ଦିବ୍ୟାଙ୍ଗ ନିକିତା କୁ ସହାୟତା ର ହାତ ବଢାଇଲେ ମା ମାଟିର ସୁଯୋଗ୍ୟ ସନ୍ତାନ ମହେନ୍ଦ୍ର ବଢ଼େଇ…!

!!! ବରଗଡ଼ ଜିଲ୍ଲା ପଦ୍ମପୁର ରୁ ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ପଦ୍ମପୁର) – ବିଭିନ୍ନ ପତ୍ରପତ୍ରିକା ତଥା ୱେବ୍ ଚେନାଲ ରୁ ଖବର ପାଇ ପଦ୍ମପୁର ନିର୍ବାଚନ ମଣ୍ଡଳୀ ର ଟାଲ୍ ଗ୍ରାମ ରେ ଜନ୍ମିତ ଶ୍ରୀମାନ ମହେନ୍ଦ୍ର ବଢ଼େଇ,ଯିଏକି ବର୍ତ୍ତମାନ ପୁରୀ ଜିଲ୍ଲା ଡେଲାଙ୍ଗ ରେ ବର୍ତ୍ତମାନ ଜଣେ ପ୍ରଶାସନିକ ଅଧିକାରୀ ଭାବେ କାର୍ଯ୍ୟରତ ଆଜି ଦିବ୍ୟାଙ୍ଗ ନିକିତା ଗୁଣ୍ଡି କୁ ସହାୟତା ର ହାତ ବଢାଇଛନ୍ତି l ପଦ୍ମପୁର ଉପଖଣ୍ଡ ଅନ୍ତର୍ଗତ ପାଇକମାଳ ବ୍ଳକ ର ଯୋଗେନ୍ଦ୍ରନାଥପୁର ଗ୍ରାମର ଶ୍ରୀମତୀ ଭାନୁମତୀ ଗୁଣ୍ଡି ର ଝିଅ ନିକିତା ଦୁଇବର୍ଷ ହେବ ଜଣେ ଆଜନ୍ମ ରୁ ଦିବ୍ୟାଙ୍ଗ lପରିବାର ଲୋକେ ଦାଦନ ଖଟି ନିଜର ଗୁଜୁରାଣ ମେଣ୍ଟାଇଥାଆନ୍ତି l ଏ ଭଳି ସଙ୍ଗିନୀ ପରିସ୍ଥିତି ରେ ତାଙ୍କର ଦୟନୀୟ ଅବସ୍ଥା ର ଖବର ପ୍ରସାରଣ ପରେ ଶ୍ରୀଯୁକ୍ତ ବଢ଼େଇ ଙ୍କ ହୃଦୟ ଆନ୍ଦୋଳିତ ହୋଇପଡିଥିଲା l

ଆଜି ସମାଜସେବୀ ଶ୍ରୀଯୁକ୍ତ ଟାଇଲ ଚନ୍ଦ୍ର ଭୋଇ ଙ୍କ ମାଧ୍ୟମରେ ୧୦ ହଜାର ଟଙ୍କା ମାତ୍ର ସହାୟତା ରାଶି ଅସହାୟ ନିକିତା ପରିବାର ଙ୍କୁ ପ୍ରଦାନ କରିବାକୁ ଜଣାଇଥିଲେ l ତତକ୍ଷଣାତ ଶ୍ରୀ ଭୋଇ ଛେତଗାଁ ସମିତି ସଭ୍ୟ ଘନଶ୍ୟାମ ଭୋଇ, ତ୍ରିଲୋଚନ ବାଗ ଙ୍କୁ ସାଙ୍ଗରେ ଧରି ନିକିତା ଘରକୁ ଯାଇ ପ୍ରେରିତ ସହାୟତା ରାଶି କୁ ତାଙ୍କ ମାଆ ଙ୍କ ହସ୍ତ କୁ ପ୍ରଦାନ କରିଥିଲେ l ଅନ୍ୟମାନଙ୍କ ମଧ୍ୟରେ ଗ୍ରାମ ର ସର୍ବଶ୍ରୀ-ରବିନ୍ଦ୍ର ବାରିକ, ଅର୍ଜୁନ ପଟେଲ, ନିକିତା ର ଅଜା ସୁରେଶ ତାଣ୍ଡି ଏବଂ ଆଇମା ଦ୍ରୋପଦୀ ତାଣ୍ଡି ଉପସ୍ଥିତ ଥିଲେ l ଏଭଳି ମହତ ଜନହିତକର କାର୍ଯ୍ୟ ରେ ଦୂରରୁ ଥାଇ ଅଞ୍ଚଳ ପ୍ରତି ତାଙ୍କର ଉଦାରତା ପାଇଁ ଶ୍ରୀମାନ ବଢେଇ ଙ୍କୁ ଗ୍ରାମବାସୀ ଭୂୟସୀ ପ୍ରଶଂସା କରୁଛନ୍ତି l

ପ୍ରଖ୍ୟାତ ସମ୍ବଲପୁରୀ ସାଧକ ପଣ୍ଡିତ ପୂର୍ଣ୍ଣଚନ୍ଦ୍ର ସାହୁ ସମ୍ବର୍ଦ୍ଧିତ….!

!!! ବରଗଡ଼ ଜିଲ୍ଲା ପଦ୍ମପୁର ରୁ ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ପଦ୍ମପୁର) – ପଶ୍ଚିମ ଓଡିଶା ଏକତାମଞ୍ଚ ତରଫରୁ ଗୁରୁ ସତ୍ୟନାରାୟଣ ବହିଦାର ଜନ୍ମ ଜୟନ୍ତୀ ଅବସର ରେ ସୋହେଲା ନିକଟସ୍ଥ ଗର୍ଭଣା ଗ୍ରାମ ପଞ୍ଚାୟତ ଅଧିନସ୍ତ ଡୁମ୍ବେରପାଲି ଗ୍ରାମ ର ପ୍ରଖ୍ୟାତ ସମ୍ବଲପୁରୀ ସାଧକ ପଣ୍ଡିତ ପୂର୍ଣ୍ଣଚନ୍ଦ୍ର ସାହୁ ଙ୍କୁ ମାନ୍ୟବର ମନ୍ତ୍ରୀ ଶ୍ରୀ ସୁଶାନ୍ତ ସିଂ ଗୁରୁ ସତ୍ୟନାରାୟଣ ବହିଦାର ସମ୍ମାନ ରେ ସମ୍ବର୍ଦ୍ଧିତ କରିଛନ୍ତି l ଏହି ଅବସରରେ ରେ ସଭାପତି ରୂପେ ବ୍ୟଙ୍ଗ ସାହିତ୍ୟିକ ମନୋରଞ୍ଜନ ସାହୁ , ସମ୍ମାନିତ ଅତିଥି ରୂପେ ସମ୍ବଲପୁର ଓକିଲ ସଂଘ ସଭାପତି ଡ଼ଃ ପ୍ରମୋଦ ରଥ , ମୁଖ୍ୟ ବକ୍ତା ରୂପେ ମୋହନ ସାହୁ , ସମ୍ମାନିତ ବକ୍ତା ରୂପେ ବିପ୍ଲବୀ କବି ନୀତିଶ ଆଚାର୍ଯ୍ୟ , ବିଶେଷ ଅତିଥି ରୂପେ ରବିଶଙ୍କର ପ୍ରଧାନ ଯୋଗ ଦେଇଥିଲେ l ସଭା ପରିଚାଳନା କରୁଥିଲେ ଭବାନୀ ଶଙ୍କର ଭୋଇ ଏବଂ ଧନ୍ୟବାଦ ଜ୍ଞାପନ କରିଥିଲେ ଗୌର ଚନ୍ଦ୍ର ପଧାନ l ପଶ୍ଚିମ ଓଡିଶା ଏକତା ମଞ୍ଚ ତରଫରୁ ମାନସ ବକ୍ସି, ଅମିତାଭ ମାଝୀ , ପଙ୍କଜିନୀ ମେହେର , କାନ୍ତିମେହେର, ଦେବୀ ପ୍ରସାଦ ଭୋଇ ପ୍ରମୁଖ ତଥା ଅଞ୍ଚଳବାସୀ ଓ କବି କଳାକାର , ବୁଦ୍ଧିଜୀବୀ କରୋନା କଟକଣା ନିୟମ କୁ ପାଳନ ପୂର୍ବକ ଏହି ସମାରୋହରେ ଯୋଗ କରିଥିଲେ l

ତ୍ରୁଟିପୂର୍ଣ୍ଣ ଶବ୍ଦ ଉପରେ ନଜର ଦେବ କିଏ …?

!!! ବରଗଡ଼ ଜିଲ୍ଲା ପଦ୍ମପୁର ରୁ ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ପଦ୍ମପୁର) – କୋଭିଡ ମହାମାରୀ ଯୋଗୁଁ ବିଦ୍ୟାଳୟ ମାନଙ୍କରେ ପାଠ ପଢ଼ା ବନ୍ଦ ଥିବାରୁ ରାଜ୍ୟ ସରକାର ୟୁଟ୍ୟୁବ ଲାଇଭ ଷ୍ଟ୍ରିମିଙ୍ଗ ମାଧ୍ୟମରେ ଗତ ମାସ ୨୧ ତାରିଖ ଠାରୁ ପିଲାମାନଙ୍କୁ ଶିକ୍ଷା ଦାନ ର ବ୍ୟବସ୍ଥା ଗ୍ରହଣ କରିଛନ୍ତି |ସୋମବାର ରୁ ଶୁକ୍ରବାର ରାଜ୍ୟ ର ବିଭିନ୍ନ ବିଦ୍ୟାଳୟ ର ଶିକ୍ଷକ ଓ ଶିକ୍ଷୟତ୍ରୀ ମାନଙ୍କ ଠାରେ ୟୁ ଟ୍ୟୁବ ମାଧ୍ୟମରେ ଲାଇଭ ପାଠ ପଢ଼ାପଢାଇବାରେ ବେଶ ତତ୍ପରତା ପ୍ରକାଶ ପାଇଛି |ସେମାନେ ପଢାଉ ଥିବା ପାଠ କୁ ବିଦ୍ୟାଳୟ ର ଶିକ୍ଷକ ଓ ଶିକ୍ଷୟତ୍ରୀ ମାନେ ଏଣ୍ଡରଏଡ଼ ମୋବାଇଲ ଥିବା ଛାତ୍ର/ଛାତ୍ରୀ ଙ୍କୁ ପଠାଇ ଦେଉଛନ୍ତି |ଏବଂ ଯେଉଁ ମାନଙ୍କ ପାଖରେ ଏଣ୍ଡରଏଡ଼ ମୋବାଇଲ ନାହିଁ ସେମାନଙ୍କୁ ପ୍ରତ୍ୟକ୍ଷ ଭାବେ କୋଭିଡ୍ ନିୟମ ମାନି ପ୍ରତିଦିନ ୟୁଟ୍ୟୁବ୍ ରେ ଆସୁଥିବା ପାଠ ପଢ଼ାଉଛନ୍ତି | ପ୍ରତିଦିନ ଓଡ଼ିଆ, ଗଣିତ ଓ ଇଂରାଜୀ ବିଷୟରେ ପଢ଼ା ଯାଉଛି | ଓଡ଼ିଆ ଶିକ୍ଷାଦାନ ବେଳେ ଶିକ୍ଷକ ଓ ଶିକ୍ଷୟିତ୍ରୀ ମାନେ ଛାତ୍ର/ଛାତ୍ରୀ ଙ୍କୁ ସ, ଶ, ଷ ର ବ୍ୟବହାର, ଜ, ଯ, ଲ,ଳ ବ୍ୟବହାର, ମାତ୍ରା ର ବ୍ୟବହାର ଠିକ ଭାବରେ କରିବାକୁ ଛାତ୍ର ଛାତ୍ରୀଙ୍କୁ କହୁଛନ୍ତି |କାରଣ ଓଡ଼ିଆ ରେ ଅକ୍ଷର ଓ ମାତ୍ର ବ୍ୟବହାର ଠିକ ନହେଲେ ଶବ୍ଦ ର ଅର୍ଥ ବଦଳିଯାଏ |ରାଜ୍ୟ ସରକାର ଙ୍କ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ଶିକ୍ଷଣ ସମୃଦ୍ଧି କାର୍ଯ୍ୟକ୍ରମ ଅନ୍ତର୍ଗତ ଓଡିଶା ବିଦ୍ୟାଳୟ ଶିକ୍ଷା କାର୍ଯ୍ୟକ୍ରମ ପ୍ରାଧିକରଣ ତରଫରୁ ପ୍ରଥମ ରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ କାର୍ଯ୍ୟ ପୁସ୍ତିକା ପ୍ରଚଳନ କରାଯାଇଛି | ଉକ୍ତ କାର୍ଯ୍ୟ ପୁସ୍ତିକା ର ପାଠ କୁ ପିଲାମାନଙ୍କୁ ପଢ଼ାଯାଉଛି ମଧ୍ୟ |ଉକ୍ତ କାର୍ଯ୍ୟ ପୁସ୍ତିକା ପ୍ରକାଶନ ପାଇଁ ପ୍ରଶାସନିକ ପରାମର୍ଶଦାତା, ସମୀକ୍ଷକ, ଲେଖକ/ଲେଖିକା ମଣ୍ଡଳୀ, ଶୈକ୍ଷିକ ପରାମର୍ଶଦାତା ଓ ଓସେପା ଯୁଗ୍ମ ନିର୍ଦେଶକ ଙ୍କୁ ପୁସ୍ତକ ରେ କୃତଜ୍ଞତା ଜ୍ଞାପନ କରାଯାଇଛି |ହେଲେ ଓଡ଼ିଆ କାର୍ଯ୍ୟ ପୁସ୍ତିକା ରେ ପ୍ରଶାସନିକ ଲେଖା ଥିବା ବେଳେ ଗଣିତ କାର୍ଯ୍ୟ ପୁସ୍ତିକା ରେ ପ୍ରସାଶନିକ ଲେଖା ହୋଇଛି । ଉଭୟ ଲେଖା ମଧ୍ୟରେ କେଉଁ ବନାନଟି ଠିକ ? ଏହାର ସଂଶୋଧନ ନହେଲେ ସାତ ପିଢ଼ି ପର୍ଯ୍ୟନ୍ତ ଏହି ଭୂଲ ରହିଯିବ ବୋଲି ମତ ପ୍ରକାଶ ପାଇଛି। ଓଡ଼ିଆ ବିଷୟରେ ବନାନ ର ବହୁତ ମହତ୍ତ୍ୱ ରହୁଛି । କାର୍ଯ୍ୟ ପୁସ୍ତିକା ରେ ହେଇଥିବା ବନାନ ଗତ ତ୍ରୁଟି ପାଇଁ ଦାୟୀ କିଏ ? ପୁସ୍ତକ ଭୁବନେଶ୍ୱର ରୁ ଆସି ରାଜ୍ୟ ସାରା ପିଲାମାନଙ୍କୁ ବଣ୍ଟା ହେଲା, ହେଲେ ଉକ୍ତ ତ୍ରୁଟି ଉପରେ ଏଯାଏ କାହାର ନଜର ପଡିଲା ନି କେମିତି ବୋଲି ସାଧାରଣରେ ପ୍ରଶ୍ନବାଚୀ ସୃଷ୍ଟି ହେବା ସହ ଯାଥା ଶୀଘ୍ର ଏହାକୁ ସଂଶୋଧନ କରିବାକୁ ଦାବୀ ହେଉଛି।

୨୭ ଜୁଲାଇ, ମଙ୍ଗଳବାର – ଆଜିର ରାଶିଫଳ

!!! ପ୍ରବଚକ॰ଜଗଦୀଶ ପ୍ରସାଦ !!!

ମେଷ: ଶତ୍ରୁମାନେ ସାମ୍ନାକୁ ଆସିବେ ନାହିଁ। ଶୁଭ ସୂଚନା ମିଳିବ। କିଛି ନୂତନ କାମ ଆରମ୍ଭ କରିପାରନ୍ତି।

ବୃଷ: ପୂର୍ବରୁ କରିଥିବା କାର୍ଯ୍ୟ ପାଇଁ ପ୍ରଶଂସିତ ହେବେ। ପୁରାତନ ରୋଗରୁ ଉପଶମ ମିଳିବ। ପରିବହନ ବ୍ୟବସାୟରେ ଭଲ ଲାଭ ମିଳିବ।

ମିଥୁନ: କୌଣସି କାମ ଅଟକିବ ନାହିଁ। କଠିନ ପରିଶ୍ରମ କରିବାକୁ ପଡ଼ିବ। ଦୂର ସ୍ଥାନକୁ ଯାତ୍ରା ନକଲେ ଭଲ।

କର୍କଟ: ପଢ଼ାପଢ଼ିରେ ମନ ଦେବେ। ବ୍ୟବସାୟରେ ଭଲ ଲାଭ ମିଳିବ। ବନ୍ଧୁଙ୍କୁ ଦେଇଥିବା ପ୍ରତିଶ୍ରୁତି ରକ୍ଷା କରିବେ।

ସିଂହ: ସରକାରୀ କାମରେ ସଫଳତା ମିଳିବ। ଅର୍ଥ ସଂପର୍କିତ କିଛି ଚୁକ୍ତି କରିପାରନ୍ତି।

କନ୍ୟା: ସମାଜରେ ମାନସମ୍ମାନ ବଢ଼ିବ। ପାରିବାରିକ ସମସ୍ୟାର ସମାଧାନ ହୋଇଯିବ।

ତୁଳା: କ୍ରୋଧକୁ ନିୟନ୍ତ୍ରଣରେ ରଖନ୍ତୁ। ପରିବାରରେ ହସଖୁସିର ବାତାବରଣ ରହିବ। କର୍ମକ୍ଷେତ୍ରରେ ଆଗକୁ ବଢ଼ିବାର ନୂଆ ସୁଯୋଗ ମିଳିପାରେ।

ବିଛା: ସ୍ୱାସ୍ଥ୍ୟ ଭଲ ରହିବ। ଦୀର୍ଘ ଦିନର କିଛି ଆଶା ପୂରଣ ହୋଇପାରେ। ବ୍ୟବସାୟ ବଢ଼ାଇବାକୁ ଯୋଜନା କରିବେ।

ଧନୁ: ସାମାଜିକ ପତିଆରା ବଳବତ୍ତର ରହିବ। ଧନସମ୍ପତ୍ତି ବୃଦ୍ଧି ହେବ। ଜମି ବା ଘର ଆଦି କିଣିବା ପାଇଁ ସୁଯୋଗ ଆସିପାରେ।

ମକର: କର୍ମକ୍ଷେତ୍ରରେ ପ୍ରଶଂସିତ ହେବେ। ତରବରିଆ ହୋଇ କୌଣସି କାର୍ଯ୍ୟ କରନ୍ତୁ ନାହିଁ। ଖର୍ଚ୍ଚ ବଢ଼ିପାରେ।

କୁମ୍ଭ: ସହକର୍ମୀମାନଙ୍କ ସହିତ ଥିବା ମତଭେଦ ଦୂର ହେବ। ଧନପ୍ରାପ୍ତି ହେବ। ଆତ୍ମବିଶ୍ୱାସ ବୃଦ୍ଧି ପାଇବ।

ମୀନ: କର୍ମକ୍ଷେତ୍ରରେ ନୂଆ ଦାୟିତ୍ୱ ମିଳିପାରେ। ବଡ଼ପଣିଆ ଦେଖାଇଲେ ମନ୍ଦ ଫଳ ଭୋଗିବାକୁ ପଡ଼ିପାରେ।

ଅଗଷ୍ଟ ୧୫ ପୂର୍ବରୁ ଚେତାବନୀ, ମନ୍ତ୍ରୀ କରିପାରିବେନି ପତାକା ଉତ୍ତୋଳନ…!

ଏଥର ସମ୍ଭାଳ ବ୍ୟୁରୋ(ନୂଆଦିଲ୍ଲୀ)- କେନ୍ଦ୍ରର ତିନି କୃଷି ଆଇନକୁ ବିରୋଧ କରୁଥିବା ଆନ୍ଦୋଳନକାରୀ ଚାଷୀ ସରକାର ଏବଂ ବିଜେପି ନେତାଙ୍କୁ ଚେତବନୀ ଦେଇଛନ୍ତି। ସ୍ୱାଧୀନତା ଦିବସ ଅବସରରେ ଜାନୁଆରୀ ୨୬ ଭଳି ଟ୍ରାକ୍ଟର ରାଲି କରିବାକୁ ଯୋଜନା କରିଥିବା ଆନ୍ଦୋଳନକାରୀ ଚାଷୀ କହିଛନ୍ତି। ଏମିତିକି ମନ୍ତ୍ରୀ, ବିଜେପି ନେତାଙ୍କୁ ପତାକା ଉଡାଇବାକୁ ଦିଆଯିବନି ବୋଲି ଧମକ ଦେଇଛନ୍ତି ଆନ୍ଦୋଳନକାରୀ ଚାଷୀ। ଆନ୍ଦୋଳନାକାରୀ ଚାଷୀ ହରିଆଣାରେ ଅଗଷ୍ଟ ୧୫ରେ ଏକାଠି ହୋଇ ଜାନୁଆରୀ ୨୬ ଭଳି ଟ୍ରାକ୍ଟର ରାଲି କରିବାକୁ ଯୋଜନା କରିଥିବା ସୂଚନା ରହିଛି। ଏହି ଅବସରରେ ବିଜେପି ନେତାଙ୍କୁ କଳା ପତାକା ଦେଖାଇବାକୁ ଯୋଜନା ହୋଇଥିବା ଗୁରପ୍ରିତ ଛିନ୍ନା ନାମକ ଆନ୍ଦୋଳନକାରୀ ଚାଷୀ କହିଛନ୍ତି। ବିଜେପି ନେତାଙ୍କୁ ବିରୋଧ କରିବାକୁ ଯାଇ ଗୁରପ୍ରୀତ କହିଛନ୍ତି ବିଜେପି ନେତା ଜାତୀୟ ପତାକା ଧରିବାକୁ ଯୋଗ୍ୟ ନୁହେଁ। ସୂଚନାଯୋଗ୍ୟ, ଜାନୁଆରୀ ୨୬ରେ ଦିଲ୍ଲୀରେ ଏହି ଆନ୍ଦୋଳନକାରୀ ଚାଷୀ ପୁଲିସର ଅନୁମତି କ୍ରମେ ଟ୍ରାକ୍ଟର ରାଲି ଆୟୋଜନ କରିଥିଲେ। ହେଲେ ସମସ୍ତ ନିୟମ ଭାଙ୍ଗି ଟ୍ରାକ୍ଟର ରାଲି କରିଥିଲେ ଏହି ଆନ୍ଦୋଳନକାରୀ ଚାଷୀ। ଅନେକ ପୁଲିସ ଟ୍ରାକ୍ଟରକୁ ଅଟକାଇବାକୁ ଯାଇ ହିଂସାର ଶିକାର ହୋଇଥିଲେ। ଏହି ହିଂସା ବେଳେ ଆନ୍ଦୋଳନକାରୀ ଚାଷୀ ଖଣ୍ଡା ବୁଲାଉଥିବା ଦେଖିବାକୁ ମିଳିଥିଲା। ସେହିପରି ଟ୍ରାକ୍ଟରରେ ଷ୍ଟଣ୍ଟ କରୁଥିବା ବେଳେ ଜଣେ ଆନ୍ଦୋଳନାକାରୀ ଚାଷୀ ଯିଏକି ନିକଟରେ କାନାଡାରୁ ଆସିଥିଲେ ତାଙ୍କର ମୃତ୍ୟୁ ଘଟିଥିଲା। ଆନ୍ଦୋଳନକାରୀ ଲାଲିକଲ୍ଲା ଉପରେ ଉଠି ଶିଖ ପତାକା ଲଗାଇ ଥିଲେ। ଦିଲ୍ଲୀ ପୁଲିସ ଏହି ମାମଲାରେ ତଦନ୍ତ କରି ଚାର୍ଜଶିଟ୍ ଦାଖଲ କରିଛି। ଏବେ ସସଦର ମୌସୁମୀ ଅଧିବେଶନ ଚାଲିଛି। କୃଷି ଆଇନକୁ ବିରୋଧ କରି ଆନ୍ଦୋଳନକାରୀ ଚାଷୀ ଦିଲ୍ଲୀର ଯନ୍ତରମନ୍ତରରେ ‘କିଷାନ ସଂସଦ’  କରୁଛନ୍ତି। ଜାନୁଆରୀ ୨୬ ବେଳେ ଚାଷୀଙ୍କ ଟ୍ରାକ୍ଟର ରାଲି ବେଳେ ଘଟିଥିବା ଘଟଣାର ଯେମିତି ପୁନରାବୃତ୍ତି ନ ହେବ, ସେଥିପାଇଁ ସବୁ ପ୍ରକାରର ବ୍ୟବସ୍ଥା ମଧ୍ୟ ପୁଲିସ୍‌ ପକ୍ଷରୁ କରାଯାଇଛି। ଚାଷୀମାନେ ଦିଲ୍ଲୀର ସିଙ୍ଘୁ ସୀମାରୁ ଦୈନିକ ୨୦୦ ଜଣ ସଂସଦ ଅଭିମୁଖେ ଆସି ନକଲି କିଷାନ ସଂସଦରେ ସାମିଲ ହେଉଛନ୍ତି। ଏହା ଅଗଷ୍ଟ ୧୩ ଯାଏ ଚାଲିବ।

ମୋବାଇଲ ନମ୍ୱର ଭଳି ବଦଳ କରି ହେବ ବିଦ୍ୟୁତ୍ ସେବା ….!

ଏଥର ସମ୍ଭାଳ ବ୍ୟୁରୋ(ନୂଆଦିଲ୍ଲୀ)- ମୋବାଇଲ ନମ୍ୱର ବଦଳାଇବା ପାଇଁ ଯେମିତି ପୋର୍ଟିଂ ସୁବିଧା ରହିଛି ସମାନ ସୁବିଧା ଏବେ ବିଦ୍ୟୁତ ଗ୍ରାହକ ମାନେ ପାଇବେ। କେନ୍ଦ୍ରର ମୋଦି ସରକାର ବିଦ୍ୟୁତ ସେବାକୁ ସହଜ ଓ ସରଳ କରିବାକୁ ଯାଇ ଚଳିତ ମୌସୁମୀ ଅଧିବେଶନରେ ବିଦ୍ୟୁତ (ସଂଶୋଧନ) ବିଲ୍,  ୨୦୨୧ ଆଣିବାକୁ ଯାଉଛନ୍ତି। ଏଭଳି ହେଲେ ବିଦ୍ୟୁତ୍ ଉପଭୋକ୍ତାଙ୍କୁ ଉନ୍ନତ ସୁବିଧା ମିଳିବ। କମ୍ପାନୀଗୁଡିକ ମଧ୍ୟରେ ପ୍ରତିଯୋଗିତା ବଢିବ କିଭଳି ଲୋକଙ୍କୁ କମ୍ ଦାମରେ ଭଲ ସୁବିଧା ଯୋଗାଇପାରିବେ। ସରକାରୀ ସୂତ୍ରରୁ ଜଣାପଡିଛି ଯେ ବିଦ୍ୟୁତ୍ (ସଂଶୋଧନ) ବିଲ୍, ୨୦୨୧ ଆସନ୍ତା କିଛି ଦିନ ମଧ୍ୟରେ କେନ୍ଦ୍ର କ୍ୟାବିନେଟ ଆଗରେ ରଖାଯିବାର ସମ୍ଭାବନା ରହିଛି। ସଂସଦର ମୌସୁମୀ ଅଧିବେଶନରେ ଏହି ବିଲ୍ ଆଣିବାକୁ ସରକାର ଚାହୁଁଛନ୍ତି। ଅଗଷ୍ଟ ୧୩, ୨୦୨୧ରେ ମୌସୁମୀ ଅଧିବେଶନ ଶେଷ ହେବ। ଏହା ପୂର୍ବରୁ ଜୁଲାଇ ୧୨ରେ ସରକାର ଜାରି କରିଥିବା ଲୋକସଭାର ବୁଲେଟିନ୍ ଅନୁଯାୟୀ, ବିଦ୍ୟୁତ୍ (ସଂଶୋଧନ) ବିଲ୍ ସମେତ ୧୭ ଟି ବିଲ୍ ରହିଛି। ଯାହାକୁ ସରକାର ମୌସୁମୀ ଅଧିବେଶନରେ ଉପସ୍ଥାପନ କରିବା ପାଇଁ ତାଲିକାଭୁକ୍ତ କରିଛନ୍ତି। ଏଭଳି ସଂଶୋଧିତ ବିଦ୍ୟୁତ୍ ବିଲ୍ ଆଗତ ହେଲେ ଡିଷ୍ଟ୍ରିବ୍ୟୁସନ ବ୍ୟବସାୟରୁ ଲାଇସେନ୍ସ ରାଜ ହଟିବ ଏବଂ କମ୍ପାନୀ କମ୍ପାନୀ ମଧ୍ୟରେ ପ୍ରତିଯୋଗିତା ସୃଷ୍ଟି ହେବ। ଏହା ସହିତ Appellate Tribunal for Electricity (APTEL) ଏବଂ Renewal Energy Obligation (RPO)କୁ ମଜବୁତ କରାଯିବ। ସୂଚନାଯୋଗ୍ୟ, ଜୁଲାଇରେ ଶକ୍ତି ଏବଂ ନବୀକରଣ ମନ୍ତ୍ରୀ ଆର.କେ ସିଂ କହିଥିଲେ ଯେ ଏହି ବିଲ୍ ବିଦ୍ୟୁତ୍ ବଣ୍ଟନରୁ ଲାଇସେନ୍ସ ରାଜ ଶେଷ କରିବାକୁ ଚାହୁଁଛି। ବିଦ୍ୟୁତ୍ ଉତ୍ପାଦନ ପରି ବିଦ୍ୟୁତ୍ ବିତରଣକୁ ଲାଇସେନ୍ସ  ରାଜ ମୁକ୍ତ କରିବାକୁ ଆମେ ପ୍ରସ୍ତାବ ଦେଇଥିଲୁ। ଏହି ବିଲକୁ ସମସ୍ତ ମନ୍ତ୍ରାଳୟ ଅନୁମୋଦନ ଦେଇଛି କିନ୍ତୁ ଆଇନ ମନ୍ତ୍ରଣାଳୟ ପାଖରେ ଗୋଟିଏ କିମ୍ବା ଦୁଇଟି ପ୍ରଶ୍ନ ରହିଛି।

ଦିଲ୍ଲୀ ଦଖଲ ପାଇଁ ହାତ ମିଳାଇଲେ ଟିଏମସି ଏବଂ କଂଗ୍ରେସ…!

ଏଥର ସମ୍ଭାଳ ବ୍ୟୁରୋ(ନୂଆଦିଲ୍ଲୀ)- ପଶ୍ଚିମବଙ୍ଗ ବିଧାନସଭା ନିର୍ବାଚନରେ ବିଜୟୀ ହେବା ପରେ ଏବେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଲକ୍ଷ୍ୟ ଦିଲ୍ଲୀ। ତେଣୁ ଜୁଲାଇ ୨୬ ରୁ ୩୦ ଦିଲ୍ଲୀ ଗସ୍ତରେ ଆସିବେ। ଯଦିଓ ମମତା ବାନାର୍ଜୀ ଏହି ସମୟରେ ପ୍ରଧାନମନ୍ତ୍ରୀ ମୋଦିଙ୍କୁ ଭେଟିବେ କିନ୍ତୁ ରୋଚକ କଥା ହେଉଛି ମୋଦିଙ୍କୁ ଭେଟିବା ପରେ ପରେ ଦିଦି ବିରୋଧୀ ଦଳର ବରିଷ୍ଠ ନେତାଙ୍କୁ ଭେଟିବେ। ଯେଉଁଥିପାଇଁ ସେ ନିମନ୍ତ୍ରଣ ମଧ୍ୟ ପଠାଇଛନ୍ତି। ଏଥିପାଇଁ କଂଗ୍ରେସର ଅନ୍ତରୀଣ ଅଧ୍ୟକ୍ଷ ସୋନିଆ ଗାନ୍ଧୀଙ୍କୁ ନିମନ୍ତ୍ରଣ ପତ୍ର ପଠାଯାଇଥିବା କୁହାଯାଉଛି। ଏହି ବୈଠକ ୨୦୨୪ ପାଇଁ ରହିବ। ପଶ୍ଚିମବଙ୍ଗ ବିଧାନସଭା ନିର୍ବାଚନ ବେଳେ ଉଭୟ କଂଗ୍ରେସ ଏବଂ ଟିଏମସି ଆଗରେ ବିଜେପି ପ୍ରମୁଖ ଦଳ ରହିଥିଲା। ଏହି ସମୟରେ କିନ୍ତୁ କଂଗ୍ରେସ ଓ ଟିଏମସି ଏକାଠି ନହୋଇ ଏକାକୀ ନିର୍ବାଚନ ଲଢ଼ିଥିଲେ। ପରିଣାମସ୍ୱରୂପ ବିଜେପି ଅଧିକରୁ ଅଧିକ ଆସନ ବିଜୟୀ ହୋଇପାରିଛି ବୋଲି ରାଜନୀତିକ ପଣ୍ଡିତମାନେ କୁହନ୍ତି। ଏବେ କିନ୍ତୁ ଦିଲ୍ଲୀ ଗାଦିରୁ ବିଜେପିକୁ ହଟାଇବା ପାଇଁ କଂଗ୍ରେସ ଟିଏମସି ସହିତ ଏକାଠି ହେବ ବୋଲି ରାଜି ହୋଇଥିବା ସୂଚନା ରହିଛି। ଏହି ବୈଠକ ଜୁଲାଇ ୨୮ ଅପରାହ୍ନ ୩ଟାରେ ହେବ ବୋଲି ଜଣାପଡ଼ିଛି। ଏହାପୂର୍ବରୁ ମମତା ବାନାର୍ଜୀ ଅପରାହ୍ନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିବେ। ଜୁଲାଇ ୨୧ ବୈଠକରେ ମମତା ବାନାର୍ଜୀ ଏନସିପି ମୁଖ୍ୟ ଶରଦ ପାୱାର ଏବଂ କଂଗ୍ରେସ ନେତା ପି ଚିଦାମ୍ବରମଙ୍କୁ ବିରୋଧୀ ଦଳର ନେତାଙ୍କ ବୈଠକ ଆୟୋଜନ କରିବାକୁ କହିଥିଲେ। ଟାଇମ୍ସ ଅଫ୍ ଇଣ୍ଡିଆର ଖବର ଅନୁଯାୟୀ ଏବେ ଟିଏମସି ଏହି ବୈଠକ ଆୟୋଜନ କରିବାର ଦାୟିତ୍ୱ ନେଇଛି। ଏହାପରେ ଟିଏମସି ସାଧାରଣ ସମ୍ପାଦକ ତଥା ମମତାଙ୍କ ଭଣଜା ଅଭିଷେକ ବାନାର୍ଜୀ ଏବଂ ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋର ବିରୋଧୀ ଦଳର ସାମ୍ମୁଖ୍ୟକୁ ଯୋଡ଼ିବାକୁ ପ୍ରୟାସ କରୁଛନ୍ତି। ଦଳର ନେତା କହିଛନ୍ତି ଯେ ପ୍ରସ୍ତୁତି  ଶେଷ ହୋଇଛି। ସୂଚନାଯୋଗ୍ୟ, ୨୦୧୪ ପରେ କଂଗ୍ରେସ ଯଦିଓ ବିରୋଧୀ ଭୂମିକା ରହିଛି ହେଲେ ସେତେଟା ପ୍ରଭାବ ଦେଖାଇପାରି ନାହିଁ। ଏବେ କିନ୍ତୁ ଟିଏମସି, ଏନସିପି, ଆମ୍ ଆଦମୀ ପାର୍ଟି ଭଳି ଆଞ୍ଚଳିକ ଦଳ ବିଜେପି ପାଇଁ ପ୍ରମୁଖ ଚ୍ୟାଲେଞ୍ଜ ପାଲଟିଛି। ତେଣୁ ଆଞ୍ଚଳିକ ଦଳକୁ ଏକାଠି କରି ବିଜେପି ବିରୋଧରେ ଗୋଟିଏ ବଡ ମୋର୍ଚ୍ଚା ପ୍ରସ୍ତୁତ କରିବାକୁ ଦିଦି ରଣନୀତି ପ୍ରସ୍ତୁତ କରିଥିବା ସୂଚନା ରହିଛି। ଏହା ପୂର୍ବରୁ ଜୁଲାଇ ୨୧ରେ ଆୟୋଜିତ ଭର୍ଚୁଆଲ୍ ବୈଠକରେ ପାୱାର, ଚିଦାମ୍ବରମଙ୍କ ବ୍ୟତୀତ ଏନସିପି ନେତ୍ରୀ ସୁପ୍ରିୟା ସୁଲେ, କଂଗ୍ରେସର ଦିଗବିଜୟ ସିଂ, ସମାଜବାଦୀ ପାର୍ଟିର ରାମ ଗୋପାଳ ଯାଦବ ଏବଂ ଜୟା ବଚ୍ଚନ, ଡିଏମକେରୁ ତିରୁଚି ଶିବ, ଟିଆରଏସରୁ କେ କେଶଭ ରାଓ, ଆରଜେଡିରୁ ମନୋଜ ଝା, ଶିରୋମଣି ଅକାଳୀରୁ ବଲୱିନ୍ଦର ସିଂ ଶିବସେନାରୁ ପ୍ରିୟଙ୍କା ଚତୁର୍ବେଦୀ ସାମିଲ୍ ହୋଇଥିଲେ। ଏବେ ବଙ୍ଗ ଭବନରେ ଆୟୋଜିତ ହେବାକୁ ଥିବା ବୈଠକରେ ମଧ୍ୟ ଏହି ସଦସ୍ୟ ଯୋଗ ଦେବାର ସମ୍ଭାବନା ରହିଛି।

ବିଜେପି ଖେଳିଲା ‘ପଶ୍ଚିମ ଓଡ଼ିଶା’ କାର୍ଡ ’, ୨୮ରେ ବିକ୍ଷୋଭ…!

ଏଥର ସମ୍ଭାଳ ବ୍ୟୁରୋ(ଭୁବନେଶ୍ୱର)- ପଂଚାୟତ ନିର୍ବାଚନ ପୂର୍ବରୁ ବିଜେପି ନିଜର ସଂଗଠନକୁ ସକ୍ରିୟ କରିବା ପାଇଁ ଏବେ ସରକାର ବିରୋଧୀ ଆଭିମୁଖ୍ୟକୁ ଜୋରଦାର କରିବା ସହ ସିଧାସଳଖ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଟାର୍ଗେଟ୍ କରିଛି। ଗତ ୨୧ବର୍ଷର ଶାସନ କାଳରେ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ବାରମ୍ବାର ପଶ୍ଚିମ ଓଡ଼ିଶାକୁ ସବୁ କ୍ଷେତ୍ରରେ ଅବହେଳା କରି ଆସିଛନ୍ତି ବୋଲି ବିଜେପି ଅଭିଯୋଗ କରିଛି। ପଶ୍ଚିମ ଓଡ଼ିଶା ପ୍ରତି ରାଜ୍ୟ ସରକାରଙ୍କ ବୈମାତୃକ ମନୋଭାବ ଓ ଭୀମସାରରେ ଏକମୋ ମେସିନ ଲଗାଇବା ଦାବିରେ ବିଜେପି ଆସନ୍ତା ୨୮ତାରିଖରେ ପଶ୍ଚିମ ଓଡ଼ିଶାର ସବୁ ଜିଲ୍ଲା ସଦର ମହକୁମାରେ ବିକ୍ଷୋଭ ପ୍ରଦର୍ଶନ କରିବ ବୋଲି କହିଛି। ଆଜି ଦଳର ୩ଜଣ ବିଧାୟକ ମୁକେଶ ମହାଲିଙ୍ଗ, ନାଉରୀ ନାଏକ, ଶଙ୍କର ଓରାମ, ନିତ୍ୟାନନ୍ଦ ଗଣ୍ଡ, ରାଜ୍ୟ ବିଜେପି ସାଧାରଣ ସମ୍ପାଦକ ରବି ନାଏକ, ସମ୍ପାଦକ ଟଙ୍କଧର ତ୍ରିପାଠୀ ଓ ରାଜ୍ୟ ଯୁବମୋର୍ଚ୍ଚା ସଭାପତି ଇରାସିସ ଆଚାର୍ଯ୍ୟଙ୍କ ଉପସ୍ଥିତିରେ ଆୟୋଜିତ ସାମ୍ବାଦିକ ସମ୍ମିଳନୀରେ ବିଜେପି ନେତାମାନେ ପଶ୍ଚିମଓଡ଼ିଶାର ସ୍ୱାସ୍ଥ୍ୟ ବିପର୍ଯ୍ୟସ୍ତ ସ୍ଥିତିକୁ ନେଇ ରାଜ୍ୟ ସରକାର ଉପରେ ବର୍ଷିଛନ୍ତି। ବିଜେପି ନେତାମାନେ କହିଛନ୍ତି ଯେ, ଗତ ୨୧ବର୍ଷ ଶାସନ କାଳ ଭିତରେ ବାରମ୍ବାର ପଶ୍ଚିମ ଓଡ଼ିଶାକୁ ନବୀନ ପଟ୍ଟନାୟକ ସରକାର ସବୁ କ୍ଷେତ୍ରରେ ଅବହେଳା କରିଛନ୍ତି। ପଶ୍ଚିମଓଡ଼ିଶାକୁ ସାବତପୁଅ ଭଳି ଆଚରଣ କରୁଛନ୍ତି । କଟକସ୍ଥିତ ବଡ଼ମେଡିକାଲରେ ଏକମୋ ମେସିନ୍ ଲଗାଉଥିବା ସରକାର କାହିଁକି ବୁର୍ଲାର ଭୀମସାରରେ ଏହି ମେସିନ୍ ଲଗାଉନାହାନ୍ତି ବୋଲି ସେ ପ୍ରଶ୍ନ କରିବା ସହ ଭୀମସାର ନିର୍ଦ୍ଦେଶକଙ୍କୁ ସରକାର କି ଅଟୋନୋମି ଦେଇଛନ୍ତି ବୋଲି ସେ ପ୍ରଶ୍ନ କରଇଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗରିବ ଲୋକକୁ ଘର ଦେବା ପାଇଁ ପ୍ରସ୍ତୁତ ଅଛନ୍ତି କିନ୍ତୁ ରାଜ୍ୟ ସରକାରଙ୍କର ଅବହେଳା ଓ ଯୋଜନା ନଥିବା କାରଣରୁ ଆଜି ପଶ୍ଚିମ ଓଡ଼ିଶାର ୧୦ଟି ଜିଲ୍ଲାରେ ପକ୍କା ଘର ମିଳିଲା ନାହିଁ। ସେହିପରି ଗତ କରୋନାର ଦ୍ୱିତୀୟ ଲହରରେ ବିଶେଷ ଭାବରେ ସବୁଠୁ ବେଶୀ କ୍ଷତି ପଶ୍ଚିମ ଓଡ଼ିଶାରେ ହେଲା। ଗୋଟିଏପଟେ ତୃତୀୟ ଲହର ପାଇଁ ଆମେ ପ୍ରସ୍ତୁତ ଅଛି କହି ଓଡିଶା ସରକାରଙ୍କର ବାହାପିଆ ସ୍ୱାସ୍ଥ୍ୟମନ୍ତ୍ରୀ ଯେଉଁ ତଥ୍ୟ ବାରମ୍ବାର କହୁଛନ୍ତି ସେ ତଥ୍ୟ କେବଳ ମୁହଁରେ କହୁଛନ୍ତି କିନ୍ତୁ ବାସ୍ତବରେ କୌଣସି ସ୍ୱାସ୍ଥ୍ୟ ଭିତ୍ତିଭୂମି ପ୍ରସ୍ତୁତ ହୋଇନାହିଁ । ସର୍ବଦା ପଶ୍ଚିମ ଓଡ଼ିଶାକୁ ରାଜ୍ୟ ସରକାର ଅବହେଳା ପ୍ରଦର୍ଶନ କରି ଆସୁଛନ୍ତି। ବୁର୍ଲାର ଭୀମସାର୍ ପାଇଁ ରାଜ୍ୟ ସରକାରଙ୍କର ବଜେଟରେ କିଛି ବ୍ୟବସ୍ଥା ଅଛି କି? ପଶ୍ଚିମ ଓଡିଶାରେ ସବୁଠୁ ବେଶୀ କ୍ୟାନସର ରୋଗୀ ଥିବା ବେଳେ ଭିମସାରରେ ଯେଉଁ କ୍ୟାନସର ବିଭାଗ ଅଛି ତାହା ଏବେ ଜର୍ଜରିତ ଅବସ୍ଥାରେ ପଡ଼ିରହିଛି। ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଚିକିତ୍ସା ପାଇଁ ପଶ୍ଚିମଓଡ଼ିଶାବାସୀଙ୍କୁ ଭୁବନେଶ୍ୱର, କଟକ, ବିଶାଖାପାଟଣାର ମେଡିକାଲ ଉପରେ ନିର୍ଭର କରୁଛନ୍ତି । ଭୀମସାରରେ ମାତ୍ର ୨୦ଟି ଆଇସିୟୁ ବେଡ୍ ଅଛି । ତେଣୁ ସ୍ୱାସ୍ଥ୍ୟ କ୍ଷେତ୍ରରେ ହେଉଥିବା ଏଭଳି ଚରମ ଅବହେଳା ପ୍ରଦର୍ଶନକୁ ପଶ୍ଚିମ ଓଡ଼ିଶାବାସୀ ଆଦୌ ବରଦାସ୍ତ କରିବେ ନାହିଁ। ଚାଷୀମାନଙ୍କର ସମସ୍ୟାକୁ ନେଇ ଯେଉଁ ପ୍ରକାର ଆନ୍ଦୋଳନ ହୋଇଥିଲା ଏବେ ସ୍ୱାସ୍ଥ୍ୟଗତ ସମସ୍ୟା ଦୃଷ୍ଟିରୁ ଆଗାମୀ ଦିନରେ ପଶ୍ଚିମ ଓଡ଼ିଶାରେ ପୁଣିଥରେ ଆନ୍ଦୋଳନ ହେବ। ଭୀମସାରରେ ଏକମୋ ମେସିନ ଲଗାଇବା ଦାବିରେ ଆସନ୍ତା ଜୁଲାଇ ୨୮ ତାରିଖରେ ପଶ୍ଚିମ ଓଡ଼ିଶାର ପ୍ରତ୍ୟେକ ଜିଲ୍ଲା ସଦର ମହାକୁମାରେ ବିକ୍ଷୋଭ ପ୍ରଦର୍ଶନ କରାଯିବ। ସେହିପରି ଅଗଷ୍ଟ ୨ତାରିଖରେ ଜିଲ୍ଲା ତରଫରୁ ଆରଡିସି କାର୍ଯ୍ୟାଳୟ ଆଗରେ ବିକ୍ଷୋଭ ଓ ଧାରଣା ପ୍ରଦର୍ଶନ କରାଯିବ ବୋଲି ବିଜେପି ସୂଚନା ଦେଇଛି।

ବିନା କୋଚରେ କମାଲ୍ କଲେ ମନିକା…!

ଏଥର ସମ୍ଭାଳ ବ୍ୟୁରୋ(ନୂଆଦିଲ୍ଲୀ)- ଜବରଦସ୍ତ ଫର୍ମରେ ଥିବା ଭାରତୀୟ ଟେବୁଲ୍ ଟେନିସ୍ ଷ୍ଟାର୍ ମନିକା ବାତ୍ରା ଅଲିମ୍ପିକ୍ସରେ ନିଜର ବିଜୟ ଯାତ୍ରା ଜାରି ରଖିଛନ୍ତି। ରବିବାର ମନିକା ମହିଳା ସିଙ୍ଗଲ୍ସ ଦ୍ୱିତୀୟ ରାଉଣ୍ଡ ମୁକାବିଲାରେ ୟୁକ୍ରେନର ମାର୍ଗାରିଟା ପେସୋତସ୍କାଙ୍କୁ ହରାଇଛନ୍ତି। ଏହି ବିଜୟ ସହ ମନିକା ଭାରତ ପାଇଁ ପଦକ ଆଶା ଉଜ୍ଜୀବିତ ରଖିଛନ୍ତି। ବିଶ୍ୱ ରାଙ୍କିଙ୍ଗର ୬୨ତମ ସ୍ଥାନରେ ଥିବା ମନିକା ୟୁକ୍ରେନର ୨୦ତମ ମାନ୍ୟତାପ୍ରାପ୍ତ ମାର୍ଗାରିଟାଙ୍କୁ ୫୭ ମିନିଟ୍ ଧରି ଚାଲିଥିବା ସଂଘର୍ଷପୂର୍ଣ୍ଣ ମୁକାବିଲାରେ ୪-୩ (୪-୧୧, ୪-୧୧, ୧୧-୭, ୧୨-୧୦, ୮-୧୧, ୧୧-୫, ୧୧-୭)ରେ ପରାସ୍ତ କରି ତୃତୀୟ ରାଉଣ୍ଡରେ ସ୍ଥାନ ପକ୍କା କରିଛନ୍ତି। ତୃତୀୟ ରାଉଣ୍ଡରେ ମନିକାଙ୍କ ସାମ୍ନା ଅଷ୍ଟ୍ରିଆର ସୋଫିଆ ପୋଲକାନୋଭାଙ୍କ ସହ ହେବ। ମ୍ୟାଚ୍ ଆରମ୍ଭରୁ ମନିକାଙ୍କୁ ଲୟ ହାସଲ କରିବାରେ ସମସ୍ୟା ହୋଇଥିଲା ଏବଂ ଏହାର ଫାଇଦା ଉଠାଇ ୟୁକ୍ରେନ୍ ଖେଳାଳି ପ୍ରଥମ ଦୁଇଟି ଗେମକୁ ସହଜରେ ନିଜ ନାମଁରେ କରିଥିଲେ। ମନିକାଙ୍କ ପାଖରେ ମାର୍ଗାରିଟାଙ୍କ ଦମଦାର ଫୋରହ୍ୟାଣ୍ଡ ଓ ସ୍ମାଶର କୌଣସି ଜବାବ ନଥିଲା। ମନିକା ତୃତୀୟ ଗେମରେ ପଛୁଆ ଥିଲେ, କିନ୍ତୁ ସେ ପରେ ସ୍କୋରକୁ ୬-୬ରେ ବରାବର କରିଥିଲେ ଏବଂ ଲଗାତର ଅଗ୍ରଣୀ ବଜାୟ ରଖି ଫୋରହ୍ୟାଣ୍ଡ ଶଟ୍ ଜରିଆରେ ଗେମକୁ ଜିତି ନେଇଥିଲେ। ଚତୁର୍ଥ ଗେମ୍ ଖୁବ୍ ରୋମାଞ୍ଚକର ହୋଇଥିଲା, କିନ୍ତୁ ମନିକା ଜବରଦସ୍ତ ପ୍ରଦର୍ଶନ କରି ଏହି ଗେମକୁ ମଧ୍ୟ ନିଜ ନାଁରେ କରିଥିଲେ। ପଞ୍ଚମ ଗେମରେ ୟୁକ୍ରେନ୍ ଖେଳାଳି କମବ୍ୟାକ୍ କରି ବିଜୟୀ ହୋଇଥିଲେ। ଷଷ୍ଠ ଗେମରେ ମନିକା ଏକ ସମୟରେ ୨-୫ରେ ପଛୁଆ ଥିଲେ। କିନ୍ତୁ ଏହା ପରେ ସେ ଲଗାତର ୯ ପଏଣ୍ଟ ହାସଲ କରି ସ୍କୋରକୁ ୩-୩ରେ ବରାବର କରିଥିଲେ। ନିର୍ଣ୍ଣାୟକ ଗେମରେ ମନିକା ନିଜ ଗେମକୁ ଭଲ ଭାବେ ନିୟନ୍ତ୍ରଣ କରିଥିଲେ। ମନିକା ନିଜର ଦମଦାର ସ୍ମାଶ୍ ବଳରେ ୟୁକ୍ରେନ୍ ଖେଳାଳିଙ୍କୁ ସପ୍ତମ ଗେମରେ ହରାଇ ମୁକାବିଲାକୁ ଜିତି ନେଇଥିଲେ। ସୂଚନାଯୋଗ୍ୟ, ମନିକା ଏହି ମ୍ୟାଚରେ ମଧ୍ୟ ବିନା କୋଚରେ ଖେଳିଥିଲେ। ତାଙ୍କ ବ୍ୟକ୍ତିଗତ କୋଚଙ୍କୁ ଷ୍ଟାଡିୟମ ଭିତରକୁ ଆସିବାକୁ ଅନୁମତି ଦିଆଯାଇନାହିଁ ଏବଂ ଏହାର ବିରୋଧରେ ମନିକା କୋଚ୍ ସୌମ୍ୟଦୀପ ରୟଙ୍କ ସାହାଯ୍ୟ ନେବାକୁ ମନା କରିଦେଇଥିଲେ।

ଜାରି ହେଲା ଆଇପିଏଲ-୧୪ର ବାକି ସିଡ୍ୟୁଲ୍, ଆରମ୍ଭରୁ ଧୋନି-ରୋହିତ୍ ମୁହାଁମୁହିଁ….!

ଏଥର ସମ୍ଭାଳ ବ୍ୟୁରୋ(ନୂଆଦିଲ୍ଲୀ)- ଇଣ୍ଡିଆନ୍ ପ୍ରିମିୟର୍ ଲିଗ୍ (ଆଇପିଏଲ୍)ର ୧୪ଶ ସଂସ୍କରଣର ବାକି ମ୍ୟାଚ୍ ୟୁଏଇରେ ଆୟୋଜିତ ହେବ। ଏଥିପାଇଁ ଭାରତୀୟ କ୍ରିକେଟ୍‌ କଣ୍ଟ୍ରୋଲ୍‌ ବୋର୍ଡ (ବିସିସିଆଇ) ରବିବାର କାର୍ଯ୍ୟସୂଚୀର ଘୋଷଣା କରିଦେଇଛି। ବାୟୋ-ବବଲ୍ ଭିତରେ କୋଭିଡ୍-୧୯ ସଂକ୍ରମଣ ବଢ଼ିବା କାରଣରୁ ଆଇପିଏଲ-୧୪କୁ ୨୯ ମ୍ୟାଚ୍ ପରେ ସ୍ଥଗିତ କରିଦିଆଯାଇଥିଲା। ଏବେ ବାକି ମ୍ୟାଚର ଶୁଭାରମ୍ଭ ଚେନ୍ନାଇ ସୁପର୍ କିଙ୍ଗସ୍ ଓ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଆରମ୍ଭ ହେବ, ଯାହା ସେପ୍ଟେମ୍ବର ୧୯ ତାରିଖରେ ଦୁବାଇରେ ଖେଳାଯିବ। ବିସିସିଆଇ ପକ୍ଷରୁ ଜାରି ବିବୃତ୍ତିରେ କୁହାଯାଇଛି, ସିଜନର ବାକି ୩୧ ମ୍ୟାଚ୍ ଯଥାକ୍ରମେ ଦୁବାଇ, ଆବୁ ଧାବି ଓ ଶାରଜାରେ ଖେଳାଯିବ। ଦ୍ୱିତୀୟ ପର୍ଯ୍ୟାୟର ମ୍ୟାଚ୍ ୨୭ ଦିନ ଧରି ଚାଲିବ। ସେପ୍ଟେମ୍ବର ୨୦ ତାରିଖରେ ଆବୁଧାବିରେ କୋଲକାତା ନାଇଟ୍ ରାଇଡର୍ସ ଓ ବିରାଟ୍‌ କୋହଲିଙ୍କ ନେତୃତ୍ୱାଧୀନ ରୟାଲ୍‌ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ମୁହାଁମୁହିଁ ହେବେ। ସେହିପରି ସେପ୍ଟେମ୍ବର ୨୧ ତାରିଖରେ ପଞ୍ଜାବ କିଙ୍ଗସ୍ ଓ ରାଜସ୍ଥାନ ରୟାଲ୍ସ ମଧ୍ୟରେ ମ୍ୟାଚ୍ ଦୁବାଇରେ ଖେଳାଯିବ। ସେପ୍ଟେମ୍ବର ୨୪ ତାରିଖରେ ଶାରଜାରେ ପ୍ରଥମ ମ୍ୟାଚ୍ ଖେଳାଯିବ, ଯେଉଁଥିରେ ଆରସିବି ଓ ଚେନ୍ନାଇ ପରସ୍ପରକୁ ଭେଟିବେ। ଆଇପିଏଲର ଦ୍ୱିତୀୟ ପର୍ଯ୍ୟାୟର ୧୩ଟି ମ୍ୟାଚ୍ ଦୁବାଇ, ୧୦ଟି ଶାରଜା ଏବଂ ୮ଟି ଆବୁ ଧାବିରେ ଖେଳାଯିବ। ବାକି ୩୧ ମ୍ୟାଚ୍ ମଧ୍ୟରୁ ୭ଟି ଡବଲ୍ ହେଡର୍ ରହିବ। ଦିନ ମ୍ୟାଚ୍ ଗୁଡ଼ିକ ଭାରତୀୟ ସମୟାନୁସାରେ ଅପରାହ୍ଣ ୩.୩୦ ଏବଂ ସନ୍ଧ୍ୟା ମ୍ୟାଚ୍ ଗୁଡ଼ିକ ୭.୩୦ରେ ଖେଳାଯିବ। ଟୁର୍ଣ୍ଣାମେଣ୍ଟର ଶେଷ ଲିଗ୍ ମ୍ୟାଚ୍ ଅକ୍ଟୋବର ୮ ତାରିଖରେ ଆରସିବି ଓ ଦିଲ୍ଲୀ କ୍ୟାପିଟାଲ୍ସ ମଧ୍ୟରେ ଖେଳାଯିବ। ପ୍ରଥମ କ୍ୱାଲିଫାୟର୍ ମ୍ୟାଚ୍ ଦୁବାଇରେ ଅକ୍ଟୋବର ୧୦ ତାରିଖରେ ଖେଳାଯିବ। ଏହା ପରେ ଏଲିନିନେଟର୍ ଓ କ୍ୱାଲିଫାୟର୍-୨ ମ୍ୟାଚ୍ ଶାରଜାରେ ଯଥାକ୍ରମେ ଅକ୍ଟୋବର ୧୧ ଓ ୧୩ ତାରିଖରେ ଅନୁଷ୍ଠିତ। ଦୁବାଇରେ ଫାଇନାଲ୍‌ ମ୍ୟାଚ୍ ଅକ୍ଟୋବର ୧୫ ତାରିଖରେ ଖେଳାଯିବ।