ରାୟଗଡ଼ା ଜିଲ୍ଲା ଗୁଣପୁର ତହସିଲ୍ ଅଧୀନସ୍ଥ ମାଛଖୁଣ୍ଟି ବାଲିପଠା ରୁ ରାତାରାତ ରାଜସ୍ଵ ବିଭାଗର ପ୍ରେତ୍ସାହନ ରେ ଲଘୁ ଖଣିଜ ଦ୍ରବ୍ୟ ଲୁଟି ମାଫିଆ ମାଲାମାଲ୍, ରାଜସ୍ଵ ହରାଉଛନ୍ତି ସରକାର;ଅଭିଯୋଗ ପରେ ବି ପ୍ରଶାସନ ଚୁପ୍ । “ଏଥର ସମ୍ଭାଳ ଲାଇଭ” ର ଗ୍ରାଉଣ୍ଡ ଜିରୋ ରିପୋର୍ଟ୍।
!!! ରାୟଗଡ଼ା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଶୀ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଗୁଣପୁର) – ରାୟଗଡ଼ା ଜିଲ୍ଲା ଗୁଣପୁର ଠାରେ ସ୍ତାନୀୟ ପ୍ରଶାସନ ତରଫରୁ ଗୁଣପୁର ଉପଜିଲ୍ଲାପାଳ ଙ୍କ ସଭାଗୃହରେ ରାୟଗଡ଼ା ଜିଲ୍ଲା ପୂର୍ବତନ ପି.ଡି.ଡି.ଆର.ଡି.ଏ, ବର୍ତ୍ତମାନ ର କେନ୍ଦ୍ରପଡ଼ା ଜିଲ୍ଲାପାଳ ତଥା ଗୁଣପୁର ର ପୂର୍ବତନ ଉପଜିଲ୍ଲାପାଳ ଶ୍ରୀ ଅମ୍ରିତ ରୂତୁରାଜ ଙ୍କ ବିଦାୟ କାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି l ଗୁଣପୁର ଉପ ଜିଲ୍ଲାପାଳ ଶ୍ରୀ ସୋନାଲ ଜେନା ଙ୍କ ଅଧକ୍ଷତାରେ ଅନୁଷ୍ଠିତ ବୈଠକରେ ଗୁଣପୁର ଆଇ.ଟି.ଡି.ଏ ଅଧିକାରୀ ଗୋରାଚାନ୍ଦ ଗମାଙ୍ଗ, ମୁନିସିପାଲିଟି ନିର୍ବାହୀ ଅଧିକାରୀ ଉମା ପ୍ରସାଦ ଦାସ, ଗୁଣପୁର ନବ ନିର୍ମାଣ ସମିତି ର ଉପ ସଭାପତି ଶ୍ରୀ ଉମା ଶଙ୍କର ଦାଶ, ସମ୍ପାଦକ ଶ୍ରୀ ରଞ୍ଜିତ କୁମାର ପାଢ଼ୀ, ସମସ୍ତ ପ୍ରଶାସନିକ କର୍ମକର୍ତ୍ତା ଏବଂ ସାମ୍ବାଦିକ ଙ୍କ ସମେତ ଗୁଣପୁର ର ସମସ୍ତ ବୁଦ୍ଧିଜୀବୀ ଯୋଗଦେଇ ଥିଲେ l ପି.ଡି.ଡି.ଆର.ଡି.ଏ ଶ୍ରୀ ରୂତୁରାଜ (ଭା.ପ୍ର.ସେ) ଙ୍କ କେନ୍ଦ୍ରାପଡ଼ା ଜିଲ୍ଲାପାଳ ଭାବେ ପଦୋନ୍ନତି ହୋଇଥିବାରୁ ସେ ଆଜି ଜିଲ୍ଲାରୁ ବିଦାୟ ନେଇଛନ୍ତି l ବିଦାୟ ଭାଷଣରେ ଦୀର୍ଘ ତିନିବର୍ଷ ର କାର୍ଯକାଳ ଭିତରେ ସମସ୍ତ ଅଧିକାରୀ,ଜନସାଧାରଣ ଠାରୁ ସ୍ନେହ ସହଯୋଗ ପାଇଥିବାରୁ ତାଙ୍କରି ସମସ୍ତ୍ କାର୍ଯ୍ୟ ସମ୍ଭବ ହୋଇପାରିଛି ବୋଲି ଶ୍ରୀ ରୁତୁ ରାଜ ତାଙ୍କ ବିଦାୟ କାଳୀନ ସମ୍ବର୍ଦ୍ଧନା ସଭାରେ ମତବ୍ୟକ୍ତ କରିବା ସହ ସମସ୍ତଙ୍କୁ କୃତଜ୍ଞତା ଜ୍ଞାପନ କରିଥିଲେ l ଗୁଣପୁର ନୂତନ ବସଷ୍ଟାଣ୍ଡ ସମ୍ମୁଖ ରେ ଗେଟ୍ ନିର୍ମାଣ ଓ ଗୁଣପୁର ଠାରେ ଏକ ତ୍ରି.ଡି ପାର୍କ ନିର୍ମାଣ କରିବାନେଇ ତାଙ୍କରି ଯେଉଁ ଅଭିଳାଷ ଥିଲା ଏହାର କାର୍ଯ୍ୟକାରୀ ନିମନ୍ତେ ତାଙ୍କରି ବିଦାୟ ନେବା ପୂର୍ବରୁ ଏହାକୁ ମଧ୍ଯ କାର୍ଯ୍ୟ ଆରମ୍ଭ କରିଥିବା ସୁଚନା ଦେଇଥିଲେ। ମୋ ଜୀବନ କାଳ ପର୍ଯ୍ୟନ୍ତ ଏହି ଜିଲ୍ଲା ଓ ଖାସ କରି ଗୁଣପୁର ସବୁ ଦିନ ପାଇଁ ସ୍ମରଣୀୟ ହୋଇ ରହିବ ବୋଲି ଶ୍ରୀ ଋତୁରାଜ ପ୍ରକାଶ କରିଥିଲେ। ସେହିପରି ଉପ ଜିଲ୍ଲାପାଳଙ୍କ ସମେତ ଉପସ୍ଥିତ ସମସ୍ତ ଅଧିକାରୀ ଓ ବୁଦ୍ଧିଜୀବୀ ବୃନ୍ଦ ପି.ଡି.ଡ଼ି.ଆର.ଡ଼ି.ଏ ଶ୍ରୀ ରୂତୁରାଜ ଙ୍କ କାର୍ଯଶୈଳୀ ଓ଼ କାର୍ଯ୍ୟଦକ୍ଷତା ଉପରେ ଆଲୋକପାତ କରି ଆଗାମୀ ଦିନରେ ଶ୍ରୀ ରୁତୁ ରାଜ ଙ୍କ ଭବିଷ୍ୟତର ଉଜ୍ଜଳ କାମନା କରି ପୁଷ୍ପ ଗୁଚ୍ଛ, ଉପଢୌକନ ଓ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ। ଶ୍ରୀ ରୁତୁରାଜ ଙ୍କ ପଦୋନ୍ନତିରେ ଗୁଣପୁର ବାସୀ ଯେତେ ଖୁସୀ ଅଛନ୍ତି ତାଠାରୁ ଏହି ଜିଲ୍ଳାରୁ ତାଙ୍କରି ବିଦାୟ ସେତିକି ମର୍ମାହତ କରିଛି ଏବଂ ଜିଲ୍ଲା ଜଣେ ସଚ୍ଚୋଟ କର୍ମଠ ଅଧିକାରୀ ଙ୍କୁ ହରାଇଛି ବୋଲି ସାଧାରଣରେ ମତପ୍ରକାଶ ପାଇଛି।
ଏଥର ସମ୍ଭାଳ ବ୍ୟୁରୋ (ନୂଆଦିଲ୍ଲୀ) –ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳା ଯାଉଥିବା ଟେଷ୍ଟ୍ ସିରିଜ୍ର ତୃତୀୟ ମ୍ୟାଚ୍ ଆଜିଠାରୁ ସିଡ୍ନୀରେ ଆରମ୍ଭ ହୋଇଛି। ତେବେ ଆଜିର ମ୍ୟାଚ୍ରେ ବର୍ଷା ବାଧକ ସାଜିଛି। ତେଣୁ ମାତ୍ର ୭.୧ ଓଭର ପରେ ଖେଳ ବନ୍ଦ ରହିଛି। ଟସ୍ ଜିତି ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ୱିଲ୍ ପକ୍ଭସ୍କି ଓ ଡାଭିଡ ୱାର୍ଣ୍ଣର ଓପନିଂ କରିବାକୁ ଆସିଥିଲେ। ହେଲେ ୱାର୍ଣ୍ଣର ଶୀଘ୍ର ଆଉଟ ହୋଇଯାଇଥିଲେ। ମାତ୍ର ୮ଟି ବଲ୍ର ସମ୍ମୁଖୀନ ହୋଇଥିବା ୱାର୍ଣ୍ଣର ୩.୩ ଓଭରରେ ଆଉଟ୍ ହୋଇଯାଇଥିଲେ। ମହମ୍ମଦ ସିରାଜଙ୍କ ବଲ୍ରେ ସେ ଚେତେଶ୍ୱର ପୂଜାରାଙ୍କ ଦ୍ୱାରା କ୍ୟାଚ୍ ଆଉଟ୍ ହୋଇଥିଲେ। ସେ ୫ କରି ଥିଲେ। ୱାର୍ଣ୍ଣର ଆଉଟ୍ ହେବା ପରେ ମାରନସ୍ ଲବୁସାନ୍ କ୍ରିଜ୍କୁ ଆସିଥିଲେ। ତେବେ ବର୍ଷା ଯୋଗୁ ୭.୧ ଓଭର ଠାରୁ ଆଉ ଖେଳ ଆରମ୍ଭ ହୋଇପାରି ନାହିଁ। ୱିଲ୍ ୨୯ଟି ବଲ୍ରୁ ୧୪ ରନ୍ କରିଥିବା ବେଳେ ଲବୁସାନ ୬ଟି ବଲ୍ରୁ ୨ ରନ୍ କରି ଅପରାଜିତ ଅଛନ୍ତି। ଭାରତ ପକ୍ଷରୁ ଯଶପ୍ରୀତ୍ ବୁମ୍ରା ୪ ଓଭର ବୋଲିଂ କରି ୭ ରନ୍ ଦେଇଛନ୍ତି। ମହମ୍ମଦ ସିରାଜ ୩.୧ ଓଭର ବୋଲିଂ କରିଛନ୍ତି ଏବଂ ୧୪ ରନ୍ ବ୍ୟୟରେ ଗୋଟିଏ ୱିକେଟ୍ ହାସଲ କରିଛନ୍ତି। ସିଡ୍ନୀ ଟେଷ୍ଟ୍ ପାଇଁ ଭାରତୀୟ ଟିମ୍ରେ ଦୁଇଟି ପରିବର୍ତ୍ତନ ହୋଇଛି। ରୋହି ଶର୍ମା ଟିମ୍ରେ ସାମିଲ ହୋଇଛନ୍ତି। ମୟଙ୍କ ଅଗ୍ରୱାଲଙ୍କୁ ବାଦ୍ ଦିଆଯାଇ ତାଙ୍କୁ ସାମିଲ କରାଯାଇଛି। ସେହିପରି ନବଦୀପ ସୈନୀ ଟେଷ୍ଟ୍ ପଦାର୍ପଣ କରିଛନ୍ତି। ଆହତ ଉମେଶ ଯାଦବଙ୍କ ସ୍ଥାନରେ ତାଙ୍କୁ ସାମିଲ କରାଯାଇଛି। ସୂଚନାଯୋଗ୍ୟ, ୪ଟି ମ୍ୟାଚ୍ ବିଶିଷ୍ଟ ଏହି ସିରିଜ୍ର ପ୍ରଥମ ମ୍ୟାଚ୍ ଅଷ୍ଟ୍ରେଲିଆ ଜିତିଥିଲା। କିନ୍ତୁ ଦ୍ୱିତୀୟ ମ୍ୟାଚ୍ରେ ଭାରତ ବିଜୟୀ ହୋଇଥିଲା। ସିରିଜ୍ର ଶେଷ ମ୍ୟାଚ୍ ଜାନୁଆରୀ ୧୫ ତାରିଖରୁ ଆରମ୍ଭ ହେବ।
ଏଥର ସମ୍ଭାଳ ବ୍ୟୁରୋ (ନୂଆଦିଲ୍ଲୀ) – ଟିମ୍ ଇଣ୍ଡିଆର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନି ପୁଣିଥରେ ଚର୍ଚ୍ଚାରେ। ୨୦୨୦ ଅଗଷ୍ଟ ୧୫ ତାରିଖରେ ଅନ୍ତର୍ଜାତୀୟ କ୍ରିକେଟକୁ ଅଲିବିଦା କହିଥିବା ଧୋନି ଏବେ ନିଜର ପରିବା ଓ ଫଳ ଚାଷକୁ ନେଇ ଗଣମାଧ୍ୟମରେ ହଇଚଇ ସୃଷ୍ଟି କରିଛନ୍ତି।କ୍ରିକେଟକୁ ଅଲବିଦା କହିବା ପରେ ସେ ରାଞ୍ଚିରେ ଥିବା ତାଙ୍କ ୪୩ ଏକ ଫାର୍ମ ହାଉସର ୧୦ ଏକର ଜମିରେ ବିଭିନ୍ନ ପ୍ରକାରର ପରିବା ଓ ଫଳ ଚାଷ ଆରମ୍ଭ କରିଥିଲେ। ଏବେ ଏହି ଫଳ ଓ ପରିବାକୁ ମାହି ଦୁବାଇ ରପ୍ତାନୀ କରିବାକୁ ନିଷ୍ପତ୍ତି ନେଇଛନ୍ତି। ଏନେଇ ସେଠାକାର ମାର୍କେଟ ଡିଲରଙ୍କ ସହ କଥାବାର୍ତ୍ତା ଶେଷ ହୋଇଛି। ଖୁବଶୀଘ୍ର ଧୋନିଙ୍କ ପରିବାର ଓ ଫଳ ସେଠାରେ ବିକ୍ରି ଆରମ୍ଭ ହେବ ବୋଲି ଜଣାପଡ଼ିଛି। ଧୋନି ତାଙ୍କ ୧୦ ଏକର ଜମିରେ ଜୈବିକ ପଦ୍ଧତିରେ ଏକାଧିକ କିସମର ଫଳ ଓ ପନିପରିବାର ଚାଷ କରିଛନ୍ତି। ଏଗୁଡ଼ିକ ମଧ୍ୟରେ ପତର କୋବି, ଟମାଟୋ, ଷ୍ଟ୍ରବେରୀ ଓ ଗ୍ରୀନ ମଟର ପ୍ରମୁଖ ରହିଛି। ଧୋନିଙ୍କ ଜମିରେ ଫଳିଥିବା କୋବି ଓ ଟମାଟୋ କିଣିବା ପାଇଁ ରାଞ୍ଚିର ଲୋକାଲ ମାର୍କେଟରେ ବେଶ ଭିଡ଼ ଜମୁଛି। ଲୋକଙ୍କ ମଧ୍ୟରେ ଏହାର ଚାହିଦା ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଏଥିସହ ତାଙ୍କ ଫଳଗୁଡ଼ିକୁ କିଣିବା ପାଇଁ ଅନେକ ଲୋକ ଆଗ୍ରହ ଦେଖାଉଛନ୍ତି।ଏବେ ନିଜର ଫାର୍ମିଂ ବ୍ୟବସାୟକୁ ବିଶ୍ୱସ୍ତରରେ ପହଞ୍ଚାଇବାକୁ ମାହି ଲକ୍ଷ୍ୟ ରଖିଛନ୍ତି। ଏହାର ପ୍ରଥମ ପଦକ୍ଷେପ ଭାବେ ଧୋନିଙ୍କ ପରିବା ଦୁବାଇ ମାର୍କେଟକୁ ରପ୍ତାନୀ ହେବ। ଏଥିପାଇଁ ସମସ୍ତ ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚି ଯାଇଛି। ଯେଉଁ ଏଜେନ୍ସି ୟୁଏଇ ମାର୍କେଟରେ ଏହାକୁ ବିକ୍ରି କରିବ, ସେ ମଧ୍ୟ ନିଜର ପ୍ରସ୍ତୁତି ଶେଷ କରି ସାରିଛି। ଖାଲି ଧୋନିଙ୍କ ଫଳ କିମ୍ବା ପରିବା ନୁହେଁ, ଏଜେନ୍ସି ପକ୍ଷରୁ ଭାରତରେ ମିଳୁଥିବା ଏକାଧିକ ଫଳକୁ ମଧ୍ୟ ୟୁଏଇ ମାର୍କେଟରେ ବିକ୍ରି କରାଯିବ। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା, ଧୋନିଙ୍କ ଫଳ ଓ ପରିବାକୁ ୟୁଏଇ ରପ୍ତାନୀ କରିବା ପାଇଁ ଝାରଖଣ୍ଡ କୃଷି ବିଭାଗ ମଧ୍ୟ ଆଗ୍ରହ ପ୍ରକାଶ କରିଛି। ଉକ୍ତ ଏଜେନ୍ସି ସହ ସରକାରଙ୍କ ପକ୍ଷରୁ ଯୋଗାଯୋଗ କରାଯାଇ ଧୋନିଙ୍କ ଉତ୍ପାଦିତ ଦ୍ରବ୍ୟଗୁଡ଼ିକୁ ଦୁବାଇ ପଠାଇବାକୁ ବ୍ୟବସ୍ଥା ଗ୍ରହଣ କରାଯାଇଛି। ଅନ୍ୟପକ୍ଷରେ ୨୦୧୯ ବିଶ୍ୱକପରେ ଆଇପିଏଲ ଜରିଆରେ କ୍ରିକେଟକୁ କମବ୍ୟାକ କରିଥିବା ମାହି ଏବେ ଦୁବାଇରେ ନିଜ ପରିବାର ସହ ଛୁଟି କାଟୁଛନ୍ତି। ନିକଟରେ ସେ ନବବିବାହିତ ୟୁଜବେନ୍ଦର ଚହଲ ଓ ତାଙ୍କ ପତ୍ନୀଙ୍କ ପାଇଁ ଦୁବାଇରେ ଡିନର ପାର୍ଟିର ଆୟୋଜନ କରିଥିଲେ।
ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) –ଓଡ଼ିଆ ଅଭିନେତା ଅଙ୍କିତ କୁମାର । ଆଗକୁ ଆସୁଛି ତାଙ୍କର ଫିଲ୍ମ ‘ପାପ’ । ତରଙ୍ଗ ସିନେ ପ୍ରଡକ୍ସନରେ ତିଆରି ଏହି ଫିଲ୍ମରେ ସେ ଲିଡ ରୋଲରେ ନଜର ଆସିବେ । ତେବେ ନିକଟରେ ସେ ତାଙ୍କ ପ୍ରକୃତ ଜୀବନରେ କରିଥିବା ପାପ ବିଷୟରେ କହିଛନ୍ତି । ଓଟିଭିର ଗପ୍ସପ୍ ପ୍ରୋଗ୍ରାମରେ ସେ ଏହାର ଖୁଲାସା କରିଛନ୍ତି ।ପଶୁମାନଙ୍କୁ ଖୁବ୍ ଭଲପା’ନ୍ତି ଅଙ୍କିତ । ହେଲେ ଦିନେ ଶୁଟିଂ ସାରି ଘରକୁ ଯିବା ପାଇଁ ତରବରିଆ ଭାବେ ଗାଡି ବାହାର କରିବା ବେଳେ ତାଙ୍କ ସହ ଘଟିଥିଲା ଏକ ଅଘଟଣ । ତାଙ୍କ ଗାଡି ଚକା ତଳେ କିଛି କୁକୁର ଛୁଆ ଶୋଇଥିଲେ। ସେ ଅଜାଣତରେ ଦୁଇ କୁକୁର ଛୁଆଙ୍କ ଉପରେ ଗାଡି ଚଢ଼ାଇ ଦେଇଥିଲେ । ଏହାଥିଲା ତାଙ୍କ ଜୀବନର ସବୁଠାରୁ ବଡ ଭୁଲ୍ ବା ପାପ ବୋଲି ଅଙ୍କିତ କୁହନ୍ତି । ଏହି ଘଟଣା ଅଙ୍କିତଙ୍କୁ ଏକ ବଡ ଆଘାତ ଦେଇଥିଲା। ଆଜି ବି ଏହି ଘଟଣା ମନେ ପଡିଗଲେ ତାଙ୍କର ଦେହ ଶୀତେଇଯାଏ ।
ଏହି ଘଟଣା ପରଠାରୁ ସେ ଯେବେ ବି ନିଜ ଗାଡି ଚଲାନ୍ତି, ପ୍ରଥମେ ଗାଡି ଷ୍ଟାର୍ଟ କରି ହର୍ଣ୍ଣ ମାରନ୍ତି ଓ ଆଗ ପଛ କରନ୍ତି । କିଛି ସମୟ ଅଟକିବା ପରେ ଯାଇ ଗାଡି ଚଲାନ୍ତି । ସମସ୍ତଙ୍କୁ ଫିଟ୍ନେଶର ମନ୍ତ୍ର ଦେଉଥିବା ଅଙ୍କିତ ପ୍ରକୃତ ଜୀବନରେ ଭଲ ଛାତ୍ର ନୁହନ୍ତି ବୋଲି କହିଛନ୍ତି । ଫିଲ୍ମରେ ଆଇଏସ୍ ଚରିତ୍ରରେ ଥିବା ଅଙ୍କିତ ପ୍ରଥମରୁ ହିଁ ବିଜନେସ୍ କରିବା ପାଇଁ ଇଚ୍ଛା ରଖିଥିଲେ । ଅଭିନୟ ସହ ଏବେ ଭଲ ବିଜନେସ ମଧ୍ୟ କରୁଥିବା କହିଛନ୍ତି ଅଙ୍କିତ । ସୂଚନାଯୋଗ୍ୟ ଯେ, ଅପକମିଂ ଓଡ଼ିଆ ଫିଲ୍ମ ‘ପାପ’ରେ ଅଙ୍କିତ ମୁଖ୍ୟ ଭୂମିକାରେ ନଜର ଆସିବେ । ଏଥିରେ ତାଙ୍କ ଚରିତ୍ରର ନାଁ ନିର୍ବାଣ ରହିଛି। ପ୍ରଥମଥର ପାଇଁ ସେ ଏହି ଫିଲ୍ମରେ ଅଭିନେତ୍ରୀ ଏଲିନା ସାମନ୍ତରାୟଙ୍କ ଅପୋଜିଟରେ ନଜର ଆସିବେ । ଅଶୋକ ପତିଙ୍କ ନିର୍ଦ୍ଦେଶନାରେ ତିଆରି ଏହି ଫିଲ୍ମ ଜରିଆରେ ଦର୍ଶକଙ୍କୁ ଏକ ନୂଆ ବାର୍ତ୍ତା ଦେବାକୁ ଚେଷ୍ଟା କରାଯାଇଛି। ମହାମାରୀ କରୋନା ଯୋଗୁଁ ନୂଆ କନ୍ସେପ୍ଟ ଏବଂ ନୂଆ କାହାଣୀ ଉପରେ ଆଧାରିତ ଏହି ଫିଲ୍ମଟି ଖୁବଶୀଘ୍ର ଛୋଟ ପରଦାରେ ରିଲିଜ ହେବ ।
ଏଥର ସମ୍ଭାଳ ବ୍ୟୁରୋ (ମୁମ୍ବାଇ) –ସମଗ୍ର ଉତ୍ତର ଭାରତରେ ଜାରି ରହିଛି ଶୀତର ଲହରୀ। ବିଭିନ୍ନ ସ୍ଥାନରେ ବର୍ଷା ଯୋଗୁଁ ପାରଦ ଖସିଛି, ଫଳରେ ଭୀଷଣ ଥଣ୍ଡା ଅନୁଭତ ହେଉଛି । ଏଭଳି ସ୍ଥିତିରେ ମାଇନସ ୩୩ ଡିଗ୍ରୀର ସାମ୍ନା କରିଛନ୍ତି ବଲିଉଡର ମହାନାୟକ ଅମିତାଭ ବଚ୍ଚନ। ଏନେଇ ସେ ନିଜେ ଫଟୋ ଶେଆର କରି ସୂଚନା ଦେଇଛନ୍ତି । ନିକଟରେ ବିଗ୍ ବି’ ଲଦାଖ ଟ୍ରିପରୁ ଫେରିଛନ୍ତି । ଏହି ଲଦାଖ ଟ୍ରିପର ଫଟୋକୁ ସେ ନିଜ ଟ୍ୱିଟର ହ୍ୟାଣ୍ଡେଲରେ ଶେଆର କରିଛନ୍ତି। ଲଦାଖରେ ସେ କିଭଳି ଥଣ୍ଡାର ସାମ୍ନା କରିଛନ୍ତି ଏବଂ ସେଠାକାର ଅନୁଭୂତି କ’ଣ ଥିଲା ଏନେଇ ସେ ପ୍ରଶଂସକଙ୍କ ସାମ୍ନାରେ ବଖାଣିଛନ୍ତି। ଫଟୋକୁ ଶେଆର କରି ଅମିତାଭ କହିଛନ୍ତି, ମୁଁ ନିକଟରେ ଲଦାଖରୁ ଫେରିଛି । ଯେଉଁଠି ତାପମାତ୍ରା ମାଇନସ୍ ୩୩ ଡିଗ୍ରୀ ଥିଲା । ମୋର ସବୁ ଚେଷ୍ଟା ଏବଂ ମୋଟା ଜ୍ୟାକେଟ ମୋତେ ସେଠାକାର ଥଣ୍ଡାରୁ ରକ୍ଷା କରିପାରିଲା ନାହିଁ ବୋଲି କହିଛନ୍ତି।
ଏହି ଫଟୋରେ ଅମିତାଭ ଥଣ୍ଡାରୁ ରକ୍ଷା ପାଇବା ପାଇଁ ଯେତେ ସମ୍ଭବ ସେତେ ପ୍ରକାରର ଚେଷ୍ଟା କରିଥିବା ଦେଖିବାକୁ ମିଳିଛି । ସେ ଧଳାରଙ୍ଗର ଟ୍ରାକିଂ ଜ୍ୟାକେଟ ସହ ସ୍ନୋ ଚଷମା ଏବଂ ଗ୍ଲୋବ୍ସ ପିନ୍ଧିଛନ୍ତି । ମୁଣ୍ଡରେ ଗୋଟିଏ ମଙ୍କି କ୍ୟାପ୍ ମଧ୍ୟ ଲଗାଇଛନ୍ତି । ତେବେ ମାଇନସ୍ ୩୩ ଡିଗ୍ରୀ ତାଙ୍କ ଅବସ୍ଥାକୁ ଆହୁରି ଖରାପ କରିଦେଇଥିବା ଦେଖିବାକୁ ମିଳିଛି । ଲଦାଖରୁ ଫେରିବା ପରେ ଅମିତାଭଙ୍କ ଅବସ୍ଥା ବିଗିଡି ଯାଇଛି। ସେ ଅସୁସ୍ଥ ହୋଇପଡିଛନ୍ତି। ଅମିତାଭ ଥଣ୍ଡା ଜ୍ୱରରେ ଆକ୍ରାନ୍ତ ହୋଇପଡିଥିବା ଏକ ମିଡିଆର ରିପୋର୍ଟରୁ ଜଣାପଡିଛି । ସୂଚନା ଯୋଗ୍ୟ ଯେ ଅମିତାଭ ଏବେ ପପୁଲାର ଟିଭି ଶୋ’ ‘କୌନ ବନେଗା କରୋଡପତି’ ସିଜିନ-୧୨ରେ ହୋଷ୍ଟ କରୁଛନ୍ତି। ନିକଟରେ ସେ ତାଙ୍କ ପରିବାର ସହ ନୂଆବର୍ଷ ସେଲିବ୍ରେସନ କରିଛନ୍ତି । ଏହି ସେଲିବ୍ରେସନ ବେଳର ଫଟୋ ସୋଶାଲ ମିଡିଆରେ ବେଶ ଭାଇରାଲ ହୋଇଛି ।
ଏଥର ସମ୍ଭାଳ ବ୍ୟୁରୋ (ମୁମ୍ବାଇ) – ନୂଆ ଠିକଣା ଖୋଜୁଛନ୍ତି ଦିବଙ୍ଗତ ଅଭିନେତା ସୁଶାନ୍ତ ସିଂହ ରାଜପୁତଙ୍କ ଗାର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀ । ଡ୍ରଗ୍ସ ମାମଲରେ ଗିରଫ ହୋଇ ଜେଲ୍ରୁ ବାହାରକୁ ଆସିବା ପରେ ନୂଆବର୍ଷରେ ନୂଆ ଆରମ୍ଭ କରିବାକୁ ସେ ଏବେ ମୁମ୍ବାଇରେ ନିଜ ପାଇଁ ଘରଟି ଖୋଜୁଛନ୍ତି । ଭାଇ ସୌଭିକ ମଧ୍ୟ ନିଜ ପାଇଁ ଘରଟିଏ ଖୋଜୁଛନ୍ତି।ରବିବାର ଦିନ ମୁମ୍ବାଇ ସ୍ଥିତ ବାନ୍ଦ୍ରାରେ ଭାଇ ସୌଭିକଙ୍କ ସହ ରିୟା ନଜର ଆସିଥିଲେ । କରୋନା ଯୋଗୁଁ ଭାଇଭଉଣୀ ଉଭୟ ମୁହଁରେ ମାସ୍କ ପିନ୍ଧିଥିଲେ। ଜାମିନ ମିଳିବା ପରେ ପ୍ରଥମ ଥର ପାଇଁ ରିୟା ପବ୍ଲିକ ପ୍ଲେସରେ ନଜର ଆସିଛନ୍ତି । ଦୁହିଁଙ୍କ ଏହି ଫଟୋ ଏବେ ସୋଶାଲ ମିଡିଆରେ ଜୋରସୋରରେ ଭାଇରାଲ ହେବାରେ ଲାଗିଛି । ସେପଟେ ଆଜି ସୁଶାନ୍ତ ସିଂହ ମୃତ୍ୟୁ ମାମଲାରେ ଏନ୍ସିବି ଅଫିସରରେ ରିୟା ଚକ୍ରବର୍ତ୍ତୀ ଏବଂ ତାଙ୍କ ଭାଇ ସୌଭିକ ହାଜର ହୋଇଛନ୍ତି । ପୂର୍ବରୁ ହାଇକୋର୍ଟରୁ ମିଳିଥିବା ଜାମିନରେ ରିୟା ଏବଂ ସୌଭିକଙ୍ଗକୁ ପ୍ରତି ମାସର ପ୍ରଥମ ସୋମବାର ଏନ୍ସିବି ଅଫିସରେ ହାଜର ହେବାକୁ ନିର୍ଦ୍ଦେଶ ରହିଥିଲା । ତେଣୁ ଆଜି ରିୟା, ଭାଇ ସୌଭିକ ଚକ୍ରବର୍ତ୍ତୀ ଏବଂ ବାପା ଇନ୍ଦ୍ରଜୀତଙ୍କ ସହ ମିଶି ଏନ୍ସିବି ଅଫିସରେ ପହଞ୍ଚି ହାଜିରା ପକାଇଥିଲେ।
ଏଥର ସମ୍ଭାଳ ବ୍ୟୁରୋ (ମୁମ୍ବାଇ) –ବଲିଉଡ ଅଭିନେତା ରଣବୀର କପୁର ଦୀର୍ଘ ଦିନ ହେବ ବଡ ପରଦା ଠାରୁ ଦୂରେଇ ଅଛନ୍ତି। କିନ୍ତୁ ପ୍ରଫେସନାଲ ଅପେକ୍ଷା ତାଙ୍କ ବ୍ୟକ୍ତିଗତ ଜୀବନକୁ ନେଇ ସେ ସବୁଦିନେ ଚର୍ଚ୍ଚାରେ ରୁହନ୍ତି। ଅଭିନେତ୍ରୀ ଆଲିଆ ଭଟ୍ଟ ଏବଂ ରଣବୀରଙ୍କ ପ୍ରେମ ସମ୍ପର୍କ ଏବେ କାହାକୁ ଅଛପା ନାହିଁ। ଏହାରି ଭିତରେ ରଣବୀର କପୁରଙ୍କୁ ପ୍ରଶଂସା କରିଛନ୍ତି ବଲିଉଡର ଗ୍ରୀକ୍ ଗଡ ହ୍ରିତିକ ରୋଶନ।ନିକଟରେ ତାଙ୍କ ଅପକମିଂ ଫିଲ୍ମ ‘ଆନିମଲ୍’ର ଘୋଷଣା ହୋଇଛି। ଫିଲ୍ମର ଟିଜର ଭିଡିଓକୁ ଶୋସାଲ ମିଡିଆରେ ଶେଆର କାରାଯାଇଛି। ଏହାକୁ ଦେଖିବା ପରେ ହ୍ରିତକ, ରଣବୀରଙ୍କ ଭୁରି ଭୁରି ପ୍ରଶଂସା କରିଛନ୍ତି। ଏହି ଭିଡିଓଟି ହ୍ରିତିକଙ୍କୁ ବେଶ ପସନ୍ଦ ଆସିଛି। କେବଳ ସେତିକି ନୁହେଁ ହ୍ରିତକ ଏହି ଭିଡିଓକୁ ନିଜ ଟ୍ୱିଟର ହ୍ୟାଣ୍ଡେଲରେ ଶେଆର କରି ଫିଲ୍ମର ଷ୍ଟାରକାଷ୍ଟ ଏବଂ ମେକର୍ସମାନଙ୍କୁ ମଧ୍ୟ ପ୍ରଶଂସା କରିଛନ୍ତି। ସୂଚନା ଯୋଗ୍ୟ ଯେ, ରଣବୀର କପୁରଙ୍କ ଅପକମିଂ ଫିଲ୍ମ ‘ଆନିମଲ’ର କାହାଣୀ ବାପା-ପୁଅଙ୍କ ସମ୍ପର୍କ ଉପରେ ଆଧାରିତ । ଫିଲ୍ମର ଆନାଉଂସମେଣ୍ଟ ଭିଡିଓରେ ରଣବୀର କପୁରଙ୍କ ଏକ ଦମଦାର ଡାଏଲଗ ମଧ୍ୟ ରହିଛି। ପୂର୍ବରୁ ଅନେକ ଫିଲ୍ମରେ ରଣବୀର ବାପା-ପୁଅର କାହାଣୀକୁ ପ୍ରଦର୍ଶିତ କରିସାରିଛନ୍ତି, କିନ୍ତୁ ଫିଲ୍ମ ‘ଆନିମଲ’ ସେ ସବୁ ଫିଲ୍ମଠାରୁ ସମ୍ପୂର୍ଣ୍ଣ ଭିନ୍ନ। ସନ୍ଦୀପ ରେଡ୍ଡୀ ୱାଙ୍ଗାଙ୍କ ନିର୍ଦ୍ଦେଶନାରେ ତିଆରି ଏହି ଫିଲ୍ମର ଲିଡ୍ ରୋଲରେ ରଣବୀର କପୁର, ଅନୀଲ କପୁର, ବବି ଦେଓଲ ଏବଂ ପରିଣିତି ଚୋପ୍ରା ଅଛନ୍ତି। ଅନ୍ୟ ପ୍ରମୁଖ ଭୂମିକାରେ ‘ବୁଲବୁଲ’ ଫେମ ତୃପ୍ତି ଡିମରୀ ମଧ୍ୟ ନଜର ଆସିବେ ବୋଲି ଶୁଣିବାକୁ ମିଳିଛି। ଫିଲ୍ମ ‘କବିର ସିଂହ’ର ଜବରଦସ୍ତ ସଫଳତା ପରେ ନିର୍ଦ୍ଦେଶକ ସନ୍ଦୀୟ ରେଡ୍ଡୀ ଏହି ଫିଲ୍ମକୁ ନେଇ ବେଶ ଉତ୍ସାହିତ ଅଛନ୍ତି।
ଏଥର ସମ୍ଭାଳ ବ୍ୟୁରୋ (ନୂଆଦିଲ୍ଲୀ) – ହଲିଉଡର ଚର୍ଚ୍ଚିତ ହାସ୍ୟ ଅଭିନେତା ରୋବନ ଏଟକିଂସନ । ପୁରା ଦୁନିଆରେ ସେ ‘ମିଷ୍ଟର୍ ବିନ୍’ ନାଁରେ ପ୍ରସିଦ୍ଧ । ସମସ୍ତେ ତାଙ୍କ ‘ମିଷ୍ଟର୍ ବିନ୍’ ଚରିତ୍ରକୁ ବେଶ ପସନ୍ଦ କରନ୍ତି । ରୋବନ ଅନକ ଗୁଡିଏ ଫିଲ୍ମ ଏବଂ ନାଟକରେ କାମ କରିଛନ୍ତି କିନ୍ତୁ ଲୋକେ ତାଙ୍କୁ ଆଜି ବି ‘ମିଷ୍ଟର୍ ବିନ୍’ ରୂପେ ହିଁ ଚିହ୍ନନ୍ତି । ତେବେ ଏହି ପ୍ରସିଦ୍ଧ ‘ମିଷ୍ଟର୍ ବିନ୍’ ଆଉ ଆସିବେନି । ଲୋକଙ୍କ ଆଗରୁ ଦୂରେଇ ଯିବେ । ଆଉ ଦେଖିବାକୁ ମିଳିବନି ‘ମିଷ୍ଟର୍ ବିନ୍’ଙ୍କ ନଟଖଟି ଚରିତ୍ର । ଏନେଇ ନିଜେ ଅଭିନେତା ରୋବନ ଏଟକିଂସନ ସୂଚନା ଦେଇଛନ୍ତି। ନିକଟରେ ରୋବନ କହିଛନ୍ତି, ମୁଁ ଆଉ ‘ମିଷ୍ଟର୍ ବିନ୍’ ଚରିତ୍ରରେ ଅଭିନୟ କରିବି ନାହିଁ । କିନ୍ତୁ ଆଗକୁ ଏହି ଚରିତ୍ର ଉପରେ ନିର୍ମାଣ ହେବାକୁ ଯାଉଥିବା ଆନିମେଟେଡ ସିରିଜରେ ଭଏସ୍ ଦେବି । ମୋ ପାଇଁ ଏହି ଚରିତ୍ରକୁ କେବଳ ଭଏସ ରୂପେ ପରଦାରେ ନିଭାଇବା ସହଜ। ମୋତେ ଆଉ ଏହି ଚିରତ୍ରରେ ଅଭିନୟ କରିବାକୁ ଭଲ ଲାଗୁ ନାହିଁ । ଏହି ଚରିତ୍ର ପାଇଁ ମୋତେ ବଡ ଦାୟିତ୍ୱ ମୁଣ୍ଡେଇବାକୁ ପଡୁଛି ବୋଲି ରୋବନ୍ କହିଛନ୍ତି । ସୂଚନାଯୋଗ୍ୟ ଯେ, ୧୯୯୦ରେ ପ୍ରଥମ ଥର ପାଇଁ ଟେଲିଭିଜନରେ ‘ମିଷ୍ଟର୍ ବିନ୍’ର ଚରିତ୍ର ଦେଖିବାକୁ ମିଳିଥିଲା । ଏହାପରେ ସାରା ବିଶ୍ୱରେ ପ୍ରସିଦ୍ଧ ହୋଇଯାଇଥିଲେ ‘ମିଷ୍ଟର୍ ବିନ୍’ ଏବଂ ରୋବନ ଏଟକିଂସନ । ‘ମିଷ୍ଟର୍ ବିନ୍’ଙ୍କ ଫେସବୁକ ପେଇଜକୁ ସାରା ବିଶ୍ୱରେ ସବୁଠୁ ଅଧିକ ପସନ୍ଦ କରାଯାଇଛି । ଏହା ବିଶ୍ୱର ୧୦ ନମ୍ବର ସ୍ଥାନରେ ରହିଛି ।
ଏଥର ସମ୍ଭାଳ ବ୍ୟୁରୋ (ମୁମ୍ବାଇ) –ଖୁବଶୀଘ୍ର ଆରମ୍ଭ ହେବ ତାଣ୍ଡବ। ରାଜନୀତିରେ ଚାଲିବ ଚାଣକ୍ୟନୀତି। କିଛି ଏଭଳି ଦମଦାର ଡାଏଲଗ ଡେଲିଭରି ସହ ରିଲିଜ ହୋଇଛି ବହୁ ପ୍ରତିକ୍ଷିତ ୱେବସିରିଜ ‘ତାଣ୍ଡବ’ର ଟ୍ରେଲର। ସତ୍ତା ଲୋଭରେ ରଚାଯାଇଥିବା ରାଜନୀତିର ସାପ ଶିଡି ଖେଳ ଭିତରେ ଚାଲିଛି ପ୍ରଧାନମନ୍ତ୍ରୀ ଚୌକି ପାଇଁ ଘମାଘୋଟ ଲଢ଼େଇ। ଏହି ଖେଳରେ କିଭଳି ସମସ୍ତେ ମୋହରା ସାଜି ଫସୁଛନ୍ତି ତାହା ୨ ମିନିଟ ୪୪ ସେକଣ୍ଡର ଏହି ଟ୍ରେଲରରେ ଦେଖିବାକୁ ମିଳିଛି । ଲୋକେ ଏହି ଟ୍ରେଲରକୁ ବେଶ ପସନ୍ଦ ମଧ୍ୟ କରିଛନ୍ତି ।ଅଲ୍ଲି ଅବାସ ଜାଫରଙ୍କ ନିର୍ଦ୍ଦେଶନାରେ ତିଆରି ଏହି ୱେବ ସିରିଜଟି ପୁରାପୁରି ପଲିଟିକାଲ ବେକଗ୍ରାଉଣ୍ଡକୁ ନେଇ ଆଧାରିତ । ଏଥିରେ ସମସ୍ତଙ୍କ ନଜର ପ୍ରଧାନମନ୍ତ୍ରୀଙ୍କ ଆସନ ଉପରେ ରହିଛି। ଏହି ୱେବ ସିରିଜରେ ସୈଫ ଅଲ୍ଲିଖାନଙ୍କୁ ସମର ପ୍ରତାପ ସିଂହ ଭୂମିକାରେ ଦେଖିବାକୁ ମିଳିବ, ଯିଏକି ପ୍ରଧାନମନ୍ତ୍ରୀ ଆଶାୟୀ ପ୍ରାର୍ଥୀ । ଅନ୍ୟପଟେ ଡିମ୍ପଲ କପାଡିଆ ମଧ୍ୟ ଏହି ପଦ ପାଇଁ ଲଢ଼େଇ ଜାରି ରଖୁଥିବା ନଜର ଆସୁଛନ୍ତି ।ଆମାଜନ ପ୍ରାଇମ ଭିଡିରେ ରିଲିଜ ହେବାକୁ ଥିବା ଏହି ୱେବ ସିରିଜରେ ସୈଫ ଏବଂ ଡିମ୍ପଲଙ୍କ ବ୍ୟତୀତ ସୁନୀଲ ଗ୍ରୋଭର, ଆୟୁବ ଖାନ, ତିଗମାଂଶୁ ଧୁଲିଆ, କୁମୁଦ ମିଶ୍ରା, ସାରା ଜୈନ ଡିଆଜ, ଡିନୋ ମୋରିୟା, ଗୌହର ଖାନ, ଅନୁପ ସୋନୀ, କୃତିକା କାମରା, ହିତେନ ତଜୱାନୀ, ଅମାୟରା ଦସ୍ତୁର ମଧ୍ୟ ଅଛନ୍ତି । ଆସନ୍ତା ୧୫ ତାରିଖରେ ୱେବ ସିରିଜଟି ରିଲିଜ ହେବ ।
