ବାରଣାସୀ-ପ୍ରୟାଗରାଜ ଅଭିମୁଖେ ଗଜପତିରୁ ବରିଷ୍ଠ ନାଗରିକଙ୍କ ତୀର୍ଥ ଯାତ୍ରା…!

!!! ଗଜପତି ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ରାମ ଚନ୍ଦ୍ର ପାଢି ଙ୍କ ରିପୋର୍ଟ !!!

ଏଥର ସମ୍ଭାଳ (ଗଜପତି) – ଆଜି ସଭାପତି, ଜିଲ୍ଲାପରିଷଦ, ଗଜପତି ଶ୍ରୀଯୁକ୍ତ ଜି. ତିରୁପତି ରାଓଙ୍କ ମୁଖ୍ୟ ଅତିଥି ଭାବେ ଉପସ୍ଥିତି, ଜିଲ୍ଲାପାଳ ଶ୍ରୀଯୁକ୍ତ ସ୍ମୃତି ରଞ୍ଜନ ପ୍ରଧାନ ଓ ଅଧ୍ୟକ୍ଷା, ପାରଳା ପୌରପରିଷଦ ଶ୍ରୀମତୀ ନିର୍ମଳା ସେଠୀଙ୍କ ଉପସ୍ଥିତିରେ ବାରଣାସୀ-ପ୍ରୟାଗରାଜ ଅଭିମୁଖେ ଯାତ୍ରା କରିବାକୁ ଥିବା ଗଜପତିରୁ ୯୦ ଜଣ ତୀର୍ଥଯାତ୍ରୀଙ୍କୁ ନେଇ ଯାଉଥିବା ଦୁଇଟି ବସ୍ କୁ ସବୁଜ ପତାକା ଦେଖାଇ ଶୁଭାରମ୍ଭ କରାଯାଇଛି।
ସୂଚନା ପ୍ରକାରେ ଏହି ତୀର୍ଥ ଯାତ୍ରା କାର୍ଯ୍ୟକ୍ରମ ଚଳିତ ମାସ ୧୭-୦୧-୨୦୨୪ ରିଖରେ ବ୍ରହ୍ମପୁର ରୁ ଆରମ୍ଭ ହୋଇ ୨୨-୦୧-୨୦୨୪ ରେ ଶେଷ ହେବ।
ଏଥିପାଇଁ ରାଜ୍ୟ ତୀର୍ଥ ଯାତ୍ରୀ ଚିହ୍ନଟ ପ୍ରକ୍ରିୟା ଶେଷ କରିଛି ଏବଂ ସେମାନେ ହିଁ ଏହିଯାତ୍ରାରେ ସାମିଲ ହେବେ I ଉକ୍ତ ଯାତ୍ରୀ ମାନେ ପର୍ଯ୍ୟଟନ ବିଭାଗ, ଓଡିଶା ସରକାରଙ୍କ ଦ୍ବାରା Online ପ୍ରକ୍ରିୟା ମାଧ୍ୟମରେ ଆବେଦନ କରିଥିଲେ। ସେଥି ମଧ୍ୟରୁ ୯୦ ଜଣ ଯାତ୍ରୀଙ୍କୁ e-randomization ପ୍ରକ୍ରିୟା ମାଧ୍ୟମରେ ରାଜ୍ୟ ଚିହ୍ନଟ କରିଛି । ସେଥି ମଧ୍ୟରେ ଗୋଷାଣି ବ୍ଲକ ରୁ ୩୨ ଜଣ, କାଶୀନଗର ବିଜ୍ଞାପିତ ଅଞ୍ଚଳ ପରିଷଦରୁ ୯ ଜଣ, ଗୁମ୍ମା ବ୍ଲକ ରୁ ୧୫ ଜଣ, ମୋହନା ବ୍ଲକରୁ ୬ ଜଣ, କାଶିନଗର ବ୍ଲକ ରୁ ୨୧ ଜଣ ଏବଂ ପାରଳାଖେମୁଣ୍ଡି ମୁନିସିପାଲିଟିରୁ ୭ ଜଣ ତୀର୍ଥଯାତ୍ରୀ ଚିହ୍ନଟ ହୋଇଛନ୍ତି।

ଜିଲ୍ଲା ପ୍ରଶାସନ ତରଫରୁ ଉକ୍ତ ଯାତ୍ରା ପାଇଁ ଯାତ୍ରୀମାନଙ୍କ ସୁରକ୍ଷା ନିମନ୍ତେ ନିମ୍ନଲିଖିତ ପଦକ୍ଷେପ ମାନ ଗ୍ରହଣ କରାଯାଇଛି।
1. ଯାତ୍ରୀମାନେ ବ୍ରହ୍ମପୁର ଗସ୍ତ ପୂର୍ବରୁ ଏଠାରେ ସେମାନଙ୍କର ସ୍ବାସ୍ଥ୍ୟ ପରୀକ୍ଷା କରାଯାଇଛି ।
2. ସମସ୍ତ ଯାତ୍ରୀଙ୍କୁ ସେମାନଙ୍କ ବ୍ଲକ କାର୍ଯ୍ୟାଳୟ ଏବଂ ବିଜ୍ଞାପିତ ଅଞ୍ଚଳ ପରିଷଦ କାର୍ଯ୍ୟାଳୟରୁ ସରକାରଙ୍କ ଖର୍ଚ୍ଚରେ ଅଣାଯାଇଛି ଏବଂ ଫେରିଲା ବେଳେ ମଧ୍ୟ ସେମାନଙ୍କୁ ସେମାନଙ୍କ ବ୍ଲକ କାର୍ଯ୍ୟାଳୟ ଏବଂ ବିଜ୍ଞାପିତ ଅଞ୍ଚଳ ପରିଷଦ କାର୍ଯ୍ୟାଳୟରେ ଛଡ଼ାଯିବ ।
3. ବ୍ରହ୍ମପୁର ପହଞ୍ଚିଲା ପରେ ସମସ୍ତଙ୍କୁ ଏକ କିଟ୍ ଦିଆଯିବ, ଯେଉଁଥିରେ କି ତାଙ୍କନ ନିତ୍ୟ ଆବଶ୍ୟକ ଜିନିଷ ରହିବ।
4. ଟ୍ରେନ୍ ଯାତ୍ରା ସମୟରେ IRCTC ତରଫରୁ ସ୍ବାସ୍ଥ୍ୟ ଜନିତ ସମସ୍ୟା ପାଇଁ ଆବଶ୍ୟକ ଡ଼ାକ୍ତର ଟିମ୍ ଟ୍ରେନ୍ ରେ ରହିବେ।
5. ଆମ ଜିଲ୍ଲାରୁ ସମସ୍ତ ଯାତ୍ରୀଙ୍କ ତତ୍ତ୍ବାବଧାନ ପାଇଁ ତିନିଜଣ Escort Officer ସେମାନଙ୍କର ସାଙ୍ଗରେ ଯାତ୍ରା କରିବେ।
6. ବ୍ରହ୍ମପୁର ରେଳ ଷ୍ଟେସନରେ ଟ୍ରେନ ରେ ବସାଇବା ଏବଂ ଆସିବା ସମୟରେ ଯତ୍ନ ଓ ସୁରକ୍ଷାରେ ଆଣିବା ପାଇଁ ପର୍ଯ୍ୟଟନ ଅଧିକାରୀଙ୍କ ସହ ଏକ ଟିମ୍ ରହିବେ।
7. ଯାତ୍ରୀ ମାନଙ୍କର ଯାତ୍ରା ସମୟରେ ସମସ୍ତ ଖର୍ଚ୍ଚ ଓଡ଼ିଶା ସରକାର ବହନ କରିବେ।
ଏହି କାର୍ଯ୍ୟକ୍ରମକୁ ସଫଳ ରୂପାୟନ ପାଇଁ ଜିଲ୍ଲା ଶିଶୁ ସୁରକ୍ଷା କାର୍ଯ୍ୟାଳୟର କର୍ମକର୍ତ୍ତା ଜିଲ୍ଲା ପର୍ଯ୍ୟଟନ ଅଧିକାରୀଙ୍କ ନେତୃତ୍ବରେ ପରିଚାଳନା କରିଥିଲେ।

ବ୍ରାହ୍ମୁଣ ସମାଜର ମକର ମିଳନ;ସମ୍ମିଳନୀ ରେ ବ୍ରହ୍ମନାଦ ପୁସ୍ତକ ଉନ୍ମୋଚିତ…!

ଏଥର ସମ୍ଭାଳ ବ୍ୟୁରୋ (ଗୁଣପୁର)-ସ୍ଥାନୀୟ ପୁରୁଣା ଗୁଣପୁର ବିଦ୍ଯାନିକେତନ ପଡିଆ ଠାରେ ଗୁଣପୁର ବ୍ରାହ୍ମଣ ସମାଜ ର ବାର୍ଷିକ ନଗର ସମ୍ମିଳନୀ ରେ ମକର ମିଳନ କାର୍ଯ୍ଯକ୍ରମ ମହା ସମାରୋହରେ ଅନୁଷ୍ଠିତ ହୋଇଯାଇଛି। ସଭାପତି ପତିତ ପାବନ ପାଢିଙ୍କ ସଭାପତିତ୍ବ ରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଆଜି ବ୍ରହ୍ମନାଦ ନାମକ ଏକ ସ୍ମରଣିକା ର ଉନ୍ମୋଚନ ହୋଇଛି । ବିଶ୍ବଶାନ୍ତି ଜଜ୍ଞ ଅନୁଷ୍ଠିତ ହୋଇଥିଲା। ଏହି ସମ୍ମିଳନୀରେ ଆଜି ଅସହାୟ ବ୍ରାହ୍ମଣ ପରିବାରର ଆବଶ୍ୟକ ସ୍ଥଳେ ଅସ୍ତି ବିସର୍ଜନ ଦାୟିତ୍ବ ନବା, ବୃକ୍ଷ ରୋପଣ କରିବା ଭଳି କେତେକ ପଦକ୍ଷେପ ଗ୍ରହଣ କରିବା ସମ୍ପର୍କରେ ପ୍ରସ୍ତାବ ଆସିଥିଲା। ଶେଷରେ ସାଂସ୍କୃତିକ କାର୍ଯ୍ୟକ୍ରମ ସହ ସାମୁହିକ ପ୍ରଶାଦ ସେବନ କରାଯାଇ ଥିଲା।

ଏହି କାର୍ଯ୍ୟକ୍ରମରେ ଅନ୍ଯ ମାନଙ୍କ ମଧ୍ୟରେ କାର୍ଯ୍ଯକାରୀ ସଭାପତି ନରସିଂହ ଶତପଥି, ଡଃ ପ୍ରଶାନ୍ତ ହୋତା, ତିରୁପତି ରଥ, ତିରୁପତି ମହାନ୍ତି, କୃଷ୍ଣ ପ୍ରଶାଦ ମିଶ୍ର, ଉମା ଶଙ୍କର ଦାସ, ଅଜିତ ପଣ୍ଡା, ପଞ୍ଚା ପଣ୍ଡା, ଗୁପ୍ତ ରଥ, ମୁନା ପାଢି, ଗଣେଶ୍ବର ଶତପଥି, ଦୁର୍ଗା ପାଣିଗ୍ରାହୀ, ଶ୍ରୀନିବାସ ଖାଡାଙ୍ଗା, ଗୌରୀ ଦାସ, ମିଲି ପାଢି, ସଦାନନ୍ଦ ପଣ୍ଡା, ତିରୁପତି ପଣ୍ଡା, ରାମ ପଣ୍ଡା, ସୂର୍ଯ୍ୟ ରଥ, ନୀଳମାଧବ ପାଢି, ସହଦେବ ରଥ, ଗଣେଶ ରଥ, ତିରୁପତି ପଣ୍ଡା, ଗଣେଶ ରଥ ଙ୍କ ସମେତ ବହୁ ବ୍ଯକ୍ତି ଙ୍କ ସହଯୋଗ କ୍ରମେ ହୋଇଥିଲା । ଶେଷରେ ଇନ୍ଦ୍ରାକ୍ଷୀ ଦାସ ଧନ୍ୟବାଦ ଅର୍ପଣ କରିଥିଲେ।

ମକର ସଂକ୍ରାନ୍ତି ଅବସରରେ ଗୁଣୁପୁର ଆୟପ୍ପା ମନ୍ଦିରରେ ଶ୍ରୀ ଆୟ୍ୟାପା ସ୍ଵାମୀ ଙ୍କୁ ଆଜି ସକାଳୁ ରୁପା ହାଣ୍ଡିରେ ପଞ୍ଚାମୃତ ଅବିସେକ…!

ଏଥର ସମ୍ଭାଳ ବ୍ୟୁରୋ (ଗୁଣପୁର) – ମକର ସଂକ୍ରାନ୍ତି ଅବସରରେ ଗୁଣୁପୁର ଆୟପ୍ପା ମନ୍ଦିରରେ ଶ୍ରୀ ଆୟ୍ୟାପା ସ୍ଵାମୀ ଙ୍କୁ ଆଜି ସକାଳୁ ରୁପା ହାଣ୍ଡିରେ ପଞ୍ଚାମୃତ ଅବିସେକ୍ କରାଯାଇଛି। ଏବଂ ଆଜି ସନ୍ଧ୍ୟାରେ ସ୍ଥାନୀୟ ଆୟପ୍ପା ମନ୍ଦିର ସମ୍ମୁଖ ରେ ଭକ୍ତମାନେ କିପରି ଜ୍ୟୋତି ଦର୍ଶନ କରିପାରିବେ ତାହା ନିମନ୍ତେ ଆୟୋଜନ କରାଯାଇଥିଲା l ମକର ସଂକ୍ରାନ୍ତି ଅବସରରେ ଗୁଣୁପୁର ଆୟାପା ମନ୍ଦିରରେ ଶ୍ରୀ ଆୟାପାସ୍ଵାମୀ ଙ୍କୁ ଆଜି ପ୍ରଭାତରେ ରୁପାହାଣ୍ଡିରେ ପଞ୍ଚାମୃତ ,ଜଳ ଆଦି ନେଇ ସ୍ନାନ , ଅଭିଷେକ କରାଯାଇ ଠାକୁରଙ୍କୁ ବିଭିନ୍ନ ଅଳଙ୍କାରରେ ସଜ୍ଜା ଯାଇଥିଲା । ୧୦୦କେଜି ଫୁଲ ରେ ଅର୍ଚ୍ଚନା , ପୂଜକ, ଦୀକ୍ଷା ନେଇ ଥିବା ଭକ୍ତ ଙ୍କ ଦ୍ଵାରା ପୂଜା ଓ ଆୟାପା ଭକ୍ତଙ୍କ ସମାଗମ ରେ ଆଜି ମନ୍ଦିର ପରିସର ଆଧ୍ୟାତ୍ମିକ ବାତାବରଣରେ ପୁରି ଉଠିଥିଲା । ଭକ୍ତଙ୍କୁ ଆକୃଷ୍ଟ କରିବା ନିମନ୍ତେ ମନ୍ଦିର ଏବଂ ଠାକୁର ଙ୍କ ମୂର୍ତ୍ତିକୁ ଦୀପ ମାଳ, ଫୁଲ ଇତ୍ୟାଦି ରେ ସାଜସଜ୍ଜା କରାଯାଇଥିଲା । ଗୁଣପୁର ଅଞ୍ଚଳର ଆୟାପ୍ପା ଭକ୍ତମାନଙ୍କ ପାଇଁ ସଂଧ୍ୟା ୬:୪୫ ମିନିଟ୍ ସମୟରେ ଜ୍ୟୋତି ଦର୍ଶନ ନିମନ୍ତେ ଆୟୋଜନ କରାଯାଇଥିବା ବେଳେ ଶିଶୁ ନୃତ୍ୟ ଶିଳ୍ପୀ ଏବଂ ଗାୟକ, ଗାୟିକା ମାନଂକୁ ନେଇ ସାଂସ୍କୃତିକ କାର୍ଯ୍ୟକ୍ରମ ସମସ୍ତଙ୍କୁ ଆକୃଷ୍ଟ କରିଛି । ଏହି ସମସ୍ତ କାର୍ଯ୍ୟକ୍ରମକୁ ମନ୍ଦିର ପୁଜକ ଶ୍ରୀ ଇପିଲି ମାଣିକାଣ୍ଠା ଶର୍ମା ,ମନ୍ଦିର କମିଟି ସଦସ୍ୟ ମାନେ ତଥା ଆୟ୍ୟାପା ସ୍ଵାମୀ ଦିକ୍ଷା ଗ୍ରହଣ କରିଥିବା ସ୍ଵାମୀ ମାନଙ୍କ ଦ୍ଵାରା ଆୟୋଜିତ କରାଯାଇଥିଲା ।

ନୂଆ ଓ ଓଡିଆ ସାହିତ୍ୟ ପ୍ରତିଯୋଗିତା ଉଦଘାଟିତ…!

ଏଥର ସମ୍ଭାଳ ବ୍ୟୁରୋ (ଗୁଣପୁର) – ଗୁଣପୁର ସ୍ନାତକ ମହାବିଦ୍ୟାଳୟ ଓ ଉଚ୍ଚ ମାଧ୍ୟମିକବିଦ୍ୟାଳୟ ରେ ସମନ୍ଵିତ ଯୁବ ବିକାଶ ଯୋଜନା ଅନ୍ତର୍ଗତ ନୂଆ ଓ ମାଧ୍ୟମରେ ପ୍ରଥମ ବିଶ୍ଵ ଓଡିଆ ଭାଷା ସମ୍ମିଳନୀର ଆୟୋଜନ ଓ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ର ଉଦଘାଟନ ପରିପ୍ରେକ୍ଷିରେ ମଙ୍ଗଳବାର ନୂଆ ଓ ସାହିତ୍ୟ ପ୍ରତିଯୋଗିତା ମହାସମାରୋହରେ ଉଦଘାଟିତ ହୋଇଯାଇଛି । ମହାବିଦ୍ୟାଳୟ ର ପରିଚାଳନା କମିଟି ର ସଭାପତି ଶ୍ରୀଯୁକ୍ତ ମୋହନ ଚନ୍ଦ୍ର ସାହୁ କାର୍ଯ୍ୟକ୍ରମ କୁ ଉଦଘାଟନ କରିଥିଲେ। ଅଧକ୍ଷ ପ୍ରଫେଶର ଶଶିଭୂଷଣ ମହାନ୍ତି ଉପସ୍ଥିତ ରହି ସ୍ୱାଗତ ଭାଷଣ ପ୍ରଦାନ କରିବା ଅବସରରେ ଓଡ଼ିଆ ଭାଷା ର ଅବଦାନ ତାର ସଂସ୍କୃତି ଉପରେ ଆଲୋକପାତ କରିଥିଲେ। ମୁଖ୍ୟ ବକ୍ତା ଭାବରେ ସାହିତ୍ୟିକ ଡଃ କମଳ କୃଷ୍ଣ ତ୍ରିପାଠୀ ଯୋଗ ଦେଇ ଓଡିଆ ଭାଷା ର ଐତିହ ଉପରେ ବର୍ଣ୍ଣନା କରିଥିଲେ। ଓଡ଼ିଆ ଭାଷାକୁ କୋରାପୁଟ ଜିଲ୍ଲା ର ଅବଦାନ ବିଷୟ ରେ ତାଙ୍କ ଅଭିଭାଷଣ ରଖିଥିଲେ ସେହିପରି ସମ୍ମାନୀତ ଅତିଥିଭାବେ ଶ୍ରୀଯୁକ୍ତ ତ୍ରିପତି ମହାନ୍ତି ଯୋଗଦେଇ ଜଗନ୍ନାଥ ସଂସ୍କୃତି ଓ ତାର ସୁରକ୍ଷା ଉପରେ ସାରଗର୍ଭକ ତଥ୍ୟ ପ୍ରତିପାଦନ କରିଥିଲେ। ଓଡ଼ିଆ ବିଭାଗର ଅଧ୍ୟାପକ ଗୋକୁଳା ନନ୍ଦ ସାହୁ ଅତିଥି ମାନଙ୍କୁ ମଞ୍ଚ କୁ ନିମନ୍ତ୍ରଣ କରିଥିବା ବେଳେ କାର୍ଯ୍ୟକ୍ରମ ର ନୋଡ଼ାଲ ଅଫିସର ଜଗନ୍ନାଥ ଦୀପ ଆଭିମୁଖ୍ୟ ଓ ପ୍ରତିଯୋଗିତା ବିଷୟ ରେ ସମ୍ୟକ ସୂଚନା ପ୍ରଦାନ କରିଥିଲେ । ଯୁକ୍ତ ଦୁଇ ଶ୍ରେଣୀର ନୋଡାଲ ଅଫିସର ପ୍ରିୟବ୍ରତ ମହାଙ୍କୁଡ ଧନ୍ୟବାଦ ଅର୍ପଣ କରିଥିଲେ । ପ୍ରଥମ ଦିନ ର ପ୍ରତିଯୋଗିତା ଯଥା ପ୍ରବନ୍ଧ ଲିଖନ, ହସ୍ତାକ୍ଷର ଓ କବିତା ଆଦୃତି ଅନୁଷ୍ଠିତ ହୋଇଯାଇଛି । ଏହିସବୁ କାର୍ଯ୍ୟକ୍ରମ କୁ ସଫଳ କରିବା ପାଇଁ ଅନୁଷ୍ଠାନ ର ଅଧ୍ୟାପକ , ଅଧ୍ୟାପିକା ଓ ଛାତ୍ରଛାତ୍ରୀ ଓ କର୍ମଚାରୀ ସହଯୋଗ କରିଥିଲେ ।

ଶ୍ରୀ ଜଗନ୍ନାଥ ଓଡ଼ିଶୀ କଳା କେନ୍ଦ୍ର ଆନୁକୁଲ୍ୟରେ ବାଲ ମୁକୁନ୍ଦ କେନ୍ଦ୍ର ତରଫରୁ ୬୭ତମ ‘ଜଗଦଗୁରୁତ୍ତମ ଦିବସ’ ପାଳନ…!

!!! ଗଜପତି ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ରାମ ଚନ୍ଦ୍ର ପାଢୀ ଙ୍କ ରିପୋର୍ଟ !!!

ଏଥର ସମ୍ଭାଳ (‌ପାରଳାଖେମୁଣ୍ଡି)- ଭାରତ ଇତିହାସର ସର୍ବଶ୍ରେଷ୍ଠ ପଞ୍ଚମ ମୂଳ ଜଗଦଗୁରୁ ତଥା ସମଗ୍ର ପୃଥିବୀର ଆଧ୍ୟାତ୍ମିକ ଗୁରୁ ଶ୍ରୀ କୃପାଳୁ ଜୀ ମହାରାଜଙ୍କୁ ‘ଜଗଦଗୁରୁତ୍ତମ’ ଉପାଧିରେ କାଶୀ ବିଦ୍ଵତ୍ ପରିଷଦ ଦ୍ବାରା ୧୯୫୭ ମସିହା ଜାନୁୟାରୀ ୧୪ ତାରିଖ ମକର ସଂକ୍ରାନ୍ତି ଦିନ ବିଭୂଷିତ କରିଥିଲେ । ଏହି ଅବସରରେ ଶ୍ରୀ ଜଗନ୍ନାଥ ଓଡ଼ିଶୀ କଳା କେନ୍ଦ୍ରର ନୃତ୍ୟଗୁରୁ ଡି.ପ୍ରିୟଙ୍କା ଙ୍କ ପ୍ରତିନିଧିତ୍ଵରେ ବାଲ ମୁକୁନ୍ଦ କେନ୍ଦ୍ର ତରଫରୁ ୬୭ତମ ‘ଜଗଦଗୁରୁତ୍ତମ ଦିବସ’ ବାଲନୃତ୍ୟ ପ୍ରଶିକ୍ଷାର୍ଥୀଙ୍କ ଗହଣରେ ପାଳନ କରାଯାଇଛି । ଏଥିରେ ଜଗଦଗୁରୁ କୃପାଳୁ ପରିଷଦ ଦ୍ବାରା ଆୟୋଜିତ ‘ଜଗଦଗୁରୁ କୃପାଳୁ ବୋଲେ ଚେଲେଞ୍ଜ’ ର ବିଷୟ ବସ୍ତୁକୁ ବିଦ୍ୟାର୍ଥୀ ପ୍ରଜ୍ୟୋତି ଓ ପ୍ରଣତି ଦୁଇ ଭଉଣୀ ପଠନ କରିଥିଲେ । ଏହାକୁ ସଂଯୋଜକ ନିତ୍ୟାନନ୍ଦ ଚୌଧୁରୀ ବୁଝାଇବା ସହ ମହାରାଜ ଜୀଙ୍କ ଉପାଧି ଗୁଡ଼ିକୁ ବର୍ଣ୍ଣନା କରିଥିଲେ। ଉପାଧି ଗୁଡ଼ିକ ହେଲା – ବେଦ ପ୍ରଦର୍ଶିତ ସଠିକ ମାର୍ଗର ପ୍ରତିଷ୍ଠାତା, ସମସ୍ତ ଶାସ୍ତ୍ରୀୟ ସିଦ୍ଧାନ୍ତର ସମନ୍ୱୟକାରୀ, ବିଶ୍ୱରେ ସନାତନ ବୈଦିକ ଧର୍ମର ପୁନଃ ପ୍ରତିଷ୍ଠାତା ଏବଂ ଆଧ୍ୟାତ୍ମିକ ଜ୍ଞାନର ବାସ୍ତବିକ ପରମ୍ପରାର ସଂସ୍ଥାପକ। ଏହି କାର୍ଯ୍ୟକ୍ରମରେ ସଂଯୋଜିକା ନମିତା ଚୌଧୁରୀ ସହଯୋଗ କରିଥିଲେ ।

ନୂଆଁଗଡ଼ ରେ ଅକ୍ଷତ ଏବଂ ନିମନ୍ତ୍ରଣ ପତ୍ର ବଣ୍ଟନ…!

!!! ଗଞ୍ଜାମ୍ ରୁ ଜିଲ୍ଲା ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ !!!

ଏଥର ସମ୍ଭାଳ (ବେଗୁନିଆପଡା)- ଆଜି ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ ଅନ୍ତର୍ଗତ ଅଙ୍ଗାରଗାଁ ପଞ୍ଚାୟତ ର ନୂଆଁଗଡ଼ ଗ୍ରାମରେ ଆସନ୍ତା ଜାନୁଆରୀ ୨୨ ତାରିଖରେ ହେବାକୁ ଥିବା ପ୍ରଭୁ ଶ୍ରୀରାମଙ୍କ ମନ୍ଦିର ପ୍ରତିଷ୍ଠା ଉପଲକ୍ଷେ ଅଯୋଧ୍ୟା ରୁ ଆସିଥିବା ଅକ୍ଷତ ଓ ନିମନ୍ତ୍ରଣ ପତ୍ରକୁ ପ୍ରତ୍ୟେକ ସନାତନୀ ହିନ୍ଦୁ ପରିବାରରେ ପହଞ୍ଚାଇବାର ଅଭିଯାନ ଆରମ୍ଭ ହୋଇଥିଲା । ଏହି ପରିପ୍ରେକ୍ଷୀରେ ନୂଆଁଗଡ଼ ଗ୍ରାମ ସ୍ଥିତ ହନୁମାନ ମନ୍ଦିର ଠାରୁ ଏକ ଭବ୍ୟ ଶୋଭାଯାତ୍ରା ବାହାରି ଗ୍ରାମ ପରିକ୍ରମା ସହ ସମସ୍ତ ଗ୍ରାମବାସୀ ଙ୍କୁ ଅକ୍ଷତ ଓ ନିମନ୍ତ୍ରଣ ପତ୍ର ପ୍ରଦାନ କରାଯାଇଥିଲା । ଏଥିରେ ସ୍ଥାନୀୟ ସରପଞ୍ଚ ସମେତ ବିଜେପି ନେତା ପ୍ରତାପ ନାୟକ, ନାରାୟଣ ସୁମନ୍ତରାୟ, ନାରାୟଣ ପ୍ରଧାନ, ପ୍ରଭାତ ସ୍ଵାଇଁ, ଶ୍ରୀକାନ୍ତ ପଣ୍ଡା ସମେତ ଶତାଧିକ ମହିଳା ଓ ପୁରୁଷମାନେ ଯୋଗ ଦେଇଥିଲେ । ଏ ନେଇ ନୂଆଁଗଡ଼ ରେ ଏକ ଆଧ୍ୟାତ୍ମିକ ବାତାବରଣ ସୃଷ୍ଟି ହୋଇଥିଲା ।

ନିର୍ବାଚନରେ ବ୍ଯବହୃତ ହେବାକୁ ଥିବା ଇଭିଏମ୍ ଏବଂ ଭିଭିପ୍ୟାଟ ପ୍ରଦର୍ଶନ ସଚେତନା କେନ୍ଦ୍ର ଶୁଭାରମ୍ଭ…!

!!! ଗଜପତି ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ରାମ ଚନ୍ଦ୍ର ପାଢୀ ଙ୍କ ରିପୋର୍ଟ !!!

ଏଥର ସମ୍ଭାଳ (ଗଜପତି) – ଚଳିତ ବର୍ଷ ଅନୁଷ୍ଠିତ ନିର୍ବାଚନ ନିମନ୍ତେ ବ୍ୟବହୃତ ହେବାକୁ ଥିବା ଇଭିଏମ୍ ଓ ଭିଭିପ୍ୟାଟ ର ବ୍ୟବହାର କରି କିଭଳି ଭୋଟଦାତାଗଣ ନିଜର ମତ ସାବ୍ଯସ୍ତ କରିବେ ସେ ସମ୍ପର୍କରେ ଏକ ସଚେତନତା କାର୍ଯ୍ୟକ୍ରମ ସମଗ୍ର ଜିଲ୍ଲାରେ ଆରମ୍ଭ ହେବ । ଏଥି ନିମନ୍ତେ ରବିବାର ଗଜପତି ଜିଲ୍ଲାପାଳ ଶ୍ରୀଯୁକ୍ତ ସ୍ମୃତି ରଞ୍ଜନ ପ୍ରଧାନ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଏହାର ଶୁଭାରମ୍ଭ କରିଛନ୍ତି । ଏହି ଇଭିଏମ୍ ଦ୍ବାରା ଭୋଟଦାତା କିଭଳି ନିଜ ମତ ଉପସ୍ଥାପନ କରିବେ ତାହାର ସଚେତନତା କରିବାକୁ ମୁଖ୍ୟ ନିର୍ବାଚନ କମିଶନଙ୍କ ନିର୍ଦ୍ଦେଶ ରହିଅଛି । ଏହାର ଅନୁପାଳନ କରାଯାଇ ଜିଲ୍ଲାର ଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ଭୋଟଦାତାଗଣ ଭୋଟ ଦେବାର ପ୍ରକ୍ରିୟା ସମ୍ପର୍କରେ ଏହି କେନ୍ଦ୍ର ମାନଙ୍କରୁ ଅବଗତ ହୋଇ ପାରିବେ । ଏହା ସଙ୍ଗେ ସଙ୍ଗେ ଚଳିତ ଜାନୁୟାରୀ ୧୬ ତାରିଖ ଠାରୁ ପେବୃୟାରୀ ୨୮ ତାରିଖ ପର୍ଯ୍ୟନ୍ତ ସମସ୍ତ ବ୍ଲକ୍, କାଶୀନଗର ବିଜ୍ଞାପିତ ଅଞ୍ଚଳ ପରିଷଦ ଓ ପାରଳାଖେମୁଣ୍ଡି ପୌରାଞ୍ଚଳରେ ଏକ ସ୍ବତନ୍ତ୍ର ପ୍ରଚାର ଗାଡିରେ ଭୋଟଦାତା ମାନଙ୍କୁ ସଚେତନ କରାଇବାର କାର୍ଯ୍ୟକ୍ରମ ରହିଅଛି । ଭୋଟଦାତାଗଣ ଉକ୍ତ ଇଭିଏମ୍ ଦ୍ବାରା କିଭଳି ଭୋଟ ଦେବେ ତାହା ନିଜେ ଉକ୍ତ ସ୍ଥାନରେ ଭୋଟ ଦେଇ ଭୋଟ ଦେବାର ପ୍ରକ୍ରିୟା ସମ୍ପର୍କରେ ଅବଗତ ହୋଇ ପାରିବେ । ବିଶେଷ ଭାବେ ନୂତନ ତଥା ଯୁବ ଭୋଟ ଦାତାଗଣ ଏହି ଭୋଟଦାନ ପ୍ରକ୍ରିୟା ସମ୍ପର୍କରେ ଜାଣି ସଚେତନ ହୋଇପାରିବେ।

ଏହି ଉଦ୍ଘାଟନ କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲାପାଳ ଶ୍ରୀ ରାଜେନ୍ଦ୍ର ମିଞ୍ଜ ,ଉପଜିଲ୍ଲାପାଳ ଶ୍ରୀ ଆଲୋକ କୁମାର ପ୍ରଧାନ, ନିର୍ବାଚନ ଡେପୁଟି ଜିଲ୍ଲାପାଳ କମଳକାନ୍ତ ପଣ୍ଡା, ସୁଶ୍ରୀ ତୃପ୍ତିମୟୀ ଜେନା, ସହକାରୀ ଜିଲ୍ଲାପାଳ ମଞ୍ଜୁଲତା ବେହେରା ଏବଂ ବିଭିନ୍ନ ରାଜନୈତିକ ଦଳର ପ୍ରତିନିଧି ତଥା କଂଗ୍ରେସରୁ ଶ୍ରୀ ବସନ୍ତ କୁମର ପଣ୍ଡା, ବିଜେଡ଼ି ରୁ ଶ୍ରୀ ଜମାଦାର ପଟ୍ଟନାୟକ, ବିଜେପି ରୁ ଇ.ପ୍ରଶାନ୍ତ ଓ ଆମ ଆଦମୀ ପାର୍ଟି ରୁ ଶ୍ରୀ ତ୍ରିନାଥ ପ୍ରସାଦ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ ଓ ନିର୍ବାଚନ ବିଭାଗର ସମସ୍ତ ଅଧିକାରୀ, ଗଣମାଧ୍ୟମ ପ୍ରତିନିଧି ଓ କର୍ମଚାରୀ ପ୍ରମୁଖ ଉପସ୍ଥିତ ଥିଲେ ।

ବେଗୁନିଆପଡା ରେ ଆତ୍ମାରକ୍ଷା କୌଶଳ ତାଲିମ ଶିବିର ଅନୁଷ୍ଠିତ…!

!!! ଗଞ୍ଜାମ ରୁ ଜିଲ୍ଲା ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ !!! 

ଏଥର ସମ୍ଭାଳ (ବେଗୁନିଆପଡା)- ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକର ଜନତା ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟରେ ଶନିବାର ଦିନ ଛାତ୍ରୀମାନଙ୍କୁ ନେଇ ଏକ ଆତ୍ମରକ୍ଷା କୌଶଳ ତାଲିମ ଶିବିର ଶୁଭାରମ୍ଭ ହୋଇଯାଇଛି । ଏଥିରେ କଲେଜର ଅଧ୍ୟକ୍ଷ ଶ୍ରୀଯୁକ୍ତ ଅଭିମନ୍ୟୁ ସ୍ୱାଇଁ ସଭାପତିତ୍ବ କରିଥିବା ବେଳେ କଲେଜର ସମସ୍ତ ଅଧ୍ୟାପକ , ଅଧ୍ୟାପିକା ଏବଂ କର୍ମଚାରୀ ମାନେ ଉପସ୍ଥିତ ଥିଲେ ।

ଏଥିରେ ପ୍ରଶିକ୍ଷିକା ଭାବେ ଦିବ୍ୟାନି ସାହୁ ଓ ପୁଜାରାଣୀ ପ୍ରଧାନ ଯୋଗ ଦେଇ ଛାତ୍ରୀ ମାନଙ୍କୁ ଆତ୍ମାରକ୍ଷା କୌଶଳ ସମ୍ବଦ୍ଧରେ ତାଲିମ ପ୍ରଦାନ କରିଥିଲେ । ଏଥିରେ ଉଚ୍ଚ ମାଧ୍ୟମିକ ବିଦ୍ୟାଳୟ ର ଛାତ୍ରୀ ମାନେ ଯୋଗ ଦେଇଥିଲେ । ଏହି କାର୍ଯ୍ୟକ୍ରମ ଦୀର୍ଘ ଆଠ ଦିନ ଧରି ଚାଲିବ ବୋଲି ସୂଚନା ମିଳିଛି ।

ଏଆଇସିସି କାର୍ଯ୍ୟାଳୟରେ ଅଜୟ କୁମାରଙ୍କୁ ଭେଟିଲେ ଗମାଙ୍ଗ ପରିବାର,ଏଇ ସପ୍ତାହରେ ମିଶ୍ରଣ ହୋଇପାରେ;ସ୍ଥାନୀୟ କଂଗ୍ରେସ ରେ ବିରୋଧ ହେବା ସମ୍ଭାବନା

ଏଥର ସମ୍ଭାଳ ବ୍ୟୁରୋ (ରାୟଗଡ଼)-ଦିଲ୍ଲୀ ଏଆଇସିସି କାର୍ଯ୍ୟାଳୟରେ ଆଜି ପିସିସି ପ୍ରଭାରି ଡଃ ଅଜୟ କୁମାରଙ୍କୁ ଭେଟିଛନ୍ତି ଡଃ ଗିରିଧର ଗମାଙ୍ଗ, ହେମା ଗମାଙ୍ଗ ଓ ଶିଶିର ଗମାଙ୍ଗ । ଏହି ଅବସରରେ ଓଡିଶା ରାଜନୀତି ସମ୍ପର୍କରେ ଆଲୋଚନା ସହ ଅବିଭକ୍ତ କୋରାପୁଟ ଜିଲ୍ଲାରେ କଂଗ୍ରେସ ସଙ୍ଗଠନ ସମ୍ପର୍କରେ ଆଲୋଚନା ହୋଇଥିବା ସୂଚନା ମିଳିଛି। ଗତ କିଛିଦିନ ହେଲା ଗମାଙ୍ଗ ପରିବାର କଂଗ୍ରେସ ରେ ମିସିବା ନେଇ ଚର୍ଚ୍ଚା ହୋଇ ଆସୁଥିଲା। ଶେଷରେ ଗତ ୭ ତାରିଖରେ ହେମା ପିସିସି କାର୍ଯ୍ଯାଳୟରେ ଦଳକୁ ଫେରିବେ ବୋଲି ସୂଚନା ଦେଇଥିଲେ। ହେଲେ ସେମିତି କିଛିବି ହେଲାନି । ହେମାଙ୍କୁ ସେଦିନ ଡାକରା ଆସିଲାନି। ଗିରିଧାରୀ ଙ୍କୁ ଛାଡି ହେମା ଏକଲା ମିସିବା କଥାକୁ ଦଳ ସହଜରେ ଗ୍ରହଣ କରିପାରି ନଥିବା କୁହା ଯାଇଥିଲା। ଶେଷରେ ଆଜି ଗମାଙ୍ଗ ଙ୍କ ସହ ସ୍ତ୍ରୀ ଓ ପୁଅ ପ୍ରଭାରି ଙ୍କୁ ଭେଟିଛନ୍ତି। ତେବେ ପ୍ରକୃତରେ ସେମାନଙ୍କ ମଧ୍ୟରେ ନିର୍ଦ୍ଧିଷ୍ଠ ଭାବେ କଣ ଆଲୋଚନା ହେଲା ତାହା ଜଣାପଡିନି। କିନ୍ତୁ ଶିଶିର କହିଛନ୍ତି ଆଲୋଚନା ସଫଳ ହୋଇଛି। ଅତିଶିଘ୍ର ଦିଲ୍ଲୀ ରେ ଦଳକୁ ଫେରିବା କାର୍ଯ୍ଯକ୍ରମ ସରିବ। ଏଥି ପୁର୍ବରୁ ଗମାଙ୍ଗ ପରିବାର ଗତ ଗୁରବାର ସୋନିଆ ଗାନ୍ଧୀଙ୍କ ବାସ ଭବନକୁ ଯାଇ ତାଙ୍କ କାର୍ଯ୍ଯାଳୟରେ ଆଲୋଚନା କରି ଫେରିଥିବା ଜଣାପଡିଛି। ତେବେ ଗମାଙ୍ଗ ପରିବାରର କଂଗ୍ରେସ ଦଳକୁ ପ୍ରତ୍ୟାବର୍ତ୍ତନ ପାଇଁ ଅନେକ ପୁରୁଖା ଓ ଯୁବ କର୍ମୀ ବିରୋଧ କରିଛନ୍ତି। ଏଭଳିକି ଜିଲ୍ଲାରେ କଂଗ୍ରେସର ଗଡ଼ ବୋଲାଯାଉଥିବା କାଶୀପୁର ଓ ଚନ୍ଦ୍ରପୁର ବ୍ଲକରେ କର୍ମୀଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଗମାଙ୍ଗ ପରିବାର ପାଇଁ କଂଗ୍ରେସ ଭାଗ ହୋଇଯିବ ବୋଲି ଯୁବ କଂଗ୍ରେସ କର୍ମୀମାନେ ସାଂସଦ ସପ୍ତଗିରି ଉଲ୍ଲାକାଙ୍କୁ ଚରମବାଣୀ ମଧ୍ୟ ଶୁଣାଇଛନ୍ତି। ଏ ସମ୍ପର୍କରେ ବରିଷ୍ଠ କଂଗ୍ରେସ ନେତା ଦୁର୍ଗା ପଣ୍ଡା କହିଛନ୍ତି ହାଇ କମାଣ୍ଡ ଯେଉଁ ନିଷ୍ପତ୍ତି ନେବେ ତାକୁ ଆମେ ଗ୍ରହଣ କରିବୁ। କର୍ମି ମାନେ ଗ୍ରହଣ କଲେ ହେଲା। ଡିସିସି ସଭାପତି ବିଜୟ ଗମାଙ୍ଗ କହିଛନ୍ତି ଏନେଇ ମୋତେ କୌଣସି ସୂଚନା ନାହିଁ।

ବସନ୍ତ ମହୋତ୍ସବ ର ଜନଜାତି କମିଟି ବୈଠକ ପିତାମଗୁଡା ପାହାଡରୁ ଆସିବ ଆଜ୍ଞାମାଳ;ବାଇକ୍ ଶୋଭାଯାତ୍ରା କୁ ସ୍ଥାନେ ସ୍ଥାନେ ହବ ସ୍ବାଗତ…!

ଏଥର ସମ୍ଭାଳ ବ୍ୟୁରୋ (ଗୁଣପୁର) – ଦ୍ବାଦଶ ରାଜ୍ୟ ସ୍ତରୀୟ ବଂଶଧାରା ବସନ୍ତ ର ଜନଜାତି ମେଳା, ମଞ୍ଚରେ ଆଧ୍ଯାତ୍ମିକ କାର୍ଯ୍ୟକ୍ରମ ଓ କଳା ପ୍ରଦର୍ଶନ ପାଇଁ ଆଜି ସ୍ଥାନୀୟ ଜଗନ୍ନାଥ ମନ୍ଦିର ପରିସରରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ମାତାରବନମ୍ ବିଜ୍ଞାନ ପ୍ରଚାର ଆଶ୍ରମର ସଭାପତି ରାମ ଚରଣ ଗମାଙ୍ଗ ଙ୍କ ସଭାପତିତ୍ବରେ ଓ ଶବର ସାଂସ୍କୃତିକ ସଂଘର ସଭାପତି ଚକ୍ରପାଣି ଶବରଙ୍କ ସଂଯୋଜନା କ୍ରମେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ଏହି ବୈଠକରେ ଫେବୃଆରୀ ୮ ତାରିଖରେ ମାତାରବନାମ ମନ୍ଦିର ମରିଚଗୁଡା ଓ ପିତାଂଗୁଡା ପାହାଡରୁ ଏକ ବିରାଟ ବାଇକ୍ ଶୋଭାଯାତ୍ରା ସହ ରଥରେ ଆଜ୍ଞାମାଳ ଅଣାଯିବାକୁ ନିଷ୍ପତ୍ତି ହୋଇଛି। ଏହାସହ ଉକ୍ତ ରଥକୁ ସ୍ଥାନେ ସ୍ଥାନେ ଗାଁ ମାନଙ୍କରେ ସ୍ବାଗତ କାର୍ଯ୍ଯକ୍ରମ କିଭଳି ବହୁଳ ଭାବେ ହବ ସେନେଇ ଆଲୋଚନା ହୋଇଥିଲା। ସେହି ଦିନହିଁ ବଂଶଧାରା ନଦୀରୁ ଗଙ୍ଗା ଆବାହନ କରି କଳଶ ଯାତ୍ରା ଉତ୍ସବ ପଡିଆକୁ ପହଞ୍ଚିବ ବୋଲି ନିଷ୍ପତ୍ତି ହୋଇଛି । ୮ ଓ ୯ ଦୁଇଦିନ ଧରି ଅନୁଷ୍ଠିତ ଏହି କାର୍ଯ୍ୟକ୍ରମରେ ଜନଜାତି ମେଳା ର ଷ୍ଟଲ ମାନଙ୍କରେ କୃଷିଜାତ ଦ୍ରବ୍ୟ, ବାଦ୍ଯ ଜନ୍ତ୍ର, ଇଡିତାଲ ଲିପି, କାପଡା ଗନ୍ଦା ସାମଗ୍ରି, ଆଦିବାସୀ ସ୍ବାଧିନତା ସଂଗ୍ରାମୀଙ୍କ ଫଟୋଚିତ୍ର, ସୌରା ଲିପିର ପୁସ୍ତକ, ସୌରା ସଂଗୀତ, ସୌରା ଦେବତା ମାନଙ୍କ ଫଟୋ କିଭଳି ଅଧିକ ମାତ୍ରାରେ ସ୍ଥାନ ପାଇବା ସେନେଇ ଆଲୋଚନା ହୋଇଥିଲା । ମଞ୍ଚରେ ଜନଜାତି ଙ୍କ ପାଇଁ ପ୍ରବଚନ, ଆଦିବାସୀ ନୃତ୍ୟ ସଂଗୀତକୁ ଜନାଦୃତ ଢଙ୍ଗରେ କିଭଳି କରିହବ ସେନେଇ ଯୋଜନା କରା ଯାଇଥିଲା। ଉକ୍ତ ଦୁଇଦିନ ଜନଜାତି ଅତିଥିଙ୍କୁ ଆମନ୍ତ୍ରଣ ସହ ବିଭିନ୍ନ କ୍ଷେତ୍ରରେ ସଂଘର୍ଷ କରି ସଫଳତା ର ଶିର୍ଷରେ ପହଞ୍ଚି ଥିବା ଆଦିବାସୀ ବ୍ଯକ୍ତି ମାନଙ୍କୁ ସମ୍ବର୍ଦ୍ଧିତ କରିବାକୁ ନିଷ୍ପତ୍ତି ହୋଇଥିଲା।

ଏହି ବୈଠକରେ ଇଡିତାଲ ଚିତ୍ରଶିଳ୍ପୀ ଲକ୍ଷ୍ମଣ ଶବର, କୃଷ୍ଣ ଶବର, ବିଦ୍ଯାଧର ଶବର, ଲମ୍ବୋଧର ଶବର, ବଳରାମ ଶବର, ଡାଲିୟୁସି ଶବର, ରୁତୁରାଜ ଶବର, ମହୋନ ଶବର, ଫାଲଗୁନି ଶବର ଦିନ ତମାମ ବସି ସମସ୍ତ କାର୍ଯ୍ୟକ୍ରମ ର ରୂପରେଖ ତିଆରି କରି ବିଭିନ୍ନ ବ୍ଯକ୍ତି ଙ୍କୁ ଦାୟିତ୍ବ ଦେଇଥିଲେ। ଅନ୍ଯ ମାନଙ୍କ ମଧ୍ୟରେ ପରିଚାଳନା କମିଟି ର ସଭାପତି ଅକ୍ଷୟ ଦାସ, କାର୍ଯ୍ଯକାରି ସଭାପତି ଏସ. ବାବା ପ୍ରଶାଦ, ଉପ ସଭାପତି ଉମା ଦାସ, ସାଧାରଣ ସମ୍ପାଦକ ମିଲି ପାଢି, ସଂଯୋଜକ ସତିଶ କୁମାର, ଓକିଲ ସଂଘ ସଭାପତି ଉମା ଚରଣ ପଟ୍ଟନାୟକ, ତିରୁପତି ମହାନ୍ତି, ସହ କୋଶାଧ୍ଯକ୍ଷ ରାଜେଶ ପାଢି, କାଉନସିଲର ଭାଗିରଥି ବିଶ୍ବୋୟୀ, ଶିବ ପାଢି, ସହ ସମ୍ପାଦକ ରାମ ପଣ୍ଡା, ଇନ୍ଦ୍ରାକ୍ଷୀ ଦାସ, ଶକ୍ତି ଦାସ, ସୁଜିତ ଶତପଥି ପ୍ରମୁଖ ଉପସ୍ଥିତ ରହିଥିଲେ।