ବରିଷ୍ଠ ମତଦାତାଙ୍କୁ ସମ୍ବର୍ଦ୍ଧିତ କଲେ ଉପ ଜିଲ୍ଲାପାଳ …!

ଏଥର ସମ୍ଭାଳ ବ୍ୟୁରୋ(ଗୁଣପୁର)- ଆଜି ବରିଷ୍ଠ ନାଗରିକ ଦିବସ ଅବସରରେ ଓଡିଶା ମୁଖ୍ୟ ନିର୍ବାଚନ ଅଧିକାରୀଙ୍କ ନିର୍ଦ୍ଦେଶକ୍ରମେ 138-ଗୁଣପୁର ବିଧାନସଭା ନିର୍ବାଚନ ମଣ୍ଡଳୀ ଅନ୍ତର୍ଗତ 233ବୁଥ, ଗୁଣପୁର ବେବର୍ତ୍ତାସାହିର ଶତାୟୁ ବରିଷ୍ଠ ମତଦାତା ଶ୍ରୀମତୀ ଗୁଣ ମଞ୍ଜରୀ ବେବର୍ତ୍ତାଙ୍କୁ ଆଜି ଗୁଣପୁର ଉପ ଜିଲ୍ଲାପାଳ ତଥା ନିର୍ବାଚକ ପଞ୍ଜୀକରଣ ଅଧିକାରୀ ଲଳିତ କୁମାର କହଁର ମାନପତ୍ର, ପୁଷ୍ପଗୁଛ, ଉପଢୌକନ ପ୍ରଦାନ ପୂର୍ବକ ସମ୍ମାନିତ କରିଥିଲେ । ଶ୍ରୀମତୀ ବେବର୍ତ୍ତା ୧୦୫ ବର୍ଷ ଅତିକ୍ରାନ୍ତ କରି ସାରିଥିବା ବେଳେ ବରିଷ୍ଠ ନାଗରିକ ଓ ବରିଷ୍ଠ ମତଦାତା ଭାବେ ସମ୍ମାନିତ ହୋଇ ଆସୁଛନ୍ତି । ସେ ବରିଷ୍ଠ କୃଷିବିତ୍ କୃଷ୍ଣଚନ୍ଦ୍ର ବେବର୍ତ୍ତାଙ୍କ ମାତା ଅଟନ୍ତି । ଆଜି ଉପ ଜିଲ୍ଲାପାଳ ଶ୍ରୀ କହଁର ଶ୍ରୀମତୀ ବେବର୍ତ୍ତାଙ୍କ ଘରକୁ ଯାଇ ସମ୍ମାନିତ କରିଥିଲେ । ଏହି ସମୟରେ ଗୁଣପୁର ପୌର ପରିଷଦ ନିର୍ବାହୀ ଅଧିକାରୀ ଡ଼ ସତ୍ୟ ସମ୍ପୂର୍ଣ୍ଣା ରାଉତ, ସହକାରୀ ଜିଲ୍ଲାପାଳ ସୁଜାତା ପାଢ଼ୀ, ସତ୍ୟଜିତ ନାୟକ, ଶ୍ରୀମତୀ ବେବର୍ତ୍ତାଙ୍କ ପୁଅ କୃଷ୍ଣ ପ୍ରସାଦ ବେବର୍ତ୍ତା, ନାତି ବିଭୁ ପ୍ରସାଦ ବେବର୍ତ୍ତା ପ୍ରମୁଖ ଉପସ୍ଥିତ ଥିଲେ । ଆଜିର ଏହି କାର୍ଯ୍ୟକ୍ରମକୁ ନିର୍ବାଚନ ଉପ ବିଭାଗର ବରିଷ୍ଠ ସହାୟକ ସୁଶାନ୍ତ କୁମାର ଦାସ, କନିଷ୍ଠ ସହାୟକ ପ୍ରସନ୍ନ ପଣ୍ଡା, ପୌର କାର୍ଯ୍ୟାଳୟର ସତ୍ୟଜିତ ସ୍ୱାଇଁ, ତାପସ ପଟ୍ଟନାୟକ ପ୍ରମୁଖ ପରିଚାଳନା କରିଥିଲେ ।

ଉପ ଜିଲ୍ଲାପାଳଙ୍କ କାର୍ଯ୍ୟାଳୟରେ ସ୍ୱଚ୍ଛତା କାର୍ଯ୍ୟକ୍ରମ ଅନୁଷ୍ଠିତ …!

ଏଥର ସମ୍ଭାଳ ବ୍ୟୁରୋ(ଗୁଣପୁର)- ଦେଶ ସ୍ୱାଧୀନତାର ୭୫ ବର୍ଷପୂର୍ତ୍ତି ପାଳନ ଅବସରରେ ସ୍ୱଚ୍ଛତା ହିଁ ସେବା କାର୍ଯ୍ୟକ୍ରମକୁ ଗୁଣପୁର ଉପ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଗୁଣପୁର ଉପ ଜିଲ୍ଲାପାଳ ଲଳିତ କୁମାର କହଁରଙ୍କ ଅଧ୍ୟକ୍ଷତାରେ ସହକାରୀ ଜିଲ୍ଲାପାଳ ସତ୍ୟଜିତ ନାୟକ, ଉପଖଣ୍ଡ ସୂଚନା ଓ ଲୋକ ସମ୍ପର୍କ ଅଧିକାରୀ ଧନଞ୍ଜୟ ବେହେରା, ବରିଷ୍ଠ ରାଜସ୍ୱ ସହାୟକ ଅଜୟ ନାହାକ, ମନୋଜ ପାତ୍ର, ରାଧା ଚରଣ ସେଠି, ସାହାରା ପରିବାର ପରାମର୍ଶ କେନ୍ଦ୍ର ସଚିବ ପ୍ରମୋଦ ସାହୁ ପ୍ରମୁଖ ଉପସ୍ଥିତ ରହି ସଫେଇ କାର୍ଯ୍ୟକ୍ରମରର ଅଂଶ ଗ୍ରହଣ କରିଥିଲେ । ଏହି ଅବସରରେ ଉପ ଜିଲ୍ଲାପାଳ କହିଥିଲେ ଯେ, ଆଜି ଗୋଟିଏ ଦିନ ନୁହେଁ ପ୍ରତିଦିନ କିଛି ସମୟ ଦେଇ ସଫେଇ କଲେ ନିଜ ପରିବେଶ ସହ ସମସ୍ତ ଅଞ୍ଚଳ ସବୁଜ ସୁନ୍ଦର ହୋଇ ପାରିବ । କାର୍ଯ୍ୟକ୍ରମକୁ ସୂଚନା ଓ ଲୋକ ସମ୍ପର୍କ କର୍ମୀ ଅନନ୍ତ ପାତ୍ର ଓ ବଳିଆ ସାହୁଙ୍କ ସହ ପୌର କର୍ମଚାରୀ ସହଯୋଗ କରିଥିଲେ ।

ଜି ଆଇ ଇ ଟି ବିଶ୍ଵବିଦ୍ୟାଳୟ ପକ୍ଷରୁ ସ୍ଵଚ୍ଛତା ହି ସେବା କାର୍ଯ୍ୟକ୍ରମ ପାଳିତ …!

ଏଥର ସମ୍ଭାଳ ବ୍ୟୁରୋ(ଗୁଣପୁର)- ସ୍ଥାନୀୟ ଜି ଆଇ ଇ ଟି ବିଶ୍ଵବିଦ୍ୟାଳୟର ଜାତୀୟ ସେବା ଯୋଜନା ପକ୍ଷରୁ ଆଜି ସ୍ଵଚ୍ଛତା ହି ସେବା କାର୍ଯ୍ୟକ୍ରମ ଅନୁଷ୍ଟିତ ହୋଇଯାଇଛି। ପୋଷ୍ୟଗ୍ରାମ ନରସିଂହମୁଣ୍ଡା ଠାରେ ସ୍ବେଛସେବୀ ମାନେ ଯୋଗଦେଇ ଗ୍ରାମ ପରିସର ସଫେଇ କରିବା ସହ ପ୍ଳାଷ୍ଟିକ ମୁକ୍ତ ପରିବେଶ ସୃଷ୍ଟି କରିଥିଲେ ।ପରେ ସଚେତନତା ରାଲି ମଧ୍ୟମରେ ଗ୍ରାମବାସୀ ମାନଙ୍କୁ ସଚେତନ କରାଇଥିଲେ।ଏଥିରେ ଶହେରୁ ଉର୍ଦ୍ଧ ସ୍ୱେଚ୍ଛାସେବୀ ଓ ଗ୍ରାମବାସୀମାନେ ସଫେଇ କରିଥିଲେ । ବିଶ୍ଵବିଦ୍ୟାଳୟର ଜାତୀୟ ସେବା ଯୋଜନା କାର୍ଯକ୍ରମ ଅଧିକାରୀ ଡ ପ୍ରେମଂସୁ ଶେଖର ରଥ,ଅଧ୍ୟାପକ ବାଣୀ
ପ୍ରସାଦ ନାୟକ,ପ୍ରମୋଦ ପଣ୍ଡା, ଭି ଗଣେଶ ପ୍ରମୁଖ ଉପସ୍ଥିତ ଥିଲେ।

ଚିନାସାରି କ୍ଳଷ୍ଟ୍ ର ସ୍ଥରୀୟ ସୁରଭି କାର୍ଯ୍ୟକ୍ରମ ଆୟୋଜିତ …!

ଏଥର ସମ୍ଭାଳ ବ୍ୟୁରୋ(ଗୁଣପୁର)- ଶିଶୁ ମାନଙ୍କ ପ୍ରତିଭା କୁ ଲୋକଲୋଚନକୁ ଆଣିବା ଏବଂ ସେମାନଙ୍କ ବିଭିନ୍ନ ଅନ୍ତର୍ନିହିତ ଗୁଣ ଗୁଡିକୁ ବିକାଶ ନିମନ୍ତେ କ୍ଳଷ୍ଟ୍ର ର ସ୍ଥରୀୟ ସୁରଭି କାର୍ଯ୍ୟକ୍ରମ ଗାଡ଼ିଆବାଙ୍ଗ ପ୍ରାଥମିକ ଆବାସିକ ବିଦ୍ୟାଳୟ ରେ ଅନୁଷ୍ଠିତ ହୋଇ ଯାଇଛି । କାର୍ଯ୍ୟକ୍ରମ ର ସଂଯୋଜକ ଆର ସି ସି ଙ୍କ ଉଦ୍ୟମ ୧୫୦ ରୁ ଉର୍ଦ୍ଧ୍ବ ଛାତ୍ର ଛାତ୍ରୀ ବରିଷ୍ଠ ଓ କନିଷ୍ଟ ଭିତି ରେ ଚିତ୍ର।ଙ୍କନ, ପ୍ରବନ୍ଧ, ବିତର୍କ, ସଙ୍ଗୀତ , ବକ୍ତୃତା, ନାଟକ ଓ ନୃତ୍ୟ ଭଳି ବିଭିନ୍ନ ପ୍ରତିଯୋଗିତାରେ ଭାଗ ନେଇ କୃତି ଛାତ୍ରଛାତ୍ରୀ ମାନେ ପୁରସ୍କାର ଗ୍ରହଣ କରିଥିଲେ ।

କମୋଲମତି ଶିଶୁ ମାନଙ୍କ ସଙ୍ଗୀତ ଓ ନୃତ୍ୟ ମନମୁଗ୍ଧକର ଥିବା ବେଳେ ଚିନାସାରି ପ୍ରାଥମିକ ବିଦ୍ୟାଳୟର ଛାତ୍ର ଛାତ୍ରୀ ମାନଙ୍କ ସମାଜକୁ ବିଭିନ୍ନ ସନ୍ଦେଶ ଦେଉଥିବା ଏକ ମୌନ ନାଟକ ଵିଶେଷ ଆକର୍ଷଣ ହୋଇଥିଲା । ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଗୁଣପୁର ବ୍ଳକ ଶିକ୍ଷା ଅଧିକାରୀ ଶ୍ରୀମାତି ପ୍ରତିଶ୍ରୁତି ସିଂ ଓ ମୁଖ୍ୟ ବକ୍ତା ଭାବେ ଅତିରିକ୍ତ ବ୍ଳକ ଶିକ୍ଷା ଅଧିକାରୀ ଲକ୍ଷ୍ମୀ ବେହେରା ଉପସ୍ଥିତ , ସମ୍ମ।ନୀୟ ଅତିଥି ଭାବେ ସଂଯୁକ୍ତା ପାଣିଗ୍ରାହୀ ଉପସ୍ଥିତ ଥିଲେ କାର୍ଯ୍ୟକ୍ରମ ରେ ଶିକ୍ଷକ ଉମା ଦାଶ ମଞ୍ଚ ପରିଚାଳନା କରିଥିବାବେଳେ ପୁରସ୍କାର ବିତରଣ କାର୍ଯ୍ୟକ୍ରମ କୁ ରୋଜି କୋରା ଓଏମ କେଶବ ରାଓ ପରିଚାଳନା କରିଥିଲେ । କାର୍ଯ୍ୟକ୍ରମ ପରିଶେଷରେ ଶିକ୍ଷକ ଶୁଭ୍ରାଂଶୁ ସାମନ୍ତରାୟ ଧନ୍ୟବାଦ ଅର୍ପଣ କରିଥିଲେ ।

ଚିନାସାରି କ୍ଳଷ୍ଟ୍ର ର ସ୍ଥରୀୟ ଆୟୋଜିତ ଏହି ସୁରଭି କାର୍ଯ୍ୟକ୍ରମ ର ପରିଚାଳକ ଶ୍ରୀ ବିନାୟକ ଷଡ଼ଙ୍ଗୀ ଙ୍କ ଚ।କିରି ଜୀବନ ର ଶେଷ କାର୍ଯ୍ୟକ୍ରମ ହୋଇଥିବା ଯୋଗୁଁ ତାଙ୍କୁ ଅବସର କାଳୀନ ସମ୍ବର୍ଦ୍ଧନା ଏହି କାର୍ଯ୍ୟକ୍ରମ ରେ ନେତାଜୀ ଉଚ୍ଚ ବିଦ୍ୟାଳୟ ତରଫରୁ ଦିଆଯାଇଥିଲା । ଗୋଷ୍ଠୀ ଶିକ୍ଷା ଅଧିକାରୀ ପ୍ରତିଶ୍ରୁତି ସିଂ ଓ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଲକ୍ଷ୍ମୀ ବେହେରା ,ନେତାଜୀ ଉଚ୍ଚ ବିଦ୍ୟାଳୟ ର ଶିକ୍ଷକ ଘନଶ୍ୟାମ ବେହେରା ଙ୍କ ଦ୍ଵାରା ଶ୍ରୀ ଷଡ଼ଙ୍ଗୀ ଙ୍କୁ ଉପଢୌକନ ଓ ମାନ ପତ୍ର ଦେଇ ସମ୍ବର୍ଦ୍ଧିତ କରି ତାଙ୍କ ଉତୋରତର ଉନ୍ନତି ଓ ଦୀର୍ଘ ଜୀବନ କାମନା କରାଯାଇଥିଲା ।