ବହୁ ବାଦ୍ ବିବାଦ ପରେ ସମାପ୍ତ ହେଲା ବିଜେଡ଼ି ର ରାୟଗଡ଼ ଜିଲ୍ଲା ସଭାପତି ଚୟନ…!

ଏଥର ସମ୍ଭାଳ ବ୍ୟୁରୋ (ରାୟଗଡ଼) – ବହୁ ବାଦ ବିବାଦ ମଧ୍ୟରେ ଶେଷ ହୋଇଛି ରାୟଗଡ଼ା ଜିଲ୍ଲାରେ ବିଜେଡ଼ିର ସଭାପତି ଚୟନ ପ୍ରକ୍ରିୟା । ଅନେକ ଦିନ ହେଲା ରାୟଗଡ଼ା ଜିଲ୍ଲାରେ ଭାସ୍କର ଓ ସୁଧୀର ଗୋଷ୍ଠୀକୁ ନେଇ ଜିଲ୍ଲା ସଭାପତି ଚୟନ ପ୍ରକ୍ରିୟାକୁ ସ୍ଥଗିତ ରଖିଥିଲେ ଦଳର ମୁଖୁଆ ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ | ଏଥି ମଧ୍ୟରେ ଗୁରୁବାର ଦିନ ଜିଲ୍ଲା ସଭାପତି ଓ ଜିଲ୍ଲା କାର୍ଯ୍ୟକାରୀ ସଭାପତି ଚୟନ କରିଛନ୍ତି ବିଜେଡ଼ି ଦଳ ମୁଖିଆ | ଏହି ପରିପେକ୍ଷୀରେ ରାୟଗଡ଼ା ଜିଲ୍ଲାରେ ଏବେ ସୁଧୀରଙ୍କ ଗୋଷ୍ଠୀ ବାଜି ମାରିଥିବା ସାଧାରଣ ରେ ଚର୍ଚ୍ଚା ଜୋର୍ ଧରିଛି | ତେବେ ରାୟଗଡ଼ା ଜିଲ୍ଲା ବିଷମକଟକ ନିର୍ବାଚନ ମଣ୍ଡଳିରୁ ବିଧାୟକ ଭାବେ ବାଜି ମାରି ବିଜେଡ଼ି ସରକାର ଶାସନ ସମୟରେ ଓଡ଼ିଶା ଅନୁସୂଚିତ ଜାତି ଓ ଜନଜାତି ବିକାଶ ତଥା ଆଇନ ମନ୍ତ୍ରୀ ଭାବେ କାର୍ଯ୍ୟଭାର ସମ୍ଭାଳି ଥିବା ଜଗନ୍ନାଥ ସାରାକାଙ୍କୁ ରାୟଗଡ଼ା ଜିଲ୍ଲାର ସଭାପତି ଭାର ନ୍ୟସ୍ତ କରାଯାଇ ଥିବା ବେଳେ କାର୍ଯ୍ୟକାରୀ ସଭାପତି ଭାବେ ରଞ୍ଜିତ କୁମାର ପାଣିଗ୍ରାହୀ ଓ ଗୟାଧର ପୁଆଳ ଙ୍କୁ ଦାୟିତ୍ଵ ପ୍ରଦାନ କରାଯାଇଛି |