ଆହାର କେନ୍ଦ୍ର ରେ ନିମ୍ନମାନର ଖାଦ୍ୟ ଚାଖି ପ୍ରଶାସକ ଖପ୍ପା …!

ଏଥର ସମ୍ଭାଳ (ବ୍ୟୁରୋ)- ଗୁଣପୁର ଉପ ଜିଲ୍ଲାପାଳ ଲଲିତ କୁମାର କହଁର ସ୍ଥାନୀୟ ନୂଆ ବସ ଷ୍ଟାଣ୍ଡ ଠାରେ ଥିବା ଆହାର କେନ୍ଦ୍ର ପରିଦର୍ଶନ କରି ବିକ୍ରି କରୁଥିବା ଖାଦ୍ୟର ମାନ ପରଖିଛନ୍ତି । ଉପଜିଲ୍ଲାପାଳ ଙ୍କ ସହିତ ଯାଇଥିବା ସ୍ଥାନୀୟ ତହସିଲଦାର ଶରତ ଚନ୍ଦ୍ର ନାୟକ, ପୌର ପରିଷଦ ନିର୍ବାହୀ ଅଧିକାରୀ ସୁଶ୍ରୀ ପ୍ରଭାତୀ ଝୋଡ଼ିଆ, ସ୍ଥାନୀୟ ବିଡିଓ ଶାନ୍ତି ପ୍ରଭା ପ୍ରଧାନ, ଗାନ୍ଧୀ ବିଶ୍ଵ ବିଦ୍ୟାଳୟର ସମ୍ପପାଦକ ଚନ୍ଦ୍ର ଧ୍ଵଜ ପଣ୍ଡା  ଲିମା କେନ୍ଦ୍ର ରେ ରନ୍ଧା ଖାଦ୍ୟ କୁ ଖାଇଥିଲେ । ଖାଦ୍ୟର ମାନ ନିମ୍ନ୍ ମାନ ହୋଇଥିବାରୁ ସୁଶ୍ରୀ ଝୋଡ଼ିଆ କେନ୍ଦ୍ର ପରିଚାଳକ ଙ୍କ ଉପରେ ଖପ୍ପା ହୋଇଥିଲେ । ବର୍ତ୍ତମାନ ସମୟରେ ବଜାରରେ ପରିବାଦର ଖୁବ୍ ଶାସ୍ତା ଥିବା ବେଳେ ତିଆରି ହୋଇଥିବା ଡାଲମା ରେ ଆବଶ୍ଯକ ପରିମାଣ ରେ ପାରିବା ପକାଯାଇ ନଥିବା ଏବଂ ତିଆରି ଡାଲ ମା ବହୁ ପତଳା ହୋଇଥିବାରୁ ନିର୍ବାହୀ ଅଧିକାରୀ ପରିଚାଳକ ଙ୍କୁ ତାଗିଦ୍ କରିଛନ୍ତି । ଏହି କେନ୍ଦ୍ରରେ ନିୟମିତ ୫୦୦ ଜଣ ହିତାଧିକାରୀ ଙ୍କ ନିମନ୍ତେ ଖାଦ୍ୟ ଯୋଗାଇ ଦେବା ନିମନ୍ତେ ବ୍ୟବସ୍ଥା ଥିବା ବେଳେ ନିୟମିତ ଅଙ୍କ ବିଶିଷ୍ଟ ସଂଖ୍ୟା ତପୁ ନଥିବା ଅଭିଯୋଗ ହେଉଛି । ପ୍ରାଶାସନିକ ଅଧିକାରୀ ମାନେ ତଦାରଖ କରିବା ପାଇଁ ଯିବା ଦିନ ମାତ୍ର ୪୦ ଜଣ ବ୍ଯକ୍ତି ହିଁ ଖାଇବାକୁ ଥିବା ଦେଖା ଯାଇଥିଲା ।

ଏହି କେନ୍ଦ୍ରରେ ଦିଆ ଯାଉଥିବା ଏଭଳି ନିମ୍ନ୍ ମାନ ର ଖାଦ୍ୟ ଯୋଗୁଁ ଲୋକେ ଏଠାରୁ ମୁହଁ ଫେରାଇ ନେଉଥିବା ଅଭିଯୋଗ ହୋଇଛି । ସ୍ଥାନୀୟ ପ୍ରଶାସନର ନିୟମିତ କଡା ଯାଞ୍ଚ ନଥିବାରୁ ଉପ ଭୋକ୍ତା ଠିକ୍ ଭାବେ ଏହାର ସୁବିଧା ପାଉନଥିବା ବେଳେ ପରିଚାଳନା କର୍ତ୍ତୃପକ୍ଷ ମାଲାମାଲ୍ ହେଉଥିବା କୁହା ଯାଇଛି । ପ୍ରସାଶନିକ ଅଧିକାରୀ ଙ୍କ ଏଭଳି ଅଚାନକ ପରିଦର୍ଶନ କୁ ସାଧାରଣରେ ସ୍ଵାଗତକରିବା ସହ ନିୟମିତ ବ୍ୟବଧାନରେ ଯାଞ୍ଚ ର ଆଶା ପ୍ରକଟ କରିଛନ୍ତି ।

ଉତ୍ତର ଭୁବନେଶ୍ୱର ନିର୍ବାଚନ ମଣ୍ଡଳୀ ତରଫରୁ ବିଜୁ ଜନତା ଦଳର ୨୬ ତମ ପ୍ରତିଷ୍ଠା ଦିବସ ପାଳନ…!

ଏଥର ସମ୍ଭାଳ ବ୍ୟୁରୋ(ଭୁବନେଶ୍ୱର)- ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କର ନିର୍ଦେଶ କ୍ରମେ ଉତ୍ତର ଭୁବନେଶ୍ୱର ନିର୍ବାଚନ ମଣ୍ଡଳୀ ତରଫରୁ ଆଜି ବିଜୁ ଜନତା ଦଳର ୨୬ ତମ ପ୍ରତିଷ୍ଠା ଦିବସ ବିଧାୟକ ତଥା ଜିଲ୍ଲା ସଭାପତି ଶ୍ରୀଯୁକ୍ତ ସୁଶାନ୍ତ କୁମାର ରାଉତଙ୍କର ନେତୃତ୍ୱରେ ପ୍ରାୟ ୮ ହଜାର ରୁ ଉର୍ଧ୍ଵ ବିଜୁ ପ୍ରେମୀ ମାନଙ୍କୁ ନେଇ ଭୁବନେଶ୍ୱରସ୍ଥିତ ଡମଣା ଯାତ୍ରା ପଡିଆ ଠାରେ ଆୟୋଜିତ ହୋଇଯାଇଅଛି । ଓଡିଶାରେ ଏକ ଆଞ୍ଚଳିକ ଦଳ ବହୁ ବାଧା ବିଘ୍ନ ଭିତରେ ୨୫ ବର୍ଷ ଧରି ଓଡିଶା ବାସୀଙ୍କୁ ନିରନ୍ତର ଭାବରେ ସେବା ଯୋଗାଇ ଆସିଛି ବୋଲି ବିଧାୟକ ତଥା ପୂର୍ବତନ ମନ୍ତ୍ରୀ ଶ୍ରୀଯୁକ୍ତ ପ୍ରତାପ ଜେନା ନିଜର ଅଭିଭାଷଣ ରଖିଥିଲେ । ଆଜି ଶିକ୍ଷା କ୍ଷେତ୍ରରେ ୫-ଟି ମାଧ୍ୟମରେ ହାଇସ୍କୁଲ ଗୁଡିକର ରୁପାନ୍ତିକରଣ ହେଉ କିମ୍ବା କ୍ରୀଡା କ୍ଷେତ୍ରରେ ଓଡିଶା ଦୁଇ ଦୁଇ ଥର ପୁରୁଷ ୱାର୍ଲଡ କପ ହକି ଆୟୋଜନ କରି ସାରା ବିଶ୍ୱ ପାଇଁ ଆମ ରାଜ୍ୟ ଏକ ଉଦାହରଣ ସୃଷ୍ଟି କରିଛି ବୋଲି ମୁଖ୍ୟ ସଚେତକ ଶ୍ରୀଯୁକ୍ତ ପ୍ରଶାନ୍ତ ମୁଦୁଲି ନିଜର ଅଭିଭାଷଣ ରଖିଥିଲେ । କୋଭିଡ ପରିଚାଳନା କ୍ଷେତ୍ରରେ ନିଜ ରାଜ୍ୟର ପ୍ରତ୍ୟକ ବର୍ଗର ବ୍ୟକ୍ତିଙ୍କ ମୂଲ୍ୟବାନ ଜୀଵନକୁ ସୁରକ୍ଷା ଦେବା ସହିତ ଅନ୍ୟ ରାଜ୍ୟ ଗୁଡିକୁ ଅମ୍ଳଜାନ ଯୋଗାଇବାରେ ମାନ୍ୟବର ମୁଖ୍ୟମନ୍ତ୍ରୀଙ୍କର ଦାୟିତ୍ୱ ତାହା ଓଡିଶାବାସୀ କେବେ ଭୁଲିବେ ନାହିଁ ଏବଂ ପୁନର୍ବାର ଷଷ୍ଠ ଥର ପାଇଁ ମୁଖ୍ୟମନ୍ତ୍ରୀ କରିବାକୁ ମାନ୍ୟବର ସାଂସଦ ଶ୍ରୀମତୀ ସୁଲତା ଦେଓ ନିବେଦନ କରିଥିଲେ ।

ଆଜି ବସ୍ତିକୁ ବିଜୁ ଆଦର୍ଶ କଲୋନୀ ହେଉ କିମ୍ବା ମା ମାନଙ୍କୁ ମୁକ୍ତ ଯୋଜନା ମାଧ୍ୟମରେ ଆତ୍ମନିର୍ଭରଶୀଳ କରିବା ଏବଂ ମିଶନ ଶକ୍ତି ମାଧ୍ୟମରେ ୭୦ ଲକ୍ଷରୁ ଉର୍ଧ୍ଵ ମହିଳାଙ୍କୁ ରୋଜଗାର ଯୋଗାଇବାରେ ରାଜ୍ୟ ସରକାରଙ୍କର ଦାୟିତ୍ୱକୁ ମାନନୀୟ ମେୟର ଶ୍ରୀମତୀ ସୁଲୋଚନା ଦାସ ଭୁରି ଭୁରି ପ୍ରସଂଶା କରିଥିଲେ । ଆଜିର ଏହି କାର୍ଯ୍ୟକ୍ରମର ଅନ୍ୟତମ ଅତିଥି ଭାବରେ ମାନ୍ୟବର ବିଧାୟକ ଶ୍ରୀଯୁକ୍ତ ଅନନ୍ତ ନାରାୟଣ ଜେନା , ଛାତ୍ର ସଭାପତି ଶ୍ରୀଯୁକ୍ତ ଦେବୀ ରଞ୍ଜନ ତ୍ରିପାଠୀ , ବରିଷ୍ଠ ନେତା ଶ୍ରୀଯୁକ୍ତ ଅରୂପ ପଟ୍ଟନାୟକ , ଶ୍ରୀଯୁକ୍ତ କୁନ ବିହାରୀ ଦାସ, ଶ୍ରୀଯୁକ୍ତ ଗୌତମ ବୁଦ୍ଧ ଦାସ, ଶ୍ରୀଯୁକ୍ତ ମିହିର ମହାନ୍ତି, ଶ୍ରୀଯୁକ୍ତ ପ୍ରକାଶ ବସ୍ତିଆ, ଶ୍ରୀଯୁକ୍ତ ସୁବାସ ଚନ୍ଦ୍ର ପାତ୍ର, ଶ୍ରୀଯୁକ୍ତ କୁନାଲ ରାଉତ, ଯୁବନେତା ମନୋଜ ସାହୁ, ଶ୍ରୀଯୁକ୍ତ ଦୁର୍ଗା ସାମନ୍ତରାୟ ,ଶ୍ରୀଯୁକ୍ତ ଅମରେଶ ଜେନା, ଶ୍ରୀଯୁକ୍ତ ବିରଂଚି ନାରାୟଣ ମହସୂପକାରଙ୍କ ସହିତ ସମସ୍ତ କର୍ପୋରେଟର , ଜିଲ୍ଲା ପରିଷଦ ସମସ୍ତ ସରପଂଚ, ସମିତି ସଭ୍ୟ, ସମସ୍ତ ବରିଷ୍ଠ ମୁରବି , ସମସ୍ତ ସାଙ୍ଗଠନିକ ପଦାଧିକାରୀ, ଯୁବ, ଛାତ୍ର, ମହିଳା ତଥା ଏସ ଏଚ ଜି ର ମା ମାନେ ଯୋଗ ଦେଇ ଏହି ପ୍ରତିଷ୍ଠା ଦିବସ କାର୍ଯ୍ୟକ୍ରମଟିକୁ ସଫଳ କରିଥିଲେ ।

ଅଲେଖ ମହିମା ଧ୍ଵନିରେ ମୁଖରିତ ଆମ୍ବାବଡି…!

!!! ରାୟଗଡ଼ା ଜିଲ୍ଲା ଗୁଣୁପୁର ଉପଖଣ୍ଡ ରୁ ପ୍ରତିନିଧି ବାସନ୍ତୀ କୁମାରୀ ପାଟ୍ଟଜୋଶୀ ଙ୍କ ରିପୋର୍ଟ !!!

ଏଥର ସମ୍ଭାଳ(ଗୁଣୁପୁର)- ରାୟଗଡ଼ା ଜିଲ୍ଲା ଗୁଣପୁର ବ୍ଲକ ଅଧିନସ୍ଥ ଆମ୍ବ ବାଡ଼ି ଗ୍ରାମରେ ଥିବା ଅଲେଖ ମହିମା ଆଶ୍ରମ ଠାରେ ପୌଷ ପୂର୍ଣ୍ଣିମା ଦିନ ଜଗତ କଲ୍ୟାଣ ନିମନ୍ତେ ଅଲେଖ ମହାଯଜ୍ଞ ଆଶ୍ରମ ପରିଚାଳକ ଶ୍ରୀ ଶେଷ ଦେବ ସେନାପତି ଙ୍କ ନେତୃତ୍ୱରେ ଅନୁଷ୍ଠିତ ହୋଇଯାଇଛି । ଅଲେଖ ଗୁରୁ ସ୍ଵର୍ଗତ ॰ ଗୋପାଳ ଶବର ଙ୍କ ଉଦ୍ୟମରେ ଓ ସମାଜ ସେବୀ ତଥା ଆଇନଜୀବୀ ଶ୍ରୀ ପ୍ରଦୀପ କୁମାର ଦାଶ ଙ୍କ ସଂଚାଳନା ରେ ଦୀର୍ଘ ଦସନ୍ଦି ଧରି ଆୟୋଜିତ ହୋଇ ଆସୁଥିବା ଏହି ମହା ଯଜ୍ଞ ରେ ଅଞ୍ଚଳ ବାସୀଙ୍କ ସମେତ ବହୁ ଦୂର ଦୁରନ୍ତ ରୁ ଆସିଥିବା ଭକ୍ତ ଙ୍କ ସହ ଓଡ଼ିଶାର ପୂର୍ବତନ ମୁଖ୍ୟ ମନ୍ତ୍ରୀ ଡଃ ଗିରିଧର ଗମାଙ୍ଗ ଏବଂ ନବ ଭାରତ ନିର୍ମାଣ ସେବା ପାର୍ଟି ଅଧ୍ୟକ୍ଷ ଡଃ ବୋମାଲି କାନ୍ତା ରାଓ  ସାମିଲ ହୋଇ ଜଗତ ବାସୀଙ୍କ ମଙ୍ଗଳ ନିମନ୍ତେ ବ୍ରହ୍ମ ପ୍ରାର୍ଥନା କରିଥିଲେ ।

ଧାନ ବିକ୍ରି ପାଇଁ ଟୋକେନ ପାଉନାହାନ୍ତି ଚାଷୀ…!

!!! ରାୟଗଡ଼ା ରୁ ଜିଲ୍ଲା ପ୍ରତିନିଧି ବଲରାମ ମଲ୍ଲିକ ଙ୍କ ରିପୋର୍ଟ !!!

ଏଥର ସମ୍ଭାଳ(ରାୟଗଡ଼ା)- ରାୟଗଡ଼ା ଜିଲ୍ଲାରେ ଧାନ ବିକ୍ରି ର ସଙ୍କଟ ସଙ୍କଟ ଦେଖାଦେଇଛି । ଚାଷୀ ମାନଙ୍କୁ ଆବଶ୍ୟକୀୟ ପରିମାଣର ଟୋକେନ୍ ମିଳୁ ନଥିବା ରୁ ଦଲାଲ ଓ ମଧ୍ୟସ୍ଥି ବେପାରୀ ମାନେ ମଲାମାଲ ହେଉଥିବା ବେଳେ ଚାଷୀ ହନ୍ତସନ୍ତ ହେଉଛି ।ଦଲାଲ ମାନେ ଚାଷୀଙ୍କ ଠାରୁ ସରକାରୀ ଧାର୍ଯ୍ୟ ଦର ଠାରୁ କମ୍ ଦରରେ ଧାନ କିଣି ପୋଦଶୀ ରାଜ୍ୟକୁ ପଠାଇ ମାଲାମାଲ ହେଉଛନ୍ତି । ଚାଷୀ ସେମାନଙ୍କ ଧାନ କୁ ସରକାରଙ୍କୁ ବିକ୍ରି କରିବାପାଇଁ ଇଛା ପ୍ରକାଶ କରିଥିବା ବେଳେ ସେମାନଙ୍କୁଏନେଇ ତୋକେନ୍ ପାଇପାରୁ ନାହାନ୍ତି ବୋଲି ନବ ଭାରତ ନିର୍ମାଣ ସେବା ପାର୍ଟିର ଅଧ୍ୟକ୍ଷ ଡଃ ବୋମାଲି କାନ୍ତା ରାଓ ଅଭିଯୋଗ କରିଛନ୍ତି ।

ଜିଲ୍ଲାରେ ପଞ୍ଜୀକୃତ ହୋଇଥିବା ଚାଷୀ ଙ୍କୁ ଆବଶ୍ୟକୀୟ ପରିମାଣର ଧାନ ବିକ୍ରୟ ପାଇଁ ତୋକେନ ମେଲିପରୁନାହିଁ । ଫଳରେ ନିଜ ଉତ୍ପାଦିତ ଧାନ କୁ ମଣ୍ଡି ରେ ଚାଷୀ ବିକ୍ରୟ କରିପାରୁ ନାହାନ୍ତି । ଚାଷୀ ମାନେ ବାଧ୍ୟ ହୋଇ ଦଲାଲ ଙ୍କୁ କମ୍ ଦରରେ ଧାନ ବିକ୍ରି। କରିବାକୁ ବାଧ୍ୟ ହେଉଛନ୍ତି । ଏହି ସମସ୍ୟାର ସମାଧାନ ନିମନ୍ତେ ଚାଷୀମାନେ ଜିଲ୍ଲାପାଳ ଙ୍କୁ ଭେଟି ଫେରାଦ କରିଛନ୍ତି । ଚାଷୀ ସମସ୍ୟା ପ୍ରତି ଦୃଷ୍ଟି ଦିଆ ନଗଲେ ଆଗକୁ ଏନେଇ ଏକ ଚାଷୀ ଆନ୍ଦୋଳନ ମୁଣ୍ଡ ଟେକିବ ବୋଲି ଚାଷୀକୁଳ ପ୍ରକାଶ କରିଛି ।

ଦେଶର ପ୍ରଥମ ସ୍ଥାନର ମାନ୍ୟତା ପାଇଲା ଆସିକା ଥାନା ….!

ଏଥର ସମ୍ଭାଳ ବ୍ୟୁରୋ(ଭୁବନେଶ୍ୱର)- ଗଞ୍ଜାମ ଜିଲ୍ଲା ଆସିକା ଥାନା ଦେଶ୍ରରେ ପ୍ର ଟାଥମ ସ୍ଥାନର ମାନ୍ୟତା ପାଇଛି । ଏନେଇ କେନ୍ଦ୍ର ଗୃହ ମନ୍ତ୍ରାଳୟ ପକ୍ଷରୁ ରିପୋର୍ଟ ପ୍ରକାଶ ପାଇଛି। ପୂର୍ବରୁ ଓଡିଶା ସରକାରଙ୍କ ଷ୍ଟେଟ୍ କ୍ରାଇମ୍ ରେ ରେକର୍ଡ ବ୍ୟୁରୋ ପକ୍ଷରୁ ପ୍ରକାଶିତ ହୋଇ ଥିବା ରିପୋର୍ଟ୍ ଓ ପ୍ରଗତି ଡ୍ୟାସ୍ ବୋର୍ଡ ତାଲିକାରେ ରାଜ୍ୟର ଏକ ନମ୍ବର ଥାନା ଭାବେ ଆଇ.ଏସ୍.ଓ ମାନ୍ୟତା ମିଳିବା ଓ ଆଦର୍ଶ ଥାନା ର ମାନ୍ୟତା ପାଇ ରାଜ୍ଯରେ ପ୍ରଥମ ସ୍ଥାନ ଅଧିକାର କରିଥିବା ଆସିକା ଥାନା ବର୍ତ୍ତମାନ ଏହାର ବୃତ୍ତିଗତ ପାରଦର୍ଶିତା, ସ୍ଵଚ୍ଛତା, ନିଷ୍ଠା ସେବା ପ୍ରଦାନ, ଜନତା ଙ୍କୁ ଉତ୍ତମ୍ ବ୍ୟବହାର ପ୍ରଦର୍ଶନ, କର୍ତ୍ତବ୍ଯ ପ୍ରତି ବର୍ଦ୍ଧତା, ତ୍ଵରିତ କାର୍ଯ୍ୟାନୁଷ୍ଠାନ, ଦଳଗତ କାର୍ଯ୍ୟ, ସମୟ ସୀମା ପାଳନ ଭଳି ୧୬୫ ଟି ବିଷୟରେ ଉତ୍ତମ୍ ପ୍ରଦର୍ଶନ କରି ଥାନା ଏହି ସମ୍ମାନ ହାସଲ କରି ପାରିଛି । ଥାନାର ଏଭଳି ଉଲ୍ଲେଖନୀୟ ସଫଳତା ପାଇଁ ଆସନ୍ତା ୨୦ ତାରିଖ ରେ ନୂଆ ଦିଲ୍ଲୀ ଠାରେ ଆୟୋଜିତ ହେବାକୁ ଥିବା ପୁରସ୍କାର ବିତରଣ ସମାରୋହ ରେ ଥାନା କୁ ସମ୍ମାନିତ କରାଯିବ । ଏହି ସମାରୋହରେ ଥାନା ଅଧିକାରୀ ଶ୍ରୀ ପ୍ରଶାନ୍ତ ସାହୁ ଥାନା ପକ୍ଷରୁ ପୁରସ୍କାର ଗ୍ରହଣ କରିବେ । ଶ୍ରୀ ସାହୁ ଏହି ଥାନାର ଥାନା ଭାରପ୍ରାପ୍ତ ଅଧିକାରୀ ଭାବେ ୨୦୧୯ ମସିହା ଅଗଷ୍ଟ ମାସରେ ନିଯୁକ୍ତି ପାଇ ଥାନା ଅଧିକାରୀ ଭାବେ ଦାୟିତ୍ଵ ତୁଲାଇ ଆସୁଛନ୍ତି । ସ୍ଥାନୀୟ ଅଞ୍ଚଳର ଅପରାଧ ଦମନ ଏବଂ ପୋଲିସ ଓ ସର୍ବ ସାଧାରଣ ଙ୍କ ମଧ୍ୟରେ ଉତ୍ତମ ଯୋଗଯୋଗ୍ ସ୍ଥାପନ ଦିଗରେ ଉଲ୍ଲେଖନିୟ କାର୍ଯ୍ୟ ଦକ୍ଷତା ନିମନ୍ତେ ଶ୍ରୀ ସାହୁ ୨୦୧୧ ମସିହା ରେ ସର୍ବ୍ ଶ୍ରେଷ୍ଠ ଅଧିକାରୀ, ୨୦୧୨ ମସିହାରେ ଡିଜିପି ମେଡ଼ାଲ, ୨୦୧୫ ମସିହାରେ ସେବା ମେଡ଼ାଲ, ୨୦୨୦ ମସିହାରେ ମୁଖ୍ୟମନ୍ତ୍ରୀ ମେଡ଼ାଲ ରେ ସମ୍ମାନିତ ହୋଇଥିବା ବେଳେ ଏବେ ୨୦୨୩ ମସିହାରେ ଦେଶର ସର୍ବ ଶ୍ରେଷ୍ଠ ଥାନା ଭାବେ ସର୍ବ ଭାରତୀୟ ସ୍ତରରେ ସମ୍ମାନୀତ ହେବେ । ଥାନାର ଏଭଳି ସଫଳତା ଓଡିଶା ରାଜ୍ୟ ର ପୋଲିସ ଇତିହାସ ରେ ଏକ୍ କିମ୍ଵ ଦନ୍ତି ପଲାଟି ଥିବାରୁ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଟୁଈଟ କରି ଅଭିନନ୍ଦନ ଜଣାଇଛନ୍ତି । ରାଜ୍ୟର ଅନ୍ୟାନ୍ୟ ଥାନା ଆସିକା ଥାନାର ପଦାନୁକରଣ କଲେ ରାଜ୍ୟର ଗୃହ ବିଭାଗ ଉତ୍ତମ ବିଭାଗ ଭାବେ ପ୍ରତିପାଦିତ ହୋଇପାରିବ ବୋଲି ଜନ ମତ ପ୍ରକାଶ ପାଉଛି।

ରାମନାଗୁଡା ରେ ଲୋକ ମହୋତ୍ସବ ଚଇତି ଅନୁଷ୍ଠିତ….!

!!! ରମାନାଗୁଡ଼ାରୁ ଶୁଭଜିତ୍ ପଟ୍ଟନାୟକ ଙ୍କ ରିପୋର୍ଟ !!!

ଏଥର ସମ୍ଭାଳ (ରାମନାଗୁଡା)-lରାୟଗଡା ଜିଲ୍ଲା ରାମନାଗୁଡା ଠାରେ ଗଣପର୍ବ ଚଇତି ମହୋତ୍ସବ ଅନୁଷ୍ଠିତ ହୋଇ ଯାଇଛି । ସ୍ଥାନୀୟ ବ୍ଲକ ଅନ୍ତର୍ଗତ ୧୨ ଟି ପଂଚାୟତ ସମେତ ବ୍ଲକ ସ୍ତରୀୟ ଚଇତି ର କଳସ ସକାଳ ସମୟରେ ଗୁମୁଡ଼ା ସ୍ଥିତ ବଂଶଧାରା ନଦୀରୁ ପବିତ୍ର ଜଳ କୁ ଆବାହନ କରିବା ପରେ ରାମନାଗୁଡା ନିକଟ ମଙ୍ଗଳା ମନ୍ଦିର ରେ ପୂଜାର୍ଚ୍ଚନା କରାଯାଇ ସେଠାରୁ ଶତାଧିକ ପୁରୁଷ ଓ ମହିଳା ଙ୍କ ଗହଣ ରେ ଗୋଷ୍ଠୀ ଉନ୍ନୟନ ଅଧିକାରୀ ସୁଶ୍ରୀ ପ୍ରଭାତୀ ଝୋଡିଆ ଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଚଇତି ମଣ୍ଡପ ନିକଟକୁ ଅଣାଯାଇଥିଲା । ଗୁଣୁପୁର ବିଧାୟକ ରଘୁନାଥ ଗମାଙ୍ଗ, ବ୍ଲକ ଅଧ୍ୟକ୍ଷ ରବି ଶଙ୍କର ଗମାଙ୍ଗ ,ରାଜ୍ୟ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ଉପଦେଷ୍ଟା ସୁଧୀର କୁମାର ଦାସ, ଜିଲ୍ଲା ପରିଷଦ ଅଧ୍ୟକ୍ଷା ସରସ୍ୱତୀ ମାଝୀ , ଜିଲ୍ଲା ଜନଜାତି ଉନ୍ନୟନ ପରିଷଦ ଅଧ୍ୟକ୍ଷା ଅନୁସୂୟା ମାଝୀ , ରାୟଗଡା ବିଧାୟକ ମକରନ୍ଦ ମୁଦୁଲି, ବିଜେଡି ଜିଲ୍ଲା ସମ୍ପାଦକ ଗଗନ ବିହାରୀ ଆଚାର୍ଯ୍ୟ,ରାମନାଗୁଡା ପଞ୍ଚାୟତ ସମିତି ଉପାଧ୍ୟକ୍ଷା ଜାନକୀ ନିମାଲା,ରାମନାଗୁଡା ଜିଲ୍ଲା ପରିଷଦ ସଭ୍ୟ(କ) ତାଙ୍ଗୁଡୁ ଶ୍ରୀଧର ଜିଲ୍ଲା ପରିଷଦ ସଭ୍ୟ(ଖ)ସୁରେଶ କୁମାର ଗମାଙ୍ଗ ,ପାରୀକ୍ଷିତି ସମିତି ସଭ୍ୟା ଲଷ୍ମୀ କାଡ୍ରାକାଙ୍କ ସମେତ ପ୍ରଶାସନିକ ସ୍ତର ପକ୍ଷରୁ ଗୁଣୁପୁର ଉପ ଜିଲ୍ଲାପାଳ ଲଳିତ କୁମାର କହଁର ,ଗୁଣୁପୁର ଏସଡିପିଓ ବିକାଶ ଚନ୍ଦ୍ର ବେଉରା ,ଭାମିନି ସ୍ଥିତ ଆଇଆରବି ୨ୟ ଡେପୁଟି କମାଣ୍ଡେଟ ଦୀପକ କୁମାର ଦେହୁରୀ ,ରାମନାଗୁଡା ଗୋଷ୍ଠୀ ଉନ୍ନୟନ ଅଧିକାରୀ ସୁଶ୍ରୀ ପ୍ରଭାତୀ ଝୋଡିଆ ,ରାମନାଗୁଡା ତହସିଲଦାର ନିର୍ମଳ ଚନ୍ଦ୍ର ସାହୁ, ଗୁଣୁପୁର ତହସିଲଦାର ଶରତ ଚନ୍ଦ୍ର ନାୟକ ,ଗୁଣୁପୁର ଗୋଷ୍ଠୀ ଉନ୍ନୟନ ଅଧିକାରୀ ଶାନ୍ତିପ୍ରଭା ପ୍ରଧାନ, ପଦ୍ମପୁର ଭାରପ୍ରାପ୍ତ ତହସିଲଦାର ପ୍ରାଣକୃଷ୍ଣ ପାଣିଗ୍ରାହୀ, ପଦ୍ମପୁର ଗୋଷ୍ଠୀ ଉନ୍ନୟନ ଅଧିକାରୀ ରୀନା ପ୍ରଧାନ ଏବଂ ବିଭିନ୍ନ ଦଳର ନେତା ଓ କର୍ମୀ ଏହି ବିରାଟ ଶୋଭାଯାତ୍ରାରେ ସାମିଲ ହୋଇ ୫ଟି ସରକାରୀ ଉଚ୍ଚ ବିଦ୍ୟାଳୟ ରାମନାଗୁଡା ସ୍ଥିତ ଚଇତି ମଣ୍ଡପ ରେ ସମସ୍ତ ପୂର୍ଣ୍ଣ କଳସ କୁ ସ୍ଥାପନା କରିଥିଲେ ।ଏଠାରେ ପଶୁ ସଂପଦ ବିଭାଗ, ଶିଶୁ ବିକାଶ ବିଭାଗ, ମିଶନ ଶକ୍ତି ,ସ୍ୱାସ୍ଥ୍ୟ ବିଭାଗ, ଉଦ୍ୟାନ ବିଭାଗ, କୃଷି ବିଭାଗ, ପକ୍ଷରୁ ୮ ଟି ଷ୍ଟଲ ପ୍ରଦର୍ଶିତ ହୋଇଥିଲା।

ମାଁ ମାଝୀ ଘରିଆଣୀ ଙ୍କ ଫଟୋଚିତ୍ରରେ ପୁଷ୍ପମାଲ୍ୟ ପ୍ରଦାନ ଓ ପ୍ରଦୀପ ପ୍ରଜ୍ବଳନ ପରେ ମୁଖ୍ୟ ଅତିଥି ଗୁଣୁପୁର ବିଧାୟକ ଶ୍ରୀ ଗମାଙ୍ଗ ଙ୍କ ଦ୍ଵାରା ବିଭିନ୍ନ ବିଭାଗ ପକ୍ଷରୁ କରାଯାଇଥିବା ସଚେତନତା ଷ୍ଟଲର ଉଦଘାଟନ କରାଯାଇଥିଲା । ସ୍ୱାସ୍ଥ୍ୟ, ଜଳଛାୟା, କୃଷି, ସମ୍ମନ୍ବିତ ଶିଶୁ ବିକାଶ, ସ୍ୱଚ୍ଛ ଭାରତ ମିଶନ, ଉଦ୍ୟାନ କୃଷି, ମିଶନ ଶକ୍ତି ବିଭାଗ ତରଫରୁ ସଚେତନତା ଷ୍ଟଲ ମାନ ଖୋଲାଯାଇଥିଲା । ଲୁକ୍କାୟିତ ପ୍ରତିଭା, ସଂସ୍କୃତି ଓ ପରମ୍ପରା ଗୁଡ଼ିକର ବ୍ଲକ ଠାରୁ ରାଜ୍ୟ ସ୍ତରରେ ପହଞ୍ଚାଇବା ନିମନ୍ତେ ଚଇତି ଏକ ଉତ୍କୃଷ୍ଟ ମଞ୍ଚ ବୋଲି ଅତିଥି ମତବ୍ୟକ୍ତ କରିଥିଲେ । ଅତିଥି ମାନେ ଉପସ୍ଥିତ ରହି ବିଭିନ୍ନ ପଞ୍ଚାୟତରୁ କଳାକାର ଓ ସାଂସ୍କୃତିକ ଦଳ ଆସି ଗଣପର୍ବ ଚଇତି ରେ ଭାଗ ନେଇ ନୃତ୍ୟ ପରିବେଷଣ କରିଥିବା କଳାକାର ମାନଙ୍କୁ ଉତ୍ସାହିତ କରିଥିଲେ । ଟୁନା ଟନ୍ ଟନ୍ ଓରଫ୍ ପ୍ରଭାକର ମିଶ୍ର ଓ କାଳି ଚରଣ ରଥ ଚଇତି ମଞ୍ଚରେ ନିଜର କମେଡି ପ୍ରତିଭା ପ୍ରଦର୍ଶନ କରି ଦର୍ଶକଙ୍କ ମନ ମୋହିଥିଲେ ।କୁଇ ଭାଷା ର ସଙ୍ଗୀତ ର ନୃତ୍ୟ ର ତାଳେ ତାଳେ ଗୋଷ୍ଠୀ ଉନ୍ନୟନ ଅଧିକାରୀ ସୁଶ୍ରୀ ଝୋଡିଆ ,ଜନଜାତି ଉନ୍ନୟନ ପରିଷଦ ଅଧ୍ୟକ୍ଷା ଅନୁସୂୟା ମାଝୀ ଙ୍କ ନୃତ୍ୟ ଦର୍ଶକ ଙ୍କୁ ଆକୃଷ୍ଟ କରିଥିଲା ।ସିନିୟର ଆସିଷ୍ଟାଣ୍ଟ ଆଶୁତୋଷ ପାତ୍ର ମଞ୍ଚ କାର୍ଯ୍ୟକ୍ରମ ପରିଚାଳନା କରିଥିବାବେଳେ ଓଡ଼ିଶା ଜୀବିକା ମିଶନ ର ସମସ୍ତ କର୍ମଚାରୀ ଙ୍କ ସହ ପଞ୍ଚାୟତ ସମିତି କର୍ମକର୍ତ୍ତା ଏଥିରେ ସହଯୋଗ କରିଥିଲେ । ଚଳିତ ବର୍ଷ ର ଚଇତି ୨୦୨୨ କୁ ସଫଳ ରୂପାୟନ ଦେବାରେ ପ୍ରତ୍ୟକ୍ଷ ଭାବେ ରାମନାଗୁଡା ଗୋଷ୍ଠୀ ଉନ୍ନୟନ ଅଧିକାରୀ ସୁଶ୍ରୀ ପ୍ରଭାତୀ ଝୋଡିଆ ଙ୍କ ବହୁତ ଅବଦାନ ଥିବାରୁ ସେମାନେ ଧନ୍ୟବାଦ ର ପାତ୍ର ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି । ଉତ୍ତମ ସାମାଜିକ ସେବାରେ ଉଲ୍ଲେଖନୀୟ ଅବଦାନ ନିମନ୍ତେ ଶିକ୍ଷକ ବୃନ୍ଦାବନ ମିଣିଆକା ,ସମାଜସେବୀ ଗୋଲକ ନାଥ ବେହେରା, ଅନ୍ତର୍ଜାତୀୟ ରଗବି ଖେଳାଳୀ ସୋନି ମାଣ୍ଡାଙ୍ଗି ,ଶ୍ରବଣ କୁମାର ମାଣ୍ଡାଙ୍ଗି, ଜୁଲୋଜି ଅଧ୍ୟାପିକା ନିରୂପମା କଣ୍ଡାଗରୀ ଦେଉଳା ଙ୍କ ସମେତ ୨୦ ଜଣଙ୍କୁ ଉପଢୌକନ ସହିତ ମାନପତ୍ର ଦେଇ ଅତିଥି ମାନଙ୍କ ଦ୍ଵାରା ସମ୍ମାନିତ କରାଯାଇଥିଲା ।

ବାହାର ରାଜ୍ୟ ମିସ୍ତ୍ରୀ କୁ ନେଇ ବିବାଦ …!

!!! ବଲାଙ୍ଗୀର ରୁ ପ୍ରତିନିଧି ଜୀତେଶ କୁମାର ଶତପଥୀ ଙ୍କ ରିପୋର୍ଟ !!!

ଏଥର ସମ୍ଭାଳ (ବଲାଙ୍ଗୀର) – ବଲାଙ୍ଗୀର ଠାରେ ବାହାର ରାଜ୍ୟ ମିସ୍ତ୍ରୀ ଓ ଶ୍ରମିକ ଙ୍କୁ ନେଇ ବିବାଦ ଘାନେଇଛି। ଓଡ଼ିଆ ଓ ବଙ୍ଗାଳି ମିସ୍ତ୍ରୀ ଙ୍କ ମଧ୍ୟରେ ମୁହାଁ ମୁହିଁ ସ୍ଥିତି ଉପୁଜିଛି। ଗତ କିଛି ଦିନ ତଳେ ବଲାଙ୍ଗୀର ରାଜମିସ୍ତ୍ରୀ ନିର୍ମାଣ ଶ୍ରମିକ ସଂଘ ରାଜ୍ୟ ବାହାର ମିସ୍ତ୍ରୀ ଓ ଶ୍ରମିକଙ୍କୁ ସହାୟତା ନକରିବାକୁ ନିଷ୍ପତି ନେଇଥିଲା |ରାଜ୍ୟ ବାହାରୁ ଆସି ବଲାଙ୍ଗୀର ସହରରେ କାମ କରୁଥିବା ରାଜ ମିସ୍ତ୍ରୀଙ୍କୁ ବଲାଙ୍ଗୀର ରାଜମିସ୍ତ୍ରୀ ନିର୍ମାଣ ଶ୍ରମିକ ସଂଘ ପକ୍ଷରୁ ବିରୋଧ କରାଯାଇଛି |ଜଣେ ମହିଳା ଏହାର ପ୍ରତିବାଦ କରି ଟାଉନ ଥାନାରେ ଲିଖିତ ଅଭିଯୋଗ କରିବା ପରେ ରାଜମିସ୍ତ୍ରୀ ନିର୍ମାଣ ଶ୍ରମିକ ସଂଘ ପକ୍ଷରୁ ଟାଉନ ଥାନା କୁ ଆସି ଘଟଣା ର ଓଲଟା ପ୍ରତିବାଦ କରାଯାଇଛି |ଗତ ସୋମବାର ସ୍ଥାନୀୟ କଲେଜ ଛକ ଠାରେ ଜଣେ ବାହାର ରାଜ୍ୟର ମିସ୍ତ୍ରୀ ଙ୍କୁ ଜଣେ ମହିଳା କିଛି ନିର୍ମାଣ ଶ୍ରମିକ ଯୋଗାଇଥିଲେ |

ଏହାକୁ ନିର୍ମାଣ ଶ୍ରମିକ ସଂଘର କିଛି ସଦସ୍ୟ ବିରୋଧ କରିଥିବା ରୁ ରାଜୀବନଗର ରେ ସୀତା ସାହୁ ନାମକ ଜଣେ ମହିଳା ବଲାଙ୍ଗୀର ଟାଉନ ଥାନାରେ ଅଭିଯୋଗ କରିଥିଲେ |ମହିଳାଙ୍କ ଏପରି ଅଭିଯୋଗ ପ୍ରତିବାଦରେ ରାଜ ମିସ୍ତ୍ରୀ ନିର୍ମାଣ ଶ୍ରମିକ ସଂଘ ପକ୍ଷରୁସଂଘ ସଭାପତି ଶମ୍ବୁନାଗ ନେତୃତ୍ୱରେ ବଲାଙ୍ଗୀର ରାଜ ମିସ୍ତ୍ରୀ ମାନେ ସନ୍ଧ୍ୟାରେ ଟାଉନ ଥାନାକୁ ଆସି ଏକ ପାଲଟା ଲିଖିତ ଅଭିଯୋଗ କରିଛନ୍ତି | ପ୍ରକାଶ ଥାଉକି, ଗତ କିଛି ଦିନ ତଳେ ବଲାଙ୍ଗୀର ରାଜମିସ୍ତ୍ରୀ ନିର୍ମାଣ ଶ୍ରମିକ ସଂଘ ରାଜ୍ୟ ବାହାର ମିସ୍ତ୍ରୀ ଓ ଶ୍ରମିକଙ୍କୁ ସହାୟତା ନକରିବାକୁ ନିଷ୍ପତି ହୋଇଇଥିଲା |

ଜି ଆଇ ଇ ଟି ବିଶ୍ବବିଦ୍ୟାଳୟ ପକ୍ଷରୁ ଯକ୍ଷ୍ମା ରୋଗୀଙ୍କୁ ମାଗଣାରେ ପୃଷ୍ଟିସାର ଖାଦ୍ୟ ଯୋଗାଣ ପ୍ରଧାନମନ୍ତ୍ରୀଙ୍କ ଯକ୍ଷ୍ମା ମୁକ୍ତ ଭାରତ ଅଭିଯାନରେ ସାମିଲ….!

!!! ରାୟଗଡ଼ ଜିଲ୍ଲା ଗୁଣୁପୁର ରୁ ବାସନ୍ତୀ ପାଟ୍ଟଜୋଶୀ ଙ୍କ ରିପୋର୍ଟ !!!

ଏଥର ସମ୍ଭାଳ(ଗୁଣୁପୁର)- ଆଜି ସ୍ଥାନୀୟ ଜି ଆଇ ଇ ଟି ବିଶ୍ବବିଦ୍ୟାଳୟ ପକ୍ଷରୁ ପ୍ରଧାନମନ୍ତ୍ରୀଙ୍କ ଯକ୍ଷ୍ମା ମୁକ୍ତ ଭାରତ ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।ଏହି କାଯ୍ୟକ୍ରମରେ ବିଶ୍ବବିଦ୍ୟାଳୟ ପକ୍ଷରୁ ଗୁଣୁପୁର ବ୍ଲକର ଦୁଇ ଜଣ ଯକ୍ଷ୍ମା ରୋଗୀଙ୍କୁ ମାଗଣାରେ ପୃଷ୍ଟିସାର ଖାଦ୍ୟ ରେଜିଷ୍ଟ୍ରାର ଡ଼ଃ ଏନ ଭି ଜଗନ୍ନାଧା ରାଓ ପ୍ରଦାନ କରିଥିଲେ ଏବଂ ଏହି ମାଗଣାରେ ପୃଷ୍ଟିସାର ଖାଦ୍ୟ ଛଅମାସ ପର୍ଯ୍ୟନ୍ତ ପ୍ରଦାନ କରାଯିବ ବୋଲି କହିଲେ।

ଏଥିରେ ଜିଲ୍ଲା ଯକ୍ଷ୍ମା ନିରାକରଣ ଅଧିକାରୀ ଡ଼ଃ ମମତା ସାହୁ,ଯକ୍ଷ୍ମା ଜିଲ୍ଲା ସଂଯୋଜକ ନବୀନ କୁମାର ମହାନ୍ତି, ସସ୍ମିତା ମହାରଣା ,ବିଶ୍ବ ବିଦ୍ୟାଳୟ ର ସ୍କୁଲ ଅଫ ମ୍ୟାନଜମେଣ୍ଟ ର ଡିନ ଏମ ଜଗଦୀଶ ପ୍ରମୁଖ ଉପସ୍ଥିତ ରହି ଉପସ୍ଥିତ ଛାତ୍ରଛାତ୍ରୀ ମାନଙ୍କୁ ଯକ୍ଷ୍ମା ରୋଗ ବିଷୟରେ ସଚେତନତା କରିଥିଲେ।ଏହି କାର୍ଯ୍ୟକ୍ରମକୁ ଜାତୀୟ ସେବା ଯୋଜନାର କାଯ୍ୟକ୍ରମ ଅଧିକାରୀ ଡ଼ଃ ପ୍ରେମାନସୁ ଶେଖର ରଥ ପରିଚଳନା କରିଥିବା ବେଳେ ପ୍ରଫେସର ବାଣୀ ପ୍ରସାଦ ନାୟକ ଧନ୍ୟବାଦ ଅର୍ପଣ କରିଥିଲେ।

ଧୁମଧାମରେ ଗୁଡାରୀ ରେ ପାଳନ ହେଲା ଲୋକ ମହୋତ୍ସବ ଚଇତି…!

!!! ରାୟଗଡ଼ ଜିଲ୍ଲା ଗୁଡାରୀ ରୁ ନୀଳାଦ୍ରି ବେହେରା ଙ୍କ ରିପୋର୍ଟ !!!

ଏଥର ସମ୍ଭାଳ (ଗୁଡ଼ାରି)- ରାୟଗଡ଼ା ଜିଲ୍ଲା ଗୁଡ଼ାରି ବ୍ଲକ ରେ ବ୍ଲକ ସ୍ତରୀୟ ଲୋକ ମହୋତ୍ସବ ଚଇତି ଆଜି ଧୁମଧାମରେ ପାଳିତ ହୋଇଯାଇଛି। ସ୍ଥାନୀୟ ନୂଆ ବସଷ୍ଟାଣ୍ଡ ପରିସରରେ ଅସ୍ଥାୟୀ ମଣ୍ଡପରେ ଚଇତି ଉତ୍ସଵକୁ ଗୁଣୁପୁର ବିଧାୟକ ଶ୍ରୀ ରଘୁନାଥ ଗମାଙ୍ଗ ପ୍ରଦୀପ ପ୍ରଜ୍ବଳନ କରି ଉଦଘାଟନ କରିଥିଲେ। ସକାଳେ ସ୍ଥାନୀୟ ଭଣ୍ଡାର ଘରଣୀ ମନ୍ଦିର ରୁ ଗତ କାଲି ମିନାଝୋଲା ରୁ ଅଣା ଯାଇଥିବା ପୂର୍ଣ୍ଣ କଳସ କୁ ପୂଜାର୍ଚ୍ଚନା ବିରାଟ ଶୋଭାଯାତ୍ରାରେ ସହର ପରିକ୍ରମା କରି ଚଇତି ମଣ୍ଡପକୁ ନିଆ ଯାଇଥିଲା। ଶୋଭାଯାତ୍ରାରେ ବିଧାୟକ ଓ ସ୍ଥାନୀୟ ପ୍ରଶାସନିକ ଅଧିକାରୀମାନେ ଆଦିବାସୀ ବାଦ୍ୟ ରେ ନାଚ କରିଥିଲେ।

ବିଭିନ୍ନ ବିଦ୍ୟାଳୟ ଓ ଗ୍ରାମରୁ ଆସିଥିବା ଛାତ୍ରଛାତ୍ରୀ ଓ ଲୋକମାନେ ମଣ୍ଡପରେ ନିଜ ନିଜର କଳା ପ୍ରଦର୍ଶନ କରିଥିଲେ। ଚଇତି ଅବସରରେ ପଲ୍ଲୀଶ୍ରୀ ମେଳା ର ବିଭିନ୍ନ ଷ୍ଟଲ କୁ ବିଧାୟକ ଓ ଅଧିକାରୀ ମାନେ ବୁଲି ଦେଖିଥିଲେ। ପୂର୍ବରୁ ଅନୁଷ୍ଠିତ କ୍ରୀଡ଼ା ପ୍ରତିଯୋଗିତା ଓ ଆଜି ଅନୁଷ୍ଠିତ ହୋଇଥିବା ସାଂସ୍କୃତିକ କାର୍ଯ୍ୟକ୍ରମ ରେ କୃତିତ୍ୱ ହାସଲ କରିଥିବା ଛାତ୍ରଛାତ୍ରୀ ଙ୍କୁ ଅତିଥିମାନେ ପୁରସ୍କୃତ କରିଥିଲେ। ବିଡିଓ ଶ୍ରୀ ନୃସିଂହ ଚରଣ ସେଠି ଙ୍କ ତତ୍ୱାବଧାନ ରେ ଅନୁଷ୍ଠିତ ଏହି ଚଇତି ରେ ତହସିଲଦାର ଶ୍ରୀମତି ଭାରତୀ ଦେବୀ, ବ୍ଲକ ଅଧକ୍ଷା ଲକ୍ଷ୍ମୀ ଶବର, ଉପାଧ୍ୟକ୍ଷ ଶ୍ରୀ ବିଶ୍ୱନାଥ ଶବର, ଜିଲ୍ଲା ପରିଷଦ ସଭ୍ୟ ପତି କ୍ରାସ୍କା, ଡିଗ୍ରୀ କଲେଜ ଅଧ୍ୟକ୍ଷ ଅମୂଲ୍ୟ ପ୍ରଧାନ, ଅତିରିକ୍ତ ତହସିଲଦାର ଶ୍ରୀ ହୃଷିକେଶ ପଣ୍ଡା ଅତିଥି ଭାବେ ଯୋଗ ଦେଇଥିଲେ। ଥାନା ଅଧିକାରୀ ଶ୍ରୀ ଦୀନବନ୍ଧୁ ଶବର ଙ୍କ ନେତୃତ୍ୱରେ ଶାନ୍ତିଶୃଙ୍ଖଳା ରକ୍ଷା କରାଯାଇଥିଲା।

ଗୁଣିଗାରେଡି ସମ୍ପର୍କିତ ସଚେତନତା କର୍ମଶାଳା…!

!!!  ବଲାଙ୍ଗୀର ରୁ ଜିଲ୍ଲା ପ୍ରତିନିଧି ଦିଲ୍ଲୀପ ମେହର ଙ୍କ ରିପୋର୍ଟ୍ !!! 

ଏଥର ସମ୍ଭାଳ (ସିନ୍ଧେକେଲା/ବଲାଙ୍ଗିର ) – ବିଭିନ୍ନ ପ୍ରକାର ତନ୍ତ୍ର ମନ୍ତ୍ର ଓ ଗୁଣିଗାରେଡିରେ ବିଶ୍ୱାସ କରି ବଲାଙ୍ଗୀର ଜିଲ୍ଲାର ବିଭିନ୍ନ ଥାନା ଅଞ୍ଚଳରେ ହତ୍ୟାକାଣ୍ଡ ତଥା ଅପରାଧ ବଢ଼ୁଥିବାରୁ ଏ ଦିଗରେ ଜନଚେତନା ସୃଷ୍ଟି କରିବାପାଇଁ ହେତୁବାଦୀ ମାନେ ଆହ୍ୱାନ ଦେଇଛନ୍ତି | ସିନ୍ଧେକେଲା ଥାନାର ଭାରପ୍ରାପ୍ତ ଅଧିକାରୀ ବି. ରୁଦ୍ରେୟାଙ୍କ ଉଦ୍ୟମ କ୍ରମେ ଆଜି ପଲ୍ଲିଶ୍ରୀ ହାୟର ସେକେଣ୍ଡାରୀ ସ୍କୁଲ ଠାରେ ଅଲୌକିକତା ଅନାବରଣ କାର୍ଯ୍ୟକ୍ରମ ଏବଂ କର୍ମଶାଳା ଉଦଘାଟନ କରି ଶ୍ରୀ ରୁଦ୍ରେୟା କହିଥିଲେ ଯେ, ବିଦ୍ୟାଳୟ ସ୍ତରରୁ ଏ ଦିଗରେ ସଚେତନତା ସୃଷ୍ଟି କରାଗଲେ ଅବୈଜ୍ଞାନିକ ବିଶ୍ୱାସଜନିତ ଅନେକ ଦୁଃଖଦାୟକ ହତ୍ୟାକାଣ୍ଡ ଓ ଅପରାଧର ଚାପରୁ ପୋଲିସ ବିଭାଗ, ବିଚାର ବିଭାଗ, ସ୍ୱାସ୍ଥ୍ୟ ବିଭାଗ, ସ୍ଥାନୀୟ ପ୍ରଶାସନ ଆଦି ବିଭାଗକୁ ମୂଲ୍ୟବାନ ସମୟ ଅପଚୟରୁ ରୋକା ଯାଇପାରିବ | ମନସ୍ତତ୍ଵବିତ୍ତ ପ୍ରଫେସର ଡ. ପ୍ରତାପ କୁମାର ରଥ, ଭାରତୀୟ ସମ୍ବିଧାନର ମୁଖବନ୍ଧ ଉପରେ ଆଲୋକପାତ କରି ପ୍ରତ୍ୟେକ ଭାରତୀୟ ନାଗରିକର ଦାୟିତ୍ୱ ଓ କର୍ତ୍ତବ୍ୟ ଉପରେ ଆଲୋଚନା କରିଥିଲେ | ଏହି ପରିପ୍ରେକ୍ଷୀରେ ଧାରା 51(କ) (ଜ) ଉପରେ ଆଲୋକପାତ କରି ଅନୁସନ୍ଧିତ୍ସୁ ମନୋଭାବ ଛାତ୍ରଛାତ୍ରୀ ମାନଙ୍କ ଠାରେ ସୃଷ୍ଟି କରାଗଲେ ଅବୈଜ୍ଞାନିକ ଅବଧାରଣା ସମାଜରୁ ଦୂର ହୋଇପାରିବ ବୋଲି ମତ ବ୍ୟକ୍ତ କରିଛନ୍ତି | ଏହି ଅବସରରେ ହେତୁବାଦୀ ସୁଧାଂଶୁ ଶେଖର ଧଡ଼ା ଅଲୌକିକତା ନାମରେ ବିଶ୍ୱାସ କରାଯାଉଥିବା ଅନେକ ଅବାଧରଣାର ପ୍ରଦର୍ଶନ ସହିତ ରହସ୍ୟ ଉନ୍ନ୍ମୋଚନ ଓ ଏହା ପଛରେ ଥିବା ଧୋକାବାଜିର ବିଶ୍ଳେଷଣ କରିଥିଲେ | ଶ୍ରୀ ଧଡ଼ା ଆହୁରି ମଧ୍ୟ କହିଥିଲେ ଯେ, ପ୍ରଶ୍ନ ପଚାରିବାର ମନୋବୃତ୍ତି ସୃଷ୍ଟି କରିବା ଏବଂ ବିଚାରଶକ୍ତିର ପ୍ରୟୋଗ କରିବା ଦ୍ୱାରା ଅଲୌକିକତା ନାମରେ ବିଶେଷଭାବେ ମହିଳା ଏବଂ ଝିଅ ମାନଙ୍କୁ ଶୋଷଣରୁ ସୁରକ୍ଷା ଦିଆଯାଇପାରିବ | ଏହି କାର୍ଯ୍ୟକ୍ରମ ଅବସରରେ ପୂର୍ବରୁ ସିନ୍ଧେକେଲା ଥାନା ପକ୍ଷରୁ ଆୟୋଜନ କରାଯାଇଥିବା ସମାଜସେବା କାର୍ଯ୍ୟରେ ଅଂଶଗ୍ରହଣକାରୀ ମାନଙ୍କୁ ମାନପତ୍ର ପ୍ରଦାନ କରାଯାଇଥିଲା | ଏହି କାର୍ଯ୍ୟକ୍ରମରେ ଶିକ୍ଷାନୁଷ୍ଠାନର ଅଧ୍ୟକ୍ଷ ପ୍ରମୋଦ କୁମାର ରଥ, ପଞ୍ଚାୟତ ଉପ ଅଧ୍ୟକ୍ଷ ଭୋଳା ବେହେରା, ସରପଞ୍ଚ ନରେଶ ଅଗ୍ରୱାଲ, ଦାଶରଥୀ ସାହୁ, ସଂଯୁକ୍ତା ବାରିକ, କୈବର୍ତ୍ତ ନାଗ, ଯମୁନା ରଣା, ଗୀତା ବେହେରା, ସୁଶୀଳା ସାହୁ, ଜ୍ୟୋତିର୍ମୟୀ ସାହୁ, ସୁଜିତ ସାହୁ, ମୋହନ ସାହୁ ପ୍ରମୁଖ ଅଧ୍ୟାପକ ସହ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ |