ଜି.ଆଇ.ସି.ଏମ୍.ଏସ୍. ମହାବିଦ୍ୟାଳୟରେ ବାର୍ଷିକକ୍ରୀଡା ଉଦଘାଟିତ….!

ଏଥର ସମ୍ଭାଳ ବ୍ୟୁରୋ(ଗୁଣପୁର)- ଗୁଣପୁର ସ୍ଥିତ ଗାୟତ୍ରୀ କମ୍ପ୍ୟୁଟର ଓ ମାନେଜମେଣ୍ଟ ମହାବିଦ୍ୟାଳୟରେ (ଜି.ଆଇ.ସି.ଏମ୍.ଏସ୍.) ମହାବିଦ୍ୟାଳୟରେ ବାର୍ଷିକ କ୍ରୀଡ଼ା ଉଦଘାଟିତ ହୋଇଯାଇଅଛି । ଅନୁଷ୍ଠାନର ଅଧ୍ୟକ୍ଷ ଶ୍ରୀଯୁକ୍ତ ଅକ୍ଷୟ ଦାସ ଓ ନିର୍ଦ୍ଦେଶକ ଶ୍ରୀଯୁକ୍ତ ସଞୟ ସାହୁ ତଥା ସମାଜସେବୀ ଶ୍ରୀମତୀ ରଞ୍ଜିତା ସାହୁ ଯୋଗଦେଇ କ୍ରୀଡ଼ା ଉତ୍ସବକୁ ଉଦଘାଟନ କରିଥିଲେ । ଏହି ଉଦଘାଟନ କାର୍ଯ୍ୟକ୍ରମରେ ପ୍ରିନ୍ସିପାଲ ସମରଜିତ କର,ପ୍ରଫେସର ଧବଳେଶ୍ଵର ପଟ୍ଟନାୟକ, ମାନେଜମେଣ୍ଟ ବିଭାଗର ଏଚ୍.ଓ.ଡି ପ୍ରଫେସର ମାନସ ରଞ୍ଜନ ସାମଲ,ପ୍ରଫେସର ଲକ୍ଷ୍ମୀନାରାୟଣ ସାହୁ, ପ୍ରଶାସନିକ ଅଧିକାରୀ ପି.ଭି. କୋଟେଶ୍ୱର ରାଓ ପ୍ରମୁଖ ଉପସ୍ଥିତ ଥିଲେ ।

କ୍ରୀଡାର ଆବଶ୍ୟକତା ସୁସ୍ଥ ସ୍ବାସ୍ଥ୍ୟ ଗଠନରେ କେତେ ଗୁରୁତ୍ୱପୂର୍ଣ୍ଣ ଉପସ୍ଥିତ ଅତିଥିମାନେ ନିଜ ବକ୍ତବ୍ଯରେ ଛାତ୍ରଛାତ୍ରୀମାନଙ୍କୁ କହିଥିଲେ । ଏହି କାର୍ଯ୍ୟକ୍ରମକୁ ଅନୁଷ୍ଠାନର ଅଭିଷେକ ପଟ୍ଟନାୟକ, ଦୀପାଳି ପାଢି, ଚୈତନ୍ୟ ପ୍ରଧାନୀ,ପ୍ରିୟଙ୍କା ସାହୁ, ସିତାଞଳି ସାହୁ,ରଶ୍ମିତା ରଥ,ଚନ୍ଦନ ସାହୁ, ପ୍ରିତିକେଶ ସାହୁ,ରାଜିବ ପଣ୍ଡା,ଜୟରାମ ପାତ୍ର, ଅଭିମନ୍ୟୁ ବେହେରା, ସୁଦର୍ଶନ ପଣ୍ଡୁ ସାହୁ, ରମେଶ ବେହେରା ପ୍ରମୁଖ ସହଯୋଗ କରିଥିଲେ।

୧୨ତମ ରାଜ୍ୟ ସ୍ତରୀୟ ବଂଶଧାରା କପ୍ ଓ ଜନଜାତି ଉତ୍ସବ ଉଦ୍ଘାଟିତ …!

ଏଥର ସମ୍ଭାଳ ବ୍ୟୁରୋ(ଗୁଣପୁର)- ରାୟଗଡା ଜିଲ୍ଲା ଗୁଣପୁର ଠାରେ ଅନୁଷ୍ଠିତ ହବାକୁ ଥିବା ଦ୍ବାଦଶ ରାଜ୍ୟ ସ୍ତରୀୟ ବଂଶଧାରା ବସନ୍ତ ମହୋତ୍ସବ ଅବସରରେ ଆଜି ସକାଳୁ ସ୍ଥାନୀୟ ଗୁଣପୁର କଲେଜ ଠାରୁ ମିନି ମାରାଥନ ବାହାରି ଉତ୍ସବ ପଡିଆକୁ ପହଞ୍ଚିଥିଲା। ଏହାପରେ ଆରମ୍ଭ ହୋଇଥିଲା ବଳରାମ ପଣ୍ଡା ସ୍ମାରକୀ ଆନ୍ତରାଜ୍ଯ ଲେଦର ବଲ୍ କ୍ରିକେଟ୍ ଟୁର୍ଣ୍ଣାମେଣ୍ଟ । ଏହି ଦୁଇଟି କାର୍ଯ୍ୟକ୍ରମକୁ ମୁଖ୍ଯ ଅତିଥି ଭାବେ ଇଣ୍ଡିଆ କ୍ରିକେଟ୍ ଟିମ୍ ମ୍ଯାନେଜର (ସାଉତ ଆଫ୍ରିକା ଟୁର୍) ସତବିର ସିଂ ରିହାର ଯୋଗଦେଇ ଉଦଘାଟନ କରିଥିଲେ। ଆଜି ପ୍ରଥମ ଦିନରେ ନବରଙ୍ଗପୁର ସହ ଗୁଣପୁର ଟିମ୍ ର ରୋମାଞ୍ଚକର ମ୍ଯାଚ୍ ଅନୁଷ୍ଠିତ ହୋଇଥିଲା। ଅନ୍ଯପକ୍ଷେ ଆଜି ସନ୍ଧ୍ଯାରେ ଜନଜାତି ଉତ୍ସବ ର ଉଦଘାଟନ ହୋଇଛି। ଏଥି ପୁର୍ବରୁ ଉତ୍ସବ ର ଆଜ୍ଞାମାଳ ଆଜି ମରିଚଗୁଡା ସ୍ଥିତ ଅକ୍ଷରବ୍ରହ୍ମ ପିଠରୁ ପୂଜାର୍ଚ୍ଚନା କରି ବାହାରିଛି। ପିତାମଗୁଡା ପାହାଡ ଉପରେ ମଧ୍ୟ ପୂଜା କରାଯାଇ ଥିଲା। ବହୁ ସଂଖ୍ୟାରେ ଜନଜାତି ମହିଳା ପୁରୁଷ ଏକତ୍ରିତ ହୋଇ ଏକ ଶୋଭାଯାତ୍ରା ରେ ଉତ୍ସବ ପଡିଆରେ ପହଞ୍ଚିଥିଲେ। ବଂଶଧାରା ନଦୀ କୂଳରୁ ଆଜି ନାମ ସଂକୀର୍ତ୍ତନ ସହ ଗଙ୍ଗା ଆବାହନ କରାଯାଇଥିଲା। ଜନଜାତି ଙ୍କ ମଧ୍ୟରେ ରାମ ପ୍ରଶାଦ ଗମାଙ୍ଗ, ଚକ୍ରପାଣି ଶବର, ଫାଲଗୁନି ଶବର, ଜୁଏଲ ଶବର, ମୋହନ ଶବର, ଲମ୍ବୋଧର ଶଡର, ତାଇଗିରି ଶବର ପ୍ରମୁଖଙ୍କ ପରିଚାଳନା କ୍ରମେ ଏହି ଜନଜାତି କାର୍ଯ୍ଯକ୍ରମ ଅନୁଷ୍ଠିତ ହୋଇଯାଇଛି। ଆଜିର ଏହିସବୁ କାର୍ଯ୍ୟକ୍ରମ ରେ ଉତ୍ସବ ପରିଚାଳନା କମିଟି ପକ୍ଷରୁ ସଭାପତି ଅକ୍ଷୟ ଦାସ, କାର୍ଯ୍ଯକାରି ସଭାପତି ଏସ. ବାବା ପ୍ରଶାଦ, ଉପ ସଭାପତି ଉମା ଶଙ୍କର ଦାସ, ସମ୍ପାଦକ ମିଲି ପାଢି, ବରିଷ୍ଠ ଆଇନଜୀବୀ ଉମା ଚରଣ ପଟ୍ଟନାୟକ ଙ୍କ ସମେତ ସହ ସମ୍ପାଦକ ରାମ ପଣ୍ଡା, ଶକ୍ତି ଦାଶ, ଲକ୍ଷ୍ମୀ ମହାଙ୍କୁଡ, ହାଡିଆ ଶବର, ପ୍ରମୋଦ ଦାସ, ରମେଶ ଲିମା, ଗଜା ପାଳ, ଦେବ ପ୍ରଶାଦ ପାଢିଙ୍କ ସମେତ ବହୁ ସଂଖ୍ୟାରେ କାର୍ଯ୍ଯକର୍ତ୍ତା ମାନେ ଯୋଗ ଦେଇଥିଲେ।

ସଶକ୍ତ ଓଡିଶା ସାଥୀ ଶିବିର ଗୁଣପୁର ଠାରେ ଅନୁଷ୍ଠିତ…!

ଏଥର ସମ୍ଭାଳ ବ୍ୟୁରୋ(ଗୁଣପୁର)- ଗୁଣପୁର ବ୍ଲକ୍ ପ୍ରାଙ୍ଗଣରେ ଆଜି ତା ୮.୦୨.୨୦୨୪ ଗୁରବାର ସକାଳ ୧୧ଘଟିକା ସମୟରେ ପଞ୍ଚାୟତ ସମିତି ଗୁଣପୁର ତରଫରୁ ସଶକ୍ତ ଓଡ଼ିଶା ସାଥୀ ଶିବିର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ମୁଖ୍ୟ ଅତିଥି ରୂପେ ଶ୍ରୀମତି ଅନୁସୟା ମାଝୀ ସ୍ୱତନ୍ତ୍ର ଉନ୍ନୟନ ପରିଷଦ ଅଧ୍ୟକ୍ଷା ମୁଖ୍ୟ ବକ୍ତା ରୂପେ ଶ୍ରୀମତି ଶାନ୍ତିପ୍ରଭା ପ୍ରଧାନ ପ୍ରକଳ୍ପ ପ୍ରଶାସିକା (ସମନ୍ନିତ ଜନଜାତି ଉନ୍ନୟନ ସଂସ୍ଥା କାର୍ଯ୍ୟାଳୟ, ଗୁଣପୁର) ସଭାପତି ରୂପେ ଗୋଷ୍ଠୀ ଉନ୍ନୟନ ଅଧିକାରୀ ଗୁଣପୁର, ସମ୍ମାନୀୟ ଅତିଥି ରୂପେ ଶ୍ରୀଯୁକ୍ତ ଅଂଶୁମାନ ପରିଡ଼ା ଅତିରିକ୍ତ ତହସିଲଦାର ଗୁଣପୁର ,ଆମନ୍ତ୍ରିତ ଅତିଥି ରୂପେ ପଞ୍ଚାୟତ ସମିତି ଅଧ୍ୟକ୍ଷ୍ୟା ଶ୍ରୀମତି ଝିଲ୍ଲୀ ଶବର ମଞ୍ଚାସୀନ ଥିଲେ । ସଭାରେ ପଞ୍ଚାୟତ ସମିତିର ସମସ୍ତ ଜନ ପ୍ରତିନିଧି ,ସରପଞ୍ଚ, ସମିତି ସଭ୍ୟ/ସଭ୍ୟା , ବହୁ ମାନ୍ୟ ଗଣ୍ୟ ବ୍ୟକ୍ତି,ବୃଦ୍ଧିଜିବୀ ବିଶିଷ୍ଟ ସାମ୍ବାଦିକ ବୃନ୍ଦ ଉପସ୍ଥିତ ଥିଲେ।ମଞ୍ଚାସୀନ ଅତିଥିଙ୍କ ଦ୍ୱାରା ପ୍ରଦୀପ ପ୍ରଜ୍ଜଳନ କରାଯାଇ କାର୍ଯ୍ୟକ୍ରମ ଆରମ୍ଭ ହୋଇଥିଲା। ଗୁଣପୁର ପଞ୍ଚାୟତ ସମିତିର ଗ୍ରାମ ମୁଖିଆ,ଜାନୀ,ଡିସାରୀ,ଦେଶୀ ଔଷଧ ସେବାକାରୀ, ସଂଗୀତଜ୍ଞ, ବାଦ୍ୟକାର,ନୃତ୍ୟକାର ଏଭଳି ୨୫ ଜଣଙ୍କୁ ଉପଢ଼ୌକନ ଟ୍ରଫି ଓ ପ୍ରଶଂସା ପତ୍ର ଉପସ୍ଥିତ ଅତିଥିମାନଙ୍କ ଦ୍ୱାରା ବଣ୍ଟନ କରାଯାଇଥିଲା। ଉପସ୍ଥିତ ବୁଦ୍ଧିଜୀବୀ ମାନଙ୍କୁ କିଛି ପ୍ରଶ୍ନୋତ୍ତର ପତ୍ରିକା ଦିଆଯାଇଥିଲା।ଉଚ୍ଚ ବିଦ୍ୟାଳୟ ଭାରସିଂ ଓ ଡମ୍ୱସରା ତଥା ଆଲିଙ୍ଗଗୁଡ଼ାର ନୃତ୍ୟ ଦଳ ନୃତ୍ୟ ପରିବେଷଣ କରିଥିଲେ।କାର୍ଯ୍ୟକ୍ରମକୁ ଆଶ୍ରମ ବିଦ୍ୟାଳୟ,କେନ୍ଦୁଗୁଡ଼ାର ପ୍ରଧାନ ଶିକ୍ଷକ ଶ୍ରୀ ଦିଲୀପ କୁମାର ଚ଼ୌଧୁରୀ ସଂଯୋଜନା କରିଥିଲେ I ପରିଶେଷରେ ଆବାହକ ମଙ୍ଗଳ ସଂପ୍ରସାରଣ ଅଧିକାରୀ ଶ୍ରୀ ଗଙ୍ଗାଧର ବେହେରା ଧନ୍ୟବାଦ ପ୍ରଦାନ କରିଥିଲେ ଓ ସଭାପତି ସଭା ସାଙ୍ଗ କରିଥିଲେ।