ନିର୍ବାଚନ କମିଶନ ନିରପେକ୍ଷ ରହିବା ଦରକାର ବୋଲି କହିଲେ ସୁପ୍ରିମକୋର୍ଟ..!

ଏଥର ସମ୍ଭାଳ ବ୍ୟୁରୋ(ନୂଆଦିଲ୍ଲୀ)- ଗଣତାନ୍ତ୍ରିକ ରାଷ୍ଟ୍ରରେ ନିର୍ବାଚନ କମିଶନଙ୍କ ସ୍ୱାଧୀନତାରେ କେବେ ହେଲେ ବୁଝାମଣା କରାଯାଇପାରିବ ନାହିଁ। ନିର୍ବାଚନ କମିଶନ ସବୁବେଳେ ନିରପେକ୍ଷ ରହିବା ଉଚିତ ବୋଲି ଆଜି ସୁପ୍ରିମକୋର୍ଟ ଗୋଟିଏ ମାମଲାର ଶୁଣାଣି କରିବା ବେଳେ କହିଛନ୍ତି। ଏଥିସହ ରାଜ୍ୟ ନିର୍ବାଚନ କମିଶନର ଅତିରିକ୍ତ ଚାର୍ଜ ଜଣେ କାର୍ଯ୍ୟରତ ସରକାରୀ ଅଧିକାରୀଙ୍କୁ ଦେବା ଭାରତୀୟ ସମ୍ବିଧାନକୁ ଉପହାସ କରିବା ସହ ସମାନ ବୋଲି ମଧ୍ୟ କୋର୍ଟ କହିଛନ୍ତି। ଶୁକ୍ରବାର ସୁପ୍ରିମକୋର୍ଟ ଗୋଆ ନିର୍ବାଚନ କମିଶନଙ୍କୁ ପଞ୍ଚାୟତ ନିର୍ବାଚନ ପାଇଁ ୧୦ ଦିନ ଭିତରେ ବିଜ୍ଞପ୍ତି ଓ ଏପ୍ରିଲ ୩୦ ସୁଦ୍ଧା ପୂରା ନିର୍ବାଚନ ପ୍ରକ୍ରିୟା ଶେଷ କରିବାକୁ ନିର୍ଦ୍ଦେଶ ଦେଇଛନ୍ତି। ସୁପ୍ରିମକୋର୍ଟ ବିଚାରପତି ଜଷ୍ଟିସ ଆରଏଫ ନରିମନଙ୍କ ନେତୃତ୍ୱରେ ଗଠିତ ଖଣ୍ଡପୀଠ କହିଛନ୍ତି, ନିର୍ବାଚନ କମିଶନର ଯିଏ ହେବେ, ସେ ସବୁବେଳେ ନିରପେକ୍ଷ ରହିବା ଦରକାର। ସେହିପରି କୌଣସି ରାଜ୍ୟ ସରକାରୀ ପଦପଦବୀରେ ରହିଥିବା ବ୍ୟକ୍ତିଙ୍କୁ ନିର୍ବାଚନ କମିଶନ ଭାବେ ଅତିରିକ୍ତ ଦାୟିତ୍ୱ ଦେଇପାରିବେ ନାହିଁ। ପରିତାପର ବିଷୟ ହେଉଛି ଯେ ଜଣେ କାର୍ଯ୍ୟରତ ସରକାରୀ କର୍ମଚାରୀଙ୍କୁ ଗୋଆରେ ନିର୍ବାଚନ କମିଶନର ଅତିରିକ୍ତ ଦାୟିତ୍ୱ ଦିଆଯାଇଛି। ସରକାରରେ ରହି କାର୍ଯ୍ୟ କରୁଥିବା ଅଧିକାରୀ ଜଣଙ୍କ କ୍ଷମତା ପାଇବା ପରେ ହାଇକୋର୍ଟଙ୍କ ରାୟକୁ ବଦଳାଇବା ପାଇଁ ଚେଷ୍ଟା ମଧ୍ୟ କରୁଛନ୍ତି। ହାଇକୋର୍ଟ କହିବା ସତ୍ତ୍ୱେ ସେ ଗୋଆରେ ପଞ୍ଚାୟତ ନିର୍ବାଚନ ବନ୍ଦ କରିବାକୁ ଚେଷ୍ଟା କରିବା ଦୁଃଖର ବିଷୟ ବୋଲି ଜଷ୍ଟିସ ନରିମନ କହିଛନ୍ତି।ଅନ୍ୟପକ୍ଷରେ ଗୋଆର ମାରଗୋ, ମୋରମୁଗାଓ, ମାପୁସା, ସଙ୍ଗଉମେ ଓ ବ୍ୟୁପେମ୍‌ରେ ନିର୍ବାଚନ ବନ୍ଦ କରିବାକୁ ନଗର ଉନ୍ନୟନ ବିଭାଗ ଜାରି କରିଥିବା ବିଜ୍ଞପ୍ତିକୁ ହାଇକୋର୍ଟ ମାର୍ଚ୍ଚ ୧ରେ ରଦ୍ଦ କରିଦେଇଥିଲେ। ତେବେ ଏହା ଉପରେ ସୁପ୍ରିମକୋର୍ଟ ରୋକ ଲଗାଇ ଦେଇଛନ୍ତି।

କଂଗ୍ରେସ ନୁହେଁ ଏହି ଦଳ ଆସାମରେ ବିଜେପିର ମୁଖ୍ୟ ପ୍ରତିଦ୍ୱନ୍ଦ୍ୱୀ..!

ଏଥର ସମ୍ଭାଳ ବ୍ୟୁରୋ(ନୂଆଦିଲ୍ଲୀ)- ଆସାମରେ ପୁଣି କ୍ଷମତା ଦଖଲ ପାଇଁ ଶାସକ ବିଜେପି ଜୋରଦାର ପ୍ରୟାସ ଜାରି ରଖିଛି। ଆଉ କିଛି ଦିନ ପରେ ଏଠାରେ ଭୋଟ୍ ହେବାକୁ ଥିବା ବେଳେ ତା’ପୂର୍ବରୁ ଦଳ ଦେଇଛି ବଡ଼ ବୟାନ। ଆସାମରେ ଦଳର ମୁଖ୍ୟ ପ୍ରତିଦ୍ୱନ୍ଦ୍ୱୀ କଂଗ୍ରେସ ନୁହେଁ ବରଂ ବଦ୍ରୁଦ୍ଦିନ ଅଜମଲଙ୍କ ଅଲ ଇଣ୍ଡିଆ ୟୁନାଇଟେଡ ଡେମୋକ୍ରାଟିକ ଫ୍ରଣ୍ଟ(ଏଆଇୟୁଡିଏଫ) ବୋଲି ବିଜେପି କହିଛି।ଦଳର ହେଭିୱେଟ ନେତା ହିମନ୍ତ ବିଶ୍ୱଶର୍ମା କହିଛନ୍ତି, ଏହି ନିର୍ବାଚନରେ ବିଜେପି ଓ କଂଗ୍ରେସ-ଏଆଇୟୁଡିଏଫ ମଧ୍ୟରେ ଲଢ଼େଇ ହେବ। ଆଞ୍ଚଳିକ ଦଳଗୁଡ଼ିକ ରାଜ୍ୟବାସୀଙ୍କ ପାଖରେ ଯେଉଁମାତ୍ରେ ପହଞ୍ଚିବା କଥା ସେପରି କରିପାରି ନାହାନ୍ତି। ଆସାମ ଯେଉଁଭଳି ସ୍ଥାନ ସେଠାରେ ଅଜମଲ ସବୁବେଳେ ଗୋଟିଏ ବଡ଼ ଫ୍ୟାକ୍ଟର ହୋଇରହିବେ। ସେ ଆସାମର ସଂସ୍କୃତି ଓ ସଭ୍ୟତା ପ୍ରତି ବିପଦ ବୋଲି ଶ୍ରୀ ବିଶ୍ୱଶର୍ମା କହିଛନ୍ତି।ସେହିପରି ବିଜେପିର ରାଷ୍ଟ୍ରୀୟ ଉପାଧ୍ୟକ୍ଷ ତଥା ଆସାମ ଇନଚାର୍ଜ ବୈଜୟନ୍ତ ପଣ୍ଡା କହିଛନ୍ତି, “ବର୍ତ୍ତମାନ କଂଗ୍ରେସ ଆସାମରେ ଏଆଇୟୁଡିଏଫ ସହ ମେଣ୍ଟ କରିଛି ଓ ପରିଚୟର ରାଜନୀତି କଥା କହୁଛି। ମୁଁ ଭାବୁଛି, କଂଗ୍ରେସ ନିଜକୁ ବଞ୍ଚାଇବା ଓ ବଞ୍ଚିବା କଥା ଚିନ୍ତା କରୁଛି। ସେମାନେ ଆସାମ ବାଞ୍ଚାଅ ପରିବର୍ତ୍ତେ କଂଗ୍ରେସ ବଞ୍ଚାଅ ଉପରେ ବେଶୀ ଫୋକସ କରିବା ଦରକାର।ଦିବଂଗତ ତରୁଣ ଗୋଗୋଇ ଏଆଇୟୁଡିଏଫ ଓ ଅଜମଲ ସଂପ୍ରଦାୟିକ ରାଜନୀତି କରୁଥିବାରୁ ସେମାନଙ୍କ ସହ ସବୁ ସମ୍ପର୍କ ତୁଟାଇଥିଲେ। ବିଜେପି ସବୁବେଳେ ଭାରତୀୟତା ପାଇଁ ଛିଡ଼ା ହୋଇଛି। ଆମେ ଠିକ୍‌ ପକ୍ଷରେ ରହିଛୁ।” ଆସାମରେ ମାର୍ଚ୍ଚ ୨୭ରୁ ୩ଟି ପର୍ଯ୍ୟାୟରେ ଭୋଟିଂ ହେବ। ଏଥର ବିଜେପି ନାଗରିକତା ସଂଶୋଧନ ଆଇନକୁ ନେଇ ସୃଷ୍ଟି ହୋଇଥିବା ବିବାଦ ଓ କଂଗ୍ରେସ-ଏଆୟୁଇଡିଏଫ ମେଣ୍ଟ ବିରୋଧରେ ଲଢ଼େଇ କରୁଛି। ନିର୍ବାଚନ ବହୁ ଦିନ ପୂର୍ବରୁ ବିଜେପି ଏଆଇୟୁଡିଏଫକୁ ଟାର୍ଗେଟ କରି ଆସୁଛି। ଗତ ମାସରେ ବିଜେପି ସାଂସଦ ତେଜସ୍ୱୀ ସୂର୍ଯ୍ୟ ଏଆଇୟୁଡିଏଫକୁ ମୋଗଲଙ୍କ ସହ ତୁଳନା କରିଥିଲେ। ସେ କହିଥିଲେ, କଂଗ୍ରେସ ଏବେ ବଦ୍ରୁଦ୍ଦିନ ଅଜମଲଙ୍କ କାଠପୁତୁଳି ଭାବେ କାର୍ଯ୍ୟ କରୁଛି। ଅଜମଲ ହେଉଛନ୍ତି ମୋଗଲଙ୍କର ଜଣେ ପ୍ରତିନିଧି। ଆମକୁ ସେମାନଙ୍କୁ ବିତାଡ଼ିତ କରିବାକୁ ହେବ। ନୂଆ ଆସାମ ଗଠନ ପାଇଁ ଆଗକୁ ଆସିବାକୁ ପଡ଼ିବ।

ୱେବ ସିରିଜ୍‌ ‘ବମ୍ବେ ବେଗମ୍‌ସ’ର ପ୍ରସାରଣ ବନ୍ଦ ପାଇଁ ନିର୍ଦ୍ଦେଶ..!

ଏଥର ସମ୍ଭାଳ ବ୍ୟୁରୋ(ନୂଆଦିଲ୍ଲୀ)- ପୁଣିଥରେ ଚର୍ଚ୍ଚାରେ ନେଟଫ୍ଲିକ୍ସ। ଏଥିରେ ପ୍ରସାରଣ ହେଉଥିବା ୱେବ ସିରିଜ୍‌ ‘ବମ୍ବେ ବେଗମ୍ସ’କୁ ନେଇ ବିବାଦ ସୃଷ୍ଟି ହୋଇଛି। ଏହି ୱେବ ସିରିଜ୍‌ରେ ଛୋଟ ପିଲାଙ୍କୁ ଅତ୍ୟନ୍ତ ଖରାପ ଢଙ୍ଗରେ ପ୍ରଦର୍ଶନ କରାଯାଇଥିବାରୁ ସର୍ବୋଚ୍ଚ ଶିଶୁ ସୁରକ୍ଷା ସଂସ୍ଥା ଏନସିପିସିଆର ଏହାର ପ୍ରସାରଣ ବନ୍ଦ କରିବାକୁ ନେଟଫ୍ଲିକ୍ସକୁ ନିର୍ଦ୍ଦେଶ ଦେଇଛନ୍ତି। ଏହି ଓଟିଟି ପ୍ଲାଟଫର୍ମକୁ ଏନସିପିସିଆର ନୋଟିସ ଜାରି କରି କହିଛନ୍ତି ଯେ ୨୪ ଘଣ୍ଟା ମଧ୍ୟରେ ବିବାଦ ସୃଷ୍ଟି ହୋଇଥିବା ଘଟଣାର ବିସ୍ତୃତ ରିପୋର୍ଟ ଦେବାକୁ ପଡ଼ିବ। ସେହିପରି ଅଭିଯୋଗ ଉପରେ କ’ଣ ସବୁ ପଦକ୍ଷେପ ନିଆଯାଇଛି, ତା’ର ତଥ୍ୟ ଦେବାକୁ ହେବ। ଯଦି ସଂସ୍ଥା ପକ୍ଷରୁ କୌଣସି ଜବାବ ଦିଆ ନ ଯାଏ, ତା’ହଲେ ଏନସିପିସିଆର ଆଇନଗତ ପଦକ୍ଷେପ ଗ୍ରହଣ କରିବେ ବୋଲି ନୋଟିସରେ ଚେତାବନୀ ଦିଆଯାଇଛି।ୱେବ ସିରିଜ୍‌ରେ ଯେଉଁଭଳି ଦୃଶ୍ୟ ରହିଛି, ତାହା କେବଳ ଯୁବଗୋଷ୍ଠୀଙ୍କ ମାନସିକତାକୁ ପ୍ରଭାବିତ କରିବ ନାହିଁ ବରଂ ଛୋଟ ପିଲାଙ୍କ ପ୍ରତି ନିର୍ଯାତନା ବୃଦ୍ଧି କରିବାରେ ସହାୟକ ହେବ। ବମ୍ବେ ବେଗମ୍ସରେ ଛୋଟ ଝିଅମାନେ ସେକ୍ସ ଓ ଡ୍ରଗ୍ସ କାରବାରରେ ଲିପ୍ତ ଥିବା ଦୃଶ୍ୟ ରହିଥିବା ଅଭିଯୋଗ ହୋଇଥିଲା। ତେଣୁ ଏନସିପିସିଆର କହିଛନ୍ତି, “ଛୋଟ ପିଲାଙ୍କୁ ନେଇ କିମ୍ବା ଛୋଟ ପିଲାଙ୍କ ପାଇଁ ବିଷୟବସ୍ତୁ ପ୍ରସ୍ତୁତ କରିବା ବେଳେ ନେଟଫ୍ଲିକ୍ସ ଅଧିକ ସତର୍କ ରହିବା ଦରକାର। ସେହିପରି ଏଭଳି ଘଟଣାରେ ସେମାନେ ଯେମିତି ନ ଫସିବେ, ସେ ଉପରେ ମଧ୍ୟ ଧ୍ୟାନ ଦେବା ଉଚିତ। ଏହି କାରଣରୁ ଆମେ ପ୍ରସାରଣ ବନ୍ଦ କରିବା ସହ ୨୪ ଘଣ୍ଟା ମଧ୍ୟରେ ରିପୋର୍ଟ ଦେବାକୁ କହିଛୁ।”ବମ୍ବେ ବେଗମ୍ସର କାହଣୀ ସମାଜର ବିଭିନ୍ନ ବର୍ଗର ୫ ଜଣ ମହିଳାଙ୍କୁ ନେଇ ଗତିଶୀଳ। ଏହି ୫ ମହିଳା ନିଜ ନିଜ ଶୈଳୀରେ ବିଭିନ୍ନ ଜିନିଷ ଜୀବନରେ ହାସଲ କରିବାକୁ ଚାହୁଁଛନ୍ତି।

ଆପଣ କିଡନୀ ରୋଗୀ କି ? ଜାଣି ରଖନ୍ତୁ କେଉଁ ଖାଦ୍ୟକୁ କହିବେ ନା..!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ଶରୀର ହିଁ ସମ୍ପଦ। ଶରୀରକୁ ସୁସ୍ଥ ରଖିବାକୁ ପୋଷଣଯୁକ୍ତ ଖାଦ୍ୟ ସଠିକ୍‌ ମାତ୍ରାରେ ଖାଇବା ଉଚିତ। ଏବେ ପ୍ରାୟତଃ ସମସ୍ତେ ନିଜ କର୍ମମୟ ଜୀବନରେ ବ୍ୟସ୍ତ ରହିଯାଉଥିବା ବେଳେ ଶରୀର ଯତ୍ନ ନେବା କଥା ପ୍ରାୟତଃ ଭୁଲି ଯାଉଛନ୍ତି। ଏଥିରେ ଢିଲାପଣ ଯୋଗୁ ବିଭିନ୍ନ ପ୍ରକାର ରୋଗ  ମାଡ଼ି ବସୁଛି।  ଏଥିନିମନ୍ତେ ସଠିକ୍‌ ଭାବେ ନିଜ ଖାଦ୍ୟପେୟର ଯତ୍ନ ନେଲେ ହିଁ ଶରୀରର ସବୁ ଅଙ୍ଗ ଠିକ୍‌ ଭାବେ କାମ କରେ। କିଡନୀ ଶରୀରର ଏକ ପ୍ରମୁଖ ଅଙ୍ଗ ଅଟେ। ଏହା ଶରୀରର ବର୍ଜ୍ୟବସ୍ତ ବାହାର କରିବାରେ ପ୍ରମୁଖ ଭୂମିକା ନିଭାଇଥାଏ। ଯାହାର କିଡନୀ ଖରାପ ହେବାର ପ୍ରାଥମିକ ଅବସ୍ଥାରେ ଜଣାପଡ଼େ ସେ ଖାଦ୍ୟପେୟରେ ନିୟନ୍ତ୍ରଣ ରଖିଲେ ବହୁ ବଡ଼ ସମସ୍ୟାରୁ ବର୍ତ୍ତି ପାରନ୍ତି।  କିନ୍ତୁ କିଛି ଲୋକଙ୍କୁ କିଡନୀ ଖରାପ ହେବା ସମ୍ପର୍କୀତ  ସୂଚନା ପ୍ରାୟତଃ ଶେଷରେ ଜଣାପଡ଼ିଥାଏ। ଫଳରେ ଡାୟଲିସିସି ହିଁ ଏକମାତ୍ର ବାଟ ରହିଯାଏ। କିଡ଼ନୀ ଖରାପ ହେଲେ ଖାଦ୍ୟପେୟରେ ଲାଗୁ ହୋଇଯାଏ ବହୁ କଟକଣା। ଏପରି ସ୍ଥିତିରେ ଡାକ୍ତରଙ୍କ ପରାମର୍ଶ ମାନ ଚଳିବା ଅନୁଯାୟୀ, କିଛି ଖାଦ୍ୟପେୟ ଉପରେ ମଧ୍ୟ କଟକଣା ଲାଗୁ କରିବାକୁ ପଡ଼ିଥାଏ। ଆଜି ବିଶ୍ୱ କିଡ଼ନୀ ଦିବସ ଅବସରରେ ଆସନ୍ତୁ ଜାଣିବା କିପରି ନିଜ କିଡ଼ନୀର ଯତ୍ନ ନେବା।  କେଉଁ ଖାଦ୍ୟକୁ ହଁ ଆଉ କାହାକୁ ନା କହିବା।

• ଫଳ ମଧ୍ୟରେ ଆବୋକାଡୋ ଶରୀର ପାଇଁ ଖୁବ୍‌ ଲାଭଦାୟକ ହୋଇଥାଏ। ମାତ୍ର  ଏଥିରେ ପୋଟାସିୟମ ମାତ୍ରା ଅଧିକ ଥିବାରୁ କିଡନୀ ରୋଗୀଙ୍କ ପାଇଁ ଏହା କ୍ଷତିକାରକ ହୋଇଥାଏ। ଏକ କପ୍‌ ଆବୋକାଡୋରେ ୩୭ ପ୍ରତିଶତ ପୋଟାସିୟମ ରହିଥାଏ।

• କଦଳୀରେ  ପୋଟାସିୟମ ଭରପୂର ମାତ୍ରାରେ ଥାଏ। ତେଣୁ କିଡନୀ ରୋଗୀ ଏହାକୁ ନା କହିବା ଦରକାର। ଏହା ବଦଳରେ ଆପଣ ସପୁରୀ ଖାଇପାରିବେ।
• କିଡନୀ ରୋଗୀ ବଜାରରେ ମିଳୁଥିବା ଯେକୌଣସି ବ୍ରେଡ ଖାଇବା ଆଗରୁ ଥରଟେ ଭାବି ନିଅନ୍ତୁ।  ସେମାନେ କମ୍‌ ସୋଡିୟମଯୁକ୍ତ ବ୍ରେଡ ଖାଇପାରିବେ।

• ବ୍ରାଉନ୍‌ ରାଇସ୍‌ରେ ବହୁ ମାତ୍ରାରେ ପୋଟାସିୟମ ଓ ଫସଫରସ ଥାଏ। ତେଣୁ କିଡନୀ ରୋଗୀ ଧଳା ଚାଉଳରୁ ପ୍ରସ୍ତୁତ ଭାତ, ଦଲିଆ ଆଦି ଖାଇପାରିବେ।
• ଦୁଗ୍ଧଜାନୀୟ ଖାଦ୍ୟପଦାର୍ଥରେ ଫସ୍‌ଫରସ୍‌, ପୋଟାସିୟମ ଓ ପ୍ରୋଟିନ୍‌ ବହୁ ମାତ୍ରାରେ ମିଳିଥାଏ। କ୍ଷୀରରେ ବହୁ କ୍ୟାଲସିୟମ ମହଜୁଦ ଥିବା ସତ୍ତ୍ୱେ ଏଥିରେ ଭରପୂର ମାତ୍ରାରେ ଥିବା ଫସଫରସ କିଡନୀ ରୋଗୀଙ୍କ ହାଡ଼କୁ ଦୁର୍ବଳ କରିଦେଇଥାଏ।
• କମଳାରେ ପ୍ରଚର ମାତ୍ରାରେ ପୋଟାସିୟମ ଥାଏ ଯାହାକି କିଡନୀ ପାଇଁ ହାନୀକାରକ ହୋଇଥାଏ। ଅଙ୍ଗୁର, କ୍ରେନବେରୀ ଫଳ ତଥା ଏହାର ଜୁସ୍‌କୁ ଏହାର ବିକଳ୍ପ ଭାବେ ଗ୍ରହଣ କରିପାରନ୍ତି କିଡନୀ ରୋଗୀ।

• ପ୍ରୋସେସଡ ମିଟ୍‌ରେ ଲୁଣ ଓ ପ୍ରୋଟିନ ବହୁ ମାତ୍ରାରେ ମହଜୁଦ ଥାଏ। ତେଣୁ ଏହାକୁ ଖାଇବାରୁ ନିବୃତ୍ତ ରହିବା ଉଚିତ ।
• ଡାର୍କ ରଙ୍ଗର ସୋଡ଼ାରେ ଉଚ୍ଚ ମାତ୍ରାରେ ଫସଫରସ ଥିବାରୁ ଏହା କିଡନୀ ପାଇଁ ବହୁ କ୍ଷତିକାରକ ।
• ପ୍ୟାକେଟ୍‌ ଫୁଡ ଯେପରି ସୁପ୍‌, ପନିପରିବା ଆଦିରେ ସୋଡିୟମ ବହୁ ମାତ୍ରାରେ ମହଜୁଦ ଥାଏ।  ଏହାକୁ ଖାଇବା କିଡନୀ ରୋଗୀଙ୍କ ପାଇଁ ଘାତକ  ସାବ୍ୟସ୍ତ ହୋଇପାରେ। ତେଣୁ ଆପଣ କିଡନୀଜନିତ ସମସ୍ୟା ଭୋଗୁଥିଲେ ନିଜ ଖାଦ୍ରପେୟରେ ସତର୍କତା ଅବଲମ୍ବନ କରନ୍ତୁ।

ଭାଇରାଲ ହେଉଛି ଅଭିନେତ୍ରୀଙ୍କ ’ଅର୍ଦ୍ଧନାରୀଶ୍ୱର’ ରୂପ…!

ଏଥର ସମ୍ଭାଳ ବ୍ୟୁରୋ (ମୁମ୍ବାଇ) –ଆଜି ପବିତ୍ର ମହାଶିବରାତ୍ରୀ। ଏଥିପାଇଁ ଚାରିଆଡେ ଚଳଞ୍ଚଳର। ସମସ୍ତ ଶିବ ଭକ୍ତିରେ ଲୀନ। ତେବେ ଏଥିରୁ ସେଲିବ୍ରିଟିମାନେ ମଧ୍ୟ ବାଦ ପଡିନାହାନ୍ତି। ବଲିଉଡଠାରୁ ଆରମ୍ଭ କରି ଟେଲି ଦୁନିଆ, ଚାରିଆଡ ଶିବ ଆରାଧନା ଚାଲିଛି, ଭକ୍ତିମୟ ହୋଇପଡିଛି ପୁରା ପରିବେଶ। ଏହାରି ଭିତରେ ଜଣେ ଟେଲିଭିଜନ ଅଭିନେତ୍ରୀ ଏକ ନିଆରା ରୂପ ସାମ୍ନାକୁ ଆସିଛି। ସେ ନିଜକୁ ଭଗବାନ ଶିବଙ୍କ ଅର୍ଦ୍ଧନାରୀଶ୍ୱର ବେଶରେ ସଜାଇଛନ୍ତି।

ଟେଲିଭିଜନ ଅଭିନେତ୍ରୀ ଏକତା ଜୈନଙ୍କୁ ମହାଶିବରାତ୍ରୀ ଅବସରରେ ଅର୍ଦ୍ଧନାରୀଶ୍ୱର ବେଶରେ ଦେଖିବାକୁ ମିଳିଛି। କେବଳ ସେତିକି ନୁହେଁ ବାଇକ ପଛପଟେ ବସି ସେ ହାତରେ ତ୍ରିଶୁଳ ଏବଂ ଡମ୍ବୁରୁ ଧରି ଶୁଟିଂ ସେଟ୍‌କୁ ଯାଉଥିବା ନଜର ଆସିଛନ୍ତି। ଏବେ ତାଙ୍କର ଏହି ଫଟୋ ସୋଶାଲ ମିଡିଆରେ ଜୋରସୋରେ ଭାଇରାଲ ହେବାରେ ଲାଗିଛି। ସୂଚନାଯୋଗ୍ୟ ଯେ, ପ୍ରସିଦ୍ଧ ଭଜନ ଗାୟକ ତଥା ପୂର୍ବତନ ବିଗ୍‌ ବସ୍ ପ୍ରତିଯୋଗୀ ଅନୁପ ଜଲୋଟା ନିକଟରେ ‘ସତ୍ୟ ସାଇ ବାବା’ଙ୍କ ବାୟୋପିକରେ ଅଭିନୟ କରିଥିଲେ। ଏବେ ଏହାର ସିକ୍ୱେଲ ତିଆରି ଚାଲିଛି । ଏହି ବାୟୋପିକ ଫିଲ୍ମରେ ଏକତା ଜୈନ ମଧ୍ୟ ଅଛନ୍ତି। ତାଙ୍କୁ ଏଥିରେ ଏକ ପ୍ରମୁଖ ଭୂମିକାରେ ଦେଖିବାକୁ ମିଳିବ।

ସୋଶାଲ ମିଡିଆରେ ନିଆଁ ଲଗାଇଲେ ବାଣୀ…!

ଏଥର ସମ୍ଭାଳ ବ୍ୟୁରୋ (ମୁମ୍ବାଇ) – ବଲିଉଡ ଅଭିନେତ୍ରୀ ବାଣୀ କପୁର। ସେ ନିଜ ଫିଗର ଫିଟନେସ ଏବଂ ଷ୍ଟାଇଲିସ ଲୁକ୍‌କୁ ନେଇ ସର୍ବଦା ଚର୍ଚ୍ଚାରେ ରହିଥାନ୍ତି। ତାଙ୍କ ସୁନ୍ଦର ବଡି ଫିଟନେସକୁ ଦେଖି ଯେକେହିବି ପାଗଳ ହୋଇଯାଏ। ବଲିଉଡ ଠାରୁ ଆରମ୍ଭ କରି ତାଙ୍କ ପ୍ରଶଂସକ ସମସ୍ତେ ତାଙ୍କ ଫିଟନେସର ଦିୱାନା। କେବଳ ସେତିକି ନୁହେଁ ତାଙ୍କ ଗ୍ଲାମରାସ ଲୁକ ମଧ୍ୟ ଲୋକଙ୍କୁ ମତୁଆଲା କରେ। ତେବେ ବାଣୀ କପୁର ସୋଶାଲ ମିଡିଆରେ ଏତେ ଆକ୍ଟିଭ ନଥିଲେ ମଧ୍ୟ ବେଳେ ବେଳେ ସେ ନିଜର କିଛି ଫଟୋ ଏବଂ ଭିଡିଓ ସେଆର କରନ୍ତି, ଯାହାକୁ ଦେଖି ଲୋକ ତାଙ୍କ ପ୍ରଶଂସା ନକରି ରହିପାରନ୍ତି ନାହିଁ। ନିକଟରେ ବାଣୀ ତାଙ୍କ ଇନଷ୍ଟାଗ୍ରାମରେ ଏଭଳି ହିଁ ଏକ ଫଟୋ ସେଆର କରିଛନ୍ତି। ଯାହା ସୋଶାଲ ମିଡିଆରେ ନିଆଁ ଲଗାଇଦେଇଛି। ସେ ନିଜ ପ୍ରଶଂସକଙ୍କ ପାଇଁ ଏକ ଗ୍ଲାମରସ ଫଟୋ ପୋଷ୍ଟ କରିଛନ୍ତି। ଏହି ଫଟୋରେ ସେ ହଳଦିଆ ରଙ୍ଗର ଏକ କଟ୍‌ଆଉଟ୍ ଗାଉନ୍ ପିନ୍ଧି ପୋଜ ଦେଉଥିବା ଦେଖିବାକୁ ମିଳିଛି। ଫଟୋକୁ ସେଆର କରି ସେ କ୍ୟାପସନରେ ଲେଖିଛନ୍ତି, ‘ନିଜ ଶରୀରରେ ଥିବା ସେଲ୍‌ସର କଳ୍ପନା କରନ୍ତୁ, ଆପଣଙ୍କ ଭିତରେ ଲକ୍ଷ ଲକ୍ଷ ତାରା ଚମକୁଛି…ତାକୁ ଚମକିବାକୁ ଦିଅନ୍ତୁ।’ ବାଣୀଙ୍କ ଏହି ଫଟୋ ଏବେ ସୋଶାଲ ମିଡିଆରେ ଭାଇରାଲ ହୋଇଛି। ବଲିଉଡ ଠାରୁ ଆରମ୍ଭ କରି ତାଙ୍କ ପ୍ରଶଂସକ, ସମସ୍ତଙ୍କୁ ଏହି ଫଟୋ ବେଶ ପସନ୍ଦ ଆସୁଛି। ବି-ଟାଉନର ଷ୍ଟାରମାନେ ବାଣୀଙ୍କ ଏହି ଫଟୋରେ କମେଣ୍ଟ ମଧ୍ୟ କରିଛନ୍ତି।  ଅଭିନେତ୍ରର ଆଲିଆ ଭଟ୍ଟ, ବାଣୀଙ୍କ ଏହି ଫଟୋରେ ‘ବଡ଼ି’ ବୋଲି କମେଣ୍ଟ ଦେଇଛନ୍ତି। ସେହିପରି ଅଭିନେତ୍ରୀ ଡାଇନା ପେଣ୍ଟି ‘ଉଫ୍’ ବୋଲି ଲେଖିଛନ୍ତି। ସୂଚନାଯୋଗ୍ୟ ଯେ, ‘ସୁଦ୍ଧ ଦେଶୀ ରୋମାନ୍ସ’ ଫିଲ୍ମରୁ ବଲିଉଡରେ ଡେବ୍ୟୁ କରିଥିବେ ବାଣୀ କପୁରଙ୍କ ଆଗକୁ ଆହୁରି ୩ଟି ଫିଲ୍ମ ଆସିବାକୁ ଅଛି। ଫିଲ୍ମ ‘ବେଲ ବଟମ୍’ରେ ବାଣୀ କପୁର ଖିଲାଡି ଷ୍ଟାର ଅକ୍ଷୟ କୁମାରଙ୍କ ଅପୋଜିଟରେ ନଜର ଆସିବେ। କେବଳ ସେତିକି ନୁହେଁ ତାଙ୍କୁ କରଣ ମଲହୋତ୍ରାଙ୍କ ନିର୍ଦ୍ଦେଶତି ଫିଲ୍ମ ‘ସମଶେରା’ରେ ମଧ୍ୟ ଦେଖିବାକୁ ମିଳିବ। ଏଥିରେ ସେ ସଞ୍ଜୟ ଦତ୍ତ ଏବଂ ରଣବୀର କପୁରଙ୍କ ସହ ନଜର ଆସିବେ। ଏଥିସହ ଫିଲ୍ମ ‘ଚଣ୍ଡିଗଡ କରେ ଆସିକି’ରେ ମଧ୍ୟ ବାଣୀଙ୍କୁ ଲିଡ୍ ରୋଲରେ ଦେଖିବାକୁ ମିଳିବ। ଏଥିରେ ସେ ପ୍ରଥମ କରି ଆୟୁଷମାନ ଖୁରାନାଙ୍କ ସହ ସ୍କ୍ରିନ ସେଆର କରିବେ।

ମୋଦିଙ୍କୁ ନେଇ କଙ୍ଗନାଙ୍କ ବଡ଼ ଭବିଷ୍ୟବାଣୀ…!

ଏଥର ସମ୍ଭାଳ ବ୍ୟୁରୋ (ମୁମ୍ବାଇ) –ପୁଣି ଚର୍ଚ୍ଚାରେ ବଲିଉଡର କୁଇନ୍‌ କଙ୍ଗନା ରଣାୱତ। ଟୁଇଟ ମାଧ୍ୟମରେ ବିଭିନ୍ନ ପ୍ରସଙ୍ଗକୁ ନେଇ ମତାମତ ରଖୁଥିବା କଙ୍ଗନା ଏବେ ପୁଣି ଥରେ ଲାଇମ ଲାଇଟ୍‌କୁ ଆସିଛନ୍ତି। ୨୦୨୪ ନିର୍ବାଚନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନେଇ ସେ ବଡ ଭବିଷ୍ୟବାଣୀ କରିଛନ୍ତି। ସେ ଟୁଇଟ ମାଧ୍ୟରେ ୨୦୨୪ ନିର୍ବାଚନ ଫଳାଫଳକୁ ନେଇ ଭବିଷ୍ୟବାଣୀ କରିଛନ୍ତି। ଏଥିସହ ଏକ ରିପୋର୍ଟ ମଧ୍ୟ ସେଆର କରିଛନ୍ତି। କଙ୍ଗନା ଏଥିରେ ଲେଖିଛନ୍ତି, ‘୨୦୨୪ରେ ନରେନ୍ଦ୍ର ମୋଦି ପୁଣି ଥରେ ଭାରତର ପ୍ରଧାନମନ୍ତ୍ରୀ ହେବେ।’ କଙ୍ଗନାଙ୍କ ଏହି ଟୁଇଟ୍‌କୁ ନେଇ କିଛି ଲୋକେ ପସନ୍ଦ କରିଥିବା ବେଳେ ଆଉ କିଛି ପ୍ରତିକ୍ରିୟା ପ୍ରକାଶ କରିଛନ୍ତି। କଙ୍ଗନା ଏହି ଟୁଇଟକୁ ନେଇ ଜଣେ ୟୁଜର୍ସ ପ୍ରତିକ୍ରିୟା ପ୍ରକାଶ କରି ଲେଖିଛନ୍ତି, “କଙ୍ଗନା ମୁଁ ତୁମର ଜଣେ ବଡ ଫ୍ୟାନ୍। କିନ୍ତୁ ବିଜେପିରେ ଗୋଟିଏ ନିୟମ ରହିଛି, ଯାହାକୁ ମୋଦି ଜୀ ସ୍ଥିର କରିଛନ୍ତି । ଏହି ନିୟମ ଅନୁଯାୟୀ ୭୫ ବର୍ଷ ବୟସ ପରେ କୌଣସି ରାଜନେତା ନିର୍ବାଚନରେ ପ୍ରତିଦ୍ୱନ୍ଦିତା କରିବେ ନାହିଁ। ୨୦୨୪ରେ ମୋଦିଙ୍କୁ ୭୫ରୁ ଅଧିକ ବୟସ ହୋଇଥିବ। ତେବେ ଏତେ ବୟସ ପରେ ବି ଯଦି ସେ ପ୍ରଧାନମନ୍ତ୍ରୀ ହୁଅନ୍ତି ତେବେ ଏହା ତାଙ୍କର ଦେଖାଇ ହେବା ତଥା କପଟି ଆଚରଣ ପ୍ରଦର୍ଶନ କଲା ବୋଲି ହେବା ବୋଲି ସେ କହିଛନ୍ତି।” ଏହାର ଜବାବରେ କଙ୍ଗନା ଲେଖିଛନ୍ତି, ‘ମୋଦିଙ୍କୁ ଆମେ ନୁହେଁ, ଆମ ସମସ୍ତଙ୍କୁ ତାଙ୍କର ଆବଶ୍ୟକତା ରହିଛି। ଅଖଣ୍ଡ ଭାରତକୁ ତାଙ୍କର ଆବଶ୍ୟକତା ରହିଛି। ତେଣୁ ସେ ପୁଣି ଥରେ ପ୍ରଧାନମନ୍ତ୍ରୀ ହେଲେ ଅସୁବିଧା କ’ଣ ବୋଲି କଙ୍ଗନା ପ୍ରଶ୍ନ କରିଛନ୍ତି।”

ରାମ ଲୀଲା ପରେ ରଣବୀର-ଦୀପିକାଙ୍କ ‘ଡ୍ୟାନ୍ସ ଲୀଲା’ ..!

ଏଥର ସମ୍ଭାଳ ବ୍ୟୁରୋ (ମୁମ୍ବାଇ) – ରାମ ଲୀଲା ପରେ ଏବେ ଡ୍ୟାନ୍ସ ଲୀଲା କରୁଛନ୍ତି ବଲିଉଡର ମୋଷ୍ଟ ବିୟୁଟିଫୁଲ କପଲ ରଣବୀର ସିଂହ ଓ ଦୀପିକା ପାଦୁକୋନ। ନିଜର ଜବରଦସ୍ତ ଅଭିନୟ ପାଇଁ ରଣନୀର ଏବଂ ଦୀପିକା ବେଶ ଜଣାଶୁଣା। ବ୍ୟକ୍ତିଗତ ଜୀବନରେ ମଧ୍ୟ ସେମାନେ ବିଭିନ୍ନ କଥାବସ୍ତୁ ନେଇ ସର୍ବଦା ଲାଇମ ଲାଇଟ୍‌ରେ ରୁହନ୍ତି। ଦୁହେଁ ସୋଶାଲ ମିଡିଆରେ ମଧ୍ୟ ବେଶ ଆକ୍ଟିଭ। ବେଳେବେଳେ ଉଭୟ ନିଜ ସୋଶାଲ ମିଡିଆରେ ହ୍ୟାଣ୍ଡଲରେ ଫଟୋ ଏବଂ ଭିଡିଓ ସେଆର କରନ୍ତି, ଯାହା ତାଙ୍କ ପ୍ରଶଂସକଙ୍କୁ ବେଶ ପସନ୍ଦ ଆସେ। ନିକଟରେ ଏଭଳି ହିଁ ଏକ ଭିଡିଓ ସେଆର କରିଛନ୍ତି ଉଭୟ ରଣବୀର ଏବଂ ଦୀପିକା।

ଦୀପିକା ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ମଜାଦାର ଡ୍ୟାନ୍ସ ଭିଡିଓ ସେଆର କରିଛନ୍ତି। ଏହି ଭିଡିଓରେ ପ୍ରଥମେ ଦୀପିକା ଡ୍ୟାନ୍ସ କରୁଥିବା ବେଳେ ପରେ ରଣବୀରଙ୍କ ମଧ୍ୟ ଏଣ୍ଟ୍ରି ହେଉଛି। ଦୁହେଁ କାଜୁଆଲ ଲୁକ୍‌ରେ ନଜର ଆସିଛନ୍ତି। ଫଙ୍କି ବିଟ୍‌ରେ ଉଭୟଙ୍କ ଫ୍ରି-ଷ୍ଟାଇଲ୍ ଡ୍ୟାନ୍ସ ମୁଭ ଦର୍ଶକଙ୍କ ହୃଦୟ ଜିତି ନେଇଛି। ଏହି ଭିଡିଓ ଏବେ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓକୁ ଦୀପିକା ରଣବୀରଙ୍କୁ ଟ୍ୟାଗ କରି ସେଆର କରିଛନ୍ତି। ସେ କ୍ୟାପଶନରେ ‘Werk it baby!’ଲେଖିଛନ୍ତି। ସୂଚନାଯୋଗ୍ୟ ଯେ, ଉଭୟ ରଣବୀର ଏବଂ ଦୀପିକା ପୁଣିଥରେ ଅପକମିଂ ଫିଲ୍ମ ‘୮୩’ରେ ନଜର ଆସିବେ। ଏଥିରେ ରଣବୀର ପୂର୍ବତନ ଭାରତୀୟ କ୍ରିକେଟର୍‌ କପିଳ ଦେବଙ୍କ ଚରିତ୍ରରେ ନଜର ଆସିବେ। ସେହିପରି ଦୀପିକାଙ୍କୁ କପିଲ ଦେବଙ୍କ ପତ୍ନୀ ରୋମି ଦେବଙ୍କ ଭୂମିକାରେ ଦେଖିବାକୁ ମିଳିବ। ବିବାହ ପରେ ରଣବୀର ସିଂହ ଏବଂ ଦୀପିକା ପାଦୁକୋନଙ୍କର ଏହା ପ୍ରଥମ ଫଲ୍ମ।  ନିର୍ଦ୍ଦେଶକ କବୀର ଖାନଙ୍କ ଏହି ଫିଲ୍ମ ଆସନ୍ତା ଜୁନ୍ ୪ ତାରିଖରେ ବଡ ପରଦାରେ ରିଲିଜ ହେବ।

ରିଆ ଚକ୍ରବର୍ତ୍ତୀଙ୍କୁ ଆଉ ଏକ ଝଟ୍‌କା..!

ଏଥର ସମ୍ଭାଳ ବ୍ୟୁରୋ (ମୁମ୍ବାଇ) – ବଲିଉଡ ଅଭିନେତ୍ରୀ ରିଆ ଚକ୍ରବର୍ତ୍ତୀଙ୍କୁ ମିଳୁଛି ଗୋଟିଏ ପରେ ଗୋଟିଏ ଝଟ୍‌କା। ଦିବଙ୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାରେ ଜେଲ ଯିବା ପରେ ଏବେ ତାଙ୍କ ବଲିଉଡ କ୍ୟାରିଅର ବୁଡିବାକୁ ବସିଲାଣି। ତାଙ୍କ କ୍ୟାରିଅର ତଳକୁ ଖସି ଯାଇଛି।  ଏହାର ପ୍ରମାଣ ଏବେ ପୁଣି ଥରେ ଦେଖିବାକୁ ମିଳିଛି। ନିକଟରେ ଫିଲ୍ମ ‘ଚେହରେ’ର ଆଉ ଏକ ପୋଷ୍ଟର ରିଲିଜ ହୋଇଛି। ଏହି ପୋଷ୍ଟରକୁ ଫିଲ୍ମର ମୁଖ୍ୟ ଭୂମିକାରେ ଥିବା ଇମ୍ରାନ୍ ହାସମୀ ନିଜ ଟ୍ୱିଟର୍ ଆକାଉଣ୍ଟରେ ସେୟାର କରିଛନ୍ତି । ଯେଉଁଥିରେ ପୁଣିଥରେ ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ ଚେହେରା ଗାୟବ ହୋଇଯାଇଛି। କେବଳ ସେତିକି ନୁହେଁ ତାଙ୍କ ନା’ ମଧ୍ୟ ପୋଷ୍ଟରରୁ ହଟାଇ ଦିଆଯାଇଛି।  ପୋଷ୍ଟରରେ ଇମ୍ରାନ୍ ହାସମୀ ଏବଂ ଅମିତାଭ ବଚ୍ଚନଙ୍କୁ ଆଗରେ ଦେଖିବାକୁ ମିଳିଥିବାବେଳେ ଟିଭି ଅଭିନେତ୍ରୀ କ୍ରିଷ୍ଟଲ୍ ଡିସୁଜା ମଧ୍ୟ ପଛରେ ନଜର ଆସୁଛନ୍ତି । ଏହି ପୋଷ୍ଟରକୁ ବିଗ୍ ବି ମଧ୍ୟ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି ।ଦୁଇ ବର୍ଷ ପୂର୍ବେ ରୁମି ଜାଫରୀଙ୍କ ନିର୍ଦ୍ଦେଶିତ ଫିଲ୍ମ ‘ଚେହରେ’ରେ ରିୟା ଚକ୍ରବର୍ତ୍ତୀ ଅଭିନୟ କରିବେ ବୋଲି ଚର୍ଚ୍ଚା ହେଉଥିଲା । ରିୟା ନିଜ ଇନଷ୍ଟାଗ୍ରାମ୍ ଆକାଉଣ୍ଟ ଜରିଆରେ ଏନେଇ ସୂଚନା ଦେଇଥିଲେ। କହିଥିଲେ ସେ ଏହି ଫିଲ୍ମର ଏକ ଅଂଶ ହେବେ । ଏଥିସହିତ ସେ ଟ୍ୱିଟରରେ ସମସ୍ତଙ୍କୁ ଟ୍ୟାଗ୍ ମଧ୍ୟ କରିଥିଲେ ।  କିନ୍ତୁ ଏହାରି ଭିତରେ ସୁଶାନ୍ତ ସିଂ ରାଜପୁତ ଆତ୍ମହତ୍ୟା ମାମଲାରେ ରିୟା ଚକ୍ରବର୍ତ୍ତୀ ସମ୍ପୂର୍ଣ୍ଣ ଭାବରେ ଫସି ଯାଇଥିଲେ । ତାଙ୍କୁ ଜେଲ ଯିବାକୁ ପଡିଥିଲା। ପୂର୍ବରୁ ଅମିତାଭ ବଚ୍ଚନ ମଧ୍ୟ ଫିଲ୍ମ ‘ଚେହରେ’ରଏକ ପୋଷ୍ଟର ସେୟାର କରିଥିଲେ। ଏଥିରେ ବି ରିୟା ଚକ୍ରବର୍ତ୍ତୀଙ୍କ ମଧ୍ୟ ଦେଖା ନଥିଲା। କୁହାଯାଉଛି ଯେ ରିୟାଙ୍କୁ ଫିଲ୍ମରୁ ବାହାର କରି ଦିଆଯାଇଛି । ଏହି ଖବର ପାଇବା ମାତ୍ରେ ସୋସିଆଲ ମିଡିଆରେ ରିୟାଙ୍କୁ ଟ୍ରୋଲ୍ କରାଯାଇଥିଲା । ସୂଚନା ଯୋଗ୍ୟ ଯେ, ଫିଲ୍ମ ‘ଚେହରେ’ ଆସନ୍ତା ଏପ୍ରିଲ ୩୦ ରେ ରିଲିଜ୍ ହେବ । ତେବେ ଏହାପୂର୍ବରୁ ୧୧ ମାର୍ଚ୍ଚ ଗୁରୁବାର ଦିନ ଏହାର ଟିଜର୍ ରିଲିଜ୍ ହେବ ।

ବଲିଉଡରେ ଏଣ୍ଟ୍ରି କରିବେ କେନ୍ଦ୍ରମନ୍ତ୍ରୀଙ୍କ ଝିଅ..!

ଏଥର ସମ୍ଭାଳ ବ୍ୟୁରୋ (ମୁମ୍ବାଇ) – ଖୁବଶୀଘ୍ର ବଲିଉଡରେ ଏଣ୍ଟ୍ରି କରିବେ କେନ୍ଦ୍ରମନ୍ତ୍ରୀଙ୍କ ଝିଅ। କେନ୍ଦ୍ରମନ୍ତ୍ରୀ ରମେଶ ପୋଖରିଆଲ ନିଶାଙ୍କ ଝିଅ ଆରୁଷି ନିଶାଙ୍କ ବଲିଉଡରେ ଡେବ୍ୟୁ କରିବେ। ଏନେଇ ସେ ନିଜେ ସୂଚନା ଦେଇଛନ୍ତି। ଆରୁଷି ଇନଷ୍ଟାଗ୍ରାମ ପେଜରେ ତାଙ୍କ ଅପକମିଂ ଫିଲ୍ମ ‘ତାରିଣୀ’ର ପୋଷ୍ଟର ସେଆର କରିଛନ୍ତି। ଏହି ଫିଲ୍ମଟି ଭାରତୀୟ ନୌସେନାର ପ୍ରଥମ ଝଅ ଜଣ ମହିଳା ଅଫିସରଙ୍କ କାହାଣୀ ଉପରେ ଆଧାରିତ।  ଟି ସିରିଜ ବ୍ୟାନରରେ ତିଆରି ଏହି ଫିଲ୍ମର ପ୍ରଯୋଜନା ଦାୟିତ୍ୱ ମଧ୍ୟ ଆରୁଷି ନେଇଛନ୍ତି।

ମହିଳା ଦିବସର ଅବସରରେ ସେ ତାଙ୍କ ଆଗାମୀ ଫିଲ୍ମର ଘୋଷଣା କରିଥିଲେ। ଫିଲ୍ମଟି ୧୯ ସେପ୍ଟେମ୍ବର ୨୦୧୭ରେ ଭାରତୀୟ ନୌସେନାର ଶକ୍ତି ଆଇଏନ୍‌ଏସ୍ ‘ତାରିଣୀ’ରେ ଗୋଆରୁ ଯାତ୍ରା ଆରମ୍ଭ କରିଥିବା କାର୍ତ୍ତିକା ଯୋଶୀ, ପ୍ରତିଭା ଜାମୱାଲା ପି.ସ୍ୱାତୀ, ଏସ୍.ବିଜୟା, ଐଶ୍ୱର୍ଯ୍ୟା ଏବଂ ପାୟଲ ଗୁପ୍ତାଙ୍କ ଜୀବନୀ ଉପରେ ଆଧାରିତ। ଏହି ୬ ନୌସେନା ମହିଳା ଅଫିସରମାନେ ସମୁଦ୍ର ଭିତରେ ପ୍ରାୟ ୨୧ ହଜାର ୬୦୦ କିଲୋମିଟରର ଯାତ୍ରା କରିଥିଲେ। ୨୫୪ ଦିନ ଯାଏଁ ଯାତ୍ରା କରି ୨୦୧୮ ମେ’ ୧୯ରେ ଫେରିଥିଲେ। ସୂଚନା ଯୋଗ୍ୟ ଯେ, ଆରୁଷି ହେଉଛନ୍ତି ରମେଶ ଏବଂ କୁସୁମ ପୋଖରିଆଲ ନିଶାଙ୍କଙ୍କ ବଡ଼ ଝିଅ। ସେ ନାରୀସଶକ୍ତିକରଣ, ସାମାଜିକ କ୍ଷେତ୍ର ଏବଂ ପରିବେଶ ସଂରକ୍ଷଣ ଦିଗରେ ନିଜର ଅତୁଟ ଯୋଗଦାନ ଦେଇ ଆସୁଛନ୍ତି। ଏହାଛଡା ସେ ଭାରତୀୟ ପାରମ୍ପରିକ ନୃତ୍ୟଶିଳ୍ପି ସହ ଜଣେ ପରିବେଶବିତ୍ ମଧ୍ୟ। ହିମାଳୟନ୍ ଆୟୁର୍ବେଦିକ ମେଡିକାଲ କଲେଜ ଆଣ୍ଡ ହସ୍ପିଟାଲ ଇନ୍ ଡେରାଡୁନରେ ସେ ପାଠ ପଢ଼ିଛନ୍ତି। ୨୦୧୫ ଜାନୁଆରୀ ୨୪ରେ ସେ ଅଭିନବ ପନ୍ତଙ୍କୁ ବିବାହ କରିଥିଲେ। ପୂର୍ବରୁ ଆରୁଷଙ୍କ ଅଭିନୟ ପ୍ରତି ଦୁର୍ବଳତା ଥିଲା। ତେଣୁ ସେ ତାଙ୍କ ବାପା ରମେଶ ପୋଖରିଆଲ ନିଶାଙ୍କଙ୍କ ଜୀବନୀ ଉପରେ ଆଧାରିତ ଫିଲ୍ମ ‘ମେଜର ନିରାଲା’ର ପ୍ରଯୋଜକ ଥିଲେ।