ରାୟଗଡ଼ ରେ ସୁପର୍ ସ୍ପେଶାଲିଷ୍ଟ ଡାକ୍ତରଖାନା ଦାବି ରେ ୩ ଘଣ୍ଟିଆ ଧାରଣା…!

!!! ଦକ୍ଷିଣ ଓଡିଶା ବ୍ୟୁରୋ ହେଡ ହୃଷୀକେଶ ପାତ୍ର ଙ୍କ ରିପୋର୍ଟ !!!

ଏଥର ସମ୍ଭାଳ(ରାୟଗଡା)- ରାୟଗଡ଼ ଜିଲ୍ଲା ଏକ ଆଦିବାସୀ ଅଧ୍ୟୁଷିତ ଜିଲ୍ଲା ଭାବେ ପରିଗଣିତ। ଆର୍ଥିକ ଅନଗ୍ରସର ଭିତରେ ସ୍ଵାସ୍ଥ୍ୟ ସେବା ପାଇଁ ଦହଗନ୍ଜ ହେଉଥିବା ର ନଗ୍ନ ଦ୍ରୁଶ୍ଯ ଗାଁ ଠାରୁ ସହର ପର୍ଯ୍ୟନ୍ତ ଦେଖିବାକୁ ମିଳୁଛି । ପଛୁଆ ଜିଲ୍ଲା ଭାବେ ଜନସାଧାରଣ ଙ୍କୁ ସରକାର ଙ୍କ ଦ୍ଵାରା ଉପେକ୍ଷା କରାଯାଉଛି । ଉତ୍ତମ ସ୍ୱାସ୍ଥ୍ୟ ସେବା ପ୍ରଦାନ ହେଉ କିମ୍ବା ମେଡ଼ିକାଲ କଲେଜ ପ୍ରତିଷ୍ଠା ଦିଗରେ ରାଜ୍ୟ ସରକାର ଆଖିଦୃଶିଆ ପଦକ୍ଷେପ ନେଉନଥିବା ଅଭିଯୋଗ କରିଛି ଯୁବ ବିକାଶ ପରିଷଦ । ସୁପର୍ ସ୍ପେଶାଲିଷ୍ଟ ଡାକ୍ତରଖାନାର ମାନ୍ୟତା ଓ ଜିଲ୍ଲା ରେ ଏକ ମେଡ଼ିକାଲ କଲେଜ ପ୍ରତିଷ୍ଠା ପାଇଁ ଗତ ଫେବୃଆରୀ ୧୭ ତାରିଖ ରେ ପ୍ରଶାସନ ର ପ୍ରତିଶ୍ରୁତି ପରେ ଅନଶନରୁ ଓହରି ଥିଲା ବିକାଶ ପରିଷଦ । ପ୍ରତିଶ୍ରୁତି କୁ ୭ ମାସ ବିତିଯାଇଥିଲେ ମଧ୍ୟ ସ୍ଵାସ୍ଥ୍ୟ ସମସ୍ୟା କୁ ଅଣଦେଖା କରୁଛି ବିଭାଗ । ସ୍ଥାନୀୟ ଅଞ୍ଚଳରେ ବିପର୍ଯ୍ୟସ୍ତ ସ୍ବାସ୍ଥ୍ୟବସ୍ଥାର ନଗ୍ନ ଚିତ୍ର ଆଜି ବି ହ୍ରୁଦୟବିଦାରକ ହୋଇ ଥିବା ବେଳେ ସରକାର କର୍ଣ୍ଣପାତ କରୁନାହାନ୍ତି । ମେଡ଼ିକାଲ କଲେଜ ପ୍ରତିଷ୍ଠା ପାଇଁ କେନ୍ଦ୍ର ସରକାର ସହମତି ପ୍ରକାଶ କରିଥିବାବେଳେ ରାଜ୍ୟ ସରକାର ଙ୍କ ବୈମାତୃକ ମନୋଭାବ ଯୋଗୁଁ ତାହା ଆଗେଇ ପାରୁନାହିଁ ବୋଲି ଅଭିଯୋଗ ଆଣିଛନ୍ତି ଯୁବ ବିକାଶ ପରିଷଦ ର ସଭାପତି ଶ୍ରୀ ଶିବାଜୀ ଦାସ ।

ଜିଲ୍ଲା ର ସାଧାରଣ ଜନତା ଙ୍କୁ ଉତ୍ତମ ସ୍ଵାସ୍ଥ୍ୟ ସେବା ଯୋଗାଇଦେବାକୁ ଜିଲ୍ଲା ପ୍ରଶାସନ ଦେଇଥିବା ପ୍ରତିଶୃତି ପାଣିରେ ଗାର ସଦୃଶ । ଯୁବ ବିକାଶ ପରିଷଦ ସର୍ବଦା ଶାନ୍ତି ପୁର୍ଣ ଆନ୍ଦୋଳନ କରି ଜିଲ୍ଲା ବାସୀ ଙ୍କ ମୈଳିକ ସମସ୍ୟା କୁ ପ୍ରଶାସନ ର ଦୃଷ୍ଟି କୁ ଆଣିଛି । ଉତ୍ତମ ଭିତ୍ତିଭୂମି ସହିତ ପର୍ଯ୍ୟାପ୍ତ ପରିମାଣ ରେ ଜାଗା ରହିଥିଲେ ମଧ୍ୟ ମେଡ଼ିକାଲ କଲେଜ ପ୍ରତିଷ୍ଠା ଦିଗରେ ସରକାର ଏହି ଜିଲ୍ଲା କୁ ଅଣଦେଖା କରୁଛି । ଜିଲ୍ଲା ବାସୀଙ୍କ ସମୁହ ସ୍ୱାର୍ଥକୁ ଜଳାଞ୍ଜଳି ଦେଇ ସରକାରୀ ଅର୍ଥ କୁ ଆତ୍ମସାତ କରାଯାଉଛି। ଯାହାର ପ୍ରତିବାଦରେ ଯୁବ ବିକାଶ ପରିଷଦ ର ସଭାପତି ଶ୍ରୀ ଶୀବାଜୀ ଦାସ ଓ ପରିଷଦ ର ସଭ୍ୟ ଗୋପିନାଥ ଗୈଡ, ଗଣେଶ ସାହୁ ,ସୁରେଶ ନାୟକ ,ପୁତୁଲୁ ପାଢ଼ୀ ,ଶିବ ପ୍ରସାଦ ପାଢ଼ୀ, ଅଶୋକ ପଟ୍ଟନାୟକ, ସୁନୀଲ ଚନ୍ଦ୍ର ପଣ୍ଡା , ଦାସ ରଥି ପଢିଆରି, ପ୍ରମୁଖ ମିଳିତ ହୋଇ ପୈରପରିଷଦ ର ୧୨ ନମ୍ବର ୱାର୍ଡ ସେକ୍ରେଟାରୀ ହାର୍ଟ ବିଦ୍ୟାଳୟ ଠାରେ ୩ ଘଣ୍ଟିଆ ଶାନ୍ତି ପୁର୍ଣ୍ଣ ଧାରଣା ଦେଇଥିଲେ । ଏହି ଅନଶନ କୁ ସହମତି ଜଣାଇ ବିନୋଦ ଚରଣ ପଣ୍ଡା, ଲକ୍ଷ୍ମୀ ନାରାୟ ପାଣିଗ୍ରାହୀ, ଯୋଗେଶ୍ୱର ଦାସ,ସଂଗ୍ରାମ ପଟ୍ଟନାୟକ,କେ.କେ.ଜେନା, ଦେବେନ୍ଦ୍ର ନାଥ ମହାପାତ୍ର, ଗୋପାଳ ଜେନ, କୈଳାସ ଚନ୍ଦ୍ର ପାଳ, ଦିଲ୍ଲିପ ମିତଲ, କୃଷ୍ଣ ଚନ୍ଦ୍ର ପଟ୍ଟନାୟକ ବହୁ ବୁଦ୍ଧିଜୀବୀ, ସମାଜସେବୀ ଓ ସାଧାରଣ ଜନତା ସାମିଲ ହୋଇ ଦସ୍ତଖତ କରିଥିଲେ । ଆଗାମୀ ଦିନରେ ସହରାଞ୍ଚଳ ପରେ ପଙ୍ଚାୟତ ସ୍ତରର ପ୍ରତିଟି ଗାଁ ଗାଁ ରେ ଏହି ଶିନ୍ତିପୁର୍ଣ ଧାରଣା ଦିଆଯିବ ବୋଲି ଯୁବ ବିକାଶ ପରିଷଦ ର ସଭାପତି ଶ୍ରୀ ଶୀବାଜୀ ଦାସ କହିଛନ୍ତି ।

ରାୟଗଡା ନଗର ଅଖିଳ ଭାରତୀୟ ବିଦ୍ୟାର୍ଥୀ ପରିଷଦର ର ସମ୍ମୀଳନୀ…!

!!! ଦକ୍ଷିଣ ଓଡିଶା ବ୍ୟୁରୋ ହେଡ ହୃଷୀକେଶ ପାତ୍ର ଙ୍କ ରିପୋର୍ଟ !!!

ଏଥର ସମ୍ଭାଳ (ରାୟଗଡା)- ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ( ABVP) ରାୟଗଡ଼ା ନଗର ସମ୍ମିଳନୀ ସ୍ଥାନୀୟ ସଂସ୍କୃତି ଭବନ ଠାରେ ଅନୁଷ୍ଠିତ ହୋଇଯାଇଛି । ଅଖିଳ ଭାରତୀୟ ବିଦ୍ୟାର୍ଥୀ ପରିଷଦର ଜିଲ୍ଲା ସଂଯୋଜକ ଶ୍ରୀମାନ ଶୁଭମ୍ ପାଣିଗ୍ରାହିଙ୍କ ସଭାପତିତ୍ୟ ରେ ଆୟୋଜିତ ସମ୍ମିଳନୀରେ ମୁଖ୍ୟ ଅତିଥି ଭାବେ ଓଡ଼ିଶା ପଶ୍ଚିମ ପ୍ରାନ୍ତ ସେବା ପ୍ରମୁଖ ଶ୍ରୀ ଦୀପକ କୁମାର ରାଉତ , ସମ୍ମାନୀୟ ଅତିଥି ଭାବେ ଭାରତୀୟ ମଜଦୂର ସଂଘର ରାଜ୍ୟ ସମ୍ପାଦକ ତଥା ଗଞ୍ଜାମ , ଗଜପତି, ରାୟଗଡ଼ ବିଭାଗ ପ୍ରଭାରୀ ଶ୍ରୀ ଯୋଗେଶ୍ୱର ଦାସ ଉପସ୍ଥିତ ରହି ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ଏକ ଅଣରାଜନୈତିକ ଛାତ୍ର ସଙ୍ଗଠନ , ଜ୍ଞାନ ,ଚରିତ୍ର ,ଏକତା କୁ ନେଇ ଛାତ୍ର ମାନଙ୍କ ମଧ୍ୟରେ ଦେଶ ପ୍ରେମର ଭାବ ଜାଗୃତ କରିବା, ସମାଜ ପ୍ରତି ସମ୍ବେଦନଶୀଳ ହେବା, ଅନ୍ୟାୟ ଓ ଭ୍ରଷ୍ଟାଚାରକୁ ବିରୋଧ କରିବା, ଦେଶର ବୈଭବଶାଳୀ ଇତିହାସକୁ ମନେପକେଇ ରାଷ୍ଟ୍ରର ନିର୍ମାଣ ଏବଂ ବ୍ୟକ୍ତିତ୍ଵ ନିର୍ମାଣ ଉପରେ ପ୍ରକାଶ କରିଥିଲେ । ଏହି ଉପଲକ୍ଷେ ଉକ୍ତ ସମ୍ମିଳନୀରେ ରାୟଗଡ଼ ନଗରର ନୂତନ କାର୍ଯ୍ୟକର୍ତ୍ତା ଚୟନ କରାଯାଇଥିଲା । ନୂତନ କାର୍ଯ୍ୟକର୍ତ୍ତା ଭାବେ ସଭାପତି ମୋନୋଜ ଷଡ଼ଙ୍ଗୀ , ଉପସଭାପତି ସଞ୍ଜୀବ ନାୟକ , ସମ୍ପାଦକ ସିଦ୍ଧାନ୍ତ ବିଡିକା , ସହ ସମ୍ପାଦକ ଭଜନ ନାୟକ ଓ ମଙ୍ଗଳ ପଣ୍ଡା , ପାଠ୍ୟଚକ୍ର ପ୍ରମୁଖ ଏବଂ ମିଡିଆ ପ୍ରମୁଖ ଲୋକେଶ ମଙ୍ଗରାଜ , ଏସ୍ ଏଫ୍ ବି ପ୍ରମୁଖ ରୋହନ କୁମାର ଚୌଧୁରୀ , ଜନଜାତି ଛାତ୍ର ପ୍ରମୁଖ ଦୈତାରି ନାୟକ , ଏମ୍ ଏଫ୍ ଏମ୍ ପ୍ରମୁଖ ମୁନା ନାୟକ , ଛାତ୍ର ସନ୍ଦେଶ ପ୍ରମୁଖ ମଣ୍ଡରାଜ ମିଣିଆକା , ଏବଂ କାର୍ଯ୍ୟକାରିଣୀ ଭାବେ ଚାରିଜଣଙ୍କୁ ଚୟନ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ନଗରର ବହୁ ଛାତ୍ର ଯୋଗ ଦେଇଥିଲେ ଶେଷରେ ନଗର ବିସ୍ତାରକ ବିରଞ୍ଚି ନାରାୟଣ ତ୍ରୀପାଠୀ ଧନ୍ୟବାଦ୍ ଦେଇଥିଲେ ।

ଆଜି ବସିବ ରାଜ୍ୟ ମନ୍ତ୍ରିପରିଷଦ ଓ କ୍ୟାବିନେଟ୍ ବୈଠକ…!

ଏଥର ସମ୍ଭାଳ ବ୍ୟୁରୋ(ଭୁବନେଶ୍ୱର)- ବିଧାନସଭା ଶୀତକାଳୀନ ଅଧିବେଶନ ପୂର୍ବରୁ ଆଜି ବସିବ ରାଜ୍ୟ ମନ୍ତ୍ରିପରିଷଦ ଓ କ୍ୟାବିନେଟ୍ ବୈଠକ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବସିବାକୁ ଥିବା ଏହି ବୈଠକରେ ଆଗାମୀ ବିଧାନସଭାରେ ଆସିବାକୁ ଥିବା ଅତିରିକ୍ତ ବଜେଟ୍ ଉପରେ ମୋହର  ବାଜିବ। ଆଜି ଅପରାହ୍ନ ୫ଟା ୪୫ମିନିଟରେ ରାଜ୍ୟ ମନ୍ତ୍ରିପରିଷଦ ବୈଠକ ଅନୁଷ୍ଠିତ ହେବ। ୨୦୨୧-୨୨ ଶୀତକାଳୀନ ଅଧିବେଶନର ଅତିରିକ୍ତ ଚିଠା ମଞ୍ଜୁରୀ ଉପରେ ମଧ୍ୟ ଆଲୋଚନା ହେବ। ଆସନ୍ତା ଡିସେମ୍ବର ପହିଲାରୁ ଆରମ୍ଭ ହେଉଛି ବିଧାନସଭାର ଶୀତ ଅଧିବେଶନ। ଏହି ଅଧିବେଶନର ପ୍ରଥମ ଦିନରେ ଏହି ଅତିରିକ୍ତ ବଜେଟ୍ ଉପସ୍ଥାପନ କରାଯିବ। ଏହାପରେ କ୍ୟାବିନେଟ୍ ବୈଠକ ବସିବ। ଏଥିରେ ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରସ୍ତାବ ଉପରେ କ୍ୟାବିନେଟରେ ମୋହର ଲାଗିପାରେ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଭର୍ଚ୍ଚୁଆଲ ଯୋଗେ ପ୍ରଥମେ ମନ୍ତ୍ରିପରିଷଦ ଓ ପରେ କ୍ୟାବିନେଟ ବୈଠକ ହେବ। ସୂଚନାଯୋଗ୍ୟ, ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ସ୍ମାର୍ଟ କାର୍ଡ ବାଣ୍ଟିବା ପାଇଁ ଏବେ ଅଧିକାଂଶ ମନ୍ତ୍ରୀ ବିଭିନ୍ନ ଜିଲ୍ଲାରେ ରହିଥିବାରୁ ସେମାନେ ସମ୍ପୃକ୍ତ ଜିଲ୍ଲା ଅବା ବ୍ଲକ୍ ମୁଖ୍ୟାଳୟରୁ ଭର୍ଚୁଆଲ ମୋଡରେ ବୈଠକରେ ସାମିଲ ହେବେ ବୋଲି ଜଣାପଡ଼ିଛି।

ଜବାବ ଦେଲେ ପୀତାମ୍ୱର ଆଚାର୍ଯ୍ୟ: କହିଲେ-ପ୍ରଣବ ପ୍ରକାଶ ଆଇନ ବିଷୟରେ ଅଜ୍ଞ…!

ଏଥର ସମ୍ଭାଳ ବ୍ୟୁରୋ(ଭୁବନେଶ୍ୱର)- ସନ୍‌ସାଇନ୍‌ ଶିକ୍ଷୟିତ୍ରୀ ମମିତା ମେହେର ହତ୍ୟା ମାମଲାକୁ ନେଇ ସୃଷ୍ଟି ହୋଇଛି ମୁହାଁମୁହିଁ ପରିସ୍ଥିତି। ଦୁଇଦିନ ତଳେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଟାର୍ଗେଟ କରିଥିଲେ। ଏହାର ଜବାବ ଦେବାକୁ ଆଗକୁ ଆସିଥିଲେ ବିଜେଡି ସଙ୍ଗଠନ ସମ୍ପାଦକ ତଥା ବିଧାୟକ ପ୍ରଣବ ପ୍ରକାଶ ଦାସ ଓରଫ୍‌ ବବି। ଟ୍ୱିଟ୍‌ କରି ସେ ଧର୍ମେନ୍ଦ୍ରଙ୍କୁ ଅନେକ ପ୍ରଶ୍ନ ପଚାରିଥିଲେ। ବବିଙ୍କ ପ୍ରମାଣ ଦେଲେ ମୁଖ୍ୟମନ୍ତ୍ରୀ ବାନ୍ଧିବେ ବୟାନକୁ ଆଜି ରାଜ୍ୟ ବିଜେପି ମୁଖପାତ୍ର ପୀତାମ୍ବର ଆଚାର୍ଯ୍ୟ ସମାଲୋଚନା କରିଛନ୍ତି। ସେ କହିଛନ୍ତି ଯେ, ସଂଗଠନ ସଂପାଦକ ପ୍ରଣବ ପ୍ରକାଶ ଆଇନ୍‌ ବିଷୟରେ ଅଜ୍ଞ। ଏଭଳି ବୟାନ ପ୍ରଣବଙ୍କ ଅଜ୍ଞତା ଓ ଅହଂକାରର ପରିପ୍ରକାଶ। ଗୋଟିଏ ପଟେ ମହାଲିଙ୍ଗ ମାମଲାରେ ପ୍ରମାଣ ମାଗୁଛନ୍ତି ରାଜ୍ୟ ସରକାର। ଅନ୍ୟପଟେ ମାହାଙ୍ଗା ମାମଲାରେ ମନ୍ତ୍ରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନାହିଁ। ଯଦି ଦମ୍‌ ଅଛି ମୁଖ୍ୟମନ୍ତ୍ରୀଙ୍କୁ ପରାମର୍ଶ ଦିଅନ୍ତୁ ପ୍ରଣବ। ଗୃହ ଓ ଆଇନ ମନ୍ତ୍ରୀଙ୍କୁ ବହିଷ୍କାର କରି CBI ତଦନ୍ତ କରାନ୍ତୁ ବୋଲି ପୀତାମ୍ୱର କହିଛନ୍ତି। ଏଥିରୁ ଜଣାପଡ଼ିଯିବ ଏହି ଦୁଇ ମନ୍ତ୍ରୀ ଦୋଷୀ କି ନାହିଁ। ଦୁଇ ଦିନ ତଳେ ଶିକ୍ଷୟିତ୍ରୀ ମମିତା ମେହେର ହତ୍ୟା ମାମଲାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟଙ୍କୁ ସିଧାସଳଖ ଟାର୍ଗେଟ କରିଥିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଆଉ କହିଛନ୍ତି, ଅହଂକାର ବେଶୀଦିନ ତିଷ୍ଠି ରହିବ ନାହିଁ। ଏହା ପରେ ମୁଖ୍ୟମନ୍ତ୍ରୀଙ୍କ ସପକ୍ଷରେ ବାହାରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉଦ୍ଦେଶ୍ୟରେ ସିରିଜ୍‌ ଟ୍ୱିଟ୍‌ କରିଥିଲେ ବବି। ସେ ଲେଖିଥିଲେ, ଭାଇ ଅଶେଷ ଧନ୍ୟବାଦ। ଶେଷରେ ଆପଣ ବି ସ୍ୱୀକାର କରିଛନ୍ତି ଯେ ଅତୀତରେ ଯେତେବଡ଼ ପ୍ରଭାବଶାଳୀ ବ୍ୟକ୍ତି ହୁଅନ୍ତୁ ନା କାହିଁକି ମାନ୍ୟବର ମୁଖ୍ୟମନ୍ତ୍ରୀ ତାଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ନେଇଛନ୍ତି। ଏବେ ମଧ୍ୟ ସେ କାର୍ଯ୍ୟାନୁଷ୍ଠାନ ନେଉଛନ୍ତି ବୋଲି ଓଡ଼ିଶାବାସୀ ଜାଣିଛନ୍ତି। ଯଦି ଆପଣ ଓ ଆପଣର ଦଳ ଦମ୍‌ ଅଛି, ତାହାହେଲେ ପୁଲିସ କିମ୍ବା ମାନ୍ୟବର ଉଚ୍ଚ ନ୍ୟାୟାଳୟରେ ଠୋସ ପ୍ରମାଣ ଦିଅନ୍ତୁ। ଇସ୍ତଫା ଛାଡ଼ନ୍ତୁ, ମାନ୍ୟବର ମୁଖ୍ୟମନ୍ତ୍ରୀ ବାନ୍ଧିକି ଜେଲରେ ଭର୍ତ୍ତି କରିବେ ବୋଲି ବବି ଲେଖିଥିଲେ।