ରାମନାଗୁଡା ଯୁଗ୍ମ ଅଭିଯୋଗ ଶୁଣାଣୀ ଅନୁଷ୍ଠିତ…!

!!! ରାମନାଗୁଡା ରୁ ଶୁଭଜିତ୍ ପଟ୍ଟନାୟକ ଙ୍କ ରିପୋର୍ଟ !!!

ଏଥର ସମ୍ଭାଳ (ରାମନାଗୁଡା)-ରାୟଗଡା ଜିଲ୍ଲା ପ୍ରଶାସନ ତରଫରୁ ରାମନାଗୁଡା ବ୍ଲକ ରେ ଗା ପଞ୍ଚାୟତ ସମିତି କାର୍ଯ୍ୟାଳୟ ସଡ୍ଦ୍ଭାବନା କକ୍ଷ ରେ ଜିଲ୍ଲାପାଳ ଙ୍କ ଯୁଗ୍ମ ଅଭିଯୋଗ ଶୁଣାଣୀ ଅନୁଷ୍ଠିତ ହୋଇଯାଇଛି । ଏହି ଅଭିଯୋଗ ଶୁଣାଣୀ କାର୍ଯ୍ୟକ୍ରମରେ ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଅଧିକାରୀ ରବି ନାରାୟଣ ତ୍ରିପାଠୀ, ଗୁଣୁପୁର ଉପ ଜିଲ୍ଲାପାଳ ଲଳିତ କୁମାର କହଁର, ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଡାକ୍ତର ଲlଲମୋହନ ରାଉତରାୟ, ଡେପୁଟି କଲେକ୍ଟର ଅନ୍ୱେଷା ଦାଶ ,ଗୁଣୁପୁର ଏସ୍ଡିପିଓ ବିକାଶ ବେହୁରା ପ୍ରମୁଖ ମଞ୍ଚାସୀନ ଥିବା ବେଳେ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ବସନ୍ତ ପ୍ରଧାନ, ଜିଲ୍ଲା ସମାଜ ମଙ୍ଗଳ ଅଧିକାରୀ ଯାଜ୍ଞସେନୀ ବେହେରା ,ଗୋଷ୍ଠୀ ଉନ୍ନୟନ ଅଧିକାରୀ ପ୍ରଭାତୀ ଝୋଡିଆ , ତହସିଲଦାର ନିର୍ମଳ ଚନ୍ଦ୍ର ସାହୁ ,ରାମନାଗୁଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଭାରପ୍ରାପ୍ତ ଚିକିତ୍ସା ଅଧିକାରୀ ସୌରଭ ମହାପାତ୍ର, ଥାନା ଅଧିକାରୀ ସୁନିତା ବେହେରା, ଯୋଗାଣ ନିରୀକ୍ଷକ ସିପ୍ରା ସାମଲ, ବିପିଏମ ଯସ୍ମୀନ ମୁଟିକା, ରାମନାଗୁଡା ବନଖଣ୍ଡ ଅଧିକାରୀ ନରେନ୍ଦ୍ର ଗମାଙ୍ଗ , ସହକାରୀ ନିର୍ବାହୀ ଯନ୍ତ୍ରୀ ରାକେଶ କୁମାର ସାହୁ, ସହକାରୀ ଯନ୍ତ୍ରୀ ପ୍ରତାପ କୁମାର ମିଶ୍ର ସମେତ ଅନ୍ୟାନ୍ୟ ଅଧିକାରୀ ଉପସ୍ଥିତ ରହି ଅଭିଯୋଗ ଗୁଡିକର ଶୁଣାଣୀ କରିଥିଲେ । ମୋଟ ୨୬ଟି ଅଭିଯୋଗ ପଞ୍ଜିକରଣ କରାଯାଇଥିଲା ସେଥି ମଧ୍ୟରୁ ୧୮ଟି ବ୍ୟକ୍ତିଗତ ଅଭିଯୋଗ ଥିଲା ବେଳେ ୦୮ ଗୋଟି ସାମୁହିକ ଭାବେ ଅଭିଯୋଗ ପଞ୍ଜିକରଣ ହୋଇଥିଲା । ଏହି ଅଭିଯୋଗ ଶୁଣାଣି ରେ ଜିଲ୍ଲାପାଳ ଅନୁପସ୍ଥିତ ଥିବାରୁ ଅଭିଯୋଗ ର ସମାଧାନ ହୋଇନପାରିବାରୁ ଅଭିଯୋଗକାରୀ ଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା । ସେହିପରି ଏହି ଶୁଣାଣି ରେ କାହାକୁ ଅର୍ଥରାଶି ପ୍ରଦାନ କରାଯାଇନଥିଲା ।ଉକ୍ତ କାର୍ଯ୍ୟକ୍ରମରେ ରାମନାଗୁଡା ଥାନା ଅଧିକାରୀ ସୁଶ୍ରୀ ସୁନିତା ବେହେରା ଉପସ୍ଥିତ ରହି ଶାନ୍ତି ଶୃଙ୍ଖଳା ରକ୍ଷା କରିଥିଲେ ।

ମିଶନ ଶକ୍ତି ଗୃହ ଉଦ୍ଘାଟନ କଲେ ବିଧାୟକ …!

!!! ରାମନାଗୁଡା ରୁ ଶୁଭଜିତ୍ ପଟ୍ଟନାୟକ ଙ୍କ ରିପୋର୍ଟ !!!

ଏଥର ସମ୍ଭାଳ (ରାମନାଗୁଡା)- ରାୟଗଡ଼ା ଜିଲ୍ଲା ରାମନାଗୁଡା ବ୍ଲକ ଅନ୍ତର୍ଗତ ପଂଚାୟତ ସମିତି କାର୍ଯ୍ୟାଳୟ ପରିସରରେ ଥିବା ସମନ୍ୱିତ ଶିଶୁ ବିକାଶ ଯୋଜନା କାର୍ଯ୍ୟାଳୟ ଏବଂ ମିଶନ ଶକ୍ତି ନୂତନ କୋଠା ମୁଖ୍ୟ ଅତିଥି ଭାବେ ଯୋଗଦେଇ ଗୁଣୁପୁର ବିଧାୟକ ରଘୁନାଥ ଗମାଙ୍ଗ ଉଦଘାଟିତ କରିଥିବା ବେଳେ ସମ୍ମାନିତ ଅତିଥି ରୂପେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ଉପଦେଷ୍ଟା ସୁଧୀର କୁମାର ଦାଶ ,ଜିଲ୍ଲା ଆରକ୍ଷୀ ଅଧିକ୍ଷକ ବିବେକାନନ୍ଦ ଶର୍ମା ,ଗୋଷ୍ଠୀ ଉନ୍ନୟନ ଅଧିକାରୀ ପ୍ରଭାତୀ ଝୋଡିଆ ଯୋଗ ଦେଇଥିଲେ ।ଏହି ଉଦ୍ ଘାଟନ ଉତ୍ସବ ରେ ଗୁଣୁପୁର ଉପ ଜିଲ୍ଲାପାଳ ଲଳିତ କୁମାର କହଁର, ଗୁଣୁପୁର ଏସ୍ଡିପିଓ ବିକାଶ ବେହୁରା, ଜିଲ୍ଲା ସମାଜ ମଙ୍ଗଳ ଅଧିକାରୀ ଜାଜ୍ଞସେନି ବେହେରା, ଡେପୁଟି କଲେକ୍ଟର ଅନ୍ୱେଷା ଦାଶ, ଥାନା ଅଧିକାରୀ ସୁଶ୍ରୀ ସୁନିତା ବେହେରା ,ଓଡ଼ିଶା ଜୀବିକା ମିଶନ ବିପିଏମ୍ ଯସ୍ମୀନ ମୁଟିକା ଙ୍କ ସହ ବିଜେଡି ଜିଲ୍ଲା ସମ୍ପାଦକ ଗଗନ ବିହାରୀ ଆଚାର୍ଯ୍ୟ, ସୁଣ୍ଡି ଧାମୁଣି ସମିତି ସଭ୍ୟ କମଳ ଲୋଚନ ମୁଟିକା, ରାମନାଗୁଡା ବିଜୁ ଯୁବ ଜନତା ଦଳ ସଭାପତି ସଞ୍ଜୟ କୁମାର ପ୍ରଧାନ, ଅମିତ କୁମାର ମହାରଣା ,ପାରୀକ୍ଷିତି ସମିତି ସଭ୍ୟା ଲଷ୍ମୀ କାଡ୍ରାକା, ପ୍ରମୁଖ ଯୋଗ ଦେଇଥିଲେ ।

ମିଶନ ଶକ୍ତି ଗୃହ ହେବା ଦ୍ଵାର ସ୍ୱୟଂ ସହାୟକ ଗୋଷ୍ଠୀ ମହିଳା ମାନେ ସ୍ୱାବଲମ୍ବୀ ହେବା ସକାଶେ ମହାସଂଘ ପକ୍ଷରୁ ବିଭିନ୍ନ ପ୍ରକାର ତାଲିମ, ମିଟିଂ,ଅଫିସ କାର୍ଯ୍ୟ ଗୁଡ଼ିକ ର ସମୀକ୍ଷା,ସହ ଉତ୍ପାଦିତ ଏବଂ ତିଆରି କରିବା ଜିନିଷ ର ବିକ୍ରିବଟା ବ୍ୟବସ୍ଥା କରାଯିବ ବୋଲି ସୁଧୀର କୁମାର ଦାସ ସୂଚନା ଦେଇଥିଲେ ।ଏହା ପୂର୍ବ ରୁ ବିରାଟ ପଟୁଆରେ ଆସିଥିବା ସମସ୍ତ ଅତିଥି। ଙ୍କୁ ବାଜା ବଜାଇ ଫୁଲ ତୋଡା ଦେଇ ସ୍ବାଗତ କରିଥିଲେ।ଏହି ସମୟ ରେ ଗଗନ ଆଚାର୍ଯ୍ୟ ଙ୍କ ସହ ଅନେକ ବିଜେଡି ଦଳରେ ନେତା ମାନେ ଉପସ୍ଥିତ ରହିଥିଲେ ,ଉକ୍ତ କାର୍ଯ୍ୟକ୍ରମରେ ରାମନାଗୁଡା ଥାନା ଅଧିକାରୀ ସୁଶ୍ରୀ ବେହେରା ସଦଳବଳେ ଉପସ୍ଥିତ ରହି ଶାନ୍ତି ଶୃଙ୍ଖଳା ରକ୍ଷା କରିଥିଲେ ।

ଜିଲ୍ଲା ଯୋଜନା ବୋର୍ଡ ବୈଠକକୁ ନେଇ ନରସିଂହଙ୍କ ସାମ୍ବାଦିକ ସମ୍ମିଳନୀ…!

!!! ବଲାଙ୍ଗୀର ରୁ ଜିତେଶ ଶତପଥୀଙ୍କ ରିପୋର୍ଟ !!!

ଏଥର ସମ୍ଭାଳ (ବଲାଙ୍ଗିର)- ବଲାଙ୍ଗୀର ସଦର ବିଧାୟକ ଶ୍ରୀଯୁକ୍ତ ନରସିଂହ ମିଶ୍ର ଆଜି ସ୍ଥାନୀୟ ଏକ ଘରୋଇ ହୋଟେଲ ସଭାଗୃହ ଠାରେ ସାମ୍ବାଦିକ ସମ୍ମିଳନୀ ଆଯୋଜନ କରିଥିଲେ। ପ୍ରଥମରୁ ବଲାଙ୍ଗୀର ବିକାଶ ପାଇଁ ବର୍ଷକ ଥରେ କିମ୍ବା ତା ଠାରୁ ଉର୍ଦ୍ଧ୍ବ ଜିଲ୍ଲା ଯୋଜନା ବୋର୍ଡ ବୈଠକ ବସିବା କଥା କିନ୍ତୁ ତାହା ବିଗତ ୪ ବର୍ଷ ପରେ ବସିଲା। ଜିଲ୍ଲାପାଳଙ୍କୁ ଏ ବିଷୟରେ ଅବଗତ କରିବା ଦ୍ବାରା ସେ ମହାମାରୀ କରୋନା ପାଇଁ ଏହି ବୈଠକ ହୋଇ ପାରୁ ନ ଥିବା ଦର୍ଶାଇଥିଲେ। ସରକାରଙ୍କ ଦଳର ପୌରପରିଷଦ ଅଧ୍ୟକ୍ଷା ଠାରୁ ଜିଲ୍ଲାପରିଷଦ ଅଧ୍ୟକ୍ଷା ସମେତ ବ୍ଳକ୍ ଅଧ୍ୟକ୍ଷା ,ଅଧ୍ୟକ୍ଷ , ସରପଞ୍ଚ ଓ ଜିଲ୍ଲାପରିଷଦ ସଭ୍ୟ ରହିଛନ୍ତି।ତଥାପି ଯୋଜନା ବୋର୍ଡ ବୈଠକ ବସି ପାରୁନାହିଁ। ଳୋୟରଶୁକତେଳ ପ୍ରକଳ୍ପ ଠାରୁ ଆରମ୍ଭ କରି ବିଭିନ୍ନ ବିକାଶ ମୂଳକ କାର୍ଯ୍ୟ ସମୟ ସୀମା ମଧ୍ୟରେ ସମ୍ପୂର୍ଣ୍ଣ ହୋଇ ପାରୁ ନାହିଁ। ମୂଖ୍ୟ ଡାକ୍ତର ଖାନା ସମେତ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ମାନକୁ ଡାକ୍ତର ଶୂନ୍ୟ। ରୋଗୀ ମାନେ ବଲାଙ୍ଗୀର ଭୀମଭୋଇ ମେଡିକାଲ କଲେଜ ବା ହସ୍ପିଟାଲକୁ ଗଲେ ସାଧାରଣ ରୁ ସାଧାରଣ ରୋଗ ପାଇଁ ବୁର୍ଲା ହସ୍ପିଟାଲକୁ ସ୍ଥାନାନ୍ତରିତ କରୁଛନ୍ତି। ରାଜ୍ୟ ସରକାରଙ୍କୁ ବଲାଙ୍ଗୀର ଜିଲ୍ଲାରେ କଳକାରଖାନା ପ୍ରତିଷ୍ଠା କରିବା ପାଇଁ ବାରମ୍ବାର ଦାବି ଉପସ୍ଥାପନ କରୁଅଛି। ଟେକ୍ ଷ୍ଟାଇଲ ଫେକ୍ଟ୍ରି ଓ ବିଜୟା ନନ୍ଦ ଚିନି କଳକୁ ପୁନ୍ନ ଉଦ୍ଧାର କରା ଯାଇ ଚାଷୀ ମାନଙ୍କ ମେରୁଦଣ୍ଡ ସବଳ କରିବା ଓ ନିୟୁକ୍ତି ର ସୁଯୋଗ ସୃଷ୍ଟି କରିବା ପାଇଁ ସୁଯୋଗ ରହିଛି। ଦାଦନ ପ୍ରବଣ ଜିଲ୍ଲା ରେ କିଛି ମାତ୍ରାରେ ରୋକିବାରେ ସହାୟତା ହେବ। ଜିଲ୍ଲାର ସମସ୍ତ ପର୍ଯଟନ ସ୍ଥଳୀ ହରିଶଙ୍କର ହେଉ କି ରାଣୀପୁର ଝରିଏଲ କିମ୍ବା ଭୀମ ଡୁଙ୍ଗୁରି କୁ ବିକାଶ କରାଯାଉ। ଲୋକଙ୍କ ଆର୍ଥିକ ସଦୃଢ ହେବ। ମାଁ ସମଲେଶ୍ବରୀ ମନ୍ଦିର ପୁନଃ ଉଦ୍ଧାର କରିବା ପାଇଁ ରାଜ୍ୟ ସରକାରଙ୍କୁ ୫୦୦ କୋଟି ଅନୁଦାନ ପାଇଁ ଦାବି ରଖିଛି। ପୁରୀ ଓ ଭୂବନେଶ୍ବର ଠାରେ କୋଟି କୋଟି ଟଙ୍କା ର ଅନୁଦାନ ପ୍ରଦାନ କରାଯାଉଛି କିନ୍ତୁ ବଲାଙ୍ଗୀର ପାଇଁ ଅନୁଦାନ ଶୁନ୍ଯ ରହିବା ଦୁର୍ଭାଗ୍ୟ ବିଷୟ ସେଥିପାଇଁ ସ୍ୱତନ୍ତ୍ର ରାଜ୍ୟ ପାଇଁ ମୁଣ୍ଡ ଟେକିବା ସ୍ୱଭାବିକ। ଆଗାମୀ ବିଧାନସଭା ରେ ବଲାଙ୍ଗୀର ଠାରେ ଏକ ଇଞ୍ଜିନିୟରିଂ କଲେଜ ପାଇଁ ଦାବି ଉପସ୍ଥାପନ କରିବି ବୋଲି ମତ ରଖିଥିଲେ।ସଂସ୍କୃତି ଭବନ ଲୋକାର୍ପଣ ସମୟରେ ଘଟିଥିବା ଏକ ଘଟଣାକୁ ନେଇ ସାମ୍ବାଦିକଙ୍କ ପ୍ରଶ୍ନର ଉତ୍ତର ଦେଇ ଶ୍ରୀ ମିଶ୍ର ଏହାକୁ ନେଇ କୌଣସି ବିଶେଷ ପ୍ରତିକ୍ରିୟା ଦିଆଯାଇ ପାରିବନାହିଁ ବୋଲି କହିଥିଲେ । ଆଜିର ଏହି ସମ୍ବାଦିକ ସମ୍ମିଳନୀରେ ଜିଲ୍ଲା କଂଗ୍ରେସ ସଭାପତି ଦିଲୀପ ବେହେରା ମଞ୍ଚାସୀନ ଥିବା ବେଳେ ଅନେକ କାର୍ଯ୍ୟକର୍ତ୍ତା ଉପସ୍ଥିତ ଥିଲେ ।

ମହିଳା ସଶକ୍ତିକରଣ ସଚେତନତା ଶିବିର ଅନୁଷ୍ଠିତ…!

ଏଥର ସମ୍ଭାଳ ବ୍ୟୁରୋ(ଗୁଣୁପୁର)- ରାୟଗଡା ଜିଲ୍ଲା ଗୁଣୁପୁର ବ୍ଲକ ସଦଭାବନା ଗୃହ ରେ ଜାତୀୟ ମହିଳା କମିଶନ ଜାତୀୟ ତାଳୁକ ଲିଗାଲ ଏଥରିଟି ଏବଂ ଭାରତ ସରକାର ଙ୍କ ମହିଳା ଏବଂ ଶିଶୁ ମନ୍ତ୍ରଣାଳୟ ର ସାହାରା ପରିବାର ପରାମର୍ଶ କେନ୍ଦ୍ର ର ମିଳିତ ଆନୁକୂଲ୍ୟରେ ରେ ମହିଳା ସଶକ୍ତିକରଣ ଏବଂ ତତ ସମ୍ବନ୍ଧୀୟ ଆଇନ ଉପରେ ଏକ ସଚେତନତା ଶିବିର ଅନୁଷ୍ଠିତ ହୋଇ ଯାଇଛି ।ଏହି ଅବସରରେ ଆୟୋଜିତ ଏକ ସଭାରେ ଅତିରିକ୍ତ ଜିଲ୍ଲା ଦୌରା ଜର୍ଜ ମାନସ ରଞ୍ଜନ ରଥ ଅଧକ୍ଷତା କରିଥିବା ବେଳେ ସବଜର୍ଜ ସନ୍ତୋଷ କୁମାର ମହାପାତ୍ର ଏସ ଡି ଜେ ଏମ ଶାନ୍ତଶ୍ରୀ ମହାନ୍ତି ପ୍ରଥମ ଶ୍ରେଣୀ ବିଚାରପତି ଦେବ ସଂପ୍ରିୟ ନଂଦ ଅତିଥି ଭାବେ ଯୋଗ ଦେଇ ଥିଲେ । ଅନ୍ୟ ମାନଙ୍କ ମଧ୍ୟ ରେ ଓକିଲ ସଂଘ ସଭାପତି ବ୍ରହ୍ମାନନ୍ଦ ପଟନାୟକ ଏବଂ ସାହାରା ପରିବାର ପରାମର୍ଶ କେନ୍ଦ୍ର ର ସଭାପତି ପ୍ରମୋଦ କୁମାର ସାହୁ ଯୋଗ ଦେଇ ମହିଳା ସଶକ୍ତିକରଣ ଏବଂ ମହିଳା ଆଇନ ଉପରେ ଆଲୋକପାତ କରିଥିଲେ ଚେତନା ଶିବିରରେ ସ୍ଥାନୀୟ ବରିଷ୍ଠ ଆଇନଜୀବି ଉମା ଚରଣ ପଟନାୟକ ଏବଂ ସସ୍ମିତା ପାତ୍ର ଯୋଗଦେଇ ମହିଳା ଏବଂ ତତ ସମ୍ବନ୍ଧିନୀୟ ବିଭିନ୍ନ ଆଇନ ଉପରେ ବୁଝାଇ ଥିଲେ । ଶିବିର ରେ ବ୍ଲକ ର ଶତାଧିକ ମହିଳା ଗ୍ରୁପ ର ସଦସ୍ୟ ଅଙ୍ଗନବାଡି ମା ଏବଂ ଆଶା କର୍ମୀ ଯୋଗ ଦେଇ ଥିଲେ । ଏହି କାର୍ଯ୍ୟକ୍ରମ ରେପ୍ରଥମ ଶ୍ରେଣୀ ବିଚାରପତି ଦେବ ସଂପ୍ରିୟା ନଂଦ ଦେଇ ସ୍ଵାଗତ ଭାଷଣ ଦେବା ସହ ଧନ୍ୟବାଦ୍ ଅର୍ପଣ କରିଥିଲେ ।

ରାଜ୍ୟରେ ହେବ ଆଉ ଏକ ଜିଲ୍ଲା …!

ଏଥର ସମ୍ଭାଳ ବ୍ୟୁରୋ(ଭୁବନେଶ୍ୱର) – ଖୁବଶୀଘ୍ର ପଦ୍ମପୁର ବାସିନ୍ଦାଙ୍କୁ ମିଳିବ ନୂଆ ଜିଲ୍ଲାର ମାନ୍ୟତା। ନୂଆ ଜିଲ୍ଲାର ମାନ୍ୟତା ନେଇ ମୁଖ୍ୟମନ୍ତ୍ରୀ ଝାରବନ୍ଧା ଗ୍ରସ୍ତ କରିଛନ୍ତି । ଜିଲ୍ଲାବାସୀଙ୍କୁ ଦେଇଥିବା ପୂର୍ବ ପ୍ରତିଶ୍ରୁତି ପୂରଣ କରିବାକୁ ମୁଖ୍ୟମନ୍ତ୍ରୀ ସେଠାରେ ପହଂଚିଛନ୍ତି । ତେଣୁ ଏକ ସ୍ୱତନ୍ତ୍ର ହେଲିକପ୍ଟରରେ ଝାରବନ୍ଧ ଯାତ୍ରା କରିଛନ୍ତି । ଉପନିର୍ବାଚନ ସମୟରେ ମୁଖ୍ୟମନ୍ତ୍ରୀ ଦେଇଥିବା ପ୍ରତିଶ୍ରୁତି ରକ୍ଷା କରି ପଦ୍ମପୁର ଆସିଥିବାରୁ ଲୋକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି। ସବୁଠି ନବୀନଙ୍କ ଜୟ ଜୟ ଧ୍ୱନି ଶୁଣିବାକୁ ମିଳୁଛି। ଦିନ ୧୧ଟାରେ ବରଗଡ଼ରେ ମୁଖ୍ୟମନ୍ତ୍ରୀ ପହଞ୍ଚିବା ପରେ ସାଢେ ୧୧ଟାରେ ଝାରବନ୍ଧ କାର୍ଯ୍ୟକ୍ରମ ସ୍ଥଳରେ ପହଞ୍ଚିଛନ୍ତି । ଝାରବନ୍ଧା ସଭାସ୍ଥଳରେ ମୁଖ୍ୟମନ୍ତ୍ରୀଙ୍କୁ ସମ୍ବୋଧନ କରାଯାଇଛି । ବର୍ଷକ ମଧ୍ୟରେ ପଦ୍ମପୁର ଜିଲ୍ଲା ଘୋଷଣା ହେବ ବୋଲି ମୁଖ୍ୟମନ୍ତ୍ରୀ କହିଛନ୍ତି । ଏହାସହ ବିଭିନ୍ନ ପ୍ରକଳ୍ପ ନେଇ ମଧ୍ୟ ସେ ଘୋଷଣା କରିଛନ୍ତି ।

ମହେନ୍ଦ୍ରଗିରି ରେ ଭକ୍ତ ପାଳିଲେ ଶିବରାତ୍ରୀ …!

!!! ପାରଳାଖେମୁଣ୍ଡି ରୁ ସନ୍ତୋଷ ପାଟ ଯୋଶୀ ଙ୍କ ରିପୋର୍ଟ !!!

ଏଥର ସମ୍ଭାଳ(ପାରଳାଖେମୁଣ୍ଡି)- ତିନି ବର୍ଷ ପରେ ଗଜପତି ଜିଲ୍ଲା ରାୟଗଡ଼ ବ୍ଲକ ଅନ୍ତର୍ଗତ ପବିତ୍ର ମହେନ୍ଦ୍ରଗିରି ଶିଖର ଠାରେ ମହାଶିବରାତ୍ର ଉତ୍ସବ ଧୁମ୍ ଧାମରେ ପାଳନ ହୋଇଯାଇଛି । ପରମ୍ପରା ଅନୁଯାୟୀ ଏହିବର୍ଷ ମହେନ୍ଦ୍ରଗିରି ଉତ୍ସବ ମହାଶିବାତ୍ରି ର ପୂର୍ବ ଦିନରେ ଜାଗର ଅନୁଷ୍ଠିତ ହୋଇଯାଇଛି।ଏଠାରେ ଗଂଜାମ,ଗଜପତି, ରାୟଗଡ଼ ଜିଲ୍ଲା ଓ ଆନ୍ଧ୍ର ପ୍ରଦେଶର ପ୍ରାୟ ୫୦ହଜାର ରୁ ଉର୍ଦ୍ଧ ଭକ୍ତ ଙ୍କ ସମାଗମ ହୋଇଥିଲା । ଗଞ୍ଜାମ ଜିଲ୍ଲାର ତୁମ୍ବା ଠାରୁ ବୁରୋଖତ ଯାଏଁ ଓ ଗଜପତି ଜିଲ୍ଲାର କୋଇଁପୁର ଠାରୁ ବୁରୋଖତ ଯାଏଁ ରହିଥିବା ଗ୍ରାମଗୁଡିକରେ ଆସୁଥିବା ଭକ୍ତ ଙ୍କ ସମାଗମ ଏଠାରେ ହୋଇଥାଏ ।ଭକ୍ତ ମାନେ ଯେ କୌଣସି ଗାଡ଼ି ରେ ଏହି ସ୍ଥାନକୁ ଆସିଥାନ୍ତି।ବୁରୋଖତ ଠାରୁ ମହେନ୍ଦ୍ରଗିରି ଶିଖର ଦୀର୍ଘ ୭ କିଲୋମିଟର ରାସ୍ତା ପାଦରେ ଚାଲି ଚାଲି ଯିବାକୁ ପଡ଼ିଥାଏ । ଉକ୍ତ ୭ କିଲୋମିଟର ରାସ୍ତା ପକ୍କା ରାସ୍ତା ନିର୍ମାଣ ହୋଇ ଥିଲେ ମଧ୍ଯ ବୁଲାଣି ଓ ଘାଟି ରାସ୍ତା ଯୋଗୁଁ ହଜାର ହଜାର ଭକ୍ତ ଙ୍କ ସମାଗମ ହେଉଥିବା ବେଳେ ଖାଲି ସରକାରୀ କାର୍ଯ୍ୟ ରେ ନିୟୋଜିତ ଗାଡ଼ିକୁ ହିଁ ଯିବା ଆସିବା କରିବାପାଇଁ ଅନୁମତି ରହି ଥାଏ । ଶାନ୍ତିସୁରକ୍ଷା ଓ ଅବାଧ ପ୍ରବେଶ କୁ ରୋକିବା ପାଇଁ ବୁରୋଖତ ଠାରେ ପୁଲିସ କ୍ୟାମ୍ପ କରି ଜଗି ରହିଥିଲେ । ମହେନ୍ଦ୍ରଗିରି ଉତ୍ସବ ପାଇଁ ପୁର୍ବ ପ୍ରସ୍ତୁତି ଅନୁଯାୟୀ ପାନୀୟ ଜଳ, ରାସ୍ତା ଓ ମନ୍ଦିର ଗୁଡିକରେ ଆଲୋକ ର ବ୍ୟବସ୍ଥା ସହ ଅନ୍ୟାନ୍ୟ ବ୍ୟବସ୍ଥା ସକାଶେ ଜିଲ୍ଲାପାଳ ଲିଙ୍ଗରାଜ ପଣ୍ଡା ଙ୍କ ନିର୍ଦ୍ଦେଶ କ୍ରମେ ସବ୍ କଲେକ୍ଟର ଆଲୋକ ରଂଜନ ଓ ରାୟଗଡ଼ ବ୍ଳକ୍ର ବିଡିଓ ରାଜା ରଂଜିତ ପ୍ରତାପ ବଳ, ତହସିଲଦାର ଲୀଳାବତୀ ଆଚାର୍ଜୀ ଓ ଅନ୍ୟ ଅଧିକାରୀ ମାନେ ଉପସ୍ଥିତ ରହି ଭକ୍ତ ମନ୍ଦିର ଦର୍ଶନ ସକାଶେ ସମସ୍ତ ବ୍ୟବସ୍ଥା କରିଥିଲେ। କୁନ୍ତି, ଯୁଧିଷ୍ଟିର ଓ ଭୀମ, ଅର୍ଜୁନ ମନ୍ଦିର ଦର୍ଶନ ପାଇଁ ଟିକେଟ ବିକ୍ରି କରି ଧାଡ଼ିରେ ଭକ୍ତମାନେ ଆସି ଦର୍ଶନ କରିବା ପାଇଁ ବ୍ୟବସ୍ଥା କରଯାଇଥିଲା। ମନ୍ଦିର ଦର୍ଶନ ଓ ପାହାଡ ଉପରେ ଭକ୍ତଙ୍କ ରାତ୍ରି ରହିବା ପାଇଁ ଜେନେରେଟର ଲଗାଇ ଲାଇଟ ର ବ୍ୟବସ୍ଥା କରଯାଇଥିଲା। ଏଠାକାର ସୂର୍ଯ୍ୟ ଉଦୟ ଦୃଶ୍ୟ ଏକ ନିଆରା। ସୂର୍ଯ୍ୟ ଉଦୟ ଦୃଶ୍ୟ ଦେଖିବାକୁ ହଜାର ହଜାର ଭକ୍ତ ଏଠାରେ ଭୋରୋରୁ ଜଗି ବସିଥାନ୍ତି। ସୂର୍ଯ୍ୟ ଉଦୟ ହେବାମାତ୍ରେ ଭକ୍ତ ମାନେ ହରିବୋଲ ହୁଳହୁଳି ଦେଇ ସୂର୍ଯ୍ୟ ଙ୍କୁ ପୂଜାର୍ଚ୍ଚନା କରିଥାନ୍ତି। ଉତ୍ସବ ପାଇଁ ଜିଲ୍ଲାପାଳ ଲିଙ୍ଗରାଜ ପଣ୍ଡା ଓ ଶାନ୍ତି ସୁରକ୍ଷା ପାଇଁ ଗଜପତି ଏସପି ସ୍ଵାତୀ ଏସ କୁମାର ଉପସ୍ଥିତ ରହି ପରିସ୍ଥିତି ଉପରେ ଅନୁଧ୍ୟାନ କରି ଥିଲେ। ଶାନ୍ତି ସୁରକ୍ଷା ପାଇଁ ବିଭିନ୍ନ ପୋଲିସ ଅଧିକାରୀଙ୍କ ନେତୃତ୍ବରେ ୧୭ ସେକ୍ସନ ଫୋର୍ସ, ୧୦୦ ହୋମଗାର୍ଡ ମିଶି ମୋଟ ୪୫୦ ଜଣ ପୁଲିସ ଅଧିକାରୀ ଓ ପୁଲିସ ମୂତୟନ ଥିଲେ। ସିହିଭଳି ରାୟଗଡ଼ ବ୍ଲକ ରେ ଥିବା ଶିବ ମନ୍ଦିର ହାଟପଦା ମଦିର, ତୁମ୍ବାଶିଲ, ନାରାୟଣପୁର, ଜୀରାଙ୍ଗ, କୋଇଁପୁର୍ ଆଦି ଗ୍ରାମରେ ଥିବା ଶିବ ମନ୍ଦିର ଗୁଡିକରେ ଶିବରାତ୍ରି ଦିନ ସକାଳୁ ସକାଳୁ ଭକ୍ତ ମାନଙ୍କ ଗହଳି ଜମିଥିଲା । ମଧ୍ୟରାତ୍ରରେ ପ୍ରତି ଶିବ ମନ୍ଦିରରେ ମହାଦୀପ ଉଠିଥିଲା ।