ଅତିରିକ୍ତ ଜିଲ୍ଲାପାଳ ଶ୍ରୀ ନିହାର ରଞ୍ଜନ କହଁରଙ୍କ ଚନ୍ଦ୍ରପୁର ତହସିଲ ପରିଦର୍ଶନ ଓ ରାଜସ୍ୱ କାର୍ଯ୍ୟକ୍ରମ ସମୀକ୍ଷା…!

ଏଥର ସମ୍ଭାଳ ବ୍ୟୁରୋ (ରାୟଗଡ଼) – ରାୟଗଡ ଜିଲ୍ଲାପାଳ ଶ୍ରୀ ଆଶୁତୋଷ କୁଲକର୍ଣ୍ଣିଙ୍କ ନିର୍ଦଶ କ୍ରମେ ଅତିରିକ୍ତ ଜିଲ୍ଲାପାଳ ଶ୍ରୀ ନିହାର ରଞ୍ଜନ କହଁରଙ୍କ ଚନ୍ଦ୍ରପୁର ତହସିଲ ପରିଦର୍ଶନ ଓ ରାଜସ୍ୱ କାର୍ଯ୍ୟକ୍ରମ ସମୀକ୍ଷା କରିଛନ୍ତି l ଡ଼lଙ୍ଗସରଡା ରାଜସ୍ବ ସର୍କଲ ଅନ୍ତର୍ଗତ ସାରିକମl ଗ୍ରାମ ଓ ଚନ୍ଦ୍ରପୁର ତହସିଲ କାର୍ଯାଳୟର ରାଜସ୍ୱ କାର୍ଯ୍ୟକ୍ରମ ଅନୁଧ୍ୟାନ କରିଥିଲେ l ଏହାପରେ ତହସିଲଦାରଙ୍କ କାର୍ଯ୍ୟାଳୟ ଠାରେ ଏକ ସମୀକ୍ଷା ବୈଠକ କରି ରାଜସ୍ୱ କାର୍ଯ୍ୟକ୍ରମ ଉପରେ ବିଶେଷ କରି ରାଜସ୍ୱ ଆଦାୟ, ବସୁନ୍ଧରା ଯୋଜନା ଓ ସରକାରୀ ଜମିର ସମୀକ୍ଷା କରିଥିଲେ l

ଏହା ସହିତ ପଟ୍ଟlର ଖାନା ଦୁଇ ସଂଶୋଧନ, ଜମିଜମା କମ୍ପୁଟରୀକରଣ,ଜଙ୍ଗଲଜମି ଅଧିକାର ଆଇନରେ ସଫଳ ପରିଚାଳନା, ବିଦ୍ୟାଳୟ ମହାବିଦ୍ୟାଳୟ ନାମରେ ପଟ୍ଟl ସଂଶୋଧନ, ଜାତୀୟ ପ୍ରମାଣ ପତ୍ର, ଆୟ ପ୍ରମାଣ ପତ୍ର, ରାଜସ୍ବ ଡକା ବଙ୍ଗଳା ନିର୍ମାଣ,ଜମିଜମା କ୍ରୟ ବିକ୍ରୟର ଫୁଙ୍ଖାନୁପୁଙ୍ଖ ସମୀକ୍ଷା ତଥା ତ୍ବରିତ ପଦକ୍ଷେପ ନେବା ନିମନ୍ତେ ସମସ୍ତ ରାଜସ୍ୱ ଅଧିକାରୀ ମାନଙ୍କୁ ନିର୍ଦେଶ ଦେଇଥିଲେ ଓ ଏକଲବ୍ୟ ଆଦର୍ଶ ବିଦ୍ୟାଳୟ ନିର୍ମାଣ କାର୍ଯ୍ୟ ତୁରନିତ କରିବା ନିମନ୍ତେ ସାରିକାମ ଗ୍ରାମକୁ ଯାଇ କ୍ଷେତ୍ର ପରିଦର୍ଶନ କରିଥିଲେ l

ଏହି ପରିଦର୍ଶନ ସମୟରେ ଅତିରିକ୍ତ ଜିଲ୍ଲାପାଳଙ୍କ ସହିତ ତହସିଲଦାର ଚନ୍ଦ୍ରପୁର ଶ୍ରୀ ସୁନୀଲ କୁମାର ପ୍ରଧାନ, ସ୍ଥାନୀୟ ସରପଞ୍ଚ, ପ୍ରଦାନ ସ୍ୱେଚ୍ଛା ସେବୀ ଅନୁଷ୍ଠାନ ର କର୍ମଚାରୀ,ରାଜସ୍ବ ନିରୀକ୍ଷକ ଓ କର୍ମଚାରୀ ଉପସ୍ଥିତ ଥିଲେ l

ରାୟଗଡ ଜିଲ୍ଲାପାଳଙ୍କ ରାମନାଗୁଡ଼ା ବ୍ଲକ ପରିଦର୍ଶନ ; ବିଭିନ୍ନ ଉନ୍ନୟନମୂଳକ କାର୍ଯ୍ୟର କଲେ ସମୀକ୍ଷା

ଏଥର ସମ୍ଭାଳ ବ୍ୟୁରୋ (ରାମନାଗୁଡ଼ା) – ଅଦ୍ୟ ତା ୦୩-୦୯-୨୦୨୫ରିଖ ଦିନ ରାୟଗଡ ଜିଲ୍ଲାପାଳ ଆଶୁତୋଷ କୁଲକର୍ଣି ଆଜି ଦିନିକିଆ ରାମନାଗୁଡ଼ା ବ୍ଲକ ପରିଦର୍ଶନ କରିଥିଲେ। ଏହି ପରିଦର୍ଶନ ସମୟରେ ପ୍ରଥମେ କରଡା ଗ୍ରାମ କୁ ଯାଇ ସ୍ଵଂୟ ସହାୟକ ଗୋଷ୍ଠୀ ଙ୍କ ତେନ୍ତୁଳି ପ୍ରକ୍ରିୟାକରଣ ୟୁନିଟ ବୁଲିଦେଖିଥିଲେ। ପରେ ଖାମ୍ବାଗୁଡ଼ା ରେ ସ୍ୱୟଂ ସହାୟିକା ଗୋଷ୍ଠୀ ସଦସ୍ୟା ଙ୍କ ଦ୍ଵାରା ଗୋଲାପ ବଗିଚା , ରାମନାଗୁଡ଼ା ଇ ଲାଇବ୍ରେରୀ, ଗୋସାଇଁ ଗୁଲୁମୁଣ୍ଡା ରେ ଇଣ୍ଡଷ୍ଟ୍ରିଆଲ ପାର୍କ, ନିଳକଣ୍ଠପୁର ରେ ସ୍ଵଂୟ ସହାୟିକ ସଦସ୍ୟା ଙ୍କ ଦ୍ଵାରା ମଲ୍ଲି ଫୁଲ ବଗିଚା, ଗଦଗଦା ଶୈବ ପୀଠ ତଥା ଜଳ ପ୍ରପାତ , କୁଜେନ୍ଦ୍ରି ଗ୍ରାମାଞ୍ଚଳ ପାର୍କ, କୁଜେନ୍ଦ୍ରୀ ଉଚ୍ଚ ବିଦ୍ୟାଳୟ, ଓମଡିଂ ରେ ନିର୍ମାଣଧିନ ପୋଲ ଆଦି ପ୍ରକଳ୍ପ ବୁଲି ଦେଖିଥିଲେ। ଗୋଗୁପଡୁ ଅଞ୍ଚଳରେ ଚାଲିଥିବା ଡ୍ର।ଗନ ଫଳ ହେଉଥିବା ବୁଲି ଦେଖିଥିଲେ ।

ବ୍ଲକ ର ବିଭିନ୍ନ ଉନ୍ନୟନମୂଳକ କାର୍ଯ୍ୟ ଦେଖି ଖୁସି ବ୍ୟକ୍ତ କରିବା ସହ ଗୋଲାପ ଚାଷ କରୁଥିବା ସଦସ୍ୟା ଙ୍କୁ ଦେଶୀ ଗୋଲାପ ଚାଷ କରି ସେଥିରୁ ଗୋଲାପ ଜଳ ପ୍ରକ୍ରିୟା କରଣ ୟୁନିଟ କାର୍ଯ୍ୟକାରୀ ପାଇଁ ପଦକ୍ଷେପ ଗ୍ରହଣ କରିବାକୁ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ କହିଥିଲେ । ଜିଲ୍ଲାପାଳ ଙ୍କ ଏହି ଗସ୍ତ ସମୟରେ ଗୁଣପୁର ଉପ ଜିଲ୍ଲାପାଳ ଦୁଧାଳ ଅଭିଷେକ ଦିଲିପ , ରାୟଗଡ ଜିଲ୍ଲା ପରିଷଦ ମୁଖ୍ୟ ଉନ୍ନୟନ ତଥା ନିର୍ବାହୀ ଅଧିକାରୀ ଅକ୍ଷୟ ଖେମୁଣ୍ଡୁ, ରାମନାଗୁଡା ଗୋଷ୍ଠୀ ଉନ୍ନୟନ ଅଧିକାରୀ ପ୍ରଦ୍ୟୁମ୍ନ କୁମାର ମଣ୍ଡଳ, ରାମନାଗୁଡା ତହସିଲଦାର ପ୍ରାଣକୃଷ୍ଣ ପାଣିଗ୍ରାହୀ, ରାମନାଗୁଡା ବ୍ଲକ ଅଧ୍ୟକ୍ଷ ରବିଶଙ୍କର ଗମାଙ୍ଗ, ମଙ୍ଗଳ ସଂପ୍ରସାରଣ ଅଧିକାରୀ ସୁସ୍ମିତା ରଥ, ସହକାରୀ ଯନ୍ତ୍ରୀ ପ୍ରତାପ ମିଶ୍ର, ବିପିସି ସନ୍ତୋଷ ରତ୍ନାଲୁ ଉଦ୍ୟାନ ବିଭାଗ ର ଅକ୍ଷୟ କୁମାର ପଣ୍ଡା ପ୍ରମୁଖ ଉପସ୍ଥିତ ଥିଲେ।

କଳାହାଣ୍ଡି ଗଡ଼ଜାତ ଅଞ୍ଚଳରେ ନୂଆଖାଇ ସମ୍ପନ୍ନ…!

!!! କଳାହାଣ୍ଡି ଜିଲ୍ଲା ପ୍ରତିନିଧି ମୋନଜ କୁମାର ସିଂ ଙ୍କ ରିପୋର୍ଟ !!! 

ଏଥର ସମ୍ଭାଳ (ଭବାନୀପାଟଣା) – ନୂଆ ଖାଇଲେ କଳାହାଣ୍ଡି ଗଡ଼ଜାତ ଅଞ୍ଚଳବାସୀ। ଚଳଚଞ୍ଚଳ ଗଡ଼ଜାତ ର ପୁରପଲ୍ଲୀ। ଏନେଇ କଳାହାଣ୍ଡି ମହାରାଜାଙ୍କ ପକ୍ଷରୁ ଲଗ୍ନ ଧାର୍ଯ୍ୟ କରାଯାଇଥିଲା। ପବିତ୍ର ଦଶମୀ ତିଥିର ସକାଳ ୮ଟା ୪୫ରୁ ୯ଟା ୫ ମି. ମଧ୍ୟେ ମାଁ ମାଣିକେଶ୍ବରୀଙ୍କ ପୀଠରେ ନବାନ୍ନ ଲାଗି ଥିଲା। ଏହାପରେ ସର୍ବସାଧାରଣ ସକାଳ ୧୦.୫୫ ରୁ ମଧ୍ୟାହ୍ନ ୧ଟା ମଧ୍ୟରେ ନୂଆ ଖାଇବେ। ସେହିପରି ମାଣିକେଶ୍ବରୀ ଓ ମଦନପୁର ରାମପୁରର ଡୋକରି ଦେବୀଙ୍କ ଠାରେ ନୂଆ ଲାଗି ହେବାପରେ ମ.ରାମପୁର ବାସୀ ନୂଆ ଖାଇଲେ। ଏହି ଦିନ ଭବାନୀପାଟଣା ସହର ଓ ଦାଦପୁର ସମେତ କଳାହାଣ୍ଡି ଗଡ଼ଜାତର ପୁରାତନ ଜମିଦାରୀ ଅଞ୍ଚଳ ଲାଞ୍ଜିଗଡ଼ , ମହୁଲପାଟଣା, କର୍ଲାପାଟ, ଜୟପାଟଣା, ମଦନପୁର ରାମପୁର ଏବଂ ଥୁଆମୂଲ ରାମପୁର ସହରବାସୀ ନୂଆଖାଇ ପାଳନ କଲେ। ଘରେ ଘରେ ଖିରିପିଠା ରେ ମହକି ଯାଉଛି ପରିବେଶ । ସ୍ନେହ ସଂପର୍କ ଓ ଭାଇଚାରାର ସନ୍ଦେଶ ଦେଇ ଚାଲିଛି ଏହି ନୁଆଁଖାଇ । ନୁଆ କପଡା ,ନୁଆ ଧାନ, କୁରେଇ ପତ୍ର, ନୁଆ ହାଣ୍ଡି ,ନୁଆ ଚୁଡା ଆଦି ସଂଗ୍ରହ କରିବା ନୁଆଁ ଧାନରେ ପ୍ରସ୍ତୁତ ଚୁଡା ଖିରି ପ୍ରସ୍ତୁତ ଘରର ଛୋଟ ବୟଷ୍କ ମାନେ ବଡ ମାନଙ୍କୁ ମୁଣ୍ଡିଆ ଆର୍ଶିବାଦ ନେଇଥାନ୍ତି । ନୁଆଖାଇ ତିହାର ଆଣିଛେ ନୂଆ ସପନ ନୂଆ ଆଶା, ହସି ଖେଳି କରି ବିତୁ ଏଇ ବଛର ମା ମାଣିକେଶ୍ଵରୀ ଆରୁ ଭରସା ଆମର୍ ପରବ୍ ଆମର୍ ଗରବ୍, ଆମର ବଡ଼ଖା ତିହାର, ଓଡିଶାର୍ ଗଣ ପରବ୍ ଆମର୍ ନୂଆଁଖାଇ ତିହାର୍ । ମାଁ ମାଣିକେଶ୍ବରୀ ଆମର୍ ସବୁ କଳାହାଣ୍ଡି ଜିଲ୍ଲା ବାସୀଙ୍କୁ ନିଜର ପନତ୍ କାନି ସାଇତି ରଖୁନ୍ । ଆପନ୍ ମାନ୍‌କଁର୍ ଜୀବନ୍ ନେ, ପରିବାର୍ ନେ ସୁଖ, ଶାନ୍ତି, ସମୃଦ୍ଧି ରହୁ ଆଉ ସଭେଁ ନିରୋଗ ଜୀବନ ଜିଉଁନ୍, ଇଟା କାମ୍‌ନା ନୂଆଁ ଖାଇଲେ ହେସି ନୂଆଁ, ନୂଆଁ ଚିନ୍ତା ଆର୍ ନୂଆଁ ଆଶା। ନୂଆଁଖାଇ ପରବ୍ ର ନୂଆଁଖାଇ ଜୁହାର ମାଁ ମାଣିକେଶ୍ୱରୀ, ଜିଲ୍ଲାର ମାଣିକେଶ୍ୱରୀ କ୍ଷେତ୍ର ଭବାନୀପାଟଣା, ଜୁଗସାଇପାଟଣା, ଜୟପାଟଣା, ଥୁଆମୁଳ ରାମପୁର ଆଦି ଅଂଚଳରେ ଦଶମୀ ତିଥିରେ ପାଳିତ ହୋଇଥିଲା ନୂଆଖାଇ ପର୍ବ । ନୂଆଖାଇ ଜୁହାର ନୂଆଁ ଖାଇଲେ ହେସି ନୂଆଁ, ନୂଆଁ ଚିନ୍ତା ଆର୍ ନୂଆଁ ଆଶା।
ସମସ୍ତଙ୍କୁ ନୂଆଁଖାଇ ପରବ୍ର ନୂଆଁଖାଇ ଜୁହାର ।

ସ୍ୱାୟତ୍ତ ଶାସନ ଦିବସ ରେ ସହରର ବିଭିନ୍ନ ନୂତନ ପ୍ରକଳ୍ପ ଉଦ୍ଘାଟିତ ; ବିଶ୍ଵ ରେକଡ୍ ଧାରୀ କଳାକାର ମାନଙ୍କ ସଂସ୍ଥା ହେଲା ସମ୍ମାନିତ…!

!!! କଳାହାଣ୍ଡି ଜିଲ୍ଲା ପ୍ରତିନିଧି ମୋନଜ କୁମାର ସିଂ ଙ୍କ ରିପୋର୍ଟ !!! 

ଏଥର ସମ୍ଭାଳ (ଭବାନୀପାଟଣା) – କଳାହାଣ୍ଡି ଜିଲ୍ଲା କେସିଙ୍ଗା ଏନ୍ ଏ ସି ରେ ମହା ଆଡ଼ମ୍ବରରେ ସ୍ୱାୟତ୍ତ ଶାସନ ଦିବସ ପାଳନ ହୋଇଯାଇଛି।ଏଥି ପାଇଁ ଏନ୍ ଏ ସି ପାଖ କଲ୍ୟାଣ ମଣ୍ଡପ ରେ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ପ୍ରଥମେ ଭୋର ୪.୩୦ ରୁ ରାମଧୁନ ଆରମ୍ଭ କରାଯାଏ ପ୍ରାୟ ୭ ଘଣ୍ଟା ସମୟରେ ସହରରେ ଥିବା ମହାପୁରୁଷ ମାନଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରାଯାଇ ୮.୩୦ ରେ ପରିଷଦ କାର୍ଯ୍ୟାଳୟ ପ୍ରାଙ୍ଗଣରେ ଅଧ୍ୟକ୍ଷ ଙ୍କ ଦ୍ଵାରା ପତାକା ଉତ୍ତୋଳନ କରାଯାଇଥିଲା।ପରେ ପରିଷଦ ବୃନ୍ଦ,ଏନ୍ ଏ ସି କର୍ମଚାରୀ ଓ ବିଭିନ୍ନ ବିଦ୍ୟାଳୟ ର ଛାତ୍ର ଛାତ୍ରୀ ଙ୍କ ଦ୍ଵାରା ବିଭିନ୍ନ ସଚେତନତା ର ବାର୍ତ୍ତା ନେଇ ସହର ପରିକ୍ରମା ଅନୁଷ୍ଠିତ ହୋଇଥିଲା।ପରେ ସହରରେ କେସିଙ୍ଗା ଏନ୍ ଏ ସି ପକ୍ଷରୁ ବିଭିନ୍ନ ୱାର୍ଡ ରେ ନବନିର୍ମିତ ପ୍ରକଳ୍ପ ଗୁଡ଼ିକର ଯଥା କଂସେଇ ଖାନା, ଗୋଷ୍ଠୀ କେନ୍ଦ୍ର , ମିଶନ ଶକ୍ତି ଗୃହ ଉଦ୍ଘାଟନ କରାଯାଇ ଅଞ୍ଚଳବାସୀ ଙ୍କୁ ଉତ୍ସର୍ଗୀକୃତ କରାଯାଇଥିଲା ଏବଂ ଶେଷରେ କଲ୍ୟାଣ ମଣ୍ଡପ ଠାରେ ଅଧ୍ୟକ୍ଷ ନୃପ ରାଜ ଯାଦବ ଙ୍କ ସଭାପତିତ୍ବରେ ଏକ ସଭା ର ଆୟୋଜନ କରାଯାଇ ଥିଲା । ଅଧ୍ୟକ୍ଷ ନିଜ ଅଭିଭାଷଣରେ କେସିଙ୍ଗା ଏନ୍ ଏ ସି ପକ୍ଷରୁ ଉନ୍ନତି ମୂଳକ କାର୍ଯ୍ୟର ବିବରଣୀ ପ୍ରଦାନ କରିଥିଲେ ।ଏନ୍ ଏ ସି ପକ୍ଷରୁ ବିଭିନ୍ନ ବିଦ୍ୟାଳୟରେ ଆୟୋଜିତ ବିଭିନ୍ନ ପ୍ରତିଯୋଗିତା ରେ କୃତିତ୍ୱ ଅର୍ଜନ କରିଥିବା ଛାତ୍ର ଛାତ୍ରୀ ମାନକୁ ପୁରସ୍କାର ବଣ୍ଟନ ସହିତ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ କଳାହାଣ୍ଡି ସାଂସଦ ମାଳବିକା ଦେବୀ ଯୋଗ ଦେଇ ଥିବା ବେଳେ ସମ୍ମାନିତ ଅତିଥି ଭାବରେ ଯୋଗଦେଇ ଥିଲେ ପୂର୍ବତନ ସାଂସଦ ଅର୍କ କେଶରୀ ଦେଓ। ଅନ୍ୟ ମାନଙ୍କ ମଧ୍ୟରେ କାର୍ଯ୍ୟନିର୍ବାହୀ ଅଧିକାରୀ ଚିନ୍ମୟ ଆଚାର୍ଯ୍ୟ , କନିଷ୍ଠ ଯନ୍ତ୍ରୀ ନାରାୟଣ ମହାରଣା , ମୋହନ ସାହୁ, ଶ୍ରୀନିବାସ ଶ୍ରିନୁ, ଆକୁଳ ନାଏକ, ଗଦାଧର ସିଂଦେଓ, ପ୍ରଶାନ୍ତ ବାରିକ, ସମସ୍ତ ୱାର୍ଡ କାଉନସିଲର ପ୍ରମୁଖ ଉପସ୍ଥିତ ଥିଲେ। ମଞ୍ଚ ପରିଚାଳନା କରିଥିଲେ ପରିଷଦ କର୍ମଚାରୀ ନୃସିଂହ ଚରଣ ବେହେରା।

ଜିଲ୍ଲା କ୍ରୀଡା ବିଭାଗ ତରଫରୁ ଜାତୀୟ କ୍ରୀଡ଼ା ଦିବସ ପାଳିତ….!

!!! କଳାହାଣ୍ଡି ଜିଲ୍ଲା ପ୍ରତିନିଧି ମୋନଜ କୁମାର ସିଂ ଙ୍କ ରିପୋର୍ଟ !!! 

ଏଥର ସମ୍ଭାଳ (ଭବାନୀପାଟଣା) – ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ସ୍ଥାନୀୟ ଭବାନୀପାଟଣା ସ୍ଥିତ ବିଜୁ ପଟ୍ଟନାୟକ ଇଣ୍ଡୋର ଷ୍ଟାଡିଅମ ଠାରେ ମାନ୍ୟବର ପ୍ରଧାନମନ୍ତ୍ରୀ ଙ୍କ ଖେଲୋ ଇଣ୍ଡିଆ ତରଫରୁ ରାଜ୍ୟ ସରକାରଙ୍କ ସହଯୋଗରେ ଜିଲ୍ଲା ପ୍ରଶାସନ ତଥା ଜିଲ୍ଲା କ୍ରୀଡା ବିଭାଗ ତରଫରୁ ହକି ଯାଦୁଗର ମେଜର ଧ୍ୟାନଚାନ୍ଦଙ୍କ ଜନ୍ମତିଥି ଅବସରରେ “ଜାତୀୟ କ୍ରୀଡା ଦିବସ” କଳାହାଣ୍ଡି ଜିଲ୍ଲା କ୍ରୀଡା ଅଧିକାରୀ ରମେଶ ଚନ୍ଦ୍ର ପାଢ଼ୀ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଅଛି I କଳାହାଣ୍ଡି ବ୍ୟାଡ଼ମିଣ୍ଟନ ସଂଘର କୋଷାଧ୍ୟକ୍ଷ୍ୟ ସରୋଜ କୁମାର ମହାରଣା ଆଜିର କାର୍ଯ୍ୟକ୍ରମ ର ସଂଯୋଜକ ଭାବରେ କାର୍ଯ୍ୟକ୍ରମଟିକୁ ସଂଚାଳନ କରିଥିଲେ I ଏହି କାର୍ଯ୍ୟକ୍ରମ ର ମୁଖ୍ୟ ଅତିଥି ଭାବରେ ଅତିରିକ୍ତ ଜିଲ୍ଲାପାଳ ତନ୍ମୟ କୁମାର ଦରୱାନ ଉପସ୍ଥିତ ରହିଥିବାବେଳେ ସମ୍ମାନିତ ଅତିଥି ଭାବରେ କଳାହାଣ୍ଡି ଲୋକସଭା ସାଂସଦଙ୍କ ପ୍ରତିନିଧି ଜୟଶଙ୍କର ନାଏକ, ଜାତୀୟ ସ୍ତରୀୟ ଭେଟେରାନ ବ୍ୟାଡ଼ମିଣ୍ଟନ ଖେଳାଳି ମନୋରଞ୍ଜନ ଦାସ, ପୂର୍ବତନ ଜାତୀୟ ଖେଳାଳି ତଥା କଳାକାର ସଂଘର ଜିଲ୍ଲା ସଭାପତି ଅବଦୁଲ କାଦିର, ଜିଲ୍ଲା କ୍ରୀଡା ଅଧିକାରୀ ରମେଶ ଚନ୍ଦ୍ର ପାଢ଼ୀ ଏବଂ ବ୍ୟାଡ଼ମିଣ୍ଟନ ସଂଘର ଜିଲ୍ଲା ସଭାପତି ପ୍ରଦୀପ କୁମାର ଦାସ ମଂଚାସୀନ ଥିଲେ I ସର୍ବପ୍ରଥମେ ଅତିଥିଗଣଙ୍କ ଦ୍ୱାରା ଧ୍ୟାନଚାନ୍ଦଙ୍କ ଫୋଟୋ ଚିତ୍ରରେ ଧୂପ, ଏବଂ ପୁଷ୍ପଗୁଚ୍ଛ ଅର୍ପଣ କଲାପରେ ସାମୁହିକ ଜାତୀୟ ସଂଗୀତ ଗାନ କରାଯାଇଥିଲା I ଏହାପରେ କେନ୍ଦ୍ର ସରକାରଙ୍କ ଫିଟ ଇଣ୍ଡିଆ ତରଫରୁ ସମସ୍ତେ ସୁସ୍ଥ ରହିବା ନିମନ୍ତେ ରିଲିଜ ହୋଇଥିବା ଏକ ବାର୍ତ୍ତାକୁ ସାମୁହିକ ଶପଥ କରାଯାଇଥିଲା I ଏହାପରେ ଅତିଥିଗଣ ଦିବସ ପାଳନ ର ତାତ୍ପର୍ଯ୍ୟ ଉପରେ ସେମାନଙ୍କର ଅଭିଭାଷଣ ରଖିଥିଲେ ଏବଂ ସମସ୍ତଙ୍କୁ ଉତ୍ସIହିତ କରିଥିଲେ I ଆଗାମୀ ୩୧ ତାରିଖ ପର୍ଯ୍ୟନ୍ତ ତିନିଦିନ ବ୍ୟାପି ହେବାକୁଥିବା ଏହି କାର୍ଯ୍ୟକ୍ରମରେ ସଂସଦଙ୍କ ପ୍ରତିନିଧି ଶ୍ରୀଯୁକ୍ତ ନାଏକ ଆଗାମୀ ସେପ୍ଟେମ୍ବର ୨୧ ତାରିଖରୁ ଡିସେମ୍ବର ୨୫ ତାରିଖ ପର୍ଯ୍ୟନ୍ତ ହେବାକୁଥିବା ଖେଳ ମହୋତ୍ସବ ରେ ସମସ୍ତ ସଂସଦୀୟ କ୍ଷେତ୍ରରେ କନ୍ଭେକ୍ସନାଲ ଖେଳ ରେ ଅନ୍ତର୍ଭୁକ୍ତ ଆରଚେରୀ, ଅIଥଲେଟିକ, ଫୂଟବଲ, କ୍ରିକେଟ ଏବଂ ଭଲିବଲ ରହିଥିବାବେଳେ ପାରମ୍ପରିକ ଖେଳ ରେ କବାଡି, ଖୋକୋ ଏବଂ ଗିର୍ଲିଦଣ୍ଡI କୁ ଅନ୍ତର୍ଭୁକ୍ତ କରାଯିବIନେଇ ମାନ୍ୟବର ସାଂସଦ ଶ୍ରୀମତୀ ମାଲବିକା ଦେବୀଙ୍କ ଦ୍ୱାରା ଘୋଷଣା କରାଯାଇଅଛି ବୋଲି ପ୍ରକାଶ କରିଥିଲେ। ଆଜିର ଏହି କାର୍ଯ୍ୟକ୍ରମରେ ୧୩ ବର୍ଷରୁ କମ ବ୍ୟାଡ଼ମିଣ୍ଟନ ଯୁଗ୍ମ ପ୍ରତିଯୋଗିତାର ଉଭୟ ବାଳକ ଓ ବାଳିକା ବିଭାଗର ଖେଳ, ଦୌଡିଡିଆଁ ପ୍ରତିଯୋଗିତା,ପୁଶ ଉପ, ବଲ ଥ୍ରୋ,ଖେଳ କ୍ଵିଜ ପ୍ରତିଯୋଗିତା ଆଦି ବିଭିନ୍ନ ପ୍ରତିଯୋଗିତା ମାନ କରାଯାଇ କୃତୀ ଖେଳାଳୀମାନଙ୍କୁ ପୁରସ୍କୃତ କରି ଉତ୍ସIହିତ କରାଯାଇଥିଲା I ପରିଶେଷରେ ସଂଘର କାର୍ଯ୍ୟକାରିଣୀ ସଦସ୍ୟ ମାଣିକେଶ୍ବରୀ ମହାପାତ୍ର ଧନ୍ୟବାଦ ଅର୍ପଣ କରିଥିଲେ I ସଂଘର ଅନ୍ୟାନ୍ୟ ପଦାଧିକାରୀ ଏବଂ ସଦସ୍ୟବୃନ୍ଦ କାର୍ଯ୍ୟକ୍ରମରେ ସହଯୋଗ କରିଥିଲେ l