ବିଗ୍‌ ବସ୍‌ ୧୫ରେ ବାଜି ମାରିଲେ ତେଜସ୍ୱୀ ପ୍ରକାଶ .

ଏଥର ସମ୍ଭାଳ ବ୍ୟୁରୋ (ମୁମ୍ବାଇ) – ‘ବିଗ୍‌ ବସ୍‌’ ସିଜିନ୍‌ ୧୫ର ବିଜେତା ହୋଇଛନ୍ତି ଟେଲିଭିଜନ୍‌ ଷ୍ଟାର ତେଜସ୍ୱୀ ପ୍ରକାଶ। ପୁରସ୍କାର ବାବଦକୁ ତାଙ୍କୁ ଏକ ଟ୍ରଫି ସହିତ ୪୦ ଲକ୍ଷ ଟଙ୍କା ପ୍ରଦାନ କରାଯାଇଛି। ଗତକାଲି ଶୋ’ର ଉପସ୍ଥାପକ ସଲମାନ ଖାନ୍‌ ବିଜେତାଙ୍କ ନାଁ ଘୋଷଣା କରିଥିଲେ। ତେଜସ୍ୱୀ ପ୍ରକାଶ ବିଜୟୀ ହୋଇଥିବା ବେଳେ ପ୍ରଥମ ରନର ଅପ୍ ହୋଇଛନ୍ତି ଅଭିନେତା ତଥା ମଡେଲ ପ୍ରତୀକ ସେହଜପାଲ। ସେହିପରି ତେଜସ୍ୱୀଙ୍କ ବୟଫ୍ରେଣ୍ଡ ତଥା ଅଭିନେତା କରନ କୁନ୍ଦ୍ରା ତୃତୀୟ ସ୍ଥାନରେ ରହିଛନ୍ତି। ଅଭିନେତ୍ରୀ ସମିତା ଶେଟ୍ଟୀ ଚତୁର୍ଥ ସ୍ଥାନରେ ରହିଛନ୍ତି। ‘ସ୍ୱରାଗିଣୀ- ଯୋଡେଁ ରିସ୍ତୋଁ କି ସୁର୍‌’ରେ ଅଭିନୟ କରି ଚର୍ଚ୍ଚାକୁ ଆସିଥିବା ତେଜସ୍ୱୀ ‘ବିଗ୍‌ ବସ୍‌’ ସିଜିନ୍ ୧୫ ପ୍ରତିଯୋଗିତା ପ୍ରାରମ୍ଭରୁ ପ୍ରମୁଖ ଦାବିଦାର ରହିଥିଲେ। ଏହି ଶୋ’ ସମୟରେ ସେ କରନ କୁନ୍ଦ୍ରାଙ୍କ ପ୍ରେମରେ ପଡ଼ିଯାଇଥିଲେ। ଫ୍ୟାନ୍‌ମାନେ ବି ସେମାନଙ୍କ ଯୋଡ଼ିକୁ ପସନ୍ଦ କରିଛନ୍ତି । ଗତକାଲି ଶୋ’ର ଗ୍ରାଣ୍ଡ ଫିନାଲେରେ ବିଗ୍‌ ବସ୍‌ର ପୂର୍ବତନ ବିଜେତାମାନେ ଯୋଗ ଦେଇଥିଲେ। ସେମାନଙ୍କ ମଧ୍ୟରେ ଥିଲେ ଗୌହର ଖାନ୍‌, ଊର୍ବଶୀ ଢୋଲକିଆ, ଗୌତମ ଗୁଲାଟି, ରୁବାନି ଦିଲୈକ ଓ ଶ୍ୱେତା ତିୱାରୀ। ସେହିପରି ବିଗ୍ ବସ୍ ସିଜିନ୍ ୧୩ର ଫାଇନାଲିଷ୍ଟ ଶେହନାଜ ଗିଲ୍‌ ମଧ୍ୟ ଗ୍ରାଣ୍ଡ ଫିନାଲେରେ ସାମିଲ ହୋଇଥିଲେ। ଏଥିରେ ସେ ତାଙ୍କର ପୂର୍ବତନ ପ୍ରେମିକ ସ୍ୱର୍ଗତ ସିଦ୍ଧାର୍ଥ ଶୁକ୍ଳାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ତାଙ୍କୁ ମନେ ପକାଇ ଉଭୟ ଶେହନାଜ ଓ ସଲମାନ କାନ୍ଦି ପକାଇଥିଲେ। ସୂଚନାଯୋଗ୍ୟ, ପୂର୍ବତନ ବିଗ୍ ବସ୍ ବିଜେତା ସିଦ୍ଧାର୍ଥ ଶୁକ୍ଳାଙ୍କର ଗତବର୍ଷ ମୃତ୍ୟୁ ହୋଇଥିଲା। ତାଙ୍କୁ ମାତ୍ର ୪୦ ବର୍ଷ ହୋଇଥିଲା।

ଆଜିର ରାଶିଫଳ : ୩୧ ଜାନୁଆରୀ, ସୋମବାର ।

ମେଷ: ବ୍ୟବସାୟ କ୍ଷେତ୍ରରେ ଥିବା ସମସ୍ୟା ଦୂର ହୋଇଯିବ। ଆର୍ଥିକ ସ୍ଥିତି ସ୍ୱଚ୍ଛଳ ରହିବ। ରାଜନୀତି କ୍ଷେତ୍ରରେ ସଫଳ ହେବେ। ଛାତ୍ରଛାତ୍ରୀମାନେ ହସଖୁସିରେ ସମୟ ବିତେଇବେ।

ବୃଷ: ବିବେକ ବୁଦ୍ଧି ବଳରେ ବିପରୀତ ପରିସ୍ଥିତିକୁ ନିଜ ସପକ୍ଷରେ ନେଇ ପାରିବେ। ଅଧସ୍ତନ କର୍ମୀ ଓ ସହକର୍ମୀଙ୍କ ସାହାଯ୍ୟ ଏବଂ ସମର୍ଥନ ହାସଲ କରିବେ।

ମିଥୁନ: କର୍ମକ୍ଷେତ୍ରରେ ଲୋକ ସମ୍ପର୍କ ବୃଦ୍ଧି ହେବ। ସୁଖଶାନ୍ତିରେ ଦିନଟି କଟାଇ ପାରିବେ। ବ୍ୟବସାୟ କ୍ଷେତ୍ରରେ ଅଧିକ ଲାଭ ହେବ। ଦାମ୍ପତ୍ୟ ଜୀବନ ଖୁସିର କଟିବ।

କର୍କଟ: ସାମାଜିକ କଲ୍ୟାଣ କାମରେ ପୂର୍ଣ୍ଣ ସହଯୋଗ କରିବେ।  ଶୁଭ ସମ୍ବାଦ ପାଇ ଆନନ୍ଦିତ ହେବେ। ଉଚ୍ଚ ସମ୍ଭାବନାର ଆଶା ଓ ଆଶ୍ୱାସନା ଲାଭ କରି ମାନସିକ ଶାନ୍ତି ଅନୁଭବ କରିବେ।

ସିଂହ: ମାନସମ୍ମାନ ବୃଦ୍ଧି ହେବ। ଶିକ୍ଷାକ୍ଷେତ୍ରରେ ସଫଳତା ମିଳିବ। ପରିବାର ସଦସ୍ୟଙ୍କ ସହ ବାହାରକୁ ବୁଲିବାକୁ ଯାଇପାରନ୍ତି।

କନ୍ୟା: ସନ୍ତାନ ସୁଖରେ ସୁଖୀ ହେବେ। ସ୍ୱାସ୍ଥ୍ୟରେ ଉନ୍ନତି ପରିଲକ୍ଷିତ ହେବ। ଦୂରଯାତ୍ରା କରି ମନ ଖୁସି ରହିବ। ଅସହାୟଙ୍କୁ ସାହାଯ୍ୟ କରନ୍ତୁ।

ତୁଳା: ଶରୀର ସୁସ୍ଥ ରହିବ। କର୍ମକ୍ଷେତ୍ରରେ ଉପରିସ୍ଥ ବ୍ୟକ୍ତିଙ୍କଠାରୁ ସମ୍ମାନ ମିଳିବ। ରାଜନୀତି କ୍ଷେତ୍ରରେ ମାନ- ସମ୍ମାନ ବୃଦ୍ଧି ହେବ। ପରିବାରରେ ଶାନ୍ତିର ବାତାବରଣ ଦେଖା ଦେବ।

ବିଚ୍ଛା: ଗୃହରେ ମାଙ୍ଗଳିକ କାର୍ଯ୍ୟ ପାଇଁ ଆୟୋଜନ କରିବେ।  ରାଜନୀତିରେ ଶତ୍ରୁମାନେ ଦୁର୍ବଳ ହେବେ। ପରୀକ୍ଷା ଓ ସାକ୍ଷାତକାରରେ ସଫଳତା ମିଳିବ।

ଧନୁ: କଥା ଉପରେ ନିୟନ୍ତ୍ରଣ ରଖନ୍ତୁ। ତଳ ମହଲରୁ ଆଶାତୀତ ଲାଭ ପାଇ ପାରିବାରିକ ଜୀବନ ଆନନ୍ଦରେ କଟିବ। ଘର ପାଇଁ କିଛି ଜିନିଷ କିଣିବେ।

ମକର: ଚାକିରି କ୍ଷେତ୍ରରେ ଉନ୍ନତି କରିବେ। ପରିବାରରେ ଥିବା ତିକ୍ତତା ଦୂର ହେବ। ମା’ଙ୍କ ସ୍ୱାସ୍ଥ୍ୟକୁ ନେଇ ଚିନ୍ତିତ ରହିବେ।

କୁମ୍ଭ: ଉଧାର ଦେଇଥିବା ଟଙ୍କା ଫେରି ପାଇବେ। ଅଧ୍ୟୟନ, ଅଧ୍ୟାପନ ଓ ଅନୁସନ୍ଧାନପରି କାର୍ଯ୍ୟରେ ସଫଳତା ମିଳିବ।

ମୀନ: ପରୀକ୍ଷାରେ କୃତକାର୍ଯ୍ୟ ହେବେ । ଦୂରସ୍ଥାନକୁ ଯାତ୍ରା କରିବେ।  ଘରକୁ ଅତିଥି ଆସିପାରନ୍ତି।