ଇନ୍ଦିରା ଆବାସ ପାଇବା ରୁ ବଞ୍ଚିତ ବିକଳାଙ୍ଗ ଭୀମ ମଣ୍ଡଳ ; ପ୍ରଶାସନିକ ଅଧିକାରୀ ଦୃଷ୍ଟି ଦେବା ପାଇଁ ଦାବୀ…!
!!! ଗଜପତି ଜିଲ୍ଲା ମୋହନା ରୁ ମଜେଶ୍ ରଇତ ଙ୍କ ରିପୋର୍ଟ୍ !!!
ଏଥର ସମ୍ଭାଳ(ମୋହନା) – ଗଜପତି ଜିଲ୍ଲା ମୋହନା ବ୍ଲକ ଗୁଲୁବା ପଂଚାୟତ ମୁଠାଗୁଡା ଗ୍ରାମ ର ଭୀମ ମଣ୍ଡଳ ବୟସ (୪୮) ରହିବାକୁ ନିଜସ୍ଵ ଭଲ ଘରଟେ ନାହିଁ। ଦୁଇ ଗୋଡ଼ ଜନ୍ମ ରୁ ବିକଳାଙ୍ଗ ବାପା ଛେଉଣ୍ଡ । ରାତି ପହିଲେ ଜୀବନ ବଞ୍ଚାଇବା ପାଇଁ ହାତରେ ଧାରୁଆ କାତି ଓ ବାଉଁଶ ପାତି ଧରି ପାଲ ଗୁଡା ଝାଟିମାଟି ଘର ପିଣ୍ଡାରେ ବସି ଆରମ୍ଭ କରିଦିଏ ତା’ ନୀତି ବେଉସା । ସମ୍ପର୍କୀୟ ଙ୍କୁ ଡାକି ନିକଟସ୍ଥ ପାହାଡ ରୁ କଅଁଳ ବାଉଁଶ କଢାଇ ଦେବା କୁ ଅନୁରୋଧ କରି ସେଥିରୁ ଦୁଇଟି କୁଲା ପ୍ରସ୍ତୁତ କରେ । ତିଆରି କୁଲା ୨ଟିରୁ ଗୋଟିଏ ଭୀମ ଙ୍କ ଅନ୍ୟଟି ବାଉଁଶ ଯୋଗାଇବା ସମ୍ପର୍କୀୟଙ୍କ । ପରିବାର ଭରଣ ପୋଷଣ ପାଇଁ ଏଇମାତ୍ର ତାଙ୍କ ସମ୍ବଳ । ଏହାକୁ ବିକ୍ରି କରି ତାଙ୍କ ସ୍ତ୍ରୀ ସୁଶାନ୍ତି ଙ୍କ ସହ ଜୀବନ ବିତାନ୍ତି। ବେମାର ପଡିଲେ ସାହି ପଡିଶା ସାହା ଭରସା । ଇନ୍ଦିରା ଆବାସ କିମ୍ବା ବିଜୁ ପକ୍କା ଘର ଯୋଜନା ତା’ ପାଇଁ ସାତସପନ ।ବିକଳାଙ୍ଗ ହୋଇ ସୁଦ୍ଧା ଆବାସ ଯୋଜନା ପାଇବା ରୁ ବଞ୍ଚିତ। ଏନେଉ ଆମେ ଗୁଲୁବା ସରପଞ୍ଚ ଙ୍କ ସହ ଫୋନ ମଧ୍ୟରେ ଯୋଗାଯୋଗ କରିବାରୁ ସରପଞ୍ଚ ଲାଜାର ମାଝୀ କହିଲେ ଇନ୍ଦିରା ଆବାସ ତାଲିକାରେ ନା ଅଛି I ଗରୀବକୁ ଘରଟିଏ ଯୋଗାଇ ଦେବା ନାମରେ ସରକାରଙ୍କ ପକ୍ଷରୁ ଦୀର୍ଘ ବର୍ଷ ହେବ ଯୋଜନା ପରେ ଯୋଜନା ପ୍ରସ୍ତୁତି ହୋଇଥିଲେହେଁ ଏବେ ସୁଦ୍ଧା ତାଲିକାରେହିଁ ନାମ ରହିଯାଇଛି ଭୀମଙ୍କର । କଥା ଉଠିଛି ବିକଳାଙ୍ଗ ଭୀମ ମଣ୍ଡଳ ଏବେବି ପକ୍କା ଘର ପାଇବାରୁ ବାଦ ପଡ଼ିବେନିତ ?
