ଫିରିଙ୍ଗିଆ ଅଞ୍ଚଳରେ ପ୍ରବଳ ବର୍ଷା ;ଜନ ଜୀବନ ଅସ୍ତ ବ୍ୟସ୍ତ।
!!! କନ୍ଧମାଳ ଜିଲ୍ଲା ଫୁଲବାଣୀ ରୁ ଉପଖଣ୍ଡ ପ୍ରତିନିଧି ଜଳନ୍ଧର ବେହେରା ଙ୍କ ରିପୋର୍ଟ !!!
ଏଥର ସମ୍ଭାଳ (ଫୁଲବାଣୀ) – ଫିରିଙ୍ଗିଆ ଅଞ୍ଚଳରେ ଗତ କାଲି ଠାରୁ ପ୍ରବଳ ବର୍ଷା ହେବା ସହିତ ବହୁତ କ୍ଷୟ କ୍ଷତି ହୋଇଥିବା ଦେଖିବାକୁ ମିଳିଛି। କିଛି ଅଞ୍ଚଳ ରେ ବନ୍ୟା ହେବା ଯୋଗୁଁ ଚାଷ ଜମିରେ ବାଲି ଚର ଯାଇଥିବା ବେଳେ କିଛି ଲୋକଙ୍କ ଘର ଭାଙ୍ଗି ଯାଇଥିବା ମଧ୍ୟ ଦେଖିବାକୁ ମିଳିଛି । ପଵିଙ୍ଗିଆ ପଞ୍ଚାୟତ ଜ୍ୱାର୍ଗିପଦର ଗାଁ ର ରେବତୀ କର୍ଣ ଓ ପରିବାର ଘରେ ଶୋଇଥିବା ବେଳେ ରାତିରେ ଘର କାନ୍ଥ ଭାଙ୍ଗି ଭୁଶୁଡି ପଡିବାରୁ ଅଳ୍ପକେ ପରିବାର ବଞ୍ଚିଯାଇଥିବା ବେଳେ ପପୁ କର୍ଣ ର ହାତରେ ସାମାନ୍ୟ ଆଘାତ ଲାଗିଥିବା ଜଣା ପଡିଛି। ସେହିପରି ଫିରିଙ୍ଗିଆ ବ୍ଲକ ଛକ ରେ ରାତି ୮ଟା ସମୟରେ ବିରାଟ ଶାଗୁଆନ ଗଛ ପଡିଯିବାରୁ ଯାତାୟତ ବାଧାପ୍ରାପ୍ତ ହୋଇଥିବା ଦେଖିବାକୁ ମିଳିଥିଲା । ତେବେ ତୁରନ୍ତ ଅଗ୍ନିଶମ ବିଭାଗ ସେଠାରେ ପହଞ୍ଚି ଗଛ କାଟି ରାସ୍ତାରୁ ହଟାଇବା ପରେ ଯାତାୟତ ସ୍ୱାଭାବିକ ହୋଇଥିଲା । ଅନ୍ୟପଟେ ପୋଡ଼ାପଡ଼ା ଡାଙ୍ଗଡୀକିଆ ମଝିରେ ଥିବା ପୋଲ ଉପରେ ପାଣି ଯିବା ସହ ରାସ୍ତାର କିଛି ଅଂଶ ଧୋଇ ହୋଇଯିବାରୁ କୁଟିବାରି,ଡାଂଗଡି କିଆ, ପଦାସାହି,ବର ସାହି, ଜୟଲମ୍ବା ଆଦି ଅଞ୍ଚଳ ଯୋଗାଯୋଗ ବିଛିନ୍ନ ହୋଇଥିବା ଦେଖିବାକୁ ମିଳିଥିବା ବେଳେ ଫିରିଙ୍ଗିଆ ବ୍ଲକ ର ବିଭିନ୍ନ ଅଞ୍ଚଳ ରେ ବହୁ ଘର ଭାଙ୍ଗିବା ସହ ଜନ ଜୀବନ ଅସ୍ତ ବ୍ୟସ୍ତ ହୋଇ ପଡିଛି।