ

ଏଥର ସମ୍ଭାଳ ବ୍ୟୁରୋ (ରାୟଗଡ଼) – ରାୟଗଡ଼ ସହର ବିଜୁ ପଟ୍ଟନାୟକ ଓଡ଼ିଟରୀୟମ ଠାରେ ଓଡ଼ିଶା ରାଜସ୍ୱ କ୍ଷେତ୍ର ଅଧିକାରୀ ସଂଘ ରାୟଗଡ଼ ଶାଖାର ବାର୍ଷିକ ସମ୍ମିଳନୀ ଏବଂ ସାଧାରଣ ନିର୍ବାଚନ ଅନୁଷ୍ଠିତ ହୋଇଯାଇଛି। ଏହି ଅବସରରେ ରାଜସ୍ଵ କ୍ଷେତ୍ର ଅଧିକାରୀ ସଂଘ ରାଜ୍ୟ ସଭାପତି ସୁଚନ୍ଦ୍ର ମହାନ୍ତି ଉପ ସଭାପତି ଏନ ପ୍ରଭାକର, ଷ୍ଟ୍ରିଁଙ୍ଗ କମିଟି ଅଧ୍ୟକ୍ଷ ଦୁର୍ଯ୍ୟଧନ ନାୟକ, ଗଜପତି ସଭାପତି ନିରଞ୍ଜନ ସ୍ୱାଇଁ, କଟକରୁ ଆସିଥିବା ସଂପାଦକ ଅରୁଣ ବିଶ୍ଵାଳ, ଅଶ୍ଵିନୀ ପଣ୍ଡା, ଅରୁଣ କୁମାର ଦାସ, ଉପଦେଷ୍ଟା ତଥା ନିର୍ବାଚନ ନିରୀକ୍ଷକ ଶରତ ଚନ୍ଦ୍ର ଆନନ୍ଦ, ରାୟଗଡ଼ ଜିଲ୍ଲା ନିର୍ବାଚନ ଅଧିକାରୀ ସୁଧୀର କୁମାର ପ୍ରଧାନ ପ୍ରମୁଖ ମଞ୍ଚାସିନ ଥିଲେ। ଉପସ୍ଥିତ ଅଧିକାରୀ ମାନେ ସଂଘ ପରିଚାଳନା ଏବଂ ସମସ୍ୟା ଗୁଡ଼ିକର ସମାଧାନ ଉପରେ ଆଲୋଚନା କରିଥିଲେ। ଏହି ପରିପେକ୍ଷୀରେ ରାୟଗଡ଼ ରାଜସ୍ଵ କ୍ଷେତ୍ରର ନୂତନ କର୍ମକର୍ତ୍ତା ମଧ୍ୟ ଚୟନ ହୋଇଥିଲେ। ବେଲେଟ ପେପର ମାଧ୍ୟମରେ ଭୋଟିଂ ହୋଇଥିଲା। ଆର ଆଇ ଅଫିସ, ନେଟ ସମସ୍ୟା, ମୋବାଇଲ ବିଲ୍, ଲାପଟପ୍ ପ୍ରଦାନ କରାଯାଉ, ଗ୍ରେଡ୍ ପେ, ପଦ ଉନ୍ନତି ଭଳି ବିଷୟ ଗୁଡ଼ିକୁ ଆଖି ଆଗରେ ରଖି ନୂତନ କର୍ମକର୍ତ୍ତା ଚୟନ କରିଥିଲେ।

ସଂଘରେ ଥିବା ସମସ୍ତ ସଦସ୍ୟ ରାୟଗଡ଼ ଶାଖା ପାଇଁ ସଭାପତି ଭାବରେ ମନୋଜ କୁମାର ଶବର, ଉପ ସଭାପତି ଭାବରେ ଧରଣି ରଞ୍ଜନ ବେହେରାଙ୍କୁ ଗୁଣୁପୁର ଜୋନ ପାଇଁ ଏବଂ କୃଷ୍ଣ ଶବରଙ୍କୁ ରାୟଗଡ଼ ଜୋନ ପାଇଁ ନିର୍ବାଚିତ ହୋଇଛନ୍ତି। ସେହିଭଳି ସଂପାଦକ ଭାବେ ବାଳକୃଷ୍ଣ ବେହେରା, କୋଷାଧ୍ୟକ୍ଷ ସୁଧିର କୁମାର ସେଠୀ, ଯୁଗ୍ମ ସମ୍ପାଦକ ମିନାକ୍ଷୀ ପାଣିଗ୍ରାହୀ, ପରିଚାଳନା ସମ୍ପାଦକ ଭାବରେ ଦେବଦତ୍ତ ପଣ୍ଡା, ଆନନ୍ଦ ବମ୍ମାନା, କେ. ମଣିକାଣ୍ଟା ଚୟନ ହେଇଛନ୍ତି। ସଂଘ ସୁରୁଖୁରୁରେ ଏବଂ ଶୃଙ୍ଖଳିତ ଭାବେ ମାର୍ଗ ଦର୍ଶକ ଓ ଉପଦେଷ୍ଟା ଭାବରେ ଶିବାନନ୍ଦ ଦାସ, ବାପୁନ ବେହେରା, ବାଳକୃଷ୍ଣ ରଥ, ଅଶୋକ ଦାସ, ନମିତା ଗମାଙ୍ଗ, ଦେବି ପ୍ରସାଦ ମଲ୍ଲିକ ଓ ପ୍ରଦିପ କୁମାର ପାଣିଗ୍ରାହୀ ପ୍ରମୁଖ ରହିଛନ୍ତି।

ଜିଲ୍ଲା ସ୍ତରୀୟ ଗୁରୁ ଦିବସ ଉତ୍ସବ ଓ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର ସମାରୋହ ପାଳିତ

ଏଥର ସମ୍ଭାଳ ବ୍ୟୁରୋ (ରାୟଗଡ) – ରାୟଗଡ଼ ଜିଲ୍ଲା ସ୍ତରୀୟ ଗୁରୁ ଦିବସ ଓ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର ସମାରୋହ ସରକାରୀ ଉଚ୍ଚ ବିଦ୍ୟାଳୟ ପରିସରରେ ପାଳିତ ହୋଇଯାଇଛି। ଜିଲ୍ଳାପାଳ ଶ୍ରୀ ଆଶୁତୋଷ କୁଲକର୍ଣ୍ଣି ଯୋଗ ଦେଇ ଶ୍ରୀଜଗନ୍ନାଥ ଓ ସର୍ବପଲ୍ଲୀ ରାଧାକ୍ରିଷ୍ଣନଙ୍କ ଫଟୋଚିତ୍ରରେ ମାଲ୍ୟାର୍ପଣ ଓ ପ୍ରଦୀପ ପ୍ରଜ୍ଜ୍ଵଳନ କରିଥିଲେ । ବରେଣ୍ଯ ଅତିଥି ରୂପେ ଜିଲ୍ଲା ପରିଷଦ ଅଧ୍ୟକ୍ଷା ସୁଶ୍ରୀ ସରସ୍ବତୀ ମାଝୀ, ଜିଲ୍ଲା ଶିକ୍ଷାଧିକାରୀ ରାମଚନ୍ଦ୍ର ନାହାକ, ଜିଲ୍ଲା ମଙ୍ଗଳ ଅଧିକାରୀ ଅସୀମା ରାଓ, ଜିଲ୍ଲା ଶିକ୍ଷା ଓ ପ୍ରଶିକ୍ଷଣ ପ୍ରତିଷ୍ଠାନ, ବିଷମକଟକର ଅଧ୍ୟକ୍ଷ ଜଗନ୍ନାଥ ମେହେର ଓ ଏଡିଇଓ ଭଜନଲାଲ ମାଝୀ ପ୍ରମୁଖ ମଞ୍ଚାସୀନ ଥିଲେ ।

ରାୟଗଡ ଭଳି ଜିଲ୍ଲାରେ ଶିକ୍ଷାର ଗୁଣାତ୍ମକ ବିକାଶର ଆବଶ୍ୟକତା ରହିଛି । ମୌଳିକ ଭାଷା ଓ ସଂଖ୍ୟାଜ୍ଞାନର ବିକାଶ ଶିଶୁଙ୍କ ଜ୍ଞାନର ଭିତ୍ତିଭୂମିକୁ ସୁଦୃଢ କରିପାରିବ। ଶିକ୍ଷକ ଶିକ୍ଷା ସହିତ ଶିଶୁଙ୍କ ଶୃଙ୍ଖଳା, ଚରିତ୍ର ଗଠନ ସହ ସାମାଜିକ ଚଳଣି ଆଦିର ପରିବର୍ତ୍ତନରେ ସହାୟକ ହୋଇଥାନ୍ତି । ଅବସର ପ୍ରାପ୍ତ ଶିକ୍ଷକ ଅନୁଭୂତିସମ୍ପର୍ଣ ଅଟନ୍ତି। ଜିଲ୍ଲାରେ ଅଧାରୁ ପାଠ ଛାଡୁଥିବା ପିଲାଙ୍କୁ ମୁଖ୍ଯ ସ୍ରୋତକୁ ଆଣିବାରେ ସେମାନଙ୍କ ସହଯୋଗ କାମନା କରିଥିଲେ ।ଜିଲ୍ଲା ଶିକ୍ଷାଧିକାରୀ ଶ୍ରୀ ନାହାକ ମୁଖ୍ଯମନ୍ତ୍ରୀ ଶିକ୍ଷା ଯୋଜନାର ଆଭିମୁଖ୍ଯ ଓ ବିବରଣୀ ଉପସ୍ଥାପନ କରିଥିଲେ ।

ଏହି ଅବସରରେ ଚଉଦ ଜଣ ଉଚ୍ଚ ବିଦ୍ୟାଳୟ, ଦଶଜଣ ପ୍ରାଥମିକ ଓ ଜଣେ ସି ଆର ସି ସି ଙ୍କୁ ପୁରସ୍କୃତ କରାଯାଇଥିଲା । ଦ୍ବିତୀୟ ଅଧିବେଶନରେ ଜିଲ୍ଲା ପ୍ରାଥମିକ ଶିକ୍ଷକ ସଙ୍ଘ ତରଫରୁ ରାୟଗଡ ଜିଲ୍ଲାରୁ ଆସିଥିବା ଅଠେଇଶି ଜଣ ଅବସରପ୍ରାପ୍ତ ଶିକ୍ଷକଙ୍କୁ ପୁଷ୍ପଗୁଚ୍ଛ , ଉପଢୌକନ ଓ ମାନପତ୍ର ମାଧ୍ୟମରେ ସମ୍ମାନିତ କରାଯାଇଥିଲା । ଅବସରପ୍ରାପ୍ତ ଶିକ୍ଷକଙ୍କ ଆଦର୍ଶ ଓ କର୍ମଠତାରୁ ଶିକ୍ଷା ମିଳିଥାଏ , ନୂତନ ପିଢି ଉପରେ ଏହାର ସୁପ୍ରଭାବ ରହିଥିବା ଜିଲ୍ଲା ସଂପାଦକ ନୀଳାଞ୍ଚଳ ମିଶ୍ର କହିଛନ୍ତି ।

ଆୟୋଜନରେ ଜିଲ୍ଲାଶିକ୍ଷାଧୀଶଙ୍କ କାର୍ଯ୍ଯାଳୟ, ବାଳିକା ଉଚ୍ଚ ବିଦ୍ୟାଳୟର କର୍ମକର୍ତ୍ତାଗଣ, ଜିଲ୍ଲା ଶିକ୍ଷକ ସଂଘର ସଂଗଠକ ସାନନ୍ଦ ବେନିଆ, କୋଷାଧ୍ୟକ୍ଷ ନୀଳାଚଳ ପଣ୍ଡା, ସଂଗଠନ ସମ୍ପାଦକ ମହେନ୍ଦ୍ର ବାଗ, ରାଜ୍ୟ ଉପସଭାପତି ନରେଶ ସିଂ, ରାଜ୍ୟ ଆଞ୍ଚଳିକ ସମ୍ପାଦକ ଦୀପକ ରାଉତ, ରାୟଗଡ଼ ବ୍ଳକ ସଭାପତି ସଦାନନ୍ଦ ନାୟକ, ସୁରେଶ ପଟ୍ଟନାୟକ, ପୁରନ୍ଦର ପାଣି, ସରୋଜ କୁମାର ପତ୍ରି, ବିଜୟ କୁମାର ପଣ୍ଡା, ପ୍ରଦୀପ ତ୍ରିପାଠୀ ପ୍ରମୁଖ ସହଯୋଗ କରିଥିଲେ ।

“ଏକ ପେଡ ମା କେ ନାମ ” କାର୍ଯ୍ୟକ୍ରମ ଅନୁ୍ଷ୍ଠିତ

ଏଥର ସମ୍ଭାଳ ବ୍ୟୁରୋ (ରାୟଗଡ଼) – ରାୟଗଡା ଜିଲ୍ଲା କାଶୀପୁର ବ୍ଲକ ସଦର ସ୍ଥିତ କାଶୀପୁର ବନ ବିଭାଗ କାର୍ଯ୍ୟାଳୟ ସିପିଯୋଡି ଠାରେ “ଏକ ପେଡ ମା କେ ନାମ ” କାର୍ଯ୍ୟକ୍ରମ ଅନୁଷ୍ଠିତ ହେଇଯାଇଛି। କାଶୀପୁର ବନ ବିଭାଗ ଆନୁକୂଲ୍ୟରେ କାଶୀପୁର ଗ୍ରାମପଞ୍ଚାୟତ କାର୍ଯ୍ୟାଳୟ ଠାରେ “ଏକ ପେଡ ମା କେ ନାମ ” କାର୍ଯ୍ୟକ୍ରମ ର ଶୁଭାରମ୍ଭ ହେତୁ ପ୍ରାୟ ୫୦୦ (ପାଞ୍ଚ ସହ) ବୃକ୍ଷ ଗ୍ରାମପଞ୍ଚାୟତ କାର୍ଯ୍ୟାଳୟ କୁ ବନ ବିଭାଗ ଦ୍ଵାରା ଯୋଗାଇ ଦିଆ ଯାଇଛି । “ଏକ ପେଡ ମା କେ ନାମ ” କାର୍ଯ୍ୟକ୍ରମ ର ମୂଳ ଉଦେଶ୍ୟରେ ଏକ ଭ୍ରମ୍ୟମାଣ ଚାରା ବିତରଣ ଜାନ ଯୋଗେ କାଶୀପୁର ସହରାଞ୍ଚଳରେ ପ୍ରଚାର ପ୍ରସାର ହେତୁ ବନ ବିଭାଗ ଦ୍ଵାରା ପ୍ରଥମେ ପୂଜାର୍ଚନା କରାଯାଇଥିଲା ଏହି ପରିପେକ୍ଷୀ ରେ ଢୋଳ, ମର୍ଦଳ ବାଜି ଏକ ସଂକୀର୍ତନ ର ମଧ୍ୟ ଆୟୋଜନ ହୋଇଥିଲା । ଉକ୍ତ କାର୍ଯ୍ୟକ୍ରମ ରେ ବ୍ଲକ ଅଧକ୍ଷ ଶ୍ରୀ କଣ୍ଟେଶ୍ୱର ମାଝିଙ୍କ ଉପସ୍ଥିତରେ ବ୍ଲକ ଅଧିକାରୀ ଶ୍ରୀ ବିଜୟ କୁମାର ସଏଙ୍କ କରକୋମଳ ରେ କାର୍ଯ୍ୟକ୍ରମ ର ଶୁଭାରମ୍ଭ କରାଯାଇଥିଲା।

କାର୍ଯ୍ୟକ୍ରମଟି ର ପରିଚାଳନା କାଶୀପୁର ବନ ବିଭାଗ ଅଧିକାରୀ ଶ୍ରୀ ଅନ୍ତର୍ଯ୍ୟାମୀ ସାହୁ ତୁଲାଇ ଥିଲେ। କାଶୀପୁର ବନାଞ୍ଚଳ ର ସମସ୍ତ ବନରଖି, ବନପାଳ, ପାରା ସ୍କୁଆର୍ଡ ଓ ଅନ୍ୟ କର୍ମଚାରୀଙ୍କ ସମେତ ବ୍ଲକ ବଜେପି ଦଳର କର୍ମକର୍ତା ମାନେ କାର୍ଯ୍ୟକ୍ରମ ରେ ସାମିଲ ହୋଇଥିବା ପରିଲକ୍ଷିତ ହୋଇଛି।

ନୂତନ ସରକାର ଙ୍କ ବିଜ୍ଞାପିତ ଅଞ୍ଚଳ ଘୋଷଣାରୁ ଏମ ରାମପୁର କୁ ବାଦ ; ରାଜରାସ୍ତାକୁ ଓହ୍ଲାଇଲେ ଏମ.ରାମପୁର ଜନସାଧାରଣ

!!! କଳାହାଣ୍ଡି ଜିଲ୍ଲା ପ୍ରତିନିଧି ମୋନଜ କୁମାର ସିଂ ଙ୍କ ରିପୋର୍ଟ !!! 

ଏଥର ସମ୍ଭାଳ (ଭବାନୀପାଟଣା)- ରାଜ୍ୟ ସରକାର ଙ୍କ ଦ୍ଵାରା ଗତ ୩୧ ତାରିଖ ରାଜ୍ୟ ର ଅନେକ ଅଞ୍ଚଳ ବିଜ୍ଞାପିତ ଅଞ୍ଚଳ ଘୋଷଣା କରାଯାଇଥିଲା। କିନ୍ତୁ ଏମ.ରାମପୁରକୁ ଏହି ଘୋଷଣାରେ ସାମିଲ ନ ହେବା ଯୋଗୁ ଅଞ୍ଚଳବସୀ ତୀବ୍ର ଅସନ୍ତୋଷ ପ୍ରକାଶ କରି ଆଜି ୪ ତାରିଖ ଗୁରୁବାର ଏମ.ରାମପୁର ସହର ବନ୍ଦ କରିଛନ୍ତି। ଗତ ସରକାର ଏମ.ରାମପୁରକୁ ବିଜ୍ଞାପିତ ଅଞ୍ଚଳ ହେବ ବୋଲି ଘୋଷଣା କରିଥିଲେ। ମାତ୍ର ନୂତନ ସରକାର ସ୍ୱାୟତ୍ତ ଶାସନ ଦିବସରେ ନୂତନ ବିଜ୍ଞାପିତ ଅଞ୍ଚଳ ଘୋଷଣା କହିଥିବା ବେଲେ ଏମ ରାମପୁର କୁ ବାଦ ଦେଲେ ଯାହା ଫଳରେ ଲୋକେ ରାଜରାସ୍ତାକୁ ଓହ୍ଲାଇ ଆସିଛନ୍ତି। ଏମ.ରାମପୁର କୁ ୨୦୧୧ ଜନଗଣନା ଅନୁସାରେ ସରକାର ଜନସଂଖ୍ୟା ସହର ମାନ୍ୟତା ଦେଇଥିଲେ।ରାଜ୍ୟରେ ନୂତନ ଘୋଷିତ ବିଜ୍ଞାପିତ ଅଞ୍ଚଳ ମଧ୍ୟରୁ ଅର୍ଦ୍ଧାଧିକ ଅଞ୍ଚଳର ଜନସଂଖ୍ୟା ଠାରୁ ଏମ.ରାମପୁର ଜନ ସଂଖ୍ୟା ଦୁଇ ଗୁଣ ଅଧିକ। ସେହିପରି ଏମ.ରାମପୁରର ମାସିକ ଆୟ ପାଖାପାଖି ଲକ୍ଷେ ଅଟେ। ଏଠାରେ ୪ ଗୋଟି ବ୍ଲକ୍ ଅଞ୍ଚଳ କୁ ନିୟନ୍ତ୍ରଣ କରୁଥିବା ଉପଖଣ୍ଡ କାର୍ଯ୍ୟାଳୟ ରହିଛି। ଏମ.ରାମପୁର ଦେଇ ଜାତୀୟ ରାଜପଥ ନଂ ୫୯, ରାଜ୍ୟ ରାଜପଥ ନଂ ୬(କ); ଜିଲା ମୁଖ୍ୟ, ଅନ୍ୟ ଜିଲା ମୁଖ୍ୟ ରାସ୍ତା ସଂଯୋଗୀ କରଣ ହୋଇ ଚାରିଛକ ରହିଛି। ଏହି ରାସ୍ତା ଦେଇ ସହସ୍ରାଧିକ ଯାନବାହାନ ଯାତାୟାତ ହେଉଛି। ଏହି ଜିଲ୍ଲାର ନର୍ଲା, କର୍ଲାମୁଣ୍ଡା, ଲାଞ୍ଜିଗଡ , ଏମ.ରାମପୁର ଆଦି ଅଞ୍ଚଳ ଲୋକେ ପ୍ରଶାସନିକ, ରାଜନୀତିକ, ନ୍ୟାୟିକ ଅନେକ ବହୁବିଧ କାର୍ଯ୍ୟ ପାଇଁ ଏମ.ରାମପୁର ରେ ନିର୍ଭର କରନ୍ତି। ଏମ.ରାମପୁର ଭଳି ଅଞ୍ଚଳ ଗୁରୁତ୍ଵ ବହନ କରୁଥିବା , ବିଜ୍ଞାପିତ ଅଞ୍ଚଳ ର ସମସ୍ତ ମାନଦଣ୍ଡ,ପରିମାପ ପରିପୂରଣ କରିପାରୁଛି। ଏହା ସହିତ ରାଜସ୍ବ ଉପଖଣ୍ଡ ମାନ୍ୟତା ମଧ୍ୟ ମାପଦଣ୍ଡ ପୁରାଣ କରୁଛି।ତେଣୁ ରାଜ୍ୟ ସରକାର ଯୋଥୋଚିତ ଦୃଷ୍ଟି ଦେଇ ଏମ.ରାମପୁର ଅଞ୍ଚଳ ର ଗ୍ରହଣୀୟ ଦାବି ପୂରଣ ପାଇଁ ଅଞ୍ଚଳବାସୀ ଦାବି କରିଛନ୍ତି । ଆଜିର ବନ୍ଦ ଜିଲ୍ଲା ପରିଷଦ ଅଧ୍ୟକ୍ଷ ପୁଷ୍ପେନ୍ଦ୍ର ସିଂହଦେଓ, ସମିତି ସଭ୍ୟ ତଥା ବି ଜେ ପି ମଣ୍ଡଳ ସଭାପତି ଯଜ୍ଞସେନ ପଣ୍ଡା, ସି ପି ଏମ୍ ନେତା ସତ୍ୟଜିତ ଚାଟାର୍ଜୀ, ପୂର୍ବତନ ସରପଞ୍ଚ କିଶୋର ପ୍ରହରାଜ, ଜିବେଶ୍ ପଣ୍ଡା, ଚିତ୍ତ ବାଗ, ସାମାଜିକ କର୍ମୀ ବିକାଶ ସିଂହଦେଓ (ଘନ), ନୀଳମାଧବ ସିଂହଦେଓ, ସତ୍ୟ ସାହୁ, ବାର ଆସୋସିଏସନ ସଭାପତି ଜୟ ସିଂହଦେଓ, ଚମରା ବଗର୍ତ୍ତି, ପ୍ରକାଶ ମାଝୀ, ଚିରାଗ ସିଂହ ଦେଓ , ଶ୍ରୀକାନ୍ତ ହୋତା ପ୍ରମୁଖ ନେତୃତ୍ଵ ନେଇ ଆନ୍ଦୋଳନରେ ଶତାଧିକ ଲୋକ ସାମିଲ ହୋଇଛନ୍ତି । ସକାଳୁ ଆରମ୍ଭ ହେଇଥିବ ଆନ୍ଦୋଳନ ଜାରି ରହିଛି। ଚାରି ଛକ ଠାରେ ଚାରି ପାଖ ରାସ୍ତା ବନ୍ଦ କରାଯାଇଛି। ସହର ସମସ୍ତ ଦୋକାନ, ବଜାର,ସରକାରୀ, ବେସରକାରୀ ଅନୁଷ୍ଠାନ ସମ୍ପୂର୍ଣ୍ଣ ବନ୍ଦ ରହିଛି।

ରାୟଗଡ଼ା ସ୍ଵୟଂଶାସିତ ମହାବିଦ୍ୟାଳୟରେ ଦିଗଦର୍ଶନ କାର୍ଯ୍ୟକ୍ରମ ଅନୁଷ୍ଠିତ

ଏଥର ସମ୍ଭାଳ ବ୍ୟୁରୋ (ରାୟଗଡ଼ା) – ରାୟଗଡ଼ା ସ୍ଵୟଂ ଶାସିତ ମହାବିଦ୍ୟାଳୟରେ ୨୦୨୫ ଶିକ୍ଷାବର୍ଷ +୩ କଳା , ବିଜ୍ଞାନ, ବାଣିଜ୍ୟ ବିଭାଗର ପ୍ରଥମ ବର୍ଷ ନୂତନ ଛାତ୍ରଛାତ୍ରୀଙ୍କ ପାଇଁ ଦିଗ୍ ଦର୍ଶନ ତଥା ସ୍ବାଗତ ସମାରୋହ କାର୍ଯ୍ୟକ୍ରମ ଆୟୋଜିତ ହୋଇ ଯାଇଅଛି। କାର୍ଯ୍ୟକ୍ରମରେ ମହାବିଦ୍ୟାଳୟ ଅଧ୍ୟକ୍ଷା ଡ଼. ସରସ୍ଵତୀ ରାୟ, ସ୍ନାତକୋତ୍ତର ପରିଷଦ ଅଧ୍ୟକ୍ଷ ପି. ଅରୁଣ କୁମାର , ପରୀକ୍ଷା ନିୟନ୍ତ୍ରକ ୱାଇ. ଭି ସାଇ ମାଧବ, ପ୍ରଶାସନିକ ଅଧ୍ୟକ୍ଷ ଟି. ଜ୍ୟୋତି, ଲେଫ୍ଟନାଣ୍ଟ ଉଦୟ ନାଏକ, ଏକାଡେ଼ମିକ୍ ଅଧିକ୍ଷକ ଡ଼. ଅଜୟ ରଇତ, ରମେଶ ହୁଇକା ,କୋଷାଧ୍ୟକ୍ଷ ସୁବ୍ରତ କୁମାର ପ୍ରଧାନ , ଭାବେସ ମହାନ୍ତି, ଛାତ୍ରବୃତ୍ତି ଅଧିକାରୀ ତୁବଲ ଵେନିଆଙ୍କ ସହିତ ସମସ୍ତ ବିଭାଗର ବିଭାଗୀୟ ମୂଖ୍ୟ, ଅଧ୍ୟାପକ ଅଧ୍ୟାପିକାମାନେ ଯୋଗଦେଇଥିଲେ । ଅଧ୍ୟକ୍ଷା ମହୋଦୟା ଡ଼. ରାୟ ନବାଗତ ମାନଙ୍କୁ ଅଭିନନ୍ଦନ ଜଣାଇ ସ୍ୱାଗତ କରିବା ସହ ତାଙ୍କର ବକ୍ତବ୍ୟରେ, ଶିକ୍ଷା ସହିତ କୌଶଳ ଭିତ୍ତିକ ପ୍ରଶିକ୍ଷଣ କାର୍ଯ୍ୟକଳାପରେ ଅଂଶଗ୍ରହଣ କରିବା, କେବଳ ଭଲ ଛାତ୍ର ହେବାକୁ ନୁହେଁ ବରଂ ଭଲ ମଣିଷ, ଦାୟିତ୍ବବାନ ନାଗରିକ ଓ ଆଦର୍ଶ ସମାଜସେବୀ ହେବାକୁ ଚେଷ୍ଟା କରିବା ଉଚିତ୍ ବୋଲି କହିଥିଲେ ଏଵଂ ସମସ୍ତେ ମିଶି ଶିକ୍ଷା, ସେବା ଓ ସଂସ୍କାରର ଆଦର୍ଶକୁ ଅନୁସରଣ କରି ଏହି ମହାବିଦ୍ୟାଳୟକୁ ଆହୁରି ଗୌରବମୟ କରିବା ପାଇଁ ପ୍ରୟାସ କରିବା ଉଚିତ୍ ବୋଲି ମତପ୍ରକାଶ କରିଥିଲେ। ସ୍ନାତକୋତ୍ତର ପରିଷଦ ଅଧ୍ୟକ୍ଷ ପି. ଅରୁଣ କୁମାର ତାଙ୍କ ଅଭିଭାଷଣରେ ଗବେଷଣାମୂଳକ ଶିକ୍ଷାର ଗୁରୁତ୍ୱ ଉଲ୍ଲେଖ କରି, ଛାତ୍ରଛାତ୍ରୀ ମାନଙ୍କୁ ସମ୍ମିଳନୀ, କର୍ମଶାଳା ଓ ସାହିତ୍ୟିକ କାର୍ଯ୍ୟକଳାପରେ ସକ୍ରିୟ ଭାବେ ଅଂଶଗ୍ରହଣ କରିବାକୁ ପ୍ରେରିତ କରିଥିଲେ ।

ପରୀକ୍ଷା ନିୟନ୍ତ୍ରକ ୱାଇ. ଭି ସାଇ ମାଧବ ଛାତ୍ରଛାତ୍ରୀ ମାନଙ୍କୁ ମହାବିଦ୍ୟାଳୟର ପରୀକ୍ଷା ପ୍ରଣାଳୀ, ଶିକ୍ଷାଗତ ନିୟମାବଳୀ ଓ ଅନ୍ତର୍ନିହିତ ମୂଲ୍ୟାୟନ ପ୍ରକ୍ରିୟା ବିଷୟରେ ଅବଗତ କରାଇଥିଲେ । ସେ, ନିୟମିତ ଶ୍ରେଣୀ ଉପସ୍ଥିତି ଜୋର ଦେଇଥିଲେ । ପ୍ରଶାସନିକ ଅଧ୍ୟକ୍ଷ ଟି. ଜ୍ୟୋତି ଏଵଂ ଲେଫ୍ଟନାଣ୍ଟ ଉଦୟ ନାଏକ ତାଙ୍କ ବକ୍ତବ୍ୟରେ ଛାତ୍ରଛାତ୍ରୀ ମାନଙ୍କୁ ମହାବିଦ୍ୟାଳୟର ସମସ୍ତ ନିୟମ କାନୁନ ପାଳନ କରି, ସ୍ୱଚ୍ଛ ଓ ଶୃଙ୍ଖଳାପୂର୍ଣ୍ଣ ପରିବେଶ ସୃଷ୍ଟି କରିବା ପାଇଁ ପ୍ରେରିତ କରିଥିଲେ । ଏକାଡେ଼ମିକ୍ ଅଧିକ୍ଷକ ଡ଼. ଅଜୟ ରଇତଏଵଂ ରମେଶ ହୁଇକା ତାଙ୍କର ଉଦବୋଧନରେ ସମସ୍ତ ଛାତ୍ରଛାତ୍ରୀ ନିୟମିତ ଶ୍ରେଣୀରେ ଉପସ୍ଥିତି, ପରୀକ୍ଷାରେ ଶିଷ୍ଟାଚାର ପାଳନ , ପାଠ୍ୟକ୍ରମ ଅନୁସରଣ କରି ସଫଳତାର ଶୀର୍ଷରେ ପହଞ୍ଚିବା ପାଇଁ ପ୍ରେରଣା ପ୍ରଦାନ କରିବା ସହ ମହାବିଦ୍ୟାଳୟ କେବଳ ଡିଗ୍ରୀ ପାଇଁ ନୁହେଁ ବରଂ ଜ୍ଞାନ, ମୂଲ୍ୟବୋଧ ଓ ସୃଜନଶୀଳତାର କେନ୍ଦ୍ର ବୋଲି ମତପ୍ରକାଶ କରିଥିଲେ। ତେଣୁ, ଛାତ୍ରଛାତ୍ରୀ ମାନେ ସମସ୍ତେ ପାଠାଗାର, ସେମିନାର, କର୍ମଶାଳା ଓ ପ୍ରକଳ୍ପ କାର୍ଯ୍ୟରେ ସକ୍ରିୟ ଭାବେ ଅଂଶଗ୍ରହଣ କରନ୍ତୁ ବୋଲି କହିଥିଲେ। ଅନ୍ୟାନ୍ୟ ଅଧ୍ୟାପକ ଅଧ୍ୟାପିକାମାନେ ମଧ୍ୟ ନୂତନ ଛାତ୍ରଛାତ୍ରୀମାନଙ୍କୁ NSS, NCC, Youth Red Cross, Sports, ସାହିତ୍ୟ ଓ ସାଂସ୍କୃତିକ ସଭାରେ ଯୋଗଦେଇ ନିଜକୁ ଉତ୍ତମ ମଣିଷ ରୂପେ ଗଢ଼ି ତୋଳିବାକୁ ପ୍ରେରଣା ଦେଇଥିଲେ ।କାର୍ଯ୍ୟକ୍ରମର ଶେଷରେ ପଦାର୍ଥ ବିଜ୍ଞାନ ବିଭାଗର ମୁଖ୍ୟ ରମେଶ ହୂଇକା ଧନ୍ୟବାଦ ପ୍ରଦାନ କରିଥିଲେ।

ସିସି ରାସ୍ତା ଉପରେ କୁଢ କୁଢ଼ ଅଳିଆ ଆବର୍ଜନା ; ପ୍ରଶାସନ ସାଜିଛି ନୀରବ ଦ୍ରଷ୍ଟା

ଏଥର ସମ୍ଭାଳ ବ୍ୟୁରୋ (ରାୟଗଡା/ମୁନିଗୁଡା) – ରାୟଗଡା ଜିଲ୍ଲା ପଞ୍ଚାୟତ ସମିତି କାର୍ଯ୍ୟାଳୟ ଅନ୍ତର୍ଗତ ମୁନିଗୁଡା ପଞ୍ଚାୟତ ସଦର ମହକୁମା ସ୍ଥିତ ୧ ନମ୍ବର ୱାର୍ଡ, ଇନ୍ଦିରାପଡା ସାହିର ଜନସାଧାରଣଙ୍କ ଯାତାୟାତ ସୁବିଧା ନିମନ୍ତେ ଜନସାଧାରଣଙ୍କ ଆପତ୍ତି ଅଭିଯୋଗ ପ୍ରକାରରେ ପଞ୍ଚାୟତ ସମିତି ତରଫରୁ ସିସି ରାସ୍ତା ତିଆରି କରାଯାଇଛି। ଉକ୍ତ ସାହି ରେ ରହୁଥିବା ଲୋକମାନେ ସିସି ରାସ୍ତା ଉପରେ ଅଳିଆ ଆବର୍ଜନା ପକାଇ ରାସ୍ତାକୁ ଏକ ପରିତ୍ୟକ୍ତ ସ୍ଥାନ ଓ ଅପରିଷ୍କାର ଭାବରେ କୁଡ଼ କୁଡ଼ ଅଳିଆ ଆବର୍ଜ୍ଜନା ଗଦା ହୋଇଥିବା ଦେଖିବାକୁ ମିଳୁଛି। ଏହା ଆମେ କହୁନାହୁଁ, କୁଢ଼ କୁଢ଼ ଅଳିଆ ଆବର୍ଜନା ପଡ଼ିଥିବା ଚିତ୍ରପଟ କଥା କହୁଛି। ଫଳରେ ଉକ୍ତ ରାସ୍ତା Ramamani college Nursing ଦେଇ ଯାତାୟାତ କରୁଥିବା ସାହି ବାସିନ୍ଦା ଓ ଜନସାଧାରଣ ମାନେ ପଚା ଗନ୍ଧରେ ଅସୁବିଧାର ସମ୍ମୁଖୀନ ହେଉଛନ୍ତି। କୁଢ଼ କୁଢ଼ ପଚା ଅଳିଆ ଅବର୍ଜନା ଜମା ହୋଇଥିବାରୁ ଉକ୍ତ ସ୍ଥଳରେ ମୂଷା, ମଶା, ମାଛି, ଡାଁସର ବଂଶ ବୃଦ୍ଧି ପାଇ ବିଭିନ୍ନ ପ୍ରକାରର ରୋଗ ସହିତ ଡେଙ୍ଗୁ, ମ୍ୟାଲେରିଆ ଜ୍ଵର, ବାତ ଜ୍ଵର ମାନ ହେଉଛି ବୋଲି ସ୍ଥାନୀୟ ବାସିନ୍ଦା ମତ ପ୍ରକାଶ କରିଛନ୍ତି । ଏତିପ୍ରତି ସଦର ବ୍ଳକ ପ୍ରଶାସନ ଓ ପଞ୍ଚାୟତ ସ୍ତରୀୟ ଅଧିକାରୀ ମାନ ଧ୍ୟାନ ଦେଇ ବିହିତ କାର୍ଯ୍ୟାନୁଷ୍ଠାନ ନିମନ୍ତେ ସାଧାରଣରେ ଦାବୀ ହୋଇଛି। ଏଥି ସହିତ ମୁନିଗୁଡା ବ୍ଲକ ଅନ୍ତର୍ଗତ ମୁନିଗୁଡା ଗ୍ରାମପଞ୍ଚାୟତ ସଦର ମହକୁମା ସ୍ଥିତ ଇନ୍ଦ୍ରିରାପଡା ୧ ନମ୍ବର ୱାର୍ଡରେ ରହି ଆସୁଥିଲେ ହେଁ, ଆଜି ପର୍ଯ୍ୟନ୍ତ ପ୍ରଶାସନ କୋୖଣସି ଦୃଷ୍ଟି ଆକର୍ଷଣ ନ କରିବା ବୁଦ୍ଧିଜୀବୀ ମହାଲରେ ଏକ ଚର୍ଚ୍ଚାର ବିଷୟ ପାଲଟିଛି । ତେଣୁ ସ୍ଥାନୀୟ ସାହି ବାସିନ୍ଦା ତରଫରୁ ପ୍ରଶାସନକୁ ଅନୁରୋଧ ଅଳିଆ ଆବର୍ଜ୍ଜନା ହଟାଇ ରୋଗ ମୁକ୍ତ କରାଯାଉ ବୋଲି ଦାବୀ ହୋଇଛି । ଖବର ପ୍ରସାରଣ ପରେ ପ୍ରଶାସନ କେବେ ଦୃଷ୍ଟି ଦେଇ ରୋଗ ନିରାକରଣ ନିମନ୍ତେ ଚିନ୍ତା କରିବେ ତାହା ଦେଖିବାକୁ ବାକି ରହିଲା ।

ବହୁ ବାଦ୍ ବିବାଦ ପରେ ସମାପ୍ତ ହେଲା ବିଜେଡ଼ି ର ରାୟଗଡ଼ ଜିଲ୍ଲା ସଭାପତି ଚୟନ…!

ଏଥର ସମ୍ଭାଳ ବ୍ୟୁରୋ (ରାୟଗଡ଼) – ବହୁ ବାଦ ବିବାଦ ମଧ୍ୟରେ ଶେଷ ହୋଇଛି ରାୟଗଡ଼ା ଜିଲ୍ଲାରେ ବିଜେଡ଼ିର ସଭାପତି ଚୟନ ପ୍ରକ୍ରିୟା । ଅନେକ ଦିନ ହେଲା ରାୟଗଡ଼ା ଜିଲ୍ଲାରେ ଭାସ୍କର ଓ ସୁଧୀର ଗୋଷ୍ଠୀକୁ ନେଇ ଜିଲ୍ଲା ସଭାପତି ଚୟନ ପ୍ରକ୍ରିୟାକୁ ସ୍ଥଗିତ ରଖିଥିଲେ ଦଳର ମୁଖୁଆ ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ | ଏଥି ମଧ୍ୟରେ ଗୁରୁବାର ଦିନ ଜିଲ୍ଲା ସଭାପତି ଓ ଜିଲ୍ଲା କାର୍ଯ୍ୟକାରୀ ସଭାପତି ଚୟନ କରିଛନ୍ତି ବିଜେଡ଼ି ଦଳ ମୁଖିଆ | ଏହି ପରିପେକ୍ଷୀରେ ରାୟଗଡ଼ା ଜିଲ୍ଲାରେ ଏବେ ସୁଧୀରଙ୍କ ଗୋଷ୍ଠୀ ବାଜି ମାରିଥିବା ସାଧାରଣ ରେ ଚର୍ଚ୍ଚା ଜୋର୍ ଧରିଛି | ତେବେ ରାୟଗଡ଼ା ଜିଲ୍ଲା ବିଷମକଟକ ନିର୍ବାଚନ ମଣ୍ଡଳିରୁ ବିଧାୟକ ଭାବେ ବାଜି ମାରି ବିଜେଡ଼ି ସରକାର ଶାସନ ସମୟରେ ଓଡ଼ିଶା ଅନୁସୂଚିତ ଜାତି ଓ ଜନଜାତି ବିକାଶ ତଥା ଆଇନ ମନ୍ତ୍ରୀ ଭାବେ କାର୍ଯ୍ୟଭାର ସମ୍ଭାଳି ଥିବା ଜଗନ୍ନାଥ ସାରାକାଙ୍କୁ ରାୟଗଡ଼ା ଜିଲ୍ଲାର ସଭାପତି ଭାର ନ୍ୟସ୍ତ କରାଯାଇ ଥିବା ବେଳେ କାର୍ଯ୍ୟକାରୀ ସଭାପତି ଭାବେ ରଞ୍ଜିତ କୁମାର ପାଣିଗ୍ରାହୀ ଓ ଗୟାଧର ପୁଆଳ ଙ୍କୁ ଦାୟିତ୍ଵ ପ୍ରଦାନ କରାଯାଇଛି |

ଅତିରିକ୍ତ ଜିଲ୍ଲାପାଳ ଶ୍ରୀ ନିହାର ରଞ୍ଜନ କହଁରଙ୍କ ଚନ୍ଦ୍ରପୁର ତହସିଲ ପରିଦର୍ଶନ ଓ ରାଜସ୍ୱ କାର୍ଯ୍ୟକ୍ରମ ସମୀକ୍ଷା…!

ଏଥର ସମ୍ଭାଳ ବ୍ୟୁରୋ (ରାୟଗଡ଼) – ରାୟଗଡ ଜିଲ୍ଲାପାଳ ଶ୍ରୀ ଆଶୁତୋଷ କୁଲକର୍ଣ୍ଣିଙ୍କ ନିର୍ଦଶ କ୍ରମେ ଅତିରିକ୍ତ ଜିଲ୍ଲାପାଳ ଶ୍ରୀ ନିହାର ରଞ୍ଜନ କହଁରଙ୍କ ଚନ୍ଦ୍ରପୁର ତହସିଲ ପରିଦର୍ଶନ ଓ ରାଜସ୍ୱ କାର୍ଯ୍ୟକ୍ରମ ସମୀକ୍ଷା କରିଛନ୍ତି l ଡ଼lଙ୍ଗସରଡା ରାଜସ୍ବ ସର୍କଲ ଅନ୍ତର୍ଗତ ସାରିକମl ଗ୍ରାମ ଓ ଚନ୍ଦ୍ରପୁର ତହସିଲ କାର୍ଯାଳୟର ରାଜସ୍ୱ କାର୍ଯ୍ୟକ୍ରମ ଅନୁଧ୍ୟାନ କରିଥିଲେ l ଏହାପରେ ତହସିଲଦାରଙ୍କ କାର୍ଯ୍ୟାଳୟ ଠାରେ ଏକ ସମୀକ୍ଷା ବୈଠକ କରି ରାଜସ୍ୱ କାର୍ଯ୍ୟକ୍ରମ ଉପରେ ବିଶେଷ କରି ରାଜସ୍ୱ ଆଦାୟ, ବସୁନ୍ଧରା ଯୋଜନା ଓ ସରକାରୀ ଜମିର ସମୀକ୍ଷା କରିଥିଲେ l

ଏହା ସହିତ ପଟ୍ଟlର ଖାନା ଦୁଇ ସଂଶୋଧନ, ଜମିଜମା କମ୍ପୁଟରୀକରଣ,ଜଙ୍ଗଲଜମି ଅଧିକାର ଆଇନରେ ସଫଳ ପରିଚାଳନା, ବିଦ୍ୟାଳୟ ମହାବିଦ୍ୟାଳୟ ନାମରେ ପଟ୍ଟl ସଂଶୋଧନ, ଜାତୀୟ ପ୍ରମାଣ ପତ୍ର, ଆୟ ପ୍ରମାଣ ପତ୍ର, ରାଜସ୍ବ ଡକା ବଙ୍ଗଳା ନିର୍ମାଣ,ଜମିଜମା କ୍ରୟ ବିକ୍ରୟର ଫୁଙ୍ଖାନୁପୁଙ୍ଖ ସମୀକ୍ଷା ତଥା ତ୍ବରିତ ପଦକ୍ଷେପ ନେବା ନିମନ୍ତେ ସମସ୍ତ ରାଜସ୍ୱ ଅଧିକାରୀ ମାନଙ୍କୁ ନିର୍ଦେଶ ଦେଇଥିଲେ ଓ ଏକଲବ୍ୟ ଆଦର୍ଶ ବିଦ୍ୟାଳୟ ନିର୍ମାଣ କାର୍ଯ୍ୟ ତୁରନିତ କରିବା ନିମନ୍ତେ ସାରିକାମ ଗ୍ରାମକୁ ଯାଇ କ୍ଷେତ୍ର ପରିଦର୍ଶନ କରିଥିଲେ l

ଏହି ପରିଦର୍ଶନ ସମୟରେ ଅତିରିକ୍ତ ଜିଲ୍ଲାପାଳଙ୍କ ସହିତ ତହସିଲଦାର ଚନ୍ଦ୍ରପୁର ଶ୍ରୀ ସୁନୀଲ କୁମାର ପ୍ରଧାନ, ସ୍ଥାନୀୟ ସରପଞ୍ଚ, ପ୍ରଦାନ ସ୍ୱେଚ୍ଛା ସେବୀ ଅନୁଷ୍ଠାନ ର କର୍ମଚାରୀ,ରାଜସ୍ବ ନିରୀକ୍ଷକ ଓ କର୍ମଚାରୀ ଉପସ୍ଥିତ ଥିଲେ l

ରାୟଗଡ ଜିଲ୍ଲାପାଳଙ୍କ ରାମନାଗୁଡ଼ା ବ୍ଲକ ପରିଦର୍ଶନ ; ବିଭିନ୍ନ ଉନ୍ନୟନମୂଳକ କାର୍ଯ୍ୟର କଲେ ସମୀକ୍ଷା

ଏଥର ସମ୍ଭାଳ ବ୍ୟୁରୋ (ରାମନାଗୁଡ଼ା) – ଅଦ୍ୟ ତା ୦୩-୦୯-୨୦୨୫ରିଖ ଦିନ ରାୟଗଡ ଜିଲ୍ଲାପାଳ ଆଶୁତୋଷ କୁଲକର୍ଣି ଆଜି ଦିନିକିଆ ରାମନାଗୁଡ଼ା ବ୍ଲକ ପରିଦର୍ଶନ କରିଥିଲେ। ଏହି ପରିଦର୍ଶନ ସମୟରେ ପ୍ରଥମେ କରଡା ଗ୍ରାମ କୁ ଯାଇ ସ୍ଵଂୟ ସହାୟକ ଗୋଷ୍ଠୀ ଙ୍କ ତେନ୍ତୁଳି ପ୍ରକ୍ରିୟାକରଣ ୟୁନିଟ ବୁଲିଦେଖିଥିଲେ। ପରେ ଖାମ୍ବାଗୁଡ଼ା ରେ ସ୍ୱୟଂ ସହାୟିକା ଗୋଷ୍ଠୀ ସଦସ୍ୟା ଙ୍କ ଦ୍ଵାରା ଗୋଲାପ ବଗିଚା , ରାମନାଗୁଡ଼ା ଇ ଲାଇବ୍ରେରୀ, ଗୋସାଇଁ ଗୁଲୁମୁଣ୍ଡା ରେ ଇଣ୍ଡଷ୍ଟ୍ରିଆଲ ପାର୍କ, ନିଳକଣ୍ଠପୁର ରେ ସ୍ଵଂୟ ସହାୟିକ ସଦସ୍ୟା ଙ୍କ ଦ୍ଵାରା ମଲ୍ଲି ଫୁଲ ବଗିଚା, ଗଦଗଦା ଶୈବ ପୀଠ ତଥା ଜଳ ପ୍ରପାତ , କୁଜେନ୍ଦ୍ରି ଗ୍ରାମାଞ୍ଚଳ ପାର୍କ, କୁଜେନ୍ଦ୍ରୀ ଉଚ୍ଚ ବିଦ୍ୟାଳୟ, ଓମଡିଂ ରେ ନିର୍ମାଣଧିନ ପୋଲ ଆଦି ପ୍ରକଳ୍ପ ବୁଲି ଦେଖିଥିଲେ। ଗୋଗୁପଡୁ ଅଞ୍ଚଳରେ ଚାଲିଥିବା ଡ୍ର।ଗନ ଫଳ ହେଉଥିବା ବୁଲି ଦେଖିଥିଲେ ।

ବ୍ଲକ ର ବିଭିନ୍ନ ଉନ୍ନୟନମୂଳକ କାର୍ଯ୍ୟ ଦେଖି ଖୁସି ବ୍ୟକ୍ତ କରିବା ସହ ଗୋଲାପ ଚାଷ କରୁଥିବା ସଦସ୍ୟା ଙ୍କୁ ଦେଶୀ ଗୋଲାପ ଚାଷ କରି ସେଥିରୁ ଗୋଲାପ ଜଳ ପ୍ରକ୍ରିୟା କରଣ ୟୁନିଟ କାର୍ଯ୍ୟକାରୀ ପାଇଁ ପଦକ୍ଷେପ ଗ୍ରହଣ କରିବାକୁ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ କହିଥିଲେ । ଜିଲ୍ଲାପାଳ ଙ୍କ ଏହି ଗସ୍ତ ସମୟରେ ଗୁଣପୁର ଉପ ଜିଲ୍ଲାପାଳ ଦୁଧାଳ ଅଭିଷେକ ଦିଲିପ , ରାୟଗଡ ଜିଲ୍ଲା ପରିଷଦ ମୁଖ୍ୟ ଉନ୍ନୟନ ତଥା ନିର୍ବାହୀ ଅଧିକାରୀ ଅକ୍ଷୟ ଖେମୁଣ୍ଡୁ, ରାମନାଗୁଡା ଗୋଷ୍ଠୀ ଉନ୍ନୟନ ଅଧିକାରୀ ପ୍ରଦ୍ୟୁମ୍ନ କୁମାର ମଣ୍ଡଳ, ରାମନାଗୁଡା ତହସିଲଦାର ପ୍ରାଣକୃଷ୍ଣ ପାଣିଗ୍ରାହୀ, ରାମନାଗୁଡା ବ୍ଲକ ଅଧ୍ୟକ୍ଷ ରବିଶଙ୍କର ଗମାଙ୍ଗ, ମଙ୍ଗଳ ସଂପ୍ରସାରଣ ଅଧିକାରୀ ସୁସ୍ମିତା ରଥ, ସହକାରୀ ଯନ୍ତ୍ରୀ ପ୍ରତାପ ମିଶ୍ର, ବିପିସି ସନ୍ତୋଷ ରତ୍ନାଲୁ ଉଦ୍ୟାନ ବିଭାଗ ର ଅକ୍ଷୟ କୁମାର ପଣ୍ଡା ପ୍ରମୁଖ ଉପସ୍ଥିତ ଥିଲେ।