‘ଭାରତ ଆଇନ ଦ୍ୱାରା ପରିଚାଳିତ, ଶାସ୍ତ୍ର ଦ୍ୱାରା ନୁହେଁ’……!
ଏଥର ସମ୍ଭାଳ ବ୍ୟୁରୋ(ନୂଆଦିଲ୍ଲୀ)- କୋଭିଡ ମହାମାରୀ ବେଳେ ଉତ୍ତରାଖଣ୍ଡ ସରକାର ଦ୍ୱାରା ଚାରି ଧାମ ଯାତ୍ରା ନିଷ୍ପତ୍ତି ଉପରେ ସ୍ଥାନୀୟ ହାଇକୋର୍ଟ ରୋକ୍ ଲଗାଇଛନ୍ତି। ଗତକାଲି କୋର୍ଟ ଏହି ରୋକ୍ ଲଗାଇଥିଲେ। ଚାରିଧାମ ଯାତ୍ରା ଉପରେ ରୋକ୍ ଲଗାଇ ଶ୍ରଦ୍ଧାଳଙ୍କୁ ପାଇଁ ଇଣ୍ଟରନେଟ୍ ଜରିଆରେ ଅନ୍ ଲାଇନ ଲାଇଭ୍ ଷ୍ଟ୍ରିମିଂ କରିବାକୁ କହିଛନ୍ତି। ହେଲେ ଆଜି ସରକାର କହିଛନ୍ତି ଅନ୍ ଲାଇନ୍ ଷ୍ଟ୍ରିମିଂ ପାଇଁ ଅନୁମତି ନାହିଁ। ଏହାପରେ କୋର୍ଟ ଜବାବରେ କହିଛନ୍ତି, ଭାରତ ଆଇନ ଦ୍ୱାରା ପରିଚାଳିତ, ଶାସ୍ତ୍ର ଦ୍ୱାରା ନୁହେଁ। ହାଇକୋର୍ଟର ମୁଖ୍ୟ ବିଚାରପତି ଜଷ୍ଟିସ ଆରଏସ ଚୌହ୍ୱାନ ଏବଂ ଜଷ୍ଟିସ ଆଲୋକ କୁମାର ବର୍ମା ଏହି ମାମଲାର ଶୁଣାଣି କରି କହିଛନ୍ତି ଶାସ୍ତ୍ରରେ କେଉଁ ଧାରାରେ ଲାଇଭ ଷ୍ଟ୍ରିମିଂ ପାଇଁ ଅନୁମତି ନାହିଁ ବୋଲି କହିବାକୁ କହିଛନ୍ତି ଉତ୍ତରାଖଣ୍ଡର ଆଡଭୋକେଟ ଜେନେରାଲଙ୍କୁ। ଏଥିସହିତ ଏଜିଙ୍କୁ ଧାର୍ମିକ ଯୁକ୍ତି ନରଖିବାକୁ କୋର୍ଟ କହିଛନ୍ତି। ତେବେ ଏହି ମାମଲାରେ ଲାଇଭ ଷ୍ଟ୍ରିମିଂ ହୋଇପାରିବ କି ନାହିଁ ସେ ନେଇ ଦେବସ୍ଥାନମ ବୋର୍ଡ ଚୂଡ଼ାନ୍ତ ନିଷ୍ପତ୍ତି ନେବ ବୋଲି ଏଜି କୋର୍ଟରେ କହିଛନ୍ତି। ଜୁଲାଇ ୨୮ରେ ଏହି ମାମଲାର ପରବର୍ତ୍ତି ଶୁଣାଣି ରହିଛି। ମଙ୍ଗଳବାର ଉତ୍ତରାଖଣ୍ଡ ସରକାର ସୁପ୍ରିମକୋର୍ଟରେ ଏକ ସ୍ପେଶାଲ ଲିଭ ପିଟିସନ ଦାଖଲ କରିଛନ୍ତି। ଉତ୍ତରାଖଣ୍ଡ ସରକାର ଦ୍ୱାରା ଚାରି ଧାମ ଯାତ୍ରା ଉପରେ ଯେଉଁ ରୋକ୍ ଲଗାଇଛି ତାକୁ ନେଇ ଉତ୍ତରାଖଣ୍ଡ ସରକାର ଏସପିଏଲ ଦାଖଲ କରିଛନ୍ତି। ଜୁନ୍ ୨୮ରେ ହାଇକୋର୍ଟ ଉତ୍ତରାଖଣ୍ଡ ସରକାର ନେଇଥିବା ଚାରି ଧାମ ଯାତ୍ରା ଉପରେ ରୋକ୍ ଲଗାଇଥିଲେ। ମୁଖ୍ୟତଃ କୋଭିଡ୍ ପାଇଁ ସରକାର ରୋକ୍ ଲଗାଇଥିଲେ।
