ବଲାଙ୍ଗିର ଲୋକଉତ୍ସବ : ମିଳିତ ଭାବେ ପରିଦର୍ଶନ କଲେ ଜିଲ୍ଲାପାଳ ଓ ଏସ୍‌ପି…!

!!! ବଲାଙ୍ଗୀର ରୁ ଦିଲୀପ ମେହେର ଙ୍କ ରିପୋର୍ଟ !!!

ଏଥର ସମ୍ଭାଳ (ବଲାଙ୍ଗୀର)-ଅନୁଷ୍ଠିତ ହେବାକୁ ଯାଉଛି ୨୧ତମ ବଲାଙ୍ଗିର ଲୋକଉତ୍ସବ । ସୂଚନାଯୋଗ୍ୟ ଯେ, ଗତ ଦୁଇ ବର୍ଷ ପରେ ବଲାଙ୍ଗିର ଲୋକଉତ୍ସବ ସ୍ଥାନୀୟ କୋଶଳ କଳାମଣ୍ଡଳ ପଡିଆଠାରେ ଅନୁଷ୍ଠିତ ହେବାକୁ ଥିବା ବେଳେ ଏହି ସ୍ଥାନକୁ ଜିଲ୍ଲାପାଳ ଚଞ୍ଚଳ ରାଣା ଓ ଏସ୍‌ପି ନିତିନ କୁଶଲକର ମିଳିତ ଭାବେ ପରିଦର୍ଶନ କରି ଚାଲୁଥିବା କାମ ଗୁଡ଼ିକର ତଦାରଖ କରିଛନ୍ତି । କୋଶଳ କଳାମଣ୍ଡଳ ପଡିଆରେ ଦେଖଣାହାରୀଙ୍କୁ ବିଭିନ୍ନ ପ୍ରକାରର ସୁବିଧା ଯୋଗାଇବା ତଥା କୋଶଳ କଳାମଣ୍ଡଳ ପଡିଆରେ ଆଇନ ଶୃଙ୍ଖଳା ରକ୍ଷା କରିବା ଦିଗରେ ଗୁରୁତ୍ୱ ପ୍ରଦାନ କରିଛନ୍ତି ଉଭୟ ପ୍ରଶାସନିକ ଅଧିକାରୀ । ମଞ୍ଚ ପୂଜା ପରେ ଆରମ୍ଭ ହେବ ୨୧ତମ ଲୋକ ଉତ୍ସବର ବିଶାଳ ସାଂସ୍କୃତିକ ଶୋଭାଯାତ୍ରା ।

ସମ୍ବର୍ଦ୍ଧନା ବାର୍ତ୍ତାର ସୁଅ ଛୁଟିଛି…!

ଏଥର ସମ୍ଭାଳ ବ୍ୟୁରୋ(ଗୁଣପୁର)- ରାୟଗଡ଼ା ଜିଲ୍ଲା ଗୁଣପୁର ପଞ୍ଚାୟତ ସମିତି ର ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀମତୀ ଶାନ୍ତି ପ୍ରଭା ପ୍ରଧାନ ଙ୍କୁ ଗୁଣପୁର ଆଇଟିଡିଏ ର ପିଏ ଭାବେ ନିଯୁକ୍ତି ପାଇବାର ଖବର ଜଣା ପଡ଼ିବା ପରେ ତାଙ୍କରି ନିକଟକୁ ଶୁଭେଚ୍ଛା ବାର୍ତ୍ତା ର ସୁଅ ଛୁଟିବାରେ ଲାଗିଛି । ସ୍ଥାନୀୟ ପୌର ପରିଷଦର କାର୍ଯ୍ୟନିର୍ବାହୀ ଅଧିକାରୀ ତଥା ରାମନାଗୁଡାର ଗୋଷ୍ଠୀ ଉନ୍ନୟନ ଅଧିକାରୀ ସୁଶ୍ରୀ ପ୍ରଭାତୀ ଝୋଡିଆ ଶ୍ରୀମତୀ ପ୍ରଧାନ ଙ୍କୁ ତାଙ୍କରି ଶୁଭେଚ୍ଛା ବାର୍ତ୍ତା ଜଣାଇବା ସହ କାର୍ଯ୍ୟ ଦକ୍ଷତା କ୍ଷେତ୍ରରେ ସେ ତାଙ୍କରି ପଥ ପ୍ରଦର୍ଶକ ହୋଇ ରହିବେ ବୋଲି ପ୍ରକାଶ କରିଛନ୍ତି । ସେହି ଭଳି ଦୁର୍ନୀତି ସଂଘର୍ଷ ମଞ୍ଚ ଓଡ଼ିଶା ଶାଖା ର ରାଜ୍ୟ ସଂଗଠକ ଶକ୍ତି ପ୍ରଦ ଦାଶ ଏବଂ ଗୁଣପୁର ଓକିଲ ସଂଘ ର ପୂର୍ବତନ ସମ୍ପାଦକ ତଥା ଗୁଣପୁର ଉପଖଣ୍ଡ କଳିଙ୍ଗ ସାମ୍ବାଦିକ ସଂଘ ର ଆଇନ ଉପଦେଷ୍ଟା ଗୌରୀ ଶଙ୍କର ଦାଶ ଶୁଭେଚ୍ଛା ବାର୍ତ୍ତା ଜଣାଇବା ସହ ତାଙ୍କ ବଳିଷ୍ଠ ସ୍ୱଚ୍ଛ ଶାସନର ଉତ୍ତରୋତ୍ତର କାମନା କରିବା ସହ ଆଗାମୀ ଦିନରେ ତାଙ୍କରି ସୁଶାସନ ପଛୁଆ ବର୍ଗଙ୍କ ଉନ୍ନତିରେ ସହାୟକ ହେବ ବୋଲି ଆଶା ପ୍ରକଟ କରିଛନ୍ତି । ବୁଦ୍ଧିଜୀବୀ ମାନେ ଶ୍ରୀମତୀ ପ୍ରଧାନଙ୍କ ଏହି ପଦବୀ କୁ ବଦଳି ରାଜ୍ୟ ସରକାରଙ୍କ ଏକ ଉଚିତ୍ ନିଷ୍ପତ୍ତି ବୋଲି ମତବ୍ୟକ୍ତ କରିଛନ୍ତି ।

ପ୍ରଶାସନିକ କ୍ଷେତ୍ରରେ ବଡ଼ ଧରଣ ର ଅଦଳ ବଦଳ…!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର)- ଓଡ଼ିଶା ସରକାରଙ୍କ ରାଜସ୍ବ ଏବଂ ପାନୀୟ ଜଳ ବିଭାଗର ପତ୍ର ସଂଖ୍ୟା ୧୧୯୭ ତା:୧୯.୦୧.୨୩ ରିଖ କ୍ରମେ ରାଜ୍ୟର ୭୯ଟି ତହସିଲରେ ନୂଆ ତହସିଲଦାରଙ୍କୁ ନିଯୁକ୍ତି ସହ ମୋଟ ୧୬୯ଜଣ ଓଏଏସ୍ ଅଫିସରଙ୍କୁ ରାଜସ୍ୱ ଓ ବିପର୍ଯ୍ୟୟ ପ୍ରଶମନ ବିଭାଗ ବଦଳି କରିଥିବାବେଳେ ପଂଚାୟତିରାଜ ବିଭାଗ ଦ୍ୱାରା ୩୬ଟି ବ୍ଲକରେ ଆଜି ନୂଆ ବିଡିଓଙ୍କୁ ନିଯୁକ୍ତି ଦିଆଯାଇଛି। ଏହାସହିତ ବିଡିଓ ଭାବେ କାର୍ଯ୍ୟରତ ୧୬ଜଣ ଓଏଏସ୍ ଅଫିସରଙ୍କୁ ସେମାନଙ୍କର ମୂଳ ରାଜସ୍ୱ ବିଭାଗକୁ ଫେରାଇ ଦିଆଯାଇଛି । ପଂଚାୟତିରାଜ ବିଭାଗ ପକ୍ଷରୁ ଜାରି ବିଜ୍ଞପ୍ତି ଅନୁସାରେ, ଓଏଏସ୍ ସ୍ୱପ୍ନାନିତା ନାୟକଙ୍କୁ ହରଭଙ୍ଗା ବ୍ଲକ ବିଡିଓ,ଉଲ୍ଲାସ କୁମାର ସେଠୀ ନିଆଳି ବିଡିଓ, ଚିତ୍ତରଞ୍ଜନ ଦାସଙ୍କୁ ଦିଗପହଣ୍ଡି ବିଡିଓ, ବିକ୍ରମ କୁମାର ଦୋରା ଖଲ୍ଲିକୋଟ ବିଡିଓ, ଜୟଦେବ ଦାସ କେ.ନୂଆଗାଁ ବିଡିଓ, ଲକ୍ଷ୍ମଣ ସୋରେନ ତୁମୁଡ଼ିବନ୍ଧ ବିଡିଓ, ଶୁଭ୍ରାଂଶୁ ସାହୁଙ୍କୁ ପଟ୍ଟାମୁଣ୍ଡାଇ ବିଡିଓ, ଦେବବ୍ୟାସ ଭୋଇଙ୍କୁ କୋରାକୁଣ୍ଡା ବିଡିଓ, କ୍ଷୀରୋଦ ଚନ୍ଦ୍ର ସାହୁଙ୍କୁ ନନ୍ଦାହାଣ୍ଡି ବିଡିଓ, ଶରତ ମଲ୍ଲିକଙ୍କୁ ବାଙ୍ଗିରିପୋଷି ବିଡିଓ, ଆଶୀଷ ତ୍ରିପାଠୀଙ୍କୁ କୋଷାମଗୁଣ୍ଡା ବିଡିଓ, ସୁକାନ୍ତ ଚନ୍ଦ୍ର ମିଶ୍ରଙ୍କୁ ଜି.ଉଦୟଗିରି ବିଡିଓ, ପ୍ରଦୀପ କୁମାର ସାହୁଙ୍କୁ ଆଠଗଡ଼ ବିଡିଓ, ସାଗର ପାଲୋଙ୍କୁ କଣ୍ଟାପଡ଼ା ବିଡିଓ, ମନୋଜ କୁମାର ପାଣିଗ୍ରାହୀ ତେନ୍ତୁଳିଖୁଂଟା ବିଡିଓ, ଜୟକୃଷ୍ଣ ପାତ୍ର ମୋରଡ଼ା ବିଡିଓ, ଦାଶରଥୀ ଜେନା ଡେରାବିଶ ବିଡିଓ, ଦୁଲାରାମ ମାରାଣ୍ଡି ହରିଚନ୍ଦନପୁର ବିଡିଓ, ଜର୍ଜ ଡୁଙ୍ଗଡୁଙ୍ଗ ସୁଲିଆପଡ଼ା ବିଡିଓ, ସୁନୀଲ ଖୋରା କଲ୍ୟାଣସିଂହପୁର ବିଡିଓ, ପ୍ରୀତମ କୁମାର ତନ୍ତୀ ମୁନିଗୁଡ଼ା ବିଡିଓ, ଡଃ ଇପସିତା ପାତ୍ର ବଲାଙ୍ଗିର ବିଡିଓ, କରିସ୍ମା ବେସ୍ରା ଗୁଣୁପୁର ବିଡିଓ, ସତ୍ୟଜିତ ମହାନ୍ତ ବସ୍ତା ବିଡିଓ, ପୃଥ୍ୱୀରାଜ ପରିଡ଼ା ସିମୂଳିଆ ବିଡିଓ, ରାହୁଲ ମଣ୍ଡଳ ନୀଳଗିରି ବିଡିଓ, ଧନାଇ ଚରଣ ଟୁଟୁ କୁସୁମି ବିଡିଓ, ଅନୁରାଗ ମିଶ୍ର ଲହୁଣୀପଡ଼ା ବିଡିଓ, ସୁରେନ୍ଦ୍ରନାଥ ସାହୁ ଆଳି ବିଡିଓ, ଲୋକନାଥ ଶବର ନୂଆଗଡ଼ା ବିଡିଓ, ଦୁର୍ଯ୍ୟୋଧନ ଭୋଇ ପାଇକମାଳ ବିଡିଓ, ରାମକୃଷ୍ଣ ମିଶ୍ର ଝାରବନ୍ଧ ବିଡିଓ, ଲାବଣ୍ୟେନ୍ଦୁ ମହାନ୍ତି ଡେଲାଙ୍ଗ ବିଡିଓ, ନମିତା ବାରିକ ତିହିଡି ବିଡିଓ ସୁଶାନ୍ତ କୁମାର ବରାଳ ବରୀ ବିଡିଓ ଓ ସନ୍ତୋଷ କୁମାର ଜେନାଙ୍କୁ ଓଡଗାଁ ବିଡିଓ ଭାବେ ବଦଳି କରାଯାଇଛି