ପଞ୍ଚାୟତିରାଜ ଓ ପାନୀୟ ଜଳ ବିଭାଗ ସଚିବଙ୍କ ବିଷମକଟକ ଗସ୍ତ …!

ଏଥର ସମ୍ଭାଳ ବ୍ୟୁରୋ(ରାୟଗଡ଼)- ଅଦ୍ୟ ତା:୧୯-୦୮-୨୦୨୫ରିଖ ଦିନ ରାଜ୍ୟ ସରକାରଙ୍କ ପଞ୍ଚାୟତରାଜ ଓ ପାନୀୟ ଜଳ ବିଭାଗ କମିଶନର ତଥା ସଚିବ ଶ୍ରୀ ଗିରିଶ ଏସ ଏନ, ଆଇ,ଏ,ଏସ ଗୁଣପୁର ଉପଖଣ୍ଡର ବିଷମକଟକ ବ୍ଲକ ଗସ୍ତ କରି ବିଭିନ୍ନ ଉନ୍ନୟନମୂଳକ କାର୍ଯ୍ୟର ତଦାରଖ କରିଥିଲେ । ସଚିବ ଶ୍ରୀ ଗିରିଶ ବିଷମକଟକ ପହଁଚି ପ୍ରଥମେ ଚାଟିକଣା ଠାରେ ଥିବା ଡଙ୍ଗରିଆ ସାଲ୍ ତାଲିମ୍ କେନ୍ଦ୍ର ଯାଯାବର ପରିଦର୍ଶନ କରି ଡଙ୍ଗରିଆ କନ୍ଧ ମା ମାନଙ୍କ କଥା ବାର୍ତ୍ତା ହେବା ସହ ସେମାନଙ୍କ ବ୍ୟବସାୟ କେମିତି ଚାଲିଛି ପଚାରି ବୁଝିଥିଲେ । ତାପରେ ଓରମାସର ତେନ୍ତୁଳି ପ୍ରୋସେସିଂ ୟୁନିଟ ଓ ସପୁରି ପ୍ରସେସିଂ ୟୁନିଟ ପରିଦର୍ଶନ କରି ଏହାକୁ କିପରି ଅଧିକ ରୁ ଅଧିକା ୟୁନିଟ ଖୋଲା ଯିବା ତା ଉପରେ ଆଲୋକପାତ କରିଥିଲେ ଏବଂ ବିଭିନ୍ନ ଆନୁସଙ୍ଗିକ ବ୍ୟବସ୍ଥା ଉପରେ ପଚାରି ବୁଝିଥିଲେ ।

ଏହା ପରେ କୁଲି ପଞ୍ଚାୟତ ର ଖମ୍ବେଶି ଗ୍ରାମ କୁ ପରିଦର୍ଶନ କରି ନୂତନ ଭାବେ ନିର୍ମାଣ ଚାଲିଥିବା PM-JANMAN ଘର ଗୁଡ଼ି କୁ ତୁରନ୍ତ ସାରିବାକୁ ନିର୍ଦ୍ଦେଶ ଦେଇଥିଲେ ଏବଂ ତୁରନ୍ତ ମିସ୍ତ୍ରୀ ସମସ୍ୟା ଦୂର କରିବା ପାଇଁ ଗୋଷ୍ଠୀ ଉନ୍ନୟନ ଅଧିକାରୀଙ୍କ ଙ୍କୁ ନିର୍ଦ୍ଦେଶ ଦେଇଥିଲେ। ପରେ ବିଷମକଟକ ବ୍ଲକର ଥୁଆପଡ଼ି ଠାରେ ଥିବା ୱାଟର ଟ୍ରିଟମେଣ୍ଟ ପ୍ଲାଣ୍ଟ ପରିଦର୍ଶନ କରି ବକେୟା କାମ ସବୁ ଶୀଘ୍ର ସାରିବା ପାଇଁ ନିର୍ବାହୀ ଯନ୍ତ୍ରୀ ଙ୍କୁ ନିର୍ଦ୍ଦେଶ ଦେଇଥିଲେ। ଏହା ପରେ ଶେଷ ରେ ରାୟଗଡ଼ା ସଦର ବ୍ଲକ କୁ ଗସ୍ତ କରି କୁଲି ପଞ୍ଚାୟତରେ ଥିବା ଶିଶୁ ଉଦ୍ୟାନ (ପାର୍କ) ଏବଂ କଲ୍ୟାଣ ମଣ୍ଡପ ପରିଦର୍ଶନ କରି ଫେରିଥିଲେ। ସଚିବଙ୍କ ଗସ୍ତ ସମୟରେ ଜିଲ୍ଲାପାଳ ଶ୍ରୀ ଆଶୁତୋଷ କୁଲକର୍ଣି, ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ, ଜିଲ୍ଲା ପରିଷଦ, ରାୟଗଡ ଶ୍ରୀ ଅକ୍ଷୟ କୁମାର ଖେମୁଣ୍ଡୁ, ଗୁଣପୁର ଉପ ଜିଲ୍ଲାପାଳ ଶ୍ରୀ ଦୁଧାଲ ଅଭିଷେକ ଦିଲିପ, ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ଶିବ ପ୍ରସାଦ ପଟ୍ଟନାୟକ, ରାୟଗଡ଼ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ସୁଜିତ କୁମାର ମିଶ୍ର ଏବଂ ଅନ୍ୟାନ୍ୟ ଅଧିକାରୀ ମାନେ ଉପସ୍ଥିତ ଥିଲେ।

ମୁନିଗୁଡାକୁ ଏନଏସି ଘୋଷଣା ଦାବିକୁ ନେଇ ୧୨ ଘଣ୍ଟିଆ ବନ୍ଦ ଡାକରା…!

ଏଥର ସମ୍ଭାଳ ବ୍ୟୁରୋ(ରାୟଗଡ଼)- ମୁନିଗୁଡ଼ା ରାୟଗଡ଼ା ଜିଲ୍ଲା ମୁନିଗୁଡାକୁ ଏନଏସି ଘୋଷଣା ଦାବିକୁ ନେଇ ଏନଏସି ମିଳିତ କ୍ରିୟାନୁଷ୍ଠାନ କମିଟିର ଆୟୋଜନ ଓ ମୁନିଗୁଡା ପ୍ରଗତି ମଞ୍ଚର ସୌଜନ୍ୟରେ ମୁନିଗୁଡାର ସ୍ରମସ୍ତ ରାଜନୈତିକ,ଧାର୍ମିକ,ସାମାଜିକ ଅନୁଷ୍ଠାନ, କ୍ଳବ ଓ ବ୍ୟବସାୟୀ ସଙ୍ଘ,ବିଭିନ୍ନ ଯୁବଗୋଷ୍ଠୀ ଓ ଜନସାଧାରଣଙ୍କ ମିଳିତରେ 12 ଘଣ୍ଟିଆ ବନ୍ଦ ଡାକରା ସଫଳ ହୋଇଥିବା ଦେଖାଯାଇଥିଲା l ଏହି ବନ୍ଦ ଡାକରାରେ ଜରୁରୀ କାଳୀନ ସେବା ଓ ଅତ୍ୟାବଶ୍ୟକ ଔଷଧ ଦୋକାନ ଖୋଲା ରହିଥିବା ବେଳେ ମୁନିଗୁଡାର ସମସ୍ତ ଦୋକାନ ବଜାର, ହୋଟେଲ,ଚାଦୋକାନ ବନ୍ଦ ରହିଥିବା ସହ ସରକାରୀ ଓ ବେସରକାରୀ ଅନୁଷ୍ଠାନ,ବ୍ୟାଙ୍କ,ବିଦ୍ୟାଳୟ,ମହାବିଦ୍ୟାଳୟ ମଧ୍ୟ ବନ୍ଦ ରହିଥିଲା ଏଥିସହ ମୁନିଗୁଡାର ଗୋବର୍ଦ୍ଧନ ଛକ,ତିନିକୋଣିଆ ଛକ ଓ ମୁନିଖୋଲ ଛକ ସମେତ ଅନ୍ୟ ଛକ ମାନଙ୍କରେ ପ୍ରତିବାଦ କରିବା ସହ ସମସ୍ତ ଅଖଚକ ମଧ୍ୟ ବନ୍ଦ କରାଯାଇଥିଲା l ଫଳରେ ମୁନିଗୁଡାର ଉଭୟ ପାର୍ଶ୍ୱରେ ଶତାଧିକ ଟ୍ରକ ଗୁଡିକ ଅଟକି ରହିଥିବା ବେଳେ ମୁନିଗୁଡାରୁ ସଂଯୋଗ କରୁଥିବା ପଡୋଶୀ ରାଜ୍ୟ ଛତିଶଗଡ ଓ ଆନ୍ଦ୍ରାପ୍ରଦେଶ ଏବଂ ପଡୋଶୀ କନ୍ଧମାଳ, କଳାହାଣ୍ଡି,ଗଜପତି ଜିଲ୍ଲାକୁ ସମ୍ପୂର୍ଣ ଭାବେ ଗାଡି ଚଳାଚଳ ବନ୍ଦ ରହିଥିଲା l ଏନେଇ ବସଷ୍ଟେଣ୍ଡରେ ବିଭିନ୍ନ ସ୍ଥାନକୁ ଯିବାକୁ ଥିବା ଯାତ୍ରୀ ମାନେ ନାହିନଥିବା ଅସୁବିଧାର ସମ୍ମୁଖୀନ ହେଉଥିବା ଦେଖାଯାଇଥିଲା l ଏହି ଅବସରରେ ମୁନିଗୁଡା ସହରବାସୀ ଏକତ୍ରିତ ହୋଇ ବ୍ଲକ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିବା ସହ ରାଜ୍ୟ ସରକାର 12ଟି ନୂତନ ଏନଏସି ଘୋଷଣା କରିଛନ୍ତି। ଦୁଃଖ ପରିତାପର ବିଷୟ ପୂର୍ବରୁ ସରକାର ମୁନିଗୁଡାକୁ ଏନଏସି ଘୋଷଣା ତାଲିକାରେ ରଖିଥିବା ସତ୍ୱେ ବର୍ତମାନ ସେହି ତାଲିକାରୁ ମୁନିଗୁଡା ବାଦ ଦେବାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଥିବା ବେଳେ ଏନେଇ ମୁନିଗୁଡାକୁ ଏନଏସି ତାଲିକାରୁ କାହିଁକି ବାଦ ଦିଆଗଲା ବୋଲି ବିଭିନ୍ନ ଅନୁଷ୍ଠାନର କାର୍ଯ୍ୟକର୍ତା ମାନେ ପ୍ରଶ୍ନ ଉଠାଇଥିଲେ l ଏଥିସହ ଯେପର୍ଯ୍ୟନ୍ତ ମୁନିଗୁଡାକୁ ଏନଏସି ଘୋଷଣା କରାନଯିବ ସେପର୍ଯ୍ୟନ୍ତ ସହରବାସୀଙ୍କ ତରଫରୁ ଆନ୍ଦୋଳନକୁ ଜୋରଜାର କରାଯିବ ବୋଲି ଆନ୍ଦୋଳନକାରୀ ମାନେ ସାହୁହିକ ଭାବେ ମତ ପ୍ରକାଶ କରିଥିଲେ l

ଏହି ଧାରଣା ବେଳେ ବିଜେପିର ଓବିଶି ମୋର୍ଚା ଉପ ସଭାପତି ରାମଚନ୍ଦ୍ର ବେହେରା,ବିଜେପି ବିଧାୟକ ପ୍ରାଥୀ ଜଗନ୍ନାଥ ନୁନ୍ଦ୍ରୁକା,ବିଜେପି ମଣ୍ଡଳ ସଭାପତି ସୁବାସ ଗୌଡ଼,ବିଜେଡି ବ୍ଲକ ସଭାପତି ରତନ ଲାଲ ଜୈନ,ପୂର୍ଣଚନ୍ଦ୍ର ଗୌଡ଼,କଂଗ୍ରେସ ବ୍ଲକ ସଭାପତି ନୀଳାମ୍ବର ବିଭାର,ମାନସ ରଞ୍ଜନ ବେହେରା,ଭାଗ୍ୟରଥୀ ନାଗ,ସରପଞ୍ଚ ସରସ୍ବତୀ ଶବର,ପଦ୍ମନାଭ ବେହେରା,ଅନଙ୍ଗ ନାଗ, ବିଏସପି ଜିଲ୍ଲା ସଭାପତି ଜିତୁ ଯାକକା,ପାଇକା ଯାକକା, ଶକୁନ୍ତଳା ନୁନ୍ଦ୍ରୁକା,ଅମ୍ବିକା ନାୟକ,ଲାବଣ୍ୟ ପାଣିଗ୍ରାହୀ,ମୁନିଗୁଡା ପ୍ରଗତି ମଞ୍ଚର ସଭାପତି ସିଏଚ ଗଣେଶ୍ୱର ରାଓ,ସମ୍ପାଦକ ସିମାଞ୍ଚଳ ପଣ୍ଡା,ନନ୍ଦ କିଶୋର ପଟ୍ଟନାୟକ,ବିକାଶ ପରିଷଦର ସଭାପତି ଘନଶ୍ୟାମ ମାର୍ଥା,ବଣିକ ସଙ୍ଘର ସଭାପତି ଚିନ୍ତାମଣି ସାହୁ,ଅବସର ପ୍ରାପ୍ତ ସରକାରୀ କର୍ମଚାରୀ ସଙ୍ଘର ବ୍ରହ୍ମାନନ୍ଦ ଆଚାରୀ,ରାଧାପ୍ରାସାଦ ସାହୁ, ନିରଞ୍ଜନ ଶତପଥୀ,ଭଗବାନ ପଣ୍ଡା,ବୁଦ୍ଧିଜୀବୀ ତରଣୀ ଚୌଧୁରୀ,କେ.ସତ୍ୟନାରାୟଣ ରାଓ,ଜାମି ମହେଶ, ବଳରାମ ନାୟକ,ବିଦ୍ୟାଧର ଦାସ,ଦେବେନ୍ଦ୍ର ବେହେରା ପ୍ରମୁଖଙ୍କ ସମେତ ମୁନିଗୁଡାର ବହୁ ମାନ୍ୟଗଣ୍ୟ ବ୍ୟକ୍ତି ବିଶେଷ ଓ ଜନସାଧାରଣ ମାନେ ଉପସ୍ଥିତ ରହି ଆଲୋଚନାରେ ଭାଗ ନେଇ ନିଜ ନିଜର ମତ ପ୍ରକାଶ କରିଥିଲେ l ପରେ ମୁନିଗୁଡା ବିଡ଼ିଓ ଙ୍କ ଜରିଆରେ ମୁଖ୍ୟମନ୍ତ୍ରୀ ଙ୍କ ଉଦେଶ୍ୟରେ ଏକ ସ୍ମାରପତ୍ର ପ୍ରଦାନ କରାଗଲା l ଶେଷରେ ମୁନିଗୁଡାର ଏନଏସି ମିଳିତ କ୍ରିୟାନୁଷ୍ଠାନ କମିଟିର ଏକ ପ୍ରତିନିଧି ମଣ୍ଡଳ ଭୁବନେଶ୍ୱର ଯାଇ ସେଠାରେ ମୁଖ୍ୟମନ୍ତ୍ରୀ,ନଗର ଉର୍ଣ୍ଣୟନ ମନ୍ତ୍ରୀ,ବିଜେପି ରାଜ୍ୟ ସଭାପତି ସହ ସମ୍ପୃକ୍ତ ବିଭାଗର ସଚିବଙ୍କୁ ଭେଟି ସ୍ମାରକପତ୍ର ପ୍ରଦାନ କରିବା ସହ ଆଲୋଚନା କରିବାର କାର୍ଯ୍ୟକ୍ରମ ରହିଥିବା ଜଣାପଡିଛି ।

ମାଦକ ଦ୍ରବ୍ୟ ଚୋରାଚାଲାଣ ରୋକିବା ଉପରେ ଜିଲ୍ଲାସ୍ଥରୀୟ ବୈଠକ ଅନୁଷ୍ଠିତ…!

ଏଥର ସମ୍ଭାଳ ବ୍ୟୁରୋ(ରାୟଗଡ଼)- ରାୟଗଡ଼ ଜିଲ୍ଲାରେ ବ୍ୟାପକ ମାଦକ ଦ୍ରବ୍ୟ ଧରପଗଡ଼ ଓ ଚୋରାଚାଲାଣ ହେଉଥିବାରୁ ଏହାକୁ ରୋକିବା ନିମନ୍ତେ ଜିଲ୍ଲାପାଳ ରାୟଗଡ଼ ଶ୍ରୀ ଆଶୁତୋଷ କୁଲକାର୍ଣ୍ଣିଙ୍କ ଅଧ୍ୟକ୍ଷତlରେ ଆଜି ସ୍ଥାନୀୟ ଜିଲ୍ଲାପାଳଙ୍କ ସଦଭାବନା ସଭାଗୃହରେ ଏହା ସଂଯୁକ୍ତ ବୈଠକ ଅନୁଷ୍ଠିତ ହୋଇଥିଲା l ରାୟଗଡ଼ ଆରକ୍ଷୀ ଅଧିକ୍ଷକ ସୁଶ୍ରୀ ସ୍ୱାତୀ ଏସ କୁମାର ଓ ବନଖଣ୍ଡ ଅଧିକାରୀ ଶ୍ରୀ ଆନ୍ନାସାହେବ ଓହଲେ, ଉପଜିଲ୍ଲାପାଳ ଗୁଣୁପୁର ଶ୍ରୀ ଦୁଧlଲ ଅଭିଶେଖ ଦିଲ୍ଲୀପ ଉପସ୍ଥିତରେ ବିସ୍ତୃତ ଭାବରେ ଆଲୋଚନା କରାଯାଇଥିଲା l ବିଶେଷ କରି ଜିଲ୍ଲାରେ ମାଦକ ନିଷଦ୍ରବ୍ୟ ଗଂଜେଇ ଅବାଧ ଚାଷକୁ ରୋକିବା, ନିଶା ଦ୍ରବ୍ୟ ଅବାଧ କାରବାର ଓ ଚୋରା ଚାଲାଣ ସମ୍ପର୍କରେ ଗୁପ୍ତ ତଥ୍ୟ ପ୍ରଦାନ,ବିଦ୍ୟାଳୟ, ମହାବିଦ୍ୟାଳୟ ମାନଙ୍କ ଠାରେ ନିବାରଣ ଉପରେ ସଚେତନତାକୁ ପ୍ରତ୍ସାହ୍ନ କରିବା, ମାଦକ ଦ୍ରବ୍ୟ କାରବାର ବହୁଳ ଅଂଚଳ ମାନଙ୍କରେ ନିଷlଦ୍ରବ୍ୟ କ୍ଷତିକାରକ ବିଷୟରେ ଜନସଚେତନତା ସୃଷ୍ଟି କରିବା l ଉନୟନ କାର୍ଯ୍ୟକ୍ରମ ଗୁଡିକ କାର୍ଯ୍ୟ କାରୀ କରିବା l ବିଶେଷ କରି ଓଡିଶା ଜୀବିକା ସରକାରଙ୍କ ତରଫରୁ କାର୍ଯ୍ୟକ୍ରମ ଜରିଆରେ ଏହି ଅଂଚଳର ଲୋକମାନଙ୍କୁ କର୍ମସଂସ୍ଥାନ ଯୋଗାଇବା ଉପରେ ଆଲୋଚନା କରାଯାଇଥିଲା l କୃଷି ବିଭାଗ, ଉଦ୍ୟାନ ବିଭାଗ ତରଫରୁ ଗଂଜା ଚାଷ ବଦଳରେ ସେହି ଅଂଚଳର ଲୋକଙ୍କୁ ଫଳ, ମକା ଓ ଅନ୍ୟ ଅର୍ଥକାରୀ ଫସଲ ଚାଷ ପାଇଁ ମଞ୍ଜି ଯୋଗାଇବା ଉପରେ ଜିଲ୍ଲାପାଳ ଶ୍ରୀ କୁଲକାର୍ଣ୍ଣି ଗୁରୁତ୍ୱ ଦେଇଥିଲେ l ଅବକାରୀ ବିଭାଗକୁ ସକ୍ରୀୟ ରହି ନିଶାଦ୍ରବ୍ୟ କାରବାର ରୋକିବା ନିମନ୍ତେ ପଦକ୍ଷେପ ନେବାକୁ ଜିଲ୍ଲାପାଳ ନିର୍ଦେଶ ଦେଇଥିଲେ l ଆଜିର ଏହି ବୈଠକରେ ଅନ୍ୟମାନଙ୍କ ମଧ୍ୟରେ ଜିଲ୍ଲା ମୁଖ୍ୟ ଚିକିତ୍ସା ଓ ଜନସ୍ୱାସ୍ଥ୍ୟ ଅଧିକାରୀ ଡାକ୍ତର ମମତା ସାହୁ, ଜିଲ୍ଲା କୃଷି ଅଧିକାରୀଙ୍କ ପ୍ରତନିଧି, ଉପନିର୍ଦ୍ଧେଶକ ଉଦ୍ୟାନ ବିଭାଗ ଶ୍ରୀ ଦୟାନିଧି ରାଉତ,ଜିଲ୍ଲା ଦକ୍ଷ୍ୟତା ଓ କର୍ମ ନିୟୋଜନ ଅଧିକାରୀ ସୁଶ୍ରୀ ସ୍ୱର୍ଣ ଲତା ରାଉତ, ଓ ଅନ୍ୟାନ୍ୟ ଅଧିକାରୀ ମlନେ ଯୋଗଦାନ କରି ଆଲୋଚନାରେ ଅଂଶଗ୍ରହଣ କରିଥିଲେ l

ପଞ୍ଚାୟତିରାଜ ଓ ପାନୀୟ ଜଳ ବିଭାଗ କମିଶନର ତଥା ସଚିବ ତଥା ଜିଲ୍ଲା ନୋଡାଲ ଅଧିକାରୀଙ୍କ ତିନିଦିନିଆ ରାୟଗଡ ଜିଲ୍ଲା ଗସ୍ତ ବିଭିନ୍ନ ପ୍ରକଳ୍ପ ପରିଦର୍ଶନ ଓ ସମୀକ୍ଷା…!

ଏଥର ସମ୍ଭାଳ ବ୍ୟୁରୋ(ରାୟଗଡ଼)- ରାଜ୍ୟ ସରକାରଙ୍କ ପଞ୍ଚାୟତିରାଜ ଓ ପାନୀୟ ଜଳ ବିଭାଗ କମିଶନର ତଥା ସଚିବ ଶ୍ରୀ ଗିରିଶ ଏସ ଏନ, ଆଇ,ଏ, ଏସଙ୍କ ତିନିଦିନିଆ ରାୟଗଡ଼ ଜିଲ୍ଲା ଗସ୍ତ ଓ ସମୀକ୍ଷା କରିଛନ୍ତି l ଆଜି ସ୍ଥାନୀୟ ଜିଲ୍ଲାପରିଷଦ ସଦଭାବନା ସଭାଗୃହରେ ଜିଲ୍ଲାପାଳ ଶ୍ରୀ ଆଶୁତୋଷ କୁଲକର୍ଣ୍ଣି, ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ତଥା କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀ ଅକ୍ଷୟ କୁମାର ଖେମୁଣ୍ଡୁ ଓ ଉପଜିଲ୍ଲାପାଳ ଗୁଣୁପୁର ଶ୍ରୀ ଦୁଧlଲ ଅଭିଷେକ ଦିଲ୍ଲୀପଙ୍କ ଉପସ୍ଥିତରେ ବିଭିନ୍ନ ବିଭାଗର ଅଧିକାରୀ ମାନଙ୍କ ସହିତ ସମୀକ୍ଷା ବୈଠକ କରିଥିଲେ l ଏହି ସମୀକ୍ଷା ବୈଠକରେ ବିଶେଷ କରି ସ୍ୱାସ୍ଥ୍ୟ ବିଭାଗର ଗୋପବନ୍ଧୁ ଜନ ଆରୋଗ୍ୟ ଯୋଜନା ଓ ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା, ଗ୍ରାମୀୟ ନିର୍ମାଣ ବିଭାଗ ଦ୍ୱାରା କରାଯାଉଥିବା ସେତୁବନ୍ଧୁ ଯୋଜନା,ମହିଳା ଓ ଶିଶୁ ବିକାଶ ବିଭାଗ ସୁଭଦ୍ରା ଯୋଜନା, ପୋଷଣ ଓ ସମନ୍ୱିତ ଶିଶୁ ବିକାଶ ଯୋଜନା,ବିଦ୍ୟାଳୟ ଓ ଗଣଶିକ୍ଷା ବିଭାଗର ପିଏମ ଶ୍ରୀ ବିଦ୍ୟାଳୟ,ଜିଲ୍ଲା ମଙ୍ଗଳ ବିଭାଗର ହଷ୍ଟେଲ ସମସ୍ୟା,ସମ୍ମନ୍ୱିତ ଆଦିବାସୀ ଉନ୍ନୟନ ସଂସ୍ଥା ଦ୍ୱାରା ଜନଜାତିଙ୍କ ବିକାଶ ଯୋଜନା, ସାମାଜିକ ସୁରକ୍ଷା ଓ ଭିନକ୍ଷମ ଶାସକ୍ତିକରଣ ବିଭାଗର , ଶକ୍ତି ବିଭାଗର ଗ୍ରାମୀଣ ବିଦ୍ୟୁତ କରଣ, ଯୋଗାଣ ବିଭାଗର ଧାନ ସଂଗ୍ରହ ପାଇଁ ଲକ୍ଷ ଧର୍ଯ୍ୟ, ମତ୍ସ୍ଯ ଓ ପ୍ରାଣୀସମ୍ପଦ ବିଭାଗ, ପଂଚାୟତରାଜ ଓ ଗ୍ରାମୀୟ ଜଳଯୋଗାଣ ବିଭାଗ, ଗୃହ ଓ ନଗର ଉନ୍ନୟନ ବିଭାଗ ଆଦିର ଅଗ୍ରଗତି ଓ ସମସ୍ୟା ଉପରେ ସମୀକ୍ଷା କରିଥିଲେ l

ଏହା ପୂର୍ବରୁ ତା:୧୯-୦୮-୨୦୨୫ରିଖ ଦିନ ରାଜ୍ୟ ସରକାରଙ୍କ ପଞ୍ଚାୟତିରାଜ ଓ ପାନୀୟ ଜଳ ବିଭାଗ କମିଶନର ତଥା ସଚିବ ଶ୍ରୀ ଗିରିଶ ଏସ ଏନ, ଆଇ,ଏ, ଏସ୍, ପ୍ରଥମେ ରାୟଗଡ଼ା ଠାରେ ଥିବା ଦକ୍ଷତା ବିକାଶ କେନ୍ଦ୍ର ପରିଦର୍ଶନ କରି ତାଲିମ ନେଉଥିବା ପିଲା ଙ୍କ ସହ କଥା ବାର୍ତ୍ତା କରିଥିଲେ ଏବଂ ଜିଲ୍ଲା ନିଯୁକ୍ତି ଅଧିକାରୀ ଙ୍କୁ ନିଯୁକ୍ତି ପାଇଲା ପରେ ପିଲା ଙ୍କ ତଥ୍ୟ ରଖିବା ପାଇଁ ନିର୍ଦ୍ଦେଶ ଦେଇଥିଲେ। ଏହା ପରେ ଜିଲ୍ଲାର ଗୁଣୁପୁର ଉପଖଣ୍ଡ ଅନ୍ତର୍ଗତ ରାମନାଗୁଡା ଗୁଣୁପୁର ଓ ପଦ୍ମପୁର ବ୍ଲକର ବିଭିନ୍ନ ପ୍ରକଳ୍ପ ବିଶେଷ କରି ଗୁଣୁପୁର ଉପଖଣ୍ଡ ଚିକତ୍ସାଳୟ, ବିକଶିତ ଗ୍ରାମ ବିକଶିତ ଓଡିଶା ଯୋଜନାର ବିଭିନ୍ନ ପ୍ରକଳ୍ପ, ପ୍ରଧାନମନ୍ତ୍ରୀ ଜନମନ କାର୍ଯ୍ୟ, ବିଦ୍ୟାଳୟର ଶିକ୍ଷାଦାନ ବ୍ୟବସ୍ତା,ମଧ୍ୟାହ୍ନ ଭୋଜନ, ହଷ୍ଟେଲ ସୁପରିଚାଳନା, ଅଙ୍ଗନବାଡି କେନ୍ଦ୍ରର ଶିଶୁ ପୋଷଣ,ଅମୃତ ସରବର, ଆକାଂକ୍ଷା ହାଟ,ପିସି କଲଚର ଓ ସୁଭଦ୍ରା ଯୋଜନା ଉପରେ ଅନୁଧ୍ୟାନ କରିଥିଲେ l ପ୍ରଥମେ ଚାଟିକଣା ଠାରେ ଥିବା ଡଙ୍ଗରିଆ ସାଲ୍ ତାଲିମ୍ କେନ୍ଦ୍ର ଯାଯାବର ପରିଦର୍ଶନ କରି ଡଙ୍ଗରିଆ କନ୍ଧ ମା ମାନଙ୍କ କଥା ବାର୍ତ୍ତା ହେବା ସହ ସେମାନଙ୍କ ବ୍ୟବସାୟ କେମିତି ଚାଲିଛି ପଚାରି ବୁଝିଥିଲେ । ତାପରେ ଓରମାସର ତେନ୍ତୁଳି ପ୍ରୋସେସିଂ ୟୁନିଟ ଓ ସପୁରି ପ୍ରସେସିଂ ୟୁନିଟ ପରିଦର୍ଶନ କରି ଏହାକୁ କିପରି ଅଧିକ ରୁ ଅଧିକା ୟୁନିଟ ଖୋଲା ଯିବା ତା ଉପରେ ଆଲୋକପାତ କରିଥିଲେ ଏବଂ ବିଭିନ୍ନ ଆନୁସଙ୍ଗିକ ବ୍ୟବସ୍ଥା ଉପରେ ପଚାରି ବୁଝିଥିଲେ । ଏହା ପରେ କୁଲି ପଞ୍ଚାୟତ ର ଖମ୍ବେଶି ଗ୍ରାମ କୁ ପରିଦର୍ଶନ କରି ନୂତନ ଭାବେ ନିର୍ମାଣ ଚାଲିଥିବା ପ୍ରଧାନମନ୍ତ୍ରୀ ଜନମ ଘର ଗୁଡ଼ିକୁ ତୁରନ୍ତ ସାରିବାକୁ ନିର୍ଦ୍ଦେଶ ଦେଇଥିଲେ l ବିଷମକଟକ ବ୍ଲକର ଥୁଆପଡ଼ି ଠାରେ ଥିବା ୱାଟର ଟ୍ରିଟମେଣ୍ଟ ପ୍ଲାଣ୍ଟ ପରିଦର୍ଶନ କରିଥିଲେ। ଏହା ପରେ ରାୟଗଡ଼ା ସଦର ବ୍ଲକ କୁ ଗସ୍ତ କରି କୁଲି ପଞ୍ଚାୟତରେ ଥିବା ଶିଶୁ ଉଦ୍ୟାନ ଏବଂ କଲ୍ୟାଣ ମଣ୍ଡପ ପରିଦର୍ଶନ କରିଥିଲେ l

ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ…!

!!! କଳାହାଣ୍ଡି ଜିଲ୍ଲା ପ୍ରତିନିଧି ମୋନଜ କୁମାର ସିଂ ଙ୍କ ରିପୋର୍ଟ !!! 

ଏଥର ସମ୍ଭାଳ (ଭବାନୀପାଟଣା)- ଭବାନୀପାଟଣା ପଞ୍ଚାୟତ ସମିତି କାର୍ଯ୍ୟାଳୟ ପରିସରରେ ବ୍ଲକ ଅଧ୍ୟକ୍ଷ ପ୍ରଫୁଲ୍ଲ ସାହୁ ଙ୍କ ଅଧ୍ୟକ୍ଷତାରେ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି l ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଅତିରିକ୍ତ ଜିଲ୍ଲାପାଳ ତନ୍ମୟ ଦରୱାନ, ସମ୍ମାନିତ ଅତିଥି ଭାବରେ ଭାରତୀୟ ପ୍ରଶାସନିକ ସେବା ଶିକ୍ଷାନବୀଶ ଅନିମେଷ ପ୍ରଧାନ, ବିଡ଼ିଓ ଚନ୍ଦନ କୁମାର ଭୋଇ, ଉପାଧ୍ୟକ୍ଷା ଲଷ୍ମୀ ସାହୁ, ଜିଲ୍ଲା ଭିନ୍ନକ୍ଷମ ସମିତି କଳାହାଣ୍ଡି ତଥା ଓଡ଼ିଶା ବିକଳାଙ୍ଗ ମଞ୍ଚ ସମ୍ପାଦକ ଡୋଳାମଣି ପ୍ରଧାନ, ଉପଦେଷ୍ଟା ହରିଶ ଚନ୍ଦ୍ର ନାଏକ, ସାଇଟସେବର ସଂଯୋଜକ ପ୍ରିୟବ୍ରତ ପାଢ଼ୀ ପ୍ରମୁଖ ଉପସ୍ଥିତ ଥିଲେ l ଏହି କାର୍ଯ୍ୟକ୍ରମ ରେ ବ୍ଲକ ର ସମସ୍ତ ଜିଲ୍ଲା ପରିଷଦ,ସଭ୍ୟସଭ୍ୟା, ସରପଞ୍ଚ ପଞ୍ଚାୟତ ସମିତି ସଭ୍ୟସଭ୍ୟାତଥା ବ୍ଲକ ର ସମସ୍ତ ଗ୍ରାମରୁ ଭିନ୍ନକ୍ଷମ ତଥା ସେମାନଙ୍କ ସହଯୋଗୀ ଯୋଗଦେଇଥିଲେ l ଏହି କାର୍ଯ୍ୟକ୍ରମ ରେ ୪୫୦ ଜଣ ଭିନ୍ନକ୍ଷମ ପଞ୍ଜିକରଣ କରିଥିଲେ l ଜିଲ୍ଲାର ବିଶେଷଜ୍ଞ ଡାକ୍ତର ଦିବ୍ୟାଙ୍ଗ ମାନଙ୍କୁ ପରୀକ୍ଷା କରି ପରାମର୍ଶ ଦେଇଥଲେ l ବସ୍ ପାସ, ଟ୍ରେନ ପାସ,ହୁଇଲ ଚେୟାର, ଟ୍ରାଇ ସାଇକେଲ ଆଦି ଉପଯୁକ୍ତ ଦିବ୍ୟାଙ୍ଗ ମାନଙ୍କୁ ଚିନ୍ହଟ କରି ପ୍ରଦାନ କରାଯାଇଥିଲା l ଭିନ୍ନକ୍ଷମ ଭତ୍ତା,ଵାଣିଶ୍ରୀ ଛାତ୍ରବୃତ୍ତି, ଡି ଆର ଆଇ ଲୋନ,ତଥା ଭିନ୍ନକ୍ଷମ ମାନେ ପାଇବାକୁ ଥିବା ବିଭିନ୍ନ ସୁବିଧା ସୁଯୋଗ ସମ୍ବନ୍ଧରେ ସମସ୍ତଙ୍କୁ ସଚେତନ କରାଯାଇଥିଲା l ଏହି ଶିବିରକୁ ବ୍ଲକ ସାମାଜିକ ସୁରକ୍ଷା ଅଧିକାରୀ ସିଦ୍ଧେଶ୍ୱର ଦେବ ପରିଚାଳନା କରିଥବା ବେଳେ ବ୍ଲକ ର ସମସ୍ତ କର୍ମଚାରୀ ତଥା ଭିନ୍ନକ୍ଷମ ସମିତି ର ସଭ୍ୟସଭ୍ୟା ସହଯୋଗ କରିଥିଲେ l

ଡଙ୍ଗରିଆ କନ୍ଧଙ୍କ ବିକାଶ ପାଇଁ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ; ଖୁବଶୀଘ୍ର ଗଠନ ହେବ ସ୍ୱତନ୍ତ୍ର ମାଷ୍ଟରପ୍ଲାନ୍ ଓ ବୋର୍ଡ ….!

ଏଥର ସମ୍ଭାଳ ବ୍ୟୁରୋ(ଭୁବନେଶ୍ଵର)- ନିୟମଗିରି ପାହାଡ଼ରେ ବସବାସ କରୁଥିବା ଡଙ୍ଗରିଆ କନ୍ଧ ସମୁଦାୟର ଲୋକମାନଙ୍କ ସାମଗ୍ରିକ ବିକାଶ ନିମନ୍ତେ ରାଜ୍ୟ ସରକାର ଏକ ସ୍ୱତନ୍ତ୍ର ବୋର୍ଡ କିମ୍ବା ପରିଷଦ ଗଠନ କରିବେ । ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଡଙ୍ଗରିଆ କନ୍ଧ ସମୁଦାୟର ମହିଳାମାନେ ଗତ ଶନିବାର ରାଖି ବାନ୍ଧି ନିଜ ଅଂଚଳର ସମସ୍ୟା ସମ୍ପର୍କରେ ଅବଗତ କରିବା ପରେ ସରକାରୀସ୍ତରରେ ଏନେଇ ତତ୍ପରତା ପ୍ରକାଶ ପାଇଛି । ଡଙ୍ଗରିଆ କନ୍ଧ ସମୁଦାୟର ପ୍ରତିନିଧି ଓ ସ୍ଥାନୀୟ ଜନପ୍ରତିନିଧିଙ୍କୁ ସାମିଲ କରି ନିୟମଗିରି ଅଂଚଳରେ ବିକାଶ କାର୍ଯ୍ୟକୁ ତ୍ୱରାନ୍ୱିତ କରିବା ଏବଂ ସେମାନଙ୍କର ଆସ୍ଥା ଜିଣିବା ଦିଗରେ ଆବଶ୍ୟକ ରୂପରେଖ ପ୍ରସ୍ତୁତ ପାଇଁ ନିର୍ଦ୍ଦେଶ ଦିଆଯାଇଥିବା ସୂଚନା ମିଳିଛି । ‘ଡଙ୍ଗରିଆ କନ୍ଧ’ ମହିଳାମାନେ ଇତିହାସରେ ପ୍ରଥମଥର ପାଇଁ ରାଜ୍ୟର ମୁଖ୍ୟମନ୍ତ୍ରୀଙ୍କ ହାତରେ ରାକ୍ଷୀ ବାନ୍ଧି ସିଧାସଳଖ ନିଜର ସମସ୍ୟା ସମ୍ପର୍କରେ ଅବଗତ କରାଇବାର ସୁଯୋଗ ପାଇଥିବାବେଳେ ମୁଖ୍ୟମନ୍ତ୍ରୀ ଶ୍ରୀ ମାଝୀ ମଧ୍ୟ ସେମାନଙ୍କର ସମସ୍ୟାକୁ ଅତ୍ୟନ୍ତ ଗୁରୁତର ସହ ନେଇଥିବା ଜଣାପଡ଼ିଛି । ନିୟମଗିରି ଅଂଚଳରେ ରହୁଥିବା ଡଙ୍ଗରିଆ କନ୍ଧଙ୍କ ସାମଗ୍ରିକ ବିକାଶ ପାଇଁ ରାଜ୍ୟ ସରକାର ସ୍ୱତନ୍ତ୍ର ପଦକ୍ଷେପ ନେବାକୁ ଯାଉଛନ୍ତି । ରାଜ୍ୟ ଅନୁସୂଚିତ ଜାତି ଓ ଜନଜାତି ବିଭାଗର ସୂତ୍ର ଅନୁସାରେ, ମୁଖ୍ୟମନ୍ତ୍ରୀ ଶ୍ରୀ ମାଝୀ କୋରାପୁଟ ଗସ୍ତରୁ ଫେରିବା ପରେ ଏହି ମାଷ୍ଟରପ୍ଲାନ୍ ପ୍ରସ୍ତୁତ ପାଇଁ ପ୍ରକ୍ରିୟା ଆରମ୍ଭ ହୋଇଛି । ନିୟମଗିରି ଅଂଚଳରେ ରହୁଥିବା ଏହି ଆଦିମ ଜନଜାତି ବର୍ଗର ଲୋକମାନଙ୍କୁ ସବୁପ୍ରକାରର ମୌଳିକ ସୁବିଧାସୁଯୋଗ ଯୋଗାଇ ଦେବା ଓ ସେମାନଙ୍କ ଅଂଚଳରେ ବିକାଶକୁ ତ୍ୱରାନ୍ୱିତ କରିବା ପାଇଁ ଏହି ମାଷ୍ଟରପ୍ଲାନରେ ସ୍ୱତନ୍ତ୍ର ଦୃଷ୍ଟି ଦିଆଯିବ ବୋଲି ଜଣାପଡ଼ିଛି । ବିଶେଷକରି ସ୍ୱତନ୍ତ୍ର ବୋର୍ଡ, ଅବା ପ୍ରାଧିକରଣ ଅବା ବିକାଶ ପରିଷଦ ଗଠନ କରି ସେଥିରେ ଡଙ୍ଗରିଆ କନ୍ଧ ସମୁଦାୟର ପ୍ରତିନିଧିଙ୍କୁ ସାମିଲ କରି ସେହି ଅଂଚଳରେ ବିକାଶ କାର୍ଯ୍ୟକୁ ତ୍ୱରାନ୍ୱିତ କରିବା ଉପରେ ସରକାର ଗୁରୁତ୍ୱ ଦେଉଥିବା ରାଜ୍ୟ ଅନୁସୂଚିତ ଜାତି ଓ ଜନଜାତି ବିଭାଗ ସୂତ୍ରରୁ ସୂଚନା ମିଳିଛି । ଯଦିଓ ଡଙ୍ଗରିଆ କନ୍ଧଙ୍କ ବିକାଶ ନିମନ୍ତେ ୧୯୬୪ ମସିହାରୁ ‘ଡଙ୍ଗରିଆ କନ୍ଧ ଉନ୍ନୟନ ଏଜେନ୍ସୀ(ଡିକେଡିଏ)’ କାର୍ଯ୍ୟ କରୁଛି କିନ୍ତୁ ତାହା ଫଳପ୍ରଦ ହୋଇପାରୁନି ।

ନିୟମଗିରି ପାହାଡ଼ ଅଂଚଳରେ ରହୁଥିବା ଡଙ୍ଗରିଆ କନ୍ଧ ବର୍ଗର ଲୋକଙ୍କୁ ନିଜର ବିକାଶ  କାର୍ଯ୍ୟରେ ସିଧାସଳଖ ଭାଗିଦାରୀର ସୁଯୋଗ ଦେବା ଓ ବିକାଶ କାର୍ଯ୍ୟକୁ ତ୍ୱରାନ୍ୱିତ ନିମନ୍ତେ ଏଭଳି ମାଷ୍ଟରପ୍ଲାନ୍ ପ୍ରସ୍ତୁତ ହେଉଥିବା ଜଣାପଡ଼ିଛି । ନିୟମଗିରି ଅଂଚଳର ଡଙ୍ଗରିଆ କନ୍ଧ ଓ କୁଟିଆ କନ୍ଧ ମହିଳାମାନେ ଗତ ରାକ୍ଷୀ ପୂର୍ଣ୍ଣିମାରେ କୋରାପୁଟ ଯାଇ ସେଠାରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଭେଟି ରାକ୍ଷୀ ବାନ୍ଧିବା ସହ ନିଜ ଅଂଚଳର ସମସ୍ୟା ସମ୍ପର୍କରେ ଅବଗତ କରାଇଛନ୍ତି । ଶ୍ରୀ ମାଝୀ ଏହି ସମୁଦାୟର ମହିଳାମାନଙ୍କଠାରୁ ‘ସୁରକ୍ଷା ଓ ସମ୍ମାନ’ର ଏହି ପାରଂପରିକ ପ୍ରତୀକ ଭାବେ ରାଖି ବାନ୍ଧିଥିବା ପ୍ରଥମ ମୁଖ୍ୟମନ୍ତ୍ରୀ । ମହିଳାମାନେ ଏହି ଅବସରରେ ନିଜ ଅଂଚଳରେ ସ୍ୱାସ୍ଥ୍ୟ, ଶିକ୍ଷା, ରାସ୍ତା, ପିଇବା ପାଣି ଓ ଜୀବନଜୀବିକା ଆଦି ମୌଳିକ ସୁବିଧାର ଅଭାବ ସମ୍ପର୍କର୍ରେ ମୁଖ୍ୟମନ୍ତ୍ରୀଙ୍କୁ ଅବଗତ କରାଇଛନ୍ତି । ଏହାସହିତ ନିଜର ସମସ୍ୟାକୁ ନେଇ ସ୍ୱର ଉଠାଇଲେ ସେମାନଙ୍କୁ ନକ୍ସଲ କହି ପୁଲିସ ଓ ପ୍ରଶାସନ ବିଭିନ୍ନ ସମୟରେ ଶୋଷଣ ଓ ଅତ୍ୟାଚାର କରାଯାଉଥିବା ନେଇ ମଧ୍ୟ ସେମାନେ ଅଭିଯୋଗ କରିଥିବା ସୂଚନା ମିଳିଛି । ସମଗ୍ର ଦେଶରେ ଚିହ୍ନଟ ହୋଇଥିବା ମୋଟ୍ ୭୫ଟି ସମୁଦାୟର ପିଭିଟିଜି(ପ୍ରାଥମିକ ଭାବେ ଅସୁରକ୍ଷିତ ଆଦିବାସୀ ଗୋଷ୍ଠୀ) ମଧ୍ୟରୁ କେବଳ ଓଡ଼ିଶାରେ ଥିବା ୧୩ଟି ବର୍ଗର ପିଭିଟିଜିଙ୍କ ମଧ୍ୟରେ ଡଙ୍ଗରିଆ କନ୍ଧ ଓ କୁଟିଆ କନ୍ଧ ରହିଛନ୍ତି । ନିୟମଗିରି ପାହାଡ଼ ଅଂଚଳରେ ରହୁଥିବା ଡଙ୍ଗରିଆ କନ୍ଧମାନେ ରାକ୍ଷୀ ପୂର୍ଣ୍ଣିମାରେ ମୁଖ୍ୟମନ୍ତ୍ରୀଙ୍କୁ ଭେଟିବା, ମୌଳିକ ସୁବିଧାରୁ ବଂଚିତ ସହ ସେମାନେ ସମ୍ମୁଖୀନ ହେଉଥିବା ସମସ୍ୟା ସମ୍ପର୍କରେ ଅବଗତ କରାଇବାକୁ ପ୍ରଶାସନିକ ମହଲରେ ବେଶ୍ ଗୁରୁତ୍ୱ ଦିଆଯାଉଛି । ରାଜ୍ୟ ଅନୁସୂଚିତ ଜାତି ଓ ଜନଜାତି ବିଭାଗ ସୂତ୍ରରୁ ମିଳିଥିବା ସୂଚନା ଅନୁସାରେ,ଏହି ଆଦିମ ଜନଜାତି ‘ଡଙ୍ଗରିଆ କନ୍ଧ’ ସମୁଦାୟ କେବଳ ନିୟମଗିରି ଅଂଚଳରେ ଦେଖିବାକୁ ମିଳନ୍ତି ।

ପ୍ରକୃତିକୁ ନିଜର ଭଗବାନ ଭାବେ ଏହି ସମୁଦାୟର ଲୋକେ ପୂଜାର୍ଚ୍ଚନା କରିଥାନ୍ତି । ୨୦୧୬ରେ ଅନୁସୂଚିତ ଜାତି ଓ ଅନୁସୂଚିତ ଜନଜାତି ଗବେଷଣା ଓ ପ୍ରଶିକ୍ଷଣ ସଂସ୍ଥା ଦ୍ୱାରା କରାଯାଇଥିବା ଏକ ବେସଲାଇନ ସର୍ଭେ ଅନୁସାରେ, ରାୟଗଡ଼ା ଜିଲ୍ଲାରେ ମୋଟ ୯୮ଟି ଗାଁରେ ୧୮୯୨ଟି ଡଙ୍ଗରିଆ କନ୍ଧ ପରିବାର ରହୁଛନ୍ତି ଓ ସେଥିରେ ୭୭୨୨ ଜଣ  (୪୪୪୩ ମହିଳା ଓ ୩୨୭୯ ପୁରୁଷ) ଲୋକ ଅଛନ୍ତି । ଏହି ଗାଁଗୁଡ଼ିକ ମୌଳିକ ସୁବିଧା ସୁଯୋଗରୁ ବଂଚିତ ହୋଇ ରହିଛି । ମାତ୍ର ୩୧ଟି ଗାଁରେ ବିଦ୍ୟାଳୟ, ୨୮ଟି ଗାଁରେ ଅଙ୍ଗନବାଡ଼ି କେନ୍ଦ୍ର ଓ ୧୬ଟି ଗାଁରେ ମୋଟରଚାଳିତ ରାସ୍ତା ଅଛି । ସର୍ଭେ ଅନୁସାରେ, ଡଙ୍ଗରିଆ କନ୍ଧଙ୍କ ମୋଟ୍ ସାକ୍ଷରତା ହାର ୨୯%, ଯେଉଁଥିରେ ପୁରୁଷଙ୍କ ସାକ୍ଷରତା ୨୪.୫% ଓ ମହିଳାଙ୍କ ସାକ୍ଷରତା ୧୫.୯% ରହିଛି । ଶୁଦ୍ଧ ପାନୀୟ ଜଳ ସାତ ସପନ ପାଲଟିଛି । ଜୀବନଜୀବିକା ନିର୍ବାହ ପାଇଁ ପାରମ୍ପରିକ ଉପାୟ ଛଡ଼ା ଅନ୍ୟ ବିକଳ୍ପ ମଧ୍ୟ ସେମାନଙ୍କ ପାଖରେ ନାହିଁ । ଦୀର୍ଘ ୬ ଦଶନ୍ଧି ଧରି ‘ଡଙ୍ଗରିଆ କନ୍ଧ ଉନ୍ନୟନ ଏଜେନ୍ସୀ’ ମାଧ୍ୟମରେ ସରକାର ଅର୍ଥ ଆବଂଟନ କରୁଥିଲେ ମଧ୍ୟ ସେଥିରେ ସମ୍ପୃକ୍ତ ସମୁଦାୟର ଲୋକଙ୍କ ଅନୁପସ୍ଥିତି ଯୋଗୁ ଏହି ଏଜେନ୍ସୀ କେବଳ ଧର୍ମକୁ ଆଖିଠାର ମାରିବା ସଦୃଶ ହୋଇଛି । ଏବେ ମୁଖ୍ୟମନ୍ତ୍ରୀ ଶ୍ରୀ ମାଝୀ ଏହି ଡଙ୍ଗରିଆ କନ୍ଧ ସମୁଦାୟର ଲୋକଙ୍କ ସମସ୍ୟା ସମ୍ପର୍କରେ ଅବଗତ ହେବାପରେ ନିୟମିଗିରି ଅଂଚଳରେ ତ୍ୱରିତ୍ ବିକାଶ କାର୍ଯ୍ୟ ସହ ଡଙ୍ଗରିଆ କନ୍ଧଙ୍କ ସାମଗ୍ରିକ ବିକାଶ ତ୍ୱରାନ୍ୱିତ ହେବାର ସମ୍ଭାବନା ଥିବା ରାଜ୍ୟ ଅନୁସୂଚିତ ଜାତି ଓ ଜନଜାତି ବିଭାଗ ସୂତ୍ରରୁ ଜଣାପଡ଼ିଛି ।

୨୪ ବର୍ଷ ପରେ ଓଡ଼ିଶାରେ ହେବ ଭୋଟର ତାଲିକାର ସ୍ପେଶାଲ୍‌ ଇଣ୍ଟେନସିଭ୍‌ ରିଭିଜନ୍‌ (SIR) ….!

ଏଥର ସମ୍ଭାଳ ବ୍ୟୁରୋ(ଭୁବନେଶ୍ଵର)- ରାଜ୍ୟରେ ୨୪ ବର୍ଷ ପରେ ଭୋଟର ତାଲିକାର ସ୍ପେଶାଲ୍ ଇଣ୍ଟେନସିଭ୍ ରିଭିଜନ୍ (SIR) ପ୍ରକ୍ରିୟା ଆସନ୍ତା ସେପ୍ଟେମ୍ବର ମାସରୁ ଆରମ୍ଭ ହେବାକୁ ଯାଉଛି। ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ଆର.ଏସ୍‌. ଗୋପାଳନ  ସୋମବାର ଗଣମାଧ୍ୟମ ପ୍ରତିନିଧିମାନଙ୍କୁ ଏହି ସୂଚନା ଦେଇଛନ୍ତି। ଏହା ପୂର୍ବରୁ ୨୦୦୨ ମସିହାରେ ରାଜ୍ୟରେ ଏଭଳି ଏକ ସ୍ୱତନ୍ତ୍ର ସଂଶୋଧନ ପ୍ରକ୍ରିୟା କରାଯାଇଥିଲା। ଏହି ସ୍ପେଶାଲ୍ ଇଣ୍ଟେନସିଭ୍ ରିଭିଜନ୍ (SIR) ପ୍ରକ୍ରିୟାର ମୁଖ୍ୟ ଉଦ୍ଦେଶ୍ୟ ହେଉଛି ଭୋଟର ତାଲିକାକୁ ତ୍ରୁଟିମୁକ୍ତ କରିବା। ଏହା ମାଧ୍ୟମରେ ଭୋଟର ତାଲିକାରୁ ଅଯୋଗ୍ୟ, ମୃତ ବା ଅନୁପସ୍ଥିତ ଭୋଟରଙ୍କ ନାମ ବାଦ ଦିଆଯିବ ଏବଂ ନୂତନ ଭୋଟରଙ୍କୁ ତାଲିକାରେ ଅନ୍ତର୍ଭୁକ୍ତ କରାଯିବ। ଏହା ସହିତ ଭୋଟର ପରିଚୟ ପତ୍ରରେ ଥିବା ତ୍ରୁଟି ଯଥା ନାମ, ଠିକଣା ବା ଅନ୍ୟାନ୍ୟ ତଥ୍ୟରେ ସଂଶୋଧନ କରାଯିବ। ଆର.ଏସ୍‌. ଗୋପାଳନ କହିଛନ୍ତି, “ଏହି ପ୍ରକ୍ରିୟା ନିର୍ବାଚନକୁ ଅଧିକ ସ୍ୱଚ୍ଛ ଓ ନିରପେକ୍ଷ କରିବାରେ ସହାୟକ ହେବ। ପ୍ରତ୍ୟେକ ଯୋଗ୍ୟ ଭୋଟରଙ୍କୁ ତାଲିକାରେ ଅନ୍ତର୍ଭୁକ୍ତ କରିବା ଏବଂ ଅଯୋଗ୍ୟ ନାମଗୁଡ଼ିକୁ ବାଦ ଦେବା ହେଉଛି  ଆମର ଲକ୍ଷ୍ୟ ।” ଏହି ଝଓଜ ପ୍ରକ୍ରିୟା ୨୦୨୫ ସେପ୍ଟେମ୍ବରରୁ ଆରମ୍ଭ ହୋଇ ୨୦୨୬ ଜାନୁଆରୀ ୭ ସୁଦ୍ଧା ଚୂଡ଼ାନ୍ତ ଭେରିଫିକେସନ ସହିତ ସମାପ୍ତ ହେବ। ଏହି ସମୟରେ ରାଜ୍ୟର ସମସ୍ତ ୧୪୭ଟି ବିଧାନସଭା ନିର୍ବାଚନ ମଣ୍ଡଳୀ ଏବଂ ୨୧ଟି ଲୋକସଭା ନିର୍ବାଚନ ମଣ୍ଡଳୀରେ ଘରେ ଘରେ ଯାଇ ଭୋଟର ତାଲିକାର ଯାଞ୍ଚ କରାଯିବ। ଏଥିପାଇଁ ବୁଥ ଲେଭେଲ ଅଫିସର ଏବଂ ଅନ୍ୟାନ୍ୟ ନିର୍ବାଚନ ଅଧିକାରୀମାନେ ନିୟୋଜିତ ହେବେ। ଏହା ସହିତ, ଅନଲାଇନ୍ ପୋର୍ଟାଲ www.nvsp.in ଏବଂ Voter Helpline App ମାଧ୍ୟମରେ ଜନସାଧାରଣ ନିଜର ନାମ ଯାଞ୍ଚ କରିପାରିବେ ଏବଂ ଆବଶ୍ୟକ ହେଲେ ସଂଶୋଧନ କିମ୍ବା ନୂତନ ପଞ୍ଜୀକରଣ ପାଇଁ ଆବେଦନ କରିପାରିବେ। ଅଫଲାଇନ୍ ମାଧ୍ୟମରେ ମଧ୍ୟ ସଂଶୋଧନ ପାଇଁ ଫର୍ମ-୬, ଫର୍ମ-୭ ଓ ଫର୍ମ-୮ ଉପଲବ୍ଧ ରହିଛି। ଏହୀ ଝଓଜ ପ୍ରକ୍ରିୟା ଘୋଷଣା ପୂର୍ବରୁ ବିଜେଡି ଏବଂ କଂଗ୍ରେସ ଏହାକୁ ରାଜନୈତିକ ପ୍ରଭାବ ସୃଷ୍ଟି କରିବାର ଏକ ଉଦ୍ୟମ ବୋଲି ଅଭିଯୋଗ କରିଥିଲେ। ତେବେ ମୁଖ୍ୟ ନିର୍ବାଚନ ଅଧିକାରୀ ଶ୍ରୀ ଗୋପାଳନ ଏହି ଅଭିଯୋଗକୁ ଖଣ୍ଡନ କରି କହିଛନ୍ତି, “ଏହି ପ୍ରକ୍ରିୟା ସମ୍ପୂର୍ଣ୍ଣ ନିରପେକ୍ଷ ଓ ସ୍ୱଚ୍ଛ ହେବ। ଏହାର ଉଦ୍ଦେଶ୍ୟ କେବଳ ନିର୍ବାଚନ ପ୍ରକ୍ରିୟାକୁ ସୁଦୃଢ଼ କରିବା ଏବଂ ଭୋଟର ତାଲିକାରେ ସଠିକତା ଆଣିବା।” ସେ ସମସ୍ତ ରାଜନୈତିକ ଦଳଙ୍କୁ ଏହି ପ୍ରକ୍ରିୟାରେ ସହଯୋଗ କରିବାକୁ ମଧ୍ୟ ଅନୁରୋଧ କରିଛନ୍ତି। ଏହି ଝଓଜ ପ୍ରକ୍ରିୟା ଜନସାଧାରଣଙ୍କୁ ନିଜର ଭୋଟର ତାଲିକା ଯାଞ୍ଚ କରିବାର ଏକ ସୁଯୋଗ ପ୍ରଦାନ କରୁଛି। ଯେଉଁମାନେ ୧୮ ବର୍ଷ ବୟସ ପୂର୍ଣ୍ଣ କରିଛନ୍ତି, ସେମାନେ ନୂତନ ଭାବେ ପଞ୍ଜୀକରଣ କରିପାରିବେ। ଏହା ସହିତ, ଭୋଟର ପରିଚୟ ପତ୍ରରେ ନାମ, ଠିକଣା, ଫଟୋ ବା ଅନ୍ୟାନ୍ୟ ତ୍ରୁଟି ସଂଶୋଧନ କରିବାର ସୁଯୋଗ ମିଳିବ।ଜନସାଧାରଣ ସ୍ଥାନୀୟ ବୁଥ ଲେଭେଲ ଅଫିସରଙ୍କ ସହ ଯୋଗାଯୋଗ କରନ୍ତୁ କିମ୍ବା ନିର୍ବାଚନ କମିଶନର ଅଫିସିଆଲ ୱେବସାଇଟ୍ ମାଧ୍ୟମରେ ନିଜର ତଥ୍ୟ ଯାଞ୍ଚ କରନ୍ତୁ  ବୋଲି ଶ୍ରୀ ଗୋପାଳନ ଅନୁରୋଧ କରିଛନ୍ତି । ଏହି ପ୍ରକ୍ରିୟା ମାଧ୍ୟମରେ ଓଡ଼ିଶାରେ ଥିବା ପ୍ରାୟ ୩.୫୧ କୋଟି ଭୋଟରଙ୍କ ତାଲିକାକୁ ସାମିଲ​ କରାଯିବ। ଶ୍ରୀ ଗୋପାଳନ​ ଅନୁଯାୟୀ, ଏହା ଆଗାମୀ ନିର୍ବାଚନଗୁଡ଼ିକୁ ଅଧିକ ନିର୍ଭୁଲ ଓ ନ୍ୟାୟପୂର୍ଣ୍ଣ କରିବ। ଏହା ସହିତ, ଡିଜିଟାଲ ପ୍ଲାଟଫର୍ମର ବ୍ୟବହାର ଏହି ପ୍ରକ୍ରିୟାକୁ ଆହୁରି ସହଜ ଓ ଜନସାଧାରଣଙ୍କ ପାଇଁ ସୁଗମ କରିବ।

ଡାକ୍ତରଙ୍କ ବୟାନ ପରେ ବଢ଼ିଲା ସସପେନ୍ସ ; ପାଣ୍ଡିଆନ ଦମ୍ପତି ନବୀନ ଙ୍କୁ ଭେଟିବାରେ ସାଜିଛନ୍ତି କି ବାଧକ …!

ଏଥର ସମ୍ଭାଳ ବ୍ୟୁରୋ(ଭୁବନେଶ୍ଵର)- ନବୀନଙ୍କ ସ୍ୱାସ୍ଥ୍ୟାବସ୍ଥା ଜାଣିବା ପାଇଁ ହସ୍ପିଟାଲରେ ଅପେକ୍ଷାରତ ବିଜେଡି ନେତାମାନଙ୍କୁ ଡାକ୍ତରୀ ଟିମ୍ ଏହି ସୂଚନା ଦେବା ପରେ ନବୀନ ହସ୍ପିଟାଲରେ ଭର୍ତ୍ତିବେଳେ ତାଙ୍କ ଚାରିପାଖରେ ଥିବା ଲୋକଙ୍କୁ ଚିହ୍ନି ପାରୁନଥିଲେ କି ବୋଲି ପ୍ରଶ୍ନ ଉଠିଲାଣି। ବିଜେଡି ସୁପ୍ରିମୋ ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ୱାସ୍ଥ୍ୟକୁ ନେଇ ସମଗ୍ର ରାଜ୍ୟବାସୀ ଚିନ୍ତିତ ଥିବାବେଳେ ଆଜି ଡାକ୍ତରଙ୍କ ବୟାନ ଆହୁରି ସସପେନ୍ସ ବଢ଼ାଇ ଦେଇଛି। ଗତକାଲି ତୁଳନାରେ ଆଜି (ସୋମବାର) ନବୀନ ପଟ୍ଟନାୟକଙ୍କ ସ୍ୱାସ୍ଥ୍ୟରେ ସୁଧାର ଆସିଛି ଓ ସେ ତାଙ୍କ ଚାରିପାଖରେ ଥିବା ଲୋକମାନଙ୍କୁ ଚିହ୍ନି ପାରୁଛନ୍ତି ବୋଲି ଚିକିତ୍ସା ଦାୟିତ୍ୱରେ ଥିବା ଡାକ୍ତରୀ ଟିମ୍ କହିଛନ୍ତି। ନବୀନଙ୍କ ସ୍ୱାସ୍ଥ୍ୟାବସ୍ଥା ଜାଣିବା ପାଇଁ ହସ୍ପିଟାଲରେ ଅପେକ୍ଷାରତ ବିଜେଡି ନେତାମାନଙ୍କୁ ଡାକ୍ତରୀ ଟିମ୍ ଏହି ସୂଚନା ଦେବା ପରେ ନବୀନ ହସ୍ପିଟାଲରେ ଭର୍ତ୍ତିବେଳେ ତାଙ୍କ ଚାରିପାଖରେ ଥିବା ଲୋକଙ୍କୁ ଚିହ୍ନି ପାରୁନଥିଲେ କି ବୋଲି ପ୍ରଶ୍ନ ଉଠିଲାଣି। ଏହାସହିତ ନବୀନଙ୍କ ସ୍ୱାସ୍ଥ୍ୟକୁ ନେଇ ଏଭଳି କିଛି ଅଛି ଯାହା ଲୁଚାଇବାକୁ ପାଣ୍ଡିଆନ ଦମ୍ପତି ଏପର୍ଯ୍ୟନ୍ତ କୌଣସି ବିଜେଡି ନେତାଙ୍କୁ ନବୀନଙ୍କ ପାଖ ମଡ଼ାଇ ଦେଉନଥିବା ଚର୍ଚ୍ଚା ଜୋର ଧରିଛି। ନିଜ ପ୍ରିୟ ନେତା ନବୀନ ପଟ୍ଟନାୟକଙ୍କ ସ୍ୱାସ୍ଥ୍ୟାବସ୍ଥା ଜାଣିବା ପାଇଁ ହସ୍ପିଟାଲ ପରିସରରେ ଅପେକ୍ଷାରତ ବିଜେଡିର ଆଗଧାଡ଼ିର ନେତାମାନଙ୍କୁ ଆଜି ଦିନ ପ୍ରାୟ ୧ଟାବେଳେ ନବୀନଙ୍କ ସ୍ୱାସ୍ଥ୍ୟ ସମ୍ପର୍କରେ ଦୁଇଜଣ ଡାକ୍ତର ସୂଚନା ଦେଇଥିଲେ। ନବୀନଙ୍କ ଚିକିତ୍ସା ଏହି ଦୁଇ ଡାକ୍ତର କରୁଛନ୍ତି ବୋଲି ବିଜେଡି ନେତାମାନଙ୍କ ଆଗରେ ପାଣ୍ଡିଆନଙ୍କ ପତ୍ନୀ ସୁଜାତା ପରିଚିତ କରାଇଥିଲେ। ଜଣେ ଡାକ୍ତର ଧର ଓ ଜଣେ ପାଣିଗ୍ରାହୀ ବୋଲି କୁହାଯାଉଛି। ଏହି ଦୁଇ ଡାକ୍ତର କହିଥିଲେ ଯେ, ‘ଗତକାଲିଠୁ ଆଜି ସ୍ୱାସ୍ଥ୍ୟରେ ବହୁତ ସୁଧାର ଆସିଛି। ତାଙ୍କର ସ୍ୱାସ୍ଥ୍ୟାବସ୍ଥା ସ୍ଥିର ରହିଛି। ପାରିପାର୍ଶ୍ୱିକ ସ୍ଥିତିକୁ ଭଲ ଭାବେ ବୁଝିପାରୁଛନ୍ତି। ଆଜି ସମସ୍ତଙ୍କୁ ଚିହ୍ନି ପାରୁଛନ୍ତି। ତେବେ ତାଙ୍କର ଅଧିକ କିଛି ପରୀକ୍ଷାନିରୀକ୍ଷା କରାଯିବା କଥା ଚିନ୍ତା କରାଯାଉଛି। ଡାକ୍ତରୀ ଟିମ୍ ଅପରାହ୍ନ ୪ଟାବେଳେ ବସିଲେ ଯାହା ସ୍ଥିର ହେବ। ତା’ପରେ ତାଙ୍କର ଡିସଚାର୍ଜ କଥା ନିଷ୍ପତ୍ତି ହେବ’ ବୋଲି ଡାକ୍ତର ସୂଚନା ଦେଇଥିଲେ। ନବୀନଙ୍କ ସ୍ୱାସ୍ଥ୍ୟକୁ ନେଇ ଡାକ୍ତର ବୟାନ ଦେଉଥିବାବେଳେ ସୁଜାତା ମଝିରେ ହସ୍ତକ୍ଷେପ କରି ସେ କମ୍ ପାଣି ପିଉଥିଲେ ଓ ତାଙ୍କର ‘ସିଭିୟର ଡିହାଇଡ୍ରେସନ୍‌’ ହୋଇଯାଇଥିଲା। ଏବେ ସବୁକିଛି ଠିକ୍ ଅଛି’ ବୋଲି କହିଥିଲେ।

ତେବେ ଡାକ୍ତରଙ୍କ ବୟାନରୁ ଜଣାପଡ଼ୁଛି ଯେ, ନବୀନବାବୁ ଗତକାଲି ଲୋକଙ୍କୁ ଚିହ୍ନିପାରୁନଥିଲେ। ନବୀନଙ୍କ ସ୍ୱାସ୍ଥ୍ୟାବସ୍ଥାକୁ ନେଇ ପାଣ୍ଡିଆନ ଦମ୍ପତି ମାତ୍ରାଧିକ ସସପେନ୍ସ ବଜାୟ ରଖିଥିବାରୁ ପ୍ରକୃତରେ ନବୀନ କାହିଁକି ଅସୁସ୍ଥ ହୋଇଛନ୍ତି ସେ ତଥ୍ୟ ପଦାକୁ ଆସିପାରୁନି ବୋଲି ଦଳୀୟ ମହଲରେ ଅସନ୍ତୋଷ ବଢ଼ିବାରେ ଲାଗିଛି। ଅନ୍ୟପକ୍ଷରେ ଯଦି ନବୀନ ନିବାସ ସୂତ୍ରରୁ ବିଶ୍ୱାସ କରାଯାଏ, ତେବେ ଦୀର୍ଘବର୍ଷ ଧରି ନବୀନ ନିବାସରେ ଥିବା ତଥା ନବୀନଙ୍କ ବ୍ୟକ୍ତିଗତ କଥା ବୁଝାସୁଝା କରୁଥିବା ଜଣେ କର୍ମଚାରୀଙ୍କୁ ଆଜି ଚାକିରିରୁ କାଢ଼ି ଦିଆଯାଇଛି। ସମ୍ ଅଲଟିମେଟ୍ ମେଡିକେୟାର ହସ୍ପିଟାଲରେ ଚିକିତ୍ସାଧୀନ ନବୀନଙ୍କୁ ଭେଟିବାକୁ ବିଜେଡିର ବରିଷ୍ଠ ନେତାମାନେ ଗତକାଲିଠୁ ଡେରା ପକାଇଛନ୍ତି। ଦଳର ସବୁ ଆଗଧାଡ଼ିର ନେତା, ପୂର୍ବତନ ମନ୍ତ୍ରୀ, ବିଧାୟକ ପ୍ରମୁଖ ସମ୍ ହସ୍ପିଟାଲ ଯାଇ ନିଜ ପ୍ରିୟ ନେତାଙ୍କୁ ଭେଟିବାକୁ ଚାହୁଁଥିଲେ ମଧ୍ୟ ଜଣେ ବି ନେତାଙ୍କୁ ଭେଟିବାର ସୁଯୋଗ ମିଳିପାରିନଥିବା ଜଣାପଡ଼ିଛି। ଯଦିଓ ନବୀନଙ୍କ ସ୍ୱାସ୍ଥ୍ୟରେ ସୁଧାର ଆସିଲାଣି ବୋଲି ଡାକ୍ତରୀ ଟିମ୍ ଓ ପାଣ୍ଡିଆନ ଦମ୍ପତି ଦାବି କରୁଛନ୍ତି ତଥାପି ବିଜେଡିର କୌଣସି ଜଣେ ବି ନେତାଙ୍କୁ କାହିଁକି ନବୀନଙ୍କ ପାଖକୁ ଯିବାକୁ ସୁଯୋଗ ମିଳୁନି ତାହା ଏବେ ଦଳୀୟ ନେତାମାନଙ୍କୁ କ୍ଷୁବ୍ଧ କରିବା ସହ ସନ୍ଦେହ ବଢ଼ାଇଛି। ପାଣ୍ଡିଆନ ଦମ୍ପତି କ’ଣ ଲୁଚାଇବା ପାଇଁ ଏଭଳି କରୁଛନ୍ତି ଓ କାହାରିକୁ ଗୋଟିଏ ସେକେଣ୍ଡ ପାଇଁ ମଧ୍ୟ ଭେଟିବାର ସୁଯୋଗ ଦେଉନାହାନ୍ତି ତାହା ଏବେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି। ବିଜେଡି ସମନ୍ୱୟ କମିଟି ଅଧ୍ୟକ୍ଷ ଦେବୀ ପ୍ରସାଦ ମିଶ୍ରଙ୍କଠାରୁ ଆରମ୍ଭ କରି ପ୍ରଣବ ପ୍ରକାଶ ଦାସ, ସଞ୍ଜୟ ଦାସବର୍ମା, ଅତନୁ ସବ୍ୟସାଚୀ ନାୟକ, ଅରୁଣ ସାହୁ, ପଦ୍ମନାଭ ବେହେରା, ଅଶୋକ ଚନ୍ଦ୍ର ପଣ୍ଡା ପ୍ରମୁଖ ବହୁ ବରିଷ୍ଠ ନେତା ହସ୍ପିଟାଲରେ ନିଜର ପ୍ରିୟ ନେତା ନବୀନଙ୍କୁ ଭେଟିବାର ସୁଯୋଗ ଏପର୍ଯ୍ୟନ୍ତ ପାଇନଥିବା ଜଣାପଡ଼ିଛି। ଯଦିଓ ପାଣ୍ଡିଆନ ଓ ତାଙ୍କ ପତ୍ନୀ ଏପରିକି ପାଣ୍ଡିଆନଙ୍କ ୨ ଜଣ ଖାସ୍ କର୍ମଚାରୀ ହସ୍ପିଟାଲରେୂ ନବୀନଙ୍କୁ ଭେଟିବାର ସୁଯୋଗ ପାଉଥିବା ସୂଚନା ମିଳିଛି। ନବୀନଙ୍କ ସ୍ୱାସ୍ଥ୍ୟାବସ୍ଥାରେ ସୁଧାର ପରିଲକ୍ଷିତ ହେଉଥିବାବେଳେ ତାଙ୍କୁ ଭେଟିବା ପାଇଁ ବିଜେଡିର ବରିଷ୍ଠ ନେତାମାନଙ୍କ ଏକ ଛୋଟ ଟିମକୁ ମାତ୍ର ୧-୨ ମିନିଟ୍ ପାଇଁ ଦୂରରୁ ଅନୁମତି ଦେବାରେ କାହିଁକି ପାଣ୍ଡିଆନ ଦମ୍ପତି ବାଧକ ସାଜିଛନ୍ତି ତାହା ଏବେ ଦଳୀୟ ମହଲରେ ଅସନ୍ତୋଷର କାରଣ ପାଲଟିଥିବା ଜଣାପଡ଼ିଛି। ବାଲେଶ୍ୱର ଏଫଏମ୍ ଛାତ୍ରୀ ଓ ବଳଙ୍ଗା ପୀଡ଼ିତା ହସ୍ପିଟାଲରେ ଚିକିତ୍ସାଧୀନ ଥିବାବେଳେ ତାଙ୍କୁ ଭେଟିବା ପାଇଁ ଏହି ବିଜେଡି ହିଁ ଗଣମାଧ୍ୟମରେ ଚିତ୍କାର କରୁଥିଲା ଓ ସରକାରଙ୍କ ବିରୁଦ୍ଧରେ ବର୍ଷୁଥିଲା। ମାତ୍ର ଏବେ ନିଜ ଦଳର ନେତାଙ୍କୁ କାହିଁକି ଭେଟିପାରୁନାହାନ୍ତି ସେନେଇ ମୁହଁରେ ତୁଣ୍ଡି ବାନ୍ଧିଥିବା ଚର୍ଚ୍ଚା ହେଉଛି। ସୂଚନାଯୋଗ୍ୟ, ନବୀନ ମୁମ୍ବାଇରେ ଚିକିତ୍ସିତ ହୋଇ ଜୁଲାଇ ୧୨ ତାରିଖରେ ଭୁବନେଶ୍ୱର ଫେରିବା ପରଠୁ ତାଙ୍କୁ ଦଳର କୌଣସି ଜଣେ ମଧ୍ୟ ନେତା ବ୍ୟକ୍ତିଗତ ଭାବେ ଭେଟିବାର ସୁଯୋଗ ପାଇନାହାନ୍ତି।

ଗୋଷ୍ଠୀ ଶିକ୍ଷା ଅଧିକାରୀଙ୍କୁ ଦାବିପତ୍ର ପ୍ରଦାନ…!

!!! ରାୟଗଡ଼ ଜିଲ୍ଲା ଗୁଡ଼ାରି ବ୍ଲକ ପ୍ରତିନିଧି ନୀଳାଦ୍ରି ବେହେରା ଙ୍କ ରିପୋର୍ଟ !!!

ଏଥର ସମ୍ଭାଳ(ଗୁଡାରୀ)- ଗୁଡ଼ାରି ଗାନ୍ଧୀଛକରୁ ପଦଯାତ୍ରା ରେ ବାହାରି ଗୋଷ୍ଠୀ ଶିକ୍ଷା ଅଧିକାରୀ ମିଶ୍ରାଣୀ କୁମ୍ଭାର ଙ୍କୁ ମିଳିତ ଶିକ୍ଷକ ମଞ୍ଚ ପକ୍ଷରୁ ଦାବିପତ୍ର ପ୍ରଦାନ କରାଯାଇଛି ।ମୁଖ୍ୟମନ୍ତ୍ରୀ, ଗଣଶିକ୍ଷା ମନ୍ତ୍ରୀ, ଶିକ୍ଷା ସଚିବ ଓଡ଼ିଶା, ଜିଲ୍ଲା ଓ ଶିକ୍ଷା ଅଧିକାରୀଙ୍କୁ ରାୟଗଡ଼ା ଗୁଡାରି ଗୋଷ୍ଠୀ ଶିକ୍ଷା ଅଧିକାରୀ ଦ୍ବାରା ଦାବିପତ୍ର ପ୍ରଦାନ କରାଯାଇଛି l

ଗୁଡାରି ବିଭିନ୍ନ ବିଦ୍ୟାଳୟରେ କାର୍ଯ୍ୟରତ ଶିକ୍ଷକ ଶିକ୍ଷୟିତ୍ରୀଙ୍କ ମୌଳିକ ଦାବି ପୂରଣ ନ ହେବା ପର୍ଯ୍ୟନ୍ତ ୟୁନିଫାଇଡ ଅଟୋମେସନ ସିଷ୍ଟମକୁ ପ୍ରତ୍ୟାହାର କରାଯାଇଛି । ସ୍ଥାୟୀ ସଭାପତି ସୁଭାଷ ଚନ୍ଦ୍ର ଗୌଡ଼, ଏକ୍ସ କ୍ୟାଡର ସଭାପତି ମାନସ କୁମାର ନନ୍ଦ, ଉପଦେଷ୍ଟା କୃଷ୍ଣଚନ୍ଦ୍ର ସେନାପତି, ଦୁର୍ଗା ପ୍ରସାଦ ପାଣିଗ୍ରାହୀ ମିଳିତ ଶିକ୍ଷକ ମଞ୍ଚର ସମସ୍ତ ଶିକ୍ଷକ ଓ ଶିକ୍ଷୟିତ୍ରୀ ଉପସ୍ଥିତ ଥିଲେ ।

ସରକାରଙ୍କ ଏନଏସି ଘୋଷଣା ନାମାରେ ମୁନିଗୁଡ଼ା ନଥିବାରୁ ଆନ୍ଦୋଳନ ପାଇଁ ନିଷ୍ପତି…!

ଏଥର ସମ୍ଭାଳ ବ୍ୟୁରୋ(ମୁନିଗୁଡା)- ରାୟଗଡ଼ା ଜିଲ୍ଲା ମୁନିଗୁଡା ବ୍ଳକ,ରାଜ୍ୟ ସରକାର ମୁନିଗୁଡାକୁ ଏନଏସି ତାଲିକାରୁ ବାଦ ଦେବାକୁ ନେଇ ସୋମବାର ଅପରାହ୍ନରେ ସ୍ଥାନୀୟ କନିକା ପରମେଶ୍ୱରୀ ମନ୍ଦିର ପରିସରରେ ମୁନିଗୁଡା ପ୍ରଗତି ମଞ୍ଚ ତରଫରୁ ପ୍ରଗତି ମଞ୍ଚର ସଭାପତି ସିଏଚ. ଗଣେଶ୍ୱର ରାଓ ଓ ସମ୍ପାଦକ ସିମାଞ୍ଚଳ ପଣ୍ଡାଙ୍କ ମିଳିତ ସଂଯୋଜନାରେ ମୁନିଗୁଡାରସ୍ରମସ୍ତରାଜନୈତିକ,ଧାର୍ମିକ,ସାମାଜିକ ଅନୁଷ୍ଠାନ,କ୍ଳବ ଓ ବ୍ୟବସାୟୀ ସଙ୍ଘ,ବିଭିନ୍ନ ଯୁବଗୋଷ୍ଠୀ ଓ ଜନସାଧାରଣ ମାନଙ୍କୁ ନେଇ ଏକ ଜରୁରୀ ବୈଠକ ଅନୁଷ୍ଠିତ ହୋଇଯାଇଛି l ଉକ୍ତ ବୈଠକରେ ବର୍ତମାନ ରାଜ୍ୟ ସରକାର ୧୨ଟି ନୂତନ ଏନଏସି ଘୋଷଣା କରିଛନ୍ତି। ଦୁଃଖ ପରିତାପର ବିଷୟ ପୂର୍ବରୁ ସରକାର ମୁନିଗୁଡାକୁ ଏନଏସି ଘୋଷଣା ତାଲିକାରେ ରଖିଥିବା ସତ୍ୱେ ବର୍ତମାନ ସେହି ତାଲିକାରୁ ମୁନିଗୁଡା ବାଦ ପଡିଛି। ତେଣୁ ମୁନିଗୁଡାର ସ୍ୱାଭିମାନ ରକ୍ଷା କରି ସମସ୍ତଙ୍କୁ ଆଗକୁ ଆସି ଆଗାମୀ ଦିନରେ କିଭଳି ପଦକ୍ଷପ ନିଆଯିବ ସେନେଇ ଆଲୋଚନା କରାଯାଇଥିଲା। ଯେପର୍ଯ୍ୟନ୍ତ ମୁନିଗୁଡାକୁ ଏନଏସି ଘୋଷଣା କରାନଯିବ ସେପର୍ଯ୍ୟନ୍ତ ସହରବାସୀଙ୍କ ତରଫରୁ ଆନ୍ଦୋଳନ ଜାରି ରହିବ ଏବଂ ବୁଧବାର ଦିନ ମୁନିଗୁଡାର ସମସ୍ତ ସରକାରୀ ଓ ବେସରକାରୀ ଅନୁଷ୍ଠାନ ସମେତ ସମସ୍ତ ଦୋକାନ ବଜାର ଓ ଅଖଚକ ୧୨ଘଣ୍ଟିଆ ବନ୍ଦ ରହିବା ସହ ବ୍ଲକ କାର୍ଯ୍ୟାଳୟ ସମ୍ମୁଖରେ ଧାରଣା ଦିଆଯିବ ବୋଲି ସାହୁହିକ ଭାବେ ମତ ପ୍ରକାଶ ପାଇଥିଲା l

ଏଥିସହ ଏକ ପ୍ରତିନିଧି ମଣ୍ଡଳ ଭୁବନେଶ୍ୱର ଯାଇ ସେଠାରେ ମୁଖ୍ୟମନ୍ତ୍ରୀ, ନଗର ଉନ୍ନୟନ ମନ୍ତ୍ରୀ,ବିଜେପି ରାଜ୍ୟ ସଭାପତି ସହ ସମ୍ପୃକ୍ତ ବିଭାଗର ସଚିବଙ୍କୁ ଭେଟି ସ୍ମାରକପତ୍ର ପ୍ରଦାନ କରିବା ସହ ଆଲୋଚନା କରିବାର କାର୍ଯ୍ୟକ୍ରମ ରହିଛି l ଉକ୍ତ ବୈଠକରେ ମୁନିଗୁଡା ପ୍ରଗତି ମଞ୍ଚର ସହ ସମ୍ପାଦକ ମନୋରଞ୍ଜନ ଦଳାଇ,ନନ୍ଦ କିଶୋର ପଟ୍ଟନାୟକ,ବଣିକ ସଙ୍ଘର ସଭାପତି ଚିନ୍ତାମଣି ସାହୁ,ବିକାଶ ପରିଷଦର ସଭାପତି ଘନଶ୍ୟାମ ମାର୍ଥା,ବିଜେପିର ଓବିଶି ମୋର୍ଚା ଉପ ସଭାପତି ରାମଚନ୍ଦ୍ର ବେହେରା,ବିଜେପି ବିଧାୟକ ପ୍ରାଥୀ ଜଗନ୍ନାଥ ନୁନ୍ଦ୍ରୁକା,ବିଜେଡି ବ୍ଲକ ସଭାପତି ରତନ ଲାଲ ଜୈନ,କଂଗ୍ରେସ ବ୍ଲକ ସଭାପତି ନୀଳାମ୍ବର ବିଭାର,ଅବସର ପ୍ରାପ୍ତ ସରକାରୀ କର୍ମଚାରୀ ସଙ୍ଘର ବ୍ରହ୍ମାନନ୍ଦ ଆଚାରୀ,ରାମକୃଷ୍ଣ ପଣ୍ଡା,ବୁଦ୍ଧିଜୀବୀ ତରଣୀ ଚୌଧୁରୀ,କେ. ସତ୍ୟନାରାୟଣ ରାଓ, ମୀନକେତନ ଷଡ଼ଙ୍ଗୀ,ମହମ୍ମଦ ଆୟୁବ,ଜାମି ମହେଶ,ବଳରାମ ନାୟକ,ବିଦ୍ୟାଧର ଦାସ,ଦେବେନ୍ଦ୍ର ବେହେରା,ପ୍ରଦୀପ ପତିଛା,ବାଲିଜୀ ପାତ୍ର,ସୁଦାମ ପଣ୍ଡା,ନରେଶ ପାତ୍ର ପ୍ରମୁଖ ଶତାଧିକ ବ୍ୟକ୍ତିଙ୍କ ସମେତ ମୁନିଗୁଡାର ବହୁ ମାନ୍ୟଗଣ୍ୟ ବ୍ୟକ୍ତି ବୈଠକରେ ବିଶେଷ ଉପସ୍ଥିତ ରହି ଆଲୋଚନାରେ ଭାଗ ନେଇ ନିଜ ନିଜର ମତ ପ୍ରକାଶ କରିଥିଲେ l