ମର୍ଦ୍ଦକୋଟ ସଙ୍ଗରୋଧ କେନ୍ଦ୍ରରେ ଶିଶୁପୁତ୍ରକୁ ଜନ୍ମଦେଲେ ମହିଳା।

!!! ଗଞ୍ଜାମ୍ ଜିଲ୍ଲା ଛତ୍ରପୁର ରୁ ଉପଖଣ୍ଡ ପ୍ରତିନିଧି ପବିତ୍ର କୁମାର ରାଉତ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ବେଗୁନିଆପଡା) – ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ମର୍ଦ୍ଦକୋଟ ହରିହର ମର୍ଦ୍ଦରାଜ ହାଇସ୍କୁଲ ସ୍ଥିତ ସଙ୍ଗରୋଧ କେନ୍ଦ୍ରରେ ଜଣେ ମହିଳା ଏକ ଶିଶୁପୁତ୍ରକୁ ଜନ୍ମ ଦେଇଥିବା ଜଣାପଡିଛି l ପ୍ରସୂତି ଜଣକ ହେଉଛନ୍ତି ବି. ଗୁଡ଼ିଆଳି ଗ୍ରାମର ଡ୍ରାଇଭର ପ୍ରଧାନଙ୍କ ସ୍ତ୍ରୀ ସନ୍ତୋଷିନୀ (28) l ସେ ଗତ 7ତାରିଖ ଦିନ ସ୍ୱାମୀଙ୍କ ସହ ସୁରାଟରୁ ଫେରି ମର୍ଦ୍ଦକୋଟ ସଙ୍ଗରୋଧ କେନ୍ଦ୍ରରେ ରହିଥିଲେ l ଆୟୁଷ ଡାକ୍ତର ସଞ୍ଜୟ ସାହୁ, ଏମପିଏଚଡବ୍ଲୁ ସୁରେନ୍ଦ୍ର ପ୍ରଧାନ, ଏଏନଏମ, ଅଙ୍ଗନବାଡି ଓ ଆଶାକର୍ମୀଙ୍କ ସହାୟତାରେ ଜନ୍ମିତ ଶିଶୁପୁତ୍ର ଏବଂ ପ୍ରସୂତି ସୁସ୍ଥ ଥିବାବେଳେ ପ୍ରାଥମିକ ପରୀକ୍ଷା ପାଇଁ ଉଭୟଙ୍କୁ ଆମ୍ବୁଲାନ୍ସ ଯୋଗେ ବ୍ରହ୍ମପୁର ଏମକେସିଜି ପଠାଯାଇଥିବା ଜଣାପଡିଛି l ସଙ୍ଗରୋଧ ଇନଚାର୍ଜ ପ୍ରକାଶ ଚନ୍ଦ୍ର ସେଠୀ, ସରପଞ୍ଚ ପ୍ରତିନିଧି ଦୀପକ ନାୟକଙ୍କ ଉପସ୍ତିତିରେ ବିଡ଼ିଓ ଦେବବର ପ୍ରଧାନ ଆସି ସ୍ଥିତି ସମୀକ୍ଷା କରିଥିବା ସୂଚନା ମିଳିଛି l

ସଙ୍ଗୀତ ମାଧ୍ୟମରେ ଜଣାଉଛି କରୋନା ସଚେତନା ବାର୍ତ୍ତା …!

!!! ରାୟଗଡ଼ା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଶୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଗୁଣପୁର/ରାମନାଗୁଡ଼ା) – ରାୟଗଡ଼ା ଜିଲ୍ଲା ଗୁଣପୁର ବ୍ଲକ ଅଧିନସ୍ଥ ଅମ୍ବାବାଡ଼ି ଗ୍ରାମ ର ବିରାଜିନି ଶବର ଗୁଣପୁର ଥାୟରାମା ବାଳିକା ମହାବିଦ୍ୟାଳୟ ଯୁକ୍ତ ୨ ର ଛାତ୍ରୀ ସଙ୍ଗୀତ ମାଧ୍ୟମରେ କରୋନା ସମ୍ପର୍କିତ ସଚେତନା ବାର୍ତ୍ତା ଦେଇ ସ୍ଥାନୀୟ ଅଞ୍ଚଳରେ ପ୍ରଶଂସା ର ପାତ୍ରୀ ହୋଇଛନ୍ତି। ସେହି ଭଳି ରାମନଗୁଡ଼ା ବ୍ଲକ ସୁଲୁଡି ଗ୍ରାମ ର ବିଜୟୀନି ତୋଇକା ଓ ନାଗଭୁଷଣ ନିମାଲା ସଙ୍ଗୀତ ମାଧ୍ୟମରେ ସଚେତନତା ବାର୍ତ୍ତା ଦେଇଛନ୍ତି। ଏମାନଙ୍କ ଏଭଳି ପଦକ୍ଷେପ କୁ ବୁଦ୍ଧିଜିବୀ ମହଲରେ ଭୂୟସୀ ପ୍ରଶଂସା କରାଯାଇଛି।

ରାଇକିଆ ଆଇ.ଆଇ.ସି ରାଜ୍ୟସରକାର ଙ୍କ ନିୟମ କୁ ବାରମ୍ବାର୍ ଅବମାନନା କରୁଥିବା ଅଭିଯୋଗ;ଜିଲ୍ଲା ପ୍ରଶାସନ ନିରବ ।

!!! କନ୍ଧମାଳ ଜିଲ୍ଲା ରାଇକିଆ ରୁ ନୃସିଂହ ଚରଣ ଦାସ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ରାଇକିଆ) – କନ୍ଧମାଳ ଜିଲ୍ଲା ରାଇକିଆ ବ୍ଲକ୍ ଅଧିନସ୍ଥ ରାଇକିଆ ଥାନା ସମ୍ମୁଖରେ ଥିବା ବଜାରରେ ସରକାରଙ୍କ ନିୟମ କୁ ଭଙ୍ଗ କରିଚାଲିଛନ୍ତି ସାଧାରଣ ଲୋକେ । କୌଣସି ଦୋକାନ ବଜାର୍ ରେ ସରକାର ଙ୍କ ପ୍ରଦତ୍ତ ଦୂରତା ରକ୍ଷା କରାଯାଉନ ଥିବା ଦୃଶ୍ୟ ଦେଖିବାକୁ ମିଳୁଛି। ଏପରି କି ପେଟ୍ରୋଲପମ୍ପ ନିକଟରୁ ଆରମ୍ଭ କରି ଏପଟେ କଲେଜ୍ ଛକ ପର୍ଯ୍ୟନ୍ତ ଏଭଳି ଜନ ଗହଳି ଦୃଶ୍ୟ ଦେଖିବାକୁ ମିଳିଛି । କିନ୍ତୁ ଏଠାରେ ଗୃହରକ୍ଷୀ କର୍ମଚାରୀ ମାନଙ୍କ ବ୍ୟତୀତ ଅନ୍ୟ କେହି ଉପରିସ୍ଥ ପୋଲିସ କର୍ମଚାରୀ ଦେଖାଯାଉନାହାନ୍ତି । ବଜାର୍ ମଝିରେ ରାଇକିଆ ଥାନା ଥିବା ସତ୍ତ୍ୱେ ଏଠାରେ ରହିଥିବା ଜନ ଗହଳି ମଧ୍ୟରେ ଦୂରତା ରକ୍ଷା କରାଯାଉନ ଥିବା ଦୃଶ୍ୟ ପୋଲିସ କର୍ମଚାରୀଙ୍କ କାର୍ଯ୍ୟ ଦକ୍ଷତା ପ୍ରତି ଆଙ୍ଗୁଳି ନିର୍ଦ୍ଧେଶ କରୁଛି । ଏହାକୁ ଦେଖି ମନେହୁଏ ରାଇକିଆ ଥାନା ଅଧିକାରୀ ଅଲେଖ ଗରଡ଼ିଆ ରାଜ୍ୟସରକାର ଙ୍କର କୋଭିଡ଼ ୧୯ ନିୟମକୁ ଫୁ କରିଦେଇଛନ୍ତି ।ଏହି କନ୍ଧମାଳ ଜିଲ୍ଲାର ରାଇକିଆ ଥାନା ଅଧିକାରୀ ସରକାର ଙ୍କ ନିୟମକୁ ଅବମାନନା କରୁଥିବା ଦୃଶ୍ୟ ବାରମ୍ବାର ଦେଖିବାକୁ ମିଳୁଛି । ରାଇକିଆ ଜନସାଧାରଣ ଜଳଖିଆ ଖାଉଥିବା ବେଳେ ଏବଂ ନଳକୂପରେ ଗାଧେଇବା ସମୟରେ ମାକ୍ସ ପିନ୍ଧିନ କହି ତାଙ୍କୁ ଅସମ୍ମାନ କରି ମାଡ଼ ମାରିଥିବା ଏହି ରାଇକିଆ ପୋଲିସ କର୍ମଚାରୀ କିନ୍ତୁ ନିଜେ ମାସ୍କ ନପିନ୍ଧି ବୁଲୁଥିବା ଦେଖାଦେଇଛି । ତେବେ ଏଠାରେ ପ୍ରଶ୍ନ ଉଠୁଛି ଜନତା ଙ୍କ ପାଇଁ ଓ ପୋଲିସ ଙ୍କ ପାଇଁ ନିୟମ ଅଲଗାକି ? ସରକାରଙ୍କ ନିୟମକୁ ଅବମାନନା କରିଚାଲିଥିବା ଥାନା ଅଧିକାରୀ ଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ନିମନ୍ତେ ସ୍ଥାନୀୟ ଜନସାଧାରଣ ଦାବି କରିଛନ୍ତି ।

ନିର୍ବାହୀ ଯନ୍ତ୍ରୀ ଓ ଆନ୍ଧ୍ର ଠିକାଦାର ଙ୍କ ମଧୁଚନ୍ଦ୍ରିକା ରେ ବଳି ପଡ଼ିବେ ଜନ ସାଧାରଣ…!

!!! ରାୟଗଡ଼ା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଶୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଗୁଣପୁର) – ରାୟଗଡ଼ା ଜିଲ୍ଲା ରେ ଅବସ୍ଥିତ ଗୁଣପୁର ମହାବିଦ୍ୟାଳୟ ଠାରୁ ଗୁଣପୁର ରେଳ ଷ୍ଟେସନ ଛକ ପର୍ଯ୍ୟନ୍ତ ଲମ୍ବି ଥିବା ୨ କିଲୋମିଟର ବିଶିଷ୍ଠ ରାସ୍ତା ର ଉନ୍ନତି କରଣ ନିମନ୍ତେ ଓଡ଼ିଶା ସରକାର ଙ୍କ ରାସ୍ତା ଓ କୋଠାବାଡି ବିଭାଗ ପକ୍ଷରୁ ଏକ ଆନ୍ଧ୍ର ଠିକାଦାର ଙ୍କୁ କାର୍ଯ୍ୟ ସମାପନ କରିବା ନିମନ୍ତେ ଟେଣ୍ଡର ଦିଆଯାଇଅଛି। ଦୀର୍ଘ ଦିନ ହେଲା ଉକ୍ତ ରାସ୍ତା କାମ ଆରମ୍ଭ ହୋଇଥିଲେ ସୁଦ୍ଧା ଏହା ପୂର୍ଣ୍ଣ ମାତ୍ର ରେ ସମ୍ପୂର୍ଣ୍ଣ ହୋଇପାରିନାହିଁ। କାର୍ଯ୍ୟ ଆରମ୍ଭ ପରେ ଉକ୍ତ କାମଟିକୁ କେଉଁ ଠିକାଦାର କରୁଛନ୍ତି, ଏହା କେବେ ଆରମ୍ଭ ହୋଇଛି, ଏହା କେବେ ଶେଷ ହେବ ଏବଂ ଏହାର୍ ଖର୍ଚ୍ଚ ଅଟକଳ ମୂଲ୍ୟ କେତେ ଓ ଏହା କେଉଁ ଅନୁଦାନ ପାଣ୍ଠି ରୁ ନିର୍ମାଣ କରାଯାଉଛି ଏଭଳି କିଛି ତଥ୍ଯ ସହ ଏକ ଫଳକ ନାମା କାର୍ଯ୍ୟ ସ୍ଥଳୀ ରେ ଲଗାଯିବା ବିଧେୟ ରହିଥିବା ବେଳେ ଏଥିପ୍ରତି ନିର୍ବାହୀ ଯନ୍ତ୍ରୀ ଦୃଷ୍ଟି ଦେଉ ନଥିବା ସହ ସୁପ୍ରିମ କୋର୍ଟ ର ଗାଇଡ୍ ଲାଇନ୍ କୁ ଅବଜ୍ଞା କରାଯାଇଥିବା ସାଧାରଣ ରେ ଚର୍ଚ୍ଚା ହେଉଛି। ଗୁଣପୁର ମହାବିଦ୍ୟାଳୟ ଠାରୁ ସ୍ଥାନୀୟ ମଙ୍ଗଳା ମନ୍ଦିର ପର୍ଯ୍ୟନ୍ତ ରାସ୍ତା ର ପ୍ରଶସ୍ଥି କରଣ ଯେତିକି ପରିମାଣ ରେ ହୋଇଛି ତାହା ଠାରୁ କମ ମିଟର ପରିମାଣ ରେ ମଙ୍ଗଳା ମନ୍ଦିର ଠାରୁ ବାଇପାସ୍ ରୋଡ଼ ପର୍ଯ୍ୟନ୍ତ ରାସ୍ତା ର ପ୍ରଶସ୍ଥି କରଣ କମ୍ ରହିଥିବା ଅଭିଯୋଗ ହେଉଛି। ରାସ୍ତା ର ପ୍ରଶସ୍ଥି କରଣ ପ୍ରାରମ୍ଭରୁ ଶେଷ ଯାଏଁ ସମ ମିଟର ଦୂରତାରେ ହେବାକୁ ଥିବା ବେଳେ ଏହି କିଛି ଅଞ୍ଚଳ ରେ ରାସ୍ତା ର ପ୍ରଶସ୍ଥି କରଣ କମ୍ ହୋଇଥିବା କାରଣରୁ କିଛି ବ୍ୟକ୍ତି ଙ୍କ ଜାଗାକୁ ଉଦ୍ଦେଶ୍ଯ ମୂଳକ ଭାବେ ନିର୍ବାହୀ ଯନ୍ତ୍ରୀ ବଞ୍ଚାଇବା ନିମନ୍ତେ ଏଭଳି କରିଛନ୍ତି ବୋଲି ବିଭିନ୍ନ ମହଲରେ ଅଭିଯୋଗ ହେଉଛି। ବାଇପାସ୍ ନିକଟ ଛକ ଠାରେ କରାଯାଇଥିବା ଟ୍ରାଫିକ ପୋଷ୍ଟ ସାମ୍ନା ରାସ୍ତା ଏଭଳି ନିର୍ମାଣ କରାଯାଇଛି ଯାହାକି ଆଗାମୀ ଦିନରେ ଦୁର୍ଘଟଣା ସମ୍ମୁଖୀନ ହେବା ଅବସ୍ଥାକୁ ଏଡ଼ାଇ ଦିଆଯାଇ ନ ପାରେ ବୋଲି ବିଭିନ୍ନ ବୁଦ୍ଧିଜିବୀ ମତ ପ୍ରକାଶ କରି ଆମ ପୋଲିସ ବୈଠକ ରେ ଏସଡିପିଓ ଓ ଆଇଆଇସି ଙ୍କ ଦୃଷ୍ଟି ଆକର୍ଷଣ କରିଥିଲେ। ଉକ୍ତ ବୈଠକ ପରେ ଏସଡିପିଓ ପୂର୍ତ୍ତ ବିଭାଗ କୁ ଏନେଇ ପତ୍ରାଳାପ କରିଥିଲେ। ତଥାପି ଏନେଇ କୌଣସି କାର୍ଯ୍ୟନୁଷ୍ଠାନ ହୋଇ ନଥିବା ଦେଖିବାକୁ ମିଳିଛି । ବାଇପାସ୍ ଟ୍ରାଫିକ୍ ଛକ ଠାରୁ ରେଳ ଷ୍ଟେସନ ଛକ ପର୍ଯ୍ୟନ୍ତ ନିର୍ମିତ ରାସ୍ତା ଟି ଅଙ୍କାବଙ୍କା ଭାବେ ନିର୍ମାଣ କରାଯାଇଥିବା ହେତୁ ଏହାକୁ ସିଧାସଳଖ ନିର୍ମାଣ କରାଯିବା ଦିଗରେ ସମ୍ପୃକ୍ତ କତୃପକ୍ଷ କାହିଁକି ଦୃଷ୍ଟି ଦେଲେ ନାହିଁ ବୋଲି ରାଜନୈତିକ ସଂଗଠନ ପକ୍ଷରୁ ଅଭିଯୋଗ ହୋଇଥିଲା । ତଥାପି ଏଥିପ୍ରତି କତୃପକ୍ଷ ଙ୍କ ଦୃଷ୍ଟି ପଡ଼ୁନଥିବା ଯୋଗୁଁ ଏହା ଆନ୍ଧ୍ର ଠିକାଦାର ଙ୍କ ମନମୂଖୀ କାର୍ଯ୍ୟ ଏବଂ ଗୁଣପୁର କୋଠାବାଡି ବିଭାଗୀୟ ନିର୍ବାହୀ ଯନ୍ତ୍ରୀ ଙ୍କ ସହ ମଧୁଚନ୍ଦ୍ରିକା ବୋଲି ସାଧାରଣ ରେ ଏକ ବଡ ଚର୍ଚ୍ଚା ର ବିଷୟ ପାଲଟିଛି। ଏପରିକି ବର୍ତ୍ତମାନ୍ ସୁଦ୍ଧା ନିର୍ମିତ ରାସ୍ତା ନିର୍ମାଣ ରେ ଦୁର୍ନୀତି ହୋଇଥିବା ଅଭିଯୋଗ ହେଉଛି। ଏହାକୁ ବିରୋଧ କରି ସ୍ଥାନୀୟ ସାମାଜସେବୀ, ବୁଦ୍ଧିଜୀବୀ ଏବଂ ସଂଗଠନ ପକ୍ଷରୁ ସରକାରଙ୍କ ଦୃଷ୍ଟି ଆକର୍ଷଣ କରାଯାଇଥିବା ସତ୍ତ୍ୱେ ବର୍ତ୍ତମାନ୍ ସୁଦ୍ଧା କୌଣସି କାର୍ଯ୍ୟାନୁଷ୍ଠାନ ହୋଇପାରିନଥିବା ରୁ ସ୍ଥାନୀୟ ବାସୀ ଙ୍କ ମନରେ ବିସ୍ମୟ ସ୍ରୁଷ୍ଟି କରିଛି। ଏଥିପ୍ରତି ସରକାର ଙ୍କ ପକ୍ଷରୁ ଏକ ଉଚ୍ଚ ସ୍ତରୀୟ ଫାଇଣ୍ଡିଂ କମିଟି ମାଧ୍ୟମରେ ଏହାର୍ ଯାଞ୍ଚ କରାଯିବା ନିମନ୍ତେ ବିଭିନ୍ନ ସଂଗଠନ ଦାବୀ କରିଛନ୍ତି ।

କାହା ବାହୁଛାୟା ତଳେ ଗୁଣପୁର ପୌର ପରିଷଦ ର ସେନିଟାଇଜର ଇନ୍ସପେକ୍ଟର(ଏସ୍.ଆଇ) ।

!!! ରାୟଗଡ଼ା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଶୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ଗୁଣପୁର) – ଗୁଣପୁର ପୋୖର ପରିଷଦ ର ପରିମଳ ବ୍ୟବସ୍ଥା ସଠିକ ସମ୍ପାଦନ ହୋଇପାରୁନଥିବା ବାରମ୍ବାର ଅଭିଯୋଗ ହୋଇ ବିଭିନ୍ନ ଗଣ ମାଧ୍ୟମରେ ପ୍ରକାଶ ହୋଇଆସୁଥିଲେ ସୁଦ୍ଧା କୌଣସି କାର୍ଯ୍ୟାନୁଷ୍ଠାନ ହୋଇ ପାରୁନଥିବାରୁ ଏହି ଦାୟୀତ୍ୱ ରେ ଥିବା କର୍ମଚାରୀ କାହା ବାହୁ ଛାୟା ତଳେ ରହି ବଳିୟାନ ବୋଲି ସାଧାରଣରେ ଚର୍ଚ୍ଚା ଜୋର ଧରିଛି । କରୋନା ସଂକ୍ରମିତ କୁ ପ୍ରତିହତ କରିବା ନିମନ୍ତେ ସାନିଟାଇଜର ବ୍ଯବସ୍ଥା କୁ ସୁଦୃଢ଼ କରିବା ନେଇ କେନ୍ଦ୍ର ଓ ରାଜ୍ୟ ସରକାର ଦୃଢ଼ ପଦକ୍ଷେପ ନେବା ନିମନ୍ତେ ବହୁ ଗୁରୁତ୍ଵ ଦେଉଥିବା ବେଳେ ଗୁଣପୁର ପୌରାଞ୍ଚଳ ରେ ଏହା ସଠିକ କାର୍ଯ୍ୟକାରି ହେଉନଥିବା ଅଭିଯୋଗ ହେଉଛି। କରୋନା ଯୋଗୁଁ ସମସ୍ତ ଚଳନୀୟ ବ୍ୟବସ୍ଥା କୁ ସଙ୍କୁଚିତ କରାଯାଇ ଲକଡାଉନ କରାଯାଇଥିବା ବେଳେ ସ୍ଥାନୀୟ କର୍ତ୍ତୃପକ୍ଷ ପରିମଳ ବ୍ୟବସ୍ଥା ପ୍ରତି ଦୃଷ୍ଟି ଦେଉନଥିବା ନୀନ୍ଦନୀୟ।

କରୋନା ସଂକ୍ରମିତ ପରିସ୍ଥିତି ରେ ସହରାଞ୍ଚଳ ର କୌଣସି ସ୍ଥାନରେ ବ୍ଲିଚିଙ୍ଗ ପାଉଣ୍ଡର ପକାଇବା କିମ୍ବା କୌଣସି ନାଳ ନର୍ଦ୍ଦମା ରେ ଫିନାଇଲ ସିଞ୍ଚନ କରିବା ବ୍ୟବସ୍ଥା କରାଯାଉନାହିଁ। କେବଳ ସହରକୁ କୌଣସି ଭି.ଆଇ.ପି ବ୍ୟକ୍ତି ଆସୁଥିବା ବେଳେ କିମ୍ବା କୌଣସି ସରକାରୀ ଉତ୍ସବ ସମୟରେ ହିଁ କିଛି ସ୍ଥାନ ରେ ବ୍ଲିଚିଙ୍ଗ ପାଉଣ୍ଡର ପକାଉଥିବାର ଦ୍ରୁଶ୍ୟମାନ ହେଉଛି। ଏଠି ପ୍ରଶ୍ନ ଉଠୁଛି ପରିମଳ ବ୍ୟବସ୍ଥା ସକାସେ ବ୍ଲିଚିଙ୍ଗ ଏବଂ ଫିନାଇଲ ପରିଷଦ ପକ୍ଷରୁ କ୍ରୟ ହେଉଛି ନା ନାହିଁ। ଯଦି କ୍ରୟ ହେଉଛି ତେବେ ଏଗୁଡିକ ଯାଉଛି କେଉଁ ଆଡ଼େ। ପୌରାଞ୍ଚଳ ମଧ୍ୟରୁ ଅଳିଆ ଉଠାଣ ଏବଂ ନର୍ଦ୍ଦମା ସଫା କରିବା ନିମନ୍ତେ ସ୍ଥାୟୀ କର୍ମଚାରୀ ନିଯୁକ୍ତି ଥିବା ବେଳେ ଅସ୍ଥାୟୀ କର୍ମଚାରୀ ଙ୍କୁ ନିଯୁକ୍ତି ଦିଆଯିବା ସତ୍ତ୍ୱେ ଏଠାର ପରିମଳ ବ୍ୟବସ୍ଥା ଠପ ହୋଇପଡୁଛି। ଅସ୍ଥାୟୀ କର୍ମଚାରୀ ନିଯୁକ୍ତି କ୍ଷେତ୍ର ରେ ବହୁ ହେର ଫେର ହେଉଥିବା ଅଭିଯୋଗ ହେଉଛି। ନିର୍ବାଚିତ ପୌର ପରିଷଦ ମଣ୍ଡଳୀ ଭାଙ୍ଗି ଦିଆଯାଇ ଚେୟାରମ୍ୟାନ୍ ପଦବୀ ହଟାଯିବା ପରଠାରୁ ସ୍ଥାନୀୟ ପୌର ପରିଷଦ ର ପରିମଳ ବ୍ୟବସ୍ଥା ସମ୍ପୂର୍ଣ୍ଣ ଭୁଶୁଡ଼ି ପଡ଼ିଥିବା ବୁଦ୍ଧିଜିବୀ ମାନେ ମତ ବ୍ୟକ୍ତ କରିଛନ୍ତି। ଏହାର ଏକ ଉଚ୍ଚ ସ୍ତରୀୟ ସମୀକ୍ଷା କରାଯିବା ନିମନ୍ତେ ସାଧାରଣ ରେ ଦାବି ହେଉଛି। ଏପରିକି କୋଭିଡ଼-୧୯ ଭଳି ଏକ ସମ୍ବେଦନଶୀଳ ପରିସ୍ଥିତି ରେ ପୌର ପରିଷଦ କାର୍ଯ୍ୟାଳୟ ଭିତରେ ଥିବା କାଉନ୍ସିଲ ହଲ ରେ ସନ୍ଧ୍ୟା ସମୟରେ କିଛି କର୍ମଚାରୀ ଏହାକୁ ନିଜର ମଦ ଆଡ଼ା କରିନେଇଥିବା ସାଧରଣରେ କୁହା ବୋଲା ହେଉଛନ୍ତି । ଏଥି ପ୍ରତି ପ୍ରଶାସକ ଦୃଷ୍ଟି ଦେବେ କି ?

ଅବସର ପ୍ରାପ୍ତ କର୍ମଚାରୀ ଙ୍କ ମୁଖ୍ୟମନ୍ତ୍ରୀ ଙ୍କ ରିଲିଫ ପାଣ୍ଠିକୁ ଦାନ ; ଗରୀବ ଲୋକଙ୍କୁ ଖାଦ୍ୟ ବଣ୍ଟନ ।

!!! କନ୍ଧମାଳ ଜିଲ୍ଲା ରାଇକିଆ ରୁ ନୃସିଂହ ଚରଣ ଦାସ ଙ୍କ ରିପୋର୍ଟ୍ !!!

ଏଥର ସମ୍ଭାଳ (ରାଇକିଆ) – କରୋନା ଲକଡାଉନ ସମୟରେ କନ୍ଧମାଳ ଜିଲ୍ଲା ର ବିଭିନ୍ନ ଅଞ୍ଚଳରେ ବସବାସ କରୁଥିବା ଅସହାୟ ବ୍ୟକ୍ତି ଙ୍କୁ କିଛି ସ୍ବେଛାସେବୀ ସଂଗଠନ ଖାଦ୍ୟ ବଣ୍ଟନ କରିଛନ୍ତି । ଏହିଭଳି ରାଇକିଆ ବ୍ଲକ ଗମାଣ୍ଡି ଗ୍ରାମର ଅବସର ପ୍ରାପ୍ତ ଜୈନିିକ ବ୍ୟକ୍ତି ସୁଦର୍ଶନ ମଲ୍ଲିକ କିଛି ଆଦିବାସୀ ଅଞ୍ଚଳକୁ ଯାଇ କରୋନା ସମ୍ପର୍କିତ ସଚେତନା ବାର୍ତ୍ତା ପ୍ରଚାର କରିବା ସହ ଶୁଖିଲା ଖାଦ୍ୟ ବଣ୍ଟନ କରିଛନ୍ତି ଏବଂ ପ୍ରାପ୍ୟ ପେନସନ ରୁ ସ୍ଥାନୀୟ ବି.ଡି .ଓ ଙ୍କ ମାଧ୍ୟମରେ ମୁଖ୍ୟମନ୍ତ୍ରୀ ଙ୍କ ରିଲିଫ ପାଣ୍ଠି କୁ ୧୦୫୦୦ ଟଙ୍କା ପ୍ରଦାନ କରିଛନ୍ତି । ଶ୍ରୀ ମଲ୍ଲିକ ଙ୍କ ଏଭଳି ଦାନ କୁ ସ୍ଥାନୀୟ ଅଞ୍ଚଳରେ ଭୁୟସୀ ପ୍ରସଂସା କରାଯାଇଛି ।

ସରକାରୀ ସହାୟତା ଅପେକ୍ଷା ରେ ଅଟୋ ଚାଳକ..!

!!! ରାୟଗଡା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟଯୋଶୀ ଙ୍କ ରିପୋର୍ଟ !!!

ଏଥର ସମ୍ଭାଳ(ଗୁଣପୁର) – କରୋନା ସଂକ୍ରମଣ କୁ ଦୂରେଇବା ଉଦ୍ଦେଶ୍ୟ ନେଇ ରାଜ୍ୟ ସରକାର ଏବଂ ସ୍ଥାନୀୟ ପ୍ରଶାସନ ପକ୍ଷରୁ ନିଆଯାଇଥିବା ପଦକ୍ଷେପ ରେ ଫସି ରହିଥିବା ଗୁଣପୁର ଅଟୋ ଚାଳକ ସଂଘର ସଭାପତି ମୁରଲୀ କ୍ରିଷ୍ଣା କହିଛନ୍ତି । ଦୀର୍ଘ ୪୫ ଦିନ ହେବ ସେମାନଙ୍କ ଅଟୋ ଚକା ଗଡୁ ନଥିବାରୁ ପରିବାର ଚଳଣୀ ଅବସ୍ଥା ବିଗିଡି ଯାଇଥିବା ସତ୍ତ୍ୱେ ରାଜ୍ୟ ସରକାର କିମ୍ୱା ସ୍ଥାନୀୟ ପ୍ରଶାସନ ପକ୍ଷରୁ ସେମାନଙ୍କୁ କୌଣସି ସହାୟତା ମିଳିନଥିବା ଅଭିଯୋଗ କରିଛନ୍ତି । ଏଭଳି ଆଉ କିଛିଦିନ ଏମିତି ହେଲେ ଅଟୋ ଚାଳକଙ୍କ ପରିବାର ବହୁ ସଂକଟରେ ଗତି କରିବ ବୋଲି ଦର୍ଶାଇଛନ୍ତି । ଏମାନଙ୍କୁ ସହାୟତା ଯୋଗାଇ ଦେବା ନିମନ୍ତେ ସଂଘ ପକ୍ଷରୁ ଅନୁରୋଧ କରିଛନ୍ତି ।

ସରକାରୀ ଧନ ଆତ୍ମସାତ୍ ଅଭିଯୋଗ ରେ ୩ ସିପାହୀ ଗିରଫ୍।

!!! ରାୟଗଡ଼ା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଶୀ ଙ୍କ ରିପୋର୍ଟ୍ !!!

ଏଥର ସମ୍ଭାଳ(ଗୁଣପୁର) – ରାୟଗଡ଼ା ଜିଲ୍ଲା ଗୁଣପୁର ଥାନା ଅଧୀନସ୍ଥ ଭାମିନି ଗ୍ରାମ ଠାରେ ଅବସ୍ଥାପିତ ଆଇ. ଆର.ବି.ଏନ୍ ବିଭାଗର ହିସାବ ଏବଂ ମାନବ ସାଧନ ପରିଚାଳନା ପଦ୍ଧତି ଉପ ବିଭାଗରେ କାର୍ଯ୍ୟରତ ତିନି ସିପାହୀ ସେମାନଙ୍କ କାର୍ଯ୍ୟରତ ସରକାରୀ କ୍ଷମତା କୁ ଅପ ବ୍ୟବହାର କରି ଏଠାରେ କାର୍ଯ୍ୟରତ କର୍ମଚାରୀ ଙ୍କ ମାହାଙ୍ଗା ଭତା ଓ ନକ୍ସଲ ମୁକାବିଲା ଭତ୍ତା ବାବଦରେ ଆସିଥିବା ସରକାରୀ ଧନ ୩,୪୫,୮୦୨ ଟଙ୍କା କୁ ବେଆଇନ ଭାବେ ପ୍ରତାରଣା ମୂଳକ ଉଦ୍ଦେଶ୍ୟ ନେଇ ନିଜ ବ୍ୟାଙ୍କ ଏକାଉଣ୍ଟ କୁ କମ୍ପ୍ୟୁଟର୍ ଉତ୍ସ ସାଙ୍କେତିକ ବ୍ୟବହାର କରି ସ୍ଥାନାନ୍ତରିତ କରିଥିବା ଅଭିଯୋଗ କ୍ରମେ ସୁନ୍ଦରଗଡ ଜିଲ୍ଲା ସୁନ୍ଦରଗଡ଼ ଟାଉନ ଥାନା ଅଧୀନସ୍ଥ ଶଙ୍କାରେ ଗ୍ରାମ ନିବାସୀ ହରି କୁମୁରା ଙ୍କ ପୁଅ ପଙ୍କଜ କୁମୁରା, ରାୟଗଡ଼ା ଜିଲ୍ଲା ଗୁଣପୁର ଥାନା ଅଧୀନସ୍ଥ ବିକ୍ରମପୁର ମନ୍ଦିର ସାହି ନିବାସୀ ରାମ କୈବର୍ତ୍ତ ଙ୍କ ପୁଅ ହରେ କୃଷ୍ଣ କୈବର୍ତ୍ତ ଏବଂ ସୁନ୍ଦରଗଡ ଜିଲ୍ଲା ଲହୁଣୀପଡା ଥାନା ଅଧୀନସ୍ଥ ଧୁଡି ଗ୍ରାମ ନିବାସୀ ଗୌରାଙ୍ଗ ପାତ୍ର ଙ୍କ ପୁଅ ଉଷତ ପାତ୍ର ଙ୍କୁ ଗୁଣପୁର ପୋଲିସ ଗିରଫ୍ କରି କୋର୍ଟ ଚାଲଣ କରିଛି। ଏହି ତିନି ଜଣ ଅଭିଯୁକ୍ତ ଭାମିନି ଆଇ.ଆର.ବି.ଏନ୍ ଶିବିର ରେ ସିପାହୀ ଭାବେ କାର୍ଯ୍ୟରତ ଅଛନ୍ତି। ଏହି ତିନି ସିପାହୀ ସରକାରୀ ଧନ ଆତ୍ମସାତ କରିଥିବା ନେଇ ଶିବିରରେ କାର୍ଯ୍ୟରତ ସେବାନାୟକ ଦିଲ୍ଲୀପ କୁମାର ମହାପାତ୍ର ଙ୍କ ଅଭିଯୋଗ କ୍ରମେ ଗୁଣପୁର ଥାନା କେସ ନମ୍ବର ୮୧ ତା – ୮/୫/୨୦ କ୍ରମେ ଅଭିଯୁକ୍ତ ଙ୍କ ବିରୁଦ୍ଧରେ ଭାରତୀୟ ଦଣ୍ଡବିଧି ଆଇନ ର ଧାରା ୪୦୯/୪୧୭/୪୨୦/୪୬୫/୪୬୮/୪୭୧/୩୪ ଏବଂ ସୂଚନା ଓ ପ୍ରଯୁକ୍ତି ବିଦ୍ୟା ଆଇନ ୨୦୨୦ ର ଧାରା ୬୬(ଗ) ଅନୁଯାୟୀ କେସ ଦାୟାର କରାଯାଇଥିବା ଗୁଣପୁର ଉପଖଣ୍ଡ ଆରକ୍ଷୀ ଅଧିକ୍ଷକ ଶ୍ରୀ ରାଜ କିଶୋର ଦାଶ ଏକ ସାମ୍ବାଦିକ ସମ୍ମିଳନୀ ରେ ପ୍ରେସ ବିଜ୍ଞପ୍ତି ମାଧ୍ୟମରେ ଜଣା କରିଛନ୍ତି। ଏହି କେସର ତଦନ୍ତ ଭାର ସ୍ଥାନୀୟ ଆଦର୍ଶ ଥାନା ଭାରପ୍ରାପ୍ତ ଅଧିକାରୀ ଶ୍ରୀ ରଶ୍ମୀ ରଞ୍ଜନ ପ୍ରଧାନ ଙ୍କୁ ଦିଆଯାଇଥିବା ସୂଚନା ଦେଇଛନ୍ତି । ଏହି ସାମ୍ବାଦିକ ସମ୍ମିଳନୀ ରେ

ଶ୍ରୀ ପ୍ରଧାନ ଙ୍କ ସମେତ ଥାନା ର ଅନ୍ୟ କର୍ମଚାରୀ ବୃନ୍ଦ ଉପସ୍ଥିତ ଥିଲେ।

ଗୁଣପୁର ପୌର ପରିଷଦ ର ନିର୍ବାହୀ ଅଧିକାରୀ ପ୍ରକୃତରେ କିଏ ? ତାହା ଏବେ ସାଧାରଣ ରେ ଚର୍ଚ୍ଚା…!

ଏଥର ସମ୍ଭାଳ ବ୍ୟୁରୋ (ଗୁଣପୁର) – ଗୁଣପୁର ପୋୖର ପରିଷଦରେ ନିର୍ବାହୀ ଅଧିକାରୀ ଭାବେ ଉମା ଚରଣ ଦାସ ଯୋଗଦେବାପରେ ଶ୍ରୀ ଦାସ ଙ୍କ ନମ୍ରତା ମନୋଭାବକୁ ଦେଖି ପୌର ପରିଷଦ ର କିଛି କର୍ମଚାରୀ ନିଜକୁ ଜଣେ ନିର୍ବାହୀ ଅଧିକାରୀ ଭାବେ ନିଜେ ମନେ କରୁଥିବା ସହରରେ ଚର୍ଚ୍ଚାର ବିଷୟ ପାଲଟିଛି। ଏମାନଙ୍କ ମଧ୍ୟରୁ ବି.ମାଲିକେଶ୍ୱର ରାଓ ଙ୍କ ନାମ ବିଭିନ୍ନ ସ୍ଥାନରେ ବହୁ ଚର୍ଚ୍ଚିତ ହେଉଛି । ପୋୖର ପରିଷଦ ରେ କାର୍ଯ୍ୟରତ କର୍ମଚାରୀ ମାନେ କିଏ କେଉଁ ବିଭାଗ ଦାୟିତ୍ୱରେ ରହି କାର୍ଯ୍ୟ ନିର୍ବାହ କରୁଛନ୍ତି ଏହା ସାଧାରଣ ଲୋକେ ଜାଣିବା କଷ୍ଟ ସାଧ୍ୟ ହୋଇପଡିଛି । ସମୁଦାୟ ୫କି.ମି ପରିସର ମଧ୍ୟରେ ଅବସ୍ଥାପିତ ପୋୖରାଞ୍ଚଳ ନିମନ୍ତେ ଘରୋଇ ବ୍ୟବହାର୍ଯ୍ୟ ଗାଡିକୁ ଅଫିସ କାର୍ଯ୍ୟରେ ଲଗାଇବା ଆବଶ୍ୟକତା କଣ ବୋଲି ପ୍ରଶ୍ନ ଉଠୁଛି ? ନିର୍ବାହୀ ଅଧିକାରୀ ଙ୍କ ନିମନ୍ତେ ନିଯୁକ୍ତ ଗାଡିକୁ ସମସ୍ତ କର୍ମଚାରୀ ବ୍ୟବହାର କରି ଅଯଥା ତେଲ ଅପଚୟ କରୁଛନ୍ତି ବୋଲି ଅଭିଯୋଗ ହେଉଛି । ଏକ ଘରୋଇ ଗାଡିକୁ ଅଫିସ କାର୍ଯ୍ୟରେ ନିଯୁକ୍ତ କରିବା ପୂର୍ବରୁ ଗାଡ଼ିର ଆବଶ୍ୟକତା ନେଇ ପୋୖର ପାରିଷଦ ପକ୍ଷରୁ ବିଜ୍ଞାପନ ଜାରି କରାଯାଇଥିଲା କି ? ଏଥିପାଇଁ କେଉଁ କେଉଁ ବ୍ୟକ୍ତି ବିଶେଷ ସେମାନଙ୍କ ଗାଡି ପୋୖର ପରିଷଦର କାର୍ଯ୍ୟରେ ଲଗାଇବା ନିମନ୍ତେ ଇଛା ପ୍ରକାଶ କରଥିଲେ ଏବଂ ବର୍ତ୍ତମାନ ର ଗାଡି ମାଲିକଙ୍କୁ କେଉଁ ନିୟମ ଭିତ୍ତିରେ ଏହି ସୁଯୋଗ ପ୍ରଦାନ କରାଯାଇଛି ବୋଲି ପ୍ରଶ୍ନ ଉଠୁଛି । ସାଧାରଣ ରେ ଉଠିଥିବା ଏହି ପ୍ରଶ୍ନ ର ସମାଧାନ ନିମେନ୍ତ ପୋୖର ନିର୍ବାହୀ ଅଧିକାରୀ କିମ୍ବା ଅଧକ୍ଷ ଏକ ଶ୍ୱେତପତ୍ର ପ୍ରକାଶ କରନ୍ତୁ କିମ୍ବା ପ୍ରେସ ବିଜ୍ଞପ୍ତି ମାଧ୍ୟମରେ ପ୍ରକାଶ କରନ୍ତୁ ବୋଲି ବୁଦ୍ଧିଜୀବୀ ମତପ୍ରକାଶ କରିଛନ୍ତି । ବର୍ତ୍ତମାନ୍ ପରିସ୍ଥିତି ରେ ଅସହାୟ ବ୍ୟକ୍ତି ଏବଂ ଯେଉଁ ପରିବାର ରେସନ୍ କାର୍ଡ ନଥିବା ହେତୁ ପିଡିଏସ୍ ସମାଗ୍ରୀ ପାଇପାରୁ ନାହାଁନ୍ତି ସେମାନଙ୍କୁ ଖାଦ୍ୟ ଓ ରେସନ୍ ସମାଗ୍ରୀ ଯୋଗାଇବା ନିମନ୍ତେ ରାଜ୍ଯ ସରକାର ଙ୍କ ପକ୍ଷରୁ ଦୁଷ୍ଟାନ୍ତ ମୂଳକ ପଦକ୍ଷେପ ଗ୍ରହଣ କରାଯାଇଛି। ଏହି ପରିପ୍ରେକ୍ଷୀରେ ରେ ଗୁଣପୁର ପୌର ପରିଷଦ ପକ୍ଷରୁ ମଧ୍ଯ ପଦକ୍ଷେପ ଗ୍ରହଣ କରାଯାଇଛି। କିନ୍ତୁ ଏହି ଦାୟିତ୍ଵ ରେ ଥିବା ପୌର କର୍ମଚାରୀ ଏହାକୁ ସଠିକ ଭାବେ ପାଳନ କରୁନଥିବା ଅଭିଯୋଗ ହେଉଛି। ଯେଉଁ ମାନେ ସରକାର ଙ୍କ ପ୍ରଦତ୍ତ ଏହି ସୁବିଧା ପାଇପାରୁନାହାନ୍ତି ବୋଲି ନିର୍ବାହୀ ଅଧିକାରୀ ଙ୍କ ନିକଟରେ ଫେରାଦ ହୋଇଥିଲା ସେମାନଙ୍କ ନିକଟରେ ଖାଦ୍ୟ ଏବଂ ସାମଗ୍ରୀ ପହଞ୍ଚାଇବା ନିମନ୍ତେ ନିର୍ବାହୀ ଅଧିକାରୀ ନିର୍ଦ୍ଦେଶ ଦେଇଥିବା ସତ୍ତ୍ୱେ ଦାୟିତ୍ଵ ରେ ଥିବା ବି. ମାଲିକେଶ୍ୱର ରାଓ ଅସହାୟ ବ୍ୟକ୍ତି ଙ୍କୁ ସରକାରୀ ଙ୍କ ପକ୍ଷରୁ ଦିଆଯାଉଥିବା ସୁବିଧା ଯୋଗାଇ ଦେବା ବଦଳରେ ତୁମ ମାନଙ୍କୁ ଯଦି ଖାଦ୍ୟ ସମାଗ୍ରୀ ଦେବୁ ତେବେ ପ୍ରତ୍ୟକ ସାହିରେ ଏପରି ରହିଥିବା ଲୋକ ଙ୍କୁ ଆମେ କେତେ ଦେବୁ ବୋଲି କହିଥିବା ଲୋକେ ଅଭିଯୋଗ କରିଛନ୍ତି। ଏଠାରେ ପ୍ରଶ୍ନ ଉଠୁଛି ପୌର ପରିଷଦ ପକ୍ଷରୁ ଅସହାୟ ବ୍ୟକ୍ତି ଯୋଗାଇ ଦିଆ ଯାଉଥିବା ଖାଦ୍ୟ ସାମଗ୍ରୀ ସରକାରୀ ଧନ ରୁ ଦିଆ ଯାଉଛି ନା ମାଲିକେଶ୍ୱର ଙ୍କ ହାତ ପାଣ୍ଠି ରୁ ଯୋଗାଇ ଦିଆଯାଉଛି। ଶ୍ରୀ ରାଓ ନିଜ କାର୍ଯ୍ୟ ସଠିକ୍ ଭାବେ ପାଳନ କରୁନାହାଁନ୍ତି କେବେଳ ଏହି ଦାୟିତ୍ଵ ତୁଲାଇବା ପାଇଁ ବ୍ୟବହୃତ ଇନୋଭା ଯାନରେ ବୁଲି ନିଜକୁ ପୌର ଅଧିକାରୀ ଙ୍କ ଠାରୁ ଅଧିକ ମନେ କରୁଥିବା ଏହାଙ୍କୁ ଏହି ଦାୟିତ୍ଵ ରୁ ହଟାଇ ନିଜେ ନିର୍ବାହୀ ଅଧିକାରୀ ଏଥି ପ୍ରତି ଦୃଷ୍ଟି ଦେବା ପାଇଁ ସାଧାରଣ ରେ ଦାବୀ ହେଉଛି ।

କରୋନା ସଂକ୍ରମଣ ରୁ ଦୁରେଇ ସୁସ୍ଥ ରହିବା ଉପାୟକୁ ହାତଛଡା କରନ୍ତୁ ନାହିଁ : ଜିଲ୍ଲାପାଳ ରାୟଗଡ ।

ରାୟଗଡା ଜିଲ୍ଳାରୁ କରନା ଭୁତାଣୁ କୁ ସମ୍ପୂର୍ଣ୍ଣ ନିପାତ କରି ବା ଦିଗରେ ସମସ୍ତ ଜିଲ୍ଲା ବାସୀ ଯୋଦ୍ଧା ସାଜିବା ନିମନ୍ତେ ଜିଲ୍ଲାପାଳ ଆହ୍ୱାନ ଦେଇଛନ୍ତି । ସରକାରଙ୍କ ଲାକଡାଉନ ବ୍ୟବସ୍ଥା ଓ ସାମାଜିକ ଦୂରତା ବଜାୟ ରଖିବା ଇତ୍ୟାଦି ଯୋଗୁଁ ଏହି ଭୟାବହ ରୋଗ ସଂକ୍ରମଣ ବହୁ ମାତ୍ରାରେ ପ୍ରତିହତ ହୋଇପାରିଥିବା ଏବଂ ଜିଲାରେ ଡାକ୍ତର , ସ୍ୱାସ୍ଥ୍ୟକର୍ମୀ, ପୋଲିସ କର୍ମଚାରୀ, ପରିମଳ କର୍ମଚାରୀ, ପ୍ରଶାସନିକ ଅଧିକାରୀ ଓ କର୍ମଚାରୀ ଏବଂ ସମାଜିକ ସଂଗଠନ ମାନଙ୍କ ଦିନରାତି ଉଦ୍ୟମ କରନା କୁ ମୁକାବିଲା କରିପାରିଥିବା ଜିଲ୍ଲାପାଳ ଶ୍ରୀ ପ୍ରମୋଦ କୁମାର ବେହେରା କହିଛନ୍ତି । ବିଶ୍ୱର ଏହି ମହାମାରୀ ଭୁତାଣୁ ସଂକ୍ରମଣ ସମୟରେ ସମସ୍ତେ ସମାଜିକ ଦୂରତା ରକ୍ଷା କରି ଘରେ ରହି ନିଜ ପରିବାର ,ଦେଶ ଓ ରାଜ୍ୟ କୁ ରକ୍ଷା କରିବାକୁ ଜିଲ୍ଲା ବାସୀ ଙ୍କୁ ନିବେଦନ କରିଛନ୍ତି ।