!!! ଗଜପତି ରୁ ଜିଲ୍ଲା ପ୍ରତିନିଧି ଅନିତା କୁମାରୀ ଅଧିକାରୀ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ପାରଳାଖେମୁଣ୍ଡି) – ଗଜପତି ଜିଲ୍ଲାର ରାୟଗଡ ବ୍ଲକ ଅନ୍ତର୍ଗତ ଆଦିବାସୀ ବହୁଳ ଗଙ୍ଗାବାଡ଼ ପଞ୍ଚାୟତର ମାଣିକପାଟଣା ଗ୍ରାମରେ ଗତ ୯ ତାରିଖ ଦିନ ସୀମା-ବିବାଦ ଓ ଆନ୍ଧ୍ର ମନ୍ତ୍ରୀଙ୍କ ଅନୁପ୍ରବେଶ , ଅଙ୍ଗନବାଡି କେନ୍ଦ୍ର ଖୋଲିବା , ପିଲାଙ୍କୁ ପଢ଼ାଇବା ଓ ଅଣ୍ଡା ବାଣ୍ଟିବା , ଦାଦାଗିରି ଓ ଗଜପତି ଏଡିଏମଙ୍କୁ ଅପ ବ୍ୟବହାର , ଗିରଫ କରାଯିବାର ଭୟ ଦେଖାଇବା ଓ ସମ୍ପର୍ଣ୍ଣ ଅସହାୟ କରି ପକାଇବା ଭଳି ବିଭିନ୍ନ ପ୍ରକାରର ସୀମାଲଙ୍ଘି କାର୍ଯ୍ୟକରି ସମସ୍ତଙ୍କୁ ଅଣନିଶ୍ଵାସୀ , ଅଧୈର୍ଯ୍ୟ ଓ ଧରାଶାୟୀ କରି ପକାଇଥିଲେ ମଧ୍ୟ ବର୍ତ୍ତମାନ ସୁଦ୍ଧା ଏଭଳି ସ୍ପର୍ଶକାତର ଓ ଘଟଣା ଜିଲ୍ଲାରେ ଘଟି ଯାଇଥିଲେ ମଧ୍ୟ ବର୍ତ୍ତମାନ ସୁଦ୍ଧା ଏ ଦିଗରେ ଗଜପତି ଜିଲ୍ଲାପାଳ କି ଆରଡିସି କି ମୁଖ୍ୟ ଶାସନ ସଚିବ କି ରାଜ୍ୟ ସରକାରଙ୍କ କୌଣସି ପ୍ରତିକ୍ରିୟା ନାହିଁ।
ବର୍ଷ ବର୍ଷ ଧରି ସେହି ଗଙ୍ଗାବାଡ଼ ପଞ୍ଚାୟତ ଅଞ୍ଚଳରେ ସୀମା-ବିବାଦ ନେଇ ତିକ୍ତତା ଓ ଉତ୍ତେଜନା ଲାଗି ରହିଥିବା ବେଳେ ଗତ ୯ ତାରିଖ ଦିନ ଜିଲ୍ଳାର ମାଣିକପାଟଣା ଗ୍ରାମରେ ଆନ୍ଧ୍ରର ଅନୁପ୍ରବେଶ ଓ ଦାଦାଗିରିର ଅସଲ ରୂପର ଜୀବନ୍ତ ତିକ୍ତତା ଦେଖିବାକୁ ମିଳିଥିଲା । ଏତେ ବଡ଼ ଘଟଣା-ପ୍ରସଙ୍ଗ ଅଥଚ ଏ ପ୍ରସଙ୍ଗ ଉପରେ ବର୍ତ୍ତମାନ ସୁଦ୍ଧା ସମସ୍ତେ ସମ୍ପୂର୍ଣ୍ଣ ଭାବେ ଅବଗତ ଥାଇମଧ୍ୟ କୌଣସି ପଦକ୍ଷେପ ନେବା କି ପ୍ରତିକ୍ରିୟା ନ ରଖିବା ଅତ୍ୟନ୍ତ ଦୁଖଦାୟକ , ଦୁର୍ଭାଗ୍ୟଜନକ ଓ ନିନ୍ଦନୀୟ ।
ବର୍ଷ ବର୍ଷ ଧରି ଅସୁରକ୍ଷିତ ହୋଇ ରହିଥିବା ସୀମା ଓ ଅଞ୍ଚଳବାସୀଙ୍କୁ ଯଦି କୌଣସି ସୁରକ୍ଷା ଦିଆ ଯାଇପାରୁନି ତାହାହେଲେ ସେ ଅଞ୍ଚଳରେ ସବୁ ବିକାଶ କରିଦେବା ଭଳି ଚିନ୍ତା ଆଲୋଚନା କରିବା କେତେଦୂର ଯୁକ୍ତିଯୁକ୍ତ ଏହା ବିଚାରଯୋଗ୍ୟ , ଆଙ୍ଗୁଳି ନିର୍ଦ୍ଦେଶ ଓ ପ୍ରଶ୍ନବାଚୀ ସୃଷ୍ଟି । ପଡୋଶୀ ଆନ୍ଧ୍ରର ପଲାସା ବିଧାୟକ ତଥା ପଶୁସମ୍ପଦ ମନ୍ତ୍ରୀ ଡି:ଆପାଲା ରାଜୁ ନିଜର ରାଜନୈତିକ ସ୍ୱାର୍ଥ-ସାଧନ ପାଇଁ ଆନ୍ଧ୍ର-ଓଡିଶା ସୀମାନ୍ତରେ ଥିବା ଗଜପତି ଜିଲ୍ଲାର ମାଣିକପାଟଣା ଗ୍ରାମରେ ଯେଭଳି ଅନାଧିକାର ପ୍ରବେଶ କରି ବେଆଇନ ଅଙ୍ଗନବାଡି ଖୋଲିବା , ପିଲାଙ୍କୁ ପାଠ ପଢ଼ାଇ ଅଣ୍ଡା ଦେବା , ବେଆଇନ ସଭା କରି ଲୋକଙ୍କୁ ନିଜ ଅକ୍ତିଆରରେ ଆଣିବା ପାଇଁ ପ୍ରଲୋଭନ ଦେଖାଇବା , ଗଜପତି ଏଡିଏମଙ୍କୁ ଦୁର୍ବ୍ୟବହାର କରି ଧମକ ଦେବା , ଆରେଷ୍ଟ କରିଦେବି ଓ ଆଇ-କାର୍ଡ ମାଗିବା , ଏଇଟା ମୋ ସୀମା ଏରିଆ ପ୍ରଭୃତି କହି ଦାଦାଗିରି ଦେଖାଇବା ଜଣେ ମନ୍ତ୍ରୀଙ୍କ ଏଭଳି ଘୁନ୍ୟ ଆଚରଣ ଅତ୍ୟନ୍ତ ନିନ୍ଦନୀୟ ।
ଘଟଣା ଘଟିଥିଲା ଚଳିତ ମାସର ୯ ତାରିଖ ଦିନ , ତେବେ ଘଟଣା ଘଟିବାର କିଛି ଦିନ ପୂର୍ବରୁ ଆନ୍ଧ୍ର ପକ୍ଷରୁ ବେଆଇନ ଭାବେ ମାଣିକପାଟଣା ଗ୍ରାମକୁ ଆସି ସେଠାରେ ଗଜପତି ଜିଲ୍ଲା ପ୍ରଶାସନର ଅଙ୍ଗନବାଡି କେନ୍ଦ୍ର ଥିବା ସତ୍ତ୍ୱେ ତାଙ୍କ ପକ୍ଷରୁ ଅନ୍ୟ ଏକ ଅଙ୍ଗନବାଡି କେନ୍ଦ୍ର ଖୋଲି କାର୍ଯ୍ୟକ୍ଷମ କରିଥିଲେ । ଏହା ଜାଣିବା ପରେ ଜିଲ୍ଲା ପ୍ରଶାସନର ନିର୍ଦ୍ଦେଶ କ୍ରମେ ସେହି କେନ୍ଦ୍ରକୁ ରାୟଗଡ ବ୍ଲକ ପ୍ରଶାସନ ପକ୍ଷରୁ ଗତ ୭ ତାରିଖ ଦିନ ସିଲ୍ କରାଯାଇଥିଲା । ଏଥିରେ କ୍ଷୁବଦ୍ଧ ହୋଇ ଆନ୍ଧ୍ରର ସମ୍ପୃକ୍ତ ମନ୍ତ୍ରୀ ନିଜର ପୋଲିସ ଫୋର୍ସ ଓ ପ୍ରଶାସନିକ ଅଧିକାରୀ ଓ ଦଳୀୟ କର୍ମୀଙ୍କୁ ନେଇ ସେହି ଗ୍ରାମରେ ଧସେଇ ପଶି ଜୋର-ଜୁଳୁମ , କୁକାର୍ଯ୍ୟ ଓ ଦୁର୍ବ୍ୟବହାର ଧମକ ଓ ଦାଦାଗିରି ପ୍ରଭୃତି ଘୁନ୍ୟ କାର୍ଯ୍ୟ ସବୁ କରିବାକୁ ପଛାଇଲେ ନାହିଁ । ଅତୀତରେ ଏହି ଗଙ୍ଗାବାଡ଼ ପଞ୍ଚାୟତ ସମେତ ଜିଲ୍ଲାର ବିଭିନ୍ନ ପାଣି-ପବନ , ନଦୀ-ନାଳ, ଜଙ୍ଗଲ , ପାହାଡ଼ , ଜମି , ରାସ୍ତା ପ୍ରଭୃତି ବେଆଇନ ଲୁଟ ଓ ଅପହରଣ କରିଆସୁଛି ।
ତେବେ ଗଙ୍ଗାବାଡ଼ ହେଉ କି ମାଣିକପାଟଣା ଗ୍ରାମକୁ ହେଉ , ଏଠାକୁ ଜିବାପାଇଁ ହେଲେ ଆନ୍ଧ୍ରଦେଇ ଦୀର୍ଘ କିମି: ଦୂରତା ରାସ୍ତା ଅତିକ୍ରମ କରିଯିବାକୁ ପଡିଥାଏ ଏବଂ ଏଥିସହିତ ବଜାର-ହାଟ , ମୋବାଇଲ , ସ୍ୱାସ୍ଥ୍ୟ ଓ ଶିକ୍ଷା ପ୍ରଭୃତି କ୍ଷେତ୍ରରେ ଆନ୍ଧ୍ର ଉପରେ ହିଁ ବାଧ୍ୟତା ଭାବେ ନିର୍ଭର କରିବାକୁ ପଡିଥାଏ , ଯାହାର କି ଏଭଳି ସମସ୍ୟାର ସୁଯୋଗ ନେଉଛି ଆନ୍ଧ୍ର ।
ପ୍ରଥମେ ଅଙ୍ଗନବାଡି କେନ୍ଦ୍ର ଖୋଲି କାର୍ଯ୍ୟକ୍ଷମ ଓ ପରେ ଅଞ୍ଚଳ ଅକ୍ତିଆର ଏହା ପଡୋଶୀ ଆନ୍ଧ୍ରର ଚିରାଚରିତ ଅଭ୍ୟାସରେ ପରିଣତ ହୋଇ ଗଲାଣି। ଶନିବାର ଦିନ ଗଜପତି ଜିଲ୍ଲା ଗ୍ରସ୍ତରେ ଓଡିଶା ରାଜ୍ୟ ମୁଖ୍ୟ ଶାସନ ସଚିବ ଶ୍ରୀ ସୁରେଶ ଚନ୍ଦ୍ର ମହାପାତ୍ର ଆସିଥିଲେ । ବିଭିନ୍ନ ଅଞ୍ଚଳ ଗ୍ରସ୍ତ କରିଥିଲେ । ହେଲେ ଆନ୍ଧ୍ର ସୀମାନ୍ତରେ ଥିବା ଜିଲ୍ଲାର ମାଣିକପାଟଣା ଗ୍ରାମଠାରେ ଆନ୍ଧ୍ର ମନ୍ତ୍ରୀ ଓ ପ୍ରଶାସନ ଅଧିକାରୀଙ୍କ ପକ୍ଷରୁ ଯେଭଳି କୁକାର୍ଯ୍ୟ ଓ ଦୁର୍ବ୍ୟବହାର , ଦାଦାଗିରି ଓ ଧମକ ପ୍ରଭୃତି ଘଟଣା ଘଟିଗଲା ସେଥିନେଇ କୌଣସି ପ୍ରତିକ୍ରିୟା ରଖିଲେ ନାହିଁ ।ଏମିତିକି ରାୟଗଡ ବ୍ଲକ ଯାଇ କଇଁପୁର ଠାରୁ ମାଣିକପାଟଣା ମାତ୍ର ୧୦/୧୨ କିମି: ଦୂରତା ରାସ୍ତା ହୋଇଥିଲେ ମଧ୍ୟ କୌଣସି ପ୍ରତିକ୍ରିୟା ନାହିଁ । କେବଳ ଅଞ୍ଚଳ ବୁଲିବା ଓ ଅନୁଧ୍ୟାନ କରି ବିକାଶ କରିଦେବା ଭଳି ଦ୍ୱାହିଦେଇ ଚାଲିଯିବା , ଏହା ଚିରାଚରିତ ପ୍ରଥା ହୋଇଗଲାଣି ସିନା ଅସୁରକ୍ଷିତ ସୀମାକୁ ଓ ସେଠାକାର ଅଞ୍ଚଳବାସୀଙ୍କୁ ସ୍ଥାୟୀ ସୁରକ୍ଷା ଯୋଗାଇ ଦେବାଭଳି ପଦକ୍ଷେପ ଆଜିପର୍ଯ୍ୟନ୍ତ କିଛିନାହିଁ।
ଏହି କାର୍ଯ୍ୟକ୍ରମରେ ବିଭିନ୍ନ ଚାଷୀ, ଶିକ୍ଷା, ସମାଜସେବା ତଥା କଳା କ୍ଷେତ୍ରରେ ଉଲ୍ଲେଖନୀୟ ସଫଳତା ହାସଲ କରିଥିବା ବ୍ୟକ୍ତିବିଶେଷ ଙ୍କୁ ଅତିଥି ଗଣ ସମ୍ମାନିତ କରିଥିଲ | ବିଶିଷ୍ଟ ଟୁଇଟର ଆକ୍ଟିଭିଷ୍ଟ୍ ତଥା ସମାଜସେବୀ ରଶ୍ମିତା ମେହେର ଙ୍କୁ ସମ୍ମାନିତ କରାଯାଇଥିଲା।
