ଏଥର ସମ୍ଭାଳ ବ୍ୟୁରୋ (ଭୁବନେଶ୍ବର) – କୋଭିଡ୍ ନିୟମ କୁ ଉଲ୍ଲଂଘନ କରି ରାୟଗଡ଼ା ଜିଲ୍ଲା ଗୁଣପୁର ବଡ଼ ଜଗନ୍ନାଥ ମନ୍ଦିର ଆନନ୍ଦ ବଜାର ରେ ଭକ୍ତ ଙ୍କ ଭିଡ଼ । ସ୍ଥାନୀୟ ପ୍ରଶାସନ ଜାଣି ସୁଦ୍ଧା ନିରବ ! ଏଠି ଉପ ଜିଲ୍ଲାପାଳ ଙ୍କ ନିର୍ଦ୍ଧେଶ କୁ ବେଖାତିର୍ କହିବ କାହାକୁ ?
ଏଥର ସମ୍ଭାଳ ବ୍ୟୁରୋ – କରୋନା ସଂକ୍ରମଣ କୁ ଏଡ଼ାଇ ମନ୍ଦିର ମଧ୍ୟରେ ଭିଡକୁ ରୋକିବା ସକାଶେ ରାଜ୍ୟ ଓ ଜିଲ୍ଲା ପ୍ରଶାସନ ପକ୍ଷରୁ କଡା ଆଭିମୁଖ୍ୟ ଗ୍ରହଣ କରିଛନ୍ତି । ରାୟଗଡା ଜିଲ୍ଲା ଗୁଣପୁର ସହରରେ ରହିଥିବା ମନ୍ଦିର ଗୁଡିକରେ ଭିଡ ଜମୁଥିବା ନେଇ ଉପଜିଲ୍ଲାପାଳ ଓ ଦେବୋତ୍ତର ବିହାଗୀୟ ଅଧିକାରୀଙ୍କୁ ଅଭିଯୋଗ କରିବାରୁ ଉପଜିଲ୍ଲାପାଳ କଡା ପଦକ୍ଷେପ ଗ୍ରହଣ କରିଥିବା ସୂଚନା ମିଳିଛି । କିନ୍ତୁ ଦେବତ୍ତୋର ବିଭାଗର ଇଛା ଶକ୍ତି ଅଭାବରୁ ଏହା ଠିକ ଭାବେ କାର୍ଯ୍ୟକାରୀ ହୋଇ ପାରୁନି । ଉପଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଗୁଣପୁରରେ ରହିଥିବା ସମସ୍ତ ମନ୍ଦିର ମୁଖ୍ୟ ଫାଟକରେ ତାଲା ପକାଇ ବନ୍ଦ କରାଯାଇଥିବା ବେଳେ ବଡ଼ ଜଗନ୍ନାଥ ମନ୍ଦିର ରେ ଏହାର ବ୍ୟତିକ୍ରମ ଦେଖା ଯାଇଛି । ଏପରିକି ଭୋଗ ବିକ୍ରି ନାମରେ ମନ୍ଦିର ମଧ୍ୟରେ ପୁରୀ ଆନନ୍ଦ ବଜାର ଭଳି ଭିଡ଼ ଜମୁଛି ।
ଉପଜିଲ୍ଲାପାଳ ଏହି ଗୋଟିଏ ମନ୍ଦିର ପ୍ରତି ସ୍ୱତନ୍ତ୍ର ନିୟମ କରିଛନ୍ତି ନା ତହସିଲଦାର ଓ ମନ୍ଦିର ପୂଜକ ଙ୍କ ମଧ୍ୟରେ ରହିଥିବା ମଧୁ ଚନ୍ଦ୍ରିକା ନିୟମକୁ ଫୁ କରି ଦେଉ ଛି ; ମାତ୍ର କିଛି ଭକ୍ତ ମନ୍ଦିର ର ବନ୍ଦ ଫାଟକ ଠାରେ ଦୀପ ଜଳାଇ ପୂଜା କରୁଥିବା ବେଳେ ସ୍ଥାନୀୟ ପୋଲିସ ଗ୍ରାମଦେବୀ ମନ୍ଦିର ପୂଜାରୀ ଙ୍କୁ ଉଠାଇ ନେଇ କେଶ ରୁଜୁ କରିଥିବା ବେଳେ ଜଗନ୍ନାଥ ମନ୍ଦିର ପୂଜାରୀ ଙ୍କ ବିରୁଦ୍ଧରେ ଏହା ଲାଗୁ ହେଉନାହିଁ କାହିଁକି ବୋଲି ସାଧାରଣରେ ଚର୍ଚ୍ଚା ଜୋର ଧରିଛି । ବେଳ ଥାଉଥାଉ ଉପଜିଲ୍ଲାପାଳ ଏଥିପ୍ରତି ସ୍ୱତନ୍ତ୍ର ଦୃଷ୍ଟି ନ ରଖିଲେ ଆଗାମୀ କାଲି ପ୍ରାତଃ ରୁ ଆରମ୍ଭ ହେବାକୁ ଥିବା ଭିଡକୁ ଏଡାଇ ହେବନି ।ଏହାକୁ ନେଇ ଉପୁଜିବା ଅସୁବିଧା କୁ ଦେଖି ଆମକୁ କହିବାକୁ ହେବ ବାବୁ ଏଥର ସମ୍ଭାଳ ….!
ଏଥର ସମ୍ଭାଳ ବ୍ୟୁରୋ (ଭୁବନେଶ୍ବର) – ୨୦୦୬ ରେ ଲାଗୁ ହୋଇଥିବା ସାମ୍ବାଦିକ ଆଇନର ସଂଶୋଧନ ହୋଇ ନୂତନ ସାମ୍ବାଦିକ ଆଇନ ଆଜିଠୁ କାର୍ଯ୍ୟକାରୀ ହୋଇଛି। ଏନେଇ ଆଜି ବିଧିବଦ୍ଧ ଭାବେ ରାଜ୍ୟ ସରକାରଙ୍କ ପକ୍ଷରୁ ବିଜ୍ଞପ୍ତ ପ୍ରକାଶ ପାଇଛି। ୨୦୦୬ ସାମ୍ବାଦିକ ଆଇନରେ ଥିବା ସମସ୍ତ ସୁବିଧା ନୂଆ ଆଇନରେ ମିଳିବ ହେଲେ ଏଥିରେ ସାମାନ୍ୟ ପରିବର୍ତ୍ତନ କରାଯାଇଛି । “Odisha State Working Journalist Welfare Fund Amendment ” ନାଁରେ ଆଜିଠୁ କାର୍ଯ୍ୟକାରୀ ହୋଇଛି ନୂଆ ସାମ୍ବାଦିକ ଆଇନ। ନୂଆ ନିୟମାବଳୀ ଅନୁଯାୟୀ ଯଦି ଜଣେ ସାମ୍ବାଦିକଙ୍କ ଅଚାନକ ମୃତ୍ୟୁ ଘଟେ ତେବେ ସେମାନଙ୍କ ପରିବାରକୁ ୪ ଲକ୍ଷ ଟଙ୍କା ସ୍ୱାସ୍ଥ୍ୟ ବୀମା ଦିଆଯିବ। ସେହିପରି ସାମ୍ବାଦିକଙ୍କୁ କିମ୍ବା ତାଙ୍କ ପରିବାରର କାହାକୁ ଯଦି କ୍ୟାନସର୍, କିଡ୍ନୀ ଜନିତ ରୋଗ ହୋଇଥାଏ ତେବେ ତାଙ୍କ ପରିବାରକୁ ସ୍ୱାସ୍ଥ୍ୟ ବୀମା ଦ୍ଵାରା ୨ ଲକ୍ଷ ଟଙ୍କା ଦିଆଯିବ। ଏଥିସହିତ ଘର କିଣିବା ଲୋନ୍ ରେ ୩% ସୁଧ ଆକାରରେ ୨୫ ଲକ୍ଷ ଟଙ୍କା ପର୍ଯ୍ୟନ୍ତ ରୁଣ ମଞ୍ଜୁର ହେବ। ଏହିପରି ଦୁଇ ଚକିଆ ଯାନରେ ୫୦,୦୦୦ ଏବଂ ଚାରି ଚକିଆ ଯାନ ୪ ଲକ୍ଷ ଟଙ୍କା ପର୍ଯ୍ୟନ୍ତ ରୁଣ ମଞ୍ଜୁର ହେବ। ଯଦି କେଣସି କାର୍ଯ୍ୟରତ ସମ୍ବାଦିକଙ୍କ ମୃତ୍ୟ ହୁଏ ତେବେ ତାଙ୍କ ପିଲାମାନଙ୍କ ପଢିବା ପାଇଁ ଦଶମ ଯାଏ ୧୫୦୦ ଟଙ୍କା, ଉଚ୍ଚ ଶିକ୍ଷା କ୍ଷେତ୍ରରେ ୨୫୦୦ ଟଙ୍କା ମିଳିବ ବୋଲି କୁହାଯାଇଛି।
!!! ରାୟଗଡ଼ା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଶୀ ଙ୍କ ରିପୋର୍ଟ୍ !!!
ଏଥର ସମ୍ଭାଳ (ଗୁଣପୁର) – କୋଭିଡ଼ ନିୟମକୁ ବେଖାତିର୍ କରି ଗୁଣପୁର ବଡ ଜଗନ୍ନାଥ ମନ୍ଦିର ରେ ଶ୍ରୀଜୀଉ ଙ୍କ ସକାଳ ଓ ସନ୍ଧ୍ଯା ଆଳତି ସମୟରେ ଜନ ଗହଳି ହେଉଥିବା ନେଇ ଉପଜିଲ୍ଲାପାଳ ଓ ଦେବତ୍ତୋର ବିଭାଗ ଅଧିକାରୀ ଙ୍କୁ ଅଭିଯୋଗ କରିବା ପରେ ସେ ଏନେଇ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପ୍ରତିଶ୍ରୁତି ଦେଇଥିଲେ କିନ୍ତୁ ଏହାର୍ କାର୍ଯ୍ୟନୁଷ୍ଠାନ ଶୂନ୍ ଉପଲବ୍ଧ ହୋଇଛି। ଜନ ଗହଳି ସରିବା ପରେ ଅଧିକାରୀ ପହଞ୍ଚି ସବୁ କିଛି ଠିକ୍ ଥିବା କହୁଛନ୍ତି। ତେବେ ଏହା ମନ୍ଦିର ପୂଜକ ଏବ୍ଂ ଦେବୋତ୍ତର କର୍ମକର୍ତ୍ତାଙ୍କ ମଧ୍ୟରେ କେଉଁ ଭାବ ବିନିମୟ ଏହା ସନ୍ଦେହ ଘେରରେ। ମନ୍ଦିର ମଧ୍ୟକୁ ପ୍ରବେଶ ନକରିବା ନିମନ୍ତେ ପୂର୍ବ ଭଳି ବ୍ୟାରିକେଡ ତିଆରି କରିବା ନିମନ୍ତେ ସାଧାରଣରେ ଦାବୀ ହେଉଥିଲେ ମଧ୍ଯ ଏନେଇ ସ୍ଥାନୀୟ ତହସିଲଦାର ନୀରବ କାହିଁକି ବୋଲି ପ୍ରଶ୍ନ ଉଠିଛି। ଦେଖିବାକୁ ରହିଲା ସ୍ଥାନୀୟ ପ୍ରଶାସନ କାର୍ଯ୍ୟନୁଷ୍ଠାନ କେବେ ଗ୍ରହଣ କରୁଛି କାର୍ତ୍ତିକ ଭସାଣୀ ପୂର୍ବରୁ ହେଉଛି ନା ପରେ।
!!! ରାୟଗଡ଼ା ଜିଲ୍ଲା ଗୁଣପୁର ଉପଖଣ୍ଡ ରୁ ବାସନ୍ତୀ କୁମାରୀ ପାଟ୍ଟଯୋଶୀଙ୍କ ରିପୋର୍ଟ୍ !!!
ଏଥର ସମ୍ଭାଳ (ଗୁଣପୁର) – ମୋଦି ସରକାର ଙ୍କ ଶ୍ରମିକ କୃଷକ ଓ ଜନବିରୋଧୀ ନିତୀ ବିରୁଦ୍ଧରେ ଦେଶ ବ୍ୟାପି ଧର୍ମଘଟ ଓ ହରତାଲ କୁ ସମର୍ଥନ କରି ଗୁଣପୁର ପାରଳାଖେମୁଣ୍ଡି ମୁଖ୍ୟ ରାସ୍ତା ବାଇପାସ ଛକ ଠାରେ ନିଖିଳ ଓଡିଶା ପାଚିକା ଓ ସହାୟିକା ମହାସଂଘ, ଅଖିଳ ଭାରତ ଗ୍ରାମୀଣ କ୍ଷେତ ମଜଦୁରସଭା , ଅଖିଳ ଭାରତ କୃଷକ ମହାସଭା,ମୋଟର କର୍ମଚାରୀ ସଂଘ ଗୁଣପୁର ଙ୍କ ମିଳିତ ଆନୁକୂଲ୍ୟରେ ରାସ୍ତା ଅବରୋଧ ଏବଂ ଦୋକାନ, ବଜାର, ଅଟୋ,ବସ, ଟ୍ରକ, ବ୍ୟାଙ୍କ, ପୋଷ୍ଟଲ, ସ୍କୁଲ, କେଜ ଇତ୍ୟାଦି ସମ୍ପୂର୍ଣ୍ଣ ଭାବରେ ବନ୍ଦ କରା ଯାଇଥିଲା। ବିଭିନ୍ନ ସ୍ଲୋଗାନ ଦେଇ ଏକ ବିଶାଳ ଶୋଭାଯାତ୍ରା ସହର ପାରିକ୍ରମା କରି ପୁରୁଣା ବାସ ଷ୍ଟାଣ୍ଡ ଠାରେ ପହଞ୍ଚି ଏକ ପ୍ରତିବାଦ ଶୋଭାକରାଯାଇଥିଲା । ଶୋଭାଯାତ୍ରା, ବନ୍ଦ ପାଳନ କୁ ସି ପି ଆଇ ଲିବେରେସନ ପକ୍ଷରୁ ପୂର୍ଣ୍ଣ ସମର୍ଥନ କରାଯାଇଛି । ଏହି କାର୍ଯ୍ୟକ୍ରମକୁ ସି ପି ଆଇ ଲିବେରେସନ ପାର୍ଟିର ରାଜ୍ୟ ସମ୍ପାଦକ କମ୍ରେଡ଼ ତ୍ରିପତି ଗମାଙ୍ଗ ପରିଚାଳନା କରିଥିଲେ ।
ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ନୟାଗଡ଼ ‘ପରୀ’ ହତ୍ୟା ଘଟଣାର କ୍ରାଇମବ୍ରାଞ୍ଚ ତଦନ୍ତ ହେବ। କ୍ରାଇମବ୍ରାଞ୍ଚ ତଦନ୍ତ ନିଷ୍ପତ୍ତି ନେଇ ଆଜି ବିଧାନସଭାରେ ବିବୃତି ରଖିଲେ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ର। ମାମଲାରେ ଏଯାବତ ୩୪ ଜଣଙ୍କୁ ଜେରା କରାଯାଇଛି।୪ ଜଣଙ୍କର ପଲିଗ୍ରାଫ ଟେଷ୍ଟ ହୋଇଛି। ନୟାଗଡ଼ SDPO ମାମଲାର ତଦାରଖ କରୁଛନ୍ତି ବୋଲି ମନ୍ତ୍ରୀ କ୍ୟାପ୍ଟେନ୍ ଦିବ୍ୟଶଙ୍କର ମିଶ୍ର ଗୃହରେ କହିଛନ୍ତି । ପରି ହତ୍ୟା ମାମଲାରେ ମନ୍ତ୍ରୀ ଅରୁଣ ସାହୁଙ୍କ ନାଁରେ ସଙ୍ଗିନ ଅଭିଯୋଗ ଆଣିଥିଲେ। ଏପରି ଅଭିଯୋଗ ଆଣି ‘ପରୀ’ର ବାପା-ମା’ ଗତକାଲି ବିଧାନସଭାର ସୁରକ୍ଷା ବଳୟ ଡେଇଁ ଦେହରେ ଡିଜେଲ୍ ଢାଳି ଆତ୍ମାହୂତି ଉଦ୍ୟମ କରିଥିଲେ। ପୁଲିସ ସେମାନଙ୍କୁ ଉଦ୍ଧାର କରିଥିଲା। ଏହି ଘଟଣାକୁ ନେଇ ବିଧାନସଭା କମ୍ପିଥିଲା। ‘ପରୀ’ ମୃତ୍ୟୁ ପ୍ରସଙ୍ଗରେ ବିରୋଧୀ ବିଜେପି ଓ କଂଗ୍ରେସ ଗୃହ ରାଷ୍ଟ୍ରମନ୍ତ୍ରୀ ଏବଂ ମୁଖ୍ୟମନ୍ତ୍ରୀଙ୍କ ବିବୃତି ଦାବି କରିଥିଲେ। ଆଜି ଗୃହ ରାଷ୍ଟ୍ରମନ୍ତ୍ରୀ ବିବୃତି ଦେବାକୁ ବାଚସ୍ପତି ରୁଲିଂ ଦେଇଥିଲେ। ବିରୋଧୀ ଦଳମାନେ ପଚାରିଥିବା ୪ଟି ପ୍ରସଙ୍ଗରେ ବିବୃତି ଦେବାକୁ ମନ୍ତ୍ରୀଙ୍କୁ ନିର୍ଦ୍ଦେଶ ଦେଇଥିଲେ ବାଚସ୍ପତି।
ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ନୟାଗଡ଼ର କୁନି ଝିଅ ପରୀକୁ ପ୍ରଥମେ ଅପହରଣ କରାଯାଇଥିଲା। ପରେ ତାକୁ ହତ୍ୟା କରାଯାଇଥିଲା। ବିଧାନସଭାରେ ଉତ୍ତର ରଖି ଏହା କହିଛନ୍ତି ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ର। ସେ କହିଛନ୍ତି-“ପରୀକୁ ଅପହରଣ ପରେ ହତ୍ୟା କରାଯାଇଥିବା ସ୍ପଷ୍ଟ ହୋଇଛି। ଯଦୁପୁର ଗାଁର ଅଶୋକ ସାହୁ ତାଙ୍କ ଝିଅ ନିଖୋଜ ଥିବା ନେଇ ଥାନାକୁ ଜଣାଇଥିଲେ। ଅଭିଯୋଗକୁ ଭିତ୍ତି କରି ଜୁଲାଇ ୧୪ରେ ପୁଲିସ ମାମଲା ରୁଜୁ କରିଥିଲା। VHF ବାର୍ତ୍ତା ଓ ସନ୍ଧାନୀ କୁକୁର ସାହାଯ୍ୟରେ ଝିଅକୁ ଖୋଜା ଯାଇଥିଲା। ଜୁଲାଇ ୨୩ରେ ଅଭିଯୋଗକାରୀଙ୍କ ଘର ପଛପଟୁ ଶବ ଠାବ ହୋଇଥିଲା। ଅଖାରେ ବନ୍ଧା ପଚାସଢ଼ା ଶବ ଠାବ କରିଥିଲେ ଅଭିଯୋଗକାରୀ। ପାରିପାର୍ଶ୍ୱିକ ଅବସ୍ଥାରୁ ଝିଅକୁ ଅପହରଣ ପରେ ହତ୍ୟା କରାଯାଇଥିବା ଜଣାପଡ଼ିଥିଲା। ଶବ ପଞ୍ଚନାମା ପରେ ପୋଷ୍ଟମର୍ଟମ ପାଇଁ କଟକ SCB ପଠାଯାଇଥିଲା। ପୋଷ୍ଟମର୍ଟମ ରିପୋର୍ଟରେ ଶବଟି ଏକ ୫/୬ ବର୍ଷ ଝିଅର ବୋଲି ଜଣାପଡ଼ିଥିଲା। ସେ ଆହୁରି କହିଛନ୍ତି-“ହତ୍ୟା ପୂର୍ବରୁ ଯୌନ ନିର୍ଯାତନା ହୋଇଛି କି ନାହିଁ ଜଣାପଡ଼ିନଥିଲା। ଶବ ନଷ୍ଟ ହୋଇଯାଇଥିବାରୁ ମୃତ୍ୟୁର ପ୍ରକୃତ କାରଣ ଜଣାପଡ଼ିନଥିଲା। DNA ଟେଷ୍ଟ ପରେ ଶବଟି ଅଭିଯୋଗକାରୀଙ୍କ ଝିଅ ବୋଲି ଜଣାପଡ଼ିଥିଲା। ଏହି ମାମଲାରେ ୪ ଜଣଙ୍କ ପଲିଗ୍ରାଫ୍ ଟେଷ୍ଟ ସହ ସନ୍ଦିଗ୍ଧଙ୍କ କଲ୍ ରେକର୍ଡ ଯାଞ୍ଚ ହୋଇଥିଲା। ତଦନ୍ତ କାଳରେ ୩୪ ଜଣ ସନ୍ଦିଗ୍ଧ ଓ ଗ୍ରାମବାସୀଙ୍କୁ ପଚରାଉଚରା ହୋଇଛି ।
ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର)– ଅତ୍ୟାବଶ୍ୟକ ସେବା ସଂଶୋଧନ ବିଲ୍ (ESMA) ଆଇନ ପ୍ରତ୍ୟାହାର ଦାବିରେ CITU ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି। ମାଷ୍ଟର କ୍ୟାଣ୍ଟିନ ଛକର ଲୋୟର ପିଏମଜି ଠାରେ ବିକ୍ଷୋଭ ସହ ବିଧାନସଭା ଘେରାଉ ଉଦ୍ୟମ କରାଯାଇଛି। ତେବେ ବିକ୍ଷୋଭକାରୀଙ୍କୁ ପୁଲିସ ଅଟକ ରଖିଛି। ଶ୍ରମିକମାନଙ୍କର ଧର୍ମଘଟ କରିବାର ଅଧିକାର ରହିଛି। ଲୋକସଭାରେ ମଧ୍ୟ ଏନେଇ ବିଲ୍ ପାସ୍ ହୋଇଥିବା ବେଳେ ବିଧାନସଭାରେ ଏସମା ଆଇନ ପାସ୍ କରିବା ସମ୍ବିଧାନ ବିରୋଧୀ ସରକାର ପ୍ରତ୍ୟାହାର ନକଲେ ଆନ୍ଦୋଳନ ଆଗକୁ ତୀବ୍ର ହେବ ବୋଲି ଚେତାବନୀ ଦିଆଯାଇଛି। ସୂଚନାଯୋଗ୍ୟ, ରବିବାର ବିଧାନସଭାରେ ଓଡ଼ିଶା ଅତ୍ୟାବଶ୍ୟକ ସେବା ସଂଶୋଧନ ବିଲ୍ ପାରିତ ହୋଇଥିଲା। ଏହି ବିଲ୍ ମୁତାବକ, ବେଆଇନ୍ ଧର୍ମଘଟକୁ ପ୍ରୋତ୍ସାହନ କଲେ ଜେଲ୍ ଦଣ୍ଡ ମିଳିବା ସହ ୧ ବର୍ଷ ଜେଲ୍ କିମ୍ବା ୫୦୦୦ ଟଙ୍କା ଯାଏ ଜରିମାନା କରାଯିବା ପାଇଁ ଧାର୍ଯ୍ୟ ହୋଇଛି। ନୂଆ ଅଧିନିୟମରେ ଅଗ୍ନି ନିରାପତ୍ତା ଓ ଜଙ୍ଗଲ ବିଭାଗ ସାମିଲ ହୋଇଛି। ଏଥିସହ କାରାଗାର ସଂସ୍କାର, ଇଲେକ୍ଟ୍ରୋନିକ୍ସ, ସୂଚନା ଓ ଯୋଗାଯୋଗ ମଧ୍ୟ ସାମିଲ ହୋଇଛି। ନୂଆକରି ସାମିଲ ବିଭାଗର କର୍ମଚାରୀମାନେ ବେଆଇନ୍ ଧର୍ମଘଟରେ ସାମିଲ ହେଲେ ଦଣ୍ଡିତ ହେବେ। ସେହିପରି ଯଦି କେହି ବେଆଇନ ଧର୍ମଘଟକୁ ପ୍ରୋତ୍ସାହିତ କରେ ଓ ସମର୍ଥନ କରି ଆର୍ଥିକ ସହାୟତା କଲେ, ସେମାନେ ମଧ୍ୟ ଦଣ୍ଡିତ ହେବେ। ଧର୍ମଘଟ ପାଇଁ ସାଧାରଣ ଲୋକଙ୍କ ସୁରକ୍ଷା ବିପନ୍ନ ହେଲେ ଦଣ୍ଡବିଧାନ ହେବ। ରାଜ୍ୟ ସରକାରଙ୍କ ଏପରି ନିଷ୍ପତ୍ତିକୁ ବିଜେପି ଓ କଂଗ୍ରେସ ବିରୋଧ କରିଥିଲେ। ଶାସକ ଦଳ ପାଖରେ ସଂଖ୍ୟା ଗରିଷ୍ଠତା ଥିବାରୁ ବିଲ୍କୁ ପାସ୍ କରିଦିଆଯାଇଥିଲା।
ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର) – ୨୫.୧୧ : ମୁଖ୍ୟମନ୍ତ୍ରୀଙ୍କ ଟୁଇଟର ଓ ଫେସବୁକ୍ ଆକାଉଣ୍ଟ ଜାଲ୍। କାରଣ ଏ ବିଷୟରେ ତାଙ୍କ ଅଫିସରେ କୌଣସି ରେକର୍ଡ଼ ନାହିଁ। ଏ ଦୁଇଟି ସୋଶାଲ ମିଡିଆରେ ମୁଖ୍ୟମନ୍ତ୍ରୀଙ୍କ ନାମରେ କିଏ ଆକାଉଣ୍ଟ ଖୋଲିଛି, ସେଥିପାଇଁ ତାଙ୍କ ଅଫିସରେ କିଏ ନିଷ୍ପତ୍ତି ନେଇଛି, କିଏ ଏ ଆକାଉଣ୍ଟ ପରିଚାଳନା କରୁଛି, ସେ ବାବଦରେ କେତେ ଖର୍ଚ୍ଚ ହେଉଛି, ଏସବୁ ନେଇ ଫାଇଲ୍ ନିଷ୍ପତ୍ତି ହୋଇଛି କି – ଏମିତି ଅନେକ ପ୍ରଶ୍ନ ସଂପର୍କରେ ମୁଖ୍ୟମନ୍ତ୍ରୀଙ୍କ ଅଫିସ କିଛି ଜାଣିନାହିଁ। ସୂଚନା ଅଧିକାର ଆଇନ ବଳରେ ଟ୍ରାନ୍ସପ୍ୟାରେନ୍ସି ଇଣ୍ଟରନ୍ୟାସନାଲର ବିଶ୍ୱଜିତ ମହାନ୍ତିଙ୍କୁ ଖୋଦ ମୁଖ୍ୟମନ୍ତ୍ରୀଙ୍କ ଅଫିସ ଯେଉଁ ତଥ୍ୟ ପ୍ରଦାନ କରିଛି ସେଥିରୁ ଜଣାପଡ଼ୁଛି ମୁଖ୍ୟମନ୍ତ୍ରୀଙ୍କ ନବୀନ ପଟ୍ଟନାୟକଙ୍କ ନାଁରେ ଟୁଇଟର ଓ ଫେସ୍ବୁକ୍ରେ ଖୋଲିଥିବା ଦୁଇଟି ଆକାଉଣ୍ଟ ଜାଲ୍। ତେଣୁ ଏପରି ଦୁଇଟି ଆକାଉଣ୍ଟରେ ଯେଉଁ ସବୁ ତଥ୍ୟ, ନିଷ୍ପତ୍ତି ଓ ଘୋଷଣା ଆଦି ଶେୟାର କରାଯାଉଛି ତାହାକୁ ବିଶ୍ୱାସ କରିବା କେତେ ଯଥାର୍ଥ ସେନେଇ ସନ୍ଦେହ ସୃଷ୍ଟି ହୋଇଛି। ଯଦି ମୁଖ୍ୟମନ୍ତ୍ରୀଙ୍କ ଅଫିସ ଅର୍ଥାତ ମୁଖ୍ୟମନ୍ତ୍ରୀଙ୍କ ଅଜାଣତରେ କେହି ଏପରି ଆକାଉଣ୍ଟରେ ସରକାରୀ ତଥ୍ୟ ଶେୟାର କରୁଥାନ୍ତି ତେବେ ତାହା ବଡ଼ ଧରଣର ଜାଲଆତି ବ୍ୟତୀତ ଅନ୍ୟ କିଛି ନୁହେଁ। ଏପରି କାରବାର ରାଜ୍ୟ ସ୍ୱାର୍ଥ ପ୍ରତି ବିପଜ୍ଜନକ ମଧ୍ୟ। ରାଜ୍ୟର ଜଣାଶୁଣା ପରିବେଶ ଓ ବନ୍ୟଜନ୍ତୁ ପ୍ରେମୀ ତଥା ସୂଚନା ଅଧିକାର କର୍ମୀ ବିଶ୍ୱଜିତ ମହାନ୍ତି ୨୦୨୦ ଅକ୍ଟୋବର ୨୦ ତାରିଖରେ ମୁଖ୍ୟମନ୍ତ୍ରୀଙ୍କ ଅଫିସର ଟୁଇଟର ଓ ଫେସ୍ବୁକ୍ ଆକାଉଣ୍ଟ ନେଇ କେତେକ ପ୍ରଶ୍ନ କରିଥିଲେ। ପ୍ରଶ୍ନଗୁଡ଼ିକ ହେଲା- ୧. ଓଡ଼ିଶା ମୁଖ୍ୟମନ୍ତ୍ରୀଙ୍କ ଟୁଇଟର ଓ ଫେସ୍ବୁକ୍ ଆକାଉଣ୍ଟ ଖୋଲିବାକୁ ଯେଉଁ ଫାଇଲ୍ରେ ନିଷ୍ପତ୍ତି ନିଆଯାଇଛି ଦୟାକରି ତାହାର ନମ୍ବର, ବିଷୟ ଏବଂ ଫାଇଲ୍ ନୋଟ୍ର ଫଟୋ କପି ଦିଅନ୍ତୁ, ୨. ଦୟାକରି ଓଡ଼ିଶା ମୁଖ୍ୟମନ୍ତ୍ରୀଙ୍କ ଟୁଇଟର ଓ ଫେସ୍ବୁକ୍ ଆକାଉଣ୍ଟ ଖୋଲିବାର ସରକାରୀ ନିର୍ଦ୍ଦେଶର ଫଟୋକପି ଦିଅନ୍ତୁ, ୩. ଓଡ଼ିଶା ମୁଖ୍ୟମନ୍ତ୍ରୀଙ୍କ ଟୁଇଟର ଓ ଫେସ୍ବୁକ୍ ଆକାଉଣ୍ଟରେ ଯାହା ସବୁ ପୋଷ୍ଟ ହେଉଛି ବା ଲେଖାଯାଉଛି, ଯେଉଁସବୁ ଉତ୍ତର ଦିଆଯାଉଛି ତାହା ତାଙ୍କ ଦପ୍ତରର କେଉଁ ଅଧିକୃତ କର୍ମଚାରୀ ବା କୌଣସି ବାହାର ବ୍ୟକ୍ତି କରୁଛନ୍ତି ତାଙ୍କ ନାମ ଓ ପଦବୀ ଜଣାନ୍ତୁ ଏବଂ ୪. ଯଦି କୌଣସି ତୃତୀୟ ପକ୍ଷଙ୍କୁ ଏହି କାମ କରିବାର କ୍ଷମତା ଓ ଅଧିକାର ପ୍ରଦାନ କରାଯାଇଥାଏ ତେବେ ତାଙ୍କୁ ସେଥିପାଇଁ କେତେ ପାଉଣା ଦିଆଯାଉଛି ସେ ସଂପର୍କୀତ ସଦ୍ୟତମ ବିଲ୍ର ନକଲ ପ୍ରଦାନ କରନ୍ତୁ।
ମୁଖ୍ୟମନ୍ତ୍ରୀଙ୍କ ଦପ୍ତରରେ ନିଯୁକ୍ତ ଥିବା ସାଧାରଣ ସୂଚନା ଅଧିକାରୀ ବା ପିଆଇଓ ଏସବୁ ପ୍ରଶ୍ନ ସଂକ୍ରାନ୍ତରେ ଯେଉଁ ଉତ୍ତର ବା ତଥ୍ୟ ପ୍ରଦାନ କରିଛନ୍ତି ସେଥିରୁ ସ୍ପଷ୍ଟ ହୋଇଯାଇଛି ଯେ ଓଡ଼ିଶା ମୁଖ୍ୟମନ୍ତ୍ରୀଙ୍କ ଅଫିସ ନାମରେ ଟୁଇଟର ଓ ଫେସ୍ବୁକ୍ରେ ଯେଉଁ ଆକାଉଣ୍ଟ ବା ପେଜ୍ ଖୋଲିଛି ସେ ସଂପର୍କରେ ମୁଖ୍ୟମନ୍ତ୍ରୀଙ୍କ ଦପ୍ତର ବିଧିବଦ୍ଧ ଭାବେ ଅବହିତ ନୁହେଁ। ନବୀନ ପଟ୍ଟନାୟକଙ୍କ ସରକାର ୫-ଟି ନୀତିରେ ଚାଲିଛି ବୋଲି ପ୍ରଚାର କରାଯାଉଛି। ୫-ଟି କହିଲେ ଟ୍ରାନ୍ସପ୍ୟାରେନ୍ସି(ସ୍ୱଚ୍ଛତା), ଟାଇମ୍(ସମୟ), ଟିମ୍ୱାର୍କ(ଏକ୍ଜୁଟ ହୋଇ କାମ), ଟେକ୍ନୋଲୋଜି(ପ୍ରଯୁକ୍ତି) ଏବଂ ଟ୍ରାନ୍ସଫର୍ମେସନ(ପରିବର୍ତ୍ତନ/ରୂପାନ୍ତରଣ)। ଏ ଦାୟିତ୍ୱରେ ଅଛନ୍ତି ପୁଣି ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ତଥା ତାଙ୍କ ଶାସନର ସବୁଠୁଁ ଶକ୍ତିଶାଳୀ ଅଧିକାରୀ କୁହାଯାଉଥିବା ଭି. କେ. ପାଣ୍ଡିଆନ। ଅଥଚ ସୋସାଲ ମିଡିଆରେ ମୁଖ୍ୟମନ୍ତ୍ରୀଙ୍କ ଦପ୍ତରର ଆକାଉଣ୍ଟ ଖୋଲିବା ନେଇ ତାଙ୍କ ଦପ୍ତରରେ କୌଣସି ସ୍ୱଚ୍ଛତା ଅବଲମ୍ବନ କରାଯାଇ ନାହିଁ, ତାଙ୍କ ଦପ୍ତରର କୌଣସି ଅଧିକାରୀ ଟିମ୍ ମେମ୍ବର ହିସାବରେ ଏ ଦାୟିତ୍ୱରେ ନାହାନ୍ତି, ଏ ବାବଦରେ କେତେ ଟଙ୍କା ଖର୍ଚ୍ଚ ହେଉଛି ଓ ତାହା କିଏ ଦେଉଛି ସେ ସଂପର୍କରେ କୌଣସି ରେକର୍ଡ଼ ନାହିଁ। ଅଥଚ ନିୟମିତ ଭାବେ ଏ ଦୁଇ ଆକାଉଣ୍ଟରେ ଓଡ଼ିଶା ଶାସନର ଅନେକ ଗୁରୁତ୍ୱପୂର୍ଣ୍ଣ କଥା ଶେୟାର କରାଯାଏ।
ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର): ବିଧାନସଭାରେ ଉଠିଲା ଆନ୍ଧ୍ର-ଓଡ଼ିଶା ସୀମା ବିବାଦ ପ୍ରସଙ୍ଗ। ଏହି ପ୍ରସଙ୍ଗରେ ଆଜି ଗୃହରେ ପ୍ରାରମ୍ଭିକ ବିବୃତି ରଖିଛନ୍ତି ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁଦାମ ମାର୍ଣ୍ଡି। ସେ କହିଛନ୍ତି ଯେ , କୋରାପୁଟ ଜିଲ୍ଲା ଓ ଆନ୍ଧ୍ରପ୍ରଦେଶର କିଛି ଜିଲ୍ଲା ମଧ୍ୟରେ ସୀମା ବିବାଦ ରହିଛି। ତେବେ ଆପୋଷ ବୁଝାମଣା ମଧ୍ୟରେ ସୀମା ଚିହ୍ନଟ କରାଯିବ। ୨୧ଟି ଗାଁରେ ଏହି ସମସ୍ୟା ରହିଛି ଯେଉଁଠି ରାଜ୍ୟ ସରକାର ସବୁ ପ୍ରକାର ସୁବିଧା ଯୋଗାଇଛନ୍ତି। ମନ୍ତ୍ରୀ ଆହୁରି କହିଛନ୍ତି, ଜିଲ୍ଲାପାଳ ଓ ଆରଡିସିଙ୍କ ତତ୍ତ୍ୱାବଧାନରେ ସୀମା ବିବାଦ ସମାଧାନ ପାଇଁ ଉଦ୍ୟମ ଜାରି ରହିଛି। ବାଲେଶ୍ୱର ଜିଲ୍ଲା ଓ ପଶ୍ଚିମବଙ୍ଗ ମଧ୍ୟରେ ମଧ୍ୟ କିଛି ସମସ୍ୟା ରହିଛି। ୯ଟି ଗାଁରେ ସମସ୍ୟା ରହିଛି ସମାଧାନ ପାଇଁ ପ୍ରଶାସନିକ ସ୍ତରରେ ଏକ କମିଟି ଗଠନ ହୋଇଛି। ଝାଡ଼ଖଣ୍ଡ ସହିତ ମଧ୍ୟ ଓଡ଼ିଶାର କିଛି ଜିଲ୍ଲାର ବିବାଦ ରହିଛି। ତେବେ ରାଜ୍ୟ ସରକାରଙ୍କ ସମୟୋଚିତ ପଦକ୍ଷେପ ପାଇଁ ସେମିତି କିଛି ବଡ଼ ଧରଣର ସମସ୍ୟା ଉପୁଜିନି ବୋଲି ଗୃହକୁ ଜଣାଇଛନ୍ତି ମନ୍ତ୍ରୀ ।
