କ ନୂଆଗାଁ ଠାରେ ବିଜେଡ଼ି ପର୍ଯ୍ୟବେକ୍ଷକଙ୍କ ବନ୍ଦ କୋଠରୀ ରେ କାର୍ଯ୍ୟକାରିଣୀ ବୈଠକ ଅନୁଷ୍ଠିତ …!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ବର) – କନ୍ଧମାଳ ଜିଲ୍ଲାକୁ ତିନି ଦିନିଆ ଗସ୍ତରେ ଆସି ପଞ୍ଚାୟତିରାଜ, ପାନୀୟଜଳ, ଆଇନ୍, ଗୃହ ଓ ନଗର ଉନ୍ନୟନ ବିଭାଗ ତଥା ପର୍ଯ୍ୟବେକ୍ଷକ କନ୍ଧମାଳ ଓ ବଡ଼ମ୍ବା ବିଧାୟକ ତଥା କନ୍ଧମାଳ ପର୍ଯ୍ୟବେକ୍ଷକ ଦେବୀପ୍ରସାଦ ମିଶ୍ରଙ୍କ କ.ନୂଆଗାଁ ଗସ୍ତ । ବିଜେଡି କାର୍ଯ୍ୟକାରିଣୀ ବୈଠକ ସ୍ଥାନୀୟ ପୂର୍ତ୍ତ ବିଭାଗ ଡାକବଙ୍ଗଳାରେ ବାଲିଗୁଡ଼ା ନିର୍ବାଚନ ମଣ୍ଡଳୀର ବାଲିଗୁଡ଼ା,କ.ନୂଆଗାଁ, ତୁମୁଡ଼ିବନ୍ଧ ଓ କୋଟଗଡ଼ ଚାରୋଟି ବ୍ଲକର ନେତାଙ୍କ ସହ ଆଲୋଚନା କରି ଫେରିଯାଇଛନ୍ତି ଦୁଇ ପର୍ଯ୍ୟବେକ୍ଷକ । ଆଗାମୀ ପଞ୍ଚାୟତ ନିର୍ବାଚନକୁ ଦୃଷ୍ଟିରେ ରଖି ବର୍ତ୍ତମାନ ଠାରୁ ସଙ୍ଗଠନକୁ ସୁଦୃଢ଼ କରିବାକୁ ନେତାଙ୍କୁ ଗୁରୁମନ୍ତ୍ର ଦେଲେ ଦୁଇ ପର୍ଯ୍ୟବେକ୍ଷକ। ପର୍ଯ୍ୟବେକ୍ଷକଙ୍କ ନିର୍ଦ୍ଦେଶ ଅନୁଯାୟୀ ବର୍ତ୍ତମାନ ଠାରୁ ରଣନିତୀ ପ୍ରସ୍ତୁତ କଲେଣି ବାଲିଗୁଡ଼ା ନିର୍ବାଚନ ମଣ୍ଡଳୀର ବିଧାୟକ ଓ ନେତୃବୃନ୍ଦ । ଆଗାମୀ ଦିନରେ ଦଳ ଆହୁରି ସୁଦୃଢ଼ ହେବ ଏବଂ ଆଗାମୀ ପଞ୍ଚାୟତ ନିର୍ବାଚନରେ ମଧ୍ୟ ଆମ ନିର୍ବାଚନ ମଣ୍ଡଳୀରେ ଦଳ ଭଲ ପ୍ରଦର୍ଶନ କରିବ ବୋଲି କହିଛନ୍ତି ବୋଲି କହିଛନ୍ତି ବାଲିଗୁଡ଼ା ବିଧାୟକ ଚକ୍ରମଣି କହଁର ଓ ତୁମୁଡ଼ିବନ୍ଧ ବ୍ଲକ୍ ସଭାପତି ପ୍ରମୋଦ କୁମାର ସାହୁ ।

ଏହି କାର୍ଯ୍ୟକାରିଣୀ ବୈଠକ ରେ କ ନୂଆଗାଁ ବରିଷ୍ଟ ବିଜେଡି ନେତା କୃଷ୍ଣ ମୋହନ ପାଣିଗ୍ରାହୀ, ବ୍ଲକ ସଭାପତି ବାସୁଦେବ ପଣ୍ଡା,ବ୍ଲକ ଅଧ୍ୟକ୍ଷ ସୁଲୋଚନା ଦଳବେହେରା, ବିଜେଡି ବରିଷ୍ଠ କର୍ମୀ ସହଦେଵ ପାତ୍ର କୋଟଗଡ ବ୍ଲକ ବିଜେଡି ସଭାପତି ଷ୍ଟିଫେନ ପ୍ରଧାନ, ସାଂସଦ ବ୍ଲକ ପ୍ରତିନିଧି ମନୋଜ ସାବତ, ତୁମୁଡିବନ୍ଧ ବ୍ଲକ ସଭାପତି ତଥା ସାଂସଦ ପ୍ରମୋଦ ସାହୁ, ବ୍ଲକ ଅଧ୍ୟକ୍ଷ ପ୍ରକାଶ ପାତ୍ର,ବାଲିଗୁଡା ବ୍ଲକ ବରିଷ୍ଟ ବିଜେଡି ନେତା ତଥା ପୂର୍ବତନ ଏନଏସି ଅଧ୍ୟକ୍ଷ ଲୋକନାଥ ପାଢ଼ୀ, ନଗର ଯୁବ ସଭାପତି ସୁଜିତ ପାଳ, ଅବନୀ କାନ୍ତ ନାୟକ,ସମେତ ଚାରି ବ୍ଲକ ର ଯୁବ, ଛାତ୍ର ଓ ମହିଳା କର୍ମୀ ଯୋଗ ଦେଇଥିଲେ | କିନ୍ତୁ ବାଲିଗୁଡା ବ୍ଲକ ବିଜେଡି ସଭାପତି ଟୁନା ଦାସ ଆଜିର କାର୍ଯ୍ୟକାରିଣୀ ବୈଠକ ରେ ଯୋଗ ଦେଇ ନ ଥିବା ନେଇ ରାଜନୀତିକ ମହଲ ରେ ଚର୍ଚ୍ଚା ହୋଇଛି |କେବେବି ଦଳୀୟ କାର୍ଯ୍ୟକ୍ରମ ରେ ଯୋଗ ଦେଇ ନଥିବା କିଛି ଦଳୀୟ କର୍ମୀ ଙ୍କ ଉପସ୍ଥିତ କୁ ନେଇ କର୍ମୀ ମହଲ ରେ ଆଲୋଚନା ହେଉଛି | କରୋନା କଟକଣା ଯୋଗୁଁ ମନ୍ତ୍ରୀ ତଥା ପର୍ଯ୍ୟବେକ୍ଷକ ବିଜେଡି କାର୍ଯ୍ୟକାରିଣୀ ବୈଠକ କୁ ମନା କରିବା ସହିତ ସୀମିତ ବ୍ଲକ ଛାତ୍ର, ଯୁବ ଓ ମହିଳା କର୍ମୀ କୁ ନେଇ ବୈଠକ କରି ଦଳ କୁ ସକ୍ରିୟ ସଦସ୍ୟ ଓ ୱାର୍ଡ କମିଟି ପାଇଁ ଆଲୋଚନା କରିଥିଲେ |

ଜିଲ୍ଲା ଶିକ୍ଷା ବିଭାଗ ଓ ଘରୋଇ ବିଦ୍ୟାଳୟର ମାଲିକ ଙ୍କ ମଧୁ ଚନ୍ଦ୍ରିକା; ଶିକାର ହେଉଛନ୍ତି ଛାତ୍ରଛାତ୍ରୀ ଓ ଅଭିଭାବକ…!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ବର) – ବାରମ୍ବାର ଘରୋଇ ବିଦ୍ୟାଳୟ ର ବ୍ୟବସାୟୀ ମନୋବୃତ୍ତି ନେଇ ଟଙ୍କା ଆଦାୟ ସହ ସରକାରୀ ଆଇନ ଖିଲାପ କରିବା ଯୋଗୁଁ ଅଭିଭାବକ ସହ ଛାତ୍ରଛାତ୍ରୀଙ୍କୁ ଅନଲାଇନ ପାଠ ପଢାରୁ ବଞ୍ଚିତ କରିବା ବିବାଦ ଲାଗି ରହିଛି । ଏ ନେଇ ବାରମ୍ବାର ଅଭିଭାବକ ବିଇଓ ତଥା ଡିଇଓ ଙ୍କୁ ଆବେଦନ କରିଥିଲେ । କିନ୍ତୁ ଉକ୍ତ ଟିଟିଲାଗଡ଼ ବି ଇ ଓ ତଥା ବଲାଙ୍ଗୀର ଜିଲ୍ଲା ଶିକ୍ଷା ବିଭାଗ ଡିଇଓ ଏ ନେଇ ଆବଶ୍ୟକ ପଦକ୍ଷେପ ନେବା ଆଳରେ ଭିତିରିଆ ସଲାସୁତୁରା ନୀତି କରି ପ୍ରଥମେ ଟର୍ମ ଫିସ ଦାଖଲ ଓ ପରେ ଫେରସ୍ତ କହି ଟଙ୍କା ନେଇ ଯାଇ ଏବେ ଆସନ୍ତା ତା୦୫-୦୮-୨୧ ରିଖ ଦିନ ମଧ୍ୟରେ ଟଙ୍କା ଜମା ନ କଲେ ନୂତନ ଆଡ଼ମିଶନ ହୋଇ ପାରିବନି ବୋଲି ମୋବାଇଲ ମ୍ୟାସେଜ କରିଛନ୍ତି । ଯଦ୍ବାରା ଅଭିଭାବକ ବାଧ୍ୟ ହୋଇ ଭୟରେ ଟଙ୍କା ଜମା କରିଦେବେ ।

ଏକ ବର୍ଷର ଟଙ୍କା ପୂର୍ବରୁ ନେଇ ନିଜ ମନମୁତାବକ ଶୋଷଣ କରିବାରେ ସମର୍ଥ ହେବେ । ଗତ ଗୁରୁବାର ଦିନ ଏ ନେଇ ଟିଟିଲାଗଡ଼ ପ୍ରଭାବତୀ ପବ୍ଲିକ ସ୍କୁଲର ଅଭିଭାବକ ଉପଜିଲ୍ଲାପାଳଙ୍କୁ ସାକ୍ଷାତ କରି ତଥା ଅନ୍ୟ ଅଧିକାରୀଙ୍କୁ ଆବେଦନ କରି ତୁରନ୍ତ ସରକାରୀ ଆଇନ ଅନୁଯାୟୀ ଛାତ୍ରଛାତ୍ରୀ ଙ୍କ ଅନଲାଇନ ଆଇ ଡି ଖୋଲିବା କୁ ଜଣେଇଥିଲେ । ଉପଜିଲ୍ଲାପାଳ ଉପଯୁକ୍ତ ପଦକ୍ଷେପ ନେବା ପାଇଁ କହିଥିଲେ । ଉକ୍ତ ଆଇଡି ଖୋଲିବା ନେଇ ବିଇଓ ତଥା ଡିଇଓ ଙ୍କ କ୍ଷମତା ଥାଇ ପଦକ୍ଷେପ ନେବା ବଦଳରେ ତୁରନ୍ତ ଅପରାହ୍ନ ସମୟରେ ସ୍କୁଲ ପ୍ରିନ୍ସପାଲ ମୋବାଇଲ କନ୍ଫରେନ୍ସ ଯୋଗେ ବାର୍ତ୍ତାଳାପ କରି ଜଣେ ଆଇନଯିବିଙ୍କ ସହ ମିଶି ଏଭଳି ସୂଚନା ଦେଇଛନ୍ତି ।
ଯାହା ବଲାଙ୍ଗୀର ଜିଲ୍ଲା ଡିଇଓ ଙ୍କ କାର୍ଯ୍ୟାଳୟର ଜଣେ କର୍ମଚାରୀ ନିଜ ନାମ ଗୋପନ ରଖିବାକୁ ଅନୁରୋଧ କରି ସୂଚନା ଦେଇଛନ୍ତି । ଦୀର୍ଘଦିନ ଧରି ଏହି ଅଧିକାରୀଙ୍କୁ ଆବେଦନ ନିବେଦନ ସତ୍ୱେ ଅର୍ଥ ଶୋଷଣ ମନୋବୃତି ନେଇ ଶିକ୍ଷା ବିଭାଗ ଅଧିକାରୀ କାହିଁକି ପଦକ୍ଷେପ ନେଉ ନାହାନ୍ତି ଓ କିପରି ପ୍ରିୟପ୍ରୀତି ଚାଲିଛି ଏଥିରୁ ସ୍ପଷ୍ଟ ପ୍ରମାଣିତ ହେଉଛି ।
ସେହିପରି ଟିଟିଲାଗଡ଼ର ଓମଭ୍ୟାଲି ସ୍କୁଲ ଅଭିଭାବକ ଏକ ମାମଲା ମାନ୍ୟବର ଓଡ଼ିଶା ହାଇକୋର୍ଟରେ ଦାୟର କରିଥିବା ଓ ଅନଲାଇନ ପାଠ ପଢା ସହ ଫିସ ଦାବି ନେଇ ନିର୍ଦ୍ଦେଶ ସତ୍ୱେ ବିଭାଗୀୟ ଅଧିକାରୀଙ୍କ ଖାତିର ନାହିଁ । ଆଇନ ଅଦାଲତର ଅର୍ଥ ଖର୍ଚ୍ଚ କରି ଦ୍ୱାରସ୍ଥ ହେବାକୁ ବାଧ୍ୟ ହୋଇ ମାନସିକ ଚାପ ଏଭଳି କୋଭିଡ-୧୯ ସ୍ଥିତିରେ ପ୍ରୟୋଗ ସହ ପାଠପଢ଼ାରେ ବ୍ୟାଘାତ ସୃଷ୍ଟି ହେଉଥିବା ନେଇ ଉକ୍ତ ବଲାଙ୍ଗୀର ଶିକ୍ଷା ଅଧିକାରୀ ତଥା ଟିଟିଲାଗଡ ଉପଖଣ୍ଡ ଶିକ୍ଷାଅଧିକାରୀଙ୍କ ନୀରବତା ନେଇ ମାସିକ କୋଟା କାରବାର ଥିବା ଗୋପନୀୟ ସୂଚନା ମିଳିଛି । ଏ ନେଇ ଅଭିଭାବକ ଓଡିଶା ହାଇକୋର୍ଟର ଦ୍ୱାରସ୍ଥ ହେଲେ ସ୍କୁଲ କର୍ତ୍ତୃପକ୍ଷ ଅଜସ୍ର ଟଙ୍କାର ମାଲିକ ଥିବାରୁ ସୁପ୍ରିମକୋର୍ଟ ଯିବେ ଯାହା ଅଭିଭାବକଙ୍କ ପକ୍ଷରେ ଅସମ୍ଭବ ହୋଇଥିବା ବେଳେ ଏହି ସମୟ ବ୍ୟବଧାନ ରୁ ପାଠପଢାରୁ ଛାତ୍ର ଛାତ୍ରୀ ବଞ୍ଚିତ ହେଉଛନ୍ତି । ଏ ନେଇ ଉକ୍ତ ମୋବାଇଲ କଲ ଛୁଟି ଦର୍ଶାଇ ଲୁଚି ରହିଥିବା ପ୍ରଭାବତୀ ପବ୍ଲିକ ସ୍କୁଲ ପ୍ରିନ୍ସପାଲଙ୍କ ନମ୍ବର ସାଇବର ସେଲ ବଲାଙ୍ଗୀର ତରଫରୁ ତଦନ୍ତ କଲେ ସବୁ ରହସ୍ୟ ଉନ୍ମୋଚନ ହେବା ଦାବି ହେଉଛି । ଏହି ସମସ୍ୟା ନେଇ ତୁରନ୍ତ ମହିଳା ଓ ଶିଶୁ ବିକାଶ ମନ୍ତ୍ରୀ ତଥା ବିଭାଗୀୟ ମୁଖ୍ୟ ଶାସନ ସଚିବ ଦୃଷ୍ଟି ଦେବାକୁ ଦାବି ହେଉଛି ।

ଅମ୍ବାଦଳା ଠାରେ ଭାଜପା ର ଦ୍ଵିତୀୟ ମଣ୍ଡଳ ସ୍ତରୀୟ କାର୍ଯ୍ୟ କାରିଣୀ ବୈଠକ ଅନୁଷ୍ଠିତ।

!!! ରାୟଗଡ଼ା ଜିଲ୍ଲା ଗୁଣପୁର ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଶୀ ଙ୍କ ରିପୋର୍ଟ !!! 

ଏଥର ସମ୍ଭାଳ (ବିଷମକଟକ) – ରାୟଗଡ଼ ଜିଲ୍ଲା ବିଷମ କଟକ ନିର୍ବାଚନ ମଣ୍ଡଳୀ ସ୍ଥିତ ଆମ୍ବଦଳା ମଣ୍ଡଳରେ ଶୁକ୍ରବାର ଦ୍ଵିତୀୟ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି। ପ୍ରଥମେ ଦୀପ ପ୍ରଜ୍ୱଳନ କରି ସାରିବା ପରେ ବନ୍ଦେ ମାତରମ୍ ଗାନ କରାଯାଇଥିଲା। ଆମ୍ବଦଳା ମଣ୍ଡଳର ପୂର୍ବତନ ଯୁବ ମୋର୍ଚ୍ଚା ସଭାପତି ସ୍ରିନିବାସ ବରାଡ (ସନିଆ ଭାଇ)ଙ୍କ ବିୟୋଗରେ ତାଙ୍କର ଅମର ଆତ୍ମାର ଶାନ୍ତି ପାଇଁ ନୀରବ ପ୍ରାର୍ଥନା କରାଯାଇଥିଲା। ପରବର୍ତ୍ତୀ ସମୟରେ ରମେଶ ସାମନ୍ତ ଜିଲ୍ଲା ସାଧାରଣ ସମ୍ପାଦକଙ୍କ ଅଧ୍ୟକ୍ଷତା ରେ ବୈଠକଟି ଆରମ୍ଭ ହୋଇ ଥିଲା।

ଏଥିରେ ମୁଖ୍ୟ ଅତିଥି ଭାବେ ବିଷମ କଟକ ବିଧାୟକ ପାର୍ଥି ଶିବ ଶଙ୍କର ଉଲାକା, ଓବିସି ମୋର୍ଚ୍ଚା ସଭାପତି ରୁଦ୍ର ମାଗିଲି, ଜିଲ୍ଲା ସାଧାରଣ ସମ୍ପାଦିକା ସୁଶିଳା ପାତ୍ର , ଜିଲ୍ଲା ମହିଳା ମୋର୍ଚ୍ଚା ସଭାନେତ୍ରୀ ରଞ୍ଜନା ଉପାଧ୍ୟାୟ, ଯେ ବାବୁରାଓ, ଜିଲ୍ଲା ମହିଳା ମୋର୍ଚ୍ଚା ଉପସଭାନେତ୍ରୀ ତଥା ମୁନିଗୁଡ଼ା ବ୍ଲକ ଉପାଧକ୍ଷା ଧର୍ମିଷ୍ଠା ସାମନ୍ତ, ପ୍ରମୁଖ ମଞ୍ଚାସିନ ଥିବା ବେଳେଯୁବ ମୋର୍ଚ୍ଚା ଉପସଭାପତି ମଇନା ଆଚାର୍ଯ୍ଯ, ଯୁବ ମୋର୍ଚ୍ଚା ଉପସଭାପତି ଲାଲା ମହାନ୍ତି , ଯୁବ ମୋର୍ଚ୍ଚା ଆର ଟି ଆଇ କର୍ଡ଼ିନେଟର ରଞ୍ଜନ ସ୍ଵାଇଁ , ପିଣ୍ଟୁ ଦୁବେ, ଆଶାକ ପୂଜାରୀ, ବୁଡୁ କାଡ୍ରାକ, ପକ୍ଷୀ, ସନ୍ତୋଷ, ପିଣ୍ଟୁ ମହାନ୍ତି, ଇଶ୍ୱର ମହାନ୍ତି, ଫିଲୁ, ଧନୁର୍ଯୟ, ସମସ୍ତ ମଣ୍ଡଳ ପଦାଧିକାରୀ ମାନେ ଉପସ୍ଥିତ ଥିଲେ। ଆଜିର ଏହି ବୈଠକରେ ମୁଖ୍ୟତଃ ଆଗାମୀ ତ୍ରି ସ୍ତରୀୟ ପଂଚାୟତ ନିର୍ବାଚନ କୁ ଦୃଷ୍ଟି ରେ ରଖି କିପରି ଦଳ ତରଫରୁ ରଣନୀତି ପ୍ରସ୍ତୁତ କରାଯିବ ବୁଥ ସ୍ତରରୁ ଲୋକଙ୍କୁ ସଚେତନ କରି ଭୋଟର ଯେମିତି କି ଭାଜପା ସପକ୍ଷରେ ଭୋଟ ଦେବେ ଲୋକ ଙ୍କ ନିକଟକୁ ଯାଇ ଲୋକଙ୍କ ସମସ୍ୟା ଦୂର କରିବା ଆଦି ବିସ୍ତୃତ ଭାବରେ ଏହି ବୈଠକରେ ଆଲୋଚନା କରାଯାଇଥିଲା। ଏହି କାର୍ଯ୍ୟ କାରିଣୀ ବୈଠକରେ ଜିଲ୍ଲା ର କିଛି ବରିଷ୍ଠ ନେତା ମାନେ ଯୋଗ ଦେଇଥିବା ବେଳେ ବ୍ଲକ ର ସମସ୍ତ ବିଜେପି କାର୍ଯ୍ୟକର୍ତ୍ତା ମାନେ ଉପସ୍ଥିତ ଥିଲେ। ଶେଷରେ ଜିଲ୍ଲା ସାଧାରଣ ସମ୍ପାଦକ ରମେଶ ସାମନ୍ତ ଧନ୍ୟବାଦ ଅର୍ପଣ କରିଥିଲେ।

ବିଲିଭର୍ସ ଇଷ୍ଟର୍ଣ୍ଣ ଚର୍ଚ୍ଚରେ କାର୍ଯ୍ୟରତ ସ୍ବେଚ୍ଛାସେବୀଙ୍କ ଦ୍ଵାରା ୬୦ ଜଣଙ୍କୁ ଶୁଖିଲା ଖାଦ୍ୟ ସାମଗ୍ରୀ ବଣ୍ଟନ…!

!!! ରାୟଗଡ଼ା ଜିଲ୍ଲା କୋଲନରା ରୁ ପ୍ରତିନିଧି ମନୋଜ ନାଲା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ମୁକୁନ୍ଦପୁର) – ମହାମାରୀ କରୋନା ସଙ୍କଟରେ ଅନେକ ଗରିବ ତଥା ଦୈନିକ କାମଧନ୍ଦା କରି ପରିବାର ପୋଷଣ କରୁଥିବା ପରିବାର ଜୀବିକା ହରେଇବା ସହିତ ଆର୍ଥିକ ସ୍ଥିତି ଦୁର୍ବଳ ହୋଇପଡିଛି। କରୋନା ସ୍ଥିତିକୁ ନଜରରେ ରଖି ସରକାରଙ୍କ ପକ୍ଷରୁ ଲକଡାଉନ ଓ ସର୍ଟଡାଉନ ମଧ୍ୟ କରାଯାଇଥିଲା ଏବଂ ବର୍ତ୍ତମାନ ଆକ୍ରାନ୍ତଙ୍କ ସଂଖ୍ୟା ହ୍ରାସ ପାଇବାରୁ କଟକଣା କହଳ କରାଯାଇଛି। କିନ୍ତୁ ବର୍ତ୍ତମାନ କିଛି ମାତ୍ରାରେ ସ୍ୱାଭାବିକ ହେଉଥିବା ବେଳେ ଗରିବ, ଦିନ ମଜୁରିଆ ଓ ମଧ୍ୟବିତ୍ତ ପରିବାର ସହ ଅନେକ ଲୋକଙ୍କ ଜୀବିକା ନିର୍ବାହରେ ବାଧା ସୃଷ୍ଟି ହୋଇ ପରିବାର ଚଲେଇବା ପାଇଁ ବହୁ ଅସୁବିଧାର ସମ୍ମୁଖୀନ ହେଉଛନ୍ତି।ଲୋକଙ୍କ ଏଭଳି ପରିସ୍ଥିତିକୁ ନଜୀରରେ ରଖି କିଛି ମାତ୍ରାରେ ସହାୟତା ପାଇଁ ଆଜି ବିଲିଭର୍ସ ଇଷ୍ଟର୍ଣ୍ଣ ଚର୍ଚ୍ଚ ରାୟଗଡା ଡାୟସିସରେ କାର୍ଯରତ ସ୍ବେଚ୍ଛାସେବୀ ଶ୍ରୀମତୀ ଚୁନେଲି ମାଗ ଆଶିଷଙ୍କ ଅନୁକୂଲ୍ୟରେ ରାୟଗଡା ଜିଲ୍ଲା କୋଲନରା ବ୍ଲକ ଅଧିନ ମୁକୁନ୍ଦପୁର ଗ୍ରାମ ପଞ୍ଚାୟତର ଧାମୁନିଗୁଡା ଓ ମୁକୁନ୍ଦପୁର ଗ୍ରାମର ହାଟପଦା ଠାରେ ଗରିବ ଦିନ ମଜୁରିଆ ଓ ବିଧବା ମା ମାନଙ୍କୁ ଶୁଖିଲା ଖାଦ୍ୟ ସାମଗ୍ରୀ ବଣ୍ଟନ କରାଯାଇଥିଲା।

ଏଥିରେ ମୁକୁନ୍ଦପୁର ସରପଞ୍ଚ ଶିବ କଣ୍ଡାଗରି, ସମିତିସଭ୍ୟ ଡକ୍ଟର ଆଇ ଗୋବର୍ଦ୍ଧନ ରାଓ, ଫାଣ୍ଡି ଅଧିକାରୀ ହର୍ଷଚନ୍ଦ୍ର ପାଣି, ମୁକୁନ୍ଦପୁର ହରିଜନ ସାହି ମୁଖିଆ ବୃନ୍ଦା କୌଶଲ୍ୟା ଓ ୱାର୍ଡମେମ୍ବର ପ୍ରଫୁଲ ବିଡିକା ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ଏହି କାର୍ଯ୍ୟକ୍ରମରେ ମୋଟ ୬୦ ଜଣ ବିଧବା ମା ମାନଙ୍କ ସହ ଦିନ ମଜୁରିଆ ଲୋକଙ୍କୁ ଶୁଖିଲା ଖାଦ୍ୟ ସାମଗ୍ରୀ ବଣ୍ଟନ କରାଯାଇଥିଲା। ମହାମାରୀ କରୋନା ଯୋଗୁଁ ଗରିବ ଲୋକେ ନିଜ ଜୀବିକା ହରାଇ ନା ନା ଅସୁବିଧାର ସମ୍ମୁଖୀନ ହେଉଥିବା ଦୃଷ୍ଟିରେ ରଖି ଏହି ସାମଗ୍ରୀ ଦ୍ବାରା ଜଣେ ଗରିବ ଲୋକଙ୍କୁ କିଛି ମାତ୍ରାରେ ସହାୟକ ହେବା ନେଇ ଏହି କାର୍ଯ୍ୟକ୍ରମ କରାଯାଇଥିବା ଶ୍ରୀମତୀ ଆଶିଷ କହିଥିଲା ବେଳେ ସମିତିସଭ୍ୟ ଶ୍ରୀ ରାଓ ସ୍ବେଚ୍ଛାସେବୀଙ୍କ ଏଭଳି ନିଆରା ପଦକ୍ଷେପକୁ ସ୍ୱାଗତ କରିବା ସହ ଧନ୍ୟବାଦ ଜଣାଇଥିଲେ। କରୋନା କଟକଣା ମଧ୍ୟରେ ଅନୁଷ୍ଠିତ ହୋଇଥିବା ଏହି କାର୍ଯ୍ୟକ୍ରମକୁ ହୋପ ଫର ଚିଲଡ୍ରେନ ଅନୁଷ୍ଠାନର ଫଣ୍ଡ ରାଇଜିଙ୍ଗ ଅଫିସର ବିରଞ୍ଚି ପାତିକା ପରିଚାଳନା କରିଥିବା ବେଳେ ସରୋଜ ବିଡିକା, ଅନୀଲ ବିଡିକା ଓ ସୁରଜ ଟାକ୍ରି ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ।

ଛାମୁ ଯାହା ଦେଲେ ହରଷେ – ପାହୁପାହୁ ଗଲା ବରଷେ ; ସ୍ୱପ୍ନ ରେ ରହିଗଲା ଅତ୍ୟାଧୁନିକ ଆମ୍ବୁଲାନ୍ସ…!

!!! ବରଗଡ଼ ଜିଲ୍ଲା ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ପଦ୍ମପୁର) – ଗତ ୦୭.୦୭.୨୦୨୧ ରେ ବିଭିନ୍ନ ଗଣ ମାଧ୍ୟମରେ ରେ ପ୍ରକାଶିତ ହୋଇଥିଲା କି ଯେ, ମନ୍ତ୍ରୀ ସୁଶାନ୍ତ ସିଂ ଙ୍କ ଉଦ୍ୟମ ରେ ପଦ୍ମପୁର କୁ ମିଳିଲା ଏକ ଅତ୍ୟାଧୁନିକ ଆମ୍ବୁଲାନ୍ସ। ଠିକ କଥା ପଦ୍ମପୁର ଉପଖଣ୍ଡ ସରକାରୀ ଚିକିତ୍ସାଳୟ ପାଇଁ ଏହା ବହୁ ଜରୁରୀ ଅଟେ। କିନ୍ତୁ ପଶ୍ଚିମ ଓଡ଼ିଶା ବିକାଶ ପରିଷଦ ତରଫରୁ ଅଦ୍ୟାବଧି ଏହି ଅତ୍ୟାଧୁନିକ ଆମ୍ବୁଲାନ୍ସ ଏକ ସ୍ୱପ୍ନ ଭିତରେ ଡୁବି ରହିଛି। ଯାହାକି ଏଇ ଆମ୍ବୁଲାନ୍ସ ଟେ ପାଇଁ ପଶ୍ଚିମ ଓଡ଼ିଶା ବିକାଶ ପରିଷଦର ଅଧ୍ୟକ୍ଷ ଶ୍ରୀମାନ ଅସିତ ତ୍ରିପାଠୀ ଟୁଇଟର କରି ସୂଚନା ପ୍ରଦାନ କରିଥିଲେ। ଏ ପରିପ୍ରେକ୍ଷୀରେ ଆମ୍ବୁଲାନ୍ସ ଟି ରହିଲା କେଉଁଠି,ନା ସୁନେଲି ସ୍ୱପ୍ନ ଦେଖାଦେଲେ ଶ୍ରୀ ତ୍ରିପାଠୀ ବୋଲି ବେଶ ଚର୍ଚ୍ଚା ଚାଲିଛି। ପଦ୍ମପୁର ଉପଖଣ୍ଡ ଚିକିତ୍ସାଳୟକୁ ଅତ୍ୟାଧୁନିକ ଆମ୍ବୁଲାନ୍ସ କେବେ ଆସୁଛି ତାହା ଦେଖିବାକୁ ବାକି ରହିଲା।

ଆସନ୍ତା ଅଗଷ୍ଟ ୧ ତାରିଖ ସମ୍ବଲପୁରୀ ଦିନ ପାଳନ |

!!! ବରଗଡ ଜିଲ୍ଲା ସ୍ବତନ୍ତ୍ର ପ୍ରତିନିଧି ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ !!!

ଏଥର ସମ୍ଭାଳ (ପଦ୍ମପୁର)- ବିଶିଷ୍ଟ ସମ୍ବଲପୁରୀ ଭାଷା ର ରଚୟିତା, ସମ୍ବଲପୁରୀ ଭାଷାର ଜନକ ତଥା ଗବେଷକ ସ୍ୱର୍ଗତ ଗୁରୁଦେବ ସତ୍ୟନାରାୟଣ ବହିଦାର ତଥା ସ୍ୱର୍ଗତ ଶ୍ରୀଧର ପ୍ରଧାନ ଙ୍କ ସ୍ମୃତି ଉଦ୍ଦେଶ୍ୟରେ ସମ୍ବଲପୁରୀ ଦିନ ଭାବେ ପ୍ରତିବର୍ଷ ଭଳି ଚଳିତ ବର୍ଷ ର ଅଗଷ୍ଟ ୧ ତାରିଖ ରେ ପଦ୍ମପୁର ସହରଠାରୁ ଆନତି ଦୂରରେ ଥିବା ବୁବୁଡା ସ୍ଥିତ କଲ୍ୟାଣମଣ୍ଡପ ଠାରେ ଏଠାକାର ଉଦିୟମାନ ସମ୍ବଲପୁରୀ ଭାଷାର ପ୍ରଣେତା ଶ୍ରୀମାନ ବିନୋଦ ବୈକାର୍,ସୁରେନ୍ଦ୍ର ମେହେର,ପୌଲସ୍ତ୍ୟ ସାହା,ରୋଜ୍ ପଧାନ୍,ନମିତା ଦୀପ ଙ୍କ ପ୍ରଚେଷ୍ଟା ରେ ବାଟ କଢୁଆଲ କୁଟୁମ୍ବ ତରଫରୁ ଆୟୋଜିତ ଏହି ସୁନ୍ଦର କାର୍ଯ୍ୟକ୍ରମ l ଏ ପରିପ୍ରେକ୍ଷୀରେ ମୁଖ୍ୟ ଅତିଥି ଭାବେ ଅଧ୍ୟାପକ ଧ୍ରୁବ ଚରଣ ପ୍ରଧାନ, ସମ୍ମାନିତ ଅତିଥି ଭାବେ ସରପଞ୍ଚ ତଥା ସମାଜସେବୀ ସୁକାନ୍ତ ବାଗ,କବି ସଂପାଦକ ତଥା ସଙ୍ଗଠକ ବୈରାଗୀ ସାହୁ ଏବଂ କବୟତ୍ରୀ ତଥା ସମାଜସେବୀ ଉତ୍ତମା ପ୍ରଧାନ ଯୋଗଦାନ କରୁଥିବାବେଳେ ଏକ ସମାଲୋଚନା ମୂଳକ ଫେସବୁକ କଳାପଟା ‘ଲେଦା’ ର ସମ୍ପାଦକ ତଥା ବରିଷ୍ଠ ସାମ୍ବାଦିକ ନିରଞ୍ଜନ ତ୍ରିପାଠୀ ମୁଖ୍ୟବକ୍ତା ଭାବେ ଯୋଗଦାନ କରିବାର କାର୍ଯ୍ୟକ୍ରମ ରହିଛି lଉକ୍ତ ଦିବସ ରେ ପଶ୍ଚିମ ଓଡ଼ିଶା ର ଅନେକ ନାମିଦାମୀ ଲେଖକ,କବିଓକବୟତ୍ରୀ ଙ୍କ ସ୍ବରଚିତ ଲେଖା କୁ ନେଇ ଏକ ସଙ୍କଳନ ‘ଲେଦା’ ପତ୍ରିକା ଉନ୍ମୋଚିତ ହେବା ସଙ୍ଗେ ସଙ୍ଗେ ସମ୍ବଲପୁରୀ କବିତା ଆସର ଅନୁଷ୍ଠିତ ହେବ l ସରକାର ଙ୍କ କୋଭିଡ ନିୟମ କୁ ଦୃଷ୍ଟିରେ ରଖି ପାଳନ କରାଯିବ ବୋଲି ବାଟ କଢୁଆଲ କୁଟୁମ୍ବ ବୁବୁଡା ର ସ୍ରଷ୍ଟା ତଥା ସାମ୍ବାଦିକ ଶ୍ରୀମାନ ସୁରେନ୍ଦ୍ର ମେହେର ଙ୍କ ଠାରୁ ପ୍ରକାଶ l

ପଞ୍ଚାୟତ ନିର୍ବାଚନ ପାଇଁ କମିଟି ଗଢ଼ିଲା କଂଗ୍ରେସ …!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ଵର) –  ପୌର ଓ ପଂଚାୟତ ନିର୍ବାଚନକୁ ନେଇ ଅନିଶ୍ଚିତତା ଲାଗି ରହିଥିବାବେଳେ ରାଜ୍ୟରେ ବିଜେପି ପରେ ଏବେ କଂଗ୍ରେସ ନିଜର ନିର୍ବାଚନ ପ୍ରସ୍ତୁତି ଆରମ୍ଭ କରିଛି। ବିଜେପି ପୌର ନିର୍ବାଚନ ପାଇଁ ୧୯ଜଣିଆ କମିଟି ଗଢ଼ିବାର ଦିନକ ପରେ ପ୍ରଦେଶ କଂଗ୍ରେସ ଆଜି ପଂଚାୟତ ନିର୍ବାଚନ ପାଇଁ ରାଜ୍ୟସ୍ତରୀୟ କମିଟି ଗଠନ କରିଛି। ଦଳ ପକ୍ଷରୁ ମିଳିଥିବା ସୂଚନା ଅନୁସାରେ, ପିସିସି ସଭାପତି ନିରଞ୍ଜନ ପଟ୍ଟନାୟକ ଆଗାମୀ ପଂଚାୟତ ନିର୍ବାଚନ ପାଇଁ ଏକ ରାଜ୍ୟସ୍ତରୀୟ କମିଟି ଘୋଷଣା କରିଛନ୍ତି। କମିଟିର ଆବାହକ ଭାବେ ବରିଷ୍ଠ ନେତା ଯଜେ୍ଞଶ୍ୱର ବାବୁ ଥିବାବେଳେ ସଦସ୍ୟ ଭାବେ ଉମାବଲ୍ଲଭ ରଥ, ମନୋରଞ୍ଜନ ଦାଶ, କୈଳାସ ସାହୁ ଓ ଦେଓପ୍ରସାଦ ସଦସ୍ୟ ଅଛନ୍ତି। ତୃଣମୂଳ ସ୍ତରରୁ ଜିଲ୍ଲାସ୍ତର ପର୍ଯ୍ୟନ୍ତ ପଂଚାୟତ ସଂଗଠନକୁ ସୁଦୃଢ଼ ସହ ନିର୍ବାଚନ ପାଇଁ ପ୍ରସ୍ତୁତ କରାଯିବ ସେନେଇ ସବିଶେଷ ତଥ୍ୟ ସଂଗ୍ରହ କରି ଏକ ରିପୋର୍ଟ ପ୍ରଦାନ କରିବାକୁ ପିସିସି ସଭାପତି ଶ୍ରୀ ପଟ୍ଟନାୟକ ନିର୍ଦ୍ଦେଶ ଦେଇଛନ୍ତି। ସୂଚନାଯୋଗ୍ୟ, ବିଜେପି ପୌର ନିର୍ବାଚନ ପାଇଁ ଗତକାଲି ୧୯ଜଣିଆ କମିଟି ଗଠନ କରିଥିବାବେଳେ ପୂର୍ବରୁ ପଂଚାୟତ ନିର୍ବାଚନକୁ ଦୃଷ୍ଟିରେ ରଖି ଦଳୀୟ ସଂଗଠନକୁ ସୁଦୃଢ଼ କରିବା ପାଇଁ ଏକ କମିଟି କରିଥିଲା।

ରାଜ୍ୟରେ ସକ୍ରିୟ ଲଘୁଚାପ, ପ୍ରବଳ ବର୍ଷୁଛି …!

ଏଥର ସମ୍ଭାଳ (ଭୁବନେଶ୍ଵର) – ଉତ୍ତର ବଙ୍ଗୋପସାଗର ଓ ତାହାର ଆଖପାଖ ଅଞ୍ଚଳରେ ସୃଷ୍ଟି ହୋଇଥିବା  ଲଘୁଚାପ କ୍ଷେତ୍ର  ୱେଲମାର୍କ ଲୋ ପ୍ରେସରରେ ପରିଣତ ହୋଇ  ବାଂଲାଦେଶ ଉପକୂଳ ଏବଂ ସଂଲଗ୍ନ ପଶ୍ଚିମବଙ୍ଗ ଅଞ୍ଚଳରେ ସକ୍ରିୟ ରହିଛି  । ଏହି ଲଘୁଚାପ କ୍ଷେତ୍ର ପ୍ରଭାବରେ ରାଜ୍ୟର ଗୋଟିଏ ଦୁଇଟି ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷାର ପୁର୍ବାନୁମାନ କରିଛି ପାଣିପାଗ ବିଭାଗ । ସମ୍ଭାବ୍ୟ ସ୍ଥିତିକୁ ଦେଖି ଆଜିଠାରୁ ଅଗଷ୍ଟ ୧ ତାରିଖ ଯାଏଁ ପାଣିପାଗ ବିଭାଗ ପକ୍ଷରୁ ଜାରି କରାଯାଇଛି ୟେଲୋ ୱାର୍ଣ୍ଣିଂ । ଆଜିଠୁ ଆସନ୍ତା କାଲି ପର୍ଯ୍ୟନ୍ତ ୬ଟି ଜିଲ୍ଲାକୁ ଏବଂ କାଲିଠୁ ଅଗଷ୍ଟ ୧ ତାରିଖ ପର୍ଯ୍ୟନ୍ତ ୩ଟି ଜିଲ୍ଲାକୁ ୟେଲୋ ୱାର୍ଣ୍ଣିଂ ସହ ସତର୍କ ରହିବାକୁ କୁହାଯାଉଛି । ଆଜି ସକାଳ ସାଢେ ୮ଟାରୁ ଆସନ୍ତା କାଲି ସାଢେ ୮ଟା ମଧ୍ୟରେ  ସୁନ୍ଦରଗଡ଼, ଝାରସୁଗୁଡ଼ା, ବରଗଡ଼, ସମ୍ବଲପୁର, ବଲାଙ୍ଗିର ଓ ନୂଆପଡ଼ା ଜିଲ୍ଲାର ଗୋଟିଏ ଦୁଇଟି ସ୍ଥାନରେ ପ୍ରବଳ ବର୍ଷାର ସମ୍ଭାବନା ରହିଛି। ଏଡି ସବୁ ଜିଲ୍ଲାକୁ ୟେଲୋ ୱାର୍ଣ୍ଣି  ଜାରି କରାଯାଇଛି। ସେହିପରି ଆସନ୍ତା କାଲି ସାଢେ ୮ଟାରୁ ୧ ତାରିଖ ସକାଳ ୮ଟା୩୦ ଯାଏ ସୁନ୍ଦରଗଡ଼, ଦେବଗଡ଼ ଓ କେନ୍ଦୁଝର ଜିଲ୍ଲାର ଗୋଟିଏ ଦୁଇଟି ସ୍ଥାନରେ ପ୍ରବଳ ବର୍ଷାର ସମ୍ଭାବନା ରହିଛି ବୋଲି କହିଛନ୍ତି   ଭୁବନେଶ୍ୱର ପାଣିପାଗ କେନ୍ଦ୍ର ନିର୍ଦ୍ଦେଶକ ଏଚ୍‌.ଆର ବିଶ୍ୱାସ । ସମୁଦ୍ର ଅଶାନ୍ତ ରହୁଥିବାରୁ ମତ୍ସ୍ୟଜୀବୀଙ୍କୁ ସମୁଦ୍ରକୁ ଯିବାକୁ ବାରଣ କରାଯାଇଛି।   ଲଗାଣ ବର୍ଷା ପ୍ରଭାବରେ ତଳୁଆ ଅଞ୍ଚଳରେ ପାଣି ଜମିବା ସହ ଗମନାଗମନରେ ସମସ୍ୟା ସୃଷ୍ଟି ହୋଇପାରେ ବୋଲି କହିଛି ପାଣିପାଗ ବିଭାଗ ।

ବଂଶଧାରା ଅବବାହିକା ସୁରକ୍ଷା ସମିତି କୋର୍ କମିଟି ବୈଠକ ରେ ନିଷ୍ପତ୍ତି ; ଶାନ୍ତିପୂର୍ଣ୍ଣ ଆନ୍ଦୋଳନ ମାଧ୍ୟମରେ ସମସ୍ୟା ଉପସ୍ଥାପନ କରିବ ।

 !!! ରାୟଗଡ଼ା ଜିଲ୍ଲା ଗୁଣପୁର ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଷୀ ଙ୍କ ରିପୋର୍ଟ !!!

ଏଥର ସମ୍ଭାଳ (ଗୁଣପୁର) – ବଂଶଧାରା ଅବବାହିକା ସୁରକ୍ଷା ସମିତି ର ଏକ ଗୁରୁତ୍ବପୂର୍ଣ୍ଣ କୋର୍ କମିଟି ବୈଠକ ଗୁଣପୁର ଠାରେ ଅନୁଷ୍ଠିତ ହୋଇଯାଇଛି। ଏହି ବୈଠକରେ ବଂଶଧାରା ଉପର ମୁଣ୍ଡରେ ପ୍ରକଳ୍ପ କରିବା ପ୍ରସଙ୍ଗରେ ଆଗାମି ରୋଡମ୍ଯାପ୍ ପ୍ରସ୍ତୁତ କରାଯାଇଛି। ଏଥିପାଇଁ ଦୁଇ ପ୍ରକାର କାର୍ଯ୍ୟକ୍ରମ ହାତକୁ ନିଆଯାଇଥିଲା । ଗୋଟିଏ ପଟେ ଜନ ସଚେତନତା ସହ ଶାନ୍ତିପୂର୍ଣ୍ଣ ଆନ୍ଦୋଳନ ଦ୍ୱାରା ସରକାର ଙ୍କ ନିକଟରେ ସ୍ଥାନୀୟ ଲୋକଙ୍କ ସମସ୍ୟା ଉପସ୍ଥାପନ କରାବା ଏବଂ ଅନ୍ୟ ପଟେ ସ୍ଥାନୀୟ ଲୋକ ପ୍ରତିନିଧି ମାନଙ୍କ ଦ୍ୱାରା ରାଜ୍ୟ ସରକାରଙ୍କ ନିକଟରେ ଉପସ୍ଥାପନ କରି ଏହି ଦାବୀକୁ ହାସଲ କରିବାକୁ ଅନବରତ ଉଦ୍ୟମ ଜାରୀ ରଖିବା । ଏଥି ନିମନ୍ତେ ଉଦ୍ୟମ କରିବା ପାଇଁ ବରିଷ୍ଠ ଅଭିଜ୍ଞ ତଥା ଉତ୍ସାହି ବ୍ୟକ୍ତି ମାନେ ଦାୟିତ୍ଵ ନେଇଥିଲେ।

ଏଥିପାଇଁ ଚୁଡାନ୍ତ ହୋଇଥିବା କାର୍ଯ୍ୟସୂଚୀ ଗୁଡ଼ିକ :-
👉 ଜୁଲାଇ ୩୦ ରେ ପ୍ରଥମ ପର୍ଯ୍ୟାୟରେ ସ୍ଥାନୀୟ ବିଧାୟକ ଓ ବିଜୁ ସ୍ବାସ୍ଥ୍ୟ କଲ୍ଯାଣ ଯୋଜନା ର ଉପଦେଷ୍ଟା ଙ୍କ ସହ ଏହି ପ୍ରସଙ୍ଗରେ ସ୍ବତନ୍ତ୍ର ଭାବେ ଆଲୋଚନା କରିବା ପରେ ଦ୍ବିତୀୟ ପର୍ଯ୍ଯାୟରେ ଆମ ଜିଲ୍ଲାର ମନ୍ତ୍ରୀ, ରାଜ୍ଯସଭା ସାଂସଦ ଓ ଲୋକସଭା ସାଂସଦଙ୍କୁ ଭେଟି ଆଲୋଚନା କରିବା ପାଇଁ ନିଷ୍ପତ୍ତି ହୋଇଛି।

👉 ଅଗଷ୍ଟ ୧ ରୁ ଏକମାସ ବ୍ଯାପି ନିରବ ଶୋଭାଯାତ୍ରା ସହ ସ୍ମାରକପତ୍ର ପ୍ରଦାନ କରାଯିବ। ଏହା ପ୍ରତେକ ଦିନ ସକାଳ ୧୦ଟା ରେ ନୂଆ ବସଷ୍ଟାଣ୍ଡ ବିଜୁବାବୁ ଙ୍କ ପ୍ରତିମୂର୍ତ୍ତି ନିକଟରୁ ବାହାରି ଉପ ଜିଲ୍ଲାପାଳଙ୍କ କାର୍ଯ୍ୟାଳୟ ରେ ପହଞ୍ଚୁଥିବ। ଏଥିରେ ସହର ତଥା ବଂଶଧାରା ଅବବାହିକା ଅଞ୍ଚଳର ବିଭିନ୍ନ ସଂଘ ସାମିଲ ହୋଇ ପ୍ରତେକ ସଂଘ ଦିନକର ଦାୟିତ୍ବ ନେବେ।

👉 ଅଗଷ୍ଟ ୯ ତାରିଖ କ୍ରାନ୍ତି ଦିବସରେ ଅବବାହିକା ସୁରକ୍ଷା ସମିତି ପକ୍ଷରୁ ପୁରା ଅବବାହିକା ର ଗୁଡାରୀ ଠାରୁ ଗାଦିଆଖଳା ଯାଏଁ ସବୁ ଅଞ୍ଚଳର ଲୋକଙ୍କୁ ନେଇ ଶୋଭାଯାତ୍ରା ରେ ଯାଇ ସ୍ମାରକପତ୍ର ଦିଆଯିବ।

👉 ଅଗଷ୍ଟ ୧୫ ରୁ ପାଣି ଡଙ୍ଗର ରୁ ପାଲସିଂ ଯାଏଁ ପଦଯାତ୍ରା କରାଯାଇ ଗାଁ ଗାଁ ରେ ବୈଠକ କରାଯିବ।

୩୦ ଜୁଲାଇ, ଶୁକ୍ରବାର: ଆଜିର ରାଶିଫଳ …!

!!! ପ୍ରବଚକ ଶ୍ରୀ ଜଗଦୀଶ ପ୍ରସାଦ !!!

ମେଷ:କେତେକ କ୍ଷେତ୍ରରେ ଉଚ୍ଚାକାଂକ୍ଷ ପୂର୍ତ୍ତି ନିମନ୍ତେ କଠିନ ପରିଶ୍ରମ କରିବାକୁ ପଡିବ। ଦାମ୍ପତ୍ୟ କଳହ ମେଣ୍ଟିଯାଇ ପାରିବାରିକ କ୍ଷେତ୍ରରେ ଶାନ୍ତି ପାଇବେ। ବନ୍ଧୁବାନ୍ଧବଙ୍କ ସ୍ୱାର୍ଥ ପ୍ରବଣତାର କାମ କରିବେ। ପ୍ରତିକାର- ଗୋମାତାକୁ କିଛି ଖାଇବାକୁ ଦିଅନ୍ତୁ।

ବୃଷ: ଉତ୍ତରାଧିକାରୀ ସୂତ୍ରରୁ କିଛି ଧନ ସମ୍ପତ୍ତି ପାଇବାର ଯୋଗ ଅଛି। ପାରିବାରିକ ଜୀବନରେ ଗୁରୁଜନ ସନ୍ତୁଷ୍ଟ ରହିବେ । ଆନୁଷ୍ଠାନିକ କ୍ଷେତ୍ରରେ ସମ୍ମାନ ଲାଭ ଓ ପଦ ମର୍ଯ୍ୟାଦା ବୃଦ୍ଧି ପାଇବ । ପ୍ରତିକାର- ଶେତ୍ୱଚନ୍ଦନରେ କର୍ପୁର ମିଶେଇ ମସ୍ତକରେ ଧାରଣ କରନ୍ତୁ ।

ମିଥୁନ:ସନ୍ତାନ ସନ୍ତତିଙ୍କ ତରଫରୁ ଆଶାବାଦୀ ହେବେ । ଜ୍ଞାନ-ଗବେଷଣା ସ୍ତରରେ କୃତକାର୍ଯ୍ୟ ହୋଇ ଯଶ ମାନ ପ୍ରତିଷ୍ଠା ପ୍ରାପ୍ତି ହେବ । ବୃତ୍ତିଗତ ଦୃଷ୍ଟିରୁ ସ୍ୱାଭିମାନ ସୁରକ୍ଷିତ ରହିବା ଫଳରେ କର୍ମକ୍ଷେତ୍ରରେ ପ୍ରଶଂସିତ ହେବେ।  ପ୍ରତିକାର- ସବୁଜ ରଙ୍ଗର ରୁମାଲଟିଏ ପାଖରେ ରଖନ୍ତୁ ।

କର୍କଟ: ଆୟକୁ ବଢାଇବା ପାଇଁ ବହୁତ ପ୍ରୟାସ କରିବେ, ପରିଣାମ ମଧ୍ୟ ସାମ୍ନାକୁ ଆସିବ। ଭାଇ ଭଉଣୀଙ୍କ ସହିତ ଉତ୍ତମ ସମ୍ପର୍କ ରହିବା ଫଳରେ ପାରିବାରିକ ଜୀବନ ସୁଖମୟ ହେବ। ବ୍ୟବସାୟରେ ଯେତେ ଅଧିକ ପରିଶ୍ରମ କରିବେ ସେତେ ଅଧିକ ଲାଭ ମିଳିବ।  ପ୍ରତିକାର-ଭୋକିଲାଙ୍କୁ ନିରାଶ କରନ୍ତୁ ନାହିଁ।

ସିଂହ:କୌଣସି ସହୃଦୟ ବ୍ୟକ୍ତିଙ୍କଠାରୁ ଯଥେଷ୍ଟ ସହାୟତା ପାଇବେ। ପରିବାରରେ ଅପ୍ରୀତିକର ପରିସ୍ଥିତି ଦେଖାଦେଲେ ମଧ୍ୟ କୌଶଳକ୍ରମେ ସମାଧାନ କରିବେ । ନିଜର ଯୋଜନା ମୁତାବକ କାମ କଲେ କୌଣସି ପ୍ରକାର ଅସୁବିଧା ହେବ ନାହିଁ । ପ୍ରତିକାର-କୁକୁରକୁ କିଛି ଖାଇବାକୁ ଦିଅନ୍ତୁ।

କନ୍ୟା: ଆଇନ୍ ଅଦାଲତ୍ ସମ୍ପର୍କୀୟ ଦୁଶ୍ଚିନ୍ତା ଦୂରହେବ । ଟଙ୍କାର ଆବଶ୍ୟକତା ପୂରଣ ହୋଇ ଆଶାଜନକ ଫଳପ୍ରାପ୍ତି ହେବ । ବ୍ୟବସାୟିକ କ୍ଷେତ୍ରରେ ବୁଦ୍ଧିମତା କାରଣରୁ ଖୁବ୍‌ ଲାଭ ହେବ । ପ୍ରତିକାର-ମହୁଟିକେ ଖାଇ ଘରୁ ବାହାରନ୍ତୁ।

ତୁଳା: ବନ୍ଧୁ ମିତ୍ରଙ୍କର ସହଯୋଗ, ପ୍ରେରଣା ଓ ଆର୍ଥିକ ସହାୟତାରେ ହସ ଖୁସିରେ ସମୟ ବିତିବ । ରୋଜଗାର ସମସ୍ୟା ସୁଧୁରି ଯାଇ ଧନ ଲାଭ ହେବାରୁ ମନ ଖୁସି ରହିବ । ଲୋକ ସମ୍ପର୍କ ଆତ୍ମସନ୍ତୋଷ ବଢେଇବ। ପ୍ରତିକାର-ମା’ବାପା, ଗୁରୁଙ୍କୁ ପ୍ରଣାମ କରନ୍ତୁ।

ବିଚ୍ଛା:ସାହିତ୍ୟ, କଳା, ଚଳଚ୍ଚିତ୍ର ଓ ସଂଗୀତ ଆଦି କ୍ଷେତ୍ରରେ ସମସ୍ୟା ସମାଧାନ ହୋଇଯିବ । ଅଧ୍ୟୟନ, ଅଧ୍ୟାପନା ତଥା ରଚନାତ୍ମକ କ୍ଷେତ୍ରରେ ସମ୍ମାନିତ ହେବେ । ଯାନବାହାନ ସମ୍ବନ୍ଧୀୟ ସମସ୍ୟା ଦେଖା ଦେଇପାରେ । ପ୍ରତିକାର-ଅଶ୍ୱସ୍ଥ ବୃକ୍ଷମୂଳରେ ଗୁଡ଼ ଥୋଇ ପ୍ରଣାମ କରନ୍ତୁ।

 ଧନୁ:କର୍ମକ୍ଷେତ୍ରରେ ସହଯୋଗୀମାନଙ୍କ ଯୋଗୁ ଶାନ୍ତି ପାଇବେ। ପାରିବାରିକ ସମସ୍ୟା ସତ୍ତ୍ୱେ ଶାନ୍ତି ବିରାଜମାନ କରିବ । ରାସ୍ତା ଘାଟରେ ଅତ୍ୟନ୍ତ ସତର୍କତା ସହ ଯାତାୟାତ କରିବା ଉଚିତ୍। ପ୍ରତିକାର-ଗୋମାତାକୁ କିଛି ଖାଇବାକୁ ଦିଅନ୍ତୁ।

 ମକର:ସହକର୍ମୀଙ୍କ ସହ ବିବାଦ ମେଣ୍ଟିଯିବା ଫଳରେ କର୍ମକ୍ଷେତ୍ରରେ ଆତ୍ମସନ୍ତୋଷ ଦେଖା ଦେବ । ଅଚାନକ ଧନପ୍ରାପ୍ତି, ଜାଗା, ଜମି ଓ ଉଚ୍ଚସ୍ତରୀୟ ବାହନ କ୍ରୟ କରି ପାରନ୍ତି। ପ୍ରଶାସନ, ପ୍ରକାଶନ, ସଂଗଠନ, ଅନୁସନ୍ଧାନ କାଯର୍ୟରେ ଲାଭ ପାଇବେ । ପ୍ରତିକାର- ମୁଣ୍ଡରେ ଚନ୍ଦନ ଲଗାନ୍ତୁ।

କୁମ୍ଭ:ବରିଷ୍ଠ ବ୍ୟକ୍ତିଙ୍କ ସହ ସୁସମ୍ପର୍କ ରଖିବା ଫଳରେ ପ୍ରଶଂସା ପାଇବେ । ବ୍ୟବସାୟ କ୍ଷେତ୍ରରେ ପୁରୁଣା ପ୍ରାପ୍ୟ ଆଦାୟ ହୋଇ ପାରିବ। ନିଜର ସାମୁଦାୟିକ ମାମଲା ବା ଜନ କଲ୍ୟାଣ କାର୍ଯ୍ୟ ଇଛା ଅନୁସାରେ ସମ୍ପନ୍ନ କରିବେ। ପ୍ରତିକାର- କୁଆ ପାରାଙ୍କୁ ଚାଉଳ ଖାଇବାକୁ ଦିଅନ୍ତୁ।

ମୀନ:ଆପଣା ଲୋକଙ୍କ ସାହାଯ୍ୟ ପାଇ ପାରିବାରିକ ଜୀବନ ସୁଧାରି ନେବେ । ରାଜନୀତିରେ ଲୋକ ସମର୍ଥନକୁ ଆଧାର କରି ବଳିୟାନ ହେବେ। ବୁଦ୍ଧି ବିବେକ ଖଟାଇ କର୍ତ୍ତବ୍ୟ ପରାୟଣତାକୁ ମୁଖ୍ୟ କରି ଚାଲିବା ହିତକର ।