ମହେଶ ମଞ୍ଜରେକରଙ୍କ ବିରୋଧରେ ଏକାଧିକ ମାମଲା ରୁଜୁ….!

ଏଥର ସମ୍ଭାଳ ବ୍ୟୁରୋ(ମୁମ୍ବାଇ)- ବଢ଼ିଲା ଜଣାଶୁଣା ଅଭିନେତା ତଥା ନିର୍ଦ୍ଦେଶକ ମହେଶ ମଞ୍ଜରେକରଙ୍କ ଅଡ଼ୁଆ। ମହେଶଙ୍କ ବିରୋଧରେ ଆଇପିସି ଏବଂ ପୋକ୍ସୋ ଆଇନର ଅଲଗା ଅଲଗା ଧାରାରେ ମାମଲା ରୁଜୁ କରାଯାଇଛି। ମହେଶ ମଞ୍ଜରେକର ତାଙ୍କର ଆଗାମୀ ମରାଠୀ ଫିଲ୍ମ ‘ନାୟ ବରନ ଭାତ ଲୋଞ୍ଚା କୋନ ନାୟ କୋଞ୍ଚା’ କାରଣରୁ ବଡ଼ ସମସ୍ୟାରେ ପଡ଼ିଯାଇଛନ୍ତି। ଏହି ଫିଲ୍ମରେ ନାବାଳକଙ୍କ ସହ ଅଶ୍ଳୀଳ ଦୃଶ୍ୟ ଦେଖାଇବା ଭଳି ଅଭିଯୋଗ ହୋଇଛି। ଯେଉଁ କାରଣରୁ ମହେଶଙ୍କ ବିରୋଧରେ ଆଇପିସି ଧାରା ୨୯୨, ୩୪, ପୋକ୍ସୋ ଧାରା ୧୪ ଏବଂ ଆଇଟି ଧାରା ୬୭ ଓ ୬୭-ବି ଆଧାରରେ ମାମଲା ରୁଜୁ କରାଯାଇଛି। କୋର୍ଟ ଏହି ମାମଲାର ତଦନ୍ତ କରିବାକୁ ନିର୍ଦ୍ଦେଶ ଦେଇଛନ୍ତି। ମହେଶଙ୍କ ଏହି ଫିଲ୍ମରେ ପିଲାମାନଙ୍କୁ ଆପତ୍ତିଜନକ ସିନର ଶୁଟ୍ କରିବା ନେଇ ଅଭିଯୋଗ କରାଯାଇଥିଲା। ଏ ନେଇ ଏକ ସ୍ୱତନ୍ତ୍ର ପୋକ୍ସୋ କୋର୍ଟ ଏହାର ତଦନ୍ତ କରିବାକୁ ସ୍ଥାନୀୟ ପୁଲିସକୁ ନିର୍ଦ୍ଦେଶ ଦେଇଥିଲେ। ଏହି ତାଲିକାରେ ନିର୍ଦ୍ଦେଶକ ଓ ଅଭିନେତା ମହେଶ ମଞ୍ଜରେକରଙ୍କ ନାଁ ମଧ୍ୟ ସାମିଲ୍ ଥିଲା। ମରାଠୀ ଫିଲ୍ମ ‘ନାୟ ବରନ ଭାତ ଲୋଞ୍ଚା କୋନ ନାୟ କୋଞ୍ଚା’ର ଟ୍ରେଲର୍ ରିଲିଜ୍ ହେବା ପରେ ଏହାର କଣ୍ଟେଟକୁ ନେଇ ଆପତ୍ତି ହୋଇଥିଲା। ଟ୍ରେଲରରେ ଦେଖାଯାଇଥିବା ଶିଶୁ ଓ ମହିଳାଙ୍କ ଯୌନ ଦୃଶ୍ୟକୁ ନେଇ ଖୁବ୍ ବିବାଦ ହୋଇଥିଲା। ଏ ନେଇ ଦୁଇଟି ସଂସ୍ଥା ପକ୍ଷରୁ ଅଭିଯୋଗ ହୋଇଥିଲା। ଯାହା ପରେ ମହେଶଙ୍କ ବିରୋଧରେ ମାମଲା ରୁଜୁ ହୋଇଥିଲା। ଏପରିକି ଫିଲ୍ମକୁ ବ୍ୟାନ୍ କରିବା ପାଇଁ ଦାବି କରାଯାଇଥିଲା। ମହେଶଙ୍କ ଏହି ଫିଲ୍ମରେ ପିଲାମାନଙ୍କୁ ଆପତ୍ତିଜନକ ସିନର ଶୁଟ୍ କରିବା ନେଇ ଅଭିଯୋଗ କରାଯାଇଥିଲା। ଏ ନେଇ ଏକ ସ୍ୱତନ୍ତ୍ର ପୋକ୍ସୋ କୋର୍ଟ ଏହାର ତଦନ୍ତ କରିବାକୁ ସ୍ଥାନୀୟ ପୁଲିସକୁ ନିର୍ଦ୍ଦେଶ ଦେଇଥିଲେ। ଏହି ତାଲିକାରେ ନିର୍ଦ୍ଦେଶକ ଓ ଅଭିନେତା ମହେଶ ମଞ୍ଜରେକରଙ୍କ ନାଁ ମଧ୍ୟ ସାମିଲ୍ ଥିଲା। ମରାଠୀ ଫିଲ୍ମ ‘ନାୟ ବରନ ଭାତ ଲୋଞ୍ଚା କୋନ ନାୟ କୋଞ୍ଚା’ର ଟ୍ରେଲର୍ ରିଲିଜ୍ ହେବା ପରେ ଏହାର କଣ୍ଟେଟକୁ ନେଇ ଆପତ୍ତି ହୋଇଥିଲା। ଟ୍ରେଲରରେ ଦେଖାଯାଇଥିବା ଶିଶୁ ଓ ମହିଳାଙ୍କ ଯୌନ ଦୃଶ୍ୟକୁ ନେଇ ଖୁବ୍ ବିବାଦ ହୋଇଥିଲା। ଏ ନେଇ ଦୁଇଟି ସଂସ୍ଥା ପକ୍ଷରୁ ଅଭିଯୋଗ ହୋଇଥିଲା। ଯାହା ପରେ ମହେଶଙ୍କ ବିରୋଧରେ ମାମଲା ରୁଜୁ ହୋଇଥିଲା। ଏପରିକି ଫିଲ୍ମକୁ ବ୍ୟାନ୍ କରିବା ପାଇଁ ଦାବି କରାଯାଇଥିଲା।

ଫିଲ୍ମ ରିଲିଜ୍‌ର ଦିନକ ପୂର୍ବରୁ ଆଲିଆ ଭଟ୍ଟଙ୍କୁ ଶକ୍ତ ଝଟ୍‌କା….!

ଏଥର ସମ୍ଭାଳ ବ୍ୟୁରୋ(ମୁମ୍ବାଇ)- ଫିଲ୍ମ ରିଲିଜ୍‌ର ଦିନକ ପୂର୍ବରୁ ବଲିଉଡ୍‌ ଅଭିନେତ୍ରୀ ଆଲିଆ ଭଟ୍ଟଙ୍କୁ ଜବରଦସ୍ତ ଝଟ୍‌କା। ନିଜର ଅଗାମୀ ଫିଲ୍ମ ‘ଗଙ୍ଗୁବାଇ କାଠିୱାଡ଼ି’ ବିବାଦ ଘେରକୁ ଆସିବା ପରେ ବାଜିଛି ଆଇନ୍ ଛାଟ। ଫିଲ୍ମର ଟାଇଟଲ ପରିବର୍ତ୍ତନ ପାଇଁ ସୁପ୍ରିମକୋର୍ଟ ପ୍ରସ୍ତାବ ଦେଇଛନ୍ତି। ଏହି ଫିଲ୍ମର ନିର୍ମାତା ସଞ୍ଜୟ ଲୀଳା ଭଂସାଲି ଦ୍ୱିତୀଥର ପାଇଁ ଟାଇଟଲକୁ ନେଇ ଆଇନ୍‌ ଜାଲରେ ଫସିବା ସହ ତାଙ୍କୁ ମଧ୍ୟ ଶକ୍ତ ଧକ୍କା ଲାଗିଛି। ଫିଲ୍ମ ‘ଗଙ୍ଗୁବାଇ କାଠିୱାଡ଼ି’ ନାମ ପରିବର୍ତ୍ତନ ପାଇଁ ଭଂସାଲିଙ୍କୁ ପ୍ରସ୍ତାବ ଦେଇଛନ୍ତି ସୁପ୍ରିମକୋର୍ଟ।  ଏହି ବିବାଦୀୟ ଚଳଚ୍ଚିତ୍ରଟି ଆସନ୍ତା ଶୁକ୍ରବାର ରିଲିଜ୍‌ ହେବାର ଥିଲା।  ରିଲିଜ ପୂର୍ବରୁ  ଉକ୍ତ ଚଳଚ୍ଚିତ୍ରକୁ ନେଇ ଏକାଧିକ ମାମଲା ରୁଜୁ ହୋଥିଲା। ଆଜି ଶୁଣାଣି ବେଳେ ଭଂସାଲିଙ୍କ ଓକିଲ ସିଦ୍ଧାର୍ଥ ଦେଭ ହାଜର ହୋଇଥିଲେ।  କୋର୍ଟଙ୍କ ରାୟକୁ ସେ ନିଜାର ମହକିଲ ଭଂଶାଳୀଙ୍କୁ ଅବଗତ କରାଇ ଦେବେ ବୋଲି କହିଛନ୍ତି।। ତେବେ ମାମଲାର ଆସନ୍ତାକାଲି ମଧ୍ୟ ଶୁଣାଣି ହେବ। ଜଣେ ଯୌନ କର୍ମୀଙ୍କ ଜୀବନୀକୁ ନେଇ ଆଧାରିତ ଫିଲ୍ମଟିକୁ ବିଭିନ୍ନ ମହଲରେ ବିରୋଧ କରାଯିବା ସହ ରାଜନୀତୀ ମଧ୍ୟ ଜୋର ଧରିଥିଲା।  ଅଡୁଆରେ ପଡିଥିଲେ ଆଲିଆ ଭଟ୍ଟ । ମୁଭିର ଟ୍ରେଲର ରିଲିଜ ହେବା ପରଠାରୁ ଉଭୟ ସଞ୍ଜୟ ଏବଂ ଆଲିଙ୍କ ପାଇଁ  ସମସ୍ୟା ବଢିଥିଲା । ମୁଭିରେ ଗଙ୍ଗୁବାଈଙ୍କ ଚରିତ୍ରକୁ ନକାରାତ୍ମକ ଭାବେ ଚିତ୍ରିତ କରାଯାଇଥିବା ଅଭିଯୋଗ ହୋଇଥିଲା । ଗଙ୍ଗୁବାଈଙ୍କୁ ଜଣେ ସାମାଜିକ କର୍ମୀ ବଦଳରେ ଜଣେ ଦେହଜୀବୀ ଭାବେ ଚିତ୍ରଣ କରାଯାଇଥିବା ଅଭିଯୋଗ ହୋଇଥିଲା। ଗଙ୍ଗୁବାଈଙ୍କ ପୋଷ୍ୟପୁତ୍ର ବାବୁ ରାଓଜୀ ଶାହା ଓ ତାଙ୍କ ନାତୁଣୀ ଭାରତୀ ଶାହା ସିନେମାର କାହାଣୀକୁ ଜୋରଦାର ବିରୋଧ କରିଛନ୍ତି । ସେ ମୁମ୍ବାଇର ଏକ କୋର୍ଟରେ ଆଲିଆ ଓ ଏହାର ପ୍ରଯୋଜକ ତଥା ନିର୍ଦ୍ଦେଶକ ଭଂସାଲି ନାଁରେ ମାମଲା ଦାଏର କରିଛନ୍ତି । ଗଙ୍ଗୁବାଈଙ୍କ ପୁଅଙ୍କ ଅଭିଯୋଗ ମୁତାବକ, ଫିଲ୍ମ ନିର୍ମାଣ ସମୟରେ ତାଙ୍କ ପରିବାରଠାରୁ କୌଣସି ଅନୁମତି ନିଆଯାଇନଥିଲା । ପୂର୍ବରୁ ଯେତେବେଳେ ଗଙ୍ଗୁବାଈଙ୍କ ଉପରେ ବହି ଲେଖାଯାଇଥିଲା ସେତେବେଳେ ମଧ୍ୟ ଅନୁମତି ନେନେଇ ଲେଖାଯାଇଥିଲା । ଏବେ ମୁଭିରେ ତାଙ୍କ ମା’ଙ୍କୁ ଯେଉଁଭଳିଭାବେ ଚିତ୍ରଣ କରାଯାଇଛି ତାକୁ ନେଇ ତାଙ୍କ ପରିବାରରେ ସମସ୍ୟା ବଢିଯାଇଛି । ଲୋକ ଲଜ୍ଜା ଯୋଗୁଁ ତାଙ୍କ ପରିବାରକୁ ବାରମ୍ବାର ଘର ବଦଳାଇବାକୁ ପଡୁଛି ବୋଲି ସେ କହିଥିଲେ।

ଖାଲି ପେଟରେ ଗ୍ରୀନ୍‌ ଟି’ ପିଉଥିଲେ ସାବଧାନ….!

ଏଥର ସମ୍ଭାଳ ବ୍ୟୁରୋ(ଭୁବନେଶ୍ଵର)-ଆଜି କାଲି ଗ୍ରୀନ୍‌ ଟି’ ପିଇବା ଏକ ଟ୍ରେଣ୍ଡ ପାଲଟିଗଲାଣି। ପତଳା ହେବା ପାଇଁ ଆଉ ଫିଟ୍‌ ରହିବା ପାଇଁ ଅଧିକାଂଶ ଲୋକେ ଗ୍ରୀନ୍‌ ଟି’ ପିଇବାକୁ ଭାରି ପସନ୍ଦ କରନ୍ତି। ରିପୋର୍ଟ ଅନୁଯାୟୀ, ଏଥିରେ ଥିବା ଆଣ୍ଟିଅକ୍ସିଡାଣ୍ଟ ସ୍ୱାସ୍ଥ୍ୟକୁ ଠିକ୍‌ ରଖିବାରେ ସାହାଯ୍ୟ କରିଥାଏ ଏବଂ ଆମକୁ ଅନେକ ରୋଗରୁ ରକ୍ଷା କରିଥାଏ। ତେବେ ଗ୍ରୀନ୍ ଟି’କୁ ଯଦି ଆପଣ ସଠିକ୍ ଭାବରେ ନ ପିଇବେ, ତେବେ ଏହା ଭୟାନକ ହୋଇପାରେ। ଏହା ଆପଣଙ୍କ ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇପାରେ। ଅନେକ ଲୋକଙ୍କର ସକାଳେ ଖାଲି ପେଟରେ ଗ୍ରୀନ୍ ଟି’ ପିଇବା ଅଭ୍ୟାସ ଅଛି, କିନ୍ତୁ ଏହି ଅଭ୍ୟାସ ଆପଣଙ୍କୁ ଭାରି ପଡିପାରେ। ସକାଳୁ ଖାଲି ପେଟରେ ଗ୍ରୀନ୍‌ ଟି’ ପଇଲେ କ’ଣ ସବୁ ଅସୁବିଧା ଭୋଗିବାକୁ ପଡେ ଆସନ୍ତୁ ଜାଣିବା।

• ଖାଲି ପେଟରେ ଗ୍ରୀନ୍ ଟି ପିଇବା ଦ୍ୱାରା ପେଟ ଜଳେ ଓ ଭୋକ ହୁଏନି। କିଛି ଖାଇବାକୁ ଭଲ ଲାଗିବନି। ଖାଲି ପେଟରେ ଗ୍ରୀନ୍‌ ଟି’ ପିଇବା ଦ୍ୱାରା ଏସିଡ୍‌ ସୃଷ୍ଟି ହୁଏ। ଏହି କାରଣରୁ ପେଟରେ ଯନ୍ତ୍ରଣା ଆରମ୍ଭ ହୋଇଯାଏ। ବିଶେଷଜ୍ଞଙ୍କ ମୁତାବକ, ଖାଲି ପେଟରେ ଗ୍ରୀନ୍‌ ଟି’ ପିଇବା ବଦଳରେ ଏହାକୁ ଦିନରେ ସମୟ ସମୟରେ ଅଳ୍ପ ଅଳ୍ପ କରି ପିଇବା ଉଚିତ।
• ଅତ୍ୟଧିକ ମାତ୍ରାରେ ଗ୍ରୀନ୍‌ ଟି’ ସେବନ କରିବା ଦ୍ୱାରା ଶରୀରରେ ଆଇରନ୍‌ର ଅଭାବ ଦେଖାଦିଏ। ଗ୍ରୀନ୍‌ ଟି’ରେ ଥିବା ଟ୍ୟାନିନ୍‌, ଖାଦ୍ୟ ପଦାର୍ଥ ଏବଂ ପୋଷକ ତତ୍ତ୍ୱରୁ ହେଉଥିବା ଆଇରନ୍‌ ଉତ୍ପନ୍ନରେ ବାଧା ସୃଷ୍ଟି କରେ। ଏହାର ଅତ୍ୟଧିକ ବ୍ୟବହାର ଗର୍ଭାବସ୍ଥାରେ କିମ୍ବା ଶିଶୁର ଜନ୍ମ ପରେ ମଧ୍ୟ କ୍ଷତି ପହଞ୍ଚାଇପାରେ। ଯଦି ଆପଣ ଏହାକୁ ଅଧିକ ପିଅନ୍ତି ତେବେ ଏହା ଆପଣଙ୍କ ଗର୍ଭପାତର କାରଣ ମଧ୍ୟ ହୋଇପାରେ।
• କଫି ପରି ଗ୍ରୀନ୍‌ ଟି’ରେ ମଧ୍ୟ କ୍ୟାଫିନ୍ ରହିଛି। ଯଦିଓ ଏହାର ପରିମାଣ ବେଶ କମ୍‌ ତଥାପି ଖାଲି ପେଟରେ ଲଗାତର ଗ୍ରୀନ୍‌ ଟି’ ପିଇବା ଦ୍ୱାରା ଶରୀରରେ ଡିହାଇଡ୍ରେସନ୍ ଭଳି ସମସ୍ୟା ଦେଖାଦେଇଥାଏ।
• ଅନେକ ଲୋକଙ୍କୁ ଖାଲି ପେଟରେ ଗ୍ରୀନ୍‌ ଟି’ ପିଇବା ଯୋଗୁଁ ମୁଣ୍ଡ ବିନ୍ଧା ଭଳି ସମସ୍ୟା ସୃଷ୍ଟି ହୋଇଥାଏ। କୁହାଯାଏ, ଖାଲି ପେଟରେ ଏହାକୁ ପିଇବା ଦ୍ୱାରା ଗ୍ୟାସ୍‌ ଭଳି ସମସ୍ୟା ଉପୁଜେ। କିଛି ସମୟ ପରେ ଏହି ଗ୍ୟାସ୍‌ ଯୋଗୁଁ ମୁଣ୍ଡ ବିନ୍ଧେ। ତେବେ ଜଳଖିଆ ଖାଇବାର କିଛି ସମୟ ପରେ ହିଁ ଗ୍ରୀନ୍‌ ଟି’ ପଇବାକୁ ଚେଷ୍ଟା କରିବା ଉଚିତ।

ଆଜିର ରାଶିଫଳ – ୨୪ ଫେବ୍ରୁଆରୀ (ଗୁରୁବାର)

ମେଷ: ବ୍ୟବସାୟ କ୍ଷେତ୍ରରେ ଥିବା ସମସ୍ୟା ଦୂର ହୋଇଯିବ। ଆର୍ଥିକ ସ୍ଥିତି ସ୍ୱଚ୍ଛଳ ରହିବ। ରାଜନୀତି କ୍ଷେତ୍ରରେ ସଫଳ ହେବେ। ଛାତ୍ରଛାତ୍ରୀମାନେ ହସଖୁସିରେ ସମୟ ବିତେଇବେ।

ବୃଷ: ବିବେକ ବୁଦ୍ଧି ବଳରେ ବିପରୀତ ପରିସ୍ଥିତିକୁ ନିଜ ସପକ୍ଷରେ ନେଇ ପାରିବେ। ଅଧସ୍ତନ କର୍ମୀ ଓ ସହକର୍ମୀଙ୍କ ସାହାଯ୍ୟ ଏବଂ ସମର୍ଥନ ହାସଲ କରିବେ।

ମିଥୁନ: କର୍ମକ୍ଷେତ୍ରରେ ଲୋକ ସମ୍ପର୍କ ବୃଦ୍ଧି ହେବ। ସୁଖଶାନ୍ତିରେ ଦିନଟି କଟାଇ ପାରିବେ। ବ୍ୟବସାୟ କ୍ଷେତ୍ରରେ ଅଧିକ ଲାଭ ହେବ। ଦାମ୍ପତ୍ୟ ଜୀବନ ଖୁସିର କଟିବ।

ଆଜି ପଞ୍ଜାବ ରେ ଭୋଟ୍‌ ଦାନ ; ନିର୍ଧାରଣ ହେବ ହେବିୱେଟ ନେତା ଙ୍କ ଭାଗ୍ୟ …!

ଏଥର ସମ୍ଭାଳ ବ୍ୟୁରୋ (ପଞ୍ଜାବ) : ପଞ୍ଜାବରେ ଆରମ୍ଭ ହୋଇଛି ଭୋଟିଂ। ଆଜି ସମସ୍ତ ୧୧୭ଟି ବିଧାନସଭା ଆସନରେ ଭୋଟ ଗ୍ରହଣ ଆରମ୍ଭ ହୋଇଛି। ସକାଳ ୮ଟାରୁ ମତଦାନ ଆରମ୍ଭ ହୋଇ ସନ୍ଧ୍ୟା ୬ଟା ଯାଏଁ ଚାଲିବ। ୧ହଜାର ୩୦୪ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ ୨ କୋଟି ୧୪ଲକ୍ଷ ଭୋଟର। ଚଳିତଥର ପଞ୍ଜାବ ନିର୍ବାଚନ ବେଶ ରୋଚକ ହେବାକୁ ଯାଉଛି। କଂଗ୍ରେସ, ଆପ, ଅକାଳୀ-ବିଏସପି ମେଣ୍ଟ, ବିଜେପି-ପିଏଲସି-ଏସଏଡି(ସଂଯୁକ୍ତ) ଏବଂ ସଂଯୁକ୍ତ ସମାଜ ମୋର୍ଚ୍ଚା କ୍ଷମତା ପାଇଁ ପ୍ରତିଦ୍ୱନ୍ଦ୍ୱିତା କରୁଛନ୍ତି। ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ ସିଂହ ଚନ୍ନି, ଆମ ଆଦମୀ ପାର୍ଟି ମୁଖ୍ୟମନ୍ତ୍ରୀ ପ୍ରାର୍ଥୀ ଭଗୱନ୍ତ ସିଂହ ମାନ, ପଞ୍ଜାବ କଂଗ୍ରେସ ମୁଖ୍ୟ ନବଜ୍ୟୋତ ସିଂ ସିଦ୍ଧୁ, ପୂର୍ବତନ ମୁଖ୍ୟମନ୍ତ୍ରୀ କ୍ୟାପ୍ଟେନ ଅମରିନ୍ଦର ସିଂ ଓ ପ୍ରକାଶ ସିଂ ବାଦଲ, ଶିରୋମଣି ଅକାଳି ଦଳର ଅଧ୍ୟକ୍ଷ ସୁଖବୀର ସିଂ ବାଦଲଙ୍କ ଭଳି ହେଭିୱେଟ ନେତାଙ୍କ ଭାଗ୍ୟ ନିର୍ଦ୍ଧାରଣ କରିବେ ଜନତା। ଏଠାରେ ପ୍ରତିଦ୍ୱନ୍ଦିତା କରୁଥିବା ପ୍ରାର୍ଥୀଙ୍କ ମଧ୍ୟରେ ୯୧ ଜଣ ମହିଳା ଅଛନ୍ତି।

ପଞ୍ଜାବରେ ଆରମ୍ଭ ହୋଇଛି ଭୋଟିଂ। ଆଜି ସମସ୍ତ ୧୧୭ଟି ବିଧାନସଭା ଆସନରେ ଭୋଟ ଗ୍ରହଣ ଆରମ୍ଭ ହୋଇଛି। ସକାଳ ୮ଟାରୁ ମତଦାନ ଆରମ୍ଭ ହୋଇ ସନ୍ଧ୍ୟା ୬ଟା ଯାଏଁ ଚାଲିବ। ୧ହଜାର ୩୦୪ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ ୨ କୋଟି ୧୪ଲକ୍ଷ ଭୋଟର। ଚଳିତଥର ପଞ୍ଜାବ ନିର୍ବାଚନ ବେଶ ରୋଚକ ହେବାକୁ ଯାଉଛି। କଂଗ୍ରେସ, ଆପ, ଅକାଳୀ-ବିଏସପି ମେଣ୍ଟ, ବିଜେପି-ପିଏଲସି-ଏସଏଡି(ସଂଯୁକ୍ତ) ଏବଂ ସଂଯୁକ୍ତ ସମାଜ ମୋର୍ଚ୍ଚା କ୍ଷମତା ପାଇଁ ପ୍ରତିଦ୍ୱନ୍ଦ୍ୱିତା କରୁଛନ୍ତି। ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ ସିଂହ ଚନ୍ନି, ଆମ ଆଦମୀ ପାର୍ଟି ମୁଖ୍ୟମନ୍ତ୍ରୀ ପ୍ରାର୍ଥୀ ଭଗୱନ୍ତ ସିଂହ ମାନ, ପଞ୍ଜାବ କଂଗ୍ରେସ ମୁଖ୍ୟ ନବଜ୍ୟୋତ ସିଂ ସିଦ୍ଧୁ, ପୂର୍ବତନ ମୁଖ୍ୟମନ୍ତ୍ରୀ କ୍ୟାପ୍ଟେନ ଅମରିନ୍ଦର ସିଂ ଓ ପ୍ରକାଶ ସିଂ ବାଦଲ, ଶିରୋମଣି ଅକାଳି ଦଳର ଅଧ୍ୟକ୍ଷ ସୁଖବୀର ସିଂ ବାଦଲଙ୍କ ଭଳି ହେଭିୱେଟ ନେତାଙ୍କ ଭାଗ୍ୟ ନିର୍ଦ୍ଧାରଣ କରିବେ ଜନତା। ଏଠାରେ ପ୍ରତିଦ୍ୱନ୍ଦିତା କରୁଥିବା ପ୍ରାର୍ଥୀଙ୍କ ମଧ୍ୟରେ ୯୧ ଜଣ ମହିଳା ଅଛନ୍ତି।

ମହିଳା ମହାସଂଘରେ ମହା ଘୋଟାଲା, ଖାଇଗଲେ ୧୮ଲକ୍ଷ ୮୦ ହଜାର ଟଙ୍କା …!

ଏଥର ସମ୍ଭାଳ ବ୍ୟୁରୋ (ଭଦ୍ରକ) : ମହିଳା ମହାସଂଘରେ ମହା ଘୋଟାଲା। ମିଳିମିଶି ଖାଇଗଲେ ୧୮ଲକ୍ଷ ୮୦ ହଜାର ଟଙ୍କା। ନୋଟିସ୍‌ ପରେ ବି ଦେଉନାହାନ୍ତି ଜବାବ। ରିମାଇଣ୍ଡର ପଠାଇବ ପରେ କାର୍ଯ୍ୟାନୁଷ୍ଠାନ ନେବାକୁ ସଜବାଜ ହେଉଛି ପ୍ରଶାସନ। ଏପରି ଅଭିଯୋଗ ଆସିଛି ଭଦ୍ରକ ଜିଲ୍ଲା ବାସୁଦେବପୁର ବ୍ଲକରୁ। ଆଗକୁ ପଞ୍ଚାୟତ ନିର୍ବାଚନ ଥିବାରୁ ଏହି ମହାଘୋଟାଲାକୁ ନେଇ ବାସୁଦେବପୁର ଅଞ୍ଚଳରେ ବେଶ୍‌ ଚର୍ଚ୍ଚା ହେଉଛି। ଇରମ ଓ ତା’ର ଆଖପାଖ ପଞ୍ଚାୟତର ୧୦୦ଟି ମହିଳା ସ୍ୱୟଂସହାୟ ଗୋଷ୍ଠୀକୁ ନେଇ ମହାସଂଘ ଗଠନ କରାଯାଇଥିଲା। ମହାସଂଘର ସଭାପତି ଭାବେ ରମଣୀ ବିଶ୍ୱାଳ ଓ ସମ୍ପାଦିକା ରମାମଣି ମାଝୀଙ୍କୁ ଚୟନ କରାଯାଇଥିଲା। ଏହା ପରେ ଅର୍ଥାତ ୨୦୧୩-୧୪ ଆର୍ଥିକ ବର୍ଷରେ ଏହି ମହାସଂଘକୁ ରାଜ୍ୟ ସରକାର ୨୫ ଲକ୍ଷ ଟଙ୍କା ଦେଇଥିଲେ। ସେହି ଅର୍ଥ ମହାସଂଘର ଜମା ଖାତାରେ ରହିଥିଲା। ଏହି ଅର୍ଥର ମୂଳ ଜମା ଓ ସୁଧକୁ ମିଶାଇଲେ ୩୩ ଲକ୍ଷ ଟଙ୍କାରୁ ଅଧିକ ହେବ। ମହାସଂଘର ଜମା ଖାତାକୁ ବ୍ଲକ୍‌ ମିଶନ୍‌ଶକ୍ତି ପକ୍ଷରୁ ଅଡିଟ୍‌ କରାଯାଇଥିଲା। ତେବେ ଅଡିଟ୍‌ ବେଳେ ଜମା ଖାତାରୁ ୧୮ଲକ୍ଷ ୮୦ ହଜାର ଟଙ୍କା ଗାଏବ ହୋଇଥିବା ଜଣାପଡ଼ିଥିଲା। ହେଲେ ଏହି ଅର୍ଥର ହିସାବ ମହାସଂଘ ଦେଇପାରିନଥିଲା। ଏହି ମହାଘୋଟାଲା ସମ୍ପର୍କରେ ଜାଣି ମଧ୍ୟ ବ୍ଲକ୍‌ ମିଶନ୍‌ ଶକ୍ତି ବିଭାଗ ଚୁପ୍‌ ବସିଥିଲା। ଘୋଟାଲାରେ ସମ୍ପୃକ୍ତ ଥିବା ବ୍ୟକ୍ତିଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନଥିଲା। ଘୋଟାଲା ସମ୍ପର୍କରେ ଜାଣିବା ପରେ ସ୍ୱୟଂସହାୟକ ଗୋଷ୍ଠୀର ମହିଳାଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା। କେତେକ ମହିଳା ଏନେଇ ସ୍ଥାନୀୟ ବିଡିଓଙ୍କ ପାଖରେ ଅଭିଯୋଗ କରିଥିଲେ। ଏହା ସତ୍ତ୍ୱେ ବିଡିଓ ମହାଶୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିଲେ। ସବୁ ଜାଣି ଚୁପ୍‌ ବସିଥିଲେ।

ବିଡିଓଙ୍କଠାରୁ ନିରାଶ ହୋଇ ମହିଳାମାନେ ୨୦୨୧ ମସିହା ସେପ୍ଟେମ୍ୱର ୧ ତାରିଖରେ ଓଡିଶା ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ। ମହାସଂଘର ମହା ଘୋଟାଲାର ତଦନ୍ତ କରିବାକୁ ଅନୁରୋଧ କରିଥିଲେ। ମାମଲାର ଗୁରୁତ୍ୱ ଦେଖି ହାଇକୋର୍ଟ ରାଜ୍ୟ ମିଶନ ଶକ୍ତି କମିଶନ ଓ ଭଦ୍ରକ ଜିଲ୍ଲାପାଳଙ୍କୁ ଜବାବ ମାଗିଥିଲେ। ଏହା ପରେ ଭଦ୍ରକ ଜିଲ୍ଲାପାଳ ବାସୁଦେବପୁର ବିଡିଓଙ୍କୁ ଚିଠି କରିଥିଲେ। ଘଟଣାର ତଦନ୍ତ କରି ଶୀଘ୍ର ରିପୋର୍ଟ ଦେବାକୁ ନିର୍ଦ୍ଦେଶ ଦେଇଥିଲେ। ୨୦୨୨ ମସିହା ଜାନୁଆରୀ ୨୯ ତାରିଖରେ ବାସୁଦେବପୁର ବିଡିଓ ମହାସଂଘର ସଭାପତି ରମଣୀ ବିଶ୍ୱାଳ ଓ ସମ୍ପାଦିକା ରମାମଣି ମାଝୀଙ୍କୁ ଚିଠି କରି ଗାଏବ ହୋଇଥିବା ୧୮ଲକ୍ଷ ୮୦ ହଜାର ଟଙ୍କା ହିସାବ ଦେବାକୁ ନିର୍ଦ୍ଦେଶ ଦେଇଥିଲେ। ଯଥାଶୀଘ୍ର ଗାଏବ ହୋଇଥିବା ଅର୍ଥ ଗୋଷ୍ଠୀ ବିନିଯୋଗ ପାଣ୍ଠି ଜମାବହିରେ ଜମା କରିବାକୁ ନିର୍ଦ୍ଦେଶ ଦେଇଥିଲେ। ହେଲେ ସେମାନେ ଆଜି ପର୍ଯ୍ୟନ୍ତ ତା’ର ହିସାବ ଦେଉନାହାନ୍ତି। ଏପରିକି ବିଡିଓଙ୍କ ଚିଠିର କୌଣସି ଉତ୍ତର ଦେଉନାହାନ୍ତି ମହାସଂଘର ସଭାପତି ରମଣୀ ବିଶ୍ୱାଳ ଓ ସମ୍ପାଦିକା ରମାମଣି ମାଝୀ। ଏହାକୁ ନେଇ ସ୍ୱୟଂ ସହାୟକ ଗୋଷ୍ଠୀ ମହିଳାଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଉଛି।

ତେବେ ଘଟଣାକୁ ନେଇ ମହିଳା ମହାସଂଘର ସଭାପତି ଓ ସମ୍ପାଦକଙ୍କ ସହ ଯୋଗାଯୋଗ କରିବାକୁ ଚେଷ୍ଟା କରିଥିଲୁ। ହେଲେ କେହି କୌଣସି ପ୍ରତିକ୍ରିୟା ଦେବାକୁ ରାଜି ହୋଇନଥିଲେ। ଅନ୍ୟପଟେ ବିଡ଼ିଓ କହିଛନ୍ତି, ପ୍ରଥମ ଚିଠିର ଉତ୍ତର ପାଇ ନଥିବାରୁ ଆମେ ପୁନର୍ବାର ଏକ ରିମାଇନଣ୍ଡର ଚିଠି କରିଛୁ। ଏହାର ଉତ୍ତର ନମିଲେ ନିଶ୍ଚିତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

ଭୋଟ୍‌ ଦାନ ରୁ ବଞ୍ଚିତ ୧୧୪ ପରିବାର ।

ଏଥର ସମ୍ଭାଳ ବ୍ୟୁରୋ (ବାରିପଦା) : ବ୍ୟାଘ୍ର ବଂଶ ବୃଦ୍ଧି ନାଁ ଭିଟାମାଟି ଛାଡ଼ିଲେ। ହେଲେ ହରାଇଲେ ଭୋଟ୍‌ ଦାନ ଅଧିକାର। ଯେଉଁଥିପାଇଁ ବର୍ତ୍ତମାନ ଚାଲିଥିବା ପଞ୍ଚାୟତ ନିର୍ବାଚନରେ ଭାଗ ନେଇ ପାରୁନାହାନ୍ତି ଖଡ଼ିଆ ସମ୍ପ୍ରଦାୟର ୧୧୪ ପରିବାର। ଏପରି ଚିତ୍ର ଆଜି ସାମ୍ନାକୁ ଆସିଛି ଆଦିବାସୀ ଅଧ୍ୟୁଷିତ ମୟୂରଭଞ୍ଜ ଜିଲ୍ଲାରୁ। ଶିମିଳିପାଳ ଆଭ୍ୟନ୍ତରଣ ଖେଜୁରୀ ଗାଁରେ ବସବାସ କରୁଥିଲେ ଆଦିମ ଜନଜାତି ଖଡିଆ ସମ୍ପ୍ରଦାୟର ଲୋକ। ସମସ୍ତଙ୍କ ପାଖରେ ଭୋଟର ପରିଚୟପତ୍ର ଥିଲା। ଆଉ ନିର୍ବାଚନରେ ନିଜର ମତଦାନ ସାବ୍ୟସ୍ତ କରୁଥିଲେ। ହେଲେ ବ୍ୟାଘ୍ର ସଂରକ୍ଷଣ ପ୍ରକଳ୍ପ ପାଇଁ ୨୦୨୦ ଜାନୁଆରୀ ୨୪ ତାରିଖରେ ବନ ବିଭାଗ ସେମାନଙ୍କୁ ଠାକୁରମୁଣ୍ଡା ବ୍ଲକର ସାଲେଇବେଡା ଗାଁରେ ବିସ୍ଥାପିତ କରିଥିଲା। ଗାଁ ଲୋକଙ୍କୁ ଥଇଥାନ ସମୟରେ ୩ ମାସ ଧରି ଖାଇବାକୁ ଦିଆଯାଇଥିଲା। ମୋଟ୍‌ ୧୧୪ ପରିବାର ମଧ୍ୟରୁ ମାତ୍ର ୧୦୭ ଜଣକୁ ସରକାରୀ ବାସଗୃହ ଯୋଗାଇ ଦିଆଯାଇଥିଲା। ତେବେ ବାକି ଗାଁ ଲୋକଙ୍କୁ ବାସଗୃହ ଦିଆଯାଇନଥିବାରୁ ସେମାନେ ନାନା ଅସୁବିଧାରେ ସମ୍ମୁଖୀନ ହେଉଛନ୍ତି। ସେପଟେ ବିସ୍ଥାପନକୁ ଇତି ମଧ୍ୟରେ ଦୁଇ ବର୍ଷ ବିତି ଗଲାଣି। ହେଲେ ଆଜି ପର୍ଯ୍ୟନ୍ତ ସେମାନଙ୍କର ଭୋଟର ତାଲିକା ସଂଶୋଧନ କରାଯାଇପାରିନି। ଯେଉଁଥିପାଇଁ ଭୋଟ୍‌ଦାନରୁ ସେମାନେ ବଞ୍ଚିତ ହୋଇଛନ୍ତି। ଗାଁ ଲୋକେ ଏନେଇ ସ୍ଥାନୀୟ ବିଡିଓଙ୍କଠାରୁ ଆରମ୍ଭ କରି ଉପ-ଜିଲ୍ଲାପାଳ ପର୍ଯ୍ୟନ୍ତ ଲିଖିତ ଅଭିଯୋଗ କରିଛନ୍ତି। ହେଲେ ସେମାନଙ୍କୁ କିଛି ଲାଭ ମିଳିପାରି ନାହିଁ। ସେମାନେ ଜଙ୍ଗଲ ଭିତରେ ଯେମିତି ଥିଲେ, ତା’ଠାରୁ ଆହରି ଦୟନୀୟ ଅବସ୍ଥାରେ ଜୀବନ ଅତିବାହିତ କରୁଥିବା କହିଛନ୍ତି। ପାଖରେ ଭୋଟ୍‌ ପରିଚୟପତ୍ର ରହିଛି, ମାତ୍ର ଭୋଟ୍‌ ଦେଇପାରୁ ନାହାନ୍ତି ବୋଲି ଗାଁ ଲୋକେ କହିଛନ୍ତି। ଏବେ ଚାଲିଥିବା ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ନିଜର ମତଦାନ ସାବ୍ୟସ୍ତ କରିପାରୁ ନାହାନ୍ତି। ତେବେ ଏ ନେଇ ଠାକୁରମୁଣ୍ଡା ବିଡ଼ିଓ ଶ୍ୟାମ ସୁନ୍ଦର ଟୁଡୁ କହିଛନ୍ତି, ବିଏଲ୍‌ଓ ସେଠାରେ କ୍ୟାମ୍ପ କରିଥିଲେ। ମାତ୍ର ଗାଁ ଲୋକ ଆସିଲେ ନାହିଁ। ସେପଟରେ ଗାଁର ଜଣେ ବ୍ୟକ୍ତି ରାମଚନ୍ଦ୍ର ସୋରେନ କହିଛନ୍ତି, ସ୍କୁଲ ପାଖଠାରୁ ୧୦୦ ମିଟର ଦୂରରେ ଆମେ ରହୁଛି। କିନ୍ତୁ କେହି ଆମକୁ ଜଣାଇ ନାହାନ୍ତି। ପ୍ରଶାସନ ମିଛ କହୁଛି।

ତୁଳା: ଆୟ ଅପେକ୍ଷା ବ୍ୟୟ ଅଧିକ ହେବ। ଶତ୍ରୁମାନେ ଆପଣଙ୍କ ବିରୋଧରେ ଷଡ଼ଯନ୍ତ୍ର କରିପାରନ୍ତି। ବିଛା: ଆୟର ନୂତନ ପନ୍ଥା ପାଇଁ ଯୋଜନା ପ୍ରସ୍ତୁତ କରିବେ। ମନ ଶାନ୍ତ ରହିବ। ଆଜି ନାଲି ରଙ୍ଗର ବସ୍ତ୍ର ପରିଧାନ କରନ୍ତୁ। ଧନୁ: ଅଫିସ୍‌ରେ ଦାୟିତ୍ୱ ବଢ଼ିବ। ବନ୍ଧୁବାନ୍ଧବଙ୍କ ସାହାଯ୍ୟ ସହଯୋଗ ପାଇବେ। ଶତ୍ରୁମାନେ ପରାଜିତ ହେବେ। ମକର: କର୍ମକ୍ଷେତ୍ରରେ ଶୁଭଫଳ ପାଇବେ। ବ୍ୟବସାୟରେ ଭଲ ଆୟ ହେବ। ମାନସିକ ଶାନ୍ତି ଲାଭ କରିବେ। କୁମ୍ଭ: ରୋଜଗାର ବଢ଼ିବ। ଘରକୁ ଅତିଥି ଆସିପାରନ୍ତି। କାହାକୁ କଡ଼ା କଥା କୁହନ୍ତୁ ନାହିଁ। ମୀନ: ଇଚ୍ଛା ବିରୋଧରେ ଯାଇ କିଛି କାର୍ଯ୍ୟ କରିବା ପାଇଁ ବାଧ୍ୟ ହେବେ। ଆର୍ଥିକ ଅବସ୍ଥା ଭଲ ରହିବ। ସ୍ୱାସ୍ଥ୍ୟ ଜନିତ ସମସ୍ୟାରୁ ମୁକ୍ତ ହେବେ।

ଏଥର ସମ୍ଭାଳ ବ୍ୟୁରୋ (ଭୁବନେଶ୍ଵର) : ଚଳିତ ତ୍ରିସ୍ତରୀୟ ପଞ୍ଚାୟତ ନିର୍ବାଚନର ଆଜି ହେଉଛନ୍ତି ତୃତୀୟ ପର୍ଯ୍ୟାୟ ଭୋଟ୍‌। ସକାଳ ୭ଟାରୁ ଆରମ୍ଭ ହୋଇଛି ମତଦାନ। ନିଜ ନିଜ ମତାଧିକାର ସାବ୍ୟସ୍ତ ପାଇଁ ଲୋକଙ୍କ ମଧ୍ୟରେ ପ୍ରବଳ ଆଗ୍ରହ ଦେଖିବାକୁ ମିଳିଛି। ଅନେକ ସ୍ଥାନରେ ସକାଳୁ ଆସି ଲୋକେ ଲମ୍ବା ଧାଡ଼ିରେ ଛିଡ଼ା ହୋଇଛନ୍ତି। ଭୋଟ୍ ଗ୍ରହଣ ଦିନ ଗୋଟାଏ ପର୍ଯ୍ୟନ୍ତ ଚାଲିବ। ଏହି ପର୍ଯ୍ୟାୟରେ ଝାରସୁଗୁଡ଼ାକୁ ଛାଡ଼ି ବାକି ୨୯ଟି ଜିଲ୍ଲାର ୬୩ଟି ବ୍ଳକ୍‌ର ୧୭୧ଟି ଜିଲ୍ଲା ପରିଷଦ ଜୋନ୍ ଅନ୍ତର୍ଗତ ୧,୩୮୨ଟି ପଞ୍ଚାୟତରେ ଭୋଟ୍ ପଡ଼ିବ। ମୋଟ୍ ୫୬ ଲକ୍ଷ ୫୩ ହଜାର ୪୦୫ ଜଣ ଭୋଟର୍ ୧୮,୪୯୫ଟି ବୁଥ୍‌ରେ ସେମାନଙ୍କର ମତାଧିକାର ସାବ୍ୟସ୍ତ କରିବେ। ଏହି ପର୍ଯ୍ୟାୟରେ ୨,୭୭୩ଟି ବୁଥ୍ ସମ୍ବେଦନଶୀଳ ଭାବେ ଚିହ୍ନଟ ହୋଇଛି। ୧୭୧ଟି ଜିଲ୍ଲା ପରିଷଦ ଜୋନ୍‌ରେ ମୋଟ୍ ୬୭୯ ଜଣ ପ୍ରାର୍ଥୀ ଛିଡ଼ା ହୋଇଛନ୍ତି। ଆଜି ସେମାନଙ୍କ ଭାଗ୍ୟ ଭୋଟ୍‌ ବାକ୍ସରେ ସିଲ୍ ହେବ।ଶାନ୍ତିଶୃଙ୍ଖଳାର ସହ ନିର୍ବାଚନ କରିବା ପାଇଁ ପୁଲିସ ଓ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି ହୋଇଛି। ରାଜ୍ୟରେ ପ୍ରଥମ ପର୍ଯ୍ୟାୟ ନିର୍ବାଚନରେ ୭୭.୨ ପ୍ରତିଶତ ଭୋଟ୍ ପଡ଼ିଥିବା ବେଳେ ଦ୍ୱିତୀୟ ପର୍ଯ୍ୟାୟରେ ୭୮.୩ ପ୍ରତିଶତ ମତଦାନ ହୋଇଛି। ସୂଚନାଯୋଗ୍ୟ, ପ୍ରଥମ ଓ ଦ୍ୱିତୀୟ ପର୍ଯ୍ୟାୟ ନିର୍ବାଚନରେ ବିଭିନ୍ନ କାରଣରୁ ୪୬ଟି ବୁଥ୍‌ରେ ମତଦାନକୁ ବାତିଲ କରାଯାଇଥିଲା। ସେଥିପାଇଁ ଏହି ସବୁ ବୁଥ୍‌ରେ ଆସନ୍ତା ୨୩ ତାରିଖରେ ସାନି ମତଦାନ ହେବ ବୋଲି ରାଜ୍ୟ ନିର୍ବାଚନ କମିଶନଙ୍କ ପକ୍ଷରୁ କୁହାଯାଇଛି।

ଆଜିର ରାଶିଫଳ : ୨୦ ଫେବ୍ରୁଆରୀ, ରବିବାର ।

ମେଷ: କାର୍ଯ୍ୟଭାର ବଢ଼ିଯିବାରୁ କ୍ଳାନ୍ତ ଅନୁଭବ କରିବେ। ବ୍ୟବସାୟରେ ଭଲ ଲାଭ ହେବ। ଯାନବାହାନ ଚଳାଚଳ ବେଳେ ସତର୍କ ରୁହନ୍ତୁ।

ବୃଷ: ବିଭିନ୍ନ ସମସ୍ୟାକୁ ନେଇ ଚିନ୍ତାଗ୍ରସ୍ତ ରହିବେ। ପରିବାରରେ ମତଭେଦ ମଧ୍ୟ ହୋଇପାରେ। ବନ୍ଧୁବାନ୍ଧବଙ୍କ ସହ ଦୂରଯାତ୍ରା କରିପାରନ୍ତି।

ମିଥୁନ: ବ୍ୟବସାୟରେ ଅଧିକ ବ୍ୟୟ ହେବ। ନିଜର ମନପସନ୍ଦର ଦ୍ରବ୍ୟ ହାନି ହୋଇପାରେ। ପରିବାରରେ ଅଯଥା ବିବାଦ ଯୋଗୁଁ ମନ ଅଶାନ୍ତ ରହିବ।

କର୍କଟ: ବିଭିନ୍ନ ସମସ୍ୟାର ସମାଧାନର ବାଟ ମିଳିବ। ପରିବାରରେ ଶାନ୍ତି ଶୃଙ୍ଖଳା ବଜାୟ ରହିବ। ଦୂର ସ୍ଥାନକୁ ଯାତ୍ରା ମଧ୍ୟ କରି ପାରନ୍ତି।

ସିଂହ: ବ୍ୟବସାୟରେ ଆୟ ଓ ବ୍ୟୟ ସମାନ ରହିବ। ମାନସିକ ଅଶାନ୍ତି ଦେଖା ଦେଇପାରେ। ନୂତନ କାର୍ଯ୍ୟଭାର ହାତକୁ ନେବେ।

କନ୍ୟା: ବ୍ୟବସାୟରେ କ୍ଷତି ହେଇପାରେ। ପରିବାରରେ ସବୁ ଠିକ୍‌ଠାକ୍ ରହିବ। ଶତ୍ରୁ ଉପରେ ବିଜୟ ଲାଭ କରିବେ।

ତୁଳା: ଆୟ ଅପେକ୍ଷା ବ୍ୟୟ ଅଧିକ ହେବ। ଶତ୍ରୁମାନେ ଆପଣଙ୍କ ବିରୋଧରେ ଷଡ଼ଯନ୍ତ୍ର କରିପାରନ୍ତି।

ବିଛା: ଆୟର ନୂତନ ପନ୍ଥା ପାଇଁ ଯୋଜନା ପ୍ରସ୍ତୁତ କରିବେ। ମନ ଶାନ୍ତ ରହିବ। ଆଜି ନାଲି ରଙ୍ଗର ବସ୍ତ୍ର ପରିଧାନ କରନ୍ତୁ।

ଧନୁ: ଅଫିସ୍‌ରେ ଦାୟିତ୍ୱ ବଢ଼ିବ। ବନ୍ଧୁବାନ୍ଧବଙ୍କ ସାହାଯ୍ୟ ସହଯୋଗ ପାଇବେ। ଶତ୍ରୁମାନେ ପରାଜିତ ହେବେ।

ମକର: କର୍ମକ୍ଷେତ୍ରରେ ଶୁଭଫଳ ପାଇବେ। ବ୍ୟବସାୟରେ ଭଲ ଆୟ ହେବ। ମାନସିକ ଶାନ୍ତି ଲାଭ କରିବେ।

କୁମ୍ଭ: ରୋଜଗାର ବଢ଼ିବ। ଘରକୁ ଅତିଥି ଆସିପାରନ୍ତି। କାହାକୁ କଡ଼ା କଥା କୁହନ୍ତୁ ନାହିଁ।

ମୀନ: ଇଚ୍ଛା ବିରୋଧରେ ଯାଇ କିଛି କାର୍ଯ୍ୟ କରିବା ପାଇଁ ବାଧ୍ୟ ହେବେ। ଆର୍ଥିକ ଅବସ୍ଥା ଭଲ ରହିବ। ସ୍ୱାସ୍ଥ୍ୟ ଜନିତ ସମସ୍ୟାରୁ ମୁକ୍ତ ହେବେ।

ବିଜେଡିକୁ ଜିତାଇବାକୁ କାମ କରୁଛନ୍ତି ସରକାରୀ ଅଫିସର: ବର୍ଷିଲେ ଉଭୟ ବିଜେପି ଓ କଂଗ୍ରେସ ।

ଏଥର ସମ୍ଭାଳ ବ୍ୟୁରୋ (ଭୁବନେଶ୍ଵର) : ଜିଲ୍ଲାପାଳଙ୍କ ସମେତ ନିର୍ବାଚନ ଦାୟିତ୍ୱରେ ଥିବା ସରକାରୀ ଅଧିକାରୀମାନେ ନିର୍ବାଚନ ଆଚରଣ ବିଧିକୁ ଉଲ୍ଲଘଂନ କରୁଛନ୍ତି ବୋଲି ବିଜେପି ଅଭିଯୋଗ କରିଥିବାବେଳେ ଶାସକ ବିଜେଡିର ଏଜେଂଟ୍ ଭାବେ ସରକାରୀ ଅଫିସରମାନେ କାର୍ଯ୍ୟ କରୁଥିବା କଂଗ୍ରେସ ଅଭିଯୋଗ କରିଛି। ବିଜେଡିକୁ ଜିତାଇବା ପାଇଁ ସରକାରୀ ଅଫିସରମାନେ କାର୍ଯ୍ୟ କରିବା ନିର୍ବାଚନ ଆଚରଣ ବିଧିର ଖୋଲା ଉଲ୍ଲଘଂନ ବୋଲି ବିରୋଧୀ ଦଳ କହିବା ସହ ଦୃଷ୍ଟାନ୍ତମୁଳକ କାର୍ଯ୍ୟାନୁଷ୍ଠାନ ନେବା ପାଇଁ ଦାବି କରିଛନ୍ତି। ବିଜେପିର ଏକ ପ୍ରତିନିଧି ଦଳ ଆଜି ରାଜ୍ୟ ନିର୍ବାଚନ କମିଶନରଙ୍କୁ ଭେଟି ଫେରାଦ ହେବା ସହ ସରକାରୀ କଳର ଅପବ୍ୟବହାର ଉପରେ ତୁରନ୍ତ ନିୟନ୍ତ୍ରଣ ପାଇଁ ଅନୁରୋଧ କରିଛନ୍ତି । ବିଜେପି ଅଭିଯୋଗ କରିଛି ଯେ, ସରକାରୀ କଳକୁ ଅପବ୍ୟବହାର କରି ନିର୍ବାଚନ ବୈତରଣୀ ପାର ହେବାକୁ ଶାସକ ବିଜେଡି ପ୍ରୟାସ ଜାରି ରଖିଛି । ଭୋଟ କେନ୍ଦ୍ରରେ ସରକାରୀ କଳ ଓ ପ୍ରିଜାଇଡିଂ ଅଫିସରମାନଙ୍କୁ ବ୍ୟବହାର କରାଯାଇ ଶାସକ ବିଜେଡି ସପକ୍ଷରେ ବ୍ୟାପକ ମାତ୍ରାରେ ଭୋଟଦାନକୁ ପ୍ରଭାବିତ କରାଯାଉଛି । କିନ୍ତୁ ନିର୍ବାଚନ ପରିଚାଳନା ଦାୟିତ୍ୱରେ ଥିବା ବରିଷ୍ଠ ଅଧିକାରୀମାନେ ନିର୍ବାଚନ ଆଚରଣ ବିଧିକୁ ଉଲ୍ଲଂଘନ କରି ଶାସକ ବିଜେଡି ସପକ୍ଷରେ ଭୋଟ କରାଇବା ଅତ୍ୟନ୍ତ ଦୁର୍ଭାଗ୍ୟଜନକ, ଅସାମ୍ବିଧାନିକ ଏବଂ ଦଣ୍ଡନୀୟ ଅପରାଧ । ଏହି ସରକାରୀ ଅଧିକାରୀମାନେ କେଉଁଠି ପ୍ରତ୍ୟକ୍ଷ ତ ଆଉ କେଉଁଠି ପରୋକ୍ଷ ଭାବେ ଶାସକ ଦଳ ପାଇଁ କାର୍ଯ୍ୟ କରୁଛନ୍ତି । ପଂଚାୟତ ନିର୍ବାଚନ ପାଇଁ ରାଜ୍ୟବ୍ୟାପୀ ନିର୍ବାଚନ ଆଚରଣ ବିଧି ଜାରି ହୋଇଛି । ଏହି ସମୟରେ ନିର୍ବାଚନ କିମ୍ବା ଭୋଟରମାନଙ୍କୁ ପ୍ରଭାବିତ କଲା ଭଳି କୌଣସି କାର୍ଯ୍ୟକ୍ରମ ଉପରେ ନିଷେଧାଦେଶ ବଳବତ୍ତର ରହିଛି । ମାତ୍ର ଖୋର୍ଦ୍ଧା ଜିଲ୍ଲାପାଳ ଭୋଟରଙ୍କୁ ଆକୃଷ୍ଟ କରିବା ପାଇଁ ସଭାର ଆୟାଜନ କରି ବିଦ୍ୟାଳୟ ପଟ୍ଟା ବଂଟନ କରି ନିର୍ବାଚନ ଆଚରଣ ବିଧିକୁ ଉଲ୍ଲଂଘନ କରିଛନ୍ତି । ତେଣୁ ଖୋର୍ଦ୍ଧା ଜିଲ୍ଲାପାଳଙ୍କ ବିରୁଦ୍ଧରେ ଦୃଷ୍ଟାନ୍ତମୁଳକ କାର୍ଯ୍ୟାନୁଷ୍ଠାନ ନେବା ପାଇଁ ବିଜେପି ଦାବି କରିଛି । ସେହିପରି, ନବରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଲକ ଧନ୍ଦରା ପଂଚାୟତର ଖାଡ଼ିଗୁଡ଼ା ବୁଥରେ ନିର୍ବାଚନ ଅଧିକାରୀ ରିତେନ ପଟ୍ଟନାୟକ ନିର୍ବାଚନ ଆଚରଣ ବିଧି ଉଲ୍ଲଂଘନ କରି ବିଜେଡିର ଏଜେଂଟ ଭଳି କାମ କରିଛନ୍ତି । ତାଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ପାଇଁ ବିଜେପି ଦାବି କରିଛି । ବିଜେପିର ଏହି ପ୍ରତିନିଧି ଦଳରେ ବିଜେପି ନେତ୍ରୀ ସୋନାଲୀ ସାହୁ, ସୁଜିତ୍ ଦାସ, ରବିଶଙ୍କର ପଟ୍ଟନାୟକ, ଜୟନ୍ତ ଜେନା ପ୍ରମୁଖ ସାମିଲ ଥିଲେ । ଅନ୍ୟପକ୍ଷରେ ପ୍ରଦେଶ କଂଗ୍ରେସ ମୁଖପାତ୍ର ସୁଦର୍ଶନ ଦାସ ଆଜି ଏକ ସାମ୍ବାଦିକ ସମ୍ମିଳନୀରେ ସରକାରୀ ଅଫିସରମାନେ ଶାସକ ଦଳର ଏଜେଂଟ୍ ଭାବରେ କାମ କରି ଭୋଟରେ ଜାଲିଆତି କରିଛନ୍ତି ବୋଲି ଅଭିଯୋଗ କରିବା ସହ ସିଂଲା ଥାନା ଅଧିକାରୀଙ୍କ ସମେତ ଅନ୍ୟ ଅଧିକାରୀମାନଙ୍କ ଉପରେ ତୁରନ୍ତ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି । ବସ୍ତା ବ୍ଲକ୍‌ର ବିଭିନ୍ନ ପଞ୍ଚାୟତରେ ସରକାରୀ ବାବୁମାନଙ୍କ ସହଯୋଗରେ ମତଦାନ ସମୟରେ ବ୍ୟାପକ ଜାଲିଆତି, ବୁଥ ଦଖଲ, ଧମକ ଚମକ ଇତ୍ୟାଦି ଘଟଣାକୁ ନେଇ ସେ ଗଣମାଧ୍ୟମ ଆଗରେ ଅଭିଯୋଗ କରିଛନ୍ତି । ସ୍ୱାଧୀନ ଓ ନିରପେକ୍ଷ ମତଦାନକୁ ସାବ୍ୟସ୍ତ କରିବା ଯେଉଁ ସରକାରୀ ଅଫିସରମାନଙ୍କୁ ଦାୟିତ୍ୱ ମିଳିଛି, ସେହିମାନେ ହିଁ ଶାସକ ଦଳ ସହିତ ମିଶି ମତଦାନ ପ୍ରକ୍ରିୟାକୁ ବିଭ୍ରାନ୍ତ ଓ ପ୍ରଭାବିତ କରିଛନ୍ତି । ସିଂଲା ଥାନା ଅଧିକାରୀଙ୍କ ଯୋଗୁ ବସ୍ତା ବ୍ଲକର କାଦରୟାନ, କାରୁଆ ଇତ୍ୟାଦି ବିଭିନ୍ନ ବୁଥରେ ତାଙ୍କ ସହଯୋଗ ଓ ପ୍ରରୋଚନାରେ ବୁଥ ଦଖଲ, ରିଗିଂ, ଫଲ୍‌ସ ଭୋଟିଂ ହୋଇଛି ବୋଲି କଂଗ୍ରେସ ଅଭିଯୋଗ କରିଛି ।