ଉପଖଣ୍ଡ ସ୍ତରୀୟ କୃଷି ଯନ୍ତ୍ରପାତି ମେଳା ଉଦଘାଟିତ;କୃଷି ମେଳାରେ ଦଶଜଣ କୃଷକ ସମ୍ମାନିତ…!

ଏଥର ସମ୍ଭାଳ ବ୍ୟୁରୋ (ଗୁଣପୁର)-ସ୍ଥାନୀୟ ଚଇତି ପଡ଼ିଆରେ ଆଜି ଉପଖଣ୍ଡ ସ୍ତରୀୟ କୃଷି ଯନ୍ତ୍ରପାତି ମେଳା ଉଦଘାଟିତ ହୋଇଛି । ଏହି ମେଳା ରେ ବିଭିନ୍ନ ପ୍ରକାର କୃଷି ଯନ୍ତ୍ରପାତି କୁ ନେଇ ୨୬ ଟି ଷ୍ଟଲ କରାଯାଇଥିଲା । ସବୁ ବର୍ଗର ଚାଷୀ, ମହିଳା ସ୍ୱୟଂ ସହାୟକ ଗୋଷ୍ଠୀଙ୍କୁ ବିଭିନ୍ନ ରିହାତି ମୂଲ୍ୟରେ ଯନ୍ତ୍ରପାତି ଯୋଗାଇ ଦେବା ବ୍ୟବସ୍ଥା କରାଯାଇଛି । ଏହାର ମୁଖ୍ୟ ଉଦ୍ଦେଶ୍ୟ ହେଲା କୃଷକମାନେ ଚାଷ ପ୍ରଣାଳୀ ର ମାନଦଣ୍ଡ ବୃଦ୍ଧି କରି ଭଲ ଫସଲ ଅମଳ କରିପାରିବେ । ପ୍ରଥମ ଦିନରେ ଗୁଣୁପୁର, ରମାନଗୁଡା ର ୫୦ ଜଣ ଚାଷୀ ଆଲୋଚନା ଚକ୍ର ରେ ଭାଗନେଇ ବିଭିନ୍ନ କୃଷି ପଦ୍ଧତି ସମ୍ପର୍କରେ ଆଲୋଚନା କରିଥିଲେ । ଏହି ଅବସରରେ କୃଷକ ବିନ୍ଦୁ ବାସିନି ପାତ୍ର, ପୁନିଆ ଶବର, ନାରାୟଣ ଶଡର, ବଦନା ବୈକୁଣ୍ଠ ରାଓ, ସ୍ବର୍ଣ୍ଣ କଣ୍ଡାଗିରି, କରୁଣାକର ବେହେରା, ବୈରାଗୀ ତୋହିକା, ଟଙ୍କ ଶବର, ତ୍ରିନାର୍ଥ ମାଣ୍ଡାଙ୍ଗୀ, ଭାନୁ ପ୍ରଶାଦ ପାଢିଙାକୁ ସମ୍ମାନୀତ କରାଯାଇଥିଲା।

ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ପୌର ପରିଷଦ ଅଧ୍ୟକ୍ଷା ମମତା ଗୌଡ଼ ଯୋଗ ଦେଇଥିଲେ । ଜିଲ୍ଲା ମୁଖ୍ୟ କୃଷି ଅଧିକାରୀ ମନୋଜ କୁମାର ପ୍ରଧାନ ଙ୍କ ସଭାପତିତ୍ୱ ରେ ଆୟୋଜିତ ସଭାରେ ସମ୍ମାନିତ ଅତିଥି ଭାବେ ଗୁଣୁପୁର ଉପଜିଲ୍ଲାପାଳ ଲଳିତ କୁମାର କହଁର, ପଞ୍ଚାୟତ ସମିତି ଅଧ୍ୟକ୍ଷା ଝିଲ୍ଲୀ ଶବର, ଉପାଧ୍ୟକ୍ଷ ସୁଦର୍ଶନ ଶବର, ପୌର ଉପାଧ୍ୟକ୍ଷ ଶିବ ପ୍ରସାଦ ଗୌଡ, କୃଷି ଜିଲ୍ଲା ଅଧିକାରୀ ବୃନ୍ଦାବନ ବେହେରା, ମୁନିଗୁଡା ବ୍ଲକ୍ କୃଷି ଅଧିକାରୀ ଚିତ୍ତ ରଞ୍ଜନ ଶତପଥୀ,ଡ଼ ସନ୍ତୋଷ କୁମାର ପଣ୍ଡା ପ୍ରମୁଖ ଯୋଗ ଦେଇଥିଲେ । ଉତ୍ତମ କୁମାର ଦାସ ଓ ଭାଗ୍ୟଶ୍ରୀ ମଲ୍ଲିକ ମଞ୍ଚ ପରିଚାଳନା କରିଥିଲେ ।

ଗୁଣୁପୁର କୋର୍ଟ ପରିସର ରେ ସମ୍ବିଧାନ ଦିବସ ଅନୁଷ୍ଠିତ…!

ଏଥର ସମ୍ଭାଳ ବ୍ୟୁରୋ – (ଗୁଣପୁର) ଗୁଣପୁର କୋର୍ଟ ପରିସର ରେ ସମ୍ବିଧାନ ଦିବସ ଅନୁଷ୍ଠିତ ଶପଥ ନେଲେ ବିଚାରପତି ଙ୍କ ଠାରୁ ଆରମ୍ବ କରି ସମସ୍ତ ଓକିଲ ଏବଂ ଷ୍ଟାଫ ଆଜି ଗୁଣୁପୁର ଅତିରିକ୍ତ ଜିଲ୍ଲା ଦୌରା ଜର୍ଜ ଙ୍କ କୋର୍ଟ ପରିସର ରେ ତାଲୁକ ଲିଗାଲ ସହାୟତା କେନ୍ଦ୍ର ତରଫରୁ ସମ୍ବିଧାନ ଦିବସ ଅନୁଷ୍ଠିତ ହୋଇଯାଇଛି l ଏହି ଅବସର ରେ ଅତିରିକ୍ତ ଜିଲ୍ଲା ଦୌରା ଜର୍ଜ ଶେଖ ମହମ୍ମଦ କଇସି ମୁଖ୍ୟ ଅତିଥି ଭାବେ ଯୋଗ ଦେଇ ଥିବା ବେଳେ ଅତିଥି ଭାବେ ସବ ଜର୍ଜ ସନ୍ତୋଷ କୁମାର ମହାପାତ୍ର ପ୍ରଥମଶ୍ରେଣୀ ବିଚାରପତି ଦେବନ ସତ୍ୟଦର୍ଶି ନନ୍ଦ ସାହାରା ପରିବାର ପରାମର୍ଶ କେନ୍ଦ୍ର ର ସଚିବ ପ୍ରମୋଦ କୁମାର ସାହୁ ବାର ସଭାପତି ଉମା ପଟନାୟକ ଏବଂ ଲିଗାଲ ରିଟନର ରମେଶ ଲିମା ଏହି କାର୍ଯ୍ୟକ୍ରମ ରେ ସମ୍ବିଧାନ ଦିବସ ଏବଂ ଏହାର ତାତ୍ପର୍ଯ୍ୟ ଉପରେ ସମସ୍ତ ଅତିଥି ବୁଝାଇ ଥିଲେ lଏହି ଅବସର ରେ କାର୍ଯ୍ୟକ୍ରମ କୁ ସାହାରା ପରିବାର ପରାମର୍ଶ କେନ୍ଦ୍ର ର ସଚିବ ପ୍ରମୋଦ କୁମାର ସାହୁ ପରିଚାଳନା କରିଥିବା ବେଳେ ରମେଶ ଲିମା ଧନ୍ୟବାଦ ଦେଇଥିଲେ l

ଜାତୀୟ ଫାର୍ମାସୀ ସପ୍ତାହ ପାଳିତ…!

ଏଥର ସମ୍ଭାଳ ବ୍ୟୁରୋ (ଗୁଣପୁର) – ଗୁଣପୁର ଗାୟତ୍ରୀ ଫାର୍ମାସୀ ବୈଷୟିକ ମହବିଦ୍ୟାଳୟରେ ଜାତୀୟ ଫାର୍ମାସୀ ସପ୍ତାହ ପାଳିତ ହୋଇଯାଇଛି । ପ୍ରତି ବର୍ଷ ଭଳି ଚଳିତ ବର୍ଷ ମଧ୍ୟ ମହା ଆଡମ୍ବର ସହକାରେ କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଏଥିରେ ଅନୁଷ୍ଠାନର ଅଧ୍ୟକ୍ଷ ଶ୍ରୀ ଅକ୍ଷୟ ଦାସ, ନିର୍ଦ୍ଦେଶକ ଶ୍ରୀ ସଞ୍ଜୟ ସାହୁ, ପ୍ରିନ୍ସିପାଲ ଡ଼ଃ.ପ୍ରକାଶ ଚନ୍ଦ୍ର ସେନାପତି,ଭାଇସ୍ ପ୍ରିନ୍ସିପାଲ ଡଃ.କାହୁଁ ଚରଣ ପାଣିଗ୍ରାହୀ, ପ୍ରଶାସନିକ ଅଧିକାରୀ ଶ୍ରୀ ପି. ଭି. କୋଟେଶ୍ୱର ରାଓ ,ମୁଖ୍ୟ ଅତିଥି ଏ.ପି.ଟି.ଆଈ ର ଅଧ୍ୟକ୍ଷ ପ୍ରଫେସର ଡ଼ଃ.ସୋମଜିତ୍ ପଣ୍ଡା ଯୋଗ ଦେଇଥିଲେ । ମୁଖ୍ୟ ବକ୍ତା ଭାବରେ ଶ୍ରୀରାମ ମହାବିଦ୍ୟାଳୟର ଅଧ୍ୟକ୍ଷ ଶ୍ରୀ ନବକୃଷ୍ଣ ସାହୁକାର ଏବଂ ସମ୍ମାନିତ ଅତିଥି ଭାବରେ ପଦ୍ମପୁର ତ୍ରିବେଣୀ ବିଜ୍ଞାନ ମହାବିଦ୍ୟାଳୟର ପ୍ରତିଷ୍ଠାତା ଶ୍ରୀଯୁକ୍ତ ବିପିନ ବିହାରୀ ଜେନା ଯୋଗ ଦେଇ ଛାତ୍ରଛାତ୍ରୀଙ୍କ ଉଜ୍ଜ୍ବଳ ଭବିଷ୍ୟତ କାମନା କରିଥିଲେ । ଏହି କାର୍ଯ୍ୟକ୍ରମକୁ ଅଧ୍ୟାପିକା ସୁଶ୍ରୀ ସୁଜାତା ନାୟକ ଏବଂ ସିଶ୍ରୀ ବୋଦଲା ଚନ୍ଦ୍ରିକା କୁମାରୀ ସଂଯୋଜନା କରିଥିଲେ ।

ଏହି ଅବସରରେ ସମସ୍ତ ଅତିଥିମାନେ ଫାର୍ମାସିଷ୍ଟଙ୍କ ଅତୁଲନୀୟ ଅବଦାନ ସଂପର୍କରେ ଆଲୋକପାତ କରିଥିଲେ । ଏହି ଅବସରରେ କୃତି ଛାତ୍ର ଛାତ୍ରୀ ସାଇ କୃଷ୍ଣ ସ୍ୱାଇଁ, ରାଜ କିଶୋର, ଅରୁଣ ଦତ୍ତ ଏବଂ ପ୍ରଜ୍ଞା ପରିମିତ ହରିଚନ୍ଦନ ଙ୍କୁ ସେମାନଙ୍କ କୃତିତ୍ୱ ପାଇଁ ପୁରସ୍କାର ବିତରଣ କରାଯାଇଥିଲା । ପରିଶେଷରେ ଅଧ୍ୟାପିକା ପ୍ରିୟଙ୍କା ପାଢି ଧନ୍ୟବାଦ ଅର୍ପଣ କରିଥିଲେ।ଏହି କାର୍ଯ୍ୟକ୍ରମକୁ ,ଅର୍ଚ୍ଚନା ଚାନ୍ଦ, ମହାଲକ୍ଷ୍ମୀ ଦାସ, ଶାଶ୍ଵତୀ ବେହେରା,ଲୋହା ବାଉରୀ,ମନସ୍ବିନୀ ବେହେରା, ତୃପ୍ତିମୟୀ ବେହେରା,ପ୍ରବିଣ ମିଶାଲ,ରାଜେଶ ଗଙ୍ଗା, ରାଜୀବ ପଣ୍ଡା, ସୋନାଲି ଦାଶ, ପ୍ରଫୁଲ୍ଲ ମହାନ୍ତି,ପ୍ରଫୁଲ୍ଲ ପଟ୍ଟନାୟକ,ବାବୁଲା ଦାସ,ବିଷ୍ଣୁ ରଥ,ଦେବେନ୍ଦ୍ର ମିଶାଲ,ରବି ଗୌଡ, ରାଜକୁମାର ବିଡିକା ପ୍ରମୁଖ କର୍ମଚାରୀ ସହଯୋଗ କରିଥିଲେ ।