ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଲଇତରା ଠାରେ କ୍ଲଷ୍ଟର ସ୍ତରୀୟ ଶିକ୍ଷା ସଭା ଅନୁଷ୍ଠିତ…!
!!! କଳାହାଣ୍ଡି ଜିଲ୍ଲା ରୁ ପ୍ରତିନିଧି ମୋନଜ କୁମାର ସିଂ ଙ୍କ ରିପୋର୍ଟ !!!
ଏଥର ସମ୍ଭାଳ(ଭବାନୀପାଟଣା)- ବୁଧବାର ଦିନ କେସିଙ୍ଗା ବ୍ଲକ ର ଲଇତରା ଆଞ୍ଚଳିକ ସାଧନ କେନ୍ଦ୍ର ଅଧିନସ୍ଥ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଲଇତରା ଠାରେ କ୍ଲଷ୍ଟର ସ୍ତରୀୟ ଶିକ୍ଷା ସଭା ସି ଆର ସି ସି ଶ୍ରୀ ତପନ କୁମାର ଦାଶ ଙ୍କ ତତ୍ତ୍ଵାବଧାନରେ ଅନୁଷ୍ଠିତ ହୋଇ ଯାଇଅଛି । ଏହି କାର୍ଯ୍ୟକ୍ରମରେ ଲଇତରା ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀ କୁଶ ଚନ୍ଦ୍ର ସାହୁ ସଭାପତିତ୍ବ କରିଥିବା ବେଳେ ଅତିଥି ମାନଙ୍କ ମଧ୍ୟରେ କେସିଙ୍ଗା ପ୍ରାଥମିକ ଶିକ୍ଷକ ସଂଘର ସଭାପତି ତଥା ଡୁମେର୍ମୁଣ୍ଡା ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀ ସୁରେନ୍ଦ୍ର ଦୋରା, ଲଇତରା ଉଚ୍ଚ ବିଦ୍ୟାଳୟର ସଂସ୍କୃତ ଶିକ୍ଷକ ଶ୍ରୀ ଚନ୍ଦ୍ରମଣି ସ୍ୱାଇଁ, ଲଇତରା ବିଦ୍ୟାଳୟ ପରିଚାଳନା କମିଟିର ଅଧ୍ୟକ୍ଷ ଶ୍ରୀ ନିମାଇ ଚରଣ ଭୋଇ, ପୂର୍ବତନ ଛାତ୍ର ତଥା ସମାଜସେବୀ ଶ୍ରୀ ସଂଜୀବ ଗୋଡ ଉପସ୍ଥିତ ଥିଲେ । ପ୍ରଥମେ ଶ୍ରୀ କୁଶ ଚନ୍ଦ୍ର ସାହୁ ସ୍ଵାଗତ ପରିଚୟ ଓ ଉଦ୍ଦେଶ୍ୟ ଜ୍ଞାପନ କରିଥିଲେ ।ତାପରେ ସମସ୍ତ ଅତିଥି ନିଜ ନିଜର ଅଭିଭାଷଣ ପ୍ରଦାନ କରିଥିଲେ । କିଭଳି ଭାବରେ ପାଠ ପଢି ନଥିବା ଛାତ୍ର ଛାତ୍ରୀ ଙ୍କୁ ବୟସ ଅନୁସାରେ ଶ୍ରେଣୀରେ ନାମ ଲେଖାଇବା, ବିଭିନ୍ନ ବିଦ୍ୟାଳୟ, ମହାବିଦ୍ୟାଳୟ, ବିଶ୍ଵ ବିଦ୍ୟାଳୟ ଗୁଡିକରେ ନାମ ଲେଖାଇ ସହଯୋଗ କରିବା ବୋଲି ଆଲୋଚନା ହୋଇଥିଲା ।ନିକଟ ଅତୀତ ରେ ହେଇଥିବା ସର୍ଭେ ଅନୁଯାୟୀ ଯେଉଁ ପିଲା ମାନେ ନପଢ଼ି ଅଛନ୍ତି ତାଙ୍କୁ ନାମ ଲେଖାଇବା ବୋଲି ମତ ପ୍ରକାଶ ହୋଇଥିଲା । ଏହି ଶିକ୍ଷା ସଭା ରେ ପ୍ରଧାନ ଶିକ୍ଷକ ଶ୍ରୀ ଚୂଡ଼ାମଣି ମହଲା,ଶ୍ରୀ ରୋହିତ ପୋଢ଼,ଶ୍ରୀ ଧନିଷ୍ଟ ସୁନା,ଶ୍ରୀ ବିଷ୍ଣୁ ଭାଟି,ଓ ଶିକ୍ଷୟିତ୍ରୀ ଶ୍ରୀମତୀ ସାବିତ୍ରୀ ଦେଇ, ଦୁମେର୍ମୁଣ୍ଡା ଏସ ଏମ ସି ର ସଭାପତି ଶ୍ରୀ ଜମାଲାର୍ଯୁନ ସାହୁ, ଅଭିଭାବକ ଗଣ, ପୂର୍ବତନ ଛାତ୍ର ଛାତ୍ରୀ ଗଣ, ବିଭିନ୍ନ ସ୍ଵୟଂ ସହାୟକ ଗୋଷ୍ଠୀ ଉପସ୍ଥିତ ଥିଲେ । ଲଇତରା ବିଦ୍ୟାଳୟର ଶ୍ରୀମତୀ ଭାନୁମତୀ ଚୌହାନ,ଶ୍ରୀମତୀ ନଳିନୀ ନାଗ,ଶ୍ରୀମତୀ ପ୍ରମିଳା ମାଝି,ଶିକ୍ଷକ ତାପସ ମହଲା,ଶ୍ରୀ ବଗ୍ରୁ ନାଏକ ଉପସ୍ଥିତ ଥିଲେ । ଶେଷରେ ମାଟିଆ ଉଚ୍ଚ ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷକ ଶ୍ରୀ ପ୍ରଶାନ୍ତ ଶବର ସମସ୍ତଙ୍କୁ ଧନ୍ୟବାଦ୍ ଦେଇ ସଭା ସାଙ୍ଗ କରିଥିଲେ । ଏହି କାର୍ଯ୍ୟକ୍ରମକୁ ଅଞ୍ଚଳ ବାସି ଭୂରି ଭୂରି ପ୍ରଶଂସା କରିଥିଲେ ।
