ଜି ଆଇ ଇ ଟି ବିଶ୍ୱବିଦ୍ୟାଳୟରେ ଇଞ୍ଜିନିଅରସ ଦିବସ ପାଳିତ …!

ଏଥର ସମ୍ଭାଳ ବ୍ୟୁରୋ(ଗୁଣପୁର)- ଇଞ୍ଜିନିଅରସ ଦିବସ ଭାରତ ରତ୍ନ ଇଂ ଏମ. ବିଶ୍ଵେଶ୍ଵରୟ ଙ୍କ ଜନ୍ମତିଥି କୁ ଇଞ୍ଜିନିଅରସ ଦିବସ ସାରା ଭାରତ ବର୍ଷ ପାଳନ କରିଥାଏ । ଏହି ପରିପେକ୍ଷିରେ ଆଜି ଜି ଆଇ ଇ ଟି ବିଶ୍ୱବିଦ୍ୟାଳୟରେ ଇଞ୍ଜିନିଅରସ ଦିବସ ପାଳିତ ହୋଇଯାଇଛି । ଏଥିରେ ବିଶ୍ୱବିଦ୍ୟାଳୟର କୁଳପତି ପ୍ରଫେସର ଏ ଭି ଏନ ଏଲ ଶର୍ମା ମୁଖ୍ୟ ଅତିଥି ଭାବେ ଯୋଗ ଦେଇ ଛାତ୍ରଛାତ୍ରୀମାନେ ନୂତନ ଜ୍ଞାନ କୌଶଳକୁ ଆପଣାଇବା ସହ ନୂତନ ଗବେଷଣା କ୍ଷେତ୍ରରେ ନିଜକୁ ସାମିଲ କରିବା ପାଇଁ ଆହ୍ୱାନ ଦେଇଥିଲେ ।

ସ୍କୁଲ ଅଫ ଇଂଜିନିରିଂ ର ଡିନ ପ୍ରଫେସର ଏ ବି ଶ୍ରୀନିବାସ ରାଓ ଯୋଗ ଦେଇ ଯୁବ ଇଞ୍ଜିନିଅର ମାନଙ୍କୁ ଆଡ଼ଭାନ୍ସ ଟେକନୋଲୋଜି ବିଷୟରେ କହିବା ସହ ବିଶ୍ଵେଶ୍ଵରୟଙ୍କ ଦ୍ୱାରା ଭାରତରେ ବିଭିନ୍ନ ବୈଷୟିକ କୌଶଳକୁ ବ୍ୟବହାର କରି ବିଭିନ୍ନ ପ୍ରକଳ୍ପ ପ୍ରତିଷ୍ଠା କରାଯାଇଥିଲା ଏବଂ ତାଙ୍କର କାର୍ତ୍ୟବ୍ୟ ଓ ନିଷ୍ଠା , କାରିଗରୀ କୁଶଳତା , ବିଷୟରେ କହିଥିଲେ । ଏହି ଦିବସ ପାଳିତ ନିମନ୍ତେ ପୂର୍ବରୁ ବିଭିନ୍ନ ବୈଷୟିକ ପ୍ରତିଯୋଗିତା ଆୟୋଜନ କରାଯାଇଥିଲା । କୃତି ଛାତ୍ରଛାତ୍ରୀ ମାନଙ୍କୁ ପୁରସ୍କାର ଓ ମାନପତ୍ର ପ୍ରଦାନ କରାଯାଇଥିଲା । ପରିଶେଷରେ ଅଧ୍ୟାପକ ମାନସ ରଞ୍ଜନ ପଣ୍ଡା ଧନ୍ୟବାଦ ଅର୍ପଣ କରିଥିଲେ । ଏହି ସଭା କୁ ଅଧ୍ୟାପକ ରାକେଶ ସାହୁ ପରିଚାଳନା କରିଥିଲେ ।ଏଥିରେ ବିଶ୍ୱବିଦ୍ୟାଳୟର ଅଧ୍ୟାପକ ଅଧ୍ୟାପିକା ଓ ଛାତ୍ରଛାତ୍ରୀ ମାନେ ଉପସ୍ଥିତ ଥିଲେ ।

ପଦ୍ମପୁର ସ୍ବାସ୍ଥ୍ୟ କେନ୍ଦ୍ର ରେ ହେବ ଆପଦ କାଳୀନ ଚିକିତ୍ସା ବିଭାଗ,ଉପଲବ୍ଧ ହବ ଆଧୁନିକ ଚିକିତ୍ସା ; ରହିବେ ଅଭିଜ୍ଞ ଡାକ୍ତର…!

ଏଥର ସମ୍ଭାଳ ବ୍ୟୁରୋ(ପଦ୍ମପୁର/ଗୁଣପୁର)-ମାତ୍ର ୭ଜଣ ଏମବିବିଏସ ଡାକ୍ତରଙ୍କୁ ନେଇ ଚାଲିଥିବା ରାୟଗଡ଼ା ଜିଲା ପଦ୍ମପୁର୍ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ରେ ନୂତନ ଭାବେ ଏକ ଟ୍ରମା କେୟାର ବା ଆପଦ କାଳୀନ ଚିକିତ୍ସା ବିଭାଗ ଲେଭେଲ ୩ ଭାବେ ସ୍ଥାପନ ହେବ l ରାଜ୍ଯ ସରକାରଙ୍କ ପକ୍ଷରୁ ବିଧିବଦ୍ଧ ଭାବେ ଆଜି ୮୯ ଟି ଟ୍ରମା କେୟାର ସ୍ଥାପନ କରିବା ପାଇଁ ଘୋଷଣା ହୋଇଛି l ସେଥିମଧ୍ୟରୁ ଗୋଟିଏ ହେଉଛି ପଦ୍ମପୁର୍ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର। ଜୟପୁର୍ ରୁ ବ୍ରହ୍ମପୁର ଏକ୍ସପ୍ରେସ ହାଇୱେ ନିର୍ମାଣ ହେବା ନେଇ ପୂର୍ବରୁ ସରକାର ପକ୍ଷରୁ ଘୋଷଣା କରାଯାଇଛି l ଏବେ ନେସନାଲ ହାଇ ୱେ ସଂଲଗ୍ନ ରେ ୮୯ ଟି ସ୍ୱାସ୍ଥ୍ୟ କେନ୍ଦ୍ର ରେ ଏଭଳି ଆଧୁନିକ ସୁବିଧା ଆରମ୍ଭ ହେବ ବୋଲି ବିଜ୍ଞପ୍ତି ପ୍ରକାଶ ପାଇଛି। ଆଜି ଏହି ଘୋଷଣା ହେବା ପରେ ସ୍ଥାନୀୟ ପଦ୍ମପୁର ଅଞ୍ଚଳ ରେ ଖୁସି ର୍ ଲହରି ଖେଳି ଯାଇଛି l ଏହି ଟ୍ରମା କେୟାର ବିଭାଗ ରେ ସମସ୍ତ କ୍ରିଟିକାଲ୍ ରୋଗୀ ଙ୍କୁ ଉନ୍ନତ ମାନର ଚିକିତ୍ସା ମିଳିବ l ତାଲିମ୍ ପ୍ରାପ୍ତ ଅଭିଜ୍ଞ ଶଲ୍ୟ ଡାକ୍ତର୍, ଆନେସ୍ଥସିଆ ଡାକ୍ତର୍, ସର୍ଜରୀ ଡାକ୍ତର, ନ୍ୟୁରୋଲଜି ଭଲି ଅନେକ ଡାକ୍ତର ଙ୍କ ସମେତ ସମସ୍ତ ପ୍ରକାର ପରୀକ୍ଷା ନିରୀକ୍ଷା ପାଇଁ ଅନେକ୍ ଅତ୍ୟାଧୁନିକ ଯନ୍ତ୍ରପାତି ରହିବା ସହ ଉନ୍ନତମାନର ଚିକିତ୍ସା ସେବା ଉପଲବ୍ଧ ହେବ ବୋଲି ସୂଚନା ମିଳିଛି l ଆଡଭାନ୍ସ ଲାଇଫ ସପୋର୍ଟ ଆମ୍ବୁଲାନ୍ସ ସେବା ମିଳିବ lଏହି ୨୪ ଘଣ୍ଟିଆ ସେବାଗୁଡିକୁ ଉପଲବ୍ଧ ହେବ ଫଳ ରେ କିଛି ସାନ ବଡ ଘଟଣା ଦୁର୍ଘଟଣା ଘଟିଲେ ୧୬୦ କିଲୋମିଟର ଦୂର ବ୍ରହ୍ମପୁର କିମ୍ବା ପଡୋଶୀ ଆନ୍ଧ୍ରପ୍ରଦେଶ ଉପରେ ଆଉ ନିର୍ଭର କରିବାକୁ ପଡ଼ିବ ନାହିଁ ଏବଂ ଅମୂଲ୍ୟ ଜୀବନ ରକ୍ଷା କରିବା ରେ ନିଶ୍ଚିତ ଭାବେ ସହାୟକ ହେବ ବୋଲି ଆଶା ଅରାଯାଇଛି। ତେବେ ସବୁବେଳେ ପଦ୍ମପୁର ର ସ୍ବାସ୍ଥ୍ୟସେବାକୁ ନେଇ ଜନ ଅସନ୍ତୋଷ ଲାଗି ରହିଥିବା ବେଳେ ସରକାରଙ୍କ ଏହି ଘୋଷଣା ଆଜି ଅଞ୍ଚଳ ବାସିଙ୍କ ମଧ୍ୟରେ ଖୁସି ଆଣିଛି।