ଆସିକା ବିଧାନସଭା କ୍ଷେତ୍ରରେ ବିଜୁ ଜନତା ଦଳର ନୂତନ କର୍ମକର୍ତ୍ତା ଙ୍କୁ ବିଧାୟିକା ପକ୍ଷରୁ ସ୍ୱାଗତ ସମ୍ବର୍ଦ୍ଧନା…!

!!! ଗଞ୍ଜାମ୍ ରୁ ଜିଲ୍ଲା ପ୍ରତିନିଧି ପବିତ୍ର ରାଉତ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ବ୍ରହ୍ମପୁର) – ଆସ୍କା ବିଜୁ ଯୁବ ଜନତା ଦଳ ର ବ୍ଲକ ଓ ଏନ୍.ଏ.ସି ସ୍ତରୀୟ ନୂତନ କର୍ମ କର୍ତ୍ତା ଙ୍କୁ ନେଇ ବରିଷ୍ଠ ବିଜେଡି ନେତା ଦିଲୀପ ପାଣିଗ୍ରାହୀ ଙ୍କ ନେତୃତ୍ୱରେ ଆଜି କବିସୂର୍ଯ୍ୟନଗର ଡାକ ବଙ୍ଗଳା ଠାରେ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି । ପ୍ରଥମେ ଆସ୍କା କାର୍ଯ୍ୟଳୟ ନିକଟରୁ ଏକ ବିଶାଳ ବାଇକ ରାଲି ରେ ଆସ୍କା ସହର ପରିକ୍ରମା କରି ବିଜୁ ପଟ୍ଟନାୟକଙ୍କ ପତିମୂର୍ତି ରେ ପୁଷ୍ପମାଲ୍ୟ ଅର୍ପଣ କରିଥିଲେ ଯୁବ ବିଜେଡି ନେତା ତଥା ଗଞ୍ଜାମ ଜିଲ୍ଲା ଯୋନ ଯୁବ ବିଜେଡି ସଭାପତି ନଚିକେତ ସ୍ୱାଇଁ ,ସେଠାରୁ ପଥରା ଆସି ପୂର୍ବତନ ସାଂସଦ ଶ୍ରୀଯୁକ୍ତ ଲଡୁକିଶୋର ସ୍ୱାଇଁ ଙ୍କୁ ପତିମୂର୍ତି ରେ ପୁଷ୍ପମାଲ୍ୟ ଦେଇ ବାଇକ ରାଳି ରେ କବିସୂର୍ଯ୍ୟ ନଗର ଡାକ ବଙ୍ଗଳା ଠାରେ ପହଞ୍ଚି ଥିଲେ ଆସ୍କା ବିଧାନସଭା କ୍ଷେତ୍ରରେ ନବ ନିଯୁକ୍ତି ପାଇଥିବା ଯୁବ ଛାତ୍ର ର ଛାମୁଆ ନେତା ।ସେଠାରେ ପୂର୍ବତନ ଜିଲ୍ଲାପାରିଷଦ ଅଧ୍ୟକ୍ଷ ସୁରଥ ଚନ୍ଦ୍ର ପ୍ରଧାନ ଅଧ୍ୟକ୍ଷତାରେ ଏକ ସମ୍ବର୍ଦ୍ଧନା ସଭା କାର୍ଯ୍ୟ ଅନୁଷ୍ଠିତ ହୋଇଥିଲା ।ଏଥିରେ ଆସ୍କା ବିଧାୟିକା ଶ୍ରୀମତୀ ମଞ୍ଜୁଳା ସ୍ୱାଇଁ ଓ ଜୋନ ସଭାପତି ତଥା ଯୁବନେତା ନଚିକେତା ସ୍ୱାଇଁ ଙ୍କୁ ସମ୍ବର୍ଦ୍ଧନା ଦେଇ ସ୍ୱାଗତ କରାଯାଇଛି।ପରବର୍ତ୍ତୀ ସମୟରେ ସମସ୍ତ ନୂତନ ଯୁବ ଛାତ୍ର କର୍ମକର୍ତା ଙ୍କୁ ବିଧାୟିକା ଓ ଯୋନ ସଭାପତି ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ ।ନୂତନ ଭାବେ ଚୟନ ହୋଇଥିବା କର୍ମକର୍ତ୍ତା ମାନେ ହେଲେ କବିସୂର୍ଯ୍ୟନଗର ବ୍ଲକ ପାଇଁ ଯୁବ ବିଜେଡି ସଭାପତି ବ୍ରଜସୁନ୍ଦର ମଳିକ ଓ ସମ୍ପାଦକ ଟୁକୁନା ବିଶୋଇ,କବିସୂର୍ଯ୍ୟ ନଗର ବ୍ଲକ ଛାତ୍ର ବିଜେଡ଼ି ସଭାପତି ନିଳାଞ୍ଚଳ ମଣ୍ଡଳ, କବିସୂର୍ଯ୍ୟ ନଗର ବ୍ଲକ ଯୁବ ବିଜେଡି ଡିଜିଟାଲ ସେକେଟ୍ରି ରାଜୀବ ପ୍ରଧାନ,ଜିଲ୍ଲା ଯୁବ ବିଜେଡ଼ି ସମ୍ପାଦକ ପ୍ରଦୀପ କୁମାର ଗୌଡ଼, ଆସ୍କା ବ୍ଲକ ଯୁବ ବିଜେଡି ସଭାପତି ଶିବରାମ ନାହକ,ଆସ୍କା ଏନ୍.ଏ.ସି ଯୁବ ବିଜେଡି ସଭାପତି ଜିତେନ୍ଦ୍ର ମହାରଣା,ଆସ୍କା ଏନ୍.ଏ.ସି ଛାତ୍ର ବିଜେଡ଼ି ସଭାପତି ନିଗମାନନ୍ଦ ରାଉତ, ଆସ୍କା ବ୍ଲକ ଯୁବ ବିଜେଡି ଡିଜିଟାଲ ସେକେଟ୍ରି ପ୍ରମୋଦ କୁମାର ପ୍ରଧାନ, ଏନ୍.ଏ.ସି ଯୁବ ବିଜେଡି ଡିଜିଟାଲ ସେକେଟ୍ରି ରାଜୀବ ପାତ୍ର,ଆସ୍କା ବ୍ଲକ ଛାତ୍ର ବିଜେଡି ସଭାପତି ବିମଳ ପ୍ରଧାନ,ଆସ୍କା ବ୍ଲକ ଛାତ୍ର ବିଜେଡି ଡିଜିଟାଲ ସେକେଟ୍ରି ସାଇ ରାଜ,ଜିଲ୍ଲା ଛାତ୍ର ବିଜେଡି ଉପସଭାପତିଙ୍କ ମଧୁସୂଦନ ସ୍ୱାଇଁ,ଜିଲ୍ଲା ଛାତ୍ର ବିଜେଡି ସାଧାରଣ ସମ୍ପାଦକ ଶଙ୍କର ପାଳ, ଜିଲ୍ଲା ଛାତ୍ର ବିଜେଡି ସମ୍ପାଦକ ରାଜୀବ ପାତ୍ର, ସୁରେଶ ଡାକୁଆ ଙ୍କୁ ଆସିକା ଓ କବିସୂର୍ଯ୍ୟନଗର ର ସମସ୍ତ ନୂଆ କର୍ମକର୍ତା ଙ୍କୁ ସ୍ୱାଗତ ସମ୍ବର୍ଦ୍ଧନା କରାଯାଇଛି. ଏହି ଅବସରରେ ଅନୁଷ୍ଠିତ ସଭାରେ ଆଗାମୀ ଦିନରେ ଦଳ ମଜବୁତ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ ହାତ ମୁଠା କୁ ଟାଣ କରି ନିର୍ବାଚନ ରେ ସଫଳତା ଆଣିବାକୁ ଆହ୍ୱାନ କରିଥିଲେ ଆସ୍କା ବିଧାୟିକା ଶ୍ରୀମତୀ ମଞ୍ଜୁଳା ସ୍ୱାଇଁ ଓ ଯୋନ ଯୁବ ବିଜେଡ଼ି ସଭାପତି ନଚିକେତ ସ୍ୱାଇଁ। ଆଜିର ଏହି କାର୍ଯ୍ୟକ୍ରମ ରେ ଆସିକା ଓ କବିସୂର୍ଯ୍ୟନଗର ବ୍ଲକ ର ସମସ୍ତ ସରପଞ୍ଚ, ସମିତି ସଭ୍ୟ, ନିର୍ବାଚିତ ପ୍ରତନିଧି ଯୋଗ ଦେଇଥିଲେ।

ରାସ୍ତା ମଝିରେ ଭୟଙ୍କର ଗାତ; ଯଥା ଶୀଘ୍ର ନିର୍ମାଣ ନିମନ୍ତେ ସାଧାରଣ ରେ ଦାବୀ..!

!!! ରାୟଗଡା ଜିଲ୍ଲା ରୁ ପି. ଦିଲ୍ଲୀପ କୁମାର ଙ୍କ ରିପୋର୍ଟ !!!

ଏଥର ସମ୍ଭାଳ (ରାୟଗଡ଼ା) – ରାୟଗଡା ଜିଲ୍ଲାର କେସିଙ୍ଗପୁର ରେଳ ଲାଇନ କୁ ଯାଇଥିବା ରାସ୍ତା ଉପରେ ଏକ ବଡ଼ ଗାତ ସୃଷ୍ଟି ହୋଇଛି। ଯାହାକି ଆଗାମୀ ଦିନରେ ଏକ ବଡଧରଣର ଦୁର୍ଘଟଣା ହେବାର ସମ୍ଭାବନାକୁ ଏଡାଇ ଦିଆ ଯାଇନପରେ। ଏହା ଏକ ମାତ୍ର ରାସ୍ତା ଷ୍ଟେସନ ପାଇଁ ଅନ୍ୟ ବିକଳ୍ପ ନାହିଁ ରେଳ ଷ୍ଟେସନ କୁ ଯିବାପାଇଁ ତେଣୁ ଏହି ରାସ୍ତା ମରାମତି କରିବାକୁ ଜଣ ସାଧାରଣ ଦବୀ ଜଣାଇଛନ୍ତି। ସୂଚନା ଯୋଗ୍ୟ ଏହିକିଯେ ରାୟଗଡ ଜିଲ୍ଲା କଲ୍ୟାଣସିଙ୍ଗପୁର ବ୍ଲକ ଅନ୍ତର୍ଗତ ସିକରପାଇ ରେଳ ଷ୍ଟେସନ କୁ ଯିବା ବେଳେ ଘାଟି ଉଠିବା ବେଳେ ଠିକ୍ ବାଙ୍କ ନିକଟରେ ପାହାଡିଆ ପାଣି ପାଇଁ ରାସ୍ତା ସମ୍ପୂର୍ଣ୍ଣ ଧୋଇ ହୋଇ ଯାଇଛି। ତେଣୁ ରେଳ ଷ୍ଟେସନ କୁ ଯିବାପାଇଁ ଆଉ ବିକଳ୍ପ ନାହିଁ। ଅଟୋ କିମ୍ବା ଅନ୍ୟ ଗାଡି ଯିବାକୁ ବାଟ ନାହିଁ କି ଚାଲିକି ଯିବା ମଧ୍ୟ ସହଜ ନାହିଁ କାରଣ ଏହା ବଡ଼ ଘାଟି ଓ ଜଙ୍ଗଲିଆ ଜାଗା ଅଟେ। ଏନେଇ ଗ୍ରାମବାସୀ ମାନେ ଏହି ରାସ୍ତା ମରାମତି ପାଇଁ ଜିଲ୍ଲାପାଳଙ୍କୁ ଲିଖିତ ଅଭିଯୋଗ କରିଛନ୍ତି। ଗ୍ରାମର ଭଦ୍ରବ୍ୟକ୍ତି ଓ ବୁଦ୍ଧିଜିବୀ ମାନେ ଯଥା ଶୀଘ୍ର ଯୁଦ୍ଧ କାଳୀନ ଭିତ୍ତିରେ ରାସ୍ତା ନିର୍ମାଣ କରାନଗଲେ ଏହି ଦାବୀ ପୂରଣ ପାଇଁ ଆନ୍ଦୋଳନ କରିବାକୁ ବାଧ୍ୟ ହେବୁ ବୋଲି ଧମକ ଦେଇଛନ୍ତି। ସୂଚାଇ ଦେବାକୁ ପଡେ ଏହିକି ଏହି ଅଂଚଳର ଲକ୍ଷାଧିକ ଜନତା ଏହି ଷ୍ଟେସନ ଉପରେ ନିର୍ଭର କରି ଚଳନ୍ତି, ଏହି ଧାରଣା ଦେଇ ରାଜଧାନୀ ଭୁବନେଶ୍ବର, ଓ ପଡୋଶୀ ରାଜ୍ୟକୁ ସଂଯୋଗ କରୁଥିବା ଯୋଗୁଁ ଲୋକ ମାନେ ହଇରାଣ ହେଉଛନ୍ତି ତେଣୁ ଯଥା ଶୀଘ୍ର ଏହାର୍ ମରାମତି ନିମନ୍ତେ ସାଧାରଣ ରେ ଦାବୀ ହେଉଛି ।

କାଲି ଠାରୁ କୋଭିଡ୍ – ୧୯ ନିୟମ ପାଳନ କରି ସବୁ ରୁଟରେ ଗଡିବ ‘ମୋ ବସ୍’…!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – କରୋନା ମହାମାରୀ ଯୋଗୁ ବନ୍ଦ ଥିବା ‘ମୋ ବସ୍’ ସେବା ଗତ ଜୁଲାଇ ୧୬ ତାରିଖରୁ ଆରମ୍ଭ ହୋଇଥିଲେ ମଧ୍ୟ ସବୁ ରୁଟରେ ବସ ଚାଲି ନ ଥିଲା । କୋଭିଡ୍ କଟକଣା କୋହଳ ହେବା ପରେ ଆସନ୍ତା ୨ତାରିଖ ସୋମବାରରୁ ପୁଣିଥରେ ସବୁ ରୂୁଟରେ ବସ୍ ଚଳପ୍ରଚଳ କରିବ ।ରାଜ୍ୟ ସରକାରଙ୍କ କୋଭିଡ୍ ଗାଇଡଲାଇନ୍ ପାଳନ କରି ଏହି ବସ୍ ଚଳାଚଳ ଆରମ୍ଭ କରାଯିବ ବୋଲି କ୍ୟାପିଟାଲ ରିଜନ ଅର୍ବାନ ଟ୍ରାନ୍ସପୋର୍ଟ(କ୍ରୁଟ) ଜେନେରାଲ ମ୍ୟାନେଜର ଦୀପ୍ତି ମହାପାତ୍ର କହିଛନ୍ତି । ଶ୍ରୀ ମହାପାତ୍ର କହିଛନ୍ତି ଯେ, ଆସନ୍ତା ସୋମବାରରୁ ସମସ୍ତ ୨୫ଟି ରୁଟରେ ସକାଳ ୭ଟାରୁ ସନ୍ଧ୍ୟା ୭ଟା ପର୍ଯ୍ୟନ୍ତ ‘ମୋ ବସ୍’ ଚାଲିବ । ସୋମବାରୁ ଶୁକ୍ରବାର ପର୍ଯ୍ୟନ୍ତ ଏସବୁ ମାର୍ଗରେ ମୋଟ ୧୯୪ଟି ବସ୍ ଚଳପ୍ରଚଳ କରିବ । ସାପ୍ତାହିକ ଶଟଡାଉନ୍ ଯୋଗୁ ଶନିବାର ଓ ରବିବାର ବସ୍ ସେବା ବନ୍ଦ ରହିବ । କିନ୍ତୁ ଏହି ସମୟରେ ବିମାନବନ୍ଦରରୁ ରେଳଷ୍ଟେସନ ପର୍ଯ୍ୟନ୍ତ ବସ୍ ସେବା ଜାରି ରହିବ । ତେବେ ସୋମବାରଠୁ ସବୁ ମାର୍ଗରେ ବସ୍ ଚଳପ୍ରଚଳ କଲେ ମଧ୍ୟ ବସରେ କୌଣସି ଯାତ୍ରୀଙ୍କୁ ଠିଆ ହୋଇ ଯିବାକୁ ସୁଯୋଗ ମିଳିବ ନାହିଁ । ସମସ୍ତ ଯାତ୍ରୀଙ୍କ ପାଇଁ ମାସ୍କକୁ ବାଧ୍ୟତାମୂଳକ କରାଯାଇଛି । ବିନା ମାସ୍କରେ ବସ ଭିତରେ ପ୍ରବେଶ ପାଇଁ ଅନୁମତି ମିଳିବ ନାହିଁ । ମୋ ବସରେ ଯାତାୟତବେଳେ ଯାତ୍ରୀମାନେ ନିଜ ଆଡ଼ୁ ସତର୍କତାମୂଳକ ପଦକ୍ଷେପ ନିଅନ୍ତୁ ବୋଲି ଶ୍ରୀ ମହାପାତ୍ର ଅନୁରୋଧ କରିଛନ୍ତି । ମୋ ବସ୍’ରେ କାର୍ଯ୍ୟରତ ସମସ୍ତ କର୍ମଚାରୀ ଦୁଇ ଡୋଜ୍ ଟିକା ନେଇସାରିଛନ୍ତି । ନିୟମିତ ଭାବେ ବସଗୁଡ଼ିକ ସାନିଟାଇଜ୍ କରାଯାଉଛି ଓ ଯାତ୍ରୀଙ୍କ ନିରାପତ୍ତାକୁ ସର୍ବାଧିକ ଗୁରୁତ୍ୱ ଦିଆଯାଉଛି ବୋଲି ସୂଚନା ଦିଆଯାଇଛି ।

ଆଜି ହେଉଛି ସମ୍ବଲପୁରୀ ଦିନ୍‌; ସାମାଜିକ ଗଣମାଧ୍ୟମରେ ଦେଖିବାକୁ ମିଳିବ ସଂସ୍କୃତିର ଝଲକ।

!!! ବରଗଡ଼ ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ବରଗଡ଼) – କରୋନା କଟକଣା ଯୋଗୁଁ ଏଥର ମଧ୍ୟ ସମ୍ବଲପୁରୀ ଦିନ୍‌ ଉତ୍ସବ ଖୋଲା ମଞ୍ଚରେ ଆୟୋଜନ ହେବ ନାହିଁ । ତେବେ ସାମାଜିକ ଗଣମାଧ୍ୟମରେ ଏନେଇ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ପଶ୍ଚିମାଞ୍ଚଳ ଏକତା ମଞ୍ଚ ପକ୍ଷରୁ ସୂଚନା ଦିଆଯାଇଛି । ଏହି ପରିପ୍ରେକ୍ଷୀରେ ସାମାଜିକ ଗଣମାଧ୍ୟମରେ ଶ୍ରଦ୍ଧାଞ୍ଜଳୀ ସଭା ସହ ପୁସ୍ତକ ଉନ୍ମୋଚନ କରି ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ଅନୁଷ୍ଠାନ ପକ୍ଷରୁ ସୂଚନା ଦିଆଯାଇଛି । ସମ୍ବଲପୁରୀ ଭାଷା, ସାହିତ୍ୟ, ସଂସ୍କୃତି ଓ ପରମ୍ପରାର ବ୍ୟାପକ ପ୍ରଚାର ପ୍ରସାର ପାଇଁ ଗୁରୁ ସତ୍ୟନାରାୟଣ ବହିଦାର ଓ ସାଧକ ଶ୍ରୀଧର ପ୍ରଧାନଙ୍କ ପବିତ୍ର ଜନ୍ମ ତିଥି ଅଗଷ୍ଟ ଏକ ତାରିଖକୁ ସମ୍ବଲପୁରୀ ଦିନ୍‌ ଭାବରେ ପାଳନ କରାଯାଉଛି । ୨୦୧୨ ରେ ପ୍ରଥମେ ପଶ୍ଚିମାଞ୍ଚଳ ଏକତା ମଞ୍ଚ ପକ୍ଷରୁ ସମ୍ବଲପୁରୀ ଦିନ୍‌ କାର୍ଯ୍ୟକ୍ରମ ଆରମ୍ଭ ହୋଇଥିଲା ।ବର୍ତ୍ତମାନ ସମଗ୍ର ବିଶ୍ୱରେ ଏହି ସ୍ୱତନ୍ତ୍ର ଦିବସ ପାଳନ ହେଉଛି । ପୂର୍ବରୁ ସମ୍ବଲପୁର ସହରର ଜେଲ ଛକ ନିକଟରେ ରାଜ୍ୟ ସ୍ତରୀୟ ଉତ୍ସବ ପାଳନ ହେଉଥିଲା । କିନ୍ତୁ, ଗତ ବର୍ଷ ଠାରୁ ମହାମାରୀ କରୋନା କଟକଣା ଯୋଗୁଁ ଲୋକେ ଉତ୍ସବକୁ ନିଜ ଘରେ ରହି ପାଳନ କରୁଛନ୍ତି । ଚଳିତ ବର୍ଷ ମଧ୍ୟ ସାମାଜିକ ଗଣମାଧ୍ୟମରେ ଉତ୍ସବ ଅନୁଷ୍ଠିତ ହେବ ବୋଲି ଅନୁଷ୍ଠାନର ମୁଖ୍ୟ ସଂଯୋଜକ ମାନସ ରଞ୍ଜନ ବକ୍ସି ସୂଚନା ଦେଇଛନ୍ତି । ସେହପରି ଚଳିତ ବର୍ଷ ବରଗଡ଼ ଜିଲ୍ଲା ସାହେଲା ବ୍ଲକ ଅନ୍ତର୍ଗତ ଗର୍ଭଣା ପଞ୍ଚାୟତ ଦୁମ୍ବେରପାଲି ଗ୍ରାମର ପଣ୍ଡିତ ପୂର୍ଣ୍ଣଚନ୍ଦ୍ର ସାହୁଙ୍କୁ ଗୁରୁ ସତ୍ୟନାରାୟଣ ଜାତୀୟ ସମ୍ବଲପରୀ ସମ୍ମାନରେ ସମ୍ମାନିତ କରାଯାଇଛି ।

ଦୀପା ବାରିକଙ୍କ ମାଧ୍ୟମରେ ବଦାନ୍ୟ ବ୍ୟକ୍ତିଙ୍କ ଠାରୁ ସହାୟତା ପାଇଲେ ଭାଗୀରଥୀ ଓରଫ୍ ଗିରିଧାରୀ…!

!!! ବରଗଡ଼ ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ୍ !!! 

ଏଥର ସମ୍ଭାଳ (ବରଗଡ଼) – ବରଗଡ଼ ଜିଲ୍ଲା ପାଇକମାଲ ବ୍ଲକ ଟେମରି ଗ୍ରାମର ସ୍ୱେଚ୍ଛାସେବୀ ଦୀପା ବାରିକଙ୍କ ମାଧ୍ୟମରେ ବରଗଡ଼ ଜିଲ୍ଲାର ଦୁଇଜଣ ଅସହାୟ ରୋଗୀ ଆର୍ଥିକ ସହାୟତା ପ୍ରାପ୍ତ କରିଛନ୍ତି। ଏହି ସହାୟତା ରାଶି ପ୍ରଦାନ କରିଛନ୍ତି ଜଣେ ଇସ୍କନ ଧର୍ମାବଲମ୍ବୀ ସାମାଜିକ କର୍ମୀ ରାଜେଶ କୁମାର, ସେ ଦୀପା ବାରିକଙ୍କୁ ସାମାଜିକ ଗଣମାଧ୍ୟମ ଜରିଆରେ ବିଭିନ୍ନ ଅସହାୟଙ୍କୁ ସହାୟତା କରୁଥିବା ଜାଣି କିଛି ଆର୍ଥିକ ସହାୟତା ପ୍ରଦାନ କରିଛନ୍ତି ଯାହାକୁ କିଛି ଅସହାୟ ଲୋକଙ୍କ ମଧ୍ୟରେ ବଣ୍ଟନ କରିଦେବା ପାଇଁ ଅନୁରୋଧ କରିଥିଲେ ।ସୂଚନା ଅନୁଯାୟୀ ପଦ୍ମପୁର ଉପଖଣ୍ଡ ଅନ୍ତର୍ଗତ କୁଲାଣ୍ଟି ଗ୍ରାମର ଗିରିଧାରୀ ଭୋଇଙ୍କ ମୁହଁରେ ଏକ ଆବୁ ବାହାରିଛି ଯାହାର ଅସ୍ତ୍ରୋପଚାର କରିବାର ନିତାନ୍ତ ଆବଶ୍ୟକ ହେଉଛି। ତାଙ୍କୁ ବର୍ତ୍ତମାନ ଭୀମସାର ବୁର୍ଲାରେ ଭର୍ତ୍ତି କରାଯାଇଛି,ଆର୍ଥିକ ରୂପେ ଅସ୍ବଚ୍ଛଳ ଉକ୍ତ ବ୍ୟକ୍ତିଙ୍କ ସହାୟତା ପାଇଁ ବିଭିନ୍ନ ଗଣମାଧ୍ୟମ ରେ ଖବର ପ୍ରକାଶିତ ହୋଇଥିଲା। ଦୀପା ବାରିକ ଏହି ଖବର ଜାଣିଲା ପରେ ଫୋନ ମାଧ୍ୟମରେ ତାଙ୍କୁ ଯୋଗାଯୋଗ କରି ଫୋନ ପେ ମାଧ୍ୟମରେ ଆର୍ଥିକ ସହାୟତା ଯୋଗେଇଦେଇଛନ୍ତି। ଅଗାମୀ ଦିନରେ ଗିରିଧାରୀଙ୍କ ଅସ୍ତ୍ରୋପଚାର ହେବାର ଅଛି ଯେଉଁଥିପାଇଁ ତାଙ୍କୁ କିଛିଦିନ ବୁର୍ଲାରେ ରହିବାକୁ ପଡ଼ିବ ବୋଲି ସୂଚନା ରହିଛି, ଏହି ସହାୟତା ରାଶି ପାଇବା ଦ୍ୱାରା ଗିରିଧାରୀଙ୍କ ପରିବାର ଦୀପାଙ୍କୁ କୃତଜ୍ଞତା ଜ୍ଞାପନ କରିଛନ୍ତି। ଜଣେ ବଦାନ୍ୟ ବ୍ୟକ୍ତିଙ୍କ ସହାୟତାରେ ଦୁଇଜଣ ଅସହାୟ ରୋଗୀଙ୍କ ପରିବାର ସହାୟତା ପାଇଥିବାରୁ ଦୀପାଙ୍କୁ ତଥା ରାଜେଶ କୁମାରଙ୍କୁ ବୁଦ୍ଧିଜୀବୀ ମହଲରେ ଉଚ୍ଚ ପ୍ରଶଂସା କରାଯାଇଛି।

ପ୍ରାକୃତିକ ସୈାନ୍ଦର୍ଯ୍ୟ ଭରା ଧବଳେଶ୍ଵର ଶୈବପୀଠ ଅବହେଳିତ କାହିଁକି ?

!!! ବରଗଡ଼ ରୁ ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ପଦ୍ମପୁର ) – ଓଡ଼ିଶା ରାଜ୍ୟ ର ଏକ ଉପାନ୍ତ ଅଞ୍ଚଳ ବରଗଡ ଜିଲ୍ଲା ପାଇକମାଲ ବ୍ଳକ ଅନ୍ତର୍ଗତ ଚର୍ଦାପାଲି ଗ୍ରାମପଞ୍ଚାୟତ ଛତିଶଗଡ ସୀମାରେ ବିଖ୍ୟାତ ଶୈବପୀଠ ଅବସ୍ଥିତ । ପାହାଡପର୍ବତ ଘେରା ଏହି ଶୈବପୀଠ ଛତିଶଗଡ ରାଜ୍ୟ ପଟୁ ବୋହି ଆସିଥିବା ସୂରଙ୍ଗୀନଦୀ କୂଳରେ ବାବା ଧବଳେଶ୍ଵର ଋପେ ବହୁ ଆବାହନ କାଳରୁ ପୂଜା ପାଇ ଆସୁଛନ୍ତି। ଓଡିଶା-ଛତିଶଗଡ ସୀମାରେ ଦଣ୍ଡାୟମାନ ଝାଞ୍ଜିପାହାଡ କୁ ଯେଉଁ ସ୍ଥାନରେ ନଦୀ ସୂରଙ୍ଗୀ ଲକ୍ଷ୍ୟଭେଦ କରି ଓଡ଼ିଶା ପଟକୁ ପ୍ରଭାହିତ ହୁଏ,ସେହି ପାହାଡ଼ ବକ୍ଷରେ ଏକ ପ୍ରକାଣ୍ଡ ଗଣ୍ଡ ସୃଷ୍ଟି ହୋଇଛି ଏହାହିଁ ‘ଦେବଦର୍ହା ଗଣ୍ଡ ନାମରେ ପରିଚିତ। ଏହା ଓଡ଼ିଶା ଛତିଶଗଡ ସୀମାରେ ରହିଥିବାରୁ ତଥା ଛତିଶଗଡ କୁ ବର୍ଷର ସବୁଦିନିଆ ଯାତାୟତ ର ସୁବିଧା ଥିବାହେତୁ ଛତିଶଗଡ ରାଜ୍ୟ ର ଶ୍ରଦ୍ଧାଳୁ ଭକ୍ତଙ୍କ ଯାତାୟତ ପ୍ରାୟ ସମୟ ରେ ଲାଗି ରହିଥାଏ। ସୂରଙ୍ଗୀ ନଦୀକୂଳର ପାହାଡ଼ ଦେଶରେ ଏକ ଶିବ ମନ୍ଦିର ନିର୍ମାଣ ହୋଇଛି। ଭାରତ ସ୍ୱାଧୀନତା ର ଅବ୍ୟବହିତ ପୂର୍ବରୁ ଏହି ମନ୍ଦିର କୁ ପଦ୍ମପୁର ରାଜା ଲାଲ ରାଜେନ୍ଦ୍ର ସିଂ ବରିହା ୧୯୧୯ ମସିହାରେ ରେ ମନ୍ଦିର ନିର୍ମାଣ ଆରମ୍ଭ କରି ୧୯୩୨ମସିହାରେ ପୂର୍ଣ୍ଣାଙ୍ଗ ଋପଦେଇଥିବା କିମ୍ବଦନ୍ତୀ କହେ। ତାଙ୍କର ବଂଶଜ ରାଜା ବୀର ବୀକ୍ରମାଦିତ୍ୟ ସିଂ ବରିହା ଯିଏକି ଏ ଅଞ୍ଚଳର ଅନେକ ଥର ବିଧାୟକ, ମନ୍ତ୍ରୀ ରହିଥିବାବେଳେ ବର୍ତ୍ତମାନ ର ବିଧାୟକ ତଥା ପୂର୍ବତନ ମନ୍ତ୍ରୀ ଶ୍ରୀମାନ ବିଜୟ ରଞ୍ଜନ ସିଂ ବରିହା ମଧ୍ୟ ଉକ୍ତ ବଂଶ ର ଉତ୍ତରାଧିକାରୀ ଅଟନ୍ତି। ଓଡ଼ିଶା ପଟୁ ଗଲେ ପଦ୍ମପୁର ଉପଖଣ୍ଡ ର ମୁଖ୍ୟ କାର୍ଯ୍ୟାଳୟ ଠାରୁ ୧୨ କିଲୋମିଟର ଦୂର ରେ ଲଖମରା ଗ୍ରାମ ପଡ଼େ। ଲଖମରା ଠାରୁ ଅନତି ଦୂରରେ ଅଙ୍ଗନଦୀ ପ୍ରବାହିତ। ଅଙ୍ଗନଦୀ ପାର ହେଲାପରେ ଡାହାଣ ପଟକୁ ଲମ୍ବି ଯାଇଛି ଦେବଦର୍ହା ପର୍ଯ୍ୟନ୍ତ ରାସ୍ତା ପ୍ରାୟ ବ୍ୟବଧାନ ୩କିଲୋମିଟର ତେଣୁ ପଦ୍ମପୁର ରୁ ପ୍ରାୟ ୧୫ କିଲୋମିଟର ଦୂର ରେ ଅବସ୍ଥିତ ଏହି ଦେବଦର୍ହା ଗଣ୍ଡ ଏବଂ ବାବା ଧବଳେଶ୍ଵର ଶୈବପୀଠ। ଚାରିପଟେ ସବୁଜ ବନାନୀ ପାହାଡ଼ ପର୍ବତ ଘେରା ଆଢ଼ୁଆଳରେ ଏହି ଶୈବପୀଠ ର ପ୍ରାକୃତିକ ଦୃଶ୍ୟପଟ ଅତି ରମଣୀୟ। ଜଙ୍ଗଲ ମଧ୍ୟରେ ଅବସ୍ଥିତ ହୋଇଥିଲେ ମଧ୍ୟ ସଂଧ୍ୟା ସମୟରେ ପର୍ଯ୍ୟଟକ ମାନେ ଏହାର ସୈାନ୍ଦର୍ଯ୍ୟମୟ ପ୍ରାକୃତିକ ପରିବେଶକୁ ଛାଡି ଫେରିବା ପାଇଁ କୁଣ୍ଠାବୋଧ କରିଥାନ୍ତି।
ମନ୍ଦିର ଠାରୁ ନଦୀ ଭିତର କଡ଼ ଦେଇ କିଛିଦୂର ଅତିକ୍ରମ କଲାପରେ ଅଛି ଅକାତକାତ ପାଣିର ସ୍ତିରତା ର ଦେବଦର୍ହା ଗଣ୍ଡ। ଆଜି ପର୍ଯ୍ୟନ୍ତ କେହି ଏହାର ଗଭୀରତା କେତେ ମାପି ପାରିନାହାନ୍ତି କିମ୍ବା ସରକାରଙ୍କ ଦ୍ୱାରା ମଧ୍ୟ ଏହାର ପ୍ରୟାସ କରାଯାଇନାହିଁ। ଗଣ୍ଡରେ ଅଛନ୍ତି ବିଶାଳକାୟ ମାଛ। କିଛିବର୍ଷ ପୂର୍ବେ ଜଣେ ବୃଦ୍ଧା ମହିଳା ନାମ ତାଙ୍କର ମାତା ବୁଢ଼ୀ ଏଠାରେ ରହୁଥିଲେ ଏବଂ ମାଛ ମାନଙ୍କ ନାମଧରି ଡାକି କିଛି ଖାଦ୍ୟ ପକାଇଲେ ବଡ଼ବଡ଼ ମାଛ ସବୁ ଦେଖାଯାଉଥିଲେ lଉକ୍ତ ମାତାବୁଢୀ ଆଉ ନାହାନ୍ତି। ଏହାର ଆଉ ଏକ ବିଶେଷତ୍ଵ ପୂର୍ଣ୍ଣ ତଥ୍ୟ ରହିଛି ଯେ,ପ୍ରଭୁ ରାମଚନ୍ଦ୍ର,ଭାଇ ଲକ୍ଷ୍ମଣ ଏବଂ ଦେବୀ ସୀତା ଙ୍କ ସହିତ ବନବାସ ପାଇଁ ଏହି ପଥଦେଇ ଗଲାବେଳେ ଏଠାରେ ରାତ୍ରି ଯାପନ କରିଥିଲେ। ସକାଳେ ଦେବୀ ସୀତାଙ୍କ ପାଇଁ ଲକ୍ଷ୍ମଣ ଶରବିଦ୍ଧ କରି ପଥର ଉପରେ ଏକ କୁଣ୍ଡ ନିର୍ମାଣ କରିଥିଲେ। ବର୍ତ୍ତମାନ ସୁଦ୍ଧା ତାହା ସୀତାକୁଣ୍ଡ ନାମରେ ବିଦିତ।

ରାତ୍ରୀଯାପନ କରିଥିବା ପାହାଡ଼ ର ନାମ ମଧ୍ୟ ସୀତା ପାହାଡ଼ ଥିବା ଅଞ୍ଚଳ ର ବୟୋବୃଦ୍ଧା ଙ୍କ ମୁଖରୁ ଶୁଣାଯାଇଥିବା ଆଲୋଚନା କରାଯାଏ। ତାହା କାଳକ୍ରମେ ଅପଭ୍ରଂଶ ହୋଇ ବର୍ତ୍ତମାନ ଭତା ଡଙ୍ଗର୍ (ପାହାଡ଼) ନାମରେ ପରିଚିତ।
ସୂରଙ୍ଗୀନଦୀ ଆରପଟେ ଝାଞ୍ଜୀ ପାହାଡ଼। ସ୍ୱାଧିନତା ପୂର୍ବରୁ ମନ୍ଦିର ନିର୍ମାଣ ଶେଷ ହେବାପରେ ପଦ୍ମପୁର ରାଜା ଉକ୍ତ ଝାଞ୍ଜୀ ପାହାଡ଼ ରେ ଏକ ବଙ୍ଗଳା ନିର୍ମାଣ ଆରମ୍ଭ କରିଥିଲେ ତାର ଭଗ୍ନାବଶେଷ ବର୍ତ୍ତମାନ ସୁଦ୍ଧା ରହିଛି। ଏହା ରାଜାଙ୍କ ଏକ ଗ୍ରୀଷ୍ମ ନିବାସ ଋପେ ରହିଥାନ୍ତା ଏବଂ ମନ୍ଦିର ପାଦଦେଶ ରୁ ଗ୍ରୀଷ୍ମ ନିବାସ ପର୍ଯ୍ୟନ୍ତ ଏକ ପୋଲ ନିର୍ମାଣ ର ଯୋଜନା ଥିବା ରାଜାଙ୍କ ଉତ୍ତରାଧିକାରୀ ଙ୍କ ଠାରୁ ଶୁଣିବାକୁ ମିଳେ। ଏହି ମନ୍ଦିର ଟି ବର୍ତ୍ତମାନ ଅଞ୍ଚଳବାସୀ ଙ୍କ ପରିଚାଳନାଧିନ। ବହୁ ଆଡମ୍ବର ନହେଲେ ମଧ୍ୟ ବର୍ଷ ର ପ୍ରତ୍ୟେକ ପର୍ବପର୍ବାଣୀ ରେ ଏଠାରେ ଶ୍ରଦ୍ଧାଳୁଙ୍କ ବିଶେଷ ସମାଗମ ହୁଏ। ଶ୍ରାବଣ ପୂର୍ଣ୍ଣିମା ଏବଂ ଶିବରାତ୍ରି ଏହି ଦୁଇଦିନ ଶ୍ରଦ୍ଧାଳୁଙ୍କ ଭିଡ ଅସମ୍ଭାଳ ହୋଇପଡେ। ଏହି ପରିଚାଳନା କମିଟି ରେ ରାଜାଙ୍କ ଉତ୍ତରାଧିକାରୀ ଶ୍ରୀମାନ ପ୍ରତାପ କେଶରୀ ସିଂ ବରିହା ଏବଂ ତାଙ୍କ ସାନଭାଇ ଶ୍ରୀମାନ ସୁରେନ୍ଦ୍ର ସିଂ ବରିହା ଆବଶ୍ୟକୀୟ ଯୋଗଦାନ ତଥା ସାହାଯ୍ୟ ଦେଇ ଆସୁଛନ୍ତି। ଏହି ଧବଳେଶ୍ଵର ଶୈବପୀଠ ତଥା ଦେବଦର୍ହା ଗଣ୍ଡ ଏଭଳି ଉପାନ୍ତ ଅଞ୍ଚଳରେ ଅବସ୍ଥିତ ଥିବାରୁ ଓଡ଼ିଶା ରାଜ୍ୟ ପର୍ଯ୍ୟଟନ ବିଭାଗ ର ଦୃଷ୍ଟି କୁ ଆସି ପାରିନାହିଁ। କାରଣ ଅଙ୍ଗନଦୀ ଯାତାୟତ ରେ ବାଧକ ସାଜେ। ଓଡିଶା ରାଜ୍ୟ ପର୍ଯ୍ୟଟନ ବିଭାଗ କତୃପକ୍ଷ ଙ୍କ ସାମାନ୍ୟତମ ଦୃଷ୍ଟି କୁ ଆସିଲେ ଏହା ଓଡିଶାରାଜ୍ୟ ର ଗୈାରବ ଶାଳୀ ପର୍ଯ୍ୟଟନ କ୍ଷେତ୍ରରେ ପରିଗଣିତ ହୋଇ ପାରିବ ଏଥିରେ ତିଳେ ମାତ୍ର ସନ୍ଦେହର ଅବକାଶ ନାହିଁ। ସଂପୃକ୍ତ ବିଭାଗ, ବିଭାଗୀୟ ମନ୍ତ୍ରୀ ତଥା ବର୍ତ୍ତମାନ ର ବିଧାୟକ ଯେ’କି ରାଜବଂଶର ଜଣେ ସଦସ୍ୟ ଅଟନ୍ତି ଏଥିପ୍ରତି ଦୃଷ୍ଟି ଦେବାପାଇଁ ଦାବୀ ହୁଏ।

ଆବାସ ଗୃହ ସମ୍ପୂର୍ଣ ହୋଇ ୭ ବର୍ଷ ବିତିଲା; ବଳକା ଟଙ୍କା ପାଇଁ ନୟାନ୍ତ ରାମ କଞ୍ଜକା।

!!! ରାୟଗଡ଼ା ଜିଲ୍ଲା ରୁ ପି. ଦିଲ୍ଲୀପ କୁମାର ଙ୍କ ରିପୋର୍ଟ !!! 

ଏଥର ସମ୍ଭାଳ (କଲ୍ୟାଣସିଂହପୁର) – ଆବାସ ଗୃହ ଯୋଜନରେ ଘର ପାଇ ଅନେକ ପ୍ରତାରଣର ଶିକାର କଥା ଶୁଣାଯାଉ ଥୁଲା କିନ୍ତୁ ଏବେ ଦେଖିବାକୁ ମିଳିଛି। ଏହିଭଳି ଏକ ଘଟଣା ଘଟିଛି ଯାହାକି ୨୦୧୩ /୧୪-ବ୍ୟୟ ଅଟକଳ କାର୍ଯ୍ୟ ନିର୍ଦେଶ ପତ୍ର ପ୍ରଦାନ କରା ଯାଇଥିଲା ତାହା ସମ୍ପୂର୍ଣ ହୋଇ ଦୀର୍ଘ ୭ ବର୍ଷ ହେଲା ପୂରଣ କରି ମାତ୍ର ୪୯,୨୫୦ ଟଙ୍କା ମିଳିଛି। ବଳକା ଅର୍ଥ ଏଯାଏ ମିଳି ପାରିନି ବୋଲି ଅଭିଯୋଗ ହେଇଚି। ଏହିଭଳି ଘଟଣା ଘଟିଛି ରାୟଗଡ ଜିଲ୍ଲା କଲ୍ୟାଣସିଙ୍ଘପୁର ବ୍ଲକ ଅନ୍ତର୍ଗତ ସିକରପାଇ ପଞ୍ଚାୟତ ଚିଛିମି ଗ୍ରାମରେ । ରାମ କଞ୍ଜକା ନାମକ ଜଣେ ଆଦିବାସୀ ପରିବାରକୁ ଆର୍ଥିକ ଅନାଗ୍ରସରତା ସର୍ଭେ ରେ ଉପଯୁକ୍ତ ହିତାଧିକାରୀ ଭାବେ ବିବେଚିତ କରାଯାଇ ଅଗୀମା ୩୦ ହଜାର ଟଙ୍କା ସହ କାର୍ଯ୍ୟ ନିର୍ଦେଶ ପତ୍ର ଦିଆଯାଇଛି। ପରେ ଦୁଇଥର କରି ସମୁଦାୟ ୪୯ ହଜାର ୨୫୦ ଟଙ୍କା ଆସିଛି। ଏ ନେଇ ପଞ୍ଚାୟତ ତଥା ବ୍ଲକ କୁ ବାରମ୍ବାର ଦୌଡ଼ିଲା ପରେ ବି ଏହି ଟଙ୍କା ମିଳିନଥିବା ଅଭିଯୋଗ ହୋଇଛି। ଏହି ବାବଦକୁ ଆଣିଥିବା ସିମେଣ୍ଟ, ଛଡ ବାଲି ଇଟା ମଜୁରିଆ ଓ ମିସ୍ତିରୀ ମାନେ ସବୁଦିନ ଘରକୁ ଆସି ନିଜ ନିଜ ପାଉଣା ପାଇଁ ପାଟିତୁଣ୍ଡ କରୁଛନ୍ତି ତେଣୁ ଏହି ବଳକା ଟଙ୍କାକୁ ଯଥା ଶୀଘ୍ର ପ୍ରଦାନ କରାଗଲେ ଏହିସବୁ ସମସ୍ୟାରୁ ମୁକ୍ତି ମିଳନ୍ତା ବୋଲି ଗ୍ରାମର ଲକୀ କଞ୍ଜକା, ରାଇସେନା କଞ୍ଜକା, ଲଷ୍ମୀଧର ପ୍ରମୁଖ କହିଛନ୍ତି। ଏନେଇ ସିକରପାଇ ସରପଞ୍ଚ ଅମ୍ବିକା ସରକଙ୍କୁ ପଚାରିବାରୁ ସେ କହିଛନ୍ତି ଏହି ଖବର ଜାଣି ନଥିଲି ବାରମ୍ବାର ବିଡିଓ ବଦଳି ଓ ପୂର୍ବତନ ସରପଞ୍ଚ ଏ ବିଷୟରେ ଅବଗତ କରାଇନଥିବାରୁ ଏଭଳି ହୋଇଥିବା ସ୍ୱୀକାର କରିଛନ୍ତି। ତେଣୁ କାଗଜ ପତ୍ର ଦେଖି କିପରି ଶୀଘ୍ର ଟଙ୍କା କରାଯିବ ସେଥିପ୍ରତି ଦୃଷ୍ଟି ଦିଆଯିବ ବୋଲି କହିଛନ୍ତି।