ବାତ୍ୟା ‘ଗୁଲାବ’ର ତାଣ୍ଡବଲୀଳାରେ ହନ୍ତସନ୍ତ ହୋଇଛନ୍ତି ଗ୍ରାମବାସୀ…!
!!! ରାୟଗଡ଼ା ରୁ ଜିଲ୍ଲା ପ୍ରତିନିଧି ପି. ଦିଲ୍ଲୀପ କୁମାର ଙ୍କ ରିପୋର୍ଟ୍ !!!
ଏଥର ସମ୍ଭାଳ(ରାୟଗଡ଼ା) – ରାୟଗଡା ଜିଲ୍ଲା ଛାଡ଼ିଗଲା ବାତ୍ୟା ଗୁଲାବ ଦେଇଗଲା ଦୁର୍ଦ୍ଦଶା।ସାମୁଦ୍ରିକ ଝଡ଼ ଗୁଲାବ ପ୍ରଭାବରେ ଏବେ ବାସହିନ ହୋଇ ପଡିଛନ୍ତି ୧୫ ପରିବାର।ଧୀରେ ଧୀରେ ପ୍ରଭାବ ହୀନ ହୋଇ ପଡିଛି ବାତ୍ୟା ଗୁଲାବ।ଛାଡି ଯାଇଛି ବାତ୍ୟା ଦେଇ ଯାଇଛି ଦୁଃଖର ଦୁର୍ଦ୍ଦଶା।ଗତକାଲି ରାୟଗଡା ଜିଲ୍ଲା ରେ ବାତ୍ୟା ର ବିଶେଷ ପ୍ରଭାବ ଦେଖିବାକୁ ମିଳି ନ ଥିଲା ବେଳେ ଶିକରପାଇ ପଞ୍ଚାୟତ ର ସୀମାନ୍ତ ତଥା ଦୁର୍ଗମ ମାଣ୍ଡିବିଶି ଗ୍ରାମରେ ଏହାର ବିଶେଷ ପ୍ରଭାବ ଦେଖିବାକୁ ମିଳିଥିଲା।ଏହି ଗ୍ରାମରେ ବାତ୍ୟା ଗୁଲାବ ରଚିଛି ତାଣ୍ଡବ।ଗତକାଲି ହଠାତ ଏହି ଗ୍ରାମରେ ପ୍ରବଳ ବେଗରେ ପବନ ପ୍ରବାହିତ ହୋଇଥିଲା।ଗ୍ରାମରେ ଥିବା ପ୍ରାୟ ୩୦ ପରିବାର ରୁ ୧୫ ପରିବାର ଲୋକଙ୍କ କଚାଘର ରୁ ଚାଳ ଛପର,ଟିଣ ଉଡି ଯାଇଛି।ଏହି ୧୫ ପରିବାର ର ପ୍ରାୟ ୫୮ ଜଣ ଏବେ ବାସହିନ ହୋଇ ଦୁର୍ବିସହ ଜୀବନ କାଟୁଥିବା ଦେଖିବାକୁ ମିଳିଛି।ବଜ୍ରାଘାତରେ ଦୁଇ ମହିଳା ଗୁରୁତର କେଉଁଠି ବିଜୁଳି ଖୁଣ୍ଟ ଉପୁଡି ପଡ଼ିଛି ତ ଆଉ କେଉଁଠି ଗଛ ଭାଙ୍ଗିପଡି ଭୁଇଁ ରେ ଲୋଟୁଛି।ପବନର ବେଗ ଏତେ ବଢିଥିଲା ଯେ,ଘରର ଟିଣ ଗୁଡ଼ିକ ଗ୍ରାମର ଅନତି ଦୂରରେ ଥିବା ଜଙ୍ଗଲ ରେ ଗଛ ଉପରେ ଲାଖି ରହିଛି।ଲୋକଙ୍କ ରୋଷେଇ ସାମଗ୍ରୀ ଥାଳି ଗ୍ଲାସ,ଡେକଚି,କଡେଇ,ଲୁଗାପଟା କେଉଁ ଆଡେ ଉଭାନ ହୋଇ ପଡିଛି।ହଠାତ ବର୍ଷା ପବନ ହେବାରୁ ଘରେ ଥିବା ଧାନ,ଚାଉଳ ମଧ୍ୟ ନଷ୍ଟ ହୋଇ ଯାଇଥିବା ଗ୍ରାମବାସୀ କହିଛନ୍ତି।
ଦୁର୍ଗମ ଅଞ୍ଚଳ ହୋଇ ଥିବାରୁ ଯୋଗାଯୋଗ ର କୌଣସି ସୁବିଧା ଏଠାରେ ଉପଲବ୍ଧ ନାହିଁ।ଖବର ପାଇ ସ୍ଥାନୀୟ ସରପଞ୍ଚ,ପଞ୍ଚାୟତ ନିର୍ବାହୀ ଅଧିକାରୀ ଉକ୍ତ ଲୋକଙ୍କୁ ସ୍ଥାନାନ୍ତରିତ କରି ରନ୍ଧାଖାଦ୍ୟ ଯୋଗାଇ ଦେବା ବ୍ୟବସ୍ଥା କରିଛନ୍ତି।ତେବେ ବାତ୍ୟା ଗୁଲାବ ରାଜ୍ୟ ସରକାରଙ୍କ ପକ୍କାଘର ସ୍ଲୋଗାନ କୁ ଏଠାରେ ଦଳି ମକଚି ପକେଇଛି।ଏହି ଗ୍ରାମର ଯୋଗ୍ୟ ହିତାଧିକାରୀ ଙ୍କୁ ଏ ଯାଏଁ ପକ୍କାଘର ଖଣ୍ଡିଏ ସରକାର କାହିଁକି ଯୋଗାଇ ଦେଇ ନାହାନ୍ତି।ଆମ ଦୁଖଃ କେବେ ଦୂର ହେବ ଏମାନଙ୍କ ସମସ୍ୟା,କେବେ ସରକାରୀ ଯୋଜନା ଲୋକଙ୍କ ପାଖରେ ପହଞ୍ଚିବ ତାହା ସମୟ କହିବ।
ଏହି ସମ୍ଭାବ୍ୟ ସାମୁଦ୍ରିକ ଝଡବାତ୍ୟା “ଗୁଲାବ୍”ର ସମ୍ପୂର୍ଣ୍ଣ ମୁକାବିଲା କରାଯିବା ଅବସରରେ ଜିଲ୍ଲା ପ୍ରଶାସନ ପକ୍ଷରୁ ଜିଲ୍ଲାପାଳ ଶ୍ରୀ ଲିଙ୍ଗରାଜ ପଣ୍ଡା ଜିଲ୍ଲାର ସମସ୍ତ ୭ଟି ବ୍ଲକର ବିଡ଼ିଓ , ତହସିଲଦାର , ବିଭିନ୍ନ ବିଭାଗୀୟ ଓ ଜିଲ୍ଲା ସ୍ତରୀୟ ଅଧିକାରୀ ମାନଙ୍କ ସମେତ ପଞ୍ଚାୟତ ନିର୍ବାଚିତ ଜନ ପ୍ରତିନିଧି ମାନଙ୍କ ସହ ପ୍ରସ୍ତୁତି ମୁକାବିଲା ବୈଠକ ଆଲୋଚନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପାରଳାଖେମୁଣ୍ଡି ସମେତ ବିଭିନ୍ନ ବ୍ଲକଅଞ୍ଚଳରେ ସମ୍ଭାବ୍ୟ ବାତ୍ୟା ଗୁଲାବ ସମ୍ପର୍କରେ ଜନସାଧାରଣଙ୍କୁ ସତର୍କ ରହିବା ଏବଂ ବାତ୍ୟା ସମୟରେ ବାହାରକୁ ନ ବାହାରିବା ଏବଂ ସୁରକ୍ଷିତ ସ୍ଥାନକୁ ଚାଲିଯିବା ପାଇଁ ଡ଼ାକବାଜି ଯନ୍ତ୍ର ଯୋଗେ ପ୍ରଚାର କରାଯାଇ ସଚେତନ କରାଯାଉଛି । ମିଳିଥିବା ସୂଚନା ପ୍ରକାରେ ବର୍ତ୍ତମାନ ସୁଦ୍ଧା ବ୍ଲକ ପ୍ରଶାସନ ପକ୍ଷରୁ ୫୪ ଗୋଟି ଆଶ୍ରୟ ସ୍ଥଳରେ ୫୫ ଟି ଗ୍ରାମର ମୋଟ ୭୯୪୮ ଜଣଙ୍କୁ ଅଣାଯାଇ ବିଭିନ୍ନ ସମୟରେ ଶୁଖିଲା ଓ ରନ୍ଧାଖାଦ୍ୟ ଯୋଗାଇ ଦିଆଯାଉଛି । ଲୋକମାନଙ୍କୁ ସୁରକ୍ଷିତ ସ୍ଥାନକୁ ଅଣାଯିବା ପାଇଁ ବିଭିନ୍ନ ସ୍ଥାନରେ ୧୬ଟି ଗାଡିର ବ୍ୟବସ୍ଥା କରା ଯାଇଥିବା ସହ ବିଭିନ୍ନ ବ୍ଲକଅଞ୍ଚଳରେ ସମ୍ଭାବ୍ୟ ବାତ୍ୟା , ବିପର୍ଯ୍ୟୟ ଓ ଉଦ୍ଧାର କାର୍ଯ୍ୟକ୍ରମ ପରିସ୍ଥିତି ଅନୁଧ୍ୟାନ କରିବା ପାଇଁ ୭ ଜଣ ଜିଲ୍ଲାସ୍ତରର ଅଧିକାରୀ ମାନଙ୍କୁ ନୋଡାଲ ଅଧିକାରୀ ଭାବେ ନିୟୋଜିତ କରାଯାଇଛି ।ସମ୍ଭାବ୍ୟ ବାତ୍ୟାରେ ସମ୍ଭାବ୍ୟ ବିପର୍ଯ୍ୟୟ ଓ ଅଘଟଣ ସମୟରେ ଉଦ୍ଧର କାର୍ଯ୍ୟକ୍ରମ ପାଇଁ ୬ ଗୋଟି ଓଡ୍ରାଫ ଦଳ ଓ ୨ ଟି ଏନଡିଆରଏଫ’ ଟିମ ସମେତ ଅଗ୍ନିଶମ ବିଭାଗ ମାନେ ବିଭିନ୍ନ ସମ୍ଭାବ୍ୟ ବିପର୍ଯ୍ୟୟ ଓ ଅଘଟଣା ସ୍ଥାନ ମାନଙ୍କ’ରେ ନିୟୋଜିତ ଅଛନ୍ତି ।
ଅନ୍ୟପକ୍ଷରେ ଏହି ଉଦ୍ଧାର କାର୍ଯ୍ୟ ପାଇଁ ବିଭିନ୍ନ ସ୍ଥାନରେ ୭୨ଟି ଜେସିବି ଓ ହିତାଚି ମେସିନ ସହ ବହୁ ମେସିନ ଅପରେଟର , ଟ୍ରାକ୍ଟର ଓ ଶ୍ରମିକ ମହଜୁଦ ରଖାଯାଇଛି । ବିଭିନ୍ନ ବ୍ଲକଅଞ୍ଚଳରେ ଗର୍ଭବତୀ ମାନଙ୍କୁ ମା ଗୃହକୁ ଅଣାଯିବା ସହ ବହୁ ଭିନ୍ନକ୍ଷମ ଓ ବୁଢ଼ାବୁଢ଼ୀ ମାନଙ୍କୁ ପ୍ରଶାସନ ପକ୍ଷରୁ ସୁରକ୍ଷିତ ସ୍ଥାନକୁ ଅଣାଯାଉଛି । ପାର୍ବତ୍ୟା ଅଞ୍ଚଳ ମାନଙ୍କରେ ବସବାସ କରୁଥିବା ପରିବାର ମାନଙ୍କୁ ଲେଣ୍ଡ-ସ୍ଲାଇଡ଼କୁ ଦୃଷ୍ଟିରେ ରଖି ସେମାନଙ୍କୁ ସମତାଳିଆ ଓ ସୁରକ୍ଷିତ ଅଞ୍ଚଳର ଆଶ୍ରୟ ସ୍ଥଳକୁ ଅଣାଯାଉଛି । ଅଧିକାରୀ କି କର୍ମଚାରୀ ବିନା ଅନୁମତିରେ ମୁଖ୍ୟାଳୟ ନ ଛାଡିବା ଏବଂ ଏ ସମସ୍ତଙ୍କ ଛୁଟି ବାତିଲର ପ୍ରଶାସନ ପକ୍ଷରୁ ନିର୍ଦ୍ଦେଶ ଦିଆଯାଇଛି । ବଂଶଧାରା ନଦୀର ବନ୍ୟାଜଳକୁ ନିୟନ୍ତ୍ରଣ ରଖିବା ପାଇଁ ଜିଲ୍ଲା ଜଳସେଚନ ବିଭାଗକୁ ନିର୍ଦ୍ଦେଶ ଦିଆଯିବା ସହ ନଦୀର ତଳ-ମୁଣ୍ଡରେ ଥିବା ପଡୋଶୀ ଆନ୍ଧ୍ରର ଗୋଟ୍ଟା ବ୍ୟାରେଜର କାର୍ଯ୍ୟାଳୟକୁ ପରିସ୍ଥିତି ଦେଖି ବ୍ୟାରେଜ ଫାଟକ ଖୋଲିବା ପାଇଁ କୁହାଯାଇଛି ।
