ଦକ୍ଷିଣାଞ୍ଚଳ ରାଜସ୍ବ ଆୟୁକ୍ତ ଗଜପତି ଜିଲ୍ଲା ଗ୍ରସ୍ତ ରେ ଆସି ବିଭିନ୍ନ ଜନ କଲ୍ୟାଣକାରୀ ଯୋଜନାର ସମୀକ୍ଷା…!

!!! ଗଜପତି ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ରାମ ଚନ୍ଦ୍ର ପାଢୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ପାରଳାଖେମୁଣ୍ଡି) – ଗଜପତି ଜିଲ୍ଲାରେ ଦିନିକିଆ ଗସ୍ତ ଅବସରରେ ସରକାରଙ୍କ ବିଭିନ୍ନ ଜନ କଲ୍ୟାଣକାରୀ ଯୋଜନା ଗୁଡ଼ିକ ସମୀକ୍ଷା କରିଛନ୍ତି ଦକ୍ଷିଣାଞ୍ଚଳ ରାଜସ୍ୱ ଆୟୁକ୍ତ ବ୍ରହ୍ମପୁର ଶ୍ରୀଯୁକ୍ତ ରଞ୍ଜନ କୁମାର ଦାସ ଜିଲ୍ଲାପାଳଙ୍କ ସମ୍ମିଳନୀ କକ୍ଷ ଠାରେ ଅନୁଷ୍ଠିତ ସମୀକ୍ଷା ବୈଠକରେ ବିଭିନ୍ନ ଯୋଜନା ଗୁଡ଼ିକ ଯଥାଶୀଘ୍ର ସମ୍ପୂର୍ଣ କରିବାକୁ ବିଭାଗୀୟ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି । ଏହି ଅବସର ରେ ଯୋଜନର ପ୍ରକଳ୍ପ ଗୁଡିକର କାର୍ଯ୍ୟକାରିତା ବେଳେ ସ୍ୱଚ୍ଛତା ଅବଲମ୍ବନ କରାଯିବା ଉପରେ ଗୁରୁତ୍ୱାରୋପ କରିଥିଲେ । ଏହା ବ୍ୟତୀତ ଆଗାମୀ ସାଧାରଣ ନିର୍ବାଚନ ବିଷୟରେ ପୁଙ୍ଖାନୁପୁଙ୍ଖ ଆଲୋଚନା କରିବା ସହିତ ଜିଲ୍ଲାରେ ରାଜସ୍ୱ ଆଦାୟ, ରେକର୍ଡ ରୁମ୍ ପରିଚାଳନା,ଜାଗା ମିଶନ ସମେତ ବିଭିନ୍ନ ଉନ୍ନତ ମୂଳକ ଯୋଜନା ବିଷୟରେ ସମୀକ୍ଷା କରିଛନ୍ତି । ଜିଲ୍ଲାପାଳ ଶ୍ରୀଯୁକ୍ତ ସ୍ମୃତି ରଞ୍ଜନ ପ୍ରଧାନ ଜିଲ୍ଲାରେ ଚାଲୁଥିବା ବିଭିନ୍ନ ଜନ କଲ୍ୟାଣକାରୀ ଯୋଜନାର ଅଗ୍ରଗତି ସମ୍ପର୍କରେ ଆୟୁକ୍ତ ଙ୍କୁ ଅବଗତ କରାଇଥିଲେ ।

ଜିଲ୍ଲା ରେ ଚାଲୁଥିବା ବିଭିନ୍ନ ଯୋଜନା ପ୍ରକଳ୍ପ କାର୍ଯ୍ୟ ଅଗ୍ରଗତି ନେଇ ଆୟୁକ୍ତ ସନ୍ତୋଷ ପ୍ରକାଶ କରିଥିଲେ । ଆଜିର ଏହି ବୈଠକରେ ଆରକ୍ଷୀ ଅଧିକ୍ଷକ ସୁଶ୍ରୀ ସ୍ଵାତୀ ଏସ କୁମାର,ଅତିରିକ୍ତ ଜିଲ୍ଲାପାଳ ଶ୍ରୀଯୁକ୍ତ ବୀରେନ୍ଦ୍ର କୁମାର ଦାସ (ରାଜସ୍ବ) ଓ ଶ୍ରୀଯୁକ୍ତ ରାଜେନ୍ଦ୍ର ମିଞ୍ଜ, ପ୍ରକଳ୍ପ ନିର୍ଦ୍ଦେଶକ, ଜିଲ୍ଲା ସହରାଞ୍ଚଳ ଉନ୍ନୟନ ସଂସ୍ଥା ଅଧିକାରୀ ଶ୍ରୀ ଗୋରାଚାନ୍ଦ ଗମାଙ୍ଗ, ଉପଜିଲ୍ଲାପାଳ ଶ୍ରୀ ଆଲୋକ କୁମାର ପ୍ରଧାନ, ପ୍ରକଳ୍ପ ପ୍ରଶାସକ , ସମନ୍ୱିତ ଆଦିବାସୀ ଉନ୍ନୟନ ସଂସ୍ଥା ପାରଳାଖେମୁଣ୍ଡି ଶ୍ରୀ ଫାଲଗୁନି ମାଝୀ ସମେତ ସମସ୍ତ ଜିଲ୍ଲା ସ୍ତରୀୟ ଅଧିକାରୀ ସମୀକ୍ଷା ବୈଠକରେ ଉପସ୍ଥିତ ଥିଲେ ।

କେଶପୁର କଲେଜରେ ଭଞ୍ଜ ଜୟନ୍ତୀ ପାଳିତ…!

!!! ଗଞ୍ଜାମ୍ ଜିଲ୍ଲା ଖଲ୍ଲିକୋଟ ରୁ ଆଶ୍ୱିନ କୁମାର ମହାନ୍ତି ଙ୍କ ରିପୋର୍ଟ !!! 

ଏଥର ସମ୍ଭାଳ(ଖଲ୍ଲିକୋଟ) – “ଅନନ୍ୟ ଉତ୍କଳ “ବହୁମୁଖୀ ସମାଜ ସଂସ୍କୃତି ପରିଷଦ” ଓ “ଓଡ଼ିଆ ଭାଷା – ସାହିତ୍ୟ ବିଭାଗ କେଶପୁର ସ୍ନାତ୍ତକ ମହାବିଦ୍ୟାଳୟ” ର ମିଳିତ ଆନୁକୁଲ୍ୟରେ ପବିତ୍ର ଶ୍ରୀପଞ୍ଚମୀ ଅବସରରେ କବିସମ୍ରାଟ ଉପେନ୍ଦ୍ର ଭଞ୍ଜ ଓ କବି ସୂର୍ଯ୍ୟ ବଳଦେବ ରଥ ଙ୍କ ଜୟନ୍ତୀ ମହା ସମାରୋହରେ ଅନୁଷ୍ଠିତ ହୋଇଯାଇଛି।ମହାବିଦ୍ୟାଳୟର ଅଧ୍ୟକ୍ଷ ଅଶୋକ କୁମାର ପଲେଇ ଙ୍କ ପୌରହିତ୍ୟରେ ଆୟୋଜିତ ଏହି ଉତ୍ସବରେ ‘ଅନନ୍ୟ ଉତ୍କଳ’ଅଧ୍ୟକ୍ଷ ତଥା ଶିକ୍ଷାବିତ ପ୍ରଭାତ କୁମାର ମିଶ୍ର ମୁଖ୍ୟ ଅତିଥି,ଡ଼ଃ ବିଷ୍ଣୁ ପ୍ରସାଦ ଦାସ ମୁଖ୍ୟ ବକ୍ତା,ଡ଼ଃ ପ୍ରଜ୍ଞାପାରମିତା ଆର୍ଯ୍ୟ କୁମାରୀ,ସବିତା ପାଢ଼ୀ ତଥା ଇତିହାସ ଓ ଉଦ୍ଭିଦ ବିଜ୍ଞାନ ର ଦୁଇ ବିଭାଗୀୟ ମୁଖ୍ୟ ସମ୍ମାନୀତ ଅତିଥି ରୂପେ ଯୋଗ ଦେଇଥିଲେ।ଅଧ୍ୟାପକ ଵିଷ୍ଣୁ ଦାସ ସ୍ଵାଗତ ଭାଷଣ ଦେଇଥିଲା ବେଳ କଲେଜ ର ଛାତ୍ରୀ ମାନେ ଉତ୍କଳୀୟ ଢଙ୍ଗରେ ଦୀପ ପୁଷ୍ପ ହୁଳହୁଳୀ ଓ ଓଡିଶୀ ନୃତ୍ୟ ସହ ସ୍ଵାଗତ କରିଥିଲେ।ବଳଦେବ ରଥ ଓ କବିସମ୍ରାଟ ଙ୍କ ଉପରେ ସନ୍ଦର୍ଭ ପ୍ରସ୍ତୁତ କରି ଛାତ୍ରଛାତ୍ରୀ ମାନେ ଉପସ୍ଥାପନ କରିଥିଲେ। ଭଞ୍ଜ,ସଂସ୍କୃତ ଭାଷାର ସମକକ୍ଷ କରି ଓଡିଆ ଭାଷାରେ ଏତେ ସୁନ୍ଦର ମାନର ଓ ପରିମାଣର କାବ୍ୟ କବିତା ଓ ଛନ୍ଦ ରଚନା କରିଛନ୍ତି ଯେ ସମଗ୍ର ବିଶ୍ଵ ସ୍ତରରେ ସେ ଯେ ଜଣେ ଅନତିକ୍ରମଣୀୟ କବି ଏହା କହିବା ବାହୁଲ୍ୟ ମାତ୍ର।କାଳୀଦାସ ଙ୍କ କୃତି ଇଂରାଜୀ ଭାଷାରେ ଅନୁଦିତ ହୋଇଥିବା ବେଳେ ଉପେନ୍ଦ୍ରଭଞ୍ଜ ଙ୍କ କୃତି ଗୁଡ଼ିକୁ ଇଂରାଜୀ ରେ ଅନୁଦୀତ କରିବା ଆପାତତଃ ଅସମ୍ଭବ ମନେହୁଏ।ନିର୍ବିବାଦୀୟ ଭାବରେ ଭଞ୍ଜ ଜଣେ ଅତ୍ୟନ୍ତ ଉଚ୍ଚ ମାନର ତଥା ସର୍ବାପେକ୍ଷା ଲୋକପ୍ରିୟ କବି ଅଟନ୍ତି,ଯେହେତୁ ବିଲବାଡ଼ିର ସାଧାରଣ ଚଷା ଠାରୁ ଆରମ୍ଭ କରି ବିଶ୍ଵବିଦ୍ୟାଳୟ ର ପଣ୍ଡିତ ଗବେଷକ ପର୍ଯ୍ୟନ୍ତ ସମସ୍ତଙ୍କ ପାଇଁ ଭଞ୍ଜ ସାହିତ୍ୟ କୃତି ସର୍ବମାନ୍ୟ ତଥା ସର୍ବାଦୃତ ଅଟେ।ଏହି ସମାବେଶ ରେ ୫୦ ଜଣ ଛାତ୍ରଛାତ୍ରୀ ଓ ୧୫ ଜଣ ଅଧ୍ୟାପକ ଓ ଅନ୍ୟାନ୍ୟ ବୁଦ୍ଧିଜୀବି ଯୋଗ ଦେଇଥିଲେ।