ରାମନାଗୁଡା ତହସିଲଦାର ଙ୍କୁ ପଂଚାୟତ ସମିତି ଅଧ୍ୟକ୍ଷ ଙ୍କ ପକ୍ଷରୁ ସ୍ମାରକପତ୍ର ପ୍ରଦାନ ।
ଏଥର ସମ୍ଭାଳ ବ୍ୟୁରୋ (ରାମନାଗୁଡା)– ରାୟଗଡା ଜିଲ୍ଲା ରାମନାଗୁଡା ବ୍ଲକର ବିଭିନ୍ନ ଅଞ୍ଚଳରେ ବିଭିନ୍ନ ଉନ୍ନତି ମୂଳକ କାର୍ଯ୍ୟ ତ୍ୱରାନ୍ୱିତ କରିବା ନିମନ୍ତେ ରାମନାଗୁଡା ପଂଚାୟତ ସମିତି ଅଧ୍ୟକ୍ଷ ରବି ଶଙ୍କର ଗମାଙ୍ଗ ତହସିଲଦାର ନିର୍ମଳ ଚନ୍ଦ୍ର ସାହୁ ଙ୍କୁ ଭେଟି ଏକ ସ୍ମାରକ ପତ୍ର ପ୍ରଦାନ କରିଛନ୍ତି । ଏଥିରେ ,ରାମନାଗୁଡା ବ୍ଲକ ର ପେଣ୍ କାମ ରେ ଥିବା ସରକାରୀ ଉଚ୍ଚ ବିଦ୍ୟାଳୟ ନିମନ୍ତେ ନୂତନ ଭାବେ କୋଠା ନିର୍ମାଣ କରିବା ପାଇଁ ଜମି ଅଧିଗ୍ରହଣ କରି ସ୍ଥାନ ଚିହ୍ନଟ କରି ପ୍ରଦାନ କରିବା ,ତହସିଲ ଅନ୍ତର୍ଗତ ସମସ୍ତ ମୌଜାରେ ଥିବା ଗୋଚର ଜମି ଚିହ୍ନଟ କରିବା, ଉକାମ୍ବା ପଂଚାୟତ ଅଧିନ ରେ ଥିବା ଟିକରପଡ଼ା ନିକଟ ଉଡାଯାହାଜ ପଡିଆ କୁ ଚିହ୍ନଟ କରି ଜମି ଅଧିଗ୍ରହଣ କରି ଉଡାନ ଯୋଜନା ରେ ସାମିଲ କରିବା ଏବଂ ରାମନାଗୁଡା ବ୍ଲକ ରେ ନୂତନ ଭାବେ ହେବାକୁ ଥିବା ଏକଲବ୍ୟ ଆବାସିକ ବିଦ୍ୟାଳୟ ନିର୍ମାଣ ନିମନ୍ତେ ଜମି ଚିହ୍ନଟ କରି ପ୍ରଦାନ କରିବା ନେଇ ଉଲ୍ଲେଖ କରାଯାଇଛି ।ଏହି ଦାବିପତ୍ର ପ୍ରଦାନ ସମୟରେ ତାଙ୍କ ସହ ରାମନାଗୁଡା ବ୍ଲକ କଂଗ୍ରେସ ସଭାପତି ବାଞ୍ଛାନିଧି ବେହେରା ଏବଂ ହୃଷିକେଶ ପାତ୍ର ପ୍ରମୁଖ ଉପସ୍ଥିତ ଥିଲେ।
