ଗୁଣପୁର ଠାରେ ୫୮ ତମ ରାଜ୍ୟ ସ୍ଥରିୟ ବିଦ୍ୟୁତ ଶ୍ରମିକ କର୍ମଚାରୀ ସଂଘ ର ସମ୍ମିଳନୀ ଅନୁଷ୍ଠିତ …!

!!! ଗୁଣୁପୁର ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଷୀ ଙ୍କ ରିପୋର୍ଟ !!!

ଏଥର ସମ୍ଭାଳ (ଗୁଣପୁର) – ରାୟଗଡା ଜିଲ୍ଲା ଗୁଣପୁର ପୋୖର ପରିଷଦର ସଦର ଠାରେ ରହିଥିବା ଲକ୍ଷ୍ମୀ ନୃସିଂହ କଲ୍ୟାଣ ମଣ୍ଡପ ଠାରେ ଆଜି ସକାଳ 11 ଘଣ୍ଟା ସମୟ ରେ ଓଡିଶା ରାଜ୍ୟ ବିଦ୍ୟୁତ କର୍ମଚାରୀ ସଂଘ ର ୫୮ ତମ ରାଜ୍ୟ ସ୍ତରୀୟ ସମ୍ମିଳନୀ ପଦ୍ମଶ୍ରୀ ପୁରସ୍କାର ମୋନାନୀତା ତଥା ସମାଜସେବୀ ଶ୍ରୀମତୀ ଶାନ୍ତି ଦେବୀଙ୍କ କରକମଳରେ ଉଦ୍ଘାଟିତ କରି ମୁଖ୍ୟ ଅତିଥି ଭାବେ ମଞ୍ଚାସୀନ ହୋଇଥିବା ବେଳେ ସଂଘ ର ସଭାପତି , ଉପ ସଭାପତି , କାର୍ଯ୍ୟକାରୀ ସଭାପତି , ସମ୍ପାଦକ ପ୍ରମୁଖ ମଞ୍ଚାସୀନ ରହିଥିଲେ । ଏହି ଅବସର ରେ ଆୟୋଜିତ ସାଧାରଣ ସଭା ରେ ସାଧାରଣ ସମ୍ପାଦକଙ୍କ ବାର୍ଷିକ ବିବରଣୀ ପାଠ କରାଯାଇଥିଲା । ପରେ ବିଦ୍ୟୁତ କର୍ମଚାରୀଙ୍କ ସମସ୍ୟା ଉପରେ ଆଲୋଚନା କରାଯାଇଥିଲା । ଆଲୋଚ୍ୟ ପ୍ରସଙ୍ଗର ଶୀର୍ଷରେ କାର୍ଯ୍ୟରତ ଠିକା କର୍ମଚାରୀ ଙ୍କୁ ତୁରନ୍ତ ସ୍ଥାୟୀ କରିବା, ଆଇ. ଟି.ଆଇ. କର୍ମଚାରୀଙ୍କୁ ଲାଇନ ମ୍ୟାନ ସି ରେ ନିଯୁକ୍ତି ଦେବା, ଟେକନିକାଲ କର୍ମଚାରୀ ଙ୍କ ଦରମା ୨୮୩୦ ଟଙ୍କା ଓ ହେଡ଼କ୍ଲାର୍କ ଙ୍କ ଦରମା ୪୨୦୦ ଗ୍ରେଡ ପେ କରିବା, ଟାଟା ପାୱାର ଅଣ ଓଡ଼ିଆ ମାନଙ୍କୁ ନିଯୁକ୍ତି ବନ୍ଦ କରିବା , ୟାଡ଼ସ୍ଟିକ୍ ପରିବର୍ତ୍ତନ , ଓ ପି ଟି ସି ଏଲ ଜେଟି ମାନଙ୍କୁ ଓଡିଶା ଭିତରେ ବଦଳି ତୁରନ୍ତ ବନ୍ଦ କରିବା ପ୍ରଭୁତି ବିଷୟ ନେଇ ଆଲୋଚନା କରାଯାଇଥିଲା । ଗୁଣୁପୁର ଠାରେ ଆୟୋଜିତ ଏହି କାର୍ଯ୍ୟକ୍ରମ କୁ ଗୁଣୁପୁର ଡିଭିଜନ ର ସମ୍ପାଦକ ଶ୍ରୀ ଅଜିତ୍ ପଣ୍ଡା , ଅକ୍ଷୟ ପଣ୍ଡା ପରିଚାଳନା କରିଥିବା ବେଳେ ଗୁଣୁପୁର ଡିଭିଜନ କର୍ମଚାରୀ ମାନେ ଏହାକୁ ସହଯୋଗ କରିଥିଲେ ।

୧୩ ଫେବ୍ରୁଆରୀ, ଶନିବାର: ଆଜି ର ରାଶିଫଳ …!

ମେଷ: ବ୍ୟବସାୟରେ ଆଶାନୁରୂପ ଲାଭ ମିଳିବ। ନୃତ୍ୟ ଓ ଅଭିନୟ କ୍ଷେତ୍ରରେ ଥିବା ଲୋକେ ମାନସମ୍ମାନ ପାଇବେ। ନିଜର ଉତ୍ତମ ବ୍ୟବହାର ଦ୍ୱାରା ସମସ୍ତଙ୍କୁ ଆପଣାର କରିବେ।

ବୃଷ: କର୍ମକ୍ଷେତ୍ରରେ ପଦୋନ୍ନତି ହୋଇପାରେ। ମନ ପସନ୍ଦର କାର୍ଯ୍ୟ କରିବାର ସୁଯୋଗ ପାଇବେ। ପ୍ରତ୍ୟେକ କାର୍ଯ୍ୟରେ ଶୁଭ ଫଳ ପାଇବେ।

ମିଥୁନ: ଶରୀରର କୌଣସି ଅଙ୍ଗରେ ଆଘାତ ଲାଗିପାରେ। ଗୁପ୍ତଶତ୍ରୁଙ୍କ କାର୍ଯ୍ୟକଳାପ ମନରେ ଭୟ ସୃଷ୍ଟି କରିବ। କାର୍ଯ୍ୟ କ୍ଷେତ୍ରରେ ଅଶାନ୍ତି ଓ ବାଦବିବାଦ ଦେଖାଦେବ। ପ୍ରତିକାର: ଗଣେଶ ମହାପ୍ରଭୁଙ୍କ ପାଖରେ ଲଡୁ ଭୋଗ କରନ୍ତୁ।

କର୍କଟ: ଦୁର୍ଘଟଣା ଘଟିବାର ସମ୍ଭାବନା ରହିଛି। ପରିଶ୍ରମ ତୁଳନାରେ ପାରିଶ୍ରମିକ କମ୍ ମିଳିବ। ସାମାନ୍ୟ ଘଟଣାକୁ ନେଇ ପରିବାରରେ ଅଶାନ୍ତି ସୃଷ୍ଟି ହେବ। ପ୍ରତିକାର: ମା’ଙ୍କୁ ପ୍ରଣାମ କରନ୍ତୁ।

ସିଂହ: ସମସ୍ତେ ଖୁସିରେ ରହିବେ। ସ୍ୱାସ୍ଥ୍ୟ ଭଲ ରହିବ। ବ୍ୟବସାୟୀ ମାନେ ଉନ୍ନତି କରିବେ। ଛାତ୍ରଛାତ୍ରୀମାନଙ୍କ ପାଇଁ ଦିନଟି ବେଶ୍ ଭଲ ରହିଛି।

କନ୍ୟା: ନୂତନ ତୀର୍ଥସ୍ଥାନ ଭ୍ରମଣର ସୁଯୋଗ ମିଳିବ। ବ୍ୟବସାୟରେ ଭଲ ଲାଭ ମିଳିବ। କୌଣସି ସାଂସ୍କୃତିକ କାର୍ଯ୍ୟକ୍ରମରେ ଯୋଗ ଦେବାକୁ ସୁଯୋଗ ମିଳିପାରେ।

ସିଂହ: ସମସ୍ତେ ଖୁସିରେ ରହିବେ। ସ୍ୱାସ୍ଥ୍ୟ ଭଲ ରହିବ। ବ୍ୟବସାୟୀ ମାନେ ଉନ୍ନତି କରିବେ। ଛାତ୍ରଛାତ୍ରୀମାନଙ୍କ ପାଇଁ ଦିନଟି ବେଶ୍ ଭଲ ରହିଛି।

କନ୍ୟା: ନୂତନ ତୀର୍ଥସ୍ଥାନ ଭ୍ରମଣର ସୁଯୋଗ ମିଳିବ। ବ୍ୟବସାୟରେ ଭଲ ଲାଭ ମିଳିବ। କୌଣସି ସାଂସ୍କୃତିକ କାର୍ଯ୍ୟକ୍ରମରେ ଯୋଗ ଦେବାକୁ ସୁଯୋଗ ମିଳିପାରେ।

ତୁଳା: ମହିଳାମାନେ ପ୍ରତ୍ୟେକ କାର୍ଯ୍ୟରେ ନିନ୍ଦିତ ଓ ଅପମାନିତ ହେବେ। ନିଜ ଲୋକମାନେ କାର୍ଯ୍ୟରେ ବାଧା ଉପୁଜାଇବେ। ଆର୍ଥିକ ଚିନ୍ତା ଯୋଗୁ ମାନସିକ ଅଶାନ୍ତି ଦେଖାଦେବ।

ବିଛା: ଶତ୍ରୁମାନେ ପରାଜୟ ସ୍ୱୀକାର କରିବେ। ଦାମ୍ପତ୍ୟଜୀବନ ସୁଖମୟ ହେବ। ପ୍ରତ୍ୟେକ କାର୍ଯ୍ୟରେ ସଫଳତା ଲାଭ କରିବେ।

ଧନୁ: ବହୁଦିନରୁ ଚିନ୍ତା କରୁଥିବା କାର୍ଯ୍ୟକୁ ସଂପନ୍ନ କରିବେ। ବାକି ପଡ଼ିଥିବା ଅର୍ଥ ଆଦାୟ କରିବେ। ସାହିତ୍ୟ, କଳା ଓ ସାଂସ୍କୃତିକ କାର୍ଯ୍ୟରେ ଯୋଗ ଦେବେ।

ମକର: ପ୍ରତ୍ୟେକ କାର୍ଯ୍ୟରେ ବାଧାବିଘ୍ନର ସମ୍ମୁଖୀନ ହେବେ। ଛାତ୍ରଛାତ୍ରୀମାନେ କ୍ୟାରିଅରକୁ ନେଇ ଚିନ୍ତାରେ ରହିବେ। ପାରିବାରିକ ସମସ୍ୟାକୁ ନେଇ ମାନସିକ ଅଶାନ୍ତି ଦେଖାଦେବ। ପ୍ରତିକାର– ତୁଳସୀ ଗଛ ମୂଳର ମାଟି ମଥାରେ ଲଗାନ୍ତୁ।

କୁମ୍ଭ: ସ୍ୱାମୀସ୍ତ୍ରୀ ମଧ୍ୟରେ ଉତ୍ତମ ବୁଝାମଣା ରହିବ। ପରିବାରରୁ ପୂର୍ଣ୍ଣ ସମର୍ଥନ ମିଳିବ। ସୁସ୍ୱାଦୁ ଭୋଜନ ସହିତ ଆଭୂଷଣ ପ୍ରାପ୍ତି ଯୋଗ ରହିଛି।

ମୀନ: ସନ୍ତାନମାନଙ୍କ କାର୍ଯ୍ୟକଳାପ ସନ୍ତୋଷଜନକ ହେବ। ବ୍ୟବସାୟରେ ଲାଭ ପାଇବେ। ବାଦବିବାଦ ଠାରୁ ଦୂରେଇ ରୁହନ୍ତୁ। ପ୍ରତିକାର– ମଥାରେ ଚନ୍ଦନ ଧାରଣ କରନ୍ତୁ।

ତେଜିଲା ବାଇ-ଲ ପ୍ରତିବାଦ ର ସ୍ୱର ; ଲିଙ୍ଗରାଜ ମନ୍ଦିର ଆଗରେ ସମୂହ ଦୀପଦାନ କରି ପ୍ରତିବାଦ କଲେ ରାଜଧାନୀବାସୀ …!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ଏକାମ୍ର କ୍ଷେତ୍ରରେ ତେଜିଲା ପ୍ରତିବାଦର ସ୍ୱର । ଏକାଠି ହେଲେ ଏକାମ୍ର ବାସିନ୍ଦା ଓ ସେବାୟତ । ଶ୍ରୀଲିଙ୍ଗରାଜ ମନ୍ଦିର ଆଗରେ ସମୂହ ଦୀପଦାନ । ଜଣାଇଲେ ପ୍ରତିବାଦ । ଏକାଥରକେ ଜଳିଲା ଶହ ଶହ ଦୀପ । ଏକାମ୍ରକ୍ଷେତ୍ର ପାଇଁ NMAର ଡ୍ରାଫ୍ଟ ବାଇ ଲ ତୁରନ୍ତ ପ୍ରତ୍ୟାହାର ନହେଲେ ଆନ୍ଦୋଳନ ଜୋରଦାର ହେବ ବୋଲି ସେମାନେ ଚେତାଇ ଦେଇଛନ୍ତି । ପ୍ରସ୍ତାବିତ ବାଇ-ଲକୁ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉଦ୍‌ବେଗ। ଏକାମ୍ରକ୍ଷେତ୍ରର ଅନନ୍ତ ବାସୁଦେବ ମନ୍ଦିର ଓ ବ୍ରହ୍ମେଶ୍ୱର ମନ୍ଦିରରୁ ବାଇ-ଲ’ ତୁରନ୍ତ ପ୍ରତ୍ୟାହାର କରୁ କେନ୍ଦ୍ର ସରକାର। ଏନେଇ ଓଡ଼ିଶାର ସମସ୍ତ ସାଂସଦ କେନ୍ଦ୍ର ସରକାର ଓ ପର୍ଯ୍ୟଟନ ମନ୍ତ୍ରୀ ପ୍ରହଲ୍ଲାଦ ପଟେଲଙ୍କ ସହ ଆଲୋଚନା କରିବାକୁ ସେ ଅପିଲ କରିଛନ୍ତି। ସମ୍ବେଦନଶୀଳ ଧାର୍ମିକ ପ୍ରସଙ୍ଗରେ କେନ୍ଦ୍ରୀୟ ସଂସ୍ଥା ରାଜ୍ୟକୁ ବିଶ୍ୱାସକୁ ନିଅନ୍ତୁ ବୋଲି ନବୀନ କହିଛନ୍ତି। ପ୍ରଭୁ ଲିଙ୍ଗରାଜଙ୍କ ଉପରେ ଲକ୍ଷାଧିକ ଓଡ଼ିଆଶ୍ରଦ୍ଧାଳୁଙ୍କ ଆସ୍ଥା, ସେବାୟତଙ୍କ ଜୀବନ ଜୀବିକା ଜଡ଼ିତ। ଏନଏମଏର ବାଇ-ଲ’କୁ ବିରୋଧ କରିଛି କଂଗ୍ରେସ। ଭୁବନେଶ୍ୱର ଯୁବ କଂଗ୍ରେସ ମାଷ୍ଟର କ୍ୟାଣ୍ଟିନ ଛକରେ ବିକ୍ଷୋଭ ପ୍ରଦର୍ଶନ କରି ତୁରନ୍ତ ଅଧିନିୟମ ପ୍ରତ୍ୟାହାର କରିବାକୁ ଦାବି କରିଛି। ନହେଲେ ଆନ୍ଦୋଳନ ତୀବ୍ର କରାଯିବ। ଆଗାମୀ ଶିବରାତ୍ରିରେ କୌଣସି କେନ୍ଦ୍ର ମନ୍ତ୍ରୀଙ୍କୁ ମନ୍ଦିରରେ ପ୍ରବେଶ କରିବାକୁ ଦିଆଯିବ ନାହିଁ ବୋଲି ଦଳ ଚେତାବନୀ ଦେଇଛି । ଏନଏମଏର ବାଇ-ଲ’କୁ ବିରୋଧ କରିଛି କଂଗ୍ରେସ। ଭୁବନେଶ୍ୱର ଯୁବ କଂଗ୍ରେସ ମାଷ୍ଟର କ୍ୟାଣ୍ଟିନ ଛକରେ ବିକ୍ଷୋଭ ପ୍ରଦର୍ଶନ କରି ତୁରନ୍ତ ଅଧିନିୟମ ପ୍ରତ୍ୟାହାର କରିବାକୁ ଦାବି କରିଛି। ନହେଲେ ଆନ୍ଦୋଳନ ତୀବ୍ର କରାଯିବ। ଆଗାମୀ ଶିବରାତ୍ରିରେ କୌଣସି କେନ୍ଦ୍ର ମନ୍ତ୍ରୀଙ୍କୁ ମନ୍ଦିରରେ ପ୍ରବେଶ କରିବାକୁ ଦିଆଯିବ ନାହିଁ ବୋଲି ଦଳ ଚେତାବନୀ ଦେଇଛି । ଏନଏମଏର ଶ୍ରୀମନ୍ଦିର ବିବାଦୀୟ ଡ୍ରାଫ୍ଟ ବାଇ ଲ’କୁ ନେଇ ରାଜ୍ୟରେ ହୋଇଥିଲା ଅସନ୍ତୋଷ। କେନ୍ଦ୍ର ସଂସ୍କୃତି ମନ୍ତ୍ରୀଙ୍କୁ ପୃଥକ ପୃଥକ ଭେଟି ପ୍ରତ୍ୟାହାର ଦାବି କରିଥିଲେ ବିଜେପି ଓ ବିଜେଡି ସାଂସଦଙ୍କ ଟିମ୍‌ । ଏହାପରେ ଶ୍ରୀମନ୍ଦିର ପାଇଁ ବାଇ ଲ’ ପ୍ରତ୍ୟାହାର ନିର୍ଦ୍ଦେଶ ଦେଇଥିଲେ କେନ୍ଦ୍ରମନ୍ତ୍ରୀ ପ୍ରହଲ୍ଲାଦ ସିଂ ପଟେଲ୍‌ । କିନ୍ତୁ ଏକାମ୍ରକ୍ଷେତ୍ରକୁ ଏଥିରୁ ହଟାଯାଇନଥିବାରୁ ବିଭିନ୍ନ ମହଲରେ ବିରୋଧ ଜାରି ରହିଛି।

କୃଷି ଆଇନକୁ ବିରୋଧ : ଆସନ୍ତାକାଲି ୩ଘଣ୍ଟା ବନ୍ଦ ରହିବ ଚକଅଖ…!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର)-କେନ୍ଦ୍ର ସରକାରଙ୍କ କୃଷି ଆଇନକୁ ବିରୋଧ କରି ନବନିର୍ମାଣ କୃଷକ ସଂଗଠନ ଆସନ୍ତାକାଲି ୩ଘଣ୍ଟିଆ ଚକାଜାମ ଡାକରା ଦେଇଛି। ସଂଯୁକ୍ତ କିଷାନ ସଂଗଠନର ନିଷ୍ପତ୍ତି ଅନୁସାରେ ଓଡ଼ିଶାରେ ନବନିର୍ମାଣ କୃଷକ ସଂଗଠନ ଦେଇଥିବା ବନ୍ଦ ଡାକରାକୁ ରାଜ୍ୟରେ କଂଗ୍ରେସ ଦୃଢ଼ ସମର୍ଥନ କରିଛି। ନବନିର୍ମାଣ କୃଷକ ସଂଗଠନର ନେତା ଅକ୍ଷୟ କହିଛନ୍ତି ଯେ, ଏହି ୩ଘଣ୍ଟିଆ ପ୍ରତୀକାତ୍ମକ ବନ୍ଦକୁ ଶାନ୍ତିପୂର୍ଣ୍ଣ ଭାବେ ପାଳନ କରାଯିବ। ଦିନ ୧୨ଟାରୁ ଅପରାହ୍ନ ୩ଟା ଯାଏ ଏହି ଚକଅଖ ଜାମରେ ସାମିଲ ହେବା ପାଇଁ ସମସ୍ତଙ୍କୁ ଅନୁରୋଧ କରାଯାଇଛି। ସେହିପରି ପିସିସି ସଭାପତି ନିରଞ୍ଜନ ପଟ୍ଟନାୟକ ଆସନ୍ତାକାଲି ଚାଷୀଙ୍କ ବନ୍ଦ ଡାକରାକୁ ସମର୍ଥନ କରି କହିଛନ୍ତି ଯେ, କଂଗ୍ରେସ ପୂର୍ଣ୍ଣ ପ୍ରାଣରେ ଚାଷୀଙ୍କ ବନ୍ଦ ଡାକରାକୁ ସମର୍ଥନ ଦେବ। ୭୦ଭାଗ ଲୋକ ଚାଷ ଉପରେ ନିର୍ଭର କରନ୍ତି। ସରକାର ସେମାନଙ୍କ ଦାବି ଶୁଣୁନାହାନ୍ତି। ଆନ୍ଦୋଳନ ସ୍ଥଳରେ ୧୦୦ରୁ ଅଧିକ ଲୋକ ମଲେଣି। ତେଣୁ ବନ୍ଦକୁ କଂଗ୍ରେସ ସମର୍ଥନ କରୁଛି। ତୈଳ ଦର ବୃଦ୍ଧି ପ୍ରତିବାଦରେ ଆସନ୍ତା ୧୫ତାରିଖରେ ମଧ୍ୟ କଂଗ୍ରେସ ଓଡ଼ିଶା ବନ୍ଦ ଡାକରା ଦେଇଛି ବୋଲି ଶ୍ରୀ ପଟ୍ଟନାୟକ ସୂଚନା ଦେଇଛନ୍ତି।ଅଖିଳ ଭାରତୀୟ କିଷାନ ସଂଘର୍ଷ ସମନ୍ୱୟ ସମିତି ପକ୍ଷରୁ ଚାଷୀ ନେତା ସୁରେଶ ପାଣିଗ୍ରାହୀ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି ଯେ ବ୍ଲକ,ଜିଲ୍ଲାସ୍ତର ସମେତ ରାଜଧାନୀ ଭୁବନେଶ୍ୱରରେ ବିଭିନ୍ନ ସ୍ଥାନରେ ଚକଅଖ ଜାମ କରାଯିବ। ତେବେ ଏହା ଭାରତ ବନ୍ଦ କି ଓଡ଼ିଶା ବନ୍ଦ ଭଳି ନୁହେଁ। ଚାଷୀ ଆନ୍ଦୋଳନକୁ ସମର୍ଥନ ଜଣାଇ ୩ଘଣ୍ଟା ପାଇଁ ରାସ୍ତାରେ ଗାଡ଼ିମୋଟର ବନ୍ଦ କରାଯିବ। ରାସ୍ତାରେ ଚକଅଖ ଜାମକୁ ଛାଡ଼ିଦେଲେ ଅନ୍ୟ କୌଣସି ସେବା ପ୍ରଭାବିତ ହେବ ନାହିଁ। ଦୋକାନବଜାର ଓ ଅଫିସ ସ୍ୱାଭାବିକ ରହିବ ତଥା ଏହି ପ୍ରଦର୍ଶନ ଶାନ୍ତିପୂର୍ଣ୍ଣ ରହିବ ବୋଲି ସେ କହିଛନ୍ତି।

କାମ ନକରି ମନରେଗାରେ ଉଠୁଛି ଟଙ୍କା …!

ଏଥର ସମ୍ଭାଳ ବ୍ୟୁରୋ (ବ୍ରହ୍ମପୁର/ଭୁବନେଶ୍ୱର)- ଗରିବଙ୍କୁ କାମ ଯୋଗାଇବା ଉଦ୍ଦେଶ୍ୟରେ କେନ୍ଦ୍ର ସରକାର ମହାତ୍ମାଗାନ୍ଧି ଜାତୀୟ ନିଶ୍ଚିତ କର୍ମନିଯୁକ୍ତି ଯୋଜନା(ମନରେଗା) ଆରମ୍ଭ କରିଥିଲେ। ହେଲେ ଏହି ଯୋଜନାରେ ଏବେ ହୋଇଛି ବଡ଼ ଧରଣର ଘୋଟାଲା। କାମ କରିନଥିବା ହିତାଧିକାରୀଙ୍କ ନାଁରେ ବ୍ୟାଙ୍କରୁ ଉଠୁଛି ଟଙ୍କା। ଆଜି ଏପରି ଅଭିଯୋଗ ଗଞ୍ଜାମ ଜିଲ୍ଲାରୁ ଆସିଛି। ଖଲିକୋଟ ବ୍ଲକ ବଧିନୂଆପଲ୍ଲି ଗାଁର ଝୁନୁ ରାଉତ। ତାଙ୍କ ସ୍ୱାମୀ ନରସିଂହ ଦୀର୍ଘ ବର୍ଷ ହେଲା ବାହାର ରାଜ୍ୟରେ କାମ କରୁଛନ୍ତି। ତେବେ ତାଙ୍କୁ ମନରେଗାର ହିତାଧିକାରୀ ଦର୍ଶାଇ ଉଠିଛି ହଜାର ହଜାର ଟଙ୍କା। ତାଙ୍କ ଘରେ କାହାରି ନାଁରେ ବ୍ୟାଙ୍କ ଖାତାନାହିଁ। କେହି କେବେ ମନରେଗାରେ କାମ ମଧ୍ୟ କରିନାହାନ୍ତି। ତେବେ ନରସିଂହ ନାଁରେ ଖାତା ଖୋଲାଯାଇ ଟଙ୍କା ହଡପ୍‌ ହୋଇଛି। ଅନ୍‌ଲାଇନ୍‌ରେ ଚେକ କରିବାରୁ ସେ ଏହି ଘୋଟାଲା ବିଷୟରେ ଜାଣିବାକୁ ପାଇଥିବା କହିଛନ୍ତି ତାଙ୍କ ପୁଅ ଯଜ୍ଞେଶ୍ୱର। ତେବେ ଏହି ଗୋଟିଏ ଅଭଯୋଗ ନୁହେଁ ଖଲିକୋଟ ବ୍ଲକରେ ଏମିତି ଚଞ୍ଚକତା କରି ଶହ ଶହ ମନରେଗା ହିତାଧିକାରୀଙ୍କ ନାଁରେ ଟଙ୍କା ଆତ୍ମସାତ କରାଯାଇଥିବା ଅଭିଯୋଗ ହୋଇଛି। ମନରେଗା ଅର୍ଥ ହରିଲୁଟ୍ ପାଇଁ ଏଠି ହୋଇଛି ବଡ଼ ଧରଣର କାରସାଦି। ହିତାଧିକାରୀ କାମ କରୁନଥିଲେ ମଧ୍ୟ ସେମାନଙ୍କଠୁ ଜବ୍‌କାର୍ଡ ନେଇ ବ୍ୟାଙ୍କରେ ଖାତା ଖୋଲାଯାଇଛି। ସେହିପରି ଟଙ୍କା ଆସିଲେ ଏମାନଙ୍କୁଠୁ ଟିପ ଚିହ୍ନ ନେଇ ଟଙ୍କା ଉଠାଇ ନିଆଯାଉଛି। ପ୍ରତି ବଦଳରେ କାର୍ଡ ପିଛା ଥରକେ ୧୦୦ ଟଙ୍କା ଲେଖାଏଁ ଦିଆଯାଉଛି। ସ୍ଥାନୀୟ ଓ୍ୱାର୍ଡ ମେମ୍ବର ଏହି ବେଆଇନ କାମରେ ଲିପ୍ତ ଥିବା ହିତାଧିକାରୀ ଅଭିଯୋଗ କରିଛନ୍ତି। ଏପଟେ ଜବକାର୍ଡଧାରୀ କାମ କରିନାହାନ୍ତି। ମାତ୍ର ସେମାନଙ୍କ ନାଁରେ ଜାଲିଆତି କରି ଟଙ୍କା ଉଠୁଛି। ତେଣୁ ଏଠି ପ୍ରଶ୍ନ ଉଠୁଛି, ବିନା କାମରେ ଲକ୍ଷ ଲକ୍ଷ ଟଙ୍କାର ବିଲ୍‌ ହେଉଛି କେମିତି? କାମର ସ୍ଥିତି ନପରଖି ପ୍ରଶାସନ ବିଲ୍‌ କରୁଛନ୍ତି କେମିତି ? ଖଲିକୋଟ ବ୍ଲକ ମନରେଗା ମହାଘୋଟାଲା ପଛରେ ବଡ଼ ଧରଣର ରାକେଟ କାମ କରୁଥିବା ଅଭିଯୋଗ ହେଉଛି। ତେବେ ଓ୍ୱାର୍ଡମେମ୍ବର ଟୁଲୁ ବାରିକ ତାଙ୍କ ନାଁରେ ଆସିଥିବା ଅଭିଯୋଗକୁ ଖଣ୍ଡନ କରିଛନ୍ତି। ସେହିପରି କାମର ଅଗ୍ରଗତିକୁ ଦେଖି ବିଲ ହେଉଥିବା ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ କହିଛନ୍ତି।

ଦୁନିଆ ଦେଖିବ ଓଡ଼ିଆ ଛାତ୍ରଙ୍କ ଦ୍ୱାରା ପ୍ରସ୍ତୁତ ‘ରୋବଟ୍’…!

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର)-  ନାସାରେ ନିଜର କମାଲ ଦେଖାଇବେ ଓଡ଼ିଆ ପିଲା। ରାଜ୍ୟ ପାଇଁ ଗୌରବ ଆଣିଲେ ୧୦ ଜଣ ଛାତ୍ରଛାତ୍ରୀ। ଓଡ଼ିଶାର ବଛାବଛା ୧୦ ଜଣ ଛାତ୍ରଛାତ୍ରୀ ଯିବେ ନାସା। ନିଜ ହାତ ତିଆରି ରୋବଟକୁ ଉପସ୍ଥାପନା କରିବା ସହିତ ନାସାରେ ଦେଖାଇବେ କମାଲ। ସାରା ବିଶ୍ୱର ୮୭ ଟିମ ଭାଗ ନେଉଥିବା ବେଳେ ପ୍ରଥମ କରି ଓଡିଶାରୁ ଏଭଳି ଏକ ଟିମ ନାସା ଯାଉଛନ୍ତି। ନାସା ହ୍ୟୁମାନ ଏକ୍ସପ୍ଲୋରେସନ ରୋଭର ଚାଲେଞ୍ଜରେ ଭାଗ ନେଉଥିବାରୁ ସମସ୍ତଙ୍କ ମଧ୍ୟରେ ଉତ୍ସାହ ଢେର ବଢିଛି। ସାଇକେଲ, ବାଇକ୍, ଅଟୋ ଓ କାରର ବିଭିନ୍ନ ଯନ୍ତ୍ରପାତିକୁ ନେଇ ୧୯ ବର୍ଷରୁ କମ୍ ଟିମର ଛାତ୍ରଛାତ୍ରୀ ଦ୍ୱାରା ଏହି ରୋବଟ୍ ପ୍ରସ୍ତୁତ କରାଯାଇଛି। ଏହି ଟିମର ଡାଇରେକ୍ଟର ଭୂମିକାରେ ରହିଛନ୍ତି କଟକ ୪୨ ମୌଜାର ଯୁବ ବୈଜ୍ଞାନିକ ଅନୀଲ ପ୍ରଧାନ। ଏହି ରୋବଟକୁ ପ୍ରସ୍ତୁତ କରିଛନ୍ତି ନାସା ଯିବାକୁ ଥିବା ଏହି ୧୦ ଜଣ ଛାତ୍ରଛାତ୍ରୀ। ଏହି ୧୦ ଜଣ ଗୋଟିଏ ଟିମ୍ ହୋଇ ହ୍ୟୁମାନ ଏକ୍ସପ୍ଲୋରେସନ ରୋଭର ଚାଲେଞ୍ଜରେ ଭାଗ ନେବାକୁ ଯାଉଛନ୍ତି। ଏଥିପାଇଁ ସମସ୍ତଙ୍କ ମନରେ ରହିଛି ଢେର ଉତ୍ସାହ। ଏଥିପାଇଁ ପୂରା ଦିନ ରାତି ଏକ କରି ଏହି ଯୁବ ବୈଜ୍ଞାନିକ ମାନେ ରୋବଟରେ ଦେଉଛନ୍ତି ସମୟ। ସାଇକେଲ, ଅଟୋ, ବାଇକ୍ ଓ କାରରେ ବ୍ୟବହାର ଯନ୍ତ୍ରପାତିକୁ ନେଇ ଏହି ପୂରା ରୋବର୍ଟ ପ୍ରସ୍ତୁତ ହୋଇଛି। ତେବେ ଏହି ଟିମରେ ଥିବା ୧୦ ଜଣ ଛାତ୍ରଛାତ୍ରୀଙ୍କ ମଧ୍ୟରେ ଏ ଭଳି କିଛି ଅଛନ୍ତି ଯିଏ ରାଜ୍ୟ ବାହାରକୁ ଯିବା ପାଇଁ ସ୍ୱପ୍ନ ଦେଖିବା ବି ମୁସିକଲ ହେଉଥିଲା। ମାତ୍ର ଆଜି ନାସା ଯାଉଥିବାରୁ ଏମାନେ ବେଶ ଖୁସି ଅଛନ୍ତି। ସେ ମଧ୍ୟରେ ଏ ହେଉଛନ୍ତି ବୌଦ୍ଧର ରିନା ବାଘ। ରିନାଙ୍କ ପିତୃ ବିୟୋଗ ପରେ ଘର ପରିବାର ଚଲାଇବା ପାଇଁ ନିଜେ ଏକ ୱେଲଡିଂରେ କାମ କରୁଥିଲେ। ସେହିପରି ଆଉ ଜଣେ ଯୁବ ବୈଜ୍ଞାନିକ ହେଲେ ମୟୁରଭଞ୍ଜର କୈଳାସ ଚନ୍ଦ୍ର ବାରିକ। ବାପାଙ୍କ ସାଇକେଲ ଦୋକାନରେ କାମ କରୁ କରୁ ପ୍ରୋଜେକ୍ଟ ପାଇଁ ଚୟନ ହୋଇଛନ୍ତି। ଆଜି ସେ ମଧ୍ୟ ପ୍ରୋଜେକ୍ଟର ମାନୁଫ୍ୟାକଚରିଂ ହେଡ୍ ଭାବେ କାମ କରୁଛନ୍ତି। ଏହି ପ୍ରୋଜେକ୍ଟର ଡାଇରେକ୍ଟର ଦାୟିତ୍ୱରେ ରହିଛନ୍ତି ୪୨ ମୌଜାରର ଅନୀଲ ପ୍ରଧାନ। ଦୀର୍ଘ ବର୍ଷ ଧରି ଅନୀଲ ନିଜର ଏକ ଟିମକୁ ପ୍ରସ୍ତୁତ କରି ନାସା ପଠାଇବା ପାଇଁ ଲକ୍ଷ୍ୟ ରଖିଥିଲେ। ଆଉ ଏହାରି ମଧ୍ୟରେ ନାସାର ହ୍ୟୁମାନ ଏକ୍ସପ୍ଲୋରେସନ ରୋଭର ୨୦୨୪ ଚ୍ୟାଲେଞ୍ଜ ପାଇଁ ମିଳିଥିବା ବଡ଼ ସୁଯୋଗକୁ ହାତଛଡ଼ା କରିନଥିଲେ। ଚନ୍ଦ୍ରପୃଷ୍ଠକୁ ଯାଇ ଗବେଷଣା ପାଇଁ ବୈଜ୍ଞାନିକ ମାନେ ପହଞ୍ଚିବା ପରେ ଯିବା ଆସିବା ପାଇଁ ଆବଶ୍ୟକ ଯନ୍ତ୍ରପାତିର ପ୍ରସ୍ତୁତ ଏକ ପ୍ରୋଜେକ୍ଟ ନାସା ପକ୍ଷରୁ ଅନିଲଙ୍କ ପ୍ରୋଜେକ୍ଟକୁ ଚୟନ କରାଯାଇଥିଲା।ଏହାପରେ ୧୯ ବର୍ଷର ବର୍ଗରେ ପ୍ରୋଜେକ୍ଟକୁ ବାସ୍ତବ ରୂପ ଦେବା ପାଇଁ ଟ୍ୟାଲେଣ୍ଟ ଖୋଜିବା ପକ୍ରିୟା ଆରମ୍ଭ ହୋଇଥିଲା। ଏଥିରେ ରିନା ଓ କୈଳାସଙ୍କ ଭଳି ୧୦ ଜଣ ଛାତ୍ରଛାତ୍ରୀଙ୍କୁ ଚୟନ କରାଯାଇଥିଲା। ବର୍ଷେ ଧରି ସେମାନଙ୍କୁ ସ୍ୱତନ୍ତ୍ର ଟ୍ରେନିଂ ଦେବା ପରେ ଏବେ ଏହି ରୋବଟ୍ ବାସ୍ତବ ରୂପ ନେଇଛି। ଆଉ ଯାହା ବି କିଛି ରହିଛି, ତାକୁ ଏହାରି ମଧ୍ୟରେ ଶେଷ କରିବା ପାଇଁ ଟାର୍ଗେଟ ରଖିଛନ୍ତି। ପ୍ରଥମ କରି ଓଡ଼ିଶାରୁ କୌଣସି ଏକ ଟିମ୍ ନାସାରେ ପାଦ ଥାପୁଥିବାରୁ ସଫଳତା ନିଶ୍ଚିତ ମିଲିବ ବୋଲି ଆଶା ରଖିଛନ୍ତି ପୂରା ଟିମ।

ଆଜିର ରାଶିଫଳ – ୬ ଜାନୁଆରୀ, ଶନିବାର…!

ମେଷ: ପାରିବାରିକ ସମସ୍ୟାକୁ ନେଇ ଚିନ୍ତିତ ରହିବେ। ଆୟ ତୁଳନାରେ ବ୍ୟୟ ଅଧିକ ହେବ। ପ୍ରତ୍ୟେକ କ୍ଷେତ୍ରରେ ଅପମାନିତ ହେବେ। ପ୍ରତିକାର- ହନୁମାନଙ୍କୁ ଦର୍ଶନ କରନ୍ତୁ ଓ ହନୁମାନଙ୍କ ସିନ୍ଦୁର ମଥାରେ ଲଗାନ୍ତୁ।

ବୃଷ: ଦାମ୍ପତ୍ୟ ଜୀବନ ଉତ୍ତମ ରହିବ। ସମସ୍ତ ଦିଗରୁ ଶୁଭଫଳ ଲାଭ କରିବେ। ଗଣମାଧ୍ୟମ ସହ ସମ୍ପୃକ୍ତ ଥିବା ବ୍ୟକ୍ତିଙ୍କର ଉନ୍ନତି ହେବ। ଯାତ୍ରା କଲା ବେଳେ ସତର୍କତା ଅବଲମ୍ବନ କରନ୍ତୁ।

ମିଥୁନ: କର୍ମକ୍ଷେତ୍ରରେ ମାନ ସମ୍ମାନ ଓ ପ୍ରତିଷ୍ଠା ଅର୍ଜନ କରିବେ। ବିଭିନ୍ନ ସୂତ୍ରରୁ ଆୟ ବୃଦ୍ଧି ହେବ। ମନ ପ୍ରଫୁଲ୍ଲ ରହିବ। ଶତ୍ରୁମାନେ ପରାଜିତ ହେବେ। ଆପଣ ସମସ୍ତ କାର୍ଯ୍ୟରେ ବିଜୟ ଲାଭ କରିବେ।

କର୍କଟ: ଅଚିହ୍ନା ଲୋକଙ୍କ ଠାରୁ ଦୂରେଇ ରୁହନ୍ତୁ। ନହେଲେ ବିପଦରେ ପଡ଼ିପାରନ୍ତି। ସ୍ତ୍ରୀଙ୍କ ଅସୁସ୍ଥତାକୁ ନେଇ ଚିନ୍ତିତ ଓ ଦୁଃଖିତ ରହିବେ। ସାମାନ୍ୟ କଥାକୁ ନେଇ ବନ୍ଧୁଙ୍କ ସହ ମତ ପାର୍ଥକ୍ୟ ଦେଖା ଦେଇପାରେ। ତେଣୁ କଥାବାର୍ତ୍ତାରେ ସଂଯମତା ରକ୍ଷା କରନ୍ତୁ। ପ୍ରତିକାର- ୩ ମୁଠା ଅରୁଆ ଭାତରେ ଗୋଟିଏ ସିଝା ଆଳୁ ଚକଟି ଧଳା ଗାଈକୁ ଖାଇବାକୁ ଦିଅନ୍ତୁ।

ସିଂହ: ଆଧ୍ୟାତ୍ମିକ କାର୍ଯ୍ୟରେ ମନ ଦେବେ। ମାନସିକ ଶାନ୍ତି ଲାଭ କରିବେ। ସ୍ୱାସ୍ଥ୍ୟ ପ୍ରତି ଧ୍ୟାନ ଦିଅନ୍ତୁ। ନିର୍ମାଣାଧୀନ କାର୍ଯ୍ୟକୁ ଶେଷ ପର୍ଯ୍ୟାୟରେ ପହଞ୍ଚାଇବେ।

କନ୍ୟା: ଦେହ ଓ ମନ ସୁସ୍ଥ ରହିବ। ଦୂରସ୍ଥାନକୁ ଯାତ୍ରା କରିପାରନ୍ତି। କୋର୍ଟରେ ଥିବା ମକଦ୍ଦମାରେ ବିଜୟୀ ହେବେ। ଗବେଷଣା କରୁଥିବା ଛାତ୍ରଛାତ୍ରୀମାନେ ନୂଆ ସୁଯୋଗ ପାଇପାରନ୍ତି।

ତୁଳା: ବିଭିନ୍ନ ପ୍ରକାର ସମସ୍ୟା ଓ କଳହ ଭିତରେ ଛନ୍ଦି ହେବେ। କୌଣସି ବ୍ୟକ୍ତି ଅସୁବିଧାରେ ପକାଇବାକୁ ଚକ୍ରାନ୍ତ କରିପାରନ୍ତି। ତେଣୁ ସାବଧାନରେ ଚଳନ୍ତୁ। ପୂର୍ବ ଘଟଣାକୁ କେନ୍ଦ୍ର କରି ବିବାଦୀୟ ପରିସ୍ଥିତି ସୃଷ୍ଟି ହେବ। ପ୍ରତିକାର- ‘ଓଁ ନମଃ ଶିବାୟଃ’ ମନ୍ତ୍ର କୁ ୧୦୮ ଥର ଜପ କରନ୍ତୁ।

ବିଛା: ଅର୍ଥ, ମାନ-ସମ୍ମାନ ଓ ସ୍ୱାଦିଷ୍ଟ ଭୋଜନ ପ୍ରାପ୍ତିର ସୁଯୋଗ ରହିଛି। କର୍ମକ୍ଷେତ୍ରରେ ଉଚ୍ଚ କର୍ତ୍ତୃପକ୍ଷଙ୍କ ଅନୁଗ୍ରହ ଲାଭ କରିବେ। ମହିଳାମାନଙ୍କ କାର୍ଯ୍ୟ ପ୍ରଶଂସନୀୟ ହେବ। ଲାଲ ରଙ୍ଗର ରୁମାଲଟିଏ ପାଖରେ ରଖନ୍ତୁ, ଶୁଭଫଳ ମିଳିବ।

ଧନୁ: ଅନେକ ଦିନରୁ ଅଟକି ରହିଥିବା କାର୍ଯ୍ୟ ସଂପନ୍ନ କରିବାରେ ସମର୍ଥ ହେବେ। ଶାରୀରିକ ଓ ମାନସିକ ଶାନ୍ତି ଅନୁଭବ କରିବେ। ବ୍ୟବସାୟରେ ଭଲ ଲାଭ ମିଳିବ।

ମକର: ଦୁଃସାହସିକ ପଦକ୍ଷେପ ନେଇ କୃତକାର୍ଯ୍ୟ ହେବେ। ବନ୍ଧୁଙ୍କ ସହଯୋଗ ପାଇ ଲକ୍ଷ୍ୟସ୍ଥଳରେ ପହଞ୍ଚିବେ। ସାମାଜରେ ଯଶ, ଗୌରବ ବଢ଼ିବ। ଅଶ୍ୱତ୍ଥ ପତ୍ରଟିଏ ନିଜ ପାଖରେ ରଖି କାର୍ଯ୍ୟ କରନ୍ତୁ।

କୁମ୍ଭ: ଯେଉଁ କାର୍ଯ୍ୟରେ ହାତ ଦେବେ, ସେଥିରେ ସଫଳ ହେବେ। ପରିବାରରେ ସ୍ନେହଶ୍ରଦ୍ଧା ବୃଦ୍ଧି ପାଇବ। କୌଣସି ମୂଲ୍ୟବାନ ଦ୍ରବ୍ୟ କ୍ରୟ କରିପାରନ୍ତି।

ମୀନ: ସନ୍ଦେହ ଓ ଭୁଲ ବୁଝାମଣାକୁ ନେଇ ଦାମ୍ପତ୍ୟ ଜୀବନରେ ଅଶାନ୍ତି ଦେଖାଦେବ। ମାନସିର ଅସ୍ଥିରତା ଦେଖା ଦେଇପାରେ। ନିଜ ଲୋକମାନେ କ୍ଷତି ପହଞ୍ଚାଇବାକୁ କାମ କରିବେ। ତେଣୁ ଜଗିରଖି ଚଳନ୍ତୁ। ପ୍ରତିକାର- ବିଷ୍ଣୁଙ୍କ ଗାୟତ୍ରୀ ମନ୍ତ୍ରକୁ ୨୭ଥର ଜପ କରନ୍ତୁ।

ମୁଁ ନାବାଳିକା କହେ …!

Writen By Sidhartha Dash , Channel Bureau Chief

ଖେଳ କୁଦ ର ବୟସ ନଯାଇ ,
ରାକ୍ଷାଷ ଙ୍କ ଶିକାର ହେଲି …
ଏମିତି ଦାଗ ଲଗେଇ ଦେଲା ସେ ,
ନା ଏ କୂଳ ର ହେଲି ନା ସେ କୂଳ ର ହେଲି …
ବଞ୍ଚିବା ପାଇଁ ଯେ ସଂଘର୍ଷ କରି ,
କେତେ ଯେ ନିର୍ଯ୍ୟାତିତ ହେଲି …!

କାହାକୁ ଯେ କେବେ ନିଜର ଭାବିଲି ,
ଦେଇଥିଲି ଏତେ ସମ୍ମାନ …
ଝିଅ ବୋଲି ଥରେ ଚିନ୍ତା ସେ କଲାନି ,
ଖରାପ କଲା ମୋ ଜୀବନ …
ନିଜର ଲାଳସା ମେଣ୍ଟାଇବା ପାଇଁ ,
ଭାଙ୍ଗି ଦେଲା ମୋର ସପନ …!!

କୋଳ ରେ ବସେଇ ଗେଲ କଲା ବେଳେ ,
ମନରେ ସନ୍ଦେହ ଜେ ଉପୁଜିଲା …
କିଏ ଜାଣିଥିଲା ସେ ଏମିତି କରିବ ,
କେବେ ଜଙ୍ଘ ରେ କେବେ ଛାତି ରେ ହାତ ମାରିଲା …
ଦିନ କେଇଟା ରେ ସେ ମାଂସ ପିସାଷି ,
ମୋ ଶରୀର କୁ ଝୁଣି ଖାଇଲା …!!!

କାଚ ଆଇନା ରେ ମୁହଁ ଦେଖିଦେଲେ ,
ମନେ ପଡ଼ି ଯାଏ ସବୁ କଥା …
କାହାକୁ କହିବି କେମିତି ସହିବି ,
ସେଦିନ ର ଅଭୁଲା ବ୍ୟଥା …
ମୁଁ ନାବାଳିକା ନ୍ୟାୟ ପାଇଁ ଲଢେ ,
ବଖାଣି ମୋ ମନ ର କଥା ….
ବଖାଣି ମୋ ମନ ର କଥା …!!!!

ସିବିଆଇର କାର୍ଯ୍ୟକାରୀ ମୁଖ୍ୟ ହେଲେ ପ୍ରବୀଣ ସିହ୍ନା..!

ଏଥର ସମ୍ଭାଳ ବ୍ୟୁରୋ (ନୂଆଦିଲ୍ଲୀ)- ସିବିଆଇର ଅତିରିକ୍ତ ନିର୍ଦ୍ଦେଶକ ପ୍ରବୀଣ ସିହ୍ନା ଏବେ ଏହି ଏଜେନ୍ସିର କାର୍ଯ୍ୟକାରୀ ମୁଖ୍ୟ ଭାବେ ଦାୟିତ୍ୱ ଗ୍ରହଣ କରିଛନ୍ତି। ସିବିଆଇ ମୁଖ୍ୟ ଭାବେ କାର୍ଯ୍ୟ କରୁଥିବା ରିଷି କୁମାର ଶୁକ୍ଳା ବୁଧବାର ଅବସର ନେବା ପରେ ଏହି ପଦବୀ ଖାଲି ପଡ଼ିଥିଲା। ତେଣୁ ଶ୍ରୀ ସିହ୍ନାକୁ ଦେଶର ସର୍ବୋଚ୍ଚ ତଦନ୍ତକାରୀ ସଂସ୍ଥାର କାର୍ଯ୍ୟକାରୀ ମୁଖ୍ୟ ଭାବେ ଦାୟିତ୍ୱ ହସ୍ତାନ୍ତର କରାଯାଇଛି। ୧୯୮୮ ବ୍ୟାଚ୍‌ର ଗୁଜରାଟ ଆଇପିଏସ କ୍ୟାଡର ପ୍ରବୀଣ ସିହ୍ନା ସିବିଆଇରେ ଏସ୍‌ପି, ଡେପୁଟି ଆଇଜି, ଯୁଗ୍ମ ନିର୍ଦ୍ଦେଶକ ଓ ଅତିରିକ୍ତ ନିର୍ଦ୍ଦେଶକ ଭାବେ ୨୦୦୦ରୁ ୨୦୨୧ ମଧ୍ୟରେ ଦୁଇଟି ଦଫାରେ କାମ କରିଛନ୍ତି। ରିଷି ଶୁକ୍ଳାଙ୍କ ପରେ ସବୁଠାରୁ ବରିଷ୍ଠ ଅଧିକାରୀ ହେଉଛନ୍ତି ପ୍ରବୀଣ ସିହ୍ନା। ଏଥିପାଇଁ ତାଙ୍କୁ ପରବର୍ତ୍ତୀ ସିବିଆଇ ମୁଖ୍ୟ ନିଯୁକ୍ତି ପାଇବା ଯାଏ ଏହି ପଦରେ କାମ କରିବାକୁ ସରକାର କହିଛନ୍ତି। CAT and AIPMT ପେପର ଲିକ୍‌ର ପର୍ଦ୍ଦାଫାସ କରି ଶ୍ରୀ ସିହ୍ନା ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ। ଏବେ ସିବିଆଇ ମୁଖ୍ୟ କିଏ ହେବ, ତା’ର ନିଷ୍ପତ୍ତି ପ୍ରଧାନମନ୍ତ୍ରୀ, ଲୋକସଭାର ବିରୋଧୀ ଦଳ ନେତା ଓ ସୁପ୍ରିମକୋର୍ଟ ପ୍ରଧାନ ବିଚାରପତିଙ୍କୁ ନେଇ ଗଠିତ କମିଟି ନିଷ୍ପତ୍ତି ନେବେ।

ଆମେରିକାକୁ ଚାଷୀ ଆନ୍ଦୋଳନ ପ୍ରସଙ୍ଗରେ ଏମିତି କହିଲା ଭାରତ

ଏଥର ସମ୍ଭାଳ ବ୍ୟୁରୋ (ନୂଆଦିଲ୍ଲୀ)- କୃଷି ଆଇନ ବିରୋଧରେ ଦେଶରେ ଚାଷୀ ଆନ୍ଦୋଳନକୁ ଆମେରିକା ଦେଇଥିବା ବୟାନକୁ ବେଶ ଗୁରୁତ୍ୱର ସହ ନେଇଛନ୍ତି ଭାରତ ସରକାର। ଏଥିସହ ଗଣତନ୍ତ୍ର ଦିବସରେ ଚାଷୀଙ୍କ ଟ୍ରାକ୍ଟର ରାଲି ବେଳେ ଲାଲକିଲ୍ଲାରେ ଯେଉଁଭଳି ହିଂସକାଣ୍ତ ଘଟିଥିଲା, ତା’କୁ ଭାରତ ସରକାର ଆମେରିକାର କ୍ୟାପିଟଲ ହିଲ୍‌ ହିଂସାକାଣ୍ଡ ସହ ତୁଳନା ମଧ୍ୟ କରିଛନ୍ତି। ଆମେରିକାର ବୈଦଶିକ ବିଭାଗ କହିଥିଲା ଯେ ଭାରତ ସରକାର ଚାଷୀଙ୍କ ସହ ଆଲୋଚନା କରନ୍ତୁ। ଏଥିସହ ଆନ୍ଦୋଳନ ସ୍ଥଳରେ ଇଣ୍ଟରନେଟ ବ୍ୟବସ୍ଥା କରନ୍ତୁ। ଗଣତନ୍ତ୍ରରେ ଶାନ୍ତିପୂର୍ଣ୍ଣ ଆନ୍ଦୋଳନକୁ ସର୍ବଦା ସମ୍ମାନ ଦିଆଯାଇଥାଏ। ଏଥିସହ ଭାରତ ସରକାର କୃଷି କ୍ଷେତ୍ରରେ ଆଣିଥିବା ସଂସ୍କାରକୁ ମଧ୍ୟ ଆମେରିକାର ବୈଦେଶିକ ବିଭାଗ ସମର୍ଥନ କରିଥିଲା। ଆମେରିକାର ଏଭଳି ବିବୃତି ଉପରେ ଭାରତର ବୈଦେଶିକ ମନ୍ତ୍ରଣାଳୟ ପ୍ରତିକ୍ରିୟା ରଖିଛି। ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ ଆମେ ଆମେରିକାର ଦେଇଥିବା ବୟାନକୁ ବେଶ ଗୁରୁତ୍ୱ ଦେଉଛୁ। ପ୍ରତିକ୍ରିୟା ଯେଉଁ ପରୀପ୍ରେକ୍ଷୀରେ ଦିଆଯାଇଛି, ତା’କୁ ସେହି ଦୃଷ୍ଟିରେ ଦେଖିବା ଦରକାର। ସମସ୍ୟାର ସମାଧାନ ପାଇଁ ଭାରତ ସରକାର ଓ ଚାଷୀ ସଂଗଠନ ମଧ୍ୟରେ ଚାଲିଥିବା ଆଲୋଚନାକୁ ଆମେରିକା ସ୍ୱୀକାର କରିଛି। ମନ୍ତ୍ରଣାଳୟର ମୁଖପାତ୍ର ଅନୁରାଗ ଶ୍ରୀବାସ୍ତବ କହିଛନ୍ତି ଯେ ଜାନୁଆରୀ ୨୬ ଦିନ ଲାଲକିଲ୍ଲାରେ ଘଟିଥିବା ହିଂସକାଣ୍ଡକୁ ନେଇ ଭାରତରେ ଯେଉଁଭଳି ପ୍ରତିକ୍ରିୟା ପ୍ରକାଶ ପାଇଥିଲା, ଠିକ ସେହିପରି ପ୍ରତିକ୍ରିୟା ଆମେରିକାର କ୍ୟାପିଟଲ ହିଲରେ ଘଟିଥିବା ଦଙ୍ଗା ଘଟଣା ପରେ ମଧ୍ୟ ଦେଖିବାକୁ ମିଳିଥିଲା। ଯେକୌଣସି ଆନ୍ଦୋଳନକୁ ଭାରତର ଗଣତନ୍ତ୍ରର ମୂଲ୍ୟବୋଧ ଓ ଗାରିମା ଦୃଷ୍ଟିରେ ଦେଖିବା ଦରକାର। ଏଥିସହ ବିବାଦର ସମାଧାନ ପାଇଁ ଭାରତ ସରକାର ଓ ଚାଷୀ ସଂଗଠନ କରୁଥିବା ପ୍ରୟାସକୁ ମଧ୍ୟ ବୁଝିବା ଦରକାର। ହିଂସାକାଣ୍ଡର ପୁନରାବୃତ୍ତି ନ କରିବା ପାଇଁ ପ୍ରତିଷେଧକ ବ୍ୟବସ୍ଥା ସ୍ୱରୂପ ଏନସିଆର ରିଜନରେ କିଛି ଦିନ ପାଇଁ ଇଣ୍ଟରନେଟ୍‌ ସେବା ବନ୍ଦ କରାଯାଇଥିଲା। ଭାରତ ଓ ଆମେରିକା ସର୍ବଦା ଗଣତନ୍ତ୍ରର ମୂଲ୍ୟବୋଧକୁ ବିଚାରକୁ ନେଇ ଆଗକୁ ବଢ଼ିଛନ୍ତି। ଏହା ଆଗକୁ ମଧ୍ୟ ଜାରି ରହିବ ବୋଲି ସେ କହିଛନ୍ତି।