ରେଜିଷ୍ଟ୍ରେସନ ହେବା ର ୧ ଘଣ୍ଟା ମଧ୍ଯରେ ପଟ୍ଟା ଦେଇ କାର୍ଯ୍ୟକ୍ରମ ର ଶୁଭାରମ୍ଭ କଲେ ଗୁଣପୁର ତହସିଲଦାର ; ସାଧାରଣ ରେ ଭୁୟସି ପ୍ରଶଂସା !

!!! ରାୟଗଡ଼ା ଜିଲ୍ଲା ଗୁଣପୁର ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଷୀ ଙ୍କ ରିପୋର୍ଟ !!!

ଏଥର ସମ୍ଭାଳ (ଗୁଣପୁର) – ଓଡିଶା ସରକାର ଙ୍କ ରାଜସ୍ୱ ବିଭାଗ ନୋଟିଫିକେଶନ୍ ନଂ – ୧୭୨୩୫ ତା ୨୬/୦୫/୨୦୨୦ ଅନୁଯାୟୀ ସପ୍ତାହକ ମଧ୍ୟରେ ପଟ୍ଟା ପ୍ରଦାନ କରାଯିବା କୁ ବିଜ୍ଞପ୍ତି ପ୍ରକାଶ କରିଥିବା ବେଳେ ଆଜି ରାୟଗଡ଼ା ଜିଲ୍ଲା ଗୁଣୁପୁର ସଦର ତହସିଲ ଠାରେ ଏହି କାର୍ଯ୍ୟ ର ଶୁଭାରମ୍ଭ ହୋଇଯାଇଛି । ଗୁଣୁପୁର ତହସିଲଦାର ଶ୍ରୀ ଲକ୍ଷ୍ମୀ ନାରାୟଣ ସାବତ ସବରେଜେଷ୍ଟ୍ରି କାର୍ଯ୍ୟାଳୟ ରେ ଗୁଣୁପୁର ଅଞ୍ଚଳ ର ୭ ଗୋଟି , ପଦ୍ମପୁର ଅଞ୍ଚଳ ର ୨ ଗୋଟି ଓ ଗୁଡାରୀ ଅଞ୍ଚଳ ର ୧ ଗୋଟି ସମୁଦାୟ ୧୦ ଗୋଟି ଦଲିଲ ରେଜେଷ୍ଟ୍ରି ହେବାର ଏକ ଘଣ୍ଟା ମଧ୍ୟରେ ଦଲିଲ ହିତାଧିକାରୀ ଙ୍କୁ ଡକୁମେଣ୍ଟ ପ୍ରଦାନ କରିଥିଲେ । ଜମି କ୍ରେତା , ବିକ୍ରେତା ଓ ସମସ୍ତ ଅଂଶୀଦାର ସହମତି ଥିଲେ ଦଲିଲ ରେଜେଷ୍ଟ୍ରି ର ସପ୍ତାହକ ମଧ୍ୟରେ ପଟ୍ଟା ପ୍ରଦାନ କରିବାରେ କୌଣସି ଅସୁବିଧା ନାହିଁ , ଯେଉଁଠି ଅଂଶୀଦାର ମାନଙ୍କ ଆପତ୍ତି , ଅଭିଯୋଗ ଥିବ ସେ କ୍ଷେତ୍ର ରେ ତଦନ୍ତ କରାଯାଇ ପଟ୍ଟା ପ୍ରଦାନ କରାଯିବ । କୌଣସି ଅସୁବିଧା ନଥିବା ଦଲିଲ ଗୁଡିକୁ ତଦନ୍ତ କରି ଆଜି ରେଜେଷ୍ଟ୍ରେସନ କରାଇଥିବା ହିତାଧିକାରୀ ଙ୍କୁ ଆଜି ସନ୍ଧ୍ୟା ରେ ପଟ୍ଟା ପ୍ରଦାନ କରିଥିଲେ ଗୁଣୁପୁର ତହସିଲଦାର ଶ୍ରୀ ଲକ୍ଷ୍ମୀ ନାରାୟଣ ସାବତ ।

ଯେଉଁ ପଟ୍ଟା ଗୁଡ଼ିକ ରେ ” ଏହା ହସ୍ତାନ୍ତର ଯୋଗ୍ୟ ନୁହଁ ” ରହିଛି ତାହାକୁ ଖୁବ୍ ଶୀଘ୍ର ରୟତି ପଟ୍ଟା ପ୍ରଦାନ କରାଯିବା କ୍ଷେତ୍ର ରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସୁଚନା ଦେଇଛନ୍ତି ।

ବାଲିଗୁଡାର ସଫଳ ସାପଧରାଳି ବେଣୁଧରଙ୍କୁ ଷ୍ଟିକ ପ୍ରଦାନକଲେ ଅନୁରାଗ।

!!! କନ୍ଧମାଳ ଜିଲ୍ଲା ରାଇକିଆ ରୁ ନୃସିଂହ ଚରଣ ଦାସ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ବାଲିଗୁଡା) -କନ୍ଧମାଳ ଜ଼ିଲ୍ଲା ବାଲିଗୁଡା ଅଞ୍ଚଳର ସଫଳ ବିଷଧର ସାପଧରାଳି ବେଣୁଧର ଘର ନୁଆସାହିରେ ଯାହା ଘରେ ହେଉକି ସରକାରୀ ଓ ବେସରକାରୀ ଅଫିସରେ ସାପପଶେ ବେଣୁଭାଇଙ୍କୁ ଖୋଜାପଡ଼େ ସିଏ ବି ସବୁକାମ ଛାଡି ବିଷ ଧର ସାପକୁ ଧରି ଜଙ୍ଗଲକୁ ନେଇ ଛାଡିଦିଅନ୍ତି କେବେ ବି ସାପକୁ ମାରନ୍ତି ନାହିଁ l ଦୀର୍ଘ ବିନା ମୂଲ୍ୟରେ ଏହିଭଳି ଲୋକଙ୍କ ସେବା ଯୋଗାଇ ଆସିଛନ୍ତି ବେଣୁଭାଇ l ସାପ ଏକ ବିଷଧର ଜନ୍ତୁ ସାପକୁ କିଏ ବା ନଡରେ କିନ୍ତୁ ନିଜ ଜୀବନକୁ ବାଜିଲଗାଇ ନିଜକୌଶଳ କ୍ରମେ ବିପଦ ସଂକୁଳ ଅବସ୍ଥାରେ ସାପ ଧରି ଆସୁଛନ୍ତି l ବେଣୁ କହିଲେ ସମସ୍ତେ ଜାଣନ୍ତି ସେ ସାପଧରି ବେଶ ସୁନାମ ଅର୍ଜନ କରିଛନ୍ତି ଏହାକୁ ଉପଲବ୍ଧ କରି ପୂର୍ଵତନ ବାଲିଗୁଡା ବ୍ଲକ ଅଧକ୍ଷ ରବିଚନ୍ଦ୍ର ପାଳଙ୍କ ପୁଅ ଅନୁରାଗ ବେଣୁଭାଇଙ୍କ ପାଇଁ ଏକ ସାପ ଧରିବା ଷ୍ଟିକ ପ୍ରଦାନ କରିଛନ୍ତି ଫଳରେ ସେ ବିପଦ ମୁକ୍ତ ଭାବେ ନୂତନ କୌଶଳରେ ସାପଧରି ବାଲିଗୁଡା ଅଂଚଳରେ ଲୋକଙ୍କୁ ସେବା ଯୋଗାଇ ପାରିବେ ଏବଂ ଷ୍ଟିକ ଟି ବେଣୁଭାଇଙ୍କ ପାଇଁ ବେଶ ସହାୟକ ହୋଇପାରିବ ବେଣୁ ଭାଇ ବି ଷ୍ଟିକ ପାଇ ଖୁସି ଅନୁଭବ କରିଛନ୍ତି ଏବଂ ଜନସାଧାରଣଙ୍କୁ ସେବା ଯୋଗାଇ ଦେବାକୁ 7735062812ଓ 8763625450 ନମ୍ବରକୁ ଯୋଗାଯୋଗ କରିବାକୁ ଅନୁରୋଧ କରିଛନ୍ତି ଏନେଇ ଅନୁରାଗଙ୍କ ବାପା ରବିଚନ୍ଦ୍ର ପାଳ ମଧ୍ୟ ପୁଅର ଏହିଭଳି ମହତ ଉଦେଶ୍ୟକୁ ନେଇ ଖୁସି ପ୍ରକଟ କରିଛନ୍ତି ଏବଂ ବେଣୁଧର ପାତ୍ର ପରିବେଶ ପ୍ରତି ସଚେତନ ରହି ବିଷଧର ସାପକୁ ନମାରି ଜଙ୍ଗଲରେ ଛାଡ଼ୁଛନ୍ତି ଆଜକୁ ୨ହଜାରରୁ ଉର୍ଦ୍ଧ ସାପକୁ ଧରି ଜଙ୍ଗଲରେ ଛାଡିଛନ୍ତି ତାଙ୍କୁ ବନବିଭାଗ ତରଫରୁ ସରକାରୀ ସ୍ବୀକୃତି ଦେବାକୁ ବାଲିଗୁଡା ଡ଼ି ଏଫ ଓଙ୍କୁ ଅନୁରୋଧ କରିଛନ୍ତି l

ଆନ୍ତର୍ଜାତୀୟ ଯୋଗ ଦିବସ ପାଳିତ।

!!! କଳାହାଣ୍ଡି ଜିଲ୍ଲା ଧର୍ମଗଡ଼ ରୁ ପ୍ୟାରୀଲାଲ ଦୂର୍ଗା ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଧର୍ମଗଡ଼) – ଆନ୍ତର୍ଜାତିକ ଯୋଗ ଦିବସ
ଭାରତ ସରକାରଙ୍କ ଯୁବ ଓ କ୍ରୀଡ଼ା ବ୍ୟାପର ମନ୍ତ୍ରଣାଳୟ ନେହରୁ ଯୁବ କେନ୍ଦ୍ର କଳାହାଣ୍ଡି ଶାଖା ତରଫରୁ ଆନ୍ତର୍ଜାତିକ ଯୋଗ ଦିବସ ପାଳିତ ହେଇଯାଇଛି । ବ୍ଲକର ଜାତୀୟ ଯୁବ ସ୍ବେଚ୍ଛାସେବୀ ଶ୍ରୀ ଅକ୍ଷୟ କୁମାର ମେହେର ଙ୍କ ନେତୃତ୍ୱରେ ସମ୍ଭବ ଯୁବକ ସଂଘ ,ଛଞ୍ଚାଣବାହାଲି ଠାରେ ଅନୁଷ୍ଠିତ ହୋଇଥିଲା । କରନା ସଂକ୍ରମଣ ଦେଶରେ କାୟା ବିସ୍ତାର କରି ଥିଲା ବେଳେ ଆଜି ସମସ୍ତେ ଘରେ ରହି ସପରିବାର ସହ ଯୋଗ କରିଥିଲେ । କରଯୋଗ , ରୁହ ନିରୋଗ ବାର୍ତା ଦେଇ ସମସ୍ତେ ସୁଚାରୁ ରୁପେ ସଂପାଦକ କରିଥିଲେ । ଏହି ଯୋଗ ଶିବିର ରେ ସ୍ଥାନୀୟ ଯୁବକ ସଂଘ ର କର୍ମକର୍ତା ସହଯୋଗ କରିଥିଲେ । ସଂଘ ର ସଭାପତି ରୋମାଞ୍ଚଳ ଗୋପାଳ, ସଂପାଦକ ହୁକିମ ଚନ୍ଦ୍ର ଭାଇସାଲ, ଛବିଲାଲ ଗୋପାଳ, ପରେଶ ଗୋପାଳ,ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ କୁ ସଫଳ କରିଥିଲେ ।

ରବନା ସ୍ଵାସ୍ଥ୍ଯ କେନ୍ଦ୍ର ପକ୍ଷରୁ ଘାଟି ଖରିଗୁଡା ଠାରେ ମେଲେରିଆ ନିରାକରଣ ଅଭିଯାନ ଅନୁଷ୍ଠିତ।

!!! କନ୍ଧମାଳ ଜିଲ୍ଲା ରାଇକିଆ ରୁ ନୃସିଂହ ଚରଣ ଦାସ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ରାଇକିଆ) – ରାଇକିଆ କନ୍ଧମାଳ ଜିଲ୍ଲା ରାଇକିଆ ବ୍ଲକ ଅନ୍ତର୍ଗତ ରନବା ପଞ୍ଚାୟତ ରେ ଥିବା ରନବା ସ୍ୱାସ୍ଥ୍ୟ କେନ୍ଦ୍ର ତରଫ ରୁ ଘାଟି ଖରିଗୁଡା ଗ୍ରାମ ରେ ମେଲେରିଆ ନିରାକରଣ୍ ଅଭିଯାନ ହୋଇଥିଲା।ଏଥିରେ ସ୍ଵସ୍ଥ୍ୟକର୍ମି ରଞ୍ଜନ କୁମାର ପ୍ରଧାନ, ଡ୍,କୋଲକ୍ ପ୍ରଧାନ, ଆରୋଗ୍ୟ ପ୍ଲୋସ୍ ଟିମ ର୍ ସମସ୍ତ ସଦସ୍ୟ,ଆଶା ଦିଦି ମମତା ନାୟକ,ମମିତା ସାମନ୍ତ,ଏବଂ ଅଙ୍ଗନୱାଡ଼ି କର୍ମୀ ଧୋବୁଣି ବେହେରା ଙ୍କ ନେତୃତ୍ୱରେ କକଡବାଡି,ତୋଟସାହି,ରଣବା ଗ୍ରାମର ପିଲା ଠାରୁ ବୃଦ୍ଧ ପର୍ଯ୍ୟନ୍ତ ମାଗଣାରେ ରକ୍ତ ପରୀକ୍ଷା କରାଯାଇଛି। ଏଥି ସହିତ ଗର୍ଭବତୀ ମହିଳା ଓ ପ୍ରସୂତି ମା ମାନଙ୍କୁ ଯତ୍ନବାନ ହେବାପାଇଁ ଉପଦେଶ ଦିଆଯାଇଥିଲା।

ବାଲିଗୁଡା ବଡଗାଁ ଆସ୍ଥାୟୀ ସ୍ୱାସ୍ଥ୍ୟକେନ୍ଦ୍ରରେ ପ୍ରବାସୀ ଓଡ଼ିଆଙ୍କ ଆତ୍ମହତ୍ୟା।

!!! କନ୍ଧମାଳରୁ ଜିଲ୍ଲା ପ୍ରତିନିଧି ମିଲନ କହଁରଙ୍କ ରିପୋର୍ଟ୍ !!!

ଏଥର ସମ୍ଭାଳ (ବାଲିଗୁଡା) – ସାରା ବିଶ୍ୱରେ ମହାମାରୀ କାରୋନା କାୟାବିସ୍ତାର କରୁଥିବା ବେଳେ କନ୍ଧମାଳରେ ମଧ୍ୟ କାରୋନା ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବୃଦ୍ଧିପାଇବାରେ ଲାଗିଛି l କୋଭିଡ଼ 19କୁ ପ୍ରତିହୁତ କରିବା ପାଇଁ ଜ଼ିଲ୍ଲାରେ 6ଗୋଟି ଆସ୍ଥାୟୀ ସ୍ୱାସ୍ଥ୍ୟକେନ୍ଦ୍ର ଖୋଲା ଯାଇଛି ସେଠାରେ ଖାଇବା ପିଇବା ଠାରୁ ଆରମ୍ଭ କରି ଚିକିତ୍ସା ବ୍ୟବସ୍ଥା ରହିଛି କିନ୍ତୁ ଜ଼ିଲ୍ଲାରେ କିଛି ଆସ୍ଥାୟୀ ସ୍ୱାସ୍ଥ୍ୟକେନ୍ଦ୍ର ଗୁଡିକରେ ଅବ୍ୟବସ୍ଥାର ବାସ୍ତବ ଚିତ୍ର ସାମ୍ନାକୁ ଆସିଛି l ବାଲିଗୁଡା ବଡଗାଁ ସ୍ଥିତ ଅସ୍ଥାୟୀ ସ୍ୱାସ୍ଥ୍ୟକେନ୍ଦ୍ରରେ ଜଣେ ହାଇଦ୍ରାବାଦ ଫେରନ୍ତା ପ୍ରବାସୀ ଓଡ଼ିଆ ଆତ୍ମହତ୍ୟା କରିଥିବା ଜଣାପଡିଛି l ମୃତକଙ୍କ ଘର ତୁମୁଡିବନ୍ଧ ଥାନା ଅନ୍ତର୍ଗତ ବୁଡ଼େଲ ପଦର ଗାଁର ସମ୍ପୂର୍ଣ ମାଝୀ ବୋଲି ଜଣାପଡିଛି l ଆସ୍ଥାୟୀ ସ୍ୱାସ୍ଥ୍ୟ କେନ୍ଦ୍ର ପରିସରରେ ବାଲିଗୁଡା ପୋଲିସ ପ୍ରଶାସନ ମାଜିଷ୍ଟ୍ରେଟ ଉପସ୍ଥିତରେ ଶବ ବ୍ୟବଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି l ଉପ ଜ଼ିଲ୍ଲାପାଳ ଦେବେନ୍ଦ୍ର ନନ୍ଦଙ୍କ ସୂଚନା ପ୍ରକାରେ କୃତମଗଡ଼ ସଂଘରୋଧ କେନ୍ଦ୍ରରେ କିଛିଦିନ ସଂଘରୋଧ କେନ୍ଦ୍ରରେ ରହିବାପରେ ଗାଁକୁ ଫେରିଥିଲେ ଘରେ କିଛିଦିନ ରହିବାପରେ ସ୍ୱାସ୍ଥ୍ୟ ଖରାପ ହେବାରୁ ଗତ 16 ତାରିଖ ଦିନ ବାଲିଗୁଡା ସ୍ଥିତ କୋଭିଡ଼ କେୟାର ହସ୍ପିଟାଲକୁ ଅଣାଯାଇ ଚିକିତ୍ସା ଚାଲିଥିଲା ଓ ସ୍ୱାବ ଟେଷ୍ଟ ପାଇଁ ପଠାଯାଇଥିଲେ ବି ରିପୋର୍ଟ ଆସିନାହିଁ l ମାନସିକ ଦୁଃଚିନ୍ତା ରେ କିଛିଦିନ ରହୁଥିଲେ ମାନସିକ ଭାରସାମ୍ୟ ହରାଇ ବେକରେ ଚିରା ବେଡ଼ସିଟ ଲଗାଇ ଆତ୍ମହତ୍ୟା କରିଛି ମୃତ ଦେହ ମିଳିଥିବା ଏକ ବଖରାରେ ସୁଇସାଇ ଡ଼ ନୋଟ ମିଳିଛି ସେ ଅତ୍ୟଧିକ ଭୟଭୀତ ରହିଥିବା ସହ ଈଶ୍ୱରଙ୍କ ପାଖକୁ ଯିବାକୁ ଚାଁହୁଛି ବୋଲି ଉଲ୍ଲେଖ ରହିଛି ଏହା କାରୋନା ଜନିତ ମୃତ୍ୟୁ ନୁହେଁ ବୋଲି ଉପ ଜ଼ିଲ୍ଲାପାଳ ସ୍ଵଷ୍ଟ କହିଛନ୍ତି l ପ୍ରଶାସନ ପକ୍ଷରୁ ପରିବାର ଲୋକଙ୍କୁ କୋଭିଡ କିଟ ଦିଆଯାଇ ସାମାଜିକ ଦୂରତା ରକ୍ଷାକରି ବାଲିଗୁଡାରେ ଶବ ସଂସ୍କାର କରାଯାଇଛି l ପରିବାରର ଆର୍ଥିକ ସ୍ଥିତିକୁ ଦେଖି ମୁଖ୍ୟମନ୍ତ୍ରୀ ରିଲିଫ ପାଣ୍ଠି ରେଡକ୍ରଶ ଓ ହରିଶ୍ଚନ୍ଦ୍ର ଯୋଜନାରେ ସହାୟତା ଯୋଗାଇ ଦିଆଯିବ ବୋଲି କହିଛନ୍ତି l ହସ୍ପିଟାଲରେ 31ଜଣ ପ୍ରବାସୀ ସ୍ୱାସ୍ଥ୍ୟକର୍ମୀ ଡ଼କ୍ଟର ଓ ପୋଲିସ ଥାଉ ଥାଉ ଜଣେ କିଭଳି ଆତ୍ମହତ୍ୟା କଲା ସେନେଇ ପ୍ରଶ୍ନବାଚି ସୃଷ୍ଟିହୋଇଛି l

ମଦ୍ୟପ ପୁଅର ଉନ୍ମତ କାଣ୍ଡରେ ଅତିଷ୍ଠ ମାଆ ପୁଅକୁ ହାଣି ମାଟିରେ ପୋତିଦେଲା।

!!! ଗଞ୍ଜାମ୍ ଜିଲ୍ଲା ଛତ୍ରପୁର ରୁ ଉପଖଣ୍ଡ ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଖଲ୍ଲିକୋଟ) – ଜଣେ ମଦ୍ୟପ ପୁଅର ଉନ୍ମତ କାଣ୍ଡରେ ଅତିଷ୍ଠ ହୋଇ ଶେଷରେ ମାଆ ପୁଅକୁ ଏକ ଧାରୁଆ କାତି ରେ ହାଣି ହତ୍ୟା କରିବା ପରେ ଘର ପଛ ପଟେ ମାଟି ତଳେ ପୋତି ଦେଇଥିବା ଭଳି ଏକ ଅଭାବନୀୟ ଘଟଣା ଏବେ ଖଲ୍ଲିକୋଟ ଅଞ୍ଚଳରେ ଚାଂଚଲ୍ୟ ଖେଳାଇଦେଇଛି । ଏଭଳି ଏକ ଘଟଣା ଘଟିଛି ଖଲ୍ଲିକୋଟ ଥାନା ଅନ୍ତର୍ଗତ ଚିକିଲି ପଞ୍ଚାୟତ ର ଗୋପପୁର ଗ୍ରାମରେ । ଗୋପପୁର ହରିଜନ ସାହିର ଦୁଇତା ନାହାକ(୫୫)ଜଣେ ଶ୍ରମଜୀବୀ ମହିଳା । ସ୍ୱାମୀ ଇନ୍ଦ୍ର ନାହାକ ୧୦ ବର୍ଷ ତଳେ ପରଲୋକ ଗମନ କରିଛନ୍ତି ।ଦୁଇ ପୁଅ ସୁକୁରିଆ ନାହାକ ଓ ଧନୁ ନାହାକ । ସାନ ପୁଅ ଧନୁ ସୁରଟ ରେ କାମ କରୁଥିବା ବେଳେ ବଡ଼ ପୁଅ ସୁକୁରିଆ ଗ୍ରାମରେ ରହୁଥିଲେ । ସୁକୁରିଆ ସବୁବେଳେ ମଦ୍ୟପାନ କରି ମାଆ କୁ ମାଡ଼ ମାରୁଥିବା ବେଳେ ଗ୍ରାମବାସୀ ଙ୍କ ସହ ମଧ୍ୟ ଗଣ୍ଡଗୋଳ କରେ । ସମସ୍ତେ ତାର ବ୍ୟବହାର ରେ ଅତିଷ୍ଠ ହୋଇଯାଇଥିଲେ । ସାନ ପୁଅ ଧନୁ ଗତ କିଛି ଦିନ ତଳେ ସୁରଟ ରୁ ଫେରି କଞ୍ଚଣା ସଙ୍ଗରୋଧ କେନ୍ଦ୍ର ରେ ରହି ଘରକୁ ଆସିଥିଲା । ଗତକାଲି ରାତିରେ ସୁକୁରିଆ ମାଆ କୁ ଖାଇବା ପାଇଁ ମାଗି ପ୍ରବଳ ମାଡ଼ ମାରିଥିଲା । ସେ ଖାଇବା ପରେ ମଦ ନିଶାରେ ସୋଇପଡିଥିଲା । ମାଡ଼ ଖାଇ ଖାଇ ଅତିଷ୍ଠ ହୋଇପଡିଥିବା ମାଆ ଦୁଇତା ଘରେ ଥିବା ଏକ ଧାରୁଆ କାତି ସାହାଯ୍ୟ ରେ ସୁକୁରିଆ ର ମୁଣ୍ଡ, ଛାତି, ହାତ, ଗୋଡ଼ ପ୍ରଭୃତି ସ୍ଥାନ କୁ ହାଣି ଦେଇଥିଲେ । ଫଳରେ ଶୋଇବା ଘରେ ତାର ମୃତ୍ୟୁ ହୋଇଥିଲା । ସୁକୁରିଆ ମରିଯିବା ପରେ ତାର ମୃତ ଦେହ କୁ ଘର ପଛ ପଟେ ମାଟି ଖୋଳି ପୋତିଦେଇଥିଲା ।ସେହି ସାହିରେ ଥିବା ଜଣେ ସମ୍ପର୍କୀୟ ଙ୍କ ଘରେ ଶୋଇଥିବା ସାନ ପୁଅ ଧନୁ ସକାଳୁ ଆସି ମାଆ କୁ ଭାଇ ସମ୍ପର୍କରେ ପଚାରିବାରୁ ମାଆ ସବୁକଥା କହି ଦେଇଥିଲେ ।ଧନୁ ଏ ସମ୍ପର୍କରେ ଖଲ୍ଲିକୋଟ ପୋଲିସ କୁ ଜଣାଇବା ପରେ ଥାନା ଅଧିକାରୀ ସତ୍ୟରଞ୍ଜନ ପ୍ରଧାନ, ଏସ୍.ଆଇ. ସିଲୁ ଧଳ ସଦଳ ବଳେ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ । ପୋଲିସ ଆଗରେ ମାଆ ଦୁଇତା ସବୁକଥା ମାନି ଯାଇଥିଲା । ଖଲ୍ଲିକୋଟ ତହସିଲଦାର ତଥା ଏକଜୁକ୍ୟୁଟିଭ ମାଜିଷ୍ଟ୍ରେଟ ଚକ୍ରଧର ପାଢ଼ୀ ଙ୍କ ଉପସ୍ଥିତ ରେ ମୃତ ଦେହକୁ ମାଟି ଭିତରୁ ବାହାର କରିଥିଲେ । ସାଇଣ୍ଟିଫିକ୍ ଟିମ୍ ଘଟଣା ସ୍ଥଳରେ ପହଞ୍ଚି ଚାନଭିନ କରି ହତ୍ୟା ରେ ବ୍ୟବହୃତ କାତି କୁ ଜବତ କରିଥିଲା ପୋଲିସ । ମାଆ କୁ ଗିରଫ କରାଯିବା ସହ ସାନ ପୁଅ ଧନୁ କୁ ଅଟକ ରଖି ପୋଲିସ ପଚରାଉଚରା କରୁଛି । ଏ ସମ୍ପର୍କରେ ଖଲ୍ଲିକୋଟ ଥାନା କେସ ନମ୍ବର ୨୩୮/୨୦୨୦ ଦଫା ୩୦୨,୨୦୧,ଆଇ ପି ସି ଅନୁସାରେ ମାମଲା ରୁଜ୍ଜୁ କରି ଶବ ବ୍ୟବଚ୍ଛେଦ ପାଇଁ ପଠାଇ ଦିଆଯାଇଥିବା ଥାନା ଅଧିକାରୀ ସତ୍ୟରଞ୍ଜନ ପ୍ରଧାନ ସୂଚନା ଦେଇଛନ୍ତି ।

କୁତ୍ରାଥାନା ଅନ୍ତର୍ଗତ ଯୋଉରାମୁଣ୍ଡା ଗ୍ରାମର କେରାଟୋଲି ବସ୍ତିରେ ଦୁଇ ନାବାଳିକା କୁ ଦୁଷ୍କର୍ମ ଅଭିଯୋଗ ଦୁଇଅଭିଯୁକ୍ତ ଗିରଫ।

!!! ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ରୁ ରମେଶ ମିଶ୍ର ଙ୍କ ରିପୋର୍ଟ୍ !!!

ଏଥର ସମ୍ଭାଳ (ରାଜଗାଙ୍ଗପୁର) – ସପ୍ତାହ ଭିତରେ ଅଂଚଳରେ ତିନୋଟି ମାମଲା ପ୍ରଶାସନ ଏବଂ ସମାଜ ପାଇଁ ଚିନ୍ତାର କାରଣ ପାଲଟିଛି।
ମିଳିଥିବା ସୂଚନା ଅନୁଯାୟୀ ସୁନ୍ଦରଗଡ଼ଜିଲ୍ଲାର କୁତ୍ରା ବ୍ଲକ ଅନ୍ତର୍ଗତ ଯୋଉରାମୁଣ୍ଡା ଗ୍ରାମର କେରାଟୋଲି ବସ୍ତିରେ ଜେଓରମ ବିଲୁଙ୍ଗ (୫୦) ନାମକ ବ୍ୟକ୍ତି ଜଣେ ୯ ବର୍ଷର ନାବାଳିକା ସହିତ ଦୁଷ୍କର୍ମ କରିଥିବା ଏବଂ ରୋବଜିତ ଡୁଙ୍ଗ ଡୁଙ୍ଗ(୨୮)ନାମକ ଯୁବକ ୧୪ ବର୍ଷର ନାବାଳିକା ସହ ଦୁଷ୍କର୍ମ କରିବା ପାଇଁ ଜୋର ଜବରଦସ୍ତ କରିଥିବା ନେଇ କୁ ପିଡ଼ିତା ଙ୍କର ପରିବାର ଲୋକ କୁତ୍ରା ଥାନାରେ ୧୯/୦୬/୨୦୨୦ ତାରିଖରେ ଲିଖିତ ଅଭିଯୋଗ କରିଛନ୍ତି। ନାବାଳିକା ପିଡ଼ିତା ସମ୍ପର୍କରେ ଦୁଇ ଭଉଣୀ ହେଇଥିବା ସୂଚନା ମିଳିଛି।
ବିଗତ ଦିନରେ ଦୁଇଟି ନା ବାଳିକା ଦୁଷ୍କର୍ମ ମାମଲା ରାଜଗାଙ୍ଗପୁର ଥାନା ରେ ଅଭିଯୋଗ ହେଇଥିବା ବେଳେ ଆଜି ପୁଣି ଏକ ଲଜ୍ଜା ଜନକ ଘଟଣା ଘଟିଛି କୁତ୍ରା ଥାନା ଅନ୍ତର୍ଗତ ଜଉରାମୁଣ୍ଡା ଗ୍ରାମ ରେ । ଆଜି ରାଜଗାଙ୍ଗପୁର ଏସଡ଼ିପିଓ ବିଜୟ ନନ୍ଦଙ୍କ ତତ୍ତ୍ୱବଧାନରେ କୁତ୍ରା ଥାନା ଅଧିକାରୀ ସୁଶାନ୍ତ ପରିଡା ମାମଲାର ଯାଞ୍ଚ କରିବା ସହ ଦୁଷ୍କର୍ମ କରିଥିବା ଅଭିଯୁକ୍ତ ଜେଓରମ ବିଲୁଙ୍ଗ ଏବଂ ରୋବଜିତ ଡୁଙ୍ଗ ଡୁଙ୍ଗ କୁ ଗିରଫ କରିବା ସହ ପିଡିତା ଏବଂ ଅଭିଯୁକ୍ତଙ୍କ ଡାକ୍ତରୀ ମାଇନା କରି ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛନ୍ତି । ପୋଲିସ ୧୪ବର୍ଷର ପିଡ଼ିତା ସହିତ ଅସଦାଚରଣ ଘଟଣାରେ ଅଭିଯୁକ୍ତ କୁ ଏବଂ ୯ବର୍ଷର ପିଡ଼ିତା ଙ୍କର ସହିତ ଦୁଷ୍କର୍ମ କରିଥିବା ଅଭିଯୁକ୍ତ କୁ ଘଟଣାରେ ମାମଲା ରୁଜୁ କରି ତଦନ୍ତ କରିବାପରେ ରଵଜିତ ଡୁଙ୍ଗ ଡୁଙ୍ଗ କୁ ଗିରଫ କରି ଦୁଇ ଅଭିଯୁକ୍ତ ଙ୍କୁ କୋର୍ଟ ଚାଲାଣ କରିଛନ୍ତି । ବିଗତ ଏକ ସପ୍ତାହ ଭିତରେ ସ୍ଥାନୀୟ ଅଞ୍ଚଳରେ ନିରୀହ ନା ବାଳିକାଙ୍କ ସହ ଏକାଧିକ ଦୁଷ୍କର୍ମ ମାମଲା ସାମ୍ନା କୁ ଆସିଥିବା ବେଳେ ଏହା ସଭ୍ୟ ସମାଜ ପାଇଁ ଚିନ୍ତାର ବିଷୟ ପାଲଟିଛି ।

ବୋହୁ,ଶଶୁର,ସ୍ୱାମୀଙ୍କୁ ଆକ୍ରମଣ ଅଭିଯୋଗ; ପଥର ଆଘାତରେ ବୋହୁ,ଶଶୁର ଆହତ।

!!! ଗଞ୍ଜାମ୍ ଜିଲ୍ଲା ଛତ୍ରପୁର ରୁ ଉପଖଣ୍ଡ ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ରମ୍ଭା) – ଗଞ୍ଜାମ ବ୍ଲକର ରମ୍ଭା ଥାନା ଅଞ୍ଚଳର ବିରୁଳିଗଡ଼ ଗ୍ରାମର ଯାଜ୍ଞସିନୀ ପଲେଇ ତାଙ୍କ ସ୍ୱାମୀ କୈଳାଶ ପଲେଇ ଶଶୁରଙ୍କୁ ଅଶ୍ଳୀଳ ଭାଷାରେ ଗାଳି ଗୁରଜ ସହ ଆକ୍ରମଣ ଘଟଣା ନେଇ ରମ୍ଭା ଥାନାରେ ଅଭିମନ୍ୟୁ ତରେଇ ତାଙ୍କ ଦୁଇ ପୁଅ ମନୋଜ ତରେଇ ଓ ସୁନିଲ ତରେଇଙ୍କ ବିରୁଦ୍ଧରେ ଅଭିଯୋଗ ଦେଇଥିବା ଜଣାଯାଇଛି ।ସୂଚନାଯୋଗ୍ୟ ଗତ ଶୁକ୍ରବାର ରାତ୍ର ପ୍ରାୟ ୧୧ ଘଣ୍ଟିକା ୩୦ ମିନିଟ ସମୟରେ ଯାଜ୍ଞସିନୀ ପଲେଇ ଓ ତାଙ୍କ ସ୍ୱାମୀ କୈଳାଶ ପଲେଇ ଦୋକାନରେ ବସିଥିବା ସମୟରେ ବିରୁଳି ଗଡ଼ ଗ୍ରାମର ଅଭିମନ୍ୟୁ ତରେଇ(୫୫) ଅଶ୍ଳୀଳ ଭାଷାରେ ଗାଳି ଗୁରଜ କରିଥିଲେ ।ଅସହ୍ୟ ଗାଳିକୁ ସହି ନପାରି ସ୍ୱାମୀ ଓ ସ୍ତ୍ରୀ ନିଜ ଘରକୁ ଫେରି ଆସିଲା ପରେ ଅଭିମନ୍ୟୁ ତରେଇ କୈଳାଶ ପଲେଇଙ୍କ ଘର ନିକଟକୁ ଆସି ପୁଣି ଅସହ୍ୟ ଅଶ୍ଳୀଳ ଗାଳି ଗୁରଜ କରିଥିଲେ ।କୈଳାଶ ପଲେଇ ଏହାର ପ୍ରତିବାଦ କରିବାରୁ ଅଭିମନ୍ୟୁ ତରେଇ ନିଜର ଦୁଇ ପୁଅ ମନୋଜ ତରେଇ(୨୭) ଓ ସୁନିଲ ତରେଇ(୨୪) ସହ ଆସି କୈଳାଶ ପଲେଇଙ୍କୁ ମାରଣାତ୍ମକ ଆକ୍ରମଣ କରିବାକୁ ଚେଷ୍ଟା କରିବାରୁ କୈଳାଶ ପଲେଇଙ୍କ ବାପା କୈଳାଶଙ୍କୁ ଘରେ ବନ୍ଦୀ କରିଥିଲେ ।ଅଭିମନ୍ୟୁ ତରେଇ ଓ ତାଙ୍କ ଦୁଇ ପୁଅ ବାହାରେ ଥିବା ବୋହୁ ଯାଜ୍ଞସିନୀ ପଲେଇଙ୍କୁ ଦୁର୍ବ୍ୟବହାର କରିବା ସହ ପଥର ସାହାର୍ଯ୍ୟରେ ବୋହୂର ମୁଣ୍ଡକୁ ଆଘାତ କରିଥିଲେ ।ବୋହୁ ଯାଜ୍ଞସିନୀ ପଲେଇ ରକ୍ତରେ ଜୁଡୁ ବୁଡୁ ହୋଇଥିଲେ ।
ଶଶୁର ଏହାର ପ୍ରତିବାଦ କରିବାରୁ ଶଶୁରଙ୍କୁ ମଧ୍ୟ ମାରଣାତ୍ମକ ଆକ୍ରମଣ କରିଥିଲେ ।ତାହା ସହ ଅଭିମନ୍ୟୁ ତରେଇ ନିଜ ଦୁଇ ପୁଅ ସହ ଖଣ୍ଡା,କାତି ଭଳି ମାରଣାତ୍ମକ ଅସ୍ତ୍ର ଧରି ଜୀବନରୁ ମାରି ଦେବା ଧମକ ମଧ୍ୟ ଦେଇଥିଲେ । ବୋମା,ବନ୍ଧୁକର ସାହାର୍ଯ୍ୟ ନେବା କଥା ମଧ୍ୟ କହିଥିଲେ ।ରମ୍ଭା ଡ଼ାକ୍ତରଖାନାରେ ବୋହୁ ଯାଜ୍ଞସିନୀ ପଲେଇ ଓ ତାଙ୍କ ଶଶୁର ଚିକିତ୍ସା ହେଉଥିବା ଜଣାଯାଇଛି ।ଏନେଇ ଯାଜ୍ଞସିନୀ ପଲେଇ ରମ୍ଭା ଥାନାରେ ଅଭିଯୋଗ ଜଣାଇଥିବା ରମ୍ଭା ପୋଲିସ ପକ୍ଷରୁ ଜଣାଯାଇଛି ।

ରାଜ୍ୟ ସରକାରଙ୍କ ନିର୍ଦ୍ଦେଶ କୁ ଉଲ୍ଲଂଘନ, ସମାଜିକ ଦୂରତା ରକ୍ଷା କରିବାଭଳି ନିୟମକୁ ଫୁ କରିଲେ ଖୋଦ ସରକାରୀ ଦଳର ପୁରୁଖା ନେତା ଏବଂ କର୍ମକର୍ତ୍ତା।

!!! ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ରୁ ରମେଶ ମିଶ୍ର ଙ୍କ ରିପୋର୍ଟ୍ !!!

ଏଥର ସମ୍ଭାଳ (ରାଜଗାଙ୍ଗପୁର) – ଗତକାଲି ବୁଧୁବାର ଦିନ ରାଜଗାଙ୍ଗପୁର ବ୍ଲକ ଅନ୍ତର୍ଗତ ଲାଇଙ୍ଗ ପଞ୍ଚାୟତ ଠାରେ ଶାସକ ବିଜୁ ଜନତା ଦଳର ନୂତନ ଦଳୀୟ କାର୍ଯ୍ୟାଳୟ ର ଉଦଘାଟନ କାର୍ଯ୍ୟକ୍ରମ ଅନୁଷ୍ଠିତ କରାଯାଇଥିଲା। ଏହି ଉଦଘାଟନ କାର୍ଯ୍ୟକ୍ରମରେ ଜିଲ୍ଲାର ସ୍ବତନ୍ତ୍ର ଉନ୍ନୟନ ପରିଷଦର ଅଧ୍ୟକ୍ଷ ତଥା ବର୍ତମାନର ସୁନ୍ଦରଗଡ଼ଜିଲ୍ଲା ର ବିଜୁ ଜନତା ଦଳ ଜିଲ୍ଲା ସଭାପତି ଶ୍ରୀ ବିନୟ ଟପ୍ପୋ ଏବଂ ରାଜଗାଙ୍ଗପୁରର ପୂର୍ବତନ ବିଧାୟକ ତଥା ପୂର୍ବତନ ଜିଲ୍ଲା ସଭାପତି ମଙ୍ଗଳା କିଷାନ ଙ୍କ ସହିତ ୩୦ ରୁ ଅଧିକ କର୍ମକର୍ତା ଏହି କାର୍ଯ୍ୟକ୍ରମ ରେ ଯୋଗ ଦେଇଥିଲେ । ମହାମାରୀ କୋରୋନା ଭାଇରସ ସଂକ୍ରମଣ ରୁ ରକ୍ଷା ପାଇବା ପାଇଁ ରାଜ୍ୟ ସରକାର ସାମାଜିକ ଦୂରତା ବଜାୟ ରଖିବାକୁ କଡ଼ାକଡ଼ି ନିର୍ଦ୍ଦେଶ ଜାରି କରିଥିବା ବେଳେ ଦଳୀୟ କାର୍ଯ୍ୟକ୍ରମ ,ସାମାଜିକ କାର୍ଯ୍ୟକ୍ରମ,ବିଭିନ୍ନ ସାଂଗଠନିକ କାର୍ଯ୍ୟକ୍ରମ ସହ ଵିଵାହ ଉତ୍ସବ ଧାର୍ମିକ କାର୍ଯ୍ୟକ୍ରମ ଉପରେ ଲୋକଙ୍କ ଭିଡ଼ କୁ ସୀମିତ ରଖିବାକୁ ଏବଂ ସାମାଜିକ ଦୂରତା ରଖି ଅନୁଷ୍ଠିତ କରିବା ପାଇଁ ପରାମର୍ଶ ଦେଇଛନ୍ତି । ସ୍ଥାନୀୟ ପ୍ରଶାସନ ଦୋକାନ ବଜ଼ାର ରେ ସାମାଜିକ ଦୂରତା ନିୟମ ଉଲ୍ଲଂଘନ କରୁଥିବା ଦୋକାନୀଙ୍କ ଠାରୁ ଏବଂ ସାଧାରଣ ଲୋକଙ୍କ ଠାରୁ ଜରିମାନା ଆଦାୟ କରୁଥିବା ବେଳେ ଅନ୍ୟପଟେ କୌଣସି ରାଜନୈତିକ ଦଳ ଏହାକୁ ମାନୁ ନଥିବାର ଚିତ୍ର ସାମ୍ନାକୁ ଆସିଛି। ଶବ ଯାତ୍ରାରେ ୨୦ ରୁ ଅଧିକ ଲୋକ ସାମିଲ ହୋଇପାରିବେ ନାହିଁ ଏବଂ ବାହାଘର ପାଇଁ ପ୍ରଶାସନ ର ଅନୁମତି ସାଧାରଣ ଲୋକଙ୍କୁ ଆବଶ୍ୟକ ପଡ଼ୁଥିବା ବେଳେ ୫୦ ରୁ ଅଧିକ ଲୋକଙ୍କର ଭିଡ଼ ନକରିବା ପାଇଁ କଟକଣା ରହିଛି । ଉକ୍ତ ଉଦଘାଟନୀ କାର୍ଯ୍ୟକ୍ରମରେ ୩୦ରୁ ଅଧିକ ସ୍ଥାନୀୟ ନେତା ଏବଂ କର୍ମୀଙ୍କ ଉପସ୍ଥିତି ଦେଖିବାକୁ ମିଳିଥିଲା ।କିନ୍ତୁ ଏଠି ଏକ ବଡ଼ ପ୍ରଶ୍ନ ଉଠୁଛି ଏହି ସରକାରୀ ଦଳର ଦଳୀୟ କାର୍ଯ୍ୟକ୍ରମ ଆୟୋଜନ କରିବା ପାଇଁ ଜିଲ୍ଲା ପ୍ରଶାସନର ଅନୁମତି ନିଆଯାଇଥିଲା କି? ବିଭିନ୍ନ ଦଳର ଦଳୀୟ ନେତା ନିଜେ ନିୟମ କୁ ଉଲଘଂନ କରୁଥିବା ବେଳେ ସାଧାରଣ ଜନତା ନିୟମ ଉଲ୍ଲଘଂନ କଲେ ପ୍ରଶାସନ ତାଗିଦ କରିବା ସହ ଆର୍ଥିକ ଜରିମାନା ଆଦାୟ କରି ଦଣ୍ଡିତ କରୁଥିବା ଦେଖିବାକୁ ମିଳୁଛି । ଉକ୍ତ ଦଳୀୟ ଉଦଘାଟନୀ କାର୍ଯ୍ୟକ୍ରମରେ ଶାସକ ଦଳର ପୁରୁଖା ନେତା ଏବଂ କର୍ମକର୍ତ୍ତା ସରକାରୀ ନିୟମ କୁ ଖୋଲାଖୋଲି ଉଲଘଂନ କରିଥିବା ଓ ବେଖାତିର କରୁଥିବା ଦେଖିବାକୁ ମିଳିଛି । ଏହଭଳି ଦୃଶ୍ୟ କୁ ଦେଖି ସ୍ଥାନୀୟ ଅଞ୍ଚଳର ଜନସାଧାରଣଙ୍କର ମହଲରେ ଖୋଦ ସରକାରୀ ଦଳର ନେତା ଓ କର୍ମକର୍ତ୍ତା ରାଜ୍ୟ ସରକାରଙ୍କର ନିୟମ କୁ ‘ଫୁ’ କରୁଛନ୍ତି ବୋଲି ଚର୍ଚ୍ଚା ହେଉଥିବାର ପରିଲକ୍ଷିତ ହେଉଛି।

କନ୍ଧମାଳ ରେ ପ୍ରଥମ ଥର ପାଇଁ ଇଗଲ ମ୍ୟୁଜିକ୍ ଷ୍ଟୁଡିଓ ଦ୍ଵାର ଅନଲାଇନ ରଜ କୁଇନ୍ ପ୍ରତିଯୋଗିତା ଅନୁଷ୍ଠିତ।

!!! କନ୍ଧମାଳ ରୁ ଜିଲ୍ଲା ସ୍ୱତନ୍ତ୍ର ପ୍ରତିନିଧି ମିଲନ କହଁର ଙ୍କ ରିପୋର୍ଟ୍ !!!

ଏଥର ସମ୍ଭାଳ(କନ୍ଧମାଳ) – କନ୍ଧମାଳ ରେ ପ୍ରଥମ ଥର ପାଇଁ ଇଗଲ ମ୍ୟୁଜିକ୍ ଷ୍ଟୁଡିଓ ଦ୍ଵାରା ଆୟୋଜିତ ହୋଇଥିଲା ଅନଲାଇନ ରେ ରଜ କୁଇନ କନ୍ଧମାଳ ୨୦୨୦ । ଯାହାର ଫଳାଫଳ ଆଜି ଘୋଷଣା କରାଯାଇଛି। ଏଥିରେ ପ୍ରଥମ ହୋଇଛନ୍ତି ସୋନାଲି ପାଣିଗ୍ରାହୀ,ଦ୍ଵିତୀୟ ହୋଇଛନ୍ତି ଏମ୍ ବିଜୟଲକ୍ଷ୍ମୀ ଦୋରା ଓ ତୃତୀୟ ହୋଇଛନ୍ତି ସୁଶ୍ରୀ ତନ୍ମୟୀ ପାଢ଼ୀ । ଏହି ପ୍ରତିଯୋଗିତା ୫ ଦିନ ଧରି ହୋଇଥିଲା । ଏଥି ମଧ୍ୟରେ ୬ ଟି ପର୍ଯ୍ୟାୟ ହୋଇଥିଲା। ନାଚ,ଗୀତ,ଅଭିନୟ,ଝୋଟି,ସଜବାଜ ସମେତ ପ୍ରଶ୍ନ ଉତ୍ତର ପର୍ଯ୍ୟାୟ ମଧ୍ୟ ହୋଇଥିଲା । ଏହି ସବୁ ପର୍ଯ୍ୟାୟ ର ବିଚାରକ ଭାବେ ଓଲିଉଡ ର ନିର୍ଦ୍ଦେଶକ ସୌମ୍ୟ ରଞ୍ଜନ ସାହାଣୀ ଙ୍କ ସହିତ କଣ୍ଠଶିଳ୍ପୀ ସୁଶାନ୍ତ ଚିନରା ଥିବାବେଳେ ମୁଖ୍ୟ ଅତିଥି ଭାବେ ଓଲିଉଡ ର ଅଭିନେତା ଓ ପ୍ରଯୋଜକ ଶଶାଙ୍କ ଦିଗଲ ଭିଡିଓ କଲ୍ ମାଧ୍ୟମରେ ପ୍ରତିଯୋଗୀ ଙ୍କୁ ପ୍ରଶ୍ନ ପଚାରିବା ସହ ଯେଉଁମାନେ ପରବର୍ତ୍ତୀ ପର୍ଯ୍ୟାୟ କୁ ଯିବେ ତାହା ନିର୍ଣ୍ଣୟ କରିଥିଲେ। ସମସ୍ତ ପର୍ଯ୍ୟାୟ ଅନଲାଇନ ରେ ହିଁ ହୋଇଥିବା ବେଳେ ଆଜି ଇଗଲ ମ୍ୟୁଜିକ୍ ଷ୍ଟୁଡିଓ ରେ ଫଳାଫଳ ଘୋଷଣା କରାଯିବା ସହିତ ସାମାଜିକ ଦୂରତା ରଖି ପୁରସ୍କାର ବଣ୍ଟନ କରାଯାଇ ଅଛି । ପୁରସ୍କାର ବଣ୍ଟନ କରିବା ସହିତ ପ୍ରତିଯୋଗୀ ଙ୍କୁ ଅଭିବାଦନ ଜଣାଇଥିଲେ ଇଗଲ୍ ମ୍ୟୁଜିକ୍ ଷ୍ଟୁଡିଓ ର ସଂସ୍ଥାପକ ଶ୍ରୀ ବସନ୍ତ କୁମାର ସାହାଣୀ । ଏବଂ ସୌମ୍ୟ ରଞ୍ଜନ ସାହାଣୀ କହିଛନ୍ତି ଯେ ଯେଉଁମାନେ ବି ପ୍ରଥମ,ଦ୍ଵିତୀୟ,ତୃତୀୟ ହେଲେ ସେମାନଙ୍କୁ ନେଇ ପରବର୍ତ୍ତୀ ସମୟରେ ସେ ପ୍ରୋଜେକ୍ଟ ଆରମ୍ଭ କରିବେ।