କରୋନା ସଚେତନା କରିବା ବ୍ୟସ୍ତରେ ପ୍ରଶାସକ ଭୁଲିଗଲେ ପଲଥିନ କଟକଣା ।
!!! ରାୟଗଡା ଜିଲ୍ଲା ପଦ୍ମପୁର ରୁ ପ୍ରଶାନ୍ତ କୁମାର କର ଙ୍କ ରିପୋର୍ଟ୍ !!!
ଏଥର ସମ୍ଭାଳ (ପଦ୍ମପୁର) – ରାୟଗଡା ଜିଲ୍ଲା ପଦ୍ମପୁର ଅଞ୍ଚଳରେ ଫସିରହିଥିବା କିଛି ଯାଯାବର ଶ୍ରେଣୀ ଅଧିବାସୀ ଏବଂ ଦିନ ଖଟିଖିଆ ଙ୍କୁ ସ୍ଥାନୀୟ ତହସିଲଦାର ନୀଳମାଧଵ ମାଝି, ସମିତି ଅଧ୍ୟକ୍ଷା ରମାକାନ୍ତ ମାଝି, ସରପଞ୍ଚ ପୁଣ୍ୟାବତୀ ମାଣ୍ଡାଙ୍ଗୀ ଓ ନାଏବ ସରପଞ୍ଚ ରାମ ସାହୁଙ୍କ ଉପସ୍ଥିତିରେ ରନ୍ଧା ଖାଦ୍ୟ ବଣ୍ଟନ କରାଯାଇଥିଲା । ଏଥି ପାଇଁ ସାଧାରଣରେ ଏମାନଙ୍କୁ ସାଧୁବାଦ ଜ୍ଞାପନ କରାଯାଇଛି । ଏହି ରନ୍ଧା ଖାଦ୍ୟ କେଉଁଠାରେ ପ୍ରସ୍ତୁତ ହୋଇ ଆସିଲା ବୋଲି ପଚରା ଯାଇଥିବା ଆମ୍ଭ ପ୍ରତିନିଧି ଙ୍କ ପ୍ରଶ୍ନର ଉତ୍ତର ରେ ଏଗୁଡିକ କେଉଁଠି ପ୍ରସ୍ତୁତ ହୋଇଛି ସେମାନେ ଜାଣନ୍ତି ନାହିଁ ବୋଲି କହିଥିଲେ। ଏସବୁ ନ ଜାଣି କିଭଳି ଏଗୁଡିକ ବଣ୍ଟନ କରିବା ନିମନ୍ତେ ଏମାନେ ଆସିଛନ୍ତି ବୋଲି ସାଧାରଣ ପ୍ରଶ୍ନ କରିଛନ୍ତି । ବଣ୍ଟନ କରାଯାଇଥିବା ଖାଦ୍ୟ ଗୁଡିକ ପଲିଥିନ ବ୍ୟାଗରେ ପୁଡ଼ିଆ ବନ୍ଧା ହୋଇ ଆସିଥିବାରୁ କରୋନା ସଚେତନା କରିବା ବ୍ୟସ୍ତରେ ପ୍ରଶାସକ ଭୁଲିଗଲେକି ପଲଥିନ ବ୍ୟାଗ କଟକଣା ବୋଲି ବୁଦ୍ଧିଜୀବୀ ମହଲରେ ପ୍ରଶ୍ନ ଉଠିଛି । କୁହାଯାଉଛି ” ବାଡ଼ ଯଦି ଫସଲ ଖାଇବ କହିବା କାହାକୁ” ।
ଏଥର ସମ୍ଭାଳ (ଗୁଣପୁର) – ମାନ୍ୟବର ପ୍ରଧାନମନ୍ତ୍ରୀ ଏବଂ ମୁଖ୍ୟମନ୍ତ୍ରୀ ଙ୍କ ନିର୍ଦ୍ଦେଶ କ୍ରମେ ସାରା ରାଜ୍ୟରେ ଲକ୍ ଡାଉନ ଘୋଷଣା କରାଯାଇଛି। ଏହାର ସମ୍ପୂର୍ଣ୍ଣ ସଫଳତା ଦେଖିବାକୁ ମିଳିଛି ରାୟଗଡା ଜିଲ୍ଲା ଗୁଣପୁର ଠାରେ ।ସ୍ଥାନୀୟ ପ୍ରଶାସନ ଓ ପୋଲିସ ଏହାକୁ କଡ଼ା କଡ଼ି ଭାବର ରେ ପାଳନ କରିବାର ଦେଖାଯାଇଛି । ସ୍ଥାନୀୟ ଖଟିଖିଆ ଏବଂ ବାହାରୁ ଆସିଥିବା ଯାଯାବର ଏହି ଅଞ୍ଚଳରେ ରହୁଥିବାରୁ ସେମାନଙ୍କ ଖାଇବା ର ଅସୁବିଧା ହେଉଥିବା ହୃଦବୋଧ କରି ଗୁଣପୁର ଉପଖଣ୍ଡ କଳିଙ୍ଗ ସାମ୍ବାଦିକ ସଙ୍ଘ ର ଆବାହକ ଶ୍ରୀ ଶକ୍ତି ଦାଶ ଙ୍କ ତତ୍ୱାବଧାନ ରେ ସଙ୍ଘ କର୍ମକର୍ତ୍ତା ଏବଂ ସ୍ଥାନୀୟ କିଛି ପ୍ରଶାସକ ଙ୍କ ସହାୟତା ରେ ଭୋକିଲା ରହିଥିବା ଲୋକଙ୍କୁ ରନ୍ଧା ଖାଦ୍ୟ ବଣ୍ଟନ କରାଯାଇଥିଲା । ଏହି ରନ୍ଧା ସମାଗ୍ରୀ ପ୍ରସ୍ତୁତ କରିବା ରେ ସ୍ଥାନୀୟ “ହେଲପିଙ୍ଗ୍ କ୍ଲବ” ର ସଦସ୍ୟ ସୁନୀଲ ପଣ୍ଡା, ପି. ନାଗା, ଛୋଟୁ, ସତୀଶ, ସୀମାଞ୍ଚଳ ଦାସ,ପପୁ, ସୁଦାମ, ରିଙ୍କୁ ସହଯୋଗ କରିଥିଲେ।
ଏହି ସମୟରେ ସ୍ଥାନୀୟ ଉପଖଣ୍ଡ ଆରକ୍ଷୀ ଅଧିକ୍ଷକ ଶ୍ରୀ ରାଜ କିଶୋର ଦାଶ ଓ ଉପଖଣ୍ଡ ଚିକିତ୍ସା ଅଧିକାରୀ ଡ଼.ରମେଶ ଚନ୍ଦ୍ର ସାହୁ ଉପସ୍ଥିତ ରହି ସଂଘ କର୍ମକର୍ତ୍ତା ସୂର୍ୟା ପଟନାୟକ, ସୁମନ ସାହୁକାର, ସୁନୀଲ ସାବତ, ସୁରେନ୍ଦ୍ର ମହାନ୍ତି,ଜଗବନ୍ଧୁ ଲିମା,ସଙ୍କେତ ପାତ୍ର , କାଳି ଶଙ୍କର ରଥ, ସନ୍ତୋଷ କୁମାର ଗୁରୁ, ଦୀପକ କୁମାର ବେହେରା(ସୁନା), ସତ୍ୟ ସୁନ୍ଦର କର, କୈଳାଶ ଗୌଡ, ମୋନଜ କୁମାର ଦାସ, ସନ୍ତୋଷ ସୁବୁଦ୍ଧି ଏବଂ ସଂଘ ର ଉପଦେଷ୍ଟା ଇନ୍ଦ୍ରାକ୍ଷୀ ପ୍ରସାଦ ଦାଶ ଙ୍କ ସହଯୋଗରେ ଖାଦ୍ୟ ପୁଡିଆ ବଣ୍ଟନ କରିଥିଲେ।
ଆଗକୁ ଏହି ଖାଦ୍ୟ ବଣ୍ଟନ କାର୍ଯ୍ୟ ଜାରି ରହିବ ବୋଲି ସଂଘ ର ବରିଷ୍ଠ ସାମ୍ବାଦିକ ଅରୁଣ ପାଢ଼ି , ଉପ ସଭାପତି ପ୍ରଶାନ୍ତ କୁମାର କର ଏବଂ କାର୍ଯ୍ୟକାରୀ ସମ୍ପାଦକ ରାମନାଥ ମହାନ୍ତି ମତ ପ୍ରକାଶ କରିଛନ୍ତି ।
