ସୌଦାମିନୀ ବେହରା ଙ୍କ ଦୁଃଖ ; ସହାୟତା ପାଇଁ ଥାନାର ଦ୍ୱାରସ୍ଥ…!
!!! ବଲାଙ୍ଗୀର ରୁ ଜୀତେଶ କୁମାର ଶତପଥି ଙ୍କ ରିପୋର୍ଟ୍ !!!
ଏଥର ସମ୍ଭାଳ (ବଲାଙ୍ଗୀର) – ବାପା ମା ବହୁ ଦୁଖଃ କଷ୍ଟ ସହି ପିଲାଙ୍କୁ ବଡ଼ କରି ଭଲ ମଣିଷ ଟିଏ କରି ଗଢି ତୋଳିବା ପାଇଁ ଦିନ ରାତି ଏକ୍ କରିଦିଅନ୍ତୁ l କିନ୍ତୁ ସେହି ପିଲା ମାନେ ବଡ଼ ହେଲା ପରେ ଅଲୋଡା ଭାବନ୍ତି ମା ବାପା ଙ୍କୁ, ଏମିତି ଏକ୍ ଘଟଣା ଘଟିଛି ବଲାଙ୍ଗିର ଜିଲ୍ଲା ଚନ୍ଦ୍ର ଶେଖର ନଗରର ସୌଦାମିନୀ ବେହରା ଙ୍କ ଘରେ l ଘରେ ପୁଅ ଟିଏ ଜନ୍ମ ପାଇଁ କେତେ ଓଷା କେତେ ବ୍ରତ କରିଥାନ୍ତି ମା’ବାପା । ଆଉ ପୁଅ ଜନ୍ମ ହେଲେ କେତେ ଖୁସି ହୁଅନ୍ତି। ବୁଢା ବେଳେ ପୁଅ ଆଶା ବାଡି ହେବ। କିନ୍ତୁ ଏଠି ଦେଖିବାକୁ ମିଳିଛି ପୁରା ଓଲୋଟା ଚିତ୍ର l ଦୀର୍ଘ ୧୦ ବର୍ଷ ଧରି ଲୋକ ଲଜ୍ଜାକୁ ଡରି ପୁଅ ବୋହୂ ଙ୍କ ସବୁ ଅତ୍ୟାଚାର ସହି ଯାଉଥିଲେ। କିନ୍ତୁ ଦିନକୁ ଦିନକୁ ଅତ୍ୟାଚାର ବଢିବାରୁ ବାଧ୍ୟ ହୋଇ ଥାନାର ଦ୍ବାରସ୍ଥ ହୋଇଛନ୍ତି। ପୁଅ ବୋହୂ ମା’କୁ ଏମିତି ନିର୍ଯାତନା ଦେଇଛନ୍ତି ଯାହା ସଭ୍ୟ ସମାଜ ପାଇଁ କଦାପି ଗ୍ରହଣୀୟ ନୁହେଁ। ମାଡ଼ ମାରି ମୁହଁ ଫୁଲାଇ ଦେଇଛନ୍ତି। ନିର୍ଯାତନା ଦେଲା ତେବେ କେତେ ଯେ କଷ୍ଟ ହୁଏ ତାହା ଅଙ୍ଗେ ନିଭାଇଛନ୍ତି ବଲାଙ୍ଗିରର ଅବସରପ୍ରାପ୍ତ ଶିକ୍ଷୟତ୍ରୀ ସୌଦାମିନୀ ବେହେରା । ନ୍ଯାୟ ପାଇବା ଆଶାରେ ବଲାଙ୍ଗିର ଆଦର୍ଶ ଥାନାରେ ଏ କୋଣରୁ ସେ କୋଣ କୁ ବୁଲୁଛନ୍ତି ଅବସର ପ୍ରାପ୍ତ ଶିକ୍ଷୟତ୍ରୀସୌଦାମିନୀ ବେହେରା । କଣ କରିବେ ? କେଉଁଠି ରହିବେ ? ଜୀବନରେ ଖଟିଖଟି ପୁଅକୁ ମଣିଷ କଲେ । ଅବସର ପରେ ସବୁ ଟଙ୍କା ବି ଦେଲେ । ହେଲେ ପୁଅ ବୋହୂ ୧୦ ବର୍ଷ ହେବ ନିର୍ଯାତନା ଦେଉଛନ୍ତି । ପୁଅ ବୋହୂ ମାଡ ମାରିଥିବା କିଛି ଫଟୋ ଦେଖାଇ ପୋଲିସକୁ ନ୍ଯାୟ ମାଗୁଛନ୍ତି ଶ୍ରୀମତୀ ବେହେରା । ମୋ ପୁଅ ଠାରୁ ମତେ ମୁକ୍ତି ଦିଅ । ଆଉ ନୁହେଁ କହିବାର ସୀମା ବି ଟପିଲା ଆଉ ସହିବାର ସୀମା ବି ଟପିଲା । ଆଉ ସହି ହେଉନାହିଁ ଯନ୍ତ୍ରଣା। ତେଣୁ ମୋତେ ଏଥିରୁ ମୁକ୍ତି ଦିଅ ଏମିତି କହି ପୋଲିସକୁ ନ୍ୟାୟ ଭିକ୍ଷା କରିଛନ୍ତି। ଦିନେ ସୌଦାମିନୀ ଶିକ୍ଷକତା କରି ହଜାର ହଜାର ପିଲାଙ୍କୁ ମଣିଷ କରିଥିଲେ । ହେଲେ ଆଜି ତାଙ୍କ ପୁଅ ଅମଣିଷ ହୋଇଥିବା ଅଭିଯୋଗ କରିଛନ୍ତି ସୌଦାମିନୀ ବେହେରା ।ବଲାଙ୍ଗିର ଚନ୍ଦ୍ର ଶେଖର ନଗରରେ ସୌଦାମିନୀ ବେହେରାଙ୍କ ଘର । ତାଙ୍କର ଦୁଇଟି ପୁଅ । ଗୋଟିଏ ପୁଅ ରାଜ୍ଯ ବାହାରେ ଚାକିରି କରୁଥିବା ବେଳେ ନିଜ ପାଖରେ ଆଉ ଗୋଟିଏ ପୁଅ ଅଛି ।ଅନ୍ୟପକ୍ଷରେ ସୌଦାମିନୀ ବେହେରାଙ୍କ ବୋହୂ ସୁମନ ପାଣିଗ୍ରାହୀ ଶାଶୁଙ୍କ ଏଭଳି ଅଭିଯୋଗକୁ ଖଣ୍ଡନ କରିବା ସହ ପାଲଟା ଅଭିଯୋଗ କରିଛନ୍ତି । ଶାଶୂ ସୌଦାମିନୀ ବମ୍ବେରେ ରହୁଥିବା ତାଙ୍କ ସାନପୁଅ ସୁବ୍ରତ ପାଣିଗ୍ରାହୀଙ୍କୁ ଲଗାଇ ତାଙ୍କୁ ସ୍ୱାମୀ ସ୍ତ୍ରୀଙ୍କୁ ଘରୁ ବାହାର କରିବା ପାଇଁ ନାନା ପ୍ରକାର ଗାଳିଗୁଲଜ, ଆକ୍ରମଣ କରିବା ସହ ବାରମ୍ବାର ଆମକୁ ଘରୁ ତଡ଼ିବା ପାଇଁ ଯୋଜନା କରୁଛନ୍ତି । ଏପରିକି ଶାଶୂ ତାଙ୍କ ସାନପୁଅଙ୍କ ପାଇଁ ଶ୍ୱଶୁରଙ୍କ ରିଟାୟାର୍ମେଣ୍ଟ ଟଙ୍କାରେ ବେଙ୍ଗଲୋର୍ ଏକ ଘର କିଣି ଦେଇଥିବା ବେଳେ ତାଙ୍କ ରିଟାୟାର୍ମେଣ୍ଟ ଟଙ୍କାରେ ବମ୍ବେରେ ଏକ ଘର କିଣି ଦେଇଛନ୍ତି । ଆମକୁ ଟଙ୍କା ଦେଇଥିବା କଥା ସଂପୂର୍ଣ୍ଣ ମିଛ ବୋଲି ବୋହୂ ସୁମନ ପାଲଟା ଅଭିଯୋଗ ଆଣିଛନ୍ତି । ତେବେ ବୋହୂଙ୍କ ପକ୍ଷରୁ ମଧ୍ୟ ଏକ ଏତଲା ଥାନାରେ ରୁଜ୍ଜୁ ହୋଇଥିବା ଜଣାପଡ଼ିଛି ।
