!!! ଗଞ୍ଜାମ ରୁ ଜିଲ୍ଲା ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ !!!
ଏଥର ସମ୍ଭାଳ(ବେଗୁନିଆପଡା)- କରୋନାର ଦ୍ଵିତୀୟ ଲହରୀକୁ ଦୃଷ୍ଟିରେ ରଖି ସରକାରଙ୍କ ପକ୍ଷରୁ ମାସ୍କ ଚେକିଂକୁ କଡାକଡି କରାଯାଇଛି । ଏହି କ୍ରମରେ ଅମାନିଆଙ୍କୁ ସାବାଡ଼ କରିବା ପାଇଁ ବେଗୁନିଆପଡ଼ା ପୋଲିସ ପକ୍ଷରୁ ମଧ୍ୟ ବିଭିନ୍ନ ସ୍ଥାନରେ ମାସ୍କ ଚେକିଂ କରାଯାଇଛି । ଏପରିକି ବେଗୁନିଆପଡ଼ା ପୋଲିସ ପକ୍ଷରୁ ଅମାନିଆଙ୍କୁ ତଗିତ କରିବା ସହ ସେମାନଙ୍କଠାରୁ ତଣ୍ଡ ଆଦାୟ କରାଯାଉଛି । ପୋଲିସ ପକ୍ଷରୁ ବେଗୁନିଆପଡା ବଜାରରେ ଲୋକଙ୍କୁ ମଧ୍ୟ କରୋନାର ଭୟାବହତା ନେଇ ସଚେତନ କରାଯାଉଛି ।
!!! ଗଞ୍ଜାମ ରୁ ଜିଲ୍ଲା ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ !!!
ଏଥର ସମ୍ଭାଳ (ବ୍ରହ୍ମପୁର)- କରୋନା ର ଦ୍ଵିତୀୟ ଲହର ଅତି ଭୟଙ୍କର ରୂପରେ ଦେଖାଦେଇଛି । ଏହାକୁ ନେଇ ଜିଲ୍ଲା ପ୍ରଶାସନ ର ନିର୍ଦ୍ଦେଶ କ୍ରମେ କୋଦଳା ତହସିଲ ପ୍ରଶାସନ ଦୃଢତା ର ସହିତ ଏହାର ମୁକାବଲା କରିବା ସହିତ ବାରମ୍ବାର ବିଭିନ୍ନ ବ୍ୟବସାୟିକ ଅନୁଷ୍ଠାନ, ଧର୍ମନୁଷ୍ଠାନ ପରିଚାଳନା କମିଟି, ଅଟୋ ସଙ୍ଘ ପ୍ରଭୃତି ଅନୁଷ୍ଠାନ କୁ ନେଇ ସଚେତନ କରୁଥିବା ଜଣାପଡ଼ିଛି । ପ୍ରତ୍ୟକ ଦିନ ବିଭିନ୍ନ ଅନୁଷ୍ଠାନ ସହ ସ ଆଲୋଚନା କରିବା ସହିତ ସଚେତନ କରୁଥିବା ଜଣାପଡ଼ିଛି। ତଥାପି କେତେକ ଆସାଧୁ ବ୍ୟବସାୟୀ ନିୟମ ଉଲଂଘନ କରୁଥିବା ଅଭିଯୋଗ ହେଉଥିବାରୁ ତହସିଲଦାର ଅବନୀ କୁମାର ସାହୁ ଉଦବେଗ୍ ପ୍ରକାଶ କରିଛନ୍ତି । ଯଦି ଆବଶ୍ୟକ ପଡେ ଅମାନିୟା ଙ୍କୁ ସାବାଡ଼ କରିବା ପାଇଁ କଣ୍ଟେନମେଣ୍ଟ ଜୋନ ଘୋଷଣା କରାଯିବ ବୋଲି କହିଛନ୍ତି । ଆଜି ଅପରାହ୍ନ ରେ କୋଦଳା ର ବଣିକସଙ୍ଘ, ପରିବା ଦୋକାନୀ, ଉଠା ଦୋକାନୀ, ଠେଲାଗାଡି, ମାଛ/ମାଂସ ବ୍ୟବସାୟୀ ମାନଙ୍କୁ ନେଇ କରୋନା ର ଦ୍ଵିତୀୟ ଲହର ର ଭୟବହାତା ବିଷରେ ବୁଝାଇ ସରକାରଙ୍କ ପଞ୍ଚସୁତ୍ରୀ ନିୟମ ମାନି ପ୍ରତ୍ୟକ ବ୍ୟବସାୟୀ ୧୦ଫୁଟ ବ୍ୟବଧାନ ରେ ବସି ବ୍ୟବସାୟ କରିବେ, କେହିବି ରାସ୍ତାକଡ଼ରେ ବସିବେ ନାହିଁ, ହୋଟେଲ ରେ କେବଳ ପାର୍ଶାଲ ଦେବେ, ଉଠାଦୋକାନୀ/ଠେଲାଗାଡି ହୋଟେଲ ସମ୍ପୂର୍ଣ ବନ୍ଦ, ଯଦି କେହି ବି ଏହାକୁ ନ ମାନେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ତହସିଲଦାର ଚେତାଇ ଦେଇଛନ୍ତି। ଏହାକୁ ନେଇ କୋଦଳା ଏନଏସି ମଧ୍ଯ ତତ୍ପରତା ଦେଖାଇଛି । ବାରମ୍ବାର ଡାକବାଜି ଯନ୍ତ୍ରଦ୍ୱାରା ଲୋକଙ୍କୁ ସଚେତନ କରୁଥିବା ବେଳେ ଆସ୍ଥାୟୀ ବ୍ୟବସାୟୀ ମାନଙ୍କ ପାଇଁ କୋଦଳା ରାଜସ୍ୱ ଡାକବଙ୍ଗଳା ପରିସର ରେ ଆସ୍ଥାୟୀ ବାଉଁଶ ବ୍ୟାରିକେଡ ବ୍ୟବସ୍ଥା କରାଯିବ ବୋଲି ଏନଏସି ନିର୍ବାହୀ ଅଧିକାରୀ ସୁଜିତ କୁମାର ଚୌଧୁରୀ ପ୍ରକାଶ କରିଛନ୍ତି। କୋଦଳା ପୋଲିସ ମଧ୍ୟ ସନ୍ଧ୍ୟା ରେ ପ୍ରତ୍ୟକ ଛକ ମାନଙ୍କ ରେ ପହରା ଦେଉଛନ୍ତି। କିଛି ଅମାନିୟାଙ୍କ ଠାରୁ ଜୋରିମାନା ଆଦାୟ କରୁଥିବା ବେଳେ କେତେକଙ୍କୁ ତାଗିଦ କରି ଛାଡୁଥିବା ଦେଖିବାକୁ ମିଳିଛି ।
!!! ଗଞ୍ଜାମ ରୁ ଜିଲ୍ଲା ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ !!!
ଏଥର ସମ୍ଭାଳ (ବ୍ରହ୍ମପୁର)- ବୁଗୁଡ଼ା ବ୍ଲକ୍ ର ୫ ଟି ବଡ଼ ଗାଁ ର ଲୋକ ପାଣି କଷ୍ଟରେ ସଢ଼ୁଛନ୍ତି। ପିଇବା ପାଣି ଯୋଗାଣ ପାଇଁ ସରକାର ବିଭିନ୍ନ ଯୋଜନା କରିଥିଲେ ମଧ୍ୟ ଏହି ୫ ଟି ଗାଁରୁ ଦୂରରେ ରହିଛି ଯୋଜନା। ମୁଖ୍ୟତଃ ଗୋଲିଆ ଗ୍ରା.ପ ର ଗୋଲିଆ ଗ୍ରାମ ସଦର ମହକୁମା ହୋଇଥିବା ବେଳେ ଦୀର୍ଘଦିନରୁ ଏଠାରେ ଜଳ ଲାଗିରହିଛି। ଗୋଲିଆ ଏକ ବଡ଼ ଗ୍ରାମ ଓ ବାଘୁଆ ନଦୀ ଠାରେ ଅନତି ଦୂରରେ ରହିଛି। ଏହି ପଞ୍ଚାୟତରୁ ବାଦୁଆରେ ମଧ୍ୟ ଲାଗିରହିଛି ଜଳ କଷ୍ଟ। ଏଠାରେ ଓଭର୍ ହେଡ୍ ଟ୍ୟାଙ୍କ ନିର୍ମାଣ କରି ଲୋକଙ୍କୁ ପାଣି ଯୋଗାଇବା ବିଳମ୍ବ ହେଉଥିବା ଲୋକଙ୍କ ପାଇଁ ବଡ଼ ସମସ୍ୟା ରୂପେ ଉଭା ଦେଇଛି। ଅନୁରୂପ ବିଳମ୍ବ ପଞ୍ଚାୟତର ଡେଙ୍ଗାପଦର୍ ଏକ ବଡ଼ ଗ୍ରାମ ହୋଇଥିଲେ ମଧ୍ୟ ଓଭର୍ ହେଡ୍ ଟ୍ୟାଙ୍କ ଏଯାବତ୍ ନିର୍ମାଣ ହୋଇପାରିନଥିବାରୁ ଲୋକେ ଖରା ଦିନରେ ନାହିଁ ନଥିବା ହଟହଟା ଭୋଗୁଛନ୍ତି ପାଣି ମୁନ୍ଦେ ପାଇଁ। ପାଙ୍ଗିଡି ପଞ୍ଚାୟତର ଟିକରପଡାରେ ଜଳ ଯୋଗାଣ ବ୍ୟବସ୍ଥା ହୋଇନଥିବା ଗ୍ରାମବାସୀଙ୍କର ଏକ ମୁଖ୍ୟ ଅସୁବିଧା ରୂପେ ଦେଖାଦେଇଛି। ସେଭଳି ଖୋଳଖାଳି ପଞ୍ଚାୟତର ତାଳସାକର ଏକ ମୁଖ୍ୟ ଓ ବଡ଼ ଗାଁ ହୋଇଥିଲେ ସୁଦ୍ଧା ଓଭର୍ ହେଡ୍ ଟାଙ୍କ ନିର୍ମାଣ କରାଯାଇନଥିବାରୁ ପାନୀୟ ଜଳ ପାଇଁ ଲୋକେ ଘୋର ସମସ୍ୟାର ସମ୍ମୁଖୀନ ହେଉଛନ୍ତି। ବୁଗୁଡ଼ା ବ୍ଲକ୍ ର ଅନ୍ୟାନ୍ୟ ପଞ୍ଚାୟତର ଗ୍ରାମ ଗୁଡିକରେ ଓଭର୍ ହେଡ୍ ଟ୍ୟାଙ୍କ କେତେକ ଗ୍ରାମରେ ନିର୍ମାଣ ଶେଷ ହୋଇ ଜଳ ଯୋଗାଣ ରତିମତ ଚାଲିଥିବା ବେଳେ, କେତେକ ଗ୍ରାମରେ ନିର୍ମାଣ କାର୍ଯ୍ୟ ଅବ୍ୟାହତ ରହିଛି ଓ ଆଉ କେତେକ ଗ୍ରାମରେ ନିର୍ମାଣ ପାଇଁ ଟ୍ରେଣ୍ଡର ସରିଛି। କିନ୍ତୁ ଉକ୍ତ ପାଞ୍ଚଟି ଗ୍ରାମର ପାନୀୟ ଜଳ ସମସ୍ୟା ଦୂର ହୋଇପାରିନଥିବା ବୁଗୁଡ଼ା ବ୍ଲକ୍ ର ଜଳ ଯୋଗାଣର ବିଫଳତାକୁ ଅଙ୍ଗୁଳି ନିର୍ଦ୍ଦେଶ କରୁଛି।
!!! ଗଞ୍ଜାମ ରୁ ଜିଲ୍ଲା ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ !!!
ଏଥର ସମ୍ଭାଳ (ବ୍ରହ୍ମପୁର)- ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ଏପ୍ରିଲ ୨୬ ତାରିଖ ଦିନ ଭଞ୍ଜନଗର ରାଜସ୍ବ ଉପଖଣ୍ଡର ବିଭିନ୍ନ ପାଞ୍ଚାୟତ ସମିତିକୁ ଗସ୍ତ କାର୍ଯ୍ୟକ୍ରମରେ ଆସିଥିବା ବେଳେ ବୁଗୁଡା ପାଞ୍ଚାୟତ ସମିତିରେ ଅପରାହ୍ନ ଗୋଟାଏ ସମୟରେ ପହଞ୍ଚି ପ୍ରଶାସନିକ ଅଧିକାରୀ ଓ ପାଞ୍ଚାୟତ ରାଜ ପ୍ରତିନିଧି ମାନଙ୍କ ସହ ଆଲୋଚନା କରିଥିଲେ। ବିଶେଷ ଭାବେ ଲୋକ ପତିନିଧି ମାନଙ୍କ ସହ ପାନୀୟ ଜଳ ସମସ୍ୟା ନେଇ ଆଲୋଚନା କରିବା ସହ ସରପଞ୍ଚମାନଙ୍କୁ କୋଭିଡ଼ି ନିୟନ୍ତ୍ରଣ ପଦକ୍ଷେପ ବିଷୟ ନେଇ ଆଲୋଚନା କରିଥିଲେ। ଗୋଲିଆ ଆଦର୍ଶ ବିଦ୍ୟାଳୟରେ ୧୦୦ ଶଯ୍ୟା ବିଶିଷ୍ଟ କୋଭିଡ କେନ୍ଦ୍ରରେ ୩୦ ଟି ଅମ୍ଳଜାନ ସିଲିଣ୍ଡର ଗଚ୍ଛିତ ରଖିବାକୁ ପରାମର୍ଶ ଦେଇଥିଲେ। ଏନଏସି ଜନସ୍ବାସ୍ଥ୍ୟ ବିଭାଗ କନିଷ୍ଠ ଯନ୍ତ୍ରୀଙ୍କୁ ବୁଗୁଡ଼ାରେ ରହି ପାନୀୟ ଜଳଯୋଗାଣ ବିଷୟରେ ତୁରନ୍ତ ପଦକ୍ଷେପ ନେବାକୁ ନିର୍ଦ୍ଦଶ ଦେଇଥିଲେ। ଅନ୍ୟ ବିଷୟ ଆଲୋଚନା ମଧ୍ୟରେ ବ୍ୟାଙ୍କ ଗୁଡିକ ବିଭିନ୍ନ ଋଣ ପ୍ରଦାନ କରିବାକୁ ପରାମର୍ଶ ଦେବା ସହ ମନୋରଗା କାର୍ଯ୍ୟ ଉପରେ ଗୁରୁତ୍ୱ ପ୍ରଦାନ ପାଇଁ ପରାମର୍ଶ ଦେଇଥିଲେ। ବୈଠକରେ ଭଞ୍ଜନଗର ଉପଜିଲ୍ଲାପାଳ ରାଜେନ୍ଦ୍ର କୁମାର ମିଞ୍ଜ, ବୁଗୁଡା ବିଡ଼ିଓ ତନ୍ମୟ ପାତ୍ର, ତହସିଲଦାର ସଂଗ୍ରାମ କେଶରୀ ଜେନା, ଗୋଷ୍ଠୀ ସ୍ୱାସ୍ଥ୍ୟ ଅଧିକାରୀ ଡାକ୍ତର ଶୁଭାଶିଷ ପାଣିଗ୍ରାହୀ, ଏନଏସି କାର୍ଯ୍ୟନିର୍ବାହୀ ଅଧିକାରୀ ରଶ୍ମିରଞ୍ଜନ ଦାଶ, ବୁଗୁଡା ଥାନା ଆରକ୍ଷୀ ନିରୀକ୍ଷକ ଚିତ୍ତରଞ୍ଜନ ବେହେରା, ସିଡିପିଓ ରଞ୍ଜିତା ତ୍ରିପାଠୀ ପ୍ରମୁଖଙ୍କ ସମେତ ବିଭିନ୍ନ ବ୍ୟାଙ୍କ ଶାଖା ପରିଚାଳକ, ଗ୍ରାମ୍ୟ ଜଳ ଯୋଗାଣ ବିଭାଗ କର୍ମଚାରୀ , ଜନସ୍ବାସ୍ଥ୍ୟ ବିଭାଗ କର୍ମଚାରୀ ଙ୍କ ସମେତ ଅନ୍ୟାନ୍ୟ ବିଭାଗୀୟ କର୍ମଚାରୀ ଏବଂ ବିଭିନ୍ନ ପାଞ୍ଚାୟତର ସରପଞ୍ଚ ଓ ସମିତି ସଭ୍ୟ ସଭ୍ୟା ବୃନ୍ଦ ଯୋଗଦେଇଥିଲେ।
!!! ପ୍ରବଚକ.ଜଗଦୀଶ ପ୍ରସାଦ !!!
ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ହିନ୍ଦୁ ଶାସ୍ତ୍ର ଅନୁସାରେ, ମହାପ୍ରଭୁ ଶ୍ରୀଗଣେଶ ହେଉଛି ଦେବତାଙ୍କ ମଧ୍ୟରେ ଅଗ୍ରପୂଜ୍ୟ। ଘରେ ଶ୍ରୀଗଣେଶଙ୍କ ମୂର୍ତ୍ତି କିମ୍ୱା ଫଟୋ ରହିଲେ, ଶୁଭ ଫଳ ମିଳିଥାଏ। ତେବେ ଘରେ ଶ୍ରୀଗଣେଶଙ୍କ ମୂର୍ତ୍ତି ରଖିବାବେଳେ ଆମେ କିଛିଟା ଭୁଲ୍ କରିଥାଉ, ଯାହାଦ୍ୱାରା ନକାରାତ୍ମକ ଫଳ ମିଳିଥାଏ। ତେଣୁ ଘରେ ଶ୍ରୀଗଣେଶଙ୍କ ମୂର୍ତ୍ତି ରଖିବା ପୂର୍ବରୁ ନିମ୍ନଲିଖିତ କଥାଗୁଡ଼ିକୁ ଧ୍ୟାନ ଦିଅନ୍ତୁ, ନିଶ୍ଚୟ ଶୁଭଫଳ ପ୍ରାପ୍ତି ହେବ।
୧- ଠାକୁର ଘରେ ଶ୍ରୀଗଣେଶଙ୍କର କେବଳ ଗୋଟିଏ ମୂର୍ତ୍ତି ରଖନ୍ତୁ। ଏକରୁ ଅଧିକ ଗଣେଶ ମୂର୍ତ୍ତି ରଖିଲେ, ତାଙ୍କ ପତ୍ନୀ ରିଦ୍ଧି-ସିଦ୍ଧି ରାଗି ଯା’ନ୍ତି ବୋଲି କୁହାଯାଏ।
୨- ଯେଉଁ ଗଣେଶ ମୂର୍ତ୍ତିଙ୍କ ଶୁଣ୍ଢ ବାମ ପାର୍ଶ୍ୱକୁ ଢଳି ରହିଥିବ, ସେହି ମୂର୍ତ୍ତିକୁ ହିଁ ଘରେ ରଖନ୍ତୁ।
୩- ଘରେ ଶ୍ରୀଗଣେଶଙ୍କ ମୂର୍ତ୍ତି ସ୍ଥାପନା କରିବାକୁ ଚାହୁଁଥିଲେ, ବସିଥିବା ମୁଦ୍ରାର ମୂର୍ତ୍ତିକୁ ହିଁ ରଖନ୍ତୁ। ତେବେ ଅଫିସ୍ରେ ଶ୍ରୀଗଣେଶଙ୍କ ଠିଆ ହୋଇଥିବା ମୂର୍ତ୍ତି ରଖିଲେ, ଶୁଭ ବୋଲି କୁହାଯାଏ।
୪- ଘରର ଦକ୍ଷିଣ ପାର୍ଶ୍ୱରେ କେବେହେଲେ ଶ୍ରୀଗଣେଶଙ୍କ ମୂର୍ତ୍ତି ରଖନ୍ତୁ ନାହିଁ। ସେହିପରି ସିଡ଼ି ଅବା ଶୋଇବା ଘରେ ଗଣେଶ ମୂର୍ତ୍ତି ରଖନ୍ତୁ ନାହିଁ। ଏହାଦ୍ୱାରା ଧନକ୍ଷୟ ହୋଇଥାଏ ବୋଲି କୁହାଯାଏ।
୫- ବାସ୍ତୁ ଅନୁସାରେ ଯଦି ଆପଣଙ୍କ ଘରର ମୁଖ୍ୟ ଦ୍ୱାର, ଦକ୍ଷିଣ କିମ୍ୱା ଉତ୍ତର ପାର୍ଶ୍ୱରେ ରହିଥାଏ, ତା’ହେଲେ ମୁଖ୍ୟ ଦ୍ୱାରରେ ଗଣେଶଙ୍କ ମୂର୍ତ୍ତି ରଖନ୍ତୁ କିମ୍ୱା ଫଟୋ ଲଗାନ୍ତୁ।
୬- କିଛି ଲୋକ, ଝିଅ ବିବାହ କରି ଶାଶୂ ଘରକୁ ଯିବା ସମୟରେ ଠାକୁରଙ୍କ ମୂର୍ତ୍ତି ଉପହାରରେ ଦେଇଥା’ନ୍ତି। ଜ୍ୟୋତିଷଙ୍କ ମତରେ, ଏହି ସମୟରେ ଝିଅକୁ ଶ୍ରୀଗଣେଶଙ୍କ ମୂର୍ତ୍ତି ଦେବା ଉଚିତ୍ ନୁହେଁ, ଏହାଦ୍ୱାରା ଝିଅର ବାପଘରେ ଆର୍ଥିକ ସଙ୍କଟ ଦେଖା ଦେଇଥାଏ।
ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର)
ମେଷ: ଦିନଟି ଭଲରେ କଟିବ। ଅଟକି ରହିଥିବା କାର୍ଯ୍ୟ ସଂପନ୍ନ ହେବ। ମାନସମ୍ମାନ ମିଳିବ। ଆର୍ଥିକ ସ୍ଥିତି ଭଲ ରହିବ।
ବୃଷ: ପରିବାରରେ ହସଖୁସିର ବାତାବରଣ ରହିବ। ଧନପ୍ରାପ୍ତି ଯୋଗ ରହିଛି। ଦୂରସ୍ଥାନକୁ ଯାତ୍ରା କରିପାରନ୍ତି।
କର୍କଟ: ଦୂର ସ୍ଥାନକୁ ଯାତ୍ରା କରିପାରନ୍ତି। ନକାରାତ୍ମକ ଚିନ୍ତାରୁ ଦୂରେଇ ରୁହନ୍ତୁ। ଅସୁସ୍ଥ ଅନୁଭବ କରିବେ। ସ୍ୱାସ୍ଥ୍ୟର ଯତ୍ନ ନିଅନ୍ତୁ।
ସିଂହ: ସ୍ୱାସ୍ଥ୍ୟର ଯତ୍ନ ନିଅନ୍ତୁ। ପିଲାଙ୍କୁ ନେଇ ଚିନ୍ତିତ ରହିବେ। ବାଦବିବାଦ ଠାରୁ ଦୂରେଇ ରୁହନ୍ତୁ।
କନ୍ୟା: ଦିନଟି ଭଲରେ କଟିବ। ସୁସ୍ଥ ରହିବେ। ପରିବାର ଲୋକଙ୍କ ସହ ଖୁସିରେ ସମୟ ବିତାଇବେ। ଉପହାର ମିଳିବ।
ତୁଳା: କୌଣସି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଅନ୍ତୁ ନାହିଁ। କଥା ଉପରେ ନିୟନ୍ତ୍ରଣ ରଖନ୍ତୁ। ଖର୍ଚ୍ଚ ବଢ଼ିବ।
ବିଚ୍ଛା:ବୁଝିବିଚାରି କାର୍ଯ୍ୟ କରନ୍ତୁ। ମାନସମ୍ମାନ ମିଳିବ। ଆର୍ଥିକ ସ୍ଥିତି ଭଲ ରହିବ।
ଧନୁ: ଅଧିକ ପରିଶ୍ରମ କରିବାକୁ ପଡ଼ିପାରେ। ବନ୍ଧୁଙ୍କ ସହ ମତାନ୍ତର ହୋଇପାରେ। ଶୁଭ ଖବର ଶୁଣି ପାରନ୍ତି।
ମକର: ଦିନଟି ଭଲରେ କଟିବ ।ବ୍ୟବସାୟରେ ଭଲ ଲାଭ ମିଳିବ। ପ୍ରିୟବନ୍ଧୁଙ୍କ ସହ ସାକ୍ଷାତ କରିପାରନ୍ତି।
କୁମ୍ଭ: ବ୍ୟସ୍ତତା ଭିତରେ ଦିନ କଟିବ। କାର୍ଯ୍ୟ କ୍ଷେତ୍ରରେ ପ୍ରଶଂସିତ ହେବେ।
ମୀନ: ଚିନ୍ତିତ ରହିବେ। ବାଦବିବାଦ ଠାରୁ ଦୂରେଇ ରୁହନ୍ତୁ। ଅଳସୁଆ ଅନୁଭବ କରିବେ।
!!! ରାୟଗଡା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟଜୋଷୀ !!!
ଏଥର ସମ୍ଭାଳ (ଗୁଣପୁର) – ରାୟଗଡ ଜିଲ୍ଲା ଗୁଣପୁର ସହର ରେ ଗତ ତା ୨୦/୦୪/୨୦୨୧ ରିଖ ଦିନ ଗୁଣପୁର ଥାନା ଅଧିକାରୀ , ତହସିଲଦାର , ପୌର ଅଧିକାରୀ ମିଳିତ ଭାବେ ସଚେତନତା କରିବାକୁ ଯାଇ ପ୍ରତି ଅଟୋ ରେ ମୋଟ ୨ ଜଣ ଯାତ୍ରୀ ଙ୍କୁ ବସେଇ ବା ନିମନ୍ତେ ନିର୍ଦ୍ଧେଶ ଦେଇଥିଲେ । ଏହାକୁ ବିରୋଧ କରି ଗତ ତା ୨୦/୦୪/୨୦୨୧ ରିଖ ଦିନ ଠାରୁ ଆଜି ପର୍ଯ୍ୟନ୍ତ ଗୁଣପୁର ଅଟୋ ଚାଳକ ସଂଘ ପକ୍ଷରୁ ଅଟୋ ଚଳାଚଳ ବନ୍ଦ କରି ପ୍ରତିବାଦ କରିଥିଲେ । ପ୍ରତ୍ୟେକ ଅଟୋ ରେ ୨ ଜଣ ପାସେଞ୍ଜର ଙ୍କୁ ନେଇ ଯାତାୟତ କରିଲେ ଅତ୍ୟଧିକ ତୈଳଦର , ଗାଡି ର କରଜ ଟଙ୍କା , ପରିବହନ ବିଭାଗ ଫିଟ୍ନେସ୍ , ଟ୍ୟାକ୍ସ ଓ ଈଂସୁରାନ୍ସ ଦେୟ , ପରିବାର ଭରଣପୋଷଣ ଇତ୍ୟାଦି ଖର୍ଚ୍ଚ କୁ ବହନ କରିବା କଷ୍ଟକର ହୋଇ ପଡିବ ବୋଲି ସଂଘ ପକ୍ଷରୁ କୁହାଯାଇଛି ଏବଂ ଅଟୋ ଚାଳକ ସଂଘ ଭଡ଼ାବୃଦ୍ଧି କରିଲେ ଜନସାଧାରଣ ପ୍ରତିବାଦ କରିବା ସହ ସେଥି ପାଇଁ ଉପୁଜିବା ଜନଅସନ୍ତୋଷ କୁ ଦୂରେଇ ଦିଆଯାଇ ନପାରେ ବୋଲି ସଂଘ ପକ୍ଷରୁ ମତ ପ୍ରକାଶ କରାଯାଇଛି ।
ପ୍ରତ୍ୟେକ ଅଟୋ ରେ ୪ ଜଣ ପାସେଞ୍ଜର ଙ୍କୁ ନେଇ ଗାଡି ଚଳାଚଳ କରିବା ପାଇଁ ଅନୁମତି ଦେବା ନିମନ୍ତେ ଆଜି ଅଟୋ ଚାଳକ ସଂଘ ପକ୍ଷରୁ ସଂଘ ର ସଭାପତି ଶ୍ରୀ ବି ମୁରଲୀ ରାଓ ଓ ସମ୍ପାଦକ ଶ୍ରୀ ଅଜିତ୍ ଶ୍ରୀରାମ ଙ୍କ ସହ ସଂଘ ର ପଞ୍ଜିକୃତ ୩୦୦ ରୁ ଉର୍ଦ୍ଧ କର୍ମକର୍ତ୍ତା ଅଟୋ ରାଲି ରେ ଯାଇ ଆଜି ଉପ ଜିଲ୍ଲାପାଳ ଶ୍ରୀ ସୋନାଲ୍ ଜେନା ଙ୍କୁ ଦାବୀ ପତ୍ର ମାଧ୍ୟମରେ ଅନୁରୋଧ କରିଛନ୍ତି । କୋଭିଡ୍ ଲକଡାଉନ ର ପ୍ରଥମ ପର୍ଯ୍ୟାୟରେ ଅନ୍ୟ ସମସ୍ତ ରାଜ୍ୟ ର ରାଜ୍ୟ ସରକାର ଙ୍କ ତରଫ ରୁ ଅଟୋ ଚାଳକ ମାନଙ୍କୁ ଅନୁଦାନ ଓ ଅନୁକମ୍ପା ପ୍ରଦାନ କରାଯାଇଥିବା ବେଳେ ଓଡିଶା ସରକାର ଙ୍କ ପକ୍ଷରୁ କୌଣସି ଅନୁଦାନ କିମ୍ବା ଅନୁକମ୍ପା ରାଶି ପ୍ରଦାନ କରାଯାଇ ନଥିବା ନେଇ କ୍ଷୋଭ ପ୍ରକାଶ କରିବା ସହ ସେମାନଙ୍କ ଦୁଃଖ ବୁଝି ସରକାର କିଛି ସୁବିଧା ସୁଯୋଗ ଯୋଗାଇ ଦେବାକୁ ସଂଘ ର ସଭାପତି ଅନୁରୋଧ କରିଛନ୍ତି ।
!!! ପ୍ରବଚକ.ଜଗଦୀଶ ପ୍ରସାଦ !!!
ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ଧନତେରାସରେ ଭଗବାନ ଧନ୍ୱନ୍ତରୀ, ମା’ ଲକ୍ଷ୍ମୀ ଏବଂ କୁବେରଙ୍କର ପୂଜାର୍ଚ୍ଚନା କରାଯାଏ। ଦୀପାବଳିର ଠିକ୍ ଦିନକ ପୂର୍ବରୁ ଏହି ପୂଜାର୍ଚ୍ଚନା କରାଯାଏ। ଚଳିତବର୍ଷ ନଭେମ୍ବର ୧୩ ତାରିଖରେ ଅର୍ଥାତ୍ ଶୁକ୍ରବାର ଦିନ ଧନତେରାସ ପଡ଼ିବ। ଆଉ ଧନତେରାସରୁ ହିଁ ଦୀପାବଳି ପର୍ବ ସାଧାରଣତଃ ଆରମ୍ଭ ହୋଇଥାଏ। ଧନତେରାସରେ ଲୋକମାନେ ସେମାନଙ୍କର ସମୃଦ୍ଧି ପାଇଁ ଭଗବାନଙ୍କ ନିକଟରେ ଉପାସନା କରନ୍ତି। ହିନ୍ଦୁ ଶାସ୍ତ୍ରରେ କୁହାଯାଇଛି ଯେ ସମୁଦ୍ର ମନ୍ଥନ ସମୟରେ ଭଗବାନ ଧନ୍ୱନ୍ତରୀ ଅମୃତ କଳସ ସହ ପ୍ରକଟ ହୋଇଥିଲେ। ଧନତେରାସ ଦିନ ସୁନା, ରୁପା ଆଦି ମୂଲ୍ୟବାନ ଧାତୁ କିଣିବାର ଏକ ପ୍ରାଚୀନ ପରମ୍ପରା ରହିଛି। ଭାରତର ଗ୍ରାମାଞ୍ଚଳରେ ଅନେକ ଲୋକ ଏହି ଦିନ ଷ୍ଟିଲରେ ତିଆରି ବାସନ କିଣନ୍ତି, ଏହା ବ୍ୟତୀତ ଧନତେରାସରେ ଝାଡ଼ୁ କିଣିବା ମଧ୍ୟ ଶୁଭ ବୋଲି ବିବେଚନା କରାଯାଏ। କୁହାଯାଏ ଧନତେରାସରେ ଝାଡ଼ୁ କିଣିବା ଦ୍ୱାରା ମା’ ଲକ୍ଷ୍ମୀ ଘରେ ରୁହନ୍ତି ଏବଂ ଆର୍ଥିକ ପ୍ରତିବନ୍ଧକରୁ ମୁକ୍ତି ଦିଅନ୍ତି। ଆହୁରି ମଧ୍ୟ କୁହାଯାଏ ଯେ ଝାଡ଼ୁ କିଣିବା ପରେ ସେହି ଝାଡ଼ୁରେ ଗୋଟିଏ ଧଳା ସୂତା ବାନ୍ଧି ଦେଲେ ମା’ ଲକ୍ଷ୍ମୀଙ୍କ ଆଶୀର୍ବାଦ ସେହି ଘରେ ସର୍ବଦା ରହିଥାଏ। ଧାର୍ମିକ ବିଶ୍ୱାସ ଅନୁଯାୟୀ, ଝାଡ଼ୁ ହେଉଛି ମା’ ଲକ୍ଷ୍ମୀଙ୍କ ପ୍ରତୀକ। ଧନତେରାସ ଦିନ ଘରେ ଝାଡୁ କିଣାଯାଏ ଏବଂ ତାକୁ ଶୋଇବା ଭଳି ରଖାଯାଏ। କାନ୍ଥକୁ ଲଗାଇ ଛିଡ଼ା କରିବା ଠିକ୍ ନୁହେଁ ବୋଲି କୁହାଯାଏ। ଆଉ ଏହି ଝାଡ଼ୁକୁ ଲୁଚେଇ ରଖିବା ସହ ଯେମିତି କାହାର ନଜର ନ ଲାଗିବ, ତାକୁ ଗୁରୁତ୍ୱ ଦିଆଯାଏ। ଝାଡୁରେ ଗୋଡ଼ ବାଜିବା ବି ଠିକ୍ ନୁହେଁ। ଏହାଦ୍ୱାରା ମା’ ଲକ୍ଷ୍ମୀଙ୍କୁ ଅସମ୍ମାନ ହୁଏ ବୋଲି ବିଶ୍ୱାସ ରହିଛି।
!!! ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) !!!
ମେଷ: କୌଣସି ମହତ୍ୱପୂର୍ଣ୍ଣ ବ୍ୟକ୍ତିଙ୍କ ସହିତ ଭେଟ ହୋଇ ଶୁଭସୂଚନା ପାଇବେ। ବ୍ୟବସାୟରେ ଉନ୍ନତି ହେବା ଫଳରେ ମନ ଖୁସି ରହିବେ । ପରିବାରର ଉନ୍ନତି ପାଇଁ ପ୍ରୟାସରତ ହେବେ। ପ୍ରତିକାର- ମାଆ-ବାପା, ଗୁରୁଜନଙ୍କୁ ପ୍ରଣାମ କରନ୍ତୁ।
ବୃଷ: ସହକର୍ମୀମାନଙ୍କର ସାହାଯ୍ୟ ସହଯୋଗ ମିଳିବ । ପାରିବାରିକ ପରିସ୍ଥିତି ଯେତେ ଜଟିଳ ଥିଲେ ମଧ୍ୟ ସମାଧାନ କରି ପ୍ରଶଂସିତ ହେବେ। ସତର୍କତା ଅବଲମ୍ବନ ନକଲେ କୌଣସି ଭୁଲ୍ କାମରେ ଫଶି ଯାଇପାରନ୍ତି। ପ୍ରତିକାର- କୁକୁରକୁ କିଛି ଖାଇବାକୁ ଦିଅନ୍ତୁ।
ମିଥୁନ: ଛାତ୍ରଛାତ୍ରୀମାନଙ୍କୁ ତାଙ୍କ ପରିଶ୍ରମର ଫଳ ମିଳିବ। ପତି ପତ୍ନୀଙ୍କ ମଧ୍ୟରେ ବୁଝାମଣା ଭଲ ରହିବ ଓ ଦାମ୍ପତ୍ୟ ଜୀବନରେ ସୁଖ ଶାନ୍ତି ଅନୁଭବ କରିବେ। ଯାନବାହାନ ସମ୍ବନ୍ଧୀୟ ସମସ୍ୟା ଦେଖାଦେଇପାରେ। ପ୍ରତିକାର- ଗୋମାତାକୁ କିଛି ଖାଇବାକୁ ଦିଅନ୍ତୁ।
କର୍କଟ: ସମସ୍ତ କ୍ଷେତ୍ରରେ ଖୁସି ମିଳିବ। ଆର୍ଥିକସ୍ଥିତି ଆବଶ୍ୟକଠାରୁ ଅଧିକ ବିସ୍ତାରିତ ହେବା ଫଳରେ ନୂତନ ବ୍ୟବସାୟ ଆରମ୍ଭ କରି ପାରନ୍ତି। ଯାନ, ବାହନ, ଜାଗା, ଜମି, ଗୃହପୋକରଣ ଆଦି କିଣିବା ସୁଯୋଗ ରହିଛି। ପ୍ରତିକାର- ଶ୍ୱେତଚନ୍ଦନରେ କର୍ପୂର ମିଶାଇ ମସ୍ତକରେ ଲଗାନ୍ତୁ।
ସିଂହ: ସାମାଜିକ ସ୍ତରରେ ମାନ ସମ୍ମାନ ବୃଦ୍ଧି ହେବା ସହ ସୁନାମ ଅର୍ଜନ କରିବେ। ଆକସ୍ମିକ ଧନ ପ୍ରାପ୍ତି ହୋଇ ଆର୍ଥିକ କ୍ଷେତ୍ରରେ ପରିବର୍ତ୍ତନ ଆସିବ। ସନ୍ତାନଙ୍କ ସମ୍ବନ୍ଧିତ ଶୁଭ ଖବର ପାଇ ପାରିବାରିକ ଜୀବନ ଆନନ୍ଦମୟ ହେବ। ପ୍ରତିକାର- ଦହି ଚିନି ଖାଇ ଘରୁ ବାହାରନ୍ତୁ।
କନ୍ୟା: ସଭାସମିତି, ସାହିତ୍ୟ ଓ କଳାକ୍ଷେତ୍ରରେ ସମ୍ମାନ ପାଇବେ। ଗଠନମୂଳକ ପ୍ରସ୍ତାବ ନେଇ ପ୍ରଶଂସିତ ହେବେ। ମାନସିକ ଦୁଶ୍ଚିନ୍ତା ଓ ଶତ୍ରୁ ବାଧା ଦୂରେଇ ଯାଇପାରେ। ପ୍ରତିକାର-ମାଦକଦ୍ରବ୍ୟ ଠାରୁ ଦୂରେଇ ରୁହନ୍ତୁ।
ତୁଳା: ସାହିତ୍ୟ, କଳା, ଚଳଚ୍ଚିତ୍ର ଓ ସଂଗୀତାଦି କ୍ଷେତ୍ରରେ ସମସ୍ୟା ସମାଧାନ ହୋଇଯିବ। ପ୍ରତଦ୍ୱନ୍ଦିତା ପରୀକ୍ଷାରେ ବିଜୟୀ ହୋଇପାରନ୍ତି। ହାତକୁ ନେଇଥିବା କାର୍ଯ୍ୟ ପାଇଁ କଠିନ ପରିଶ୍ରମ କରିବାକୁ ପଡିପାରେ। ପ୍ରତିକାର- କୁଆ ପାରାଙ୍କୁ ଚାଉଳ ଖାଇବାକୁ ଦିଅନ୍ତୁ।
ବିଚ୍ଛା: ଶୁଭକାମ କରି ପ୍ରଶଂସିତ ହେବେ। ପୁରାତନ ରୋଗର ଉପସମ ହେବା ସହ ବକେୟା ଅର୍ଥ କିଛି ଆଦାୟ ହେବ। ଜାଗା, ଜମି, ବାହନ ଆଦି କିଣିବା ସୁଯୋଗ ରହିଛି। ପ୍ରତିକାର- ଆମିଷ ସେବନ କରନ୍ତୁ ନାହିଁ।
ଧନୁ: ଶାରିରୀକ ସୁସ୍ଥତା ସହ ମାନସିକ ଶାନ୍ତି ମିଳିବ। ଦୂର ଯାତ୍ରାର ସୁଯୋଗ ପାଇ ପାରନ୍ତି। ଉଚ୍ଚାଧିକାରୀ, ସହକର୍ମୀ ବା କୌଣସି ବିଶିଷ୍ଟ ବ୍ୟକ୍ତିଙ୍କର ସହଯୋଗ ପାଇ ମନୋବଳକୁ ବଢ଼ିବ। ପ୍ରତିକାର- ହଳଦି ରଙ୍ଗର ବସ୍ତ୍ର ପରିଧାନ କରନ୍ତୁ।
ମକର: ଶତ୍ରୁମାନେ ଦୁର୍ବଳ ହେବେ ଓ ଆୟର ପନ୍ଥା ସହଜ ହେବ। କର୍ମକ୍ଷେତ୍ରରେ କ୍ଷମତା ଓ ଶକ୍ତି ବଳରେ ନିଜର ସମୟ ଅତିବାହିତ କରିବେ। ବ୍ୟବସାୟ କ୍ଷେତ୍ରରେ କଠିନ ପରିଶ୍ରମ ଫଳରେ ଆଶାତୀତ ଲାଭ ପାଇପାରନ୍ତି। ପ୍ରତିକାର- ମାଆ-ବାପା, ଗୁରୁଙ୍କୁ ପ୍ରଣାମ କରନ୍ତୁ।
କୁମ୍ଭ: ସହଯୋଗୀମାନଙ୍କ ସହ ସୁ-ସମ୍ପର୍କ ସ୍ଥାପନ କରି ପୂର୍ଣ୍ଣ ସହଯୋଗ ପାଇବେ। ଅଧିକ ପରିଶ୍ରମ କରି ଅତ୍ୟଧିକ ଲାଭ ପାଇପାରନ୍ତି। ଦାମ୍ପତ୍ୟ ସମସ୍ୟା ବୁଝାମଣା ମଧ୍ୟରେ ସମାଧାନ କରି ପାରିବେ। ପ୍ରତିକାର- ଗୋମାତାକୁ କିଛି ଖାଇବାକୁ ଦିଅନ୍ତୁ।
ମୀନ: ବ୍ୟବସାୟ କ୍ଷେତ୍ରରେ ଅନେକ ପ୍ରକାର ସୁବିଧା ପାଇ ଲାଭବାନ ହେବେ। ଉଚ୍ଚପଦାଧିକାରୀଙ୍କ ଠାରୁ ସାହାଯ୍ୟ ସହଯୋଗ ପାଇ କର୍ମକ୍ଷେତ୍ରରେ ରାଜକୀୟ ସମ୍ମାନ ମିଳିପାରେ। ନୂତନ କାମ କରିବାର ସୁଯୋଗ ପାଇପାରନ୍ତି। ପ୍ରତିକାର- ମିଶ୍ରି ଖାଇ ଘରୁ ବାହାରନ୍ତୁ
!!! ରାୟଗଡ଼ା ଜିଲ୍ଲା ଗୁଣପୁର ଉପଖଣ୍ଡ ରୁ ବାସନ୍ତୀ କୁମାରୀ ପାଟ୍ଟଯୋଶୀ ଙ୍କ ରିପୋର୍ଟ !!!
ଏଥର ସମ୍ଭାଳ (ଗୁଣପୁର) – ଗୁଣୁପୁର ସହରରେ ପ୍ରଶାସକ ପକ୍ଷରୁ ଘରେ ଘରେ ବୁଲି କୋରାନ ଆକ୍ରାନ୍ତଙ୍କୁ ଚିହ୍ନଟ କରିବା ପାଇଁ ସର୍ବେ କାମ ଜାରୀ ରହିଛି। ଏହି ସର୍ବେ କାର୍ଯ୍ୟକ୍ରମ ପାଇଁ ଶିକ୍ଷକ ମାନଙ୍କୁ ନିୟୋଜିତ କରିବା ସହ ଆଶା କର୍ମୀ, ଅଙ୍ଗନବାଡି କର୍ମୀ ଓ ସ୍ଵଚ୍ଛ ସାଥୀ କର୍ମୀ ମାନଙ୍କୁ ଦାୟିତ୍ଵ ଦିଆଯାଇଛି।
ଏହି ସର୍ବେ ଠିକ୍ ଭାବେ ଚାଲିଛି କି ନାହିଁ ତାହା ତଦାରଖ କରିବା ପାଇଁ ଖୋଦ୍ ଉପଜିଲ୍ଲାପାଳ ସୋନାଲ ଜେନା ଓ କାର୍ଯ୍ୟନିର୍ବାହୀ ଅଧିକାରୀ ଉମା ଦାଶ ସାହି ସାହି ବୁଲି ତଦାରଖ କରୁଥିବା ଦେଖିବାକୁ ମିଳିଛି । ମୁଖ୍ୟତଃ କୁମ୍ଭମେଳା ଫେରନ୍ତା ଓ ବାହାର ରାଜ୍ଯ ଫେରନ୍ତା ମାନଙ୍କୁ ଚିହ୍ନଟ କରି ପାଇଁ ଗୁରୁତ୍ଵ ଦିଆଯାଇଛି। ଏହି ସର୍ବେ ହେବା ଦ୍ଵାରା ଆକ୍ରାନ୍ତ ମାନଙ୍କୁ ସହଜରେ ଚିହ୍ନଟ କରାଯାଇ ପାରିବ ବୋଲି ଉପଜିଲ୍ଲାପାଳ ମତବ୍ୟକ୍ତ କରିଛନ୍ତି।
