ଅସହାୟ ମହିଳା ଙ୍କର ସରକାରୀ ସହାୟତା ହେଲା ବାଟବଣା।

!!! କନ୍ଧମାଳ ରୁ ଜିଲ୍ଲା ସ୍ଵତନ୍ତ୍ର ପ୍ରତିନିଧି ମିଲନ କହଁର ଙ୍କ ରିପୋର୍ଟ୍ !!!

ଏଥର ସମ୍ଭାଳ (କନ୍ଧମାଳ) – ସମଗ୍ର ରାଜ୍ୟ, ଦେଶ ଓ କନ୍ଧମାଳ ଜିଲ୍ଲାରେ ମହିଳା ମାନଙ୍କ ପାଇଁ ସରକାର ବିଭିନ୍ନ ପ୍ରକାର ଯୋଜନା କରୁଛନ୍ତି । କାହିଁକିନା ଯେଉଁଭଳି ଭାବେ ମହିଳା ମାନେ ଦଳିତ ନ ହେଇ ମହିଳା ମାନେ ପ୍ରତେକ ଖେତ୍ରରେ ଅଗ୍ରସର ହେଇପାରିବେ । ଏମିତିକି ମହିଳା ମାନଙ୍କ ପାଇଁ ସ୍ୱତନ୍ତ୍ର ମହିଳା ସରଣକ୍ଷଣ ଆଇନ ପ୍ରଣୟନ ମଧ୍ୟ କରିଛନ୍ତି । ଯେଉଁଭଳି ଭାବେ ମହିଳା ମାନେ କୌଣସି କ୍ଷେତ୍ରରେ ଅବହେଳିତ ନ ହେଇ ପ୍ରତେକ ସରକାରୀ ସହାୟତା ପାଇପାରିବେ ସେଥିରୁ ଯେପରି ଜଣେ ମଧ୍ୟ ମହିଳା ବାଦ ନ ପଡ଼ନ୍ତି ସରକାର ଆଖି ଦୃଷ୍ଟି ରେ ରଖି ମହିଳା ମାନଙ୍କ ବିକାଶ ନିମନ୍ତେ କୋଟି କୋଟି ଟଙ୍କା ବିୟୋଗ ବରାଦ କରୁଛନ୍ତି । ମହିଳା ମାନଙ୍କୁ ସରକାରୀ ସହାୟତା ଯୋଗାଇ ଦିଆଯାଉଛି କିନ୍ତୁ କେତେକ ପକ୍ଷରେ ସେହି ଯୋଜନା ଗୁଡ଼ିକ ବାଟବଣା ହେଉଥିବା ଦେଖିବାକୁ ମିଳୁଛି । ଏହି କ୍ଷେତ୍ରରେ ଆମେ ସରକାରୀ ସହାୟତା ବାଟବଣା ହେବା କହିବା ଅତୃପ୍ତି ହେବନାହିଁ । କେତେକ ମହିଳା ମାନେ ସରକାରୀ ସହାୟତା ପାଇବାତ କାଠିକର ପାଠ ହେଇପଡ଼ିଛି । ସେମାନଙ୍କ ପାଇଁ ସରକାରୀ ସହାୟତା ଦେବାତ ବହୁ ଦୂରର କଥା ଶୁଣିବା ପାଇଁ ମଧ୍ୟ ତାଙ୍କୁ ସାତ ସପନ ଲାଗୁଛି । ତଥାପି ଗରିବ ନିରୀହ ମହିଳା ମାନେ ନିଜ ଜୀବନ କୁ ବଞ୍ଚେଇବା ପାଇଁ ମୂଲ ମଜୁରିକରି କିଛି ଅର୍ଥ ଉପାର୍ଜନ କରି ପରିବାର ଓ ନିଜର ପେଟ ପାଇଁ ଖାଦ୍ୟ ଯୋଗାଡ଼ କରନ୍ତି । ଅନେକ କ୍ଷେତ୍ରରେ ମହିଳା ମାନେ ଅବହେଳିତ ହେଇଥିବା ମଧ୍ୟ କିଛି ଗ୍ରାମରେ ଦେଖିବାକୁ ମିଳୁଛି । ସେଇଭଳି ଏକ ଦୃଶ୍ୟ ଦେଖିବାକୁ ମିକିଛି କନ୍ଧମାଳ ଜିଲ୍ଲା ଖଜୁରିପଡ଼ା ବ୍ଲକ୍ ଅନ୍ତର୍ଗତ ବଲସ୍କୁମ୍ପା ଗ୍ରାମ ପଞ୍ଚାୟତ ର ନୂଆଁସାହି ଗ୍ରାମରେ । ଏହି ଗ୍ରାମରେ ରୁହନ୍ତି ନିରୀହ ମହିଳା ପଦ୍ମିନୀ କୁଦେଇ , ବୟସ(୪୬) ଏବଂ ତାଙ୍କ ଝିଅ ମଧୁସ୍ମିତା ଚନ୍ଦନ , ବୟସ (୨୨) । ମା ପଦ୍ମିନୀ କୁଦେଇ ସ୍ୱାମୀ ଠାରୁ ଦୀର୍ଘ ପ୍ରାୟ ୨୨ ବର୍ଷ ଛାଡ଼ପତ୍ର ହେଇ ନିଜ ବାପା ମାଙ୍କ ଘରେ ରହିଆସୁଥିବା ବେଳେ ତାଙ୍କ ପାଖରେ ଆଜି ପର୍ଯ୍ୟନ୍ତ ଛାଡ଼ ପତ୍ର ଭତ୍ତା ଟିଏ ପାଇବାର ସାତ ସପନ ହେଇପଡ଼ିଛି । ଅନ୍ୟ ପକ୍ଷରେ ପଦ୍ମିନୀ କୁଦେଇ ଆଜକୁ ୨୨ ବର୍ଷ ହେଲାଣି ପ୍ରତେକ ଦିନ ଦିନ ମଜୁରି କରି ଯେଉଁ ଅର୍ଥ ଉପାର୍ଯ୍ୟନ କରନ୍ତି ସେଥିରେ ମା ଓ ଝିଅର ଖାଦ୍ୟ ଯୋଗାଡ଼ କରିବା ଅତି କଷ୍ଟ ସାଧ୍ୟ ହେଇପଡୁଛି । ଏହିପରିପ୍ରେଖିରେ ଝିଅ ମଧୁସ୍ମିତା କୁ ଭଲ ପାଠ ପଢ଼େଇ ମଣିଷ ପରି ମଣିଷ କରିବାପାଇଁ ଦିନରାତି ମୁଣ୍ଡ ଝାଳ ତୁଣ୍ଡରେ ମାରି ମା ଟଙ୍କା ଉପାର୍ଜନ କରି ଝିଅର ପାଠ ପଢ଼ିବା ଖର୍ଚ୍ଚ ବହନ କରନ୍ତି । ଏବଂ ଝିଅକୁ ଭଲ ମଣିଷ ଟିଏ କରିବା ପାଇଁ ଦିନ ରାତି ସ୍ୱପ୍ନ ଦେଖୁଥାନ୍ତି । କିନ୍ତୁ ବର୍ତ୍ତମାନ ଝିଅ ଯୁକ୍ତ ତିନି ପାଠ ପଢା ସାରିବାପରେ ଭୁବନେଶ୍ୱର ସ୍ଥିତ ପ୍ରତିଭାଦେବୀ ନର୍ସିଂ ସ୍କୁଲ ନିଳାନ୍ଦ୍ରୀ ବିହାର ରେ G N M ଟ୍ରେନିଂ କରୁଛନ୍ତି । କିନ୍ତୁ ତାଙ୍କ ଟ୍ରେନିଂ ରେ ପାଠ ପଢା ପାଇଁ ଯେତେ ପରିମାଣରେ ଟଙ୍କା ଆବଶ୍ୟକ ହୁଏ ତାହା ଯୋଗାଇବା କଷ୍ଟ ସାଧ୍ୟ ହେଇଥିଲେ ମଧ୍ୟ ଝିଅର ଉତ୍ତମ ଭବିଷ୍ୟତ ପାଇଁ ମା ଧାରକରଜ କରି ଟଙ୍କା ଯୋଗାଡ଼ କରି ତାହା ପୁରଣ କରିବା ସହିତ ଅତି ଦୁଃଖ ଦାୟକ ଜୀବନ ଯାପନ ବିତାଉଛନ୍ତି । ଯଦି ଏହି ପରିସ୍ଥିତିରେ ଆମେ କହିବା ଏହି ନିରୀହ ମହିଳା ଙ୍କ ପ୍ରତି ସରକାର ଅଣଦେଖା ହେଉଥିବା ତାହା ଅତୃପ୍ତି ହେବନାହିଁ । ଅତି ଦୁଃଖ ଓ ପରିତାପର ବିଷୟ ଏହି ମହିଳା ଜଣକ ଏ ପର୍ଯ୍ୟନ୍ତ ଭତ୍ତା ଟିଏ ପାଇଁ ହେଉ କିମ୍ବା ଘର ଖଣ୍ଡେ ପାଇଁ ହେଉ ପଞ୍ଚାୟତ କାର୍ଯ୍ୟଳୟ ଠାରୁ ଆରମ୍ଭ କରି ବ୍ଲକ୍ ପ୍ରଶାସନ ପର୍ଯ୍ୟନ୍ତ ଦୌଡ଼ି ଦୌଡ଼ି ନାହାଁନ୍ତ ହେଇଥିଲେ ସୁଦ୍ଧା ନାଁ ପାଇଛନ୍ତି କାଳିଆ ଯୋଜନାର ଟଙ୍କା ନା ପାଇଛନ୍ତି ଆବାସ ଯୋଜନାର ଘର , ନା ପାଇଛନ୍ତି ଇନ୍ଦିରାଆବାସ ଗୃହ ନା ପାଇଛନ୍ତି ମୋ କୁଡ଼ିଆ ନା ପାଇଛନ୍ତି ବିଜୁ ପକ୍କା ଘର । ଯଦି ସରକାର ଯୋଜନା କୁହାଯାଏ ତାହେଲେ ମାଂ ଝିଅ ଦସକେଜି ଚାଉଳ ବିନା ଅନ୍ୟ କିଛି ସରକାରୀ ସୁବିଧାରୁ ବଞ୍ଚିତ ଅଛନ୍ତି। ଦୁଃଖ ଓ ପରିତାପର ବିଷୟ ଅନେକ ନିର୍ବାଚନ ସମୟରେ ଗାଁ କୁ ବିଭିର୍ଣ୍ଣ ପ୍ରକାର ରାଜ ନେତା ମାନେ ଆସି ଗରିବ ଲୋକଙ୍କୁ ଭୁଆଁବୁଲା କଥା କହି ଲୋକଙ୍କୁ ମିଛ ପ୍ରତିଶୃତି ଦେଇ ଭୋଟ୍ ହାତେଉଛନ୍ତି । କିନ୍ତୁ ଅନ୍ୟ ଦିନ ଗୁଡ଼ିକରେ ଭୋଟ୍ ପାଇବା ପରେ ଏମାନଙ୍କ ଦୁଃଖ ଶୁଣିବାତ ଦୂରର କଥା ତାଙ୍କର ଛାଇ ମଧ୍ୟ ଦେଖିବାକୁ ମିଳୁନ ଥିବା କହିଛନ୍ତି । ଏ ନେଇଁ ଆମେ ଖଜୁରିପଡ଼ା ବ୍ଲକ୍ ଉନୟନ ଅଧିକାରୀ ରବୀନ୍ଦ୍ର ନାଥ କଂହର ଙ୍କ ପ୍ରତିକ୍ରିୟା ନେବାରୁ ଉକ୍ତ ଘଟଣା କୁ ତଦନ୍ତ କରାଯିବ ଏବଂ ତାଙ୍କୁ ଭତ୍ତା ଦେବା ସହିତ (P M A Y ) ଲିଷ୍ଟ ରେ ଯଦି ତାଙ୍କର ନାମ ଥାଏ ତେବେ ତାଙ୍କୁ ଘର ପ୍ରଦାନ କରାଯିବ ବୋଲି ଶ୍ରୀ କଂହର ପ୍ରତିକ୍ରିୟା ରଖିଛନ୍ତି । ଏହି ପରି ପ୍ରେକ୍ଷୀରେ ଏହି ଅସହାୟ ନିରୀହ ଗରିବ ମହିଳା ଙ୍କୁ ସରକାରୀ ସହାୟତା ଯୋଗାଇ ଦେବାପାଇଁ ସମାଜ ସେବୀ ବୈଦ୍ୟନାଥ ବେହେରା , କନ୍ଧମାଳ ଜିଲ୍ଲାର ଖାଉଟି ସୁରକ୍ଷା ଜିଲ୍ଲା ଆବାହକ ତଥା ସମାଜସେବୀ କୁନା ଦିଗାଲ ଏବଂ ସମାଜସେବୀ ତଥା ମାଁ ଇଷ୍ଟ ଦେବୀ ଯୁବକଳା ପରିଷଦର ସମ୍ପାଦକ ବିଦୁର ବେହେରା ଙ୍କ ସମେତ ଅଞ୍ଚଳ ବାସୀ ଦାବି କରିଛନ୍ତି ।

ମା ନାରାୟଣୀ ଙ୍କ ହୁଣ୍ଡି ଭାଙ୍ଗି ଟଙ୍କା ଲୁଟ?ପରିଚାଳନା କମିଟିର ଭୂମିକା କୁ ନେଇ ସନ୍ଦେହ ।

!!! ଗଞ୍ଜାମ୍ ଜିଲ୍ଲା ଛତ୍ରପୁର ରୁ ଉପଖଣ୍ଡ ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଗଞ୍ଜାମ୍) – ଗଞ୍ଜାମ ଜିଲ୍ଲାର ପ୍ରସିଦ୍ଧ ଶକ୍ତିପୀଠ ମା ନାରାୟଣୀ ମନ୍ଦିର ରେ ହୁଣ୍ଡି ଭାଙ୍ଗି ଟଙ୍କା ଲୁଟ ହୋଇଥିବା ଜଣାପଡିଛି । ମା ନାରାୟଣୀଙ୍କ ମନ୍ଦିର ପରିସର ମଧ୍ୟରେ ଥିବା ହୁଣ୍ଡି ରେ ଗତକାଲି ସନ୍ଧ୍ୟାରେ ଜଣେ ଭକ୍ତ ଦାନ ଅର୍ଥ ପକାଇବା ପାଇଁ ଯାଇଥିବା ବେଳେ ହୁଣ୍ଡି ର କବାଟ ଖୋଲା ଥିବା ଦେଖି ପୂଜାରୀ ଙ୍କୁ କହିଥିଲେ । କିନ୍ତୁ ମନ୍ଦିର ରେ ଥିବା ଅନ୍ୟ କୌଣସି ବ୍ୟକ୍ତି ଏ ସମ୍ପର୍କରେ ଜାଣିପାରି ନ ଥିଲେ । ରାତିରେ ମନ୍ଦିର କବାଟ ବନ୍ଦ କରି ସମସ୍ତେ ଚାଲି ଯାଇଥିଲେ । ଆଜି ସକାଳେ କୌଣସି ସୂତ୍ରରୁ ଖବର ପାଇ ଭେଜିପୁଟ ଫାଣ୍ଡି ଅଧିକାରୀ ଟୁନା ପିଡ଼ିକା ସଦଳେବଳେ ନାରାୟଣୀ ମନ୍ଦିର ରେ ପହଞ୍ଚି ନିଜ ଆଡୁ ତଦନ୍ତ ଆରମ୍ଭ କରିଥିଲେ । ଫାଣ୍ଡି ଅଧିକାରୀ ଙ୍କ କହିବା କଥା ହୁଣ୍ଡି ର କବାଟ ଖୋଲାଥିଲା । ଭଙ୍ଗାଯିବାଭଳି ସେମିତି କିଛି ଲାଗୁନଥିଲା । ହୁଣ୍ଡି ଭିତରେ ଦୁଇ ଚାରି ଟା ଶହେ ଟଙ୍କିଆ ଓ ପଚାଶ ଟଙ୍କିଆ ନୋଟ କୁ ଛାଡି ଦେଲେ ଆଉସବୁ ଦଶ ଓ କୋଡିଏ ଟଙ୍କିଆ ନୋଟ ଭରପୁର ହୋଇ ରହିଥିଲା । ସେଠାରେ ଉପସ୍ଥିତ ଥିବା କିଛି ବ୍ୟକ୍ତି ଙ୍କୁ ପୋଲିସ ପଚାରିବାରୁ ସେମାନେ କେହି ଦୁର୍ବୁତ୍ତ ହୁଣ୍ଡି ଖୋଲି ୫୦୦ ଓ ୧୦୦ ଟଙ୍କିଆ ନୋଟ ଗୁଡିକ ନେଇ ଯାଇଥିବା ଅଭିଯୋଗ କରିଥିଲେ । ତେବେ ଫାଣ୍ଡି ଅଧିକାରୀ ଙ୍କ କହିବା କଥା ଯଦି ବାହାରୁ କେହି ଚୋରି କରିବା ପାଇଁ ଆସିଥାନ୍ତା ତାହେଲେ କେବଳ ୫୦୦ ଓ ୧୦୦ ଟଙ୍କିଆ ନୋଟ ନ ନେଇ ସେ ସବୁ ଟଙ୍କା ଲୁଟ କରି ନେଇଯାଇଥାନ୍ତା । ତାପରେ ଚୋରି ହେବାର ୨୪ ଘଣ୍ଟା ବିତିଯାଇଥିଲେ ମଧ୍ୟ ଏ ପର୍ଯ୍ୟନ୍ତ ମନ୍ଦିର ପରିଚାଳନା କମିଟିର କୌଣସି ସଦସ୍ୟଙ୍କ ର ଦେଖା ନାହିଁ କି ସେମାନେ ପୋଲିସ ନିକଟରେ ଅଭିଯୋଗ ପତ୍ର ଦାଖଲ କରି ନାହାନ୍ତି । ଏହା ପରିଚାଳନା କମିଟିର ଭୂମିକା କୁ ସନ୍ଦେହ ଘେରକୁ ଟାଣିଆଣିଛି ବୋଲି ସାଧାରଣ ରେ ଚର୍ଚ୍ଚା ହେଉଛି ।ମନ୍ଦିର ରେ ସିସିଟିଭି ଲାଗିଥିଲେ ମଧ୍ୟ ଚୋରି ସମୟରେ ଏହା ବନ୍ଦ ଥିବା ପୋଲିସ ତଦନ୍ତ ରେ ଜାଣିବାକୁ ପାଇଛି । ଏମିତି ପୂର୍ବରୁ ତିନି ଥର ହୁଣ୍ଡି ରୁ ଚୋରି ହେଲାଣି କିନ୍ତୁ କୌଣସି କାର୍ଯ୍ୟାନୁଷ୍ଠାନ ହେଉନାହିଁ । ଏପରିକି ଥରେ ହୁଣ୍ଡି କୁ କେହି ଦୁର୍ବୁତ୍ତ ଟେକି ନେଇ ପଳେଇ ଯାଇଥିଲା । ପରିଚାଳନା କମିଟିର ବୈଠକ ଦୀର୍ଘ ଦିନ ହେଲା ବସିନାହଁ କି କର୍ମକର୍ତ୍ତା ପରିବର୍ତ୍ତନ ହୋଇପାରୁନାହିଁ । ମନ୍ଦିର ରୁ ଲକ୍ଷ ଲକ୍ଷ ଟଙ୍କା ଆଦାୟ ହେଉଥିଲେ ମଧ୍ୟ ତାହା ମନ୍ଦିର ର କୌଣସି ଉନ୍ନୟନ ମୂଳକ କାର୍ଯ୍ୟ ରେ ତାହା ଖର୍ଚ୍ଚ ହେଉନଥିବା ସାଧାରଣରେ ବଡ଼ ପ୍ରଶ୍ନବାଚୀ ସୃଷ୍ଟି କରିଛି । ଟଙ୍କା କୁଆଡେ ଯାଉଛି ତାହାର ଏକ ବିଧିବଦ୍ଧ ତଦନ୍ତ ହେବା ଆବଶ୍ୟକ ବୋଲି ଅଞ୍ଚଳବାସୀ ଦାବି କରିଛନ୍ତି ।

ଜିଲ୍ଳାପାଳଙ୍କ ରାମନାଗୁଡା ବ୍ଲକ ଓ ଗୁଣପୁର କୋଭିଡି ସ୍ବାସ୍ଥ୍ୟ କେନ୍ଦ୍ର ପରିଦର୍ଶନ …!

!!! ରାୟଗଡା ଜିଲ୍ଲା ରାମନାଗୁଡା ରୁ ଦିଲ୍ଲୀପ ପଣ୍ଡାଙ୍କ ରିପୋର୍ଟ !!!

ଏଥର ସମ୍ଭାଳ(ରାମନାଗୁଡା)-ରାୟଗଡ଼ା ଜିଲ୍ଳାପାଳ ଶ୍ରୀ ପ୍ରମୋଦ କୁମାର ବେହେରା ଜିଲ୍ଲାର ବିଭିନ୍ନ ବ୍ଲକକୁ ଗସ୍ତ କରି ବିଭିନ୍ନ ଉନ୍ନୟନ ମୂଳକ ଯୋଜନା ସମ୍ପର୍କରେ ଅନୁଧ୍ୟାନ କରିଛନ୍ତି । ଆଜି ରାମନାଗୁଡା ବ୍ଲକର ଶୁଣ୍ଢି ଧ।ମୁଣି ଗ୍ରାମ ପଞ୍ଚାୟତ ଅନ୍ତର୍ଗତ ପାଳୁପାଇ ଗ୍ରାମରେ ମନରେଗା ଯୋଜନାରେ ଚାଲୁରହିଥିବା ନୂତନ ପୋଖରୀ ଖନନ ଓ ସୌନ୍ଦର୍ଯ୍ୟ କରଣ କାର୍ଯ୍ୟ ବୁଲିଦେଖି ଶ୍ରମିକ ମାନଙ୍କ ସହ ମଜୁରୀ ଠିକ ଭାବରେ ପାଉଛନ୍ତି ନାହିଁ ପଚାରି ବୁଝିବା ସହିତ ବିଭିନ୍ନ ସାମାଜିକ ସହାୟତା ଯୋଜନା ଯଥା ବାର୍ଦ୍ଧକ୍ୟ ଭତ୍ତା, ବିଧବା ଭତ୍ତା ଓ ଚାଉଳ ପାଉଛନ୍ତି କି ନାହିଁ ପଚାରି ବୁଝିଥିଲେ ।ଏହାପରେ ଜିଲ୍ଳାପାଳ ଆଲୁବାଡି ଗ୍ରାମରେ ମନରେଗା ଯୋଜନ।ରେ ଚାଲିଥିବା ସିମେଣ୍ଟ କଂକ୍ରିଟ କେନାଲ ନିର୍ମାଣ କାମ ବୁଲିଦେଖିଥିଲେ । ନିର୍ମାଣ ଦାୟିତ୍ବରେ ଥିବା ଠିକ।ଦାର ଓ କନିଷ୍ଠ ଯନ୍ତ୍ରୀଙ୍କୁ ଠିକ ଭାବରେ କାମ କରିବା ଓ ପାଣି ଦେବାପାଇଁ ନିର୍ଦେଶ ଦେଲେ । ଆଲୁବାଡି ଗ୍ରାମର ଗ୍ରାମବାସୀଙ୍କ ସହ ଜିଲ୍ଳାପାଳ ଆଲୋଚନା କରି ସେମାନଙ୍କୁ ଆମ୍ବ ଚାଷ ଓ କାଜୁ ଚାଷ କରିବା ପାଇଁ ରାଜି ହେବାରୁ ବିଡ଼ିଓ ରାମନାଗୁଡାଙ୍କୁ ଉଦ୍ୟ।ନ ବିଭାଗ ସହ ଯୋଗଯୋଗ କରି ଚାରା ଯୋଗାଇବା ପାଇଁ ନିର୍ଦେଶ ଦେଇଥିଲଲେ ।ଏହାପରେ ଜିଲ୍ଳାପାଳ କାନିପୁଲଶୀ ଗ୍ରାମକୁ ଯାଇ ସେଠାରେ ଗ୍ରାମବାସୀଙ୍କ ବିଭିନ୍ନ ଯୋଜନା ବିଷୟରେ ବିଶେଷ କରି ସାମାଜିକ ସୁରକ୍ଷା ଯୋଜନ ଅନ୍ତର୍ଗତ ବିଭିନ୍ନ ସହାୟତା, ମନରେଗା ଯୋଜନରେ ମଜୁରୀ ଠିକ ଭ।ବରେ ପାଉଛନ୍ତି କି ନାହିଁ, ଚାଉଳ ଠିକରେ ପାଉଛନ୍ତି କି ନାହିଁ ସେ ସମ୍ବନ୍ଧରେ ପଚାରି ବୁଝିଥିଲେ । ସେହି ଗ୍ରାମରେ ଚାଲିଥିବା ମନରେଗା ଯୋଜନ।ରେ କେନାଲ କାମ ଓ ମଧ୍ୟମ ଜଳସେଚନ ବିଭଗ ଦ୍ବାରା ଚାଲିଥିବା ବିଭିନ୍ନ ପ୍ରକଳ୍ପ ବୁଲିଦେଖିଥିଲେ । ଗ୍ରାମରେ ଚେକଡେମ ଉନ୍ନତି କରଣ ପାଇଁ ପଦ୍ଧକ୍ଷେପ ନେବା ବିମନ୍ତେ ବିଡ଼ିଓ ମାଧ୍ୟମରେ ନିର୍ବାହୀ ଯନ୍ତ୍ରୀ ମଧ୍ୟମ ଜଳସେଚନ ବିଭାଗକୁ ନିର୍ଦେଶ ଦେଇଥିଲେ । ନଳକୂପ ଗୁଡ଼ିକରେ ରିଚାର୍ଜ ପିଟି ନିର୍ମାଣ କରିବାପାଇଁ ବିଡ଼ିଓ ରାମନାଗୁଡାଙ୍କୁ ଜିଲ୍ଳାପାଳ ନିର୍ଦେଶ ଦେଇଥିଲେ । ଏହି ପରିଦର୍ଶନ ସମୟରେ ମୋଟର ସାଇକେଲରେ ଦୁଇଜଣରୁ ଉର୍ଦ୍ଧ୍ବ ଵ୍ୟକ୍ତିଙ୍କୁ ଯାତ୍ରା କରିବାକୁ ମନା କରିଥିଲେ । ଜନସାଧାରଣଙ୍କୁ ମାସ୍କ ବ୍ୟବହାର, ସାମାଜିକ ଦୂରତା ରକ୍ଷାକରିବା ଉପରେ ସଚେତନ କରିଥିଲେ ।ରାମନଗୁଡ଼ା ବ୍ଲକ ପରିଦର୍ଶନ ବେଳେ ଜିଲ୍ଳାପାଳଙ୍କ ସହିତ ବିଡ଼ିଓ ଶ୍ରୀ ବେଣୁଧର ଶବର, ପି.ଏ,ଯେ.ଇ,ଓ ଅନ୍ୟାନ୍ୟ ଅଧିକାରୀ ମାନେ ଯୋଗଦେଇଥିଲେ ।

ବିନା ସୁଧରେ ଚାଷୀଙ୍କୁ ୫୦ ହଜାର ଟଙ୍କା ଯାଏ ଋଣ ।

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର)- ଚାଷୀଙ୍କ ପାଇଁ ଖୁସି ଖବର । ବିନା ସୁଧରେ ସେମାନଙ୍କୁ ମିଳିବ ଋଣ । ୫୦ ହଜାର ଟଙ୍କା ପର୍ଯ୍ୟନ୍ତ ଋଣ ସରକାର ବିନା ସୁଧରେ ଚାଷୀଙ୍କୁ ପ୍ରଦାନ କରିବେ । ଏହାଦ୍ବାରା ରାଜ୍ୟର ଚାଷୀମାନେ ଲାଭାନ୍ବିତ ହେବେ ବୋଲି କହିଛନ୍ତି ରାଜ୍ୟ ସରକାରଙ୍କ ସମବାୟ ସଚିବ ବୀରବିକ୍ରମ ଯାଦବ ।ଖରିଫ ଋତୁ ପାଇଁ ରାଜ୍ୟ ସରକାର ଚାଷୀଙ୍କ ନିମନ୍ତେ ଋଣ ଯୋଗାଣକୁ ସରଳ କରିବାର ଯୋଜନା କରିଛନ୍ତି । ରାଜ୍ୟର ପ୍ରାୟ ୯୦% ଚାଷୀ ୫୦ ହଜାର ଟଙ୍କା ପର୍ଯ୍ୟନ୍ତ ଋଣ ନେଇଥାଆନ୍ତି । ତେଣୁ ସେମାନଙ୍କୁ ବିନା ସୁଧରେ ଋଣ ଦିଆଯିବାର ବ୍ୟବସ୍ଥା କରାଯାଇଛି । ସେହିପରି ୫୦ ହଜାର ଟଙ୍କାରୁ ୩ ଲକ୍ଷ ଟଙ୍କା ପର୍ଯ୍ୟନ୍ତ ଋଣ ନେଉଥିବା ଚାଷୀଙ୍କୁ ମାତ୍ର ୨% ସୁଧ ଦେବାକୁ ପଡ଼ିବ ବୋଲି ଶ୍ରୀଯାଦବ କହିଛନ୍ତି । ଶ୍ରୀ ଯାଦବଙ୍କ ସୂଚନା ଅନୁସାରେ ରାଜ୍ୟରେ ୩୧ ମେ ସୁଦ୍ଧା ୨୬୪୯ କୋଟି ଟଙ୍କାର ଋଣ ଦିଆଯାଇଛି । ଗତ ବର୍ଷ ୩ ଲକ୍ଷ ୫ ହଜାର ଚାଷୀଙ୍କୁ କୃଷି ଋଣ ଦିଆଯାଇଥିଲା । ଏ ବର୍ଷ ୬ ଲକ୍ଷ ୧୯ ହଜାର ଚାଷୀଙ୍କୁ କୃଷି ଋଣ ପ୍ରଦାନ ନିନ୍ତେ ଲକ୍ଷ୍ୟ ରହିଛି ବୋଲି ସେ କହିଛନ୍ତି । ଏହା ସହ ବର୍ତମାନ ସୁଦ୍ଧା ରାଜ୍ୟରେ  ୧୦ ଲକ୍ଷ ୯୧ ହଜାର ମେଟ୍ରିକ ଟନ ରବିଧାନ ସଂଗ୍ରହ ସରିଛି ବୋଲି ଶ୍ରୀ ଯାଦବ କହିଛନ୍ତି ।

ମହାନଦୀ ଗର୍ଭରେ ବୁଡ଼ି ରହିଥିବା ୫୦୦ ବର୍ଷ ପୁରୁଣା ଗୋପୀନାଥ ମନ୍ଦିର ଚୂଡ଼ା ଠାବ…! 

ଏଥର ସମ୍ଭାଳ ବ୍ୟୁରୋ (ଭୁବନେଶ୍ୱର)-ମହାନଦୀ ଗର୍ଭରେ ଲୀନ ହୋଇଯାଇଥିବା ଏକ ମନ୍ଦିରର ଦଧିନଉତି (ଅଗ୍ରଭାଗ) ଆବିଷ୍କୃତ ହୋଇଛି। ଐତିହାସିକ ଅନୀଲ ଧୀରଙ୍କ ନେତୃତ୍ୱରେ ଭାରତୀୟ କଳା ଓ ସଂସ୍କୃତ ଐତିହ୍ୟ ନ୍ୟାସ (ଇନଟାକ) ପକ୍ଷରୁ ମହାନଦୀ ଅବବାହିକା ଐତିହ୍ୟସ୍ଥଳ ପ୍ରଲେଖନ ପ୍ରକଳ୍ପ କାର୍ଯ୍ୟ ବେଳେ ନୟାଗଡ଼ ଜିଲା ଭାପୁର ବ୍ଲକ ପଦ୍ମାବତୀ ଗ୍ରାମ ନିକଟସ୍ଥ ମହାନଦୀ ଗର୍ଭରେ ବୁଡ଼ି ରହିଥିବା ୫୦୦ ବର୍ଷ ପୁରୁଣା ଗୋପୀନାଥ ମନ୍ଦିର ଚୂଡ଼ା ଠାବ ହୋଇଛି। ତେବେ ଏଠାରେ ମନ୍ଦିର ଠାବ ହେବା ପ୍ରଥମ ଘଟଣା ନୁହେଁ। ମଝିରେ ମଝିରେ ଏହି ମନ୍ଦିର ମହାନଦୀରୁ ଫୁଟି ବାହାରିଥିବା ସୂଚନା ମିଳିଛି। ବର୍ତ୍ତମାନ ପଦ୍ମାବତୀ ଗ୍ରାମ ପୂର୍ବରୁ ଯେଉଁ ସ୍ଥାନରେ ଥିଲା ତାହା ଏବେ ନଦୀ ଗର୍ଭରେ ରହିଛି। ନଦୀଗର୍ଭରେ ଲୀନ ସାତପାଟଣା ୭ଟି ଗ୍ରାମକୁ ନେଇ ଗଠିତ ଜନପଦର ଏକ ଅଂଶ ହେଉଛି ପଦ୍ମାବତୀ ଗ୍ରାମ। ମହାନଦୀର ଗତିପଥ ବଦଳ ଓ କୂଳ ଲଙ୍ଘନ ସାଙ୍ଗକୁ ଉନବିଂଶ ଶତାଦ୍ଦୀ ୧୮୦୧ ରୁ ୧୯୦୦ ମଧ୍ୟରେ ପଦ୍ମାବତୀ ଅନ୍ୟ ୬ଟି ପଡ଼ାରେ ଥିବା ମନ୍ଦିରଗୁଡ଼ିକ ସମ୍ପୂର୍ଣ୍ଣ ଭାବେ ନଦୀ ଭିତରେ ଲୀନ ହୋଇଯାଇଛି। ଲୋକମାନେ ଗ୍ରାମ ଛାଡ଼ି ସୁରକ୍ଷିତ ସ୍ଥାନରେ ପୁଣି ନୂଆ ଗ୍ରାମ ବସାଇଛନ୍ତି। ବର୍ତ୍ତମାନ ପଦ୍ମାବତୀ ଗ୍ରାମରେ ଥିବା ଗୋପୀନାଥ ଦେବ ମନ୍ଦିରର ଈଶ୍ୱର ପ୍ରତିମା ବୁଡ଼ିଯାଇଥିବା ମନ୍ଦିରର ମୂଳ ପ୍ରତିମା ବୋଲି କୁହାଯାଉଛି। ଗ୍ରାମବାସୀଙ୍କ କହିବା ମୁତାବକ ମହାନଦୀ ବାଲି ଭିତରେ ଏପରି ପ୍ରାୟ ୭ଟି ମନ୍ଦିର ବୁଡ଼ି ରହିଛି। ଏମାନଙ୍କ ମଧ୍ୟରେ ସବୁଠାରୁ ଡେଙ୍ଗା ମନ୍ଦିର ଗୋପୀନାଥ ଦେବଙ୍କ ମନ୍ଦିରର ଚୂଡ଼ା କିଛି ବର୍ଷଯାଏଁ ପାଣି ଭିତରୁ ଉପରକୁ ଉଠି ରହିଥିବା ବେଳେ ପରେ ତଳକୁ ଖସି ଯାଇଥିଲା। ଶେଷ ଥର ପାଇଁ ୧୧ବର୍ଷ ତଳେ ମନ୍ଦିରର ଚୂଡ଼ା ଦେଖିବାକୁ ମିଳିଥିଲା। ତେବେ ଗତବର୍ଷ ପାଣି ସ୍ତର କମ ଥିବାବେଳେ ମନ୍ଦିର ଦୃଶ୍ୟମାନ ହୋଇଥିଲା। ମନ୍ଦିରଟି ପଞ୍ଚଦଶ-ଷୋଡ଼ଶ ଶତାବ୍ଦୀ ବେଳର ବୋଲି ଅନୁମାନ କରାଯାଉଛି।ସୂଚନାଯୋଗ୍ୟ ଯେ, ୧୯୩୩ ମସିହାରେ ଐତିହ୍ୟ ସମ୍ପନ୍ନ ପଦ୍ମାବତୀ ଗ୍ରାମ ମହାନଦୀ ଗ୍ରାମରେ ସମ୍ପୂର୍ଣ୍ଣଭାବେ ଲୀନ ହୋଇଥିଲା। ଫଳରେ ମହାନଦୀ ଗର୍ଭରେ ଗୋପୀନାଥ ମନ୍ଦିର, ରାସବିହାରୀ ମନ୍ଦିର, ମଙ୍ଗଳା ମନ୍ଦିର ପ୍ରଭୃତି ୭ଟି ମନ୍ଦିର ବାଲିଚର ହୋଇଥିଲା ବୋଲି ସଂସ୍କୃତି ଗବେଷକ ଡ଼.ପବିତ୍ର କୁମାର ସୁବୁଦ୍ଧି ପ୍ରକାଶ କରିଛନ୍ତି।

ବେଗୁନିଆପଡା ଜନତା ହାଇସ୍କୁଲ ସଙ୍ଗରୋଧ କେନ୍ଦ୍ରରେ କୁଇଜ ପ୍ରତିଯୋଗିତା …!

!!! ଗଞ୍ଜାମ ଜିଲ୍ଲା ଛତ୍ରପୁର ରୁ ଉପଖଣ୍ଡ ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ !!!

ଏଥର ସମ୍ଭାଳ (ବେଗୁନିଆପଡା) -ପ୍ରଶାସନ ତରଫରୁ ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ଖଣ୍ଡିଆନଇ ପଞ୍ଚାୟତ ଜନତା ନୋଡାଲ ହାଇସ୍କୁଲ ସଙ୍ଗରୋଧ କେନ୍ଦ୍ରରେ ଅନ୍ତେବାସୀଙ୍କୁ ଉତ୍ସାହିତ କରିବା ପାଇଁ ସାମାଜିକ ଦୂରତ୍ୱ ବଜାୟ ରଖି ଏକ କୁଇଜ ପ୍ରତିଯୋଗିତା କରାଯାଇ କୃତି ପ୍ରତିଯୋଗୀଙ୍କୁ ମଙ୍ଗଳବାର ଦିନ ପୁରସ୍କୃତ କରାଯାଇଛି l ଗତ ଜୁନ 8ତାରିଖ ଦିନ ସଙ୍ଗରୋଧ କେନ୍ଦ୍ରରେ ଥିବା ପ୍ରବାସୀଙ୍କୁ ସିନିୟର ଓ ଜୁନିୟର ଭାବେ ଦୁଇଟି ଗ୍ରୁପରେ ଭାଗ କରାଯାଇ କରୋନା ସମ୍ପର୍କିତ ବିଭିନ୍ନ ପ୍ରଶ୍ନ ପଚରା ଯାଇଥିଲା l ଏଥିରେ ସିନିୟର ବିଭାଗରେ ଭଗବାନ ଖଟେଇ, ସୁଶାନ୍ତ ପାଢ଼ୀ ଓ ସନ୍ତୋଷ ପ୍ରଧାନ ଯଥାକ୍ରମେ ପ୍ରଥମ, ଦ୍ଵିତୀୟ ଓ ତୃତୀୟ ହୋଇଥିବା ବେଳେ ଜୁନିୟର ବିଭାଗରେ ଅଙ୍କିତ ପ୍ରଧାନ ଓ ରୁଦ୍ର ଗୌଡ଼ ଯଥାକ୍ରମେ ପ୍ରଥମ ଓ ଦ୍ଵିତୀୟ ସ୍ଥାନ ଅଧିକାର କରିଥିଲେ l ବିଡ଼ିଓ ଦେବବର ପ୍ରଧାନ, ବିଇଓ କମଳାକାନ୍ତ ସାହୁ, ସରପଞ୍ଚ ପ୍ରତିନିଧି ଅକ୍ଷୟ ପ୍ରଧାନ, ପ୍ରଧାନ ଶିକ୍ଷକ କେ. ଭିମରାଜୁ ପାତ୍ର, ଶିକ୍ଷକ ପଙ୍କଜ କୁମାର ବେହେରା ଆଦି ଉପସ୍ଥିତ ରହି କୃତି ପ୍ରତିଯୋଗୀଙ୍କୁ ପୁରସ୍କୃତ କରିବା ସହ ପ୍ରମାଣ ପତ୍ର ପ୍ରଦାନ କରିଥିଲେ l ଏହାକୁ ବିଭିନ୍ନ ମହଲରେ ପ୍ରଶଂସା କରାଯାଇଥିବା ଦେଖାଦେଇଥିଲା l

କୋରନା ବେଳେ କନ୍ଧମାଳରେ ବଢୁଛି ଗଂଜେଇ ଚୋରାଚାଲାଣ / ପଶ୍ଚିମବଙ୍ଗ ଆଳୁ ଗାଡ଼ିରେ ଗଂଜେଇ ଚାଲାଣ ବେଳେ ଧରିଲା ପୋଲିସ ।

!!! କନ୍ଧମାଳ ଜିଲ୍ଲା ରାଇକିଆ ରୁ ନୃସିଂହ ଚରଣ ଦାଶ ଙ୍କ ରିପୋର୍ଟ !!!

ଏଥର ସମ୍ଭାଳ (ବାଲିଗୁଡା) -ଚାରିଆଡେ ବିଶ୍ୱ ମହାମାରୀ କରନା କାୟାବିସ୍ତାର କରିଛି କନ୍ଧମାଳ ଜ଼ିଲ୍ଲାରେ ମଧ୍ୟ ଦିନକୁ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାକୁ ଲାଗିଛି ଏପଟେ କୋରନାର ମୁକାବିଲା ପାଇଁ ପୋଲିସ ପ୍ରଶାସନ ଲଢ଼ୁଥିବା ବେଳେ ଗଂଜେଇ ମାଫିଆ ଏହାର ସୁଯୋଗ ନେଇଁ ସକ୍ରିୟ ହୋଇଛନ୍ତି l ଜ଼ିଲ୍ଲାରେ ଗଂଜେଇ ଚାଷୀ ଓ ମାଫିଆ ଅଭିନଵ ଉପାୟରେ ପୋଲିସକୁ ଚକମା ଦେଇ ପୋଲିସ ଡାଳେ ଡାଳେ ଗଲେ ମାଫିଆ ମାନେ ପତ୍ରେ ପତ୍ରେ ଯାଉଛନ୍ତି l ଅବକାରୀ ବିଭାଗର ନୀରବତା ସୁଯୋଗ ନେଇଁ ଜ଼ିଲ୍ଲାରେ ଗଂଜେଇ ଚାଲାଣ ଓ ଚାଷ ବୃଦ୍ଧି ପାଉଥିବା ବେଳେ ପୋଲିସକୁ ନାକେଦମ ହେବାକୁ ପଡୁଛି lବୁଧବାର ରାତିରେ କ ନୂଆଗାଁ ଥାନା ପୋଲିସ ବିଶ୍ୱସ୍ତ ସୂତ୍ରରୁ ପଶ୍ଚିମ ବଙ୍ଗରୁ ଆଳୁ ଗାଡ଼ିରେ ବାଲିଗୁଡା ଅଂଚଳରୁ ଗଂଜେଇ ଚାଲାଣ ବେଳେ ଶୀର୍ତ୍ତିଗୁଡା ପଞ୍ଚାୟତ ନିକଟରେ ଧରିଥିଲା ଓ ଦୁଇ ଜଣଙ୍କୁ ଗିରଫକରି କୋର୍ଟ ଚାଲାଣ କରି ପିକଅପ ଭ୍ୟାନକୁ ଜବତ କରିଛି l ଗାଡ଼ିରୁ 131 କିଗ୍ରା 700ଗ୍ରାମ ଗଂଜେଇ ଜବତ କରାଯାଇଛି ଗିରଫ ଦୁଇ ବ୍ୟକ୍ତିହେଲେ ପଶ୍ଚିମବଙ୍ଗ ରାଜ୍ୟର ଜୟଲାଲ ଆନସାରୀ ଓ ମୋଟେଲେବ ଆନସାରୀ ବୋଲି ଜଣାପଡିଛି l କ ନୂଆଗାଁ ଥାନା ପୋଲିସ 30/20 ରେ ଏକ ମାମଲା ରୁଜ୍ଜୁକରି କୋର୍ଟ ଚାଲାଣ କରିଥିବା ନେଇ ଥାନା ଅଧିକାରୀ ଶ୍ରୀନିବାସ ସାମଲ ସୂଚନା ଦେଇଛନ୍ତି l

ପ୍ଲାଣ୍ଟ ନାଁ ରେ କଳଙ୍କ ! ଖୁଲାମଖୁଲା ଚାଲିଛି ମଦ କାରବାର !

!!! କେନ୍ଦୁଝର ଜିଲ୍ଲା ଯୋଡ଼ା ରୁ ପ୍ରତିନିଧି ରବୀନ୍ଦ୍ର ଖମଣିଆ ଙ୍କ ରିପୋର୍ଟ !!!

ଏଥର ସମ୍ଭାଳ (କେନ୍ଦୁଝର)- ସରକାର ମଦ ଦୋକାନ ଖୋଲିବା ପାଇଁ ସ୍ବତନ୍ତ୍ର ଲାଇସେନ୍ସ ପ୍ରଦାନ କରିଛନ୍ତି ! କିନ୍ତୁ ବିକ୍ରି କରିବା ପାଇଁ ମଧ୍ୟ ଅନେକ କଟକଣା ରଖିଛନ୍ତି ! କିନ୍ତୁ ଏଠାରେ ସବୁ କଟକଣା କୁ ଫୁ କରି ଖୁଲମଖୁଲା ଚ୍ୟାଲେଞ୍ଜ କରି ପେଟି ପେଟି ମଦ କୁ ବୋଲେରୋ କ୍ୟାମ୍ପର OD09K-2194 ମାଧ୍ୟମରେ ବୁହା ଚାଲିଛି ଏକ Beneficial ପ୍ଲାଣ୍ଟ କୁ ! ଏମିତି ଏକ ଅଭାବନୀୟ ପରିସ୍ଥିତି ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ଯୋଡ଼ା ବ୍ଳକ ଅନ୍ତର୍ଗତ ବଡ଼ କାଳିମାଟି ପଞ୍ଚାୟତ ର ଦବୁନା ଠାରେ ଥିବା ଏସାର ଷ୍ଟିଲ ପ୍ଲାଣ୍ଟ (ଆର୍ତ୍ତଲ ମିତ୍ତଲ) ଠାରେ ! ଖଣି ଖାଦାନ ଏବଂ ପ୍ଲାଣ୍ଟ ରେ ଶ୍ରମିକ ମାନଙ୍କ ପାଇଁ ଅନେକ କଟକଣା ଜାରି କରିଛନ୍ତି କମ୍ପାନୀ କର୍ତ୍ତୃପକ୍ଷ ଏବଂ ସରକାର ! ସ୍ୟୁକୁରିଟି ମାନଙ୍କୁ କଡାକଡି ନିର୍ଦ୍ଦେଶ ଦେଇଛନ୍ତି ପ୍ଲାଣ୍ଟ କର୍ତ୍ତୃପକ୍ଷ ମାନେ, ସମସ୍ତ ଶ୍ରମିକ ମାନଙ୍କୁ ଠିକ୍ ସେ ତଦାରଖ ନ କରି ଭିତରକୁ ନ ଛାଡ଼ିବାକୁ ! କିନ୍ତୁ ଏଠାରେ ଖାଲି ତଳ କର୍ମଚାରୀ ଓ ଶ୍ରମିକ ମାନଙ୍କୁ ଦାଉ ସାଧୁଛନ୍ତି ସ୍ୟୁକିରିଟି ଗାର୍ଡ ! ବଡ଼ ବଡିଆ ଇଞ୍ଜିନିୟର ମାନଙ୍କୁ କୈାଣସି ପ୍ରକାର ର କଟକଣା ନାହିଁ ! ଜଣେ ସ୍ଥାନୀୟ ନିରିହ ସାଧାରଣ ଲୋକ କୈାଣସି ପ୍ରକାର ର ସମସ୍ୟା କୁ ନେଇ ଅଭିଯୋଗ କରିବାକୁ ଗଲେ ଭିତରକୁ ଛାଡୁ ନାହାନ୍ତି ସ୍ୟୁକୁରିଟି, କୈାଣସି ବାଇକ ହେଉ କି ଚାରି ଚକିଆ ଗାଡ଼ିରେ ଗଲେ ଭିତରକୁ ଛାଡୁ ନାହାନ୍ତି ! କିନ୍ତୁ ଏଠାରେ ପ୍ରଶ୍ନ ଉଠୁଛି ଯେ କେମିତି ଓ କାହା ନିର୍ଦ୍ଦେଶ ବଳରେ ପେଟି ପେଟି ଲୋଡ୍ ଥିବା ଗାଡ଼ି କୁ ଭିତରକୁ ଛାଡୁଛନ୍ତି ବୋଲି ଅସନ୍ତୋଷ ପ୍ରକାଶ ପାଇଛି ଜନ ସାଧାରଣ ରେ ! ଏସାର କମ୍ପାନୀ ତାଙ୍କ ପାଇଁ ସ୍ବତନ୍ତ୍ର ବିଦେଶୀ ମଦ ନେବା ଆଣିବା ପାଇଁ ଏକ ବୋଲେରୋ କ୍ୟାମ୍ପର ଗାଡ଼ି ରଖିଥିବା ହେତୁ ଘୋର ନିନ୍ଦା କରିଛନ୍ତି ଅଞ୍ଚଳ ବାସୀ ! ଏଥିରୁ ସ୍ପଷ୍ଟ ଜଣାପଡ଼ୁଛି ଯେ ନିୟମ ଦୁଇ ପ୍ରକାର ର ହେଇଥାଏ ପାରେ ବୋଲି ! ଗରିବ ଲୋକଙ୍କ ପାଇଁ ଗୋଟିଏ ଏବଂ ବଡ଼ ବଡିଆ ମାନଙ୍କ ପାଇଁ ଆଉ ଗୋଟିଏ ! ଏସାର କମ୍ପାନୀ ଏମିତି ଅନେକ ପ୍ରକାରର ବେଖାତିର କାର୍ଯ୍ୟ କଳାପ କରୁଥିଲେ ମଧ୍ୟ ପ୍ରଶାସନ ପକ୍ଷରୁ କୌଣସି ପଦକ୍ଷେପ ଗ୍ରହଣ କରୁନଥିବା ଅଭିଯୋଗ କରିଛନ୍ତି ଅଞ୍ଚଳ ବାସୀ ! ଏମିତି ପ୍ଲାଣ୍ଟ ଭିତରକୁ ମଦ ପ୍ରବେଶ କରି ମଦ ପିଇ କାମ କରୁଥିବା ବେଳେ କୈାଣସି ପ୍ରକାର ଅଘଟଣ ମଦୁଆ ଇଞ୍ଜିନିୟର ମାନେ ଘଟାଇଲେ ଏଥିପାଇଁ ସମ୍ପୂର୍ଣ୍ଣ ଏସାର କମ୍ପାନୀ ଦାୟୀ ରହିବ ବୋଲି ଚର୍ଚ୍ଚା ଜୋର ଧରିଛି ଅଞ୍ଚଳରେ !

ବାଲିଗୁଡାରେ ଅଲୋଡା ହେଲେ ଅସଲ କୋରନା ଯୋଦ୍ଧା , ଟେଣ୍ଡହାଉସ ଗୀତ ରେକଡ଼ିଂ ଓ ଫୋଟ ସ୍ଟୁଡ଼ିଓ ମାଲିକଙ୍କୁ ସମ୍ମାନିତ କରୁଛି ପୋଲିସ ।

!!! କନ୍ଧମାଳ ରୁ ଜିଲ୍ଲା ସ୍ୱତନ୍ତ୍ର ପ୍ରତିନିଧି ମିଲନ କହଁର ଙ୍କ ରିପୋର୍ଟ !!!

ଏଥର ସମ୍ଭାଳ (ବାଲିଗୁଡା)- ସାରା ବିଶ୍ୱରେ ବିଶ୍ୱ ମହାମାରୀ କୋରନା କାୟା ବିସ୍ତାର କରୁଥିବାବେଳେ ଓଡିଶାରେ ମଧ୍ୟ କୋରନା ତାର କାୟାବିସ୍ତାର କରିଛି l ଦିନକୁ ଦିନ ମୃତ ଓ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାକୁ ଲାଗିଛି l କୋଭିଡ 19ର ମୁକାବିଲା ପାଇଁ ସରକାର ତତ୍ପରତା ରହିଛନ୍ତି ଜ଼ିଲ୍ଲା ପ୍ରଶାସନ ପକ୍ଷରୁ ମଧ୍ୟ ପଦକ୍ଷେପ ନିଆଯାଉଛି l ଅଦୃଶ୍ୟ ମହାମାରୀ କୋରନାକୁ ମାତଦେବାକୁ ଜ଼ିଲ୍ଲା ସ୍ତରରେ ଆଗଧାଡିର କାରୋନା ଯୋଦ୍ଧାଭାବେ ଡ଼କ୍ଟର ପୋଲିସ ସ୍ୱାସ୍ଥ୍ୟକର୍ମୀ ଆଶା କର୍ମୀ ଓ ସାମ୍ବାଦିକ ଆପ୍ରାଣ ଉଦ୍ୟମ କରୁଛି l କୋରନା ଯୋଦ୍ଧାଙ୍କ ମନୋବଳ ବୃଦ୍ଧି ପାଇଁ ସରକାର ବୀମା ଭୁକ୍ତ ବି କରିଛନ୍ତି l କୋରନା ଲଢେଇରେ ସାମିଲଥିବା ଯୋଦ୍ଧାଙ୍କୁ ଚାରିଆଡୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି l ବାଲିଗୁଡାର ବିଭିନ୍ନ ସେବା ଅନୁଷ୍ଠାନ ଯୁବଗୋଷ୍ଠୀ ରାଜନୀତି ଦଳ ଅସହାୟଙ୍କୁ ରନ୍ଧାଖାଦ୍ୟ ସୁଖୀଲା ଖାଦ୍ୟ ମାସ୍କ ସାବୁନ ସାନିଟାଇଜର ଛତା ବଣ୍ଟନ କରି ଲୋକଙ୍କୁ ସଚେତନ କରିଛନ୍ତି ଫୁଲବାଣୀରୁ ମଧ୍ୟ ବିଭିନ୍ନ ଅନୁଷ୍ଠାନ ଆସି ସଫେଇ କର୍ମୀଙ୍କ ମନୋବଳ ବୃଦ୍ଧିପାଇଁ ସମ୍ମାନିତ କରିଛନ୍ତି l ବାଲିଗୁଡା ପୋଲିସ ପକ୍ଷରୁ ମୁଁ ବି କୋରନା ଯୋଦ୍ଧା କାର୍ଯ୍ୟକ୍ରମ ବାଲିଗୁଡା ସ୍ଥିତ ବରାଳଦେବୀ ମନ୍ଦିର ପରିସରରେ ଅନୁଷ୍ଠିତ ହୋଇଥିଲା l ଏସ ଡି ପି ଓ ମାନସ ରଞ୍ଜନ ବାରିକ ଡି ଏସ ପି ମୋନଜ ପୂଜାରୀ ଓ ଥାନା ଅଧିକାରୀ ପ୍ରଶାନ୍ତ କୁମାର ବେହେରା କୋରନା ଯୋଦ୍ଧା ମାନଙ୍କୁ ସମ୍ମାନୀତ କରିଥିଲେ କିନ୍ତୁ ଏଥିରେ ଅସଲ କୋରନା ଯୋଦ୍ଧାଙ୍କୁ ଭୁଲି ଟେଣ୍ଡ ମାଲିକ ରେକଡ଼ିଂ ସ୍ଟୁଡ଼ିଓ ଫୋଟ ସ୍ଟୁଡ଼ିଓ ମାଲିକ କମ୍ପୁଟର ଅପରାଇଟର ଓ ଦୁଇ ଜଣ ଧନୀକ ଶ୍ରେଣୀର ଏନ ଜି ଓ ଭାରପ୍ରାପ୍ତ ଏନ ଏ ସି ଅଧକ୍ଷଙ୍କୁ ସମ୍ମାନିତ କରାଯାଇ ଥିଲା ଏହାକୁ ନେଇ ବାଲିଗୁଡାରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି ଅସଲ କୋରନା ଯୋଦ୍ଧାଙ୍କୁ ଏହା ମର୍ମାହତ କରିଥିଲା ପୋଲିସ କୋର ନା ବିପତ୍ତି ବେଳେ ସୁରକ୍ଷାର ପ୍ରମୁଖ ଦାୟିତ୍ୱ ତୁଲାଉ ଥିବାବଳେ କୋରନା ଯୁଦ୍ଧରେ ଗଣମାଧ୍ୟମ ପ୍ରମୁଖ ବାର୍ତ୍ତା ବାହକ ସହ ସଚେତନତା କରିଛି କିନ୍ତୁ ସାମ୍ବାଦିକଙ୍କୁ ଅଣଦେଖା କରାଯାଇ ଥିବା ସ୍ୱଷ୍ଟ ବାରିହେଉଛି l ଲକ ଡାଉନ ଆରମ୍ଭରୁ ପୋଲିସ ସଚେତନ ଗୀତ ମାଧ୍ୟମରେ ଗାଁ ଗାଁ ବୁଲି ସଚେତନ କରଛି ମାସ୍କ ସାନିଟାଇଜର ବାଣ୍ଟନ କରିଲୋକଙ୍କ ପ୍ରଶଂସାର ପାତ୍ରହୋଇଛି କିନ୍ତୁ କୋରନା ଯୋଦ୍ଧାଙ୍କୁ ସମ୍ମାନୀତକରିବା ଲକ୍ଷ୍ୟନେଇ କୋରନା ଯୁଦ୍ଧରେ ଭୂମିକା ନଥିବା ବ୍ୟକ୍ତି ବିଶେଷଙ୍କୁ ସମ୍ମାନୀତ କରି ପୋଲିସ ସହିତ ଦିନରାତି କୋରନା ମୁକାବିଲାରେ ସାମିଲ ଥିବା ଜଣେ ବି ସାମ୍ବାଦିକଙ୍କୁ ସମ୍ମାନୀତ କରିନାହିଁ l ଟେଣ୍ଡ ହାଉସ ହେଉକି ଫୋଟ ସ୍ଟୁଡ଼ିଓ ଗୀତ ରେକଡ଼ିଂ ସ୍ଟୁଡ଼ିଓ ହେଉକି କମ୍ପୁଟର ଅପରାଇଟର କେହି ବି ଲୋକଙ୍କୁ ମାସ୍କ ସାନିଟାଇଜର ଓ ଅସହାୟଙ୍କୁ ଖାଦ୍ୟ ବଣ୍ଟନ କରିଥିବା ନଜିର ନାହିଁ ଅପରପକ୍ଷେ ବାଲିଗୁଡା ଓ ଫୁଲବାଣୀର ବିଭିନ୍ନ ସଂଗଠନ ମାସ ମାସ ଧରି ଲୋକଙ୍କୁ ରନ୍ଧା ଖାଦ୍ୟ ଶୁଖିଲା ଖାଦ୍ୟ ମାସ୍କ ଆଦି ବଣ୍ଟନ କରିଛନ୍ତି ସେମାନଙ୍କୁ ପୋଲିସ କେମିତି ଭୁଲିଗଲା ବୋଲି ନା ନା ପ୍ରଶ୍ନବାଚୀ ସୃଷ୍ଟି ହୋଇଛି ଏବଂ ବାଲିଗୁଡା ପୋଲିସର ଏହିଭଳି କୁଛିତ କିମାକାର ଦୃଷ୍ଟିଭଙ୍ଗୀ ଓ ଆୟୋଜନକୁ ଅସଲ କୋରନା ଯୋଦ୍ଧା ପାଇଁ ଅସମ୍ମାନ ବୋଲି କୁଇ ସମନ୍ଵୟ ସମିତିର ସମ୍ପାଦକ ଲମ୍ବୋଦର କଁହଁର କଂଗ୍ରେସ ଯୁବ ନେତା ଘନ କୁମାର ଶବର ମିଳିତ ନାଗରିକ କମିଟିର ସଭାପତି ଡ଼ଃ ଅରୂପ କୁମାର ଜେନା ବରିଷ୍ଠ ବିଜେପି ନେତା କମଳାକାନ୍ତ ପାଣ୍ଡେ ବରିଷ୍ଠ ସାମ୍ବାଦିକ ଅଜିତ କୁମାର ମହାରଣା ପ୍ରମୁଖ ପ୍ରକାଶ କରିଛନ୍ତି l

“ହ୍ୟୁମାନ ଫର୍ ହ୍ୟୁମାନ ” ପକ୍ଷରୁ ଗରୀବ ପରିବାର ଙ୍କୁ ସହାୟତା।

!!! କଳାହାଣ୍ଡି ଜିଲ୍ଲା ଭବାନୀପାଟଣା ରୁ ରଜନୀ କାନ୍ତ ସାମର୍ଲିଆ ଙ୍କ ରିପୋର୍ଟ !!!!

ଏଥର ସମ୍ଭାଳ (ଭବାନୀପାଟଣା)-ବର୍ତ୍ତମାନ ଚାରିଆଡ଼େ କୋରୋନା ମହାମାରୀ ଭୁତାଣୁ ଯୋଗୁଁ ଭୟର ବାତାବରଣ ସ୍ରୁଷ୍ଟି ହୋଇଛି। ଲୋକଙ୍କ ଜୀବନ ଜୀବିକା ଉପରେ ଗଭୀର ପ୍ରଭାବ ପଡିଥିବା ବେଳେ ଅତି ସତର୍କତାର ସହ କାମଧନ୍ଦା ପାଇଁ ବାହାରକୁ ବାହାରୁଛନ୍ତି। ଏଭଳି ବିଷମ ପରିସ୍ଥିତି ରେ କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ବ୍ଲକ ଅନ୍ତର୍ଗତ ଭଟଙ୍ଗପଦର ଗ୍ରାମ ପଞ୍ଚାୟତ ଅଧିନସ୍ଥ ୨୨ ଟି ପରିବାର କୁ ନେଇ ଗଠିତ ବଣ ପାହାଡ ଘେରା ଏକ କ୍ଷୁଦ୍ର ଗ୍ରାମ କୋଲଗାଁ ର ଗରୀବ ଆଦିବାସୀ ଦୟନୀୟ ଅବସ୍ଥା ରେ ଦିନ ବିତାଉଛନ୍ତି। ଜୀବିକା କହିଲେ ଜଙ୍ଗଲ ହିଁ ଏକମାତ୍ର ସାହା ଭରସା। ଜଙ୍ଗଲ ଜାତ ଦ୍ରବ୍ଯ ସଂଗ୍ରହ କରି ଦୈନନ୍ଦିନ ଆବଶ୍ଯକତା କୁ ପୁରଣ କରିଥାନ୍ତି। କିନ୍ତୁ ସମାଜରେ ମଣିଷ ପଣିଆ ଏବେ ବି ବଞ୍ଚି ରହିଛି, ସେମାନଙ୍କର ଅଭାବ ଅସୁବିଧା କୁ ଲାଘବ କରିବା ପାଇଁ ଭବାନିପାଟଣାର କିଛି ଯୁବକ ଙ୍କ ଦ୍ବାରା ଗଠିତ “ହ୍ୟୁମାନ ଫର୍ ହ୍ୟୁମାନ” ନାମକ ଅନୁଷ୍ଠାନ ର ସଦସ୍ଯ ତାଙ୍କୁ ସହଯୋଗ ର ହାତ ବଢ଼ାଇବା ପାଇଁ ଆଗେଇ ଆସିଛନ୍ତି। ସେମାନେ ଗରୀବ ପରିବାର ଙ୍କୁ ଅତ୍ୟାବଶ୍ୟକୀୟ ଶୁଖିଲା ଖାଦ୍ୟ ପ୍ୟାକେଟ ବଣ୍ଟନ କରିଥିଲେ। ଏହା ସହିତ ସେମାନେ ସମ୍ମଖୀନ ହେଉଥିବା ଶିକ୍ଷା, ସ୍ୱାସ୍ଥ୍ୟ, ବିଜୁଳି, ପାନୀଯ ଜଳ, ରାସ୍ତା ଘାଟ ବିଷୟ ପଚାରି ବୁଝି ଥିଲେ। ଏହି ସହାୟତା କାର୍ୟ୍ଯ ରେ ସୁଶାନ୍ତ ପ୍ରଧାନୀ, ସୁକାନ୍ତ ପ୍ରଧାନୀ, ସୁପ୍ରତିମ ବେହେରା, ଶାନ୍ତ ପାଢ଼ୀ, ସୁବାଷ ମାଝୀ, ଜଗଦୀଶ ପଟ୍ଟନାୟକ, ଶ୍ରୀକାନ୍ତ ଦାସ, ରାକେଶ ପାତ୍ର, ଗୋବିନ୍ଦ ମାଝୀ, ଦିନେଶ ଭୋଇ ଓ ଜଗନ୍ନାଥ ବାଗ ପ୍ରମୂଖ ଅଂଶ ଗ୍ରହଣ କରିଥିଲେ। ଯୁବକ ଙ୍କ ଏଭଳି ସେବା ମନୋଭାବ କୁ ବିଭିନ୍ନ ମହଲରେ ପ୍ରଶଂସା କରିଛନ୍ତି।