ଚିକିତ୍ସାଳୟ ସମସ୍ୟାର ସମାଧାନ ପାଇଁ ଅଣ୍ଟା ଭିଡ଼ିଲେ ଅଞ୍ଚଳବାସୀ…!

ଏଥର ସମ୍ଭାଳ ବ୍ୟୁରୋ (ଗୁଣପୁର)- ଦୀର୍ଘ ବର୍ଷ ସମୟ ଧରି
ଗୁଣୁପୁର ଉପଖଣ୍ଡ ର ସ୍ଥାୟୀ ଡାକ୍ତର ସମସ୍ୟା ଲାଗି ରହିଛି । ଗୁଣୁପୁର ସଦର ହସ୍ପିଟାଲ ସବ ଡିଭିଜନ ର ମାନ୍ୟତା ପାଇବା ପରେ ମଧ୍ୟ ଏଥି ପ୍ରତି କୌଣସି ଗୁରୁତ୍ୱ ନ ଦେବା ଯୋଗୁଁ ଏଠାରେ ୧୯ ଜଣ ଡାକ୍ତର ଙ୍କ ବଦଳରେ ଏଠାରେ ଅଛନ୍ତି ଚାରି ।ସିନିୟର ମେଡ଼ିକାଲ ଅଫିସର ୨, ଦନ୍ତବିଶେଷଜ୍ଞ , ଅର୍ଥପେଡିକ, ଅନାସ୍ଥେସିଆ,ସର୍ଜରି,ଶିଶୁରୋଗ,ଭେଷଜ, ରକ୍ତଭଣ୍ଡାର ଆଦି ବିଶେଷଜ୍ଞ ଡାକ୍ତର ପଦବୀ ଗୁଡିକ ବର୍ଷ ବର୍ଷ ଧରି ଖାଲିପଡିଛି।ଅଞ୍ଚଳ ବାସୀ ଜିଲ୍ଲା ପ୍ରଶାସନ,ଏବଂ ଜିଲା ଚିକିତ୍ସାଧିକାରୀଙ୍କୁ ବହୁବାର ଦୃଷ୍ଟି ଆକର୍ଷଣ କରାଯାଉଥିଲେ ମଧ୍ୟ କିଛି ସୁଫଳ ମିଳୁନଥିବା ଅଭିଯୋଗ ହୋଇଛି। ଅନ୍ୟପକ୍ଷରେ ଲ୍ୟାବ ଟେକ୍ନିସିଆନ ୭ ରହିବା ସ୍ଥଳେ ମାତ୍ର ୩ ଜଣ ରହିଛନ୍ତି। ରକ୍ତ ଭଣ୍ଡାର ଏବଂ ପାଥୋଲୋଜି ୨ ବିଭାଗ ପରିଚାଳନା ରେ ସମସ୍ୟା ଦେଖାଦେଇଛି।ଏକ୍ସରେ ନିମନ୍ତେ ୩ ଜଣ ଆବଶ୍ୟକ ଥିବାବେଳେ ମାତ୍ର ଜଣେ ଏଠାରେ ରହି କାର୍ଯ୍ୟ ତୁଲାଉଛନ୍ତି। ସେହିଭଳି ଷ୍ଟାଫ ନର୍ସ ୩୮ପଦବୀ ଆବଶ୍ୟକ ଥିବାବେଳେ ୨୩ ଜଣ ରହିଛନ୍ତି। ସେଥି ମଧ୍ୟରୁ ୮ଜଣଙ୍କୁ ଅନ୍ୟତ୍ର ଡେପୁଟେସନ କରାଯାଇଛି। ଯଦ୍ୱାରା ମାତ୍ର ୧୫ ଜଣ ଷ୍ଟାଫ ନର୍ସ ଏଠାରେ କାର୍ଯ୍ୟରତ ଅଛନ୍ତି।ଏଭଳି ବିଭିନ୍ନ ପଦବୀ ଗୁଡିକ ଖାଲି ପଡ଼ିଥିବାରୁ ଉପଯୁକ୍ତ ରୋଗୀସେବା ପାଇବାରେ ଲୋକେ ବଞ୍ଚିତ ରହୁଛନ୍ତି। ଉପଖଣ୍ଡ ଚିକିତ୍ସାଳୟରେ ସହର ବାସୀଙ୍କ ସମେତ ବ୍ଲକ୍ରର ୧୯ ଟି ପଞ୍ଚାୟତ, ଗୁଡ଼ାରୀ, ପଦ୍ମପୁର, ରାମନାଗୁଡା ବ୍ଲକ ଏବଂ ପଡୋଶୀ ସୀମାବର୍ତୀ ଅଞ୍ଚଳ ବାସୀ ନିର୍ଭରଶୀଳ ରହୁଥିବା ବେଳେ ଉପଯୁକ୍ତ ଚିକିତ୍ସା ସେବା ଯୋଗାଇବାରେ ବିଫଳ ହୋଇ ପଡୁଛି। ଫଳରେ ଲୋକଙ୍କ ସ୍ୱାସ୍ଥ୍ୟ ସମସ୍ୟା ରେ ନାହିଁ ନ ଥିବା ଅସୁବିଧା ର ସମ୍ମୁଖୀନ ହେବାକୁ ପଡୁଛି ।ଏପରିକି ଜରୁରୀ କାଳୀନ କ୍ଷେତ୍ରରେ ଊପଯୁକ୍ତ ଡାକ୍ତରୀ ସେବା ନ ପାଇ ଲୋକେ ମୃତ୍ୟୁବରଣ କରୁଥିବା ନଜିର ରହିଛି। ଗୁଣୁପୁର ର ନିର୍ବାଚିତ ଜନ ପ୍ରତିନିଧି ଙ୍କ ଠାରୁ ଆରମ୍ଭ କରି ଜିଲ୍ଲାପ୍ରଶାସନିକ ଅଧିକାରୀ ଙ୍କ ବିଫଳତା ଯୋଗୁଁ ଏହି ସମସ୍ୟାର ସମାଧାନ ହୋଇପାରୁନି ଏହି ସମସ୍ୟା ର ସ୍ଥାୟୀ ପ୍ରତିକାର ପାଇଁ ସ୍ଥାନୀୟ କନ୍ୟାକପରମେଶ୍ୱରୀ ମନ୍ଦିର ରେ ଏକ ସର୍ବ ଦଳୀୟ ନେତା, ଗୁଣୁପୁର ର ସମସ୍ତ ବୁଦ୍ଧିଜୀବୀ, ସାମ୍ବାଦିକ, ନିର୍ବାଚିତ ପ୍ରତିନିଧି ଏବଂ ଯୁବ ବର୍ଗ ଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା । ଗୁଣୁପୁର ସଦର ହସ୍ପିଟାଲ କୁ ୫- ଟି ଯୋଜନା ରେ ସାମିଲ ଏବଂ ଭିତିଭୂମି ପାଇଁ ପ୍ରାୟ କୋଡିଏ କୋଟି ର ଆର୍ଥିକ ସହାୟତା ରାଶି ଦେଇ ଥିବାରୁ ବୈଠକ ରେ ପ୍ରଥମେ ମୁଖ୍ୟମନ୍ତ୍ରୀ ନବୀନ ପଟନାୟକ ସ୍ଵାସ୍ତ୍ୟ ସଚିବ ଶାଳିନୀପଣ୍ଡିତ ଏବଂ ୫- ଟି ସଚିବ ଭି.କେ.ପାଣ୍ଡିଆନ ଙ୍କୁ
ଧନ୍ୟବାଦ ଦିଆଯାଇଥିଲା । ଏହି ବୈଠକ ରେ ସ୍ଥାୟୀ ଡାକ୍ତର ତୁରନ୍ତ ନିଯୁକ୍ତି ପାଇଁ ଏକ କମିଟି ଗଠନ କରାଯାଇ ଥିଲା ଏବଂ ଏହି କମିଟି ଏ ବାବଦରେ ଆଗାମୀ ୧୮ ତାରିଖ ଦିନ ଗୁଣପୁର ଉପଜିଲ୍ଲାପଳଙ୍କ ଜରିଆରେ ଏକ ସ୍ମାରକ ପତ୍ର ମୁଖ୍ୟମନ୍ତ୍ରୀ ନବୀନ ପଟନାୟକ , ୫- ଟି ସଚିବ ଭି କେ ପାଣ୍ଡିଆନ ସ୍ୱାସ୍ଥ୍ୟ ସଚିବ ଶାଳିନୀ ପଣ୍ଡିତ ଙ୍କୁ ଦେବା ନିମନ୍ତେ ନିଷ୍ପତ୍ତି ଗ୍ରହଣ କରାଯାଇଛି ।

ସବୁ ନାହିଁର ଗାଁ କେଶରପାଡି ; ଜିଲ୍ଲା ଓ ରାଜ୍ୟ ସରକାର ଙ୍କ ଦୃଷ୍ଟି ପଡ଼ିବ କେବେ…?

ଏଥର ସମ୍ଭାଳ ବ୍ୟୁରୋ (ମୁନିଗୁଡ଼ା) – ରାୟଗଡ଼ା ଜିଲ୍ଲା ମୁନିଗୁଡା ବ୍ଳକ ଅନ୍ତର୍ଗତ ଶିବପଦର ପଞ୍ଚାୟତର କେଶରପାଡି ଗାଁରେ ଉତ୍କଟ ପାନୀୟ ଜଳ ସମସ୍ୟାକୁ ନେଇ ସ୍ଥାନୀୟ ଲୋକମାନେ ପ୍ରଥମେ ଗ୍ରାମ ପ୍ସଞ୍ଚାୟତ ଠାରୁ ନେଇ ବ୍ଲକ ପ୍ରଶାସନ ପର୍ଯ୍ୟନ୍ତ ଯାଇ ଗୁହାରି କରିଥିଲେ।କିଛି ଲାଭ ନହେବାରୁ ସ୍ଥାନୀୟ ସାମାଜିକ କର୍ମୀ ସାମ୍ବାଦିକ କ୍ଷମାଶାଗର ଦାସଙ୍କୁ ଭେଟି ସହାୟତା ମାଗିଥିଲେ।ଗ୍ରୀଷ୍ମଋତୁରେ ପାନୀୟ ଜଳର ଉତ୍କଟ ଅଭାବକୁ ସାମାଜିକ କର୍ମୀ ଶ୍ରୀଯୁକ୍ତ ଦାସ ଅନୁଭବ କରି ବ୍ଲକ ପ୍ରଶାସନର ବିଭାଗୀୟ ଅଧିକାରୀଙ୍କୁ ଭେଟି ଗାଁର ଜଳକଷ୍ଟ ଅବଗତ କରାଇଥିଲେ।ଆଜି ପୂର୍ବାହ୍ନରର ପାନୀୟ ଜଳ ଯୋଗାଣ (RWS) ଯନ୍ତ୍ରୀ ରମେଶ ମିଞ୍ଜି ଓ ଏ ଆଇ କେମସ ସଭାପତି କୁନେନ୍ଦ୍ର ଜାଲିକାଙ୍କ ସହ ଶ୍ରୀଯୁକ୍ତ ଦାସ କେଶର ପାଡି ଗାଁରେ ପହଞ୍ଚି ପାନୀୟ ଜଳ ସମସ୍ୟାକୁ ଦେଖିବା ସହ ଏହାର ଆଶୁ ପ୍ରତିକାର ପାଇଁ ପଦକ୍ଷେପ ନେବାକୁ ପ୍ରତିଶ୍ରୁତି ଦେଇଥିଲେ।ଆସନ୍ତା ୩ ଦିନ ଭିତରେ ପୁରୁଣା ନଳ କୂପକୁ ପୁନରୁଦ୍ଧାର କରି ପାନୀୟ ଜଳ ଯୋଗାଣ ଚାଲୁ କରିବା ପାଇଁ ଯନ୍ତ୍ରୀ ଶ୍ରୀଯୁକ୍ତ ମିଞ୍ଜ ପ୍ରତିଶ୍ରୁତି ଦେଇଛନ୍ତି ।ଏବେ ଗାଁର ଲୋକେ ନଦୀରୁ ଦୂଷିତ ପାଣି ପିଇ ଜିବନ ଯାପନ କରୁଛନ୍ତି।ଏଣୁ ଯଥାଶୀଘ୍ର ପାନୀୟ ଜଳ ବ୍ୟବସ୍ଥା ଯୋଗାଇ ଦେବାକୁ ଶ୍ରୀଯୁକ୍ତ ଦାସ ବିଭାଗୀୟ ଅଧିକାରୀଙ୍କୁ ବିନମ୍ର ନିବେଦନ କରିଥିଲେ।ଏହି ଗାଁକୁ ଯିବା ଅବସରସରେ ଦେଖିବାକୁ ମିଳିଥିଲା ଗାଁର ଦୁସ୍ଥ ଚିତ୍ର ଆଉ ଚରିତ୍ର ସବୁକୁ। ଏହି ଗାଁରେ ଗମନାଗମନ ନିମନ୍ତେ ରାସ୍ତା,ବିଦ୍ୟାଳୟ,ପାନିୟ ଜଳ, ବିଜୁଳି ଭଳି ବହୁ ସମସ୍ୟା ଦେଖିବାକୁ ମିଳିଥିଲା।ସବୁ ନାହିଁର ଗାଁ ଯେପରି କେଶରପାଡି।ସ୍ବାଧୀନତାର ସାତ ଦଶନ୍ଧି ପରେ ଆମେ ଆଜି ଅମୃତ ମହୋତ୍ସବ ମନାଉଥିବା ବେଳେ ଆମ ଦେଶର ଆତ୍ମା ଆମ ଗାଁର ବିକଳ ଚିତ୍ରକୁ ଆମେ ଭୁଲିଯାଉଛେ କିପରି।ଆଉ କେବେ ସୁଧୁରିବ କେଶରପାଡି ଭଳି ପାହାଡ଼ି ଗାଁର ଭାଗ୍ୟ ଆଉ ଭବିଷ୍ୟ।ଗାଁ ଲୋକେ ସରକାରଙ୍କୁ ଅଭିମାନ ଭରା କଣ୍ଠରେ କହିଥିଲେ ଆମେ ଡଙ୍ଗରିଆ କନ୍ଧ ଆଦିବାସୀ ହୋଇ ଥିବାରୁ ସରକାରଙ୍କ ଆମ ପ୍ରତି ନିଘା ନାହିଁ କି ଆମେ ସରକାରୀ ଯୋଜନା ଯାଣି ପାରୁନାହୁଁ ।ଏଣୁ କେଶର ପାଡି ଗାଁକୁ ସାଧାରଣ ମୌଳିକ ସୁବିଧା ସୁଯୋଗ ଯୋଗାଇ ଦେବାପାଇଁ ଗାଁ ଲୋକେ ଦାବି କରିଛନ୍ତି । ସ୍ଥାନୀୟ ସରପଞ୍ଚ ଶ୍ରୀ ପ୍ରକାଶ କରଶିକାଙ୍କୁ ଆମ ପ୍ରତିନିଧି ଯୋଗାଯୋଗ କରିବାରୁ ସରପଞ୍ଚ କୋୖଣସି ଏକ କାମରେ ବାହାରେ ଅଛନ୍ତି ବୋଲି କହିଥିଲେ ଓ ଏହିସବୁର ସ୍ଥାୟୀ ସମାଧାନ କରିବା ପାଇଁ କହିଥିଲେ।

ଷ୍ଟେରିଙ୍ଗ ଛାଡ଼ ଆନ୍ଦୋଳନ ସଫଳ…!

ଏଥର ସମ୍ଭାଳ ବ୍ୟୁରୋ (ଗୁଣପୁର)- ଗୁଣପୁରରେ ଓଡ଼ିଶା ଡ୍ରାଇଭର ଏକତା ମହାମଞ୍ଚ ପକ୍ଷରୁ ଆଜି ଷ୍ଟେରିଙ୍ଗ ଛାଡ଼,ଚକା ବନ୍ଦ ଆନ୍ଦୋଳନ ୯ ଦଫା ଦାବୀ ନେଇ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଓଡ଼ିଶା ଡ୍ରାଇଭର ମହାସଂଘ ରାଜ୍ୟବ୍ୟାପୀ ଧର୍ମଘଟ ଆନ୍ଦୋଳନ ଆରମ୍ଭ କରିଛି। ଏହାର ପ୍ରଭାବ ଗୁଣପୁର ସହରରେ ମଧ୍ୟ ଦେଖିବାକୁ ମିଳିଛି। ସଭାପତି ସନ୍ତୋଷ କୁମାର ନାୟକ, ଉପସଭାପତି ସଲମାନ୍ ଶବର, ସମ୍ପାଦକ ଦେବବ୍ରତ ପାଢ଼ୀ ନେତୃତ୍ୱରେ ଆଜି ସକାଳ ୮ ଘଣ୍ଟା ସମୟ ଠାରୁ ସ୍ଥାନୀୟ ସହରର ବାଇପାସ୍ ଓ ଏସ୍.ପି ଗୁଡ଼ା ଛକ ଠାରେ ଶତାଧୂକ ଡ୍ରାଇଭର ମାନେ ଏକତ୍ରିତ ହୋଇ ନାରାବାଜି ଦେଇ ଧର୍ମଘଟ କରୁଥିବା ଦେଖିବାକୁ ମିଳିଛି। ଏହାର ପ୍ରଭାବରେ ମୋଟର ସାଇକେଲ ଓ ଘରୋଇ କାର ଛଡା ଆଉ କୌଣସି ଗାଡି ଯାତାୟାତ କରୁନଥିବା ଦେଖିବାକୁ ମିଳିଛି। ସରକାରୀ ବସ୍ ଯାତାୟାତ କରୁଥିବା ବେଳେ ତାଙ୍କୁ ମଧ୍ଯ ସହଯୋଗ କରିବା ପାଇଁ ନିବେଦନ କରିଥିଲେ। ଏଠାରୁ ବ୍ରହ୍ମପୁର, ଭୁବନେଶ୍ବର, ବିଶାଖାପାଟଣା, ଯାଉଥୁବା ବସ୍ ଆଜି ଚକା ଜାମ ସହିତ ଯାତାୟାତ ବନ୍ଦ ରହିଛି । ଶିକ୍ଷକ ଶିକ୍ଷୟତ୍ରୀମାନେ ଅଟୋ କିମ୍ବା ବସ୍‌ ଅପେକ୍ଷା କରି କରି ନିରାସରେ ଫେରୁଥିବା ଦେଖିବାକୁ ମିଳିଛି। ସ୍କୁଲ୍ ଓ ମେଡ଼ିକାଲ ପାଇଁ ଯାଉଥିବା ଅଟୋ ଯିବା ଆସିବା କରୁଥିବା ବେଳେ ସେମାନଙ୍କୁ ସ୍ବତନ୍ନ ପ୍ରମାଣ ଦେଖୁଲା ପରେ ଛାଡୁଥିବା ଦେଖିବାକୁ ମିଳିଛି। ସରକାର ସେମାନଙ୍କର ୯ ଦଫା ସମ୍ବଳିତ ଦାବି ପୂରଣ ନ କଲେ ଆନ୍ଦୋଳନରୁ ଓହରି ନ ଯାଇ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଆନ୍ଦୋଳନ କରାଯିବ ବୋଲି ଆନ୍ଦୋଳନ କାରି ସୂଚନା ଦେଇଛନ୍ତି। ୯ ଦଫା ଦାବି ମଧ୍ୟରେ ଦୁର୍ଘଟଣା ଜନିତ ବିମା ରାଶି ଲାଗୁ କରିବା ୫୫ ବର୍ଷ ପରେ ପେନସନ ସୁବିଧା, ସ୍ଵତନ୍ତ୍ର ଡ୍ରାଇଭର ମାନଙ୍କ ନିମନ୍ତେ ଆଇନ ତିଆରି କରାଯାଉ, ୧୦୦ କିଲୋ ମିଟର ଅନୁରରେ ପାକିଂ ଓ ବିଶ୍ରାମ ସୁବିଧା, ହଇରାଣ ଡ୍ରାଇଭର ରାଜ୍ ରାସ୍ତାରେ ଡ୍ରାଇଭର ମାନଙ୍କୁ କରା ନ ଯାଉ, ଆବାସ ଯୋଜନାରେ ମାନଙ୍କୁ ୫ ଲକ୍ଷ ଟଙ୍କା ଦିଆଯାଉ, ଡ୍ରାଇଭର ମାନଙ୍କର ପିଲାମାନଙ୍କୁ ଉଚ୍ଚ ଶିକ୍ଷା ବ୍ୟବସ୍ଥା ଡ୍ରାଇଭରମାନଙ୍କ ନିମନ୍ତେ ଲାଇସେନ୍ସ ପାଇଁ ୧୫ ହଜାର ପରିବର୍ତ୍ତେ କମ୍ ମୂଲ୍ୟ ଧାର୍ଯ୍ୟ କରାଯାଉ, ଯେହେତୁ ସମସ୍ତେ ଗରିବ ଶ୍ରେଣୀର ଅଟନ୍ତି, ଡ୍ରାଇଭର ମାନଙ୍କୁ ଦ୍ୱିତୀୟ ସୈନିକ ମାନ୍ୟତା ଦିଆଯାଉ ଏହି ଭଳି ୯ ଦଫା ସମ୍ବଳିତ ଦାବି ନେଇ ଆନ୍ଦୋଳନକୁ ଉଲ୍ଲେଇଥିବା ପ୍ରକାଶ କରିଛନ୍ତି ସ୍ଥାନୀୟ ଡ୍ରାଇଭର ସଂଘର ସଭାପତି। ଏହି ଗାଡି ଚଳାଚଳ ବନ୍ଦ ଧର୍ମଘଟ ଯୋଗୁଁ ଅନେକ ଯାତ୍ରୀ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଥିବା ଦେଖିବାକୁ ମିଳିଛି ।ଡ୍ରାଇଭର ସଂଘରର ଷ୍ଟିଅରିଂ ଛାଡ ଧର୍ମଘଟକୁ ନେଇ ପ୍ରତିକ୍ରିୟା ରଖିଛନ୍ତି ବାଣିଜ୍ୟ ଓ ପରିବହନ ପ୍ରିନ୍ସିପାଲ ସେକ୍ରେଟାରୀ ଉଷା ପାଢୀ । ଆଲୋଚନା ମାଧ୍ୟମରେ ସବୁ ଦାବି ସରକାର ସମାଧାନ କରିବାକୁ ପ୍ରସ୍ତୁତ ଥିବା କହିଛନ୍ତି ବାଣିଜ୍ୟ ଓ ପରିବହନ ସଚିବ । ଡ୍ରାଇଭର ସଂଘ ସହ ପୂର୍ବରୁ ବି ଆଲୋଚନା ହୋଇଛି ଓ ଆଗକୁ ବି ବସି ଆଲୋଚନା ଜରିଆରେ ସମସ୍ୟା ସମାଧାନ ହେବ ବୋଲି କହିଛନ୍ତି ଉଷା ପାଢୀ ।

ବିଭାଗ ପକ୍ଷରୁ ଉଚ୍ଚସ୍ତରୀୟ କମିଟି ଗଠନ କରାଯାଇଛି । ଡ୍ରାଇଭର ସଂଘର ଯାହା ଦାବି ରହିଛି ସେଗୁଡିକ କମିଟିରେ ଆଲୋଚନା କରାଯିବ । ଆନ୍ଦୋଳନ ଯୋଗୁଁ ସାଧାରଣ ଲୋକ ହଇରାଣ ହରକତ ହେଉଛନ୍ତି । ଡ୍ରାଇଭର ସଂଘର ଦାବି ନେଇ ମୁଖ୍ୟମନ୍ତ୍ରୀ ସକରାତ୍ମକ ଭାବେ ଚିନ୍ତା କରୁଥିବା କହିଛନ୍ତି ମନ୍ତ୍ରୀ ଟୁକୁନି ସାହୁ ।

ଓଡ଼ିଶା ଡ୍ରାଇଭର ମହାସଂଘ ପକ୍ଷରୁ ଚକ ଅଖ ବନ୍ଦ ସହ ଧାରଣା ସଫଳ…!

!!! ରାମନାଗୁଡା ରୁ ଶୁଭଜିତ୍ ପଟ୍ଟନାୟଙ୍କ ରିପୋର୍ଟ !!!

ଏଥର ସମ୍ଭାଳ (ରାମନାଗୁଡା)- ସମଗ୍ର ରାଜ୍ୟରେ ଓଡ଼ିଶା ଡ୍ରାଇଭର ମହାସଂଘ ପକ୍ଷରୁ ରାଜ୍ୟ ବ୍ୟାପୀ ୧୦ ଦଫା ଦାବି ସମ୍ପର୍କରେ ଆଜି ଠାରୁ ତିନି ଚକିଆ ଠାରୁ ଆରମ୍ଭ କରି ସମସ୍ତ ପ୍ରକାର ଯାନବାହନ ଚଳାଚଳ ବନ୍ଦ କରିବାକୁ ଓଡ଼ିଶା ଡ୍ରାଇଭର ମହାସଂଘ ନିଷ୍ପତ୍ତି କ୍ରମେ ଡ୍ରାଇଭର ଏକତା ମହାମଞ୍ଚ ଆନୁକୂଲ୍ୟରେ ଚକ ଅଖ ବନ୍ଦ କରିବା ନିମନ୍ତେ ରାୟଗଡା ଜିଲ୍ଲା ରାମନାଗୁଡା ବ୍ଲକ ର ଓଡ଼ିଶା ଡ୍ରାଇଭର ମହାସଂଘ ପକ୍ଷରୁ ୧୦ ଦଫା ଦାବି ନେଇ ଓଡ଼ିଶା ଡ୍ରାଇଭର ମହାସଂଘର ଡ୍ରାଇଭର ମାନେ ଡ୍ରାଇଭର ମାନଙ୍କ ସୁରକ୍ଷା ସହ ସ୍ୱତନ୍ତ୍ର ଆଇନ ବ୍ୟବସ୍ଥା ଲାଗୁ କରିବା,ପ୍ରତ୍ୟେକ ୧୦୦ କିଲୋମିଟର ରେ ପାର୍କିଂ ବ୍ୟବସ୍ଥା ସହିତ ବିଶ୍ରାମ ନିମନ୍ତେ ଆଶ୍ରୟ ସ୍ଥଳୀ , ୫୫ ବର୍ଷ ବୟସ ପରେ ଭତ୍ତା ଲାଗୁ କରିବା,ଦୁର୍ଘଟଣା ରେ ମୃତ୍ୟୁ ହେଲେ ୨୦ ଲକ୍ଷ୍ ଟଙ୍କା ଏବଂ ଅକର୍ମଣ୍ୟ ହେଲେ ୧୦ ଲକ୍ଷ୍ୟ ଟଙ୍କା ର ସହାୟତା ରାଶି ପ୍ରଦାନ ଓ ଚିକିତ୍ସା ପାଇଁ ୫ଲକ୍ଷ୍ୟ ଟଙ୍କା ପ୍ରଦାନ କରିବା, ସ୍ୱତନ୍ତ୍ର ସୁରକ୍ଷା ଆଇନ ,ଆଇନ ଆଳରେ ପୋଲିସର ଅକଥନୀୟ ଅତ୍ୟାଚାର,ପରିବହନ ବିଭାଗ ର ବିଭିନ୍ନ କାର୍ଯ୍ୟ ରେ ଦେୟ ପ୍ରତି ରିହାତି ତା ସହିତ ଡ୍ରାଇଭର ମାନଙ୍କୁ ଯୋଦ୍ଧା ର ମାନ୍ୟତା, ଡ୍ରାଇଭର ମାନଙ୍କ ପିଲା ମାନଙ୍କୁ ଉଚ୍ଚ ଶିକ୍ଷା ନିମନ୍ତେ ବ୍ୟବସ୍ଥା ଲାଗୁ କରିବା, ଜନ ସାଧାରଣ ଙ୍କ ରାସ୍ତା ରୋକ ସମୟରେ ବିଭିନ୍ନ ପ୍ରକାର ସୁବିଧା ଓ ଅସୁବିଧା ସମ୍ପର୍କରେ ଦୃଷ୍ଟି ଆକର୍ଷଣ କରିବା ଆଦି ଦାବି ରହିଛି ।

ସୂଚନା ଯୋଗ୍ୟ ଯେ ଏଥି ପୂର୍ବରୁ ଓଡ଼ିଶା ଡ୍ରାଇଭର ମହାସଂଘ ପକ୍ଷରୁ ୨୦୨୧ ମସିହା ଅକ୍ଟୋବର ମାସ ୧୮ ତାରିଖରେ ନବୀନ ନିବାସ ଡ୍ରାଇଭର ମହାସଂଘ ପକ୍ଷରୁ ଘେରାଉ କରାଯାଇଥିଲା ରାଜ୍ୟ ସରକାରଙ୍କ ପକ୍ଷରୁ ୩ ମାସ ମଧ୍ୟରେ ଦାବି ଗୁଡିକ ର ସମାଧାନ କରିବା ପାଇଁ ପ୍ରତିଶ୍ରୁତି ଦିଆଯାଇଥିଲା କିନ୍ତୁ ସେମାନଙ୍କ ର ଦାବି ଗୁଡିକ ରାଜ୍ୟ ସରକାର ପୂରଣ କରି ନଥିଲେ , ସେଥିପାଇଁ ସଙ୍ଘ ତରଫରୁ ଅନିର୍ଦ୍ଦିଷ୍ଟ କାଳ ପାଇଁ ଷ୍ଟିୟରିଂ ଛାଡ଼ ଆନ୍ଦୋଳନ ଜାରି ରଖିବା ସହିତ ଚକଅଖ ବନ୍ଦ କରି ଦିବାରାତ୍ରୀ ଧାରଣା ଦେବାକୁ ନିଷ୍ପତ୍ତି ନେଇଥିବା ବେଳେ ଓଡ଼ିଶା ଡ୍ରାଇଭର ମହାସଂଘ ନିଷ୍ପତ୍ତି କ୍ରମେ ଏହି ବନ୍ଦ ଡାକରା ରେ ଆମ୍ବୁଲାନ୍ସ ସେବା ,ଅଗ୍ନିଶମ ସେବା , ଗଣମାଧ୍ୟମ, ପ୍ରଶାସନିକ ଗମନାଗମନ ଆଦି ଜରୁରୀକାଳୀନ ସେବା ଅବ୍ୟାହତ(ବାଦ)ରହିବା ନେଇ ସଙ୍ଘ ପକ୍ଷରୁ କୁହାଯାଇଛି ।ତେବେ ଧାରଣା ର ପ୍ରଥମ ଦିନରେ ରାସ୍ତାରେ ଅଟକି ରହିଥିବା ପରିବହନ ସେବା ରେ ନିୟୋଜିତ ଥିବା ଡ୍ରାଇଭର ମାନଙ୍କୁ ଖାଇବା ପ୍ରଦାନ କରାଯାଇ ଥିବା ଦେଖିବାକୁ ମିଳିଥିଲା ,ଏଥି ପାଇଁ ଡ୍ରାଇଭର ମାନଙ୍କ ଧାରଣା ର ପ୍ରଥମ ଦିନରେ ରାମନାଗୁଡା ବ୍ଲକ ର ସୁଣ୍ଡିଧାମୁଣି ପଂଚାୟତ ରେ ଡମ୍ବୁରୁ କାଡ୍ରାକା ,ପାରୀକ୍ଷିତି ରାଜେନ୍ଦ୍ର ପାତ୍ର ,ଗୁଲୁଣ୍ଠି ରମେଶ କାଡ୍ରାକା ,ଗୋଗୁପାଡୁ କରଡ଼ା ଗୁପ୍ତେଶ୍ଵର ,ଗୋସେଇଁ ଗୁଲୁମୁଣ୍ଡା ସମ୍ବରା ମୁଟୁକା ,ପେନକାମ ଲୋମନାଥ ଶବର ,ନିଲାମଗୁଡ଼ା ଓ କୁଜେନ୍ଦ୍ରୀ ହୀରାଲାଲ, ଗୁଲୁମୁଣ୍ଡା ପବିତ୍ର ଶବର ,ଉକାମ୍ବା ବାବୁଲା ଶବର ,ଭାମିନି ସନ୍ତୋଷ ପଟ୍ଟନାୟକ ପ୍ରମୁଖ ଙ୍କ ନେତୃତ୍ୱରେ ଷ୍ଟିୟରିଂ ଛାଡ଼ ଆନ୍ଦୋଳନ ସହ ଅନିର୍ଦ୍ଦିଷ୍ଟ କାଳ ପାଇଁ ଧାରଣା ଦେଇଥିଲେ । ଏହି ସମୟରେ ଶତାଧିକ ଡ୍ରାଇଭର ଙ୍କ ସମେତ ଓଡ଼ିଶା ଡ୍ରାଇଭର ମହାସଂଘ ରାମନାଗୁଡା ଶାଖାର ସଭାପତି ଅଭିମନ୍ୟୁ ମୁଟିକା ,ଉପ ସଭାପତି ଗୋବିନ୍ଦ ବଡ଼ ଦଳେଇ ,ସମ୍ପାଦକ ଶିବ ପ୍ରସାଦ ମୁଟିକା, ସହ ସମ୍ପାଦକ ପ୍ରତାପ ତୋଇକା ,କୋଷାଧ୍ୟକ୍ଷ ନନ୍ଦ କିଶୋର ଚିନ୍ନାରି ସହ କୋଷାଧ୍ୟକ୍ଷ ରଞ୍ଜିତ ମୁଟିକା ,ପ୍ରମୁଖ ଉପସ୍ଥିତ ରହି ରାମନାଗୁଡା ବ୍ଲକ ଅଧିନସ୍ତ ସମସ୍ତ ପଂଚାୟତ ଗସ୍ତ କରି ଧାରଣା ର ତଦାରଖ କରିଥିଲେ ।