ହିନ୍ଦୁ ସମ୍ମିଳନୀରେ ଡାକରା ସ୍ବଧର୍ମକୁ ଫେରି ଆସ ।
ଏଥର ସମ୍ଭାଳ ବ୍ୟୁରୋ (ମୁନିଗୁଡ଼ା) : ରାୟଗଡ ଜିଲ୍ଲା ମୁନିଗୁଡ଼ା ବ୍ଲକ୍ ସ୍ଥ ଲକ୍ଷ୍ମୀପୂଜା ପଡିଆ ଠାରେ ଆୟୋଜିତ ବିଶାଳ ହିନ୍ଦୁ ସମ୍ମିଳନୀ କୁ ଉଦବୋଧନ କରି ପୁରୀ ଗୋବର୍ଦ୍ଧନ ପୀଠର ପିଠାଧୀଶ ଜଗତ ଗୁରୁ ଶଙ୍କରାଚାର୍ଯ୍ୟ ହିନ୍ଦୁ ଧର୍ମର ସୁରକ୍ଷା ଓ ସମୃଦ୍ଧ ହିନ୍ଦୁ ରାଷ୍ଟ୍ର ଗଠନ ନିମନ୍ତେ ଶଙ୍ଖ ନାଦ କରି ଧର୍ମାନ୍ଧିକରଣ ହୋଇଥିବା ପରିବାର ଙ୍କୁ ସ୍ଵଧର୍ମ କୁ ଫେରି ଆସିବାକୁ ଡକରା ଦେଇଛନ୍ତି । ଜଗତ ଗୁରୁ ମୁନିଗୁଡ଼ା ଠାରେ ପହଞ୍ଚିବା ପରେ ସ୍ଥାନୀୟ ଅଞ୍ଚଳ ବାସୀ ଏବଂ ସମ୍ମିଳନୀରେ ଯୋଗ ଦେବାକୁ ଆସିଥିବା ବିଭିନ୍ନ ହିନ୍ଦୁ ଧର୍ମ ସଂଗଠନ ପକ୍ଷରୁ ଗୁରୁଙ୍କୁ ଶଙ୍ଖ, ହୁଳହୁଳି,ଘଣ୍ଟ ଓ ହରିବୋଲ ମଧ୍ୟରେ ଭବ୍ୟ ସ୍ଵାଗତ ସମ୍ବର୍ଦ୍ଧନା ଜଣାଇଥିଲେ ।ଜଗତ ଗୁରୁ ଶଙ୍କରାଚାର୍ଯ୍ୟ ଧର୍ମ ସଭାରେ ପହଞ୍ଚିବା ବେଳେ ତାଙ୍କ ସହିତ ମିନଝୁଲା ଜନକଲ୍ୟାଣ ଆଶ୍ରମ,ଦେବଗିରୀ ଆଶ୍ରମ,ମହେନ୍ଦ୍ରଗିରି ଆଶ୍ରମ ଏବଂ ଆଦିତ୍ୟ ବାହିନୀ ର ମୁଖ୍ୟ ପୁରଧା ତପସ୍ୱୀ କ୍ରିୟା ଯୋଗୀ ଗଣ ମଞ୍ଚକୁ ଆସିଥିଲେ । ବେଦମନ୍ତ୍ର ଉଚ୍ଚାରଣ ପରେ ଗୋବର୍ଦ୍ଧନ ପୀଠର ବ୍ରହ୍ମଚାରୀ ଶ୍ରୀ ହୃଷୀକେଶ ମହାରାଜ ପ୍ରାରମ୍ଭିକ ଅଭିଭାଷଣ ଦେଇଥିଲେ ।ମଞ୍ଚାଷିନ ଅତିଥି ବୃନ୍ଦ ହିନ୍ଦୁ ଧର୍ମର ସୁରକ୍ଷା,ହିନ୍ଦୁ ରାଷ୍ଟ୍ରର ଆବଶ୍ୟକତା ଓ ଧର୍ମାନ୍ତିକରଣ ବିରୁଦ୍ଧରେ ମତ ବ୍ୟକ୍ତ କରିଥିଲେ। । ପରମ ପୂଜ୍ୟ ଶ୍ରୀ ସରସ୍ଵତୀ ମହାରାଜ ଗୁରୁ ପରମ୍ପରା ର ପ୍ରତୀକ ବିରୁଡ଼ା ପାଠ କରି ଶଙ୍କରାଚାର୍ଯ୍ୟ ପରମ୍ପରାର ସମସ୍ତ ଗୁରୁଙ୍କୁ ନମନ କରିଥିଲେ । କଳି ଯୁଗରେ ସଂଘ ରେ ଶକ୍ତି ବିଦ୍ୟମାନ ଏଣୁ ହିନ୍ଦୁ ମାନେ ସଂଗଠିତ ହୋଇ ନିଜ ଧର୍ମର ସୁରକ୍ଷା,ସମୃଦ୍ଧି ଓ ସୁଦ୍ଧତା ରକ୍ଷା ପାଇଁ ଅନ୍ତତଃ ପକ୍ଷେ ଏକ ଘଣ୍ଟା ସମୟ ଦେବାକୁ ଆହ୍ବାନ ଦେଇଥିଲେ ।ହିନ୍ଦୁ ମାନେ ବିଧର୍ମୀ ନହୋଇ ନିଜ ଧର୍ମ ପ୍ରତି ସମ୍ମାନ ପ୍ରଦର୍ଶନ କରିବା ନିମନ୍ତେ ନିମନ୍ତ୍ରିତ ଅତିଥି ବୃନ୍ଦ ସମବେତ ଜନତାଙ୍କୁ ଗୁରୁମନ୍ତ୍ର ଦେଇଛନ୍ତି । ସ୍ଵାଗତ କମିଟିର ସଭାପତି ମୀନକେତନ ଷଡ଼ଙ୍ଗୀ ଙ୍କ ତତ୍ତ୍ଵାବଧାନରେ ଆୟୋଜିତ ଏହି ହିନ୍ଦୁ ରାଷ୍ଟ୍ର ଧର୍ମ ସଭାରେ ସହସ୍ରାଧିକ ହିନ୍ଦୁପ୍ରେମୀ ଜନତା ଯୋଗ ଦେଇଥିଲେ ।
