ବିନା ଫଳକ ରେ ସରିିଲା ବ୍ରିଜ୍ କାମ;ଏପ୍ରୋଚ ରୋଡ୍ କୁ ନେଇ ଗ୍ରାମବାସି ମଧ୍ୟରେ ଅସନ୍ତୋଷ…!
ଏଥର ସମ୍ଭାଳ ବ୍ୟୁରୋ(ଗୁଣପୁର)- ଗ୍ରାମାଞ୍ଚଳର ଉନ୍ନତି ପାଇଁ ରାଜ୍ୟ ସରକାରଙ୍କ କୋଟି କୋଟି ଟଙ୍କା ଅନୁଦାନ ଆସୁଛି ଖର୍ଚ ବି ହେଉଛି। ଗରିବ ଖଟିଖିଆ ମଳିମୁଣ୍ଡିଆ ଗ୍ରାମାଞ୍ଚଳ ର ସାଧାରଣ ଲୋକେ ସରକାରଙ୍କ ଅନୁଦାନ ଆସିବା ପରେ ସେମାନେ ଖୁସି ହୁଅନ୍ତି। କିଛି ପ୍ରଶାସନିକ ଅଧିକାରି ଙ୍କ ଭୁଲ୍ ପାଇଁ ଗ୍ରାମଞ୍ଚଳରେ ଅସନ୍ତୋଷ ଲାଗିରୁହେ। ରାୟଗଡା ଜିଲ୍ଲା ଗୁଣୁପୁର କଇଠପଦର ନିକଟରେ ଏକ ଚିରସ୍ରୋତା ନାଳ ପ୍ରବାହିତ ହେଉଥିବାରୁ ପିଲାମାନେ ଓ ସାଧାରଣ ଲୋକମାନେ ବିପଦ ପୁଣ୍ଣ ଯାତ୍ରା କରୁଥିଲେ। ଅନେକ ଥର ଗ୍ରାମବାସି ଙ୍କ ଦୁର୍ଦଶା ଦେଖି ବିଭିନ୍ନ ପତ୍ରପତ୍ରିକା ରେ ଖବର ପ୍ରସାରିତ ହୋଇଥିଲା। ଏହାପରେ ୨୦୨୧ ମସିହାରେ ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ଟେଣ୍ଡର କରାଯାଇଥିଲା। ଏହି ଟେଣ୍ଡର ହେବା ପରଠୁ କାମ ହୋଇଥିଲା ବର୍ତମାନ ବ୍ରିଜ୍ କାମ ସଂମ୍ପୁଣ୍ଣ ହୋଇସାରିଛି। ବ୍ରିଜ୍ ଉଭୟପଟୁ ଏପ୍ରୋଚ ରୋଡ ମଧ୍ୟ କିଛି ମାତ୍ରାରେ କରାଯାଇଛି। ବ୍ରିଜ୍ ର ପୁର୍ବ ପଟ ଏପ୍ରୋଚ ରୋଡକୁ ନେଇ ବର୍ତମାନ ଗ୍ରାମବାସି ମଧ୍ୟରେ ଅସୋନ୍ତୋଷ ଆରମ୍ଭ ହୋଇଛି। ଏହି ରାସ୍ତା ବ୍ରିଜ୍ ର ସମୁଖ ରେ ଥିବା ପୁର୍ତବିଭାଗ ରାସ୍ତାକୁ ଯୋଗଯୋଗ କରିବା ପାଇଁ ଗ୍ରାମବାସି ଦାବି କରୁଥିବା ବେଳେ ହଠାତ୍ ଗ୍ରାମ୍ୟ ଉନ୍ନୟନ ବିଭାଗ ଯନ୍ତ୍ରୀ ଓ ଠିକାଦାର ରାସ୍ତାଟିକୁ କଇଠ ପଦର ଗ୍ରାମର ସାହିର ରାସ୍ତାରେ ତରବରିଆ ଭାବେ ଯୋଡିଦେଇଛନ୍ତି।
ଏନେଇ କଇଠପଦର ଗ୍ରାମବାସି ଗ୍ରାମ୍ୟ ଉନ୍ନୟନ ବିଭାଗ ର ଯନ୍ତ୍ରୀ ଙ୍କୁ ଯୋଗାଯୋଗ କରଥିିଲେ ଯନ୍ତ୍ରୀ ତାଙ୍କ ହାତରେ କିଛି ହୋଇପାରିବ ନାହିଁ ବୋଲି କହିବା ସହ ଗ୍ରାମ୍ୟ ଉନ୍ନୟନ ବିଭାଗ ର ସଚିବ ବ୍ରିଜ୍ କାମ ଉପରେ ଏପ୍ରୋଚ ରୋଡ୍ କରିବା ପାଇଁ ସ୍ବୀକୃତି ନଥିବା କହି ଦାୟିତ୍ବ ଝାଡିଦେଉଛନ୍ତି। ବିଭାଗିୟ ଯନ୍ତ୍ରି ଅମିତ୍ କିରୁ ଙ୍କ ଏଭଳି ପ୍ରତିକ୍ରିୟା ରଖୁଥିବାରୁ ଗ୍ରାମବାସି ମଧ୍ୟରେ ଅସୋନ୍ତୋଷ ଦେଖାଦେଇଛି। କଇଠପଦର ଗ୍ରାମବାସି ଏପ୍ରୋଚ ରୋଡ୍ ସମସ୍ୟାକୁ ନେଇ ଲିଖିତ ରୁପେ ଅଭିଯୋଗ ମଧ୍ୟ କରିଛନ୍ତି। ଦୁର୍ଭାଗ୍ୟ ର ବିଷୟ ଏହି ବ୍ରିଜ୍ କାମ ସରିଛି କିନ୍ତୁ ଫଳକ ନାହିଁ ମାଇଲ୍ ଖୁଣ୍ଟ ନାହିଁ, ଏହି ବ୍ରିଜ୍ ର ଅପରପାର୍ଶ୍ବ ର ସିର୍ଜୁଳି ନିକଟରେ ଛୋଟନାଳ ପ୍ରବାହିତ ହେଉଛି। ଏକ ଶାଖା ନାଳ ସେହି ନାଳ ଉପରେ ଏକ ଛୋଟ ପୋଲ ରହିଛି ଏହି ପୋଲର ଛଔତ ଉପରେ ରଡ ରହିଛି ଯାତ୍ରି ସୁରକ୍ଷା ନିମନ୍ତେ ପୋଲ ଉପରେ ପାଚେରି ନାହିଁ। ନାଳ ପାଣ ଆସିି ପୋଲ ର ମାଟି ଖାଇଗଲାଣି । ପଥର ପ୍ୟାକିଂ ନାହିଁ, ପୋଲ ତଳେ ଥିବା ସେଫ୍ଟି ଓ୍ବାଲ ମଧ୍ୟ ଭାଙ୍ଗିଗଲାଣି। ରାସ୍ତା ର ଗୋଟେପଟେ ଓ୍ବାଲ କରାଯାଇଛି ସେହି ଓ୍ବାଲ ପାଖରେ ମାଟି ପ୍ୟାକିଂ ମଧ୍ୟ ନାହିଁ। ପିଚୁ ସଠିକ୍ ରୁପେ ନପଡିବାରୁ ରାସ୍ତା ମଧେ ଖାଲଢିପ ହୋଇରହିଛି। ଗ୍ରାମ୍ୟ ଉନ୍ନୟନ ବିଭାଗ କାର୍ଯ୍ୟାଳୟ ର ନାକ ତଳର ଗ୍ରାମ କଇଠପଦର ଓ ସିର୍ଜୁଳି ରାସ୍ତା ର ବ୍ରିଜ୍ ଓ ରାସ୍ତାର ଅବସ୍ଥା ଏଭଳି ଥିବା ବେଳେ ଭିତର ଗ୍ରାମାଞ୍ଚଳ ଗୁଡିକରେ ଗ୍ରାମ୍ୟ ଉନ୍ନୟନ ବିଭାକ କିଭିଳି ପିଚୁ ରାସ୍ତା ନିର୍ମାଣ କରୁଥିବ ତାହା ଠିକ୍ ଅନୁମାନ କରିହେଉଥିବ। ଏହି କାମ କେତେ ଟଙ୍କା ଖର୍ଚ ହୋଇ କାମ ହୋଇଛି କୋଉ ଯୋଜନାରେ କାମ ହୋଇଛି ତାର ମଧ୍ୟ ସବିଷେଷ ତଥ୍ୟ ଗ୍ରାମ୍ୟ ଉନ୍ନୟନ ବିଭାଗ ଛଡା କାହା ପାଖରେ ସୁଚନା ନାହିଁ କି ଫଳକ ନାହିଁ। ଏହାର ବିହିତ ପଦକ୍ଷେପ ବିଭାଗିୟ ସଚିବ ନେବା ପାଇଁ କଇଠ ପଦର ଗ୍ରାମବାସି ଦାବି କରୁଥିବା ବେଳେ ଏପ୍ରୋଚ ରାସ୍ତା କୁ ପୁର୍ତବିଭାଗ ର ରାସ୍ତାକୁ ସଂଯୋଗ କରିବା ପାଇଁ ଦାବି ଯୋର ଧରୁଛି। ଏହି ରାସ୍ତା ନହେଲେ ଆଗକୁ ଗ୍ରାମ୍ୟ ଉନ୍ନୟନ ବିଭାଗ କାର୍ଯ୍ୟାଳୟ ସମୁଖରେ ଗ୍ରାମବାସି ଶାନ୍ତପୁଣ୍ଣ ଭାବେ ଧାରଣ ଦେବ ବୋଲି ଗ୍ରାମବାସି ଚେତାବନୀ ଦେଇଛନ୍ତି। ଏହି କାମକୁ ନେଇ ଭିଜିଲାଇନ୍ସ ର ତଦନ୍ତ ହେବା ନିହାତି ଆବଶ୍ୟକ ବୋଲି ସାଧାରଣରେ ଆଲୋଚନା ହେଉଛି।
