ଏଥର ସମ୍ଭାଳ ବ୍ୟୁରୋ (ଭୁବନେଶ୍ଵର)- ଅଚାନକ ଆଖିରୁ ପାଣି ବାହାରିଲେ ଲୋକେ ଏହାକୁ ଲୋକେ ହାଲକା ଭାବେ ନେଇଥାନ୍ତି। କେବେ କେବେ ଆଖିରେ ଧୂଳି ପଶିଯାଇଥିଲେ ଆପେ ଆପେ ପାଣି ବାହାରି ଆସେ। ପିଆଜ କାଟିଲେ ବି ଆମ ଆଖିରେ ସ୍ୱାଭାବିକ ଭାବେ ପାଣି ପଳାଇଆସେ। କିନ୍ତୁ ବେଳେ ବେଳେ ଏହା ଅନ୍ୟ କିଛି ବେମାରର ଲକ୍ଷଣ ବି ହୋଇପାରେ। ଏହାକୁ ଅଣଦେଖା କରନ୍ତୁ ନାହିଁ। ଜାଣନ୍ତୁ, କ’ଣ ରହିଛି ଏହା ପଛର କାରଣ।
ଲାଲ ଆଖି:
ଇନଫେକ୍ସନ, ବ୍ୟାକେଟରିଆ କିମ୍ବା ଭାଇରସ ଯୋଗୁ ଆଖିରେ ସଂକ୍ରମଣ ହୋଇଥାଏ। ଛୋଟ ପିଲା ଓ ବଡ଼ ଲୋକଙ୍କ ଆଖିରେ ପାଣି ଆସିବାର ଏହା ଏକ କାରଣ ଅଟେ। ଏଥିରେ ଗୋଟିଏ କିମ୍ବା ଦୁଇଟି ଆଖି ଲାଲ ହୋଇଯାଇଥାଏ। ଆଖି ଲାଲ ପଡ଼ିବ ସହ କୁଣ୍ଡାଇ ହୋଇଥାଏ। ଏପରି ଭାଇରାଲ ଇନଫେକ୍ସନକୁ ଆଣ୍ଟିବାୟୋଟେକ ଆଇ ଡ୍ରପରେ ଠିକ୍ କରାଯାଇ ପାରିବ।
ଏଲର୍ଜି:
ନାକରୁ ପାଣି ବୋହିବ, କଫ ହେବା ଆଦି ସମସ୍ୟା ଦେଖାଦେଲେ ଆଖିରୁ ମଧ୍ୟ ପାଣି ବୋହିଥାଏ। ଏପରି ସ୍ଥିତିରେ ଏଲର୍ଜି ମେଡିସିନ ନେବା ଦ୍ୱାରା ଆରାମ ମିଳିଥାଏ। ଥଣ୍ଡା ହେଲେ ମଧ୍ୟ ଆଖିରେ ପାଣି ଆସିଥାଏ। ହେଲେ ସବୁ ସ୍ଥିତିରେ ଆଖି କୁଣ୍ଡାଇ ହୋଇ ନ ଥାଏ।
ଆଖି ପତାର ସମସ୍ୟା:
ପତା ଆଖିର ବାଇପର ଭଳି କାମ କରିଥାଏ। ଏହା ଆଖିରୁ ଅତିରିକ୍ତ ପାଣିକୁ ବାହାର କରିଦେଇଥାଏ। କିନ୍ତୁ ବେଳେ ବେଳେ ପତା ନିଜ କାମ ଠିକ୍ ଭାବେ କରିପାରିନ ଥାଏ। କାରଣ ଆଖି ପତା ମୋଡ଼ି ହୋଇଯାଇଥାଏ। ଏପରି ସ୍ଥିତିକୁ ଏକ୍ସଟ୍ରୋପିୟନ କୁହାଯାଇଥାଏ। ଏପରି ସ୍ଥିତିରେ ଆଖିରେ ପାଣି ଜକାଇ ରହିଥାଏ। ଏପରି ସମସ୍ୟା ଦେଖାଦେଲେ ସର୍ଜରୀ କରିବାକୁ ପଡ଼ିପାରେ।
କାର୍ନିଆ :
ବେଳେବେଳେ ଆଖିରେ ଧୂଳି, ପୋକ ଆଦି ମାଡ଼ ହୋଇଯାଇଥାଏ। ଫଳରେ ଆଖିରେ ଚୋଟ ଲାଗିବା ସହ କଷ୍ଟ ହୋଇଥାଏ। ଆଖି ଲାଲ ହୋଇଯାଇଥାଏ ଓ ଆଲୋକରେ ଅନାଇଲେ ଆଖିରୁ ପାଣି ବୋହିଥାଏ। ଏହା ଦିନେ ୨ ଦିନ ମଧ୍ୟରେ ଠିକ୍ ହୋଇଯାଇଥାଏ। କିନ୍ତୁ ଯଦି ସ୍ଥିତି ଗମ୍ଭୀର ହୋଇଥାଏ ଡାକ୍ତରଙ୍କୁ ଦେଖାଇଦେବା ଉଚିତ।
ଆଖି ପତାରେ ସମସ୍ୟା ଦେଖାଦେବା:
ଆଖି ପତା କୁଣ୍ଡାଇ ହେବାକୁ (Blepharitis) କୁହାଯାଇଥାଏ। ଏପରି ସମସ୍ୟା ହେଲେ ଆଖିରେ ସବୁବେଳେ ପାଣି ରହିଥାଏ, କୁଣ୍ଡାଇ ହୋଇଥାଏ । ଏଥିସହ ଆଖି ଓଦା ରହୁଥିବାରୁ ଧୂଳି ମଧ୍ୟ ପଡ଼ିଥାଏ। ଏହା ମୁଖ୍ୟତ ଆଲର୍ଜି କିମ୍ବା ଇନଫେକ୍ସନ ଯୋଗୁ ହୋଇଥାଏ। ଚିକିତ୍ସା ଦ୍ୱାରା ଏହା ଭଲ ହୋଇଥାଏ।
ଅଏଲ ଗ୍ଲାଡସ୍ରେ ସମସ୍ୟା :
ଆଖି ପତା ପାର୍ଶ୍ୱରେ ଥିବା ଛୋଟ ଗ୍ରନ୍ଥିକୁ ମିବୋମିୟମ ଗ୍ରନ୍ଥି କୁହାଯାଇଥାଏ। ଏହା ଆଖିର ଆବଶ୍ୟକତା ଅନୁଯାୟୀ, ତେଲ ପ୍ରସ୍ତୁତ କରିଥାଏ ଯାହାକି ଆଖିକୁ ସୁସ୍ଥ ରଖିଥାଏ। କିନ୍ତୁ ଯଦି ଏହି ଅଏଲ ଗ୍ଲାଡସ୍ କଳା ପଡ଼ିଯାଏ ତେବେ ଆଖିରେ ପର୍ଯ୍ୟାପ୍ତ ମାତ୍ରାରେ ତେଲ ସୃଷ୍ଟି ହୋଇପାରେ ନାହିଁ। ଏଥିଯୋଗୁ ଆଖି କୁଣ୍ଡାଇ ହେବା ସହ ପାଣି ବାହାରିଥାଏ। ଏହାକୁ ଠିକ୍ କରିବା ପାଇଁ ଗରମ ପାଣି ସେକ ଦେଇପାରିବେ। ଏହାଦ୍ୱାରା ଆରାମ ମିଳିବ।
