ଏକଲବ୍ୟ ଆଦର୍ଶ ବିଦ୍ୟାଳୟର ବିଭିନ୍ନ ସମସ୍ୟାକୁ ନେଇ ଛାତ୍ରୀଛାତ୍ରଙ୍କ ମଧ୍ୟରେ ଅସନ୍ତୋଷ ; ୫ କିମି ଦୂର ଚାଲି ଚାଲି ଆସି ଗୁଣପୁର ଉପଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା…!

ଏଥର ସମ୍ଭାଳ ବ୍ୟୁରୋ(ଗୁଣପୁର)- ରାୟଗଡା ଜିଲା ଗୁଣପୁର ସହର ବିକ୍ରମପୁର ଠାରେ ଥିବା ଏକଲବ୍ୟ ଆଦର୍ଶ ବିଦ୍ୟାଳୟରେ ଛାତ୍ରୀଛାତ୍ରଙ୍କ ମଧ୍ୟରେ ବିଭିନ୍ନ ସମସ୍ୟାକୁ ନେଇ ଅସନ୍ତୋଷ ଦେଖାଦେଇଛି । ଏହାର ପ୍ରଦିବାଦରେ ପିଲା ମାନେ ୫ କିମି ଦୂର ଚାଲି ଚାଲି ଆସି ଗୁଣପୁର ଉପଜିଲାପାଳଙ୍କ କାର୍ଯ୍ୟଳୟ ଠାରେ ପହଁଞ୍ଚି ଜିଲା ମଙ୍ଗଳ ଅଧିକାରିଙ୍କ ଉଦ୍ଦେଶ୍ୟରେ ଏକ ସ୍ମାରକ ପତ୍ର ସହକାରି ଜିଲାପାଳଙ୍କୁ ପ୍ରଦାନ କରିଥିଲେ । ବିଦ୍ୟାଳୟ ଖୋଲିବାର ୬ ବର୍ଷ ହୋଇଥିଲେ ମଧ୍ୟ କୌଣସି ସମସ୍ୟାର ସମାଧାନ ହୋଇପାରିନାହିଁ । ଖାଦ୍ୟପେୟ ଠାରୁ ଆରମ୍ଭ କରି ପାନୀୟ ଜଳ,ବସ୍ତ୍ର ଏବଂ ଶିକ୍ଷା ଦାନ କ୍ଷେତ୍ରରେ ସମସ୍ୟାର ସମ୍ମୁଖୀନ ହେଉଛନ୍ତି । ଏହାର ପ୍ରତିବାଦରେ ଛାତ୍ରୀଛାତ୍ର ମାନେ ବିଭିନ୍ନ ସମୟରେ ସମସ୍ତଙ୍କୁ ଅବଗତ କରିଛନ୍ତି । ହେଲେ କୌଣସି ସମସ୍ୟାର ସମାଧାନ ହୋଇନାହିଁ । ତେଣୁ ସେମାନେ ରାଜ ରାସ୍ତାକୁ ଓହ୍ଲାଇଥିବା ଛାତ୍ରୀଛାତ୍ରମ ମାନେ ପ୍ରକାଶ କରିଛନ୍ତି । ଏଠାରେ ୬ ଷ୍ଠ ଶ୍ରେଣୀ ଠାରୁ ଏକାଦଶ ପର୍ଯନ୍ତ ପିଲା ମାନେ ପାଠ ପଢୁଥିବାବେଳେ ବର୍ଷକୁ ବର୍ଷ ପିଲାଙ୍କ ସଂଖ୍ୟା କମିବାରେ ଲାଗିଛି । ବିଭିନ୍ନ ସମସ୍ୟା ରହୁଥିବାରୁ ପିଲା ମାନେ ଟିସି ନେଇ ଚାଲି ଯାଉଛନ୍ତି । ବିଦ୍ୟାଳୟରେ ୧୦୦ କୋଟି ଟଙ୍କ । ଆସିଥିଲା ଏବଂ ତାହା ଖର୍ଚ୍ଚ ହେଉଥିବା କହିଥିଲେ ମଧ୍ୟ ତାହା କେଉଁ ଠାରେ ଏବଂ କିପରି ଖର୍ଚ୍ଚ ହେଲା ତାହା ଜଣାପଡୁନାହିଁ । ପିଲାଙ୍କ ପାଇଁ ୟୁନିଫର୍ମ ଦେଉନଥିବା,ଖେଳ ପଡିଆ ସମତଳ ହୋଇନଥିବା,ହଷ୍ଟେଲ,ଏକାଡେମିକ ବାରଠା,ଛାତ,କାନ୍ଥ ମାନ ଠିକ ନଥିବା । ବର୍ଷା ହେଲେ ଡାଇନିଂ ହଲରୁ ପାଣି ଗଳୁଥିବା, ହଷ୍ଟେଲ ରୁମରେ ପାଣି ପସୁଥିବା, ଡାଇନିଂ ହଲରେ ବସିବାକୁ ଯାଗା ନଥିବା, ଶୌଚାଳୟରେ ପାଣିର ଅସୁବିଧା ହେବା ଏବଂ ସଫ । ରହୁନଥିବା, ଖେଳ ସମୟରେ ଖେଳ ନଖେଳାଇ କାମ କରିବା ପାଇଁ କହୁଥିବା, ସେମାନଙ୍କୁ କୌଣସି ସ୍ୱାଧୀନତା ମିଳୁନଥିବା,ସେମାନଙ୍କ ଉପରେ ଚାପ ପ୍ରୟୋଗ କରାଯାଉଥିବା ଯୋଗୁଁ ମାନସିକ ଅଶାନ୍ତିରେ ରହୁଥିବା, ଯାହା ଦ୍ୱାରେ ସେମାନେ ଭଲରେ ପାଠ ପଢିପାରୁଛନ୍ତି ନା ଖେଳିପାରୁଛନ୍ତି । ୨୦୨୨-୨୩ ଦୁଇ ବର୍ଷର ସେମାଙ୍କୁ କୌଣସି ଜିନିଷ ପ୍ରଦାନ କରାଯାଇନଥିବା ଏବଂ ଶିକ୍ଷକ ଶିକ୍ଷୟତ୍ରି ନଥିବା । ଏପରି ସମସ୍ୟା ନେଇ ଛାତ୍ରୀଛାତ୍ର ମାନେ ଆନ୍ଦୋଳନ କରିଥିଲେ । ଏହାପରେ ସେମାନଙ୍କୁ ସେଠାରୁ ପ୍ରଶାସନ ପକ୍ଷରୁ ବୁଝାସୁଝି କରି ନିଆଯାଇଥିଲା । ପିଲାଙ୍କୁ ନେଇ ବିଦ୍ୟାଳୟରେ ପରିସରରେ ବୈଠକ ହୋଇଥିଲା । ସହକାରି ଜିଲାପାଳ ସତ୍ୟଜିତ ନାୟକଙ୍କ ସମେତ ଜିଲା ମଙ୍ଗଳ ଅଧିକାରି ଭରତ ଭୂଷଣ ବିଶ୍ୱାଳ,ଗୁଣପୁର ଆଇଟିଡିଏର ପିଏ ଶାନ୍ତିପ୍ରଭା ପ୍ରଧାନ,ସହକାରି ଜିଲା ମଙ୍ଗଳ ଅଧିକାରି ପ୍ରଦୀପ୍ତ କୁମାର ଦଳେଇ,ମଙ୍ଗଳ ସଂପ୍ରସାରଣ ଅଧିକାରି ଗଙ୍ଗ ।ଧର ବେହେରା ପ୍ରମୁଖ ବିଦ୍ୟାଳୟକୁ ଯାଇ ପିଲାଙ୍କ ସହ ଆଲୋଚନା କରିଥିଲେ । ସମସ୍ତ ସମସ୍ୟା ଗୁଡିକର ସମାଧାନ କରାଯିବା ବୋଲି ପିଲାଙ୍କୁ ଆଶ୍ୱସନା ଦେଇ ଆସିଥିଲେ ।

ସ୍ୱଛତା ହିଁ ସେବା …!

ଏଥର ସମ୍ଭାଳ ବ୍ୟୁରୋ(ଗୁଣପୁର)- ରାୟଗଡ଼ା ଜିଲ୍ଲାର ଗୁଣପୁର ସହରରେ ଅବସ୍ଥିତ ଗୁଣପୁର ମହାବିଦ୍ୟାଳୟରେ ଏକ ମେଗା ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମ ଗୁଣପୁର ପୌର ପରିଷଦ ଓ ଗୁଣପୁର ମହାବିଦ୍ୟାଳୟର ଜାତୀୟ ସେବା ଯୋଜନା ଶାଖା ନଂ ୧ ଓ ୨ ର ମିଳିତ ଆନୁକୁଲ୍ୟରେ ଅନୁଷ୍ଠିତ ହୋଇଥିଲା । ଏଥିରେ ଶହେରୁ ଉର୍ଦ୍ଧ ସ୍ୱେଚ୍ଛାସେବୀ ଓ ପୌର ପରିଷଦର ସଫେଇ କର୍ମଚାରୀ ମାନଙ୍କ ସହାୟତାରେ ଅନୁଷ୍ଠାନ ପରିସର ସଫେଇ କରିବା ସହ ପ୍ଳାଷ୍ଟିକ ମୁକ୍ତ ପରିବେଶ ସୃଷ୍ଟି କରିଥିଲେ । ଏହି କାର୍ଯ୍ୟକ୍ରମରେ ପୌର ପରିଷଦର କାର୍ଯ୍ୟ ନିର୍ବାହ ଅଧିକାରୀ, ପୌର ପରିଷଦର ଅଧକ୍ଷ, ଉପାଧକ୍ଷ ଓ ପୌର କର୍ମଚାରୀ ମାନେ ଉପସ୍ଥିତ ରହି ସ୍ଵେଚ୍ଛାସେବୀ ମାନଙ୍କୁ ଉତ୍ସାହିତ କରିଥିଲେ । ସ୍ଵେଚ୍ଛାସେବୀ ମାନେ ” ସ୍ଵଚ୍ଛତା ହିଁ ସେବା” ନାରା ଦେଇ ଅତି ଯତ୍ନ ସହ କାର୍ଯୀକ୍ରମ ସମ୍ପାଦନ କରିଥିଲେ । ଅନୁଷ୍ଠାନର ଜାତୀୟ ସେବା ଯୋଜନାର ଅଧିକାରୀ ଶ୍ରୀ ଅମୀୟ ରଞ୍ଜନ ମହାନ୍ତି ଓ ଡ଼.ଦେବୀଶ୍ରୀ ମହାପାତ୍ର ଉପସ୍ଥିତ ରହି ସ୍ଵେଛାସେବିଙ୍କୁ ମାର୍ଗ ଦର୍ଶନ କରିଥିଲେ । ପ୍ରାଧ୍ୟାପକ ସୂର୍ଯ୍ୟନାରାୟଣ ପଣ୍ଡା, ଅଧ୍ୟାପକ ଡ୍‌ ସତ୍ୟବାନ ଗରଡ଼ା, ଶ୍ରୀ ଜିତେନ୍ଦ୍ର ବଡ ମୁଣ୍ଡି, ଶ୍ରୀ ତାମିଲା ପାରାସେଠ ଓ ଶ୍ରୀ ଜଗନ୍ନାଥ ଦୀପ୍ ଏହି କାର୍ଯ୍ୟକ୍ରମକୁ ପରିଚାଳନା ପାଇଁ ସହଯୋଗ କରିଥିଲେ । ଗୁଣପୁର ମହାବିଦ୍ୟାଳୟର ଅଧ୍ୟକ୍ଷ ଶ୍ରୀ ଶଶୀ ଭୂଷଣ ମହାନ୍ତି ଏହି କାର୍ଯ୍ୟକ୍ରମର ସଫଳତା ପାଇଁ ସମସ୍ତଙ୍କୁ ସାଧୁବାଦ ଜଣାଇଥିଲେ ।

ଗୁଣୁପୁର ମହା ବିଦ୍ୟାଳୟ ପକ୍ଷରୁ ରକ୍ତ ଦାନ ଶିବିର ପାଳିତ ; ୨୨ୟୁନିଟ୍ ରକ୍ତ ସଂଗୃହୀତ…!

ଏଥର ସମ୍ଭାଳ ବ୍ୟୁରୋ (ଗୁଣୁପୁର) – ଗୁଣପୁର ମହାବିଦ୍ୟାଳୟର ଜାତୀୟ ସେବା ଯୋଜନା ଶାଖା ନଂ ୧ ଓ ୨ ଦ୍ବାରା ଆଜି ଗୁଣପୁର ରକ୍ତ ଭଣ୍ଡାରଠାରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମକୁ ମହାବିଦ୍ୟାଳୟର ଅଧ୍ୟକ୍ଷ ଡଃ ଶଶୀ ଭୂଷଣ ମହାନ୍ତି ଉଦ୍ଘାଟନ କରିଥିବା ବେଳେ ଜାତୀୟ ସେବା ଯୋଜନାର କାର୍ଯ୍ୟକ୍ରମ ଅଧିକାରି ସୁଶ୍ରୀ ଦେବୀଶ୍ରୀ ମହାପାତ୍ର ଏହି ଶିବିରକୁ ପରିଚାଳନା କରିଥିଲେ। ଏହି ଶିବିରରେ ୨୨ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା | ରକ୍ତ ଭଣ୍ଡାରର ଡଃ ଅଶ୍ଵିନୀ ଦାସ, ଲ୍ୟାବ ଟେକ୍ନିସିଆନ ସୁରୁଚିରାଣୀ ପ।ତ୍ର ଓ ଚନ୍ଦ୍ର ଶେଖର ପାତ୍ର ଉପସ୍ଥିତ ରହି ଜାତୀୟସେବା ଯୋଜନାର ସ୍ୱେଚ୍ଛାସେବୀଙ୍କ ଠାରୁ ରକ୍ତ ସଂଗ୍ରହ କରିଥିଲେ । ଜାତୀୟ ସେବା ଯୋଜନାର ଉପଦେଷ୍ଟା ଡକ୍ଟର ସୂର୍ଯ୍ୟନାରାୟଣ ପଣ୍ଡା ଓ ଅଧ୍ୟାପକ ତାମିଲା ପାରାସେଟ ଉପସ୍ଥିତ ରହି ସ୍ୱେଚ୍ଛାସେବୀଙ୍କୁ ଉତ୍ସାହିତ କରିଥିଲେ । ରାହୁଲ,ପ୍ରଭାକର, ବିଷ୍ନୁ,ଦୀନେଶ,ସାଗର, ସମୀର,ରଞ୍ଜନ,ରୋହିତ୍ ରଞ୍ଜନ,ରାଜା,ଶେଖର,ହେମନ୍ତ,ନିରଞ୍ଜନ,ଧର୍ମେନ୍ଦ୍ର,କୃଷ୍ଣ,ରବୀନ୍ଦ୍ର,ସଂଗ୍ରେସ,ପ୍ରମୁଖ ରକ୍ତ ଦାନ କରିଥିଲେ।

ଡମ୍ବସରା ସହଭାଗୀ ରୂପେ ଅଭିଭାବକ କାର୍ଯ୍ୟକ୍ରମ ଅନୁଷ୍ଠିତ …!

ଏଥର ସମ୍ଭାଳ ବ୍ୟୁରୋ(ଗୁଣପୁର)- ସରକାରୀ ବାଳିକା ଉଚ୍ଚ ବିଦ୍ୟାଳୟ ଡମ୍ବସରା ରେ “ସହଭାଗୀ ରୂପେ ଅଭିଭାବକ କାର୍ଯକ୍ରମ ଅନୁଷ୍ଠିତ ହୋଇଥିଲା।ଏଥିରେ ମୁଖ୍ୟ ଅତିଥି ଭାବେ ଶ୍ରୀଯୁକ୍ତ ପ୍ରଦୀପ୍ତ କୁମାର ଦଳେଇ, ଗୁଣପୁର ଆଇଟିଡିଏ ର ଅତିରିକ୍ତ ଜିଲ୍ଲା ମଙ୍ଗଳ ଅଧିକାରୀ , ସମ୍ମାନିତ ଅତିଥି ଭାବେ ଶ୍ରୀଯୁକ୍ତ ଗଙ୍ଗାଧର ବେହେରା , ମଙ୍ଗଳ ସମ୍ପ୍ରସାରଣ ଅଧିକାରୀ, ଗୁଣପୁର ,ଶ୍ରୀଯୁକ୍ତ ସ୍ୟାମଘନ ଭୁୟାଁ ମଙ୍ଗଳ ଶିକ୍ଷାଧୀଶ, ରାୟଗଡ଼ା , ସମାଜସେବୀ ସୁଶ୍ରୀ ରାଜେଶ୍ଵରୀ ଦଳାଇ ଓ ସମାଜସେବୀ ତଥା ଓକିଲ ରମେଶ ଚନ୍ଦ୍ର ଲିମା, ଶ୍ରୀ ଲକ୍ଷ୍ମୀକାନ୍ତ ସେନାପତି ଓ ଶ୍ରୀ ବିଜୟ ସେନାପତି, ସ୍ଥାନୀୟ ସରପଞ୍ଚ ଶ୍ରୀମତୀ ସନ୍ତୋଷି ଶବର ଓ ସ୍କୁଲର ପ୍ରଧାନ ଶିକ୍ଷକ ଶ୍ରୀ ସେମ ଗମଙ୍ଗୋ ପ୍ରମୁଖ ମଞ୍ଚାସୀନ ଥିଲେ। ନୋଡାଲ ଅଫିସର ଶ୍ରୀ ବେହେରା କାର୍ଯକ୍ରମର ଉଦ୍ଦେଶ୍ୟ ଓ ହଷ୍ଟେଲରେ ରହି ପଢୁଥିବା ଛାତ୍ରୀମାନଙ୍କ ପାଇଁ ସରକାରଙ୍କ ଦ୍ଵାରା ପ୍ରଦତ୍ତ ବିଭିନ୍ନ ସୁବିଧା ଉପରେ ଆଲୋକପାତ କରିଥିଲେ।ମୁଖ୍ୟ ଅତିଥି ଛାତ୍ରୀ ମାନଙ୍କ ଶିକ୍ଷାର ଉନ୍ନତି ନିମନ୍ତେ ପିତାମାତା ଓ ଅଭିଭାବକ ମାନଙ୍କ ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି କହିଥିଲେ।

ଓକିଲ ତଥା ସମାଜସେବୀ ରମେଶ ଲିମା ନିଜ ବକ୍ତବ୍ୟରେ ଶିକ୍ଷା ଆଇନ୍ ସମ୍ବନ୍ଧରେ କହିବା ସହ ପିତାମାତା ପିଲାମାନଙ୍କୁ ଶିକ୍ଷାରୁ ବଞ୍ଚିତ କଲେ ଆଇନରେ ଦଣ୍ଡ ବିଧାନ ଅଛି ବୋଲି କହିଥିଲେ। ଆଉ ମଧ୍ୟ ସରକାରଙ୍କ ଦ୍ଵାରା ମାଗଣା ଡାକ୍ତରୀ ଓ ଇଞ୍ଜିିନିୟରିଙ୍ଗ୍ ପାଠ ପଢିବା ପାଇଁ ସୁବିଧା ଅଛି ବୋଲି କହିଥିଲେ। ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମରେ ଜିଲ୍ଲା ମଙ୍ଗଳ ଅଧିକାରୀ ଶ୍ରୀଯୁକ୍ତ ଭରତ ଭୂଷଣ ବିଶ୍ଵାଳ ଯୋଗ ଦେଇ ଛାତ୍ରୀମାନଙ୍କୁ ହଷ୍ଟେଲରେ ରହଣି କାଳରେ ଖେଳକୁଦ ଓ ନାଚଗୀତ ସହ ଜୀବନକୁ ସମ୍ପୂର୍ଣ୍ଣ ଉପଭୋଗ କରିବା ସଙ୍ଗେ ସଙ୍ଗେ ଭଲ ପାଠ ପଢିବାକୁ ପରାମର୍ଶ ଦେଇଥିଲେ।ସେ ଛାତ୍ରୀ ମାନଙ୍କ ଦ୍ଵାରା ପ୍ରସ୍ତୁତ “ସମୃଦ୍ଧ ଓଡିଶା” ଗୀତର ଶୁଭ ଉନ୍ମୋଚନ କରିଥିଲେ।କାର୍ଯକ୍ରମ କୁ ଶିକ୍ଷକ ମନୋଜ କୁମାର ତୁଳ ପରିଚାଳନା କରିଥିଲେ ଓ ଶିକ୍ଷକ ସୁନିଲ କୁମାର ଗୌଡ ଧନ୍ୟବାଦ୍ ଦେଇଥିଲେ।ପରିଶେଷରେ ଛାତ୍ରୀମାନଙ୍କ ଦ୍ଵାରା ପରିବେଷଣ ହୋଇଥିଲା ଓ ଏହି କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ଶିକ୍ଷକ ଓ ଶିକ୍ଷୟିତ୍ରୀ ସହଯୋଗ କରିଥିଲେ।

ଅନ୍ୱେଷା ଛାତ୍ରୀ ନିବାସରେ ସହଭାଗୀ ରୂପେ ଅଭିଭାବକ କାର୍ଯ୍ୟକ୍ରମ ଅନୁଷ୍ଠିତ …!

ଏଥର ସମ୍ଭାଳ ବ୍ୟୁରୋ(ଗୁଣପୁର)- ଵିକ୍ରମପୁର ଅନ୍ୱେଷା ଛାତ୍ରୀ ନିବାସ ଠାରେ ଆଜି ଅନୁସୂଚିତ ଜାତି ଜନଜାତି ଉନ୍ନୟନ ବିଭାଗ ଆନୁକୁଲ୍ୟରେ ସହଭାଗୀ ରୂପେ ଅଭିଭାବକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୂଖ୍ୟ ଅତିଥି ଭାବେ ଏହି କାର୍ଯ୍ୟକ୍ରମରେ ଜିଲ୍ଲା ମଙ୍ଗଳ ଅଧିକାରୀ ଭରତ ଭୂଷଣ ବିଶ୍ଵାଳ ଯୋଗଦେଇ ଅଭିଭାବକ ମାନଙ୍କୁ ସେମାନଙ୍କର ଦାୟିତ୍ୱ ସମ୍ବନ୍ଧରେ କହିଥିଲେ । ପିଲାଟିକୁ ଛାତ୍ରୀ ନିବାସରେ ଛାଡିଦେଲେ ପିତାମାତା ମାନଙ୍କ ଦାୟିତ୍ୱ ସରିଯାଏ ନାହଁ , ପିଲାଙ୍କ ବିକାଶରେ ଶିକ୍ଷକ ଶିକ୍ଷୟିତ୍ରୀ ମାନଙ୍କ ଯେତିକି ଦାୟିତ୍ଵ ରହିଛି ଅଭିଭାବକ ମାନଙ୍କର ମଧ୍ୟ ସେତିକି ଦାୟିତ୍ଵ ରହିଲେ ହଁ ଛାତ୍ରଛାତ୍ରୀ ମାନଙ୍କ ବିକାଶ ସମ୍ଭବ ହୋଇପାରିଵ ତେଣୁ ଅଭିଭାବକ ମାନଙ୍କ ସହଯୋଗ କାମନା କରିଥିଲେ ।

ଏକଲବ୍ୟ ସ୍କୁଲର ପ୍ରଧାନଶିକ୍ଷକ ଅନନ୍ତ କୁମାର ତ୍ରିପାଠୀ ଅତିଥି ଭାବେ ଯୋଗଦେଇ ରାଜ୍ୟ ସରକାରଙ୍କ ଏହି ଅନ୍ୱେଷା ଯୋଜନାର ଭୂୟସୀ ପ୍ରଶଂସା କରିଥିଲେ । ଏହି ଯୋଜନା ଦ୍ଵାରା ଉପାନ୍ତ ଅଞ୍ଚଳର ଅନୁସୂଚିତ ଜନଜାତି ଓ ଅନୁସୂଚିତ ଜାତିର ପିଲାମାନେ ବିନା ମୂଲ୍ୟରେ ବିଭିନ୍ନ ବେସରକାରୀ ସ୍କୁଲରେ ସି ବି ଏ ସି ପାଠ ପଢ଼ିବାର ସୁଯୋଗ ପାଇପାରୁଛନ୍ତି ବୋଲି କହିଥିଲେ । ସମ୍ମାନୀତ ଅତିଥି ଭାବେ ଗୁଣପୁର ବ୍ଲକ ଏକାଉଣ୍ଟ୍ ଅଫିସର ଉମାକାନ୍ତ ସାହୁ ଯୋଗ ଦେଇଥିବା ବେଳେ ମୁଖ୍ୟ ବକ୍ତା ଭାବେ ମାଳତୀପୁର ସେବା ଆଶ୍ରମର ପ୍ରଧାନ ଶିକ୍ଷକ ମୋହନ କର୍ମେରିକ ଯୋଗ ଦେଇଥିଲେ। ଅନ୍ଯ ମାନଙ୍କ ମଧ୍ୟରେ ଏମ୍ ପାୱାର ପବ୍ଲିକ ସ୍କୁଲର ପ୍ରଧାନଶିକ୍ଷୟିତ୍ରୀ ପି ଶାନ୍ତି, ଅନ୍ୱେଷା ଛାତ୍ରୀ ନିବାସର ସୁପରିଟେଣ୍ଡେଣ୍ଟ ସିଲା ଶ୍ରୀନିବାସ ପ୍ରମୁଖ ଯୋଗ ଦେଇଥିଲେ। ଶେଷରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।

ଗୁଣପୁର ନିର୍ବାଚନମଣ୍ଡଳୀ ରେ ୨୨୩ ଗାଁକୁ ନାହିଁ ରାସ୍ତା;୩୮ ପଞ୍ଚାୟତ ର ୧୧ ହଜାର ଲୋକେ ପ୍ରଭାବିତ …!

ଏଥର ସମ୍ଭାଳ ବ୍ୟୁରୋ(ଗୁଣପୁର)- ଗାଁ ରାସ୍ତାକୁ ନେଇ ଆସିଛି ଆଶ୍ଚର୍ଯ୍ୟଜନକ ଚିତ୍ର। ପଞ୍ଚାୟତ ଠାରୁ ଆରମ୍ଭ କରି ପଞ୍ଚାୟତ ସମିତି, ଆଇଟିଡିଏ, ଗ୍ରାମ୍ଯ ନିର୍ମାଣ ଭଳି ଏକାଧିକ ବିଭାଗ ଗାଁ ରାସ୍ତା ଗୁଡିକ ରିତିମତ ତିଆରି କରି ଚାଲିବା ପରେ ମଧ୍ୟ ଆହୁରି ଶତାଧିକ ଗାଁ କୁ ରାସ୍ତା ନାହିଁ। ଏହି ଚିତ୍ର ହେଉଛି ରାୟଗଡା ଜିଲ୍ଲା ଗୁଣପୁର ନିର୍ବାଚନମଣ୍ଡଳୀ ର ବିଭିନ୍ନ ଦୁର୍ଗମ ଇଲାକାର। ଏଭଳି ଖବର ସମସ୍ତଙ୍କୁ ଆଶ୍ଚର୍ଯ୍ୟ କରିଛି। କେଉଁଠି ଏକାଧିକବାର ରାସ୍ତା ହେଉଥିବା ଦେଖାଯାଉଛି ତ ଆଉ କେଉଁଠି ରାସ୍ତା ଉପରେ ରାସ୍ତା ହେଉଥିବା ଅଭିଯୋଗ ଆସୁଛି। ତାପରେ ବି ନିର୍ବାଚନମଣ୍ଡଳୀ ର ସବୁ ଗାଁ କୁ ରାସ୍ତା ନଥିବା ଭଳି ଗୁରୁତର ଖବର ଆସିକି ପହଞ୍ଚିଛି। ଆଉ କେତେକ ଅଞ୍ଚଳରେ ରାସ୍ତା ହୋଇଥିଲେ ମଧ୍ୟ ପରବର୍ତ୍ତୀ ସମୟରେ ରକ୍ଷଣାବେକ୍ଷଣ ଅଭାବ କାରଣରୁ ମରଣଯନ୍ତା ପାଲଟିଛି। ଏମିତି ଏକ ରାସ୍ତା ହେଲା ଗୁଣପୁର ବ୍ଲକ ଅନ୍ତର୍ଗତ ଘନାନ୍ତ୍ରୀ ପଞ୍ଚାୟତର ତରାମାଳ ଠାରୁ ଗଙ୍ଗାପୁର ରାସ୍ତା। ଏହାର ଅବସ୍ଥା ଶୋଚନୀୟ ହୋଇଥିବାରୁ ତିନୋଟି ପଞ୍ଚାୟତବାସୀ ଏଥିରେ ପ୍ରଭାବିତ ହେଉଥିବା ବେଳେ ଏହି ପାଞ୍ଚ କିଲୋମିଟର ମୁଖ୍ୟ ରାସ୍ତା ଏବେ ଅଞ୍ଚଳବାସୀଙ୍କ ପାଇଁ କାଳ ସାଜିଛି । ପ୍ରତିଦିନ ଏହି ରାସ୍ତାରେ ଛୋଟବଡ ଦୁର୍ଘଟଣା ଘଟୁଥିବା ଲୋକେ ଅଭିଯୋଗ କରିଛନ୍ତି । ଶତାଧିକ ଛାତ୍ର ଛାତ୍ରୀ ପ୍ରତିଦିନ ଏହି ରାସ୍ତାଦେଇ ସ୍କୁଲ ଯିବାଆସିବା କରିଥାନ୍ତି ।

ବର୍ଷା ହୋଇଗଲେ ଏ ରାସ୍ତା ଦେଇ ସ୍କୁଲ ଯିବା ସମ୍ଭବ ହେଉନାହିଁ। ଏପରିକି ଆମ୍ବୁଲାନ୍ସ ମଧ୍ୟ ଠିକଭାବେ ଗ୍ରାମରେ ପହଞ୍ଚି ପାରୁନାହିଁ ‌। ଏ ଅଞ୍ଚଳର ଜନସାଧାରଣ ପ୍ରଶାସନ ଠାରୁ ଆରମ୍ଭ କରି ନେତା , ମନ୍ତ୍ରୀ ସମସ୍ତଙ୍କୁ ଅଭିଯୋଗ କଲେ ମଧ୍ୟ କେହି କର୍ଣ୍ଣପାତ କରୁନଥିବା ଅଭିଯୋଗ କରିଛନ୍ତି । ଏକ ଠିକା ସଂସ୍ଥା ରିତିମତ ଟିପର ସାହାଯ୍ୟରେ ବେଆଇନ ଭାବେ ଦିନ ରାତି ଏହି ରାସ୍ତା ଦେଇ ପଥର , ମେଟାଲ , ଚିପସ୍ ଚାଲାଣ କରୁଥିବାରୁ ରାସ୍ତାର ଅବସ୍ଥା ଏପରି ଶୋଚନୀୟ ହୋଇପଡିଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ଏଭଳି ସବୁ ବ୍ଲକରେ ରକ୍ଷଣାବେକ୍ଷଣ ଅଭାବରୁ ନଷ୍ଟ ହୋଇ ପଡିଥିବା ଏକାଧିକ ରାସ୍ତା ରହିଛି। ସେପଟେ ମୋଟେ ରାସ୍ତା ନଥିବା ଅଞ୍ଚଳ ମଧ୍ୟ କିଛି କମ୍ ନୁହେଁ। ଅନୁସନ୍ଧାନ ରୁ ମିଳିଥିବା ତଥ୍ୟ ମୁତାବକ ଗୁଣପୁର ନିର୍ବାଚନମଣ୍ଡଳୀ ର ଗୁଡାରୀ ବ୍ଲକର ୭ଟି ପଞ୍ଚାୟତ, ଚନ୍ଦ୍ରପୁର ବ୍ଲକର ୮ଟି ପଞ୍ଚାୟତ, ପଦ୍ମପୁର ବ୍ଲକର ୮ଟି ପଞ୍ଚାୟତ, ଗୁଣପୁର ବ୍ଲକର ୯ଟି ପଞ୍ଚାୟତ ଓ ରାମନାଗୁଡା ବ୍ଲକର ୯ଟି ପଞ୍ଚାୟତ ର ୨୨୩ଟି ଗାଁ କୁ ପକ୍କା ରାସ୍ତା ନାହିଁ। କେଉଁଠି ପାଦଚଲା ରାସ୍ତା ଅଛିତ ଆଉ କେଉଁ ଗାଁ କୁ ମୋଟେ ରାସ୍ତା ନାହିଁ। ଏଥିପାଇଁ ପ୍ରାୟ ୧୧ ହଜାରରୁ ଉର୍ଦ୍ଧ ଲୋକେ ପ୍ରଭାବିତ ହେଉଥିବା ଜଣାପଡ଼ିଛି। ଏସବୁ ଗାଁ ପାଇଁ ୭୫୨.୬୦ କିମି ରାସ୍ତା ନିର୍ମାଣ ହବା ଆବଶ୍ୟକ ରହିଛି। ତେବେ ସରକାର ଙ୍କ ନିକଟରେ ଏନେଇ ଖବର ପହଞ୍ଚିବା ପରେ ଏହାକୁ ୫ଟି ବିଭାଗ ଗୁରୁତର ଭାବେ ନେଇଥିବା ଜଣାପଡିଛି। ଏହି ୭୫୨ କିମି ରାସ୍ତା ନିର୍ମାଣ କରି ସବୁ ଗାଁ ଅପହଞ୍ଚ ମୁକ୍ତ କରିବାକୁ ଯୋଜନା ଆରମ୍ଭ ହୋଇଥିବା ଜଣାପଡିଛି। ଅନ୍ଯପକ୍ଷେ ରକ୍ଷଣାବେକ୍ଷଣ ଅଭାବରୁ ଶୋଚନୀୟ ହୋଇ ପଡିଥିବା ଗୁଣପୁର ଅଞ୍ଚଳର ତରାମାଳ ଗଙ୍ଗାପୁର ରାସ୍ତା ସମେତ ଚାରୋଟି ରାସ୍ତାର ମରାମତି ପାଇଁ ୨୬ ଲକ୍ଷ ଟଙ୍କାର ଟେଣ୍ଡର ପ୍ରକ୍ରିୟା ଚାଲିଥିବା ବିଭାଗୀୟ ସୁତ୍ରରୁ ଜଣାଯାଇଛି।

ମରାଠିଗୁଡା ଗଜଲକ୍ଷ୍ମୀ ପୂଜା ନିମନ୍ତେ ଶୂଭଖୁଣ୍ଟି ସ୍ଥାପନ…!

ଏଥର ସମ୍ଭାଳ ବ୍ୟୁରୋ(ଗୁଣୁପୁର)- ଜାଗୃତି କଲଚୁରାଲ ଏସୋସିଏସନ,ମରାଠିଗୁଡା ପକ୍ଷରୁ ଆୟୋଜିତ ଗୁଣୁପୁର ବ୍ଲକ୍ ଅଫିସ୍ ସମୁଖ ରେ ଗଜଲକ୍ଷ୍ମୀ ପୂଜା ନିମନ୍ତେ ଶୁଭଖୁଣ୍ଟି ସ୍ଥାପନ କରାଯାଇଛି। ଚଳିତ ବର୍ଷ ମା ଙ୍କ ପୂଜା ଷଷ୍ଠ ବର୍ଷରେ ପଦାର୍ପଣ କରିବ। ମହା ଆଡମ୍ବର ସହ ପୂଜା ପାଳନ କରାଯିବା ନେଇ ପୂଜା କମିଟି ଜୋରଦାର ପ୍ରକ୍ରିୟା ଆରମ୍ଭ କରିଛି। ୯ ଦିନ ଧରି ମା ଗଜଲକ୍ଷ୍ମୀ ପୂଜା ଅନୁଷ୍ଟିତ ହେବ। ଶୂଭଖୁଣ୍ଟି ସ୍ଥାପନ ଓ ମା ଙ୍କ ପୂଜା ନିମନ୍ତେ କର୍ତା ରୁପେ ରାଧା କୃଷ୍ଣ ପଣ୍ଡା କାର୍ଯ୍ୟ ତୁଲାଉଥିବା ବେଳେ ପୂଜକ ନବିନ ଚନ୍ଦ୍ର ରଥ ଓ ପ୍ରକାଶ ଚନ୍ଦ୍ର ରଥ ପୂଜା କାମ ସଂମ୍ପାଦନ କରିଛନ୍ତି।

ଶୁଭ ଖୁଣ୍ଟି ସ୍ଥାପନ କାର୍ଯ୍ୟ କ୍ରମରେ ପୂଜା କମିଟି ର ସଭାପତୀ ମନୋରଂଞ୍ଜନ ରଥ ଓ ସଂମ୍ପାଦକ ଶିବ ପ୍ରସାଦ ମହାପାତ୍ର, ଉପସ୍ଥିତ ରହି କାର୍ଯ୍ୟଭାର ତୁଲାଇଥିବା ବେଳେ ଶମେଶ୍ବର ସାମଲ,ରମେଶ ପାଣିଗ୍ରାହି,ରବି ନାରାୟଣ ଶତପଥି,ମୀନ କେତନ ପଣ୍ଡା,ତ୍ରିଚରଣ ପାତ୍ର, ଅକ୍ଷୟ ରାଜଗୁର,ରାଜେନ୍ଦ୍ର ସାହୁକାର,କମଳକାନ୍ତ ଖୁଣ୍ଟିଆ,ଦେବା ଶିଷ ପଣ୍ଡା,ଜନାର୍ଦନ ମହାପାତ୍ର, ବଳରାମ ପାଣିଗ୍ରାହି,ରଂଞ୍ଜନ ପାଣିଗ୍ରାହି, ପ୍ରେମାଂଶୁ ରଥ, ଚନ୍ଦନ ଦାସ,ରାଧାକୃଷ୍ଣ ଗଉଡ, କାଳିଆ ଗଉଡ, ପ୍ରଦିପ ପାଢି,କୁନା ରାଜଗୁରୁ,ମୁନା ଚୈାଧୁରି,ଶ୍ରିକାନ୍ତ,ଜ୍ଞାନ ନିଃଶଙ୍କ, ନିରଂଞ୍ଜନ ଗଉଡ ପ୍ରମୁଖ ସଦଶ୍ୟମାନେ ଉପସ୍ଥିତ ଥିଲେ।

ପୁଟାସିଂ ଅଞ୍ଚଳ ଉନ୍ନୟନ ପରିଷଦର ବୈଠକ ; ଲାଞ୍ଜିଆ ସୌରାଙ୍କ ୭ଟି ପଞ୍ଚାୟତକୁ ନିଶାମୁକ୍ତ ଅଞ୍ଚଳ ଘୋଷଣା ଦାବି…!

ଏଥର ସମ୍ଭାଳ ବ୍ୟୁରୋ (ଗୁଣପୁର)- ବିରଳ ଜନଜାତି ଲାଞ୍ଜିଆ ସୌରା ମାନେ ବସବାସ କରୁଥିବା ୭ଟି ପଞ୍ଚାୟତ ଗୁଡିକୁ ନିଶାମୁକ୍ତ ଅଞ୍ଚଳ ଘୋଷଣା କରିବା ଦାବିରେ ଆଜି ଏକିଠି ହୋଇଥିଲେ ଏହି ପ୍ରଜାତିର ସୌରା ମାନେ। ବହୁବର୍ଷ ହେଲା ଗୁଣପୁର ବ୍ଲକର ଜଲତାର, ଟଲଣା, ପୁଟାସିଂ, ଶଗଡା, ଆବଡା, ଚିନ୍ନାସାରି ଓ କୁଲୁସିଂ ପଞ୍ଚାୟତ ରେ ଲାଞ୍ଜିଆ ମାନେ ନିଶାଦ୍ରବ୍ଯକୁ ବର୍ଜନ କରିଛନ୍ତି। ବିଶେଷ କରି ଏଥିପାଇଁ ସ୍ଥାନୀୟ ଅଞ୍ଚଳର ମହିଳା ମାନେ ଏହାର ନେତୃତ୍ବ ନେଇ ସଚେତନତା ଜାରି ରଖିଛନ୍ତି। ଏ ସମ୍ପର୍କରେ ଏକ ବିଶୃତ ରିପୋର୍ଟ ଗତ ୧୨ ତାରିଖରେ ପ୍ରମେୟ ରେ ଲାଞ୍ଜିଆ ଅଞ୍ଚଳରେ ନିଶାକୁ ‘ନା’ ଶିର୍ଷକରେ ଖଭର ପ୍ରକାଶ ପାଇଥିଲା। ଏହାପରେ ଏହି ଆଦିମ ଜନଜାତି ମାନେ ନିଶାମୁକ୍ତ ଅଞ୍ଚଳ ଘୋଷଣା କରିବାକୁ ଦାବି। ରାୟଗଡା ଜିଲ୍ଲା ଗୁଣପୁର ବ୍ଲକ ପୁଟାସିଂ ଅଞ୍ଚଳ ଉନ୍ନୟନ ପରିଷଦ ର ସାଧାରଣ ବୈଠକରେ ଏହି ଦାବିକୁ ଯୋର କରାଯାଇଛି । ବ୍ଲକର ଭୀମପୁର ପଞ୍ଚାୟତ ଅଧିନସ୍ଥ ଦୀନବନ୍ଧୁପୁର ଠାରେ ଆୟୋଜିତ ବୈଠକରେ ୧୪ ଗୋଟି ଦାବି ସମ୍ପର୍କରେ ମୁଖ୍ୟତଃ ଆଲୋଚନା କରାଯାଇଥିଲା। ନିଶାମୁକ୍ତ ଅଞ୍ଚଳ ଦାବି ସମେତ ଗୁଡିକ ଗୁଣପୁର ବ୍ଲକର ୯ଟି ପଞ୍ଚାୟତକୁ ନେଇ ନୂତନ ପଞ୍ଚାୟତ ଗଠନ, ଚାଲକମ୍ବା ଗ୍ରାମ ସ୍ଥିତ ପୂର୍ତ୍ତ ବିଭାଗ ରାସ୍ତା ଠାରୁ ଭୟା ଭୀମପୁର ପଞ୍ଚାୟତ ଦେଇ ପଡୋଶୀ ଗଜପତି ଜିଲ୍ଲା ପର୍ଯ୍ୟନ୍ତ ପ୍ରଶସ୍ତି କରଣ ରାସ୍ତା ନିର୍ମାଣ କରାଯିବା, ଡମ୍ବସରା ସ୍ଥିତଯୁକ୍ତ ୨ ମହାବିଦ୍ୟାଳୟ ନବନିର୍ମିତ ହଷ୍ଟେଲ ପ୍ରଚଳନ କରିବା, ପୁଟାସିଂ ଠାରେ ଯୁକ୍ତ ୨ କଲେଜ ସ୍ଥାପନ ଏବଂ ମେଡ଼ିକାଲ ପରିସରରେ ଶବ ବ୍ୟବଛେଦ ଗୃହକରିବା ସହ ରାଷ୍ଟ୍ରାୟତ ବ୍ୟାଙ୍କ ସ୍ଥାପନ କରିବା, ଭୀମପୁର ଓ ଟିଟିମିରି ଗ୍ରାମରେ ଉଚ୍ଚ ମାଧ୍ୟମିକ ବିଦ୍ୟାଳୟ ଏବଂ ପ୍ରାଥମିକ ସ୍ଵାସ୍ଥ୍ୟ କେନ୍ଦ୍ର ସ୍ଥାପନ କରିବା, ଜଳତାର ପଞ୍ଚାୟତ ରେ ଥିବା ରାଜସ୍ୱ କାର୍ଯ୍ୟାଳୟକୁ ୩ଭାଗ ରେ ବିଭକ୍ତ କରିବା, ଅପହଞ୍ଚ ଇଲାକାରେ ମୋବାଇଲ ନେଟୱର୍କ ସ୍ଥାପନ କରିବା, ଚାଷୀଙ୍କ ସୁବିଧା ନିମନ୍ତେ ଗୁଣପୁର ଲ୍ୟାମ୍ପ କୁ ୨ ଭାଗ କରିବା , କରାଯିବା ଆଦି ବିଷୟ ଗୁଡିକ ଉପରେ ଆଲୋଚନା କରାଯାଇଥିଲା। ଦାବି ସମୂହ ଗୁଡିକୁ ବହୁବାର ବ୍ଲକ ପ୍ରଶାସନ ଠାରୁ ଜିଲ୍ଲାପଲଙ୍କ ଅଭିଯୋଗ ପ୍ରକୋଷ୍ଠ ଯାଏଁ ଦୃଷ୍ଟି ଆକର୍ଷଣ କରାଯିବା ସତ୍ତ୍ୱେ କୌଣସି ପଦକ୍ଷେପ ଗ୍ରହଣ କରାଯାଇ ନ ଥିବାରୁ ବୈଠକରେ ଉଦବେଗ ପ୍ରକାଶ ପାଇଥିଲା। ଉକ୍ତ ବୈଠକରେ ପରିଷଦର ସଭାପତି ମାଥ୍ୟୁ ଦଳବେହେରା, ସମ୍ପାଦକ ଇନାନ ଶବର, ଜିଲା ପରିଷଦ ସଭ୍ୟ ଇଗାନ ଗମାଙ୍ଗ, ପୂର୍ବତନ ଜିଲାପରିଷଦ ସଭ୍ୟା ଲକ୍ଷ୍ମୀ ଶବର, ଦାମୋଦର ଶବର ଙ୍କ ସମେତ ପରିଷଦର ବହୁ କାର୍ଯ୍ୟକର୍ତା ଉପସ୍ଥିତ ଥିଲେ।

ଗୁଣପୁରରେ ମାଟିମୁର୍ତ୍ତି ପଟର ଚାହିଦା ବଢିଲା…!

ଏଥର ସମ୍ଭାଳ ବ୍ୟୁରୋ (ଗୁଣପୁର)- ଗୁଣପୁର ସହରରେ ଏଥର ଶତାଧିକ ସ୍ଥାନରେ ଗଣେଶ ପୂଜା ଅନୁଷ୍ଠିତ ହେଉ ଥିବାରୁ ସହର ଏବେ ଉତ୍ସବ ମୂଖର । ସ୍ଥାନୀୟ ଶାନ୍ତି ନଗରରେ ଘୋଡା ଟାଣୁଥିବା ରଥ ଉପରେ ଠାକୁର ବସିଥିବା ମୁ୍ର୍ତ୍ତି ପୂଜା ପାଉଥିବା ବେଳେ ନିଳାଦ୍ରୀ ବିହାରରେ ମଧ୍ୟ ବହୁବର୍ଷ ଧରି ଅନୁଷ୍ଠିତ ହୋଇ ଆସୁଥିବା ଗଣେଶ ପୂଜା ଏଥର ମହାଆଡମ୍ବର ସହକାରେ ଅନୁଷ୍ଠିତ ହେଉଛି। ଜେଜେ ଛକରେ ବିଭିନ୍ନ ଦେବାଦେବୀ ଗଣେଶଙ୍କୁ ଅସ୍ତ୍ର ଦେଉଥିବା ଭଳି ସଜେଇ ଗଣେଶଙ୍କ ମୂର୍ତ୍ତି ତିଆରି ହୋଇଛି। ଏଠାରେ ପ୍ରତେକ ବର୍ଷ ଏହି ପୂଜା ଶୃଙ୍ଖଳିତ ଢଙ୍ଗରେ ହୋଇ ଆସୁଛି। ଗୁଡଲା ସନ୍ତୋଷ, ରେଗୁଲାର ସମ୍ପଦ, ଟୁକୁନା ପୂଜାରୀ ପ୍ରମୁଖଙ୍କ ଦ୍ବାରା ପରିଚାଳିତ ହେଉଛି ଏହି ପୂଜା। ଏହିପରି ପାଲିଆ ଢେପରେ ପ୍ରତେକ ବର୍ଷ ଭଳି ଏଥର ମଧ୍ଯ ଭି. ଗୌରୀ ଶଙ୍କର ରାଓ, କୈଳାସ ମଣ୍ଡଳ, ବବଲୁ ପାଣିଗ୍ରାହୀ, ଜି. ରାଜ୍, ସୋନ୍ତଷ ଗୌଡ, ମନୁ ମିଶ୍ର ପ୍ରମୁଖ ପରିଚାଳନା କରି ଗଣେଶ ପୂଜା କରୁଛନ୍ତି। ଗ୍ରାମଦେବୀ ମାଙ୍କ ଛକରେ ୧୧ ବର୍ଷ ଧରି ଚାଲିଥିବା ଗଣେଶ ପୂଜା ଏଥର ୧୨ ବର୍ଷରେ ପହଞ୍ଚିଛି। ଏଥର ଏଠାରେ ଚାନ୍ଦ ପାଳ, ସନ୍ଦିପ ପାଣିଗ୍ରାହୀ, ସୁନୀଲ ପାତ୍ର, ଗାନ୍ଧୀ, ରେମନ ବର୍ଦ୍ଧନ, ଶ୍ରଦ୍ଧା ପଣ୍ଡା, ଗେମ୍ବେଲି ସାବରିସ, ପ୍ରିତମ ମାଝୀ ଓ ଶିବ ସାହୁ ପ୍ରମୁଖ ୧୨ ତମ ପୂଜା ପାଳନ କରୁଛନ୍ତି। ବିରାଟ ହାତୀ ମୁଣ୍ଡ ସମ୍ମୁଖରେ ଠାକୁର ପୂଜା ପାଉଛନ୍ତି। ଯାହାକି ଆକର୍ଷଣୀୟ ହୋଇଛି। ସେହିପରି ବାକିଟି ସାହି, ପାଇକ ସାହି, ବ୍ରାହ୍ମଣ ସାହି, ପୁରୁଣା ବସଷ୍ଟାଣ୍ଡ, ପୁରୁଣା ବଜାର, ଜୈଲପେଟା, କୁମୁଟି ସାହି, ବେବର୍ତ୍ତା ସାହି, କଟିକା ସାହି, କରଣ ସାହି, ପୁରୁଣା ଗୁଣପୁର, ମତିଲାଲନଗର ଇତ୍ଯାଦି ସ୍ଥାନରେ ଗଣେଶ ପୂଜା ପାଉଛନ୍ତି। ବାଉରୀ ସାହିରେ ଏକାଧିକ ସ୍ଥାନରେ ମଧ୍ୟ ପୂଜା ପାଉଛନ୍ତି। ତେବେ ଏଥର ପ୍ଲାଷ୍ଟର ପେରିସ ରେ ତିଆରି ମୁ୍ର୍ତ୍ତି ଠାରୁ ମାଟିମୁର୍ତ୍ତି ରେ ତିଆରି ମୃନମୟୀ ମୁ୍ର୍ତ୍ତି ଅଧିକ ସଂଖ୍ଯାରେ ପୂଜା ପାଉଥିବା ଦେଖିବାକୁ ମିଳିଛି। ଲୋକେ ମାଟି ମୁ୍ର୍ତ୍ତି କୁ ଅଧିକ ପସନ୍ଦ କରିଥିବା ବେଳେ ପ୍ଲାଷ୍ଟର ପେରିସ ତିଆରି ମୁ୍ର୍ତ୍ତି ପରିବେଶ ପାଇଁ ହାନିକାରକ ହୋଇଥିବା ଓ ପାଣିରେ ମିଳେଉନଥିବାରୁ ମାଟିମୁର୍ତ୍ତି କାରିଗରଙ୍କ ଚାହିଦା ଅଧିକ ଦେଖିବାକୁ ମିଳିଛି ।

ଟୋଲମୁକ୍ତ ହେଲା ବଂଶଧାରା ପୋଲ;୨୮ବର୍ଷ ଧରି ଚାଲିଥିଲା ଟିକସ ଆଦାୟ …!

ଏଥର ସମ୍ଭାଳ ବ୍ୟୁରୋ(ଗୁଣପୁର)- ରାୟଗଡା ଜିଲ୍ଲା ଗୁଣପୁର ର ବଂଶଧାରା ପୋଲଦେଇ ଯାତାୟତ କଲେ ଆଉ ଟୋଲ ଟିକସ ଦବାକୁ ପଡିବନି। ରାଜ୍ଯ ସରକାରଙ୍କ ନିଷ୍ପତ୍ତି କ୍ରମେ ୧୬ ତାରିଖ ମଧ୍ଯ ରାତ୍ରୀରୁ ଉଠାଇ ଦିଆଯାଇଛି ଏହି ଟୋଲଗେଟ୍। ଫଳରେ ୨୮ ବର୍ଷ ପରେ ଟୋଲ୍ ମୁକ୍ତ ହୋଇଛି ଏହି ବଂଶଧାରା ପୋଲ। ଏହି ପୋଲ ନିର୍ମାଣ ପାଇଁ ଖର୍ଚ୍ଚ ହୋଇଥିବା ଅର୍ଥ ଅନେକ ଦିନରୁ ବାହାରି ସାରିଥିଲେ ମଧ୍ୟ ବହୁବର୍ଷ ହେବ ଏହି ପୋଲର ପ୍ରବେଶ ପଥରେ ଟୋଲ ଟିକସ୍ ଆଦାୟ ଲୋକଙ୍କ ପାଇଁ ଏକ ପ୍ରକାର ଜରିମାନା ସଦୃଶ୍ୟ ହୋଇଥିଲା। ଏନେଇ ଅନେକ ବାର ଟୋଲ୍ ଗେଟ୍ ଉଠାଇବା ପାଇଁ ଲୋକଙ୍କ ଦାବୀ ଓ ଲୋକ ପ୍ରତିନିଧି ମାନଙ୍କ ବିଧାନସଭାରେ ପ୍ରଶ୍ନ ପରେ ମଧ୍ୟ ଓଡିଶା ସେତୁ ନିର୍ମାଣ ନିଗମ ପ୍ରତେକ ବର୍ଷ ଟୋଲ ଟିକସ ସଂଗ୍ରହ ପାଇଁ ଟେଣ୍ଡର କରି ମୋଟା ଅଙ୍କର ଅର୍ଥ ପାଉଥିଲା। ଟେଣ୍ଡରଧାରୀ ମାନେ ଏହି ପୋଲଦେଇ ଯାତାୟତ କରୁଥିବା ଲୋକଙ୍କ ଠାରୁ ମଧ୍ୟ ଚଢା ଟିକସ ଆଦାୟ କରି ଚାଲିଥିଲେ।

ଏହି ଘଟଣା କୁ ନେଇ ଅନେକ ସମୟରେ ବିଶୃଙ୍ଖଳା ଉପୁଜୁଥିଲା। ସାଧାରଣ ଲୋକେ ଅନିଚ୍ଛା ସତ୍ବେ ବାଧ୍ଯହୋଇ ଏହି ଅର୍ଥ ଦେଇ ଆସୁଥିଲେ। ୧୯୮୬ ମସିହାରେ ଭିତ୍ତିପ୍ରସ୍ତ ପଡିଥିବା ଏହି ପୋଲ ନିର୍ମାଣ ଶେଷହୋଇ ୧୯୯୪ ମସିହାରେ ତତ୍କାଳୀନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକ ଏହାର ଉଦଘାଟନ କରିଥିଲେ। ଏହାପରେ ଗୁଣପୁର ଅଞ୍ଚଳର ଉନ୍ନତି କ୍ଷେତ୍ରରେ ଏହି ପୋଲ ଅନେକ ସହାୟକ ହୋଇଥିଲା। ଭିତ୍ତିପ୍ରସ୍ତର ସ୍ଥାପନ ଓ ଟେଣ୍ଡର ପରେ କାର୍ଯ୍ଯଆରମ୍ଭ ହୋଇଥିଲେ ମଧ୍ୟ ଅଧାପନ୍ତରିଆ ଭାବେ ଅନେକ ଦିନ ପଡି ରହିଥିବା ଏହି ବଂଶଧାରା ପୋଲ ନିର୍ମାଣ କୁ ଯୁଦ୍ଧକାଳୀନ ଭିତ୍ତିରେ ଶେଷ କରିବାକୁ ବିଜୁବାବୁ ଙ୍କ ଅବଦାନକୁ ସବୁବେଳେ ଗୁଣପୁର ବାସି ମନେ ପକାଇ ଆସୁଛନ୍ତି। ହେଲେ ପୋଲ ନିର୍ମାଣ ପାଇଁ ମୋଟ ସାଢେ ୩ କୋଟି ଟଙ୍କା ବ୍ଯୟ ହୋଇଥିବା ବେଳେ ବାର୍ଷିକ ୧୦ ଲକ୍ଷ ଟୋଲ ଟିକସ ସଂଗ୍ରହ ପାଇଁ ଲକ୍ଷ୍ୟ ଧାର୍ଯ୍ଯ କରି ୧୯୯୪ ପରଠାରୁ ଟୋଲ ଟିକସ ସଂଗ୍ରହ ଆରମ୍ଭ ହୋଇଥିଲା। ଏହା କ୍ରମେପେ ବଢିକି ୩୦ ଲକ୍ଷ, ୩୬ ଲକ୍ଷ, ୪୬ ଲକ୍ଷ ହୋଇ ଚଳିତ ଥର ବାର୍ଷିକ ୫୧ ଲକ୍ଷ ରେ ଟେଣ୍ଡରଧାରୀ ଟେଣ୍ଡର ପାଇଥିଲେ। ଫଳରେ ୧୦ ଚକିଆ ଯାନ ଠାରୁ ଯିବା ଆସିବା ପାଇଁ ୩୦୦, ଅନ୍ଯ ବସ୍, ଟ୍ରକ୍ ଓ ଟ୍ରାକ୍ଟର ଠାରୁ ଯିବା ଆସିବା ପାଇଁ ୩୦, କାର୍ ଗୁଡାକ ଠାରୁ ୧୫ ଓ ଅଟୋ ପାଇଁ ଯିବା ଆସିବା ୭ଟଙ୍କା ଟିକସ ଆଦାୟ ହେଉଥିଲା। ସରକାର ଙ୍କ କ୍ଯାବିନେଟ୍ ନିଷ୍ପତ୍ତି ପରେ ଗତକାଲି ମଧ୍ୟ ରାତ୍ରିରୁ ଏହି ଟିକସ ସଂଗ୍ରହ ସବୁଦିନ ପାଇଁ ବନ୍ଦ ହୋଇଛି। ଯାହା ଫଳରେ ଲୋକଙ୍କ ଅନେକ ଦିନର ଦାବି ସରକାର ପୁରଣ କରିଥିବାରୁ ଅଞ୍ଚଳ ବାସି ଖୁସି ପ୍ରକଟ କରିଛନ୍ତି।