ଅସହାୟ ବୃଦ୍ଧାଙ୍କୁ ଉଦ୍ଧାର ; ପରିବାରଙ୍କୁ ହସ୍ତାନ୍ତର କଲା ଗୁଣପୁର ଉପଖଣ୍ଡ ପ୍ରଶାସନ ….!
ଏଥର ସମ୍ଭାଳ ବ୍ୟୁରୋ(ଗୁଣପୁର)- ଗତ ଦଶ ଦିନ ଧରି ଗୁଣପୁର ସହର ଓ ଆଖ ପାଖ ଅଞ୍ଚଳରେ ଅସହାୟ ଅବସ୍ଥାରେ ଘୁରି ବୁଲୁଥିବା ଜଣେ ବୃଦ୍ଧାଙ୍କୁ ଉଦ୍ଧାର କରି ବୃଦ୍ଧାଶ୍ରମରେ ରଖିବା ସହ ପରିଚୟ ଖୋଜି ବାହାର କରି ବୃଦ୍ଧାଙ୍କୁ ତାଙ୍କ ପରିବାରଙ୍କୁ ହସ୍ତାନ୍ତର କରିଛି ଗୁଣପୁର ଉପଖଣ୍ଡ ପ୍ରଶାସନ । ଗୁଣପୁର ଉପ ଜିଲ୍ଲାପାଳ ଲଳିତ କୁମାର କହଁରଙ୍କ ନିର୍ଦ୍ଦେଶକ୍ରମେ ଉପଖଣ୍ଡ ସାମାଜିକ ସୁରକ୍ଷା ଅଧିକାରୀ ଏଲ ସନ୍ତୋଷ କୁମାର ବୃଦ୍ଧା ଜଣଙ୍କୁ ଉଦ୍ଧାର କରି ସ୍ଥାନୀୟ ବୃଦ୍ଧାଶ୍ରମରେ ରଖିବା ସହ ଠିକଣା ଆଦି ପଚାରି ବୁଝିଥିଲେ । ବୃଦ୍ଧା ଜଣଙ୍କ କେବଳ ରୂପକା ଗ୍ରାମ କହିବା ପରେ ଉପଖଣ୍ଡ ସାମାଜିକ ସୁରକ୍ଷା ଅଧିକାରୀ ବିଭିନ୍ନ ସାମାଜିକ ଗଣ ମାଧ୍ୟମ ଓ ଆନ୍ଧ୍ର ପ୍ରଦେଶର ବିଭିନ୍ନ ଲୋକଙ୍କ ସହ ଯୋଗାଯୋଗ କରିଥିଲେ । ବୃଦ୍ଧା ଜଣଙ୍କ ଆନ୍ଧ୍ର ପ୍ରଦେଶ ଶ୍ରୀକାକୁଲମ ଜିଲ୍ଲା ଅଧିନସ୍ତ ପଣ୍ଡୁରୁ ମଣ୍ଡଳର ରୂପକା ଗ୍ରାମର ବୋଲି ଜଣା ପଡିବା ପରେ ତାଙ୍କ ପରିବାରଙ୍କ ନିକଟଙ୍କୁ ବୃଦ୍ଧାଙ୍କ ଫୋଟ ପଠା ଯାଇଥିଲା । ପରିବାର ଲୋକ ତାଙ୍କୁ ଚିହ୍ନିବା ପରେ ତାଙ୍କ ନାମ କେ ତାଭିଟିଆମ୍ମା ବୋଲି ସୂଚନା ଦେଇଥିଲେ । ସାମାଜିକ ସୁରକ୍ଷା ଅଧିକାରୀ ତାଙ୍କ ପରିବାର ସହ ଯୋଗାଯୋଗ କରି ଗୁଣପୁର ଆସି ଅଵଶ୍ୟକ କାଗଜପତ୍ର ଦାଖଲ କରି ତାଭିଟିଆମ୍ମାଙ୍କୁ ନେବାପାଇଁ ତାଙ୍କ ନାତି କେ ମାଧବ ଓ କେ ରାମୋଜିଙ୍କୁ ଜଣାଇଥିଲେ । ଆଜି କେ ମାଧବ, କେ ରାମୋଜି ଗୁଣପୁର ପହଁଚିବା ପରେ ସହକାରୀ ଜିଲ୍ଲାପାଳ ସତ୍ୟଜିତ ନାୟକ, ସାମାଜିକ ସୁରକ୍ଷା ଅଧିକାରୀ ଏଲ ସନ୍ତୋଷ କୁମାର, ବୃଦ୍ଧାଶ୍ରମ ଅଧିକ୍ଷକ ସଂଗ୍ରାମ ଶତପଥିଙ୍କ ଉପସ୍ଥିତିରେ ତାଭିଟିଆମ୍ମାଙ୍କୁ ତାଙ୍କ ପରିବାରଙ୍କୁ ହସ୍ତାନ୍ତର କରାଯାଇଥିଲା । ନିଜ ଜେଜେମାଙ୍କୁ ପାଖରେ ପାଇଁ ତାଙ୍କ ପରିବାର ଲୋକ ଖୁସି ବ୍ୟକ୍ତ କରିଛନ୍ତି ।
ଅଧ୍ୟକ୍ଷ ଶ୍ରୀଯୁକ୍ତ ଡଃ.ପ୍ରକାଶ ଚନ୍ଦ୍ର ସେନାପତି, ଡଃ.କାହ୍ନୁଚରଣ ପାଣିଗ୍ରାହୀ, ପ୍ରଶାସନିକ ଅଧିକାରୀ ପି.ଭି.କୋଟେଶ୍ୱର ରାଓ ପ୍ରମୁଖ ଏପରି କାର୍ଯ୍ୟକ୍ରମ ଅନୁଷ୍ଠିତ ହେଉଥିବାରୁ ଛାତ୍ରଛାତ୍ରୀଙ୍କ ମନରେ ଥିବା ନୁତନ ଚିନ୍ତାଧାରା ପରିପ୍ରକାଶ କରିପାରିବେ ବୋଲି କହିଥିଲେ । ଏହି କାର୍ଯ୍ୟକ୍ରମରେ ସମସ୍ତ ଅଧ୍ୟାପକ ଅଧ୍ୟାପିକା ଯୋଗଦେଇଥିଲେ । ଏହିପରି କାର୍ଯ୍ୟକ୍ରମ ଅନୁଷ୍ଠିତ ହୋଇଥିବାରୁ ଅନୁଷ୍ଠାନର ଚେୟାରମ୍ୟାନ ଶ୍ରୀଯୁକ୍ତ ଅକ୍ଷୟ ଦାସ ଓ ପରିଚାଳନା ନିର୍ଦ୍ଦେଶକ ଶ୍ରୀଯୁକ୍ତ ସଞ୍ଜୟ ସାହୁ ଅଭିନନ୍ଦନ ଜଣାଇଥିଲେ ।
