ଗୁଣପୁର ରେ କଂଗ୍ରେସ ଶିବିର ଚଳଚଞ୍ଚଳ,ଗୁଡାରିରେ ଚାଲିଛି ଘରେ ଘରେ କଂଗ୍ରେସ;ଦଳବଳ ଘେନି ଟିକଟ୍ ପାଇଁ ଆବେଦନ କଲେ ସତ୍ୟଜିତ…!

ଏଥର ସମ୍ଭାଳ ବ୍ୟୁରୋ(ଗୁଣପୁର)- ନିର୍ବାଚନ ପାଖେଇ ଆସୁଥିବା ବେଳେ ଗୁଣପୁର ନିର୍ବାଚନମଣ୍ଡଳୀ ରେ କଂଗ୍ରେସ ଶିବିର ହଠାତ୍ ଚଳଚଞ୍ଚଳ ହୋଇ ଉଠିଛି। କଂଗ୍ରେସ ର ବିଭିନ୍ନ ଆଶାୟୀ ପ୍ରାର୍ଥୀଙ୍କ ସମେତ ନେତାମାନେ ଏବେ ତୃଣମୂଳସ୍ତରରେ ସଙ୍ଗଠନ ସଜାଡିବା କାର୍ଯ୍ଯରେ ଲାଗି ପଡିଛନ୍ତି। ଗୁଡାରି ବ୍ଲକର ବିଭିନ୍ନ ପଞ୍ଚାୟତ ବୁଲି ପିସିସି ସଭ୍ୟ ତଥା ବରିଷ୍ଠ ନେତା ରଘୁପାତ୍ର ଓ ବ୍ଲକ ସଭାପତି ଭାସ୍କର ଜାଗାରାଙ୍ଗା ଘରେ ଘରେ କଂଗ୍ରେସ କାର୍ଯ୍ଯକ୍ରମ କରୁଥିବାର ଦେଖା ଯାଉଛି। ଯୁବନେତା ତଥା ଜିଲ୍ଲା ସଭାପତି ବିଜୟ ଗମାଙ୍ଗ ଙ୍କ ପୁଅ ଅବିନାଶ ଗମାଙ୍ଗ ଏହି ନିର୍ବାଚନ ମଣ୍ଡଳୀ ପାଇଁ କଂଗ୍ରେସ ର ଆଶାୟୀ ପ୍ରାର୍ଥି ହୋଇ ଉଭା ହବାପରେ ସ୍ଥାନୀୟ ଅଞ୍ଚଳରେ କଂଗ୍ରେସ ର ବିଭିନ୍ନ କାର୍ଯ୍ଯକ୍ରମ କୁ ତ୍ବରାନ୍ବିତ କରି ଯୁବ ସଙ୍ଗଠନ ସଜାଡିବା କାର୍ଯ୍ଯରେ ଲାଗି ପଡିଥିବା ଦେଖା ଯାଉଛି। ଦଳର ସଭା ସମିତି ଶୋଭାଯାତ୍ରା ବିକ୍ଷୋଭ ସବୁଠି ବିଜୟ ଓ ତାଙ୍କ ପୁଅଙ୍କୁ ସକ୍ରିୟ ଭୁମିକା ରେ ଦେଖିବାକୁ ମିଳୁଛି। ଅନ୍ଯପକ୍ଷେ ଗୁଡାରିରେ ସଙ୍ଗଠନକୁ ସକ୍ରିୟ କରିଥିବା ଭାସ୍କର ଜାଗାରାଙ୍ଗା ଗତ ଦୁଇଦିନ ତଳେ ତାଙ୍କ ସମର୍ଥକ ମାନଙ୍କ ସହ ଆସି ଜିଲ୍ଲା ସଭାପତି ବିଜୟ ଙ୍କ ନିକଟରେ ଦଳିୟ ଟିକଟ୍ ପାଇଁ ଆବେଦନ କରିଥିଲେ। ଗତକାଲି ଚନ୍ଦ୍ରପୁର ବ୍ଲକରେ ଆଉଜଣେ ଆଶାୟୀ ପ୍ରାର୍ଥୀ ସତ୍ଯଜିତ୍ ଗମାଙ୍ଗ କର୍ମି ସମ୍ମିଳନୀ କରି ବିଜେଡିରୁ କେତେକ ପ୍ରମୁଖ କର୍ମି ଓ ନେତାଙ୍କୁ କଂଗ୍ରେସ ରେ ମିଶାଇବା ପରେ ଆଜି ସେ କଂଗ୍ରେସ ଟିକଟ୍ ପାଇଁ ଗୁଣପୁର ପୂର୍ତ୍ତବିଭାଗ ଡାକବଙ୍ଗଳା ଠାରେ ଜିଲ୍ଲା ସଭାପତି ଙ୍କ ନିକଟରେ ଆବେଦନ କରିଛନ୍ତି। ଏହି ଆବେଦନ ବେଳେ ପଦ୍ମପୁର ବ୍ଲକ ସଭାପତି ସାହେବ ଶବର ଓ ଗୁଣୁପୁର ସାଂସଦ ପ୍ରତିନିଧି ଦିବସ ରାଇକା,ପୁଟାସିଂ ସମିତି ସଭ୍ୟ ସୁଲେମାନ ଗମାଙ୍ଗ, ଏଲଏମଡି କର୍ଡିନେଟର ତରଣୀ ଶତପଥୀ,ରଂଜିତ ଗଣ୍ଟା ଓ ସହଯୋଗୀ,ଗୁଡ଼ାରୀ ସାଂସଦ ପ୍ରତିନିଧି ପେଦିନା ରମେଶ,ଜିଲ୍ଲା କମିଟି ସମ୍ପାଦକ ଚନ୍ଦ୍ରପୁରର ମୁରାରୀ ଦଣ୍ଡସେନା , ଜିଲ୍ଲା କାର୍ଯ୍ଯ ନିର୍ବାହୀ ସଦଶ୍ଯ ରାମନାଗୁଡ଼ାର ରଂଜିତ ନାୟକ ବେହେରାଙ୍କ ସମେତ ବୁଗା ଶବର, ମାଝୀ ଶବର, ନବୀନ ଲିମା ଏବଂ ପାଞ୍ଚଟି ବ୍ଲକର ଶତାଧିକ ସମର୍ଥିତ କଂଗ୍ରେସ କର୍ମୀଙ୍କ ଉପସ୍ଥିତରେ ଏହି ଆବେଦନ କରିଥିଲେ। ପ୍ରତିଦିନ କଂଗ୍ରେସ ର ବିଭିନ୍ନ ବ୍ଲକର ପଞ୍ଚାୟତ ସ୍ତରରେ ନେତାମାନେ ଜନ ସମ୍ପର୍କ ସ୍ଥାପନ କାର୍ଯ୍ଯକ୍ରମ କରୁଥିବାର ମଧ୍ୟ ଦେଖା ଯାଉଛି। ଗତବର୍ଷ ଦଳିୟ କାର୍ଯ୍ଯକ୍ରମ ଗୁଡାକରେ ହାତ ଗଣତି କର୍ମିଙ୍କ ଉପସ୍ଥିତି ଦେଖିବାକୁ ମିଳୁଥିବା ବେଳେ ହଠାତ୍ ଦଳରେ ଏକାଧିକ ଯୁବନେତା ଆଶାୟୀ ପ୍ରାର୍ଥୀ ଭାବରେ ବାହାରି ସଙ୍ଗଠନକୁ ସଜାଡିବା କାର୍ଯ୍ୟରେ ଲାଗି ପଡିଥିବାର ଦେଖାଯିବା ସହ ପୁରୁଣା କଂଗ୍ରେସିଆ ନେତା ଓ କର୍ମି ମାନଙ୍କ ସକ୍ରିୟତା ଦେଖିବାକୁ ମିଳୁଛି। ଯାହାକି ରାଜନୈତିକ ମହଲରେ ଚର୍ଚ୍ଚା ଯୋର ଧରିଛି ।

ସମନ୍ଵିତ ଯୁବ ବିକାଶ କାର୍ଯ୍ୟକ୍ରମର ଶୁଭାରମ୍ଭ…!

ଏଥର ସମ୍ଭାଳ ବ୍ୟୁରୋ(ଗୁଣପୁର)- ଗୁଣପୁର ଉଚ୍ଚ ମାଧ୍ୟମିକ ବିଦ୍ୟାଳୟ, ଗୁଣପୁରଠାରେ ଓଡ଼ିଶା ରାଜ୍ୟ ସରକାରଙ୍କ ପ୍ରାୟୋଜିତ ସମନ୍ୱିତ ଯୁବ ବିକାଶ କାର୍ଯ୍ୟକ୍ରମର ଶୁଭ ଉଦ୍ଘାଟନ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ମାନ୍ୟବର ବିଧାୟକ, ଗୁଣପୁର ଶ୍ରୀଯୁକ୍ତ ରଘୁନାଥ ଗମାଙ୍ଗୋ ଯୋଗଦେଇ କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ । କାର୍ଯ୍ୟକ୍ରମର ଅନ୍ୟଦୁଇ ସମ୍ମାନନୀୟ ଅତିଥି ରୂପେ ଅତିରିକ୍ତ ତହସିଲଦାର, ଗୁଣପୁର ଶ୍ରୀ ଅଂଶୁମାନ ପରିଡ଼ା ଓ ଗୁଣପୁର ଆଦର୍ଶ ଥାନା ଅଧିକାରୀ ଶ୍ରୀ ଉତ୍ତମ କୁମାର ସାହୁ ଯୋଗଦେଇ ଯୁକ୍ତ ଦୁଇ ପ୍ରଥମ ଓ ଦ୍ଵିତୀୟ ବର୍ଷର ଛାତ୍ରଛାତ୍ରୀ ମାନଙ୍କୁ ଉଦ୍ବୋଧ ଉଦ୍‌ବୋଧନ ଦେଇଥିଲେ । ଛାତ୍ରଛାତ୍ରୀ ମାନଙ୍କର ଅନ୍ତର୍ନିହିତ ପ୍ରତିଭାର ବିକାଶ କିପରି ହୋଇପାରିବ ସେ ଉପରେ ଅତିରିକ୍ତ ତହସିଲଦାର ପ୍ରକାଶ କରିଥିବାବେଳେ ଥାନା ଅଧିକାରୀ ଉତ୍ତମ କୁମାର ସାହୁ ସଡ଼କ ସୁରକ୍ଷା ଉପରେ ମତବ୍ୟକ୍ତ କରିଥିଲେ। ମହାବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ଶଶୀଭୂଷଣ ମହାନ୍ତି କାର୍ଯ୍ୟକ୍ରମର ଆଭିମୁଖ୍ୟ ସଂପର୍କରେ ସୂଚନା ଦେଇଥିଲେ । ମହାବିଦ୍ୟାଳୟ ପରିଚାଳନା କମିଟିର ସଭାପତି ଶ୍ରୀଯୁକ୍ତ ମୋହନ ଚନ୍ଦ୍ର ସାହୁ ଉପସ୍ଥିତ ରହି ଛାତ୍ରଛାତ୍ରୀଙ୍କୁ ଉତ୍ସାହିତ କରିଥିଲେ । କାର୍ଯ୍ୟକ୍ରମର ନୋଡାଲ ଅଫିସର ଅମିୟ ରଞ୍ଜନ ମହାନ୍ତି ବିଭିନ୍ନ କାର୍ଯ୍ୟକ୍ରମ ଯଥା – ଖେଳ, ସାଂସ୍କୃତିକ କାର୍ଯ୍ୟକ୍ରମ ଓ ସାମାଜିକ କାର୍ଯ୍ୟ ସଂପର୍କରେ ସୂଚନା ଦେଇଥିଲେ । ପ୍ରାଧ୍ୟାପକ ଡକ୍ଟର ଜୱାହର ଲାଲ ଚୌଧୁରୀ ଧନ୍ୟବାଦ ଅର୍ପଣ କରିଥିଲେ । ଅଧ୍ୟାପକ ଜଗନ୍ନାଥ ଦୀପ କାର୍ଯ୍ୟକ୍ରମକୁ ସଂଯୋଜନା କରିଥିଲେ । ପ୍ରାଧ୍ୟାପକ ଡକ୍ଟର ସୂର୍ଯ୍ୟ ନାରାୟଣ ପଣ୍ଡା ଓ ବିଜେଡି ର ରାଜ୍ଯ ଯୁବ ଉପସଭାପତି ବିଷ୍ଣୁ ପଣ୍ଡା ଓରଫ ପିଙ୍କୁ ପଣ୍ଡା ଉପସ୍ଥିତ ରହି ଛାତ୍ର ଛାତ୍ରୀ ଙ୍କୁ ଉତ୍ସାହିତ କରିବା ସହ ସରକାର ଙ୍କ ପକ୍ଷରୁ ଲୋକାଭିମୁଖ କରାଯାଇଥିବା କାର୍ଯ୍ୟକ୍ରମ ର ଭରପୁର ଫାଇଦା ଉଠାଇ ସହ ନିଜ ପ୍ରତିଭା ପଦର୍ଶନ କରିବା ନିମନ୍ତେ ଆହ୍ଵାନ ଦେଇଥିଲେ । ଆଜି ପ୍ରଥମ ଦିନର କାର୍ଯ୍ୟକ୍ରମରେ ସଡ଼କ ସୁରକ୍ଷା ନିମନ୍ତେ ଛାତ୍ର ଛାତ୍ରୀମାନଙ୍କ ଦ୍ଵାରା ଏକ ରାଲୀ ଅନୁଷ୍ଠିତ ହୋଇଥିଲା । ଏହା ସହିତ ତର୍କ, କବିତାବୃତ୍ତି, ଓ ପ୍ରବନ୍ଧ ପ୍ରତିଯୋଗିତା , ଚେସ ଓ କ୍ୟାରୋମ ଖେଳ ଅନୁଷ୍ଠିତ ହୋଇଥିଲା। ଅପରାହ୍ନ ରେ ପ୍ଲାଷ୍ଟିକ ମୁକ୍ତ ଅଭିଯାନ ମହାବିଦ୍ୟାଳୟ ପରିସର ରେ ଅନୁଷ୍ଠିତ ହୋଇଥିଲା। ଏହି କାର୍ଯ୍ୟକ୍ରମ ରେ ଅନୁଷ୍ଠାନ ର ଅଧ୍ୟକ୍ଷ, ନୋଡାଲ ଅଧିକାରୀ, ଜାତୀୟ ସେବା ଯୋଜନା ଓ ଏନ୍. ସି. ସି ର ଅଧିକାରୀ ମାନେ ଉପସ୍ଥିତ ରହି ଛାତ୍ରଛାତ୍ରୀ ଙ୍କୁ ଉତ୍ସାହିତ କରିଥିଲେ। ଏହି ଉପଲକ୍ଷେ ଏକ ସଚେତନତା ରାଲି ଅନୁଷ୍ଠିତ ହୋଇଥିଲା । ମହାବିଦ୍ୟାୟ ପରିସର ପ୍ଲାଷ୍ଟିକ ମୁକ୍ତ ଘୋଷଣା କରା ଯାଇଥିଲା। ଏହି କାର୍ଯ୍ୟକ୍ରମ ସଫଳ କରିବା ରେ ଅଂଶୁମାନ ପଟ୍ଟନାୟକ, ଲିପ୍ସା ରାଣୀ ରାଉଳ, ହଡ଼ିପା ଲୋକେଶ, ର. ଦେବିପ୍ରସାଦ, ତନୁଜା ଉର୍ଲକା, ଅଞ୍ଜୁ ପ୍ରଧାନ, ଗିଫ୍ଟ ପ୍ରିନ୍ସ ଖାରା ଇତ୍ୟାଦି ସହଯୋଗ କରିଥିଲେ।

ନାଗ ଚତୁର୍ଥୀ(ସର୍ପ)ଦେବତାଙ୍କ ପୂଜା ଦକ୍ଷିଣ ଓଡିଶାରେ ପ୍ରସିଦ୍ଧ …!

!!! ରାୟଗଡ଼ ଜିଲ୍ଲା ବିଷମକଟକ ରୁ ମାନସ ମହାନ୍ତି ଙ୍କ ରିପୋର୍ଟ !!!

ଏଥର ସମ୍ଭାଳ (ବିଷମକଟକ)- ଦେବ,ଗନ୍ଧର୍ବ, ଯକ୍ଷ ଛଡା ନାଗ ଉପାସନା ଏକ ଆଦିମ ସଂସ୍କୃତି ର ପରିଚାୟକ। ଦକ୍ଷିଣ ଓଡିଶାରେ ନାଗ ଚତୁର୍ଥୀ କାର୍ତ୍ତିକ ଶୁକ୍ଳ ଚତୁର୍ଥୀ ଦିନ ନାଗ(ସର୍ପ)ଦେବତାଙ୍କ ଉଦ୍ଦେଶ୍ୟରେ ପାଳନ କରାଯାଇଥାଏ। ଏହି ପୂଜାର ମୁଖ୍ୟ ବିଧି ହେଲା ହୁଙ୍କା ପୂଜା। ଏହି ପର୍ବରେ ନାରୀମାନେ ଏକତ୍ରିତ ହୋଇ ହୁଙ୍କା ଥିବା ସ୍ଥାନରେ ତଥା ହୁଙ୍କାର କିଛି ଅଂଶକୁ ଆଣି ଚଉଁରା ମୂଳେ ରଖି, ନାଗ-ନାଗୁଣିଙ୍କ ତମ୍ବାର ମୂର୍ତ୍ତି ରଖି, ଚିତା ପକାଇ ସିନ୍ଦୁରଦେଇ ଫୁଲରେ ସଜାଇ,ସବୁ ପ୍ରକାରର ପୂଜା ସାମଗ୍ରୀ ଯଥା ଧୂପ ଦୀପ ନଡ଼ିଆ,କଦଳୀ,ଗୁଡ଼,ଚାଉଳ ଚୁନା, ଆଖୁ ଓ ଅନ୍ୟାନ୍ୟ ଫଳ ମୂଳ ଦେଇ ପୂଜା କରିଥାନ୍ତି । କେଉଁ କେଉଁ ସ୍ଥାନରେ କ୍ଷୀର ଓ ଅଣ୍ଡା ମଧ୍ୟ ନାଗ ଦେବତାଙ୍କ ସନ୍ତୁଷ୍ଠି ଉଦେଶ୍ୟରେ ଅର୍ପଣ କରାଯାଏ। ବିଶ୍ୱାସ ରହିଛି ଏହି ଦିନ ବିଳା ମାଟି କାନରେ ଦେଲେ କର୍ଣ୍ଣ ଜନିତ ରୋଗ ଦୂର ହୁଏ ଏଵଂ ସର୍ପ ଦଶଂନର ଭୟ ରହେ ନାହିଁ। ପରିବାର ତଥା ବିଶେଷ କରି ସନ୍ତାନମାନଙ୍କ ମଙ୍ଗଳ କାମନା କରି ଏହି ପୂଜା ପାଳନ କରାଯାଇଥାଏ। ଆଜିର ଏହି ପବିତ୍ର ଦିନରେ ଦୁର୍ଗୀ ସ୍ଥିତ ଲଳିତ ଗୌରାଙ୍ଗ ମନ୍ଦିର ପାଖରେ ଥିବା ସତ୍ଯସାଇ ମନ୍ଦିରରେ ଏକ ଗୋଧି ଦେଖିବାକୁ ମିଳିଥିଲା। ଏହାକୁ ଦେଖିବା ପାଇଁ ଶ୍ରଦ୍ଧାଳୁ ମାନଙ୍କ ଭିଡ ଲାଗିଥିଲା। କୁହାଯାଏ ଯେ ଆଜିର ଏହି ପବିତ୍ର ଦିନରେ ଗୋଧି କିମ୍ବା ସର୍ପ ଦର୍ଶନ କରିବା ସୌଭାଗ୍ଯ ଅଟେ।

ରାୟଗଡା ଜିଲ୍ଳାରେ ଡିସେମ୍ବର ୨୦ରୁ ଆରମ୍ଭ ହେବ ଧାନ ମଣ୍ଡି …!

!!! ରାୟଗଡ଼ ଜିଲ୍ଲା ବିଷମକଟକ ରୁ ମାନସ ମହାନ୍ତି ଙ୍କ ରିପୋର୍ଟ !!!

ଏଥର ସମ୍ଭାଳ (ବିଷମକଟକ)- ଆସନ୍ତା ଡିସେମ୍ବର ମାସ ୨୦ ତାରିଖରୁ ରାୟଗଡା ଜିଲ୍ଳାରେ ଖୋଲିବ ଧାନ ମଣ୍ଡି । ଏ ନେଇ ଆଜି ଜିଲ୍ଳାସ୍ତରୀୟ ଧାନ ସଂଗ୍ରହ କମିଟି ବୈଠକରେ ନିଷ୍ପତି ଗ୍ରହଣ କରାଯାଇଛି । ଅତିରିକ୍ତ ଜିଲ୍ଳାପାଳ ରାମେଶ୍ୱର ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଆଦିବାସୀ କଲ୍ୟାଣ ତଥା ଆଇନ ବିଭାଗୀୟ ମନ୍ତ୍ରୀ ଜଗନ୍ନାଥ ସାରକା,ଗୁଣପୁର ବିଧାୟକ ରଘୁନାଥ ଗମାଙ୍ଗ,ରାୟଗଡା ବିଧାୟକ ମକରନ୍ଦ ମୁଦୁଲି,ଜିଲ୍ଳା ପରିଷଦ ଅଧ୍ୟକ୍ଷା ସରସ୍ୱତୀ ମାଝି,କୋରାପୁଟ ଲୋକସଭା ସାଂସଦ ପ୍ରତିନିଧି,ଗୁଣପୁର ଉପଜିଲ୍ଳାପାଳ ଲଲିତ କୁମାର କହଁର,ରାୟଗଡା ଉପଜିଲ୍ଳାପାଳ କଲ୍ୟାଣୀ ସଂଘମିତ୍ର ଦେବୀ,ମୁଖ୍ୟ ଜିଲ୍ଳା ଖାଦ୍ୟ ଯୋଗାଣ ଅଧିକାରୀ ଉମେଶ ଚନ୍ଦ୍ର ସ୍ୱାଇଁ,ଖାଦ୍ୟ ଯୋଗାଣ ଅଧିକାରୀ ରାଜକିଶୋର ପାଣିଗ୍ରାହୀ,ଜିଲ୍ଳା ମୁଖ୍ୟ କୃଷି ଅଧିକାରୀ ମନୋଜ କୁମାର ପ୍ରଧାନଙ୍କ ସମେତ ଚାଷୀ ପ୍ରତିନିଧି,ମିଲର୍ସ,ସମବାୟ ସମିତି ସଂପାଦକ,ଏମପିସିଏସ୍ ଅଧିକାରୀ ଓ ଅନ୍ୟମାନେ ଯୋଗ ଦେଇଥିଲେ। ଚଳିତ ବର୍ଷ ୪୨ଗୋଟି ମଣ୍ଡିରେ ଚାଷୀମାନେ ଯେପରି ଧାନ ବିକ୍ରିୟ ସମୟରେ କୈାଣସି ଅସୁବିଧାର ସମ୍ମୁଖୀନ ନ ହେବା ପାଇଁ ମନ୍ତ୍ରୀ ଶ୍ରୀ ସାରକା ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଥିବା ବେଳେ ଚାଷୀଙ୍କ ସୁବିିଧା ନିମନ୍ତେ ସରକାରଙ୍କ ସମସ୍ତ ନିୟମକୁ ପାଳନ କରାଯାଉଛି ବୋଲି ଜିଲ୍ଳା ମୁଖ୍ୟ ଖାଦ୍ୟ ଯୋଗାଣ ଅଧିକାରୀ ଶ୍ରୀ ସ୍ୱାଇଁ ପ୍ରକାଶ କରିଛନ୍ତି । କିନ୍ତୁ ଚାଷୀମାନେ ପ୍ରତିବର୍ଷ ମଣ୍ଡିରେ ଧାନ ବିକ୍ରୟ ସମୟରେ ଅନେକ ଆନୁସାଙ୍ଗିକ ବ୍ୟବସ୍ଥା ଉପଲବ୍ଧ ନ ଥିବାରୁ ବିଭିନ୍ନ ଅସୁବିଧାର ସମ୍ମୁଖୀନ ହେଉଥିବା ଚାଷୀ ପ୍ରତିନିଧି ମାଲିକର୍ଜୁନ ପ୍ରକାଶ କରିଛନ୍ତି ।