ପାରଳାଖେମୁଣ୍ଡି ଠାରେ ନାଇଟ୍ କର୍ଫ୍ୟୁ ଜୋରଦାର୍ …!
!!! ଗଜପତି ଜିଲ୍ଲା ପାରଳାଖେମୁଣ୍ଡି ରୁ ଟାଉନ ପ୍ରତିନିଧି ଅନିତା କୁମାରୀ ଅଧିକାରୀ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ପାରଳାଖେମୁଣ୍ଡି) – କରୋନା ସଂକ୍ରମଣର ଦ୍ବିତୀୟ ଲହରିରେ ଦେଶେରେ ସଂକ୍ରମିତଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଉଥିବା ହେତୁ ରାଜ୍ୟ ପରିଚାଳନା ଓ ବିପର୍ଯ୍ୟୟ ବିଭାଗ ପକ୍ଷରୁ କୋଭିଡ ନିୟମକୁ କଡାକଡି ଭାବେ ପାଳନ କରିବା ନିମନ୍ତେ ସମସ୍ତ ଜିଲ୍ଲା ପ୍ରଶାସନ କୁ ନିର୍ଦ୍ଦେଶ ଦିଆଯାଇଛି ।ଏହି କ୍ରମରେ ରାତ୍ର ୯ଘଣ୍ଟା ସମୟରେ ପାରଳାଖେମୁଣ୍ଡି ପୋଲିସ ପକ୍ଷରୁ ନାଇଟ କର୍ଫ୍ୟୁ ଜନିତ ପେଟ୍ରୋଲିଂ ବ୍ୟବସ୍ଥାକୁ କଡାକଡି କରାଯାଇଛି ।ମୋଟା ମୋଟି ଭାବେ ପାରଳାଖେମୁଣ୍ଡି ଠାରେ ଆଜିର ନାଇଟ କର୍ଫ୍ୟୁ ବ୍ୟବସ୍ଥା ସମ୍ପୂର୍ଣ୍ଣ ସଫଳ ହୋଇଛି ।
ଯେଉଁ ମାନେ ଏହି ସମୟରେ ବାହାରକୁ ବାହାରୁଛନ୍ତି ସେମାନଙ୍କ ପରିଚିୟ ପତ୍ର ଏବଂ କାର୍ଯ୍ୟ କୁ ତଦାରଖ କରିବା ପରେ ଯିବାକୁ ଅନୁମତି ଦିଆଯାଉଛି। ପୌରାଞ୍ଚଳର ଛକ ସ୍ଥାନ ମାନଙ୍କରେ ସ୍ଥାନୀୟ ଥାନା ଭାରପ୍ରାପ୍ତ ଅଧିକାରୀ ଶ୍ରୀ ବିବେକାନନ୍ଦ ସ୍ଵାଇଁ ଙ୍କ ତତ୍ତ୍ଵାବଧାନ ରେ ପୋଲିସ ପଇଁତରା ଦେଇ ରାସ୍ତାରେ ଯାଉଥିବା ଯାତ୍ରୀଙ୍କୁ ଅଟକାଇ ସେମାନଙ୍କ କର୍ଫ୍ୟୁ ସମୟରେ ବାହାରକୁ ବାହାରିବା କାରଣ ପଚାରି ବୁଝୁଥିବା ଦେଖିବାକୁ ମିଳିଛି। ସ୍ଥାନୀୟ ପୋଲିସ ର ଏଭଳି କାର୍ଯ୍ୟକୁ ସାଧାରଣ ରେ ପ୍ରସଂଶା କରାଯାଇଛି।
