ଗୁଡାରୀ ବଂଶଧରା ସାମ୍ବାଦିକ ସଂଘ ପକ୍ଷରୁ ୨୬ ତାରିଖ ଦିନ ବିଶ୍ୱ ଶାନ୍ତି ଯଜ୍ଞ ପାଳିତ।
ଏଥର ସମ୍ଭାଳ (ଗୁଡ଼ାରୀ) – ଗୁଡାରୀ ବଂଶଧରା ସାମ୍ବାଦିକ ସଂଘ ପକ୍ଷରୁ ୨୬ ତାରିଖ ଦିନ ବିଶ୍ୱ ଶାନ୍ତି ଉପଲକ୍ଷେ ମା ଭଣ୍ଡାରଘରଣୀ ଙ୍କ ନିକଟରେ ଅନନ୍ତ କୋଟି ପ୍ରଣାମ ସହ କ୍ଷମା ପ୍ରଥାନା କରି ଆଜିର ଦିନ ଠାରୁ ୧୫ ଦିନ ପର୍ଯ୍ୟନ୍ତ ଏକ ଅଖଣ୍ଡ ଜ୍ୟୋତି ମହା ଦୀପ ପ୍ରଜ୍ୱଳନ କରାଯାଇଛି । ପୂଜା ଅର୍ଚନା କରି ଦେଶର ରାଜ୍ୟର ଜିଲ୍ଲା ର ଏବଂ ଗ୍ରାମର ଜନସାଧାରଣ ଙ୍କୁ ରୋଗରୁ ମୁକ୍ତି ଏବଂ କରନା ଭଳି ମହାମାରୀ ରୋଗକୁ ଦମନ ଏଵଂ ଏହାର ଭୁତାଣୁ ଦୂର ନିମନ୍ତେ ଏହି ପୂଜାର୍ଚ୍ଚନା ମହାଦୀପ ଲଗା ଯାଇଅଛି । ସଙ୍ଘ ର ଉପଦେଷ୍ଟା ଶ୍ରୀ ତ୍ରିଲୋଚନ ମିଶ୍ର ନିଜ ଘରେ ପୂଜାର୍ଚ୍ଚନା କରି ମହା ଦୀପ କୁ ନେଇ ବିଶ୍ୱ ଶାନ୍ତି ଉପଲକ୍ଷେ ମନ୍ଦିରରେ ସ୍ଥାପନ କରିଅଛନ୍ତି ।
ସେହି ସମୟରେ ଗୁଡାରି ବି.ଡ଼ି.ଓ , ତହସିଲଦାର ଏବଂ ଗୁଡାରି ଶାନ୍ତି ଶୃଙ୍ଖଳା ବିଭାଗୀୟ ଅଧିକାରୀ ଜିଲ୍ଲା ପ୍ରଶାସନ ଙ୍କ ନିର୍ଦ୍ଦେଶରେ ଚାଲି ଚାଲି ସେଠାରେ ପହଞ୍ଚି ଥିଲେ । ଦୀପ ପ୍ରଜ୍ୱଳନ ର ଉଦେଶ୍ୟ କଣ ସେହି ବିଷୟରେ ଶ୍ରୀ ତ୍ରିଲୋଚନ ମିଶ୍ର ବୁଝାଇ ଥିଲେ । ନିଜେ ସୁରକ୍ଷିତ ରୁହନ୍ତୁ ଅନ୍ୟକୁ ସୁରକ୍ଷିତ ରଖନ୍ତୁ ବୋଲି ସଂଘ ପକ୍ଷରୁ ଜନସାଧାରଣ ଙ୍କୁ ବାର୍ତ୍ତା ମାଧ୍ୟମରେ ଅନୁରୋଧ କରାଯାଇଛି ।
ଏଥର ସମ୍ଭାଳ (ଗୁଣପୁର) – ମାନ୍ୟବର ପ୍ରଧାନମନ୍ତ୍ରୀ ଏବଂ ମୁଖ୍ୟମନ୍ତ୍ରୀ ଙ୍କ ନିର୍ଦ୍ଦେଶ କ୍ରମେ ସାରା ରାଜ୍ୟରେ ଲକ୍ ଡାଉନ ଘୋଷଣା କରାଯାଇଛି। ଏହାର ସମ୍ପୂର୍ଣ୍ଣ ସଫଳତା ଦେଖିବାକୁ ମିଳିଛି ରାୟଗଡା ଜିଲ୍ଲା ଗୁଣପୁର ଠାରେ ।ସ୍ଥାନୀୟ ପ୍ରଶାସନ ଓ ପୋଲିସ ଏହାକୁ କଡ଼ା କଡ଼ି ଭାବର ରେ ପାଳନ କରିବାର ଦେଖାଯାଇଛି । ସ୍ଥାନୀୟ ଖଟିଖିଆ ଏବଂ ବାହାରୁ ଆସିଥିବା ଯାଯାବର ଏହି ଅଞ୍ଚଳରେ ରହୁଥିବାରୁ ସେମାନଙ୍କ ଖାଇବା ର ଅସୁବିଧା ହେଉଥିବା ହୃଦବୋଧ କରି ଗୁଣପୁର ଉପଖଣ୍ଡ କଳିଙ୍ଗ ସାମ୍ବାଦିକ ସଙ୍ଘ ର ଆବାହକ ଶ୍ରୀ ଶକ୍ତି ଦାଶ ଙ୍କ ତତ୍ୱାବଧାନ ରେ ସଙ୍ଘ କର୍ମକର୍ତ୍ତା ଏବଂ ସ୍ଥାନୀୟ କିଛି ପ୍ରଶାସକ ଙ୍କ ସହାୟତା ରେ ଭୋକିଲା ରହିଥିବା ଲୋକଙ୍କୁ ରନ୍ଧା ଖାଦ୍ୟ ବଣ୍ଟନ କରାଯାଇଥିଲା । ଏହି ରନ୍ଧା ସମାଗ୍ରୀ ପ୍ରସ୍ତୁତ କରିବା ରେ ସ୍ଥାନୀୟ “ହେଲପିଙ୍ଗ୍ କ୍ଲବ” ର ସଦସ୍ୟ ସୁନୀଲ ପଣ୍ଡା, ପି. ନାଗା, ଛୋଟୁ, ସତୀଶ, ସୀମାଞ୍ଚଳ ଦାସ,ପପୁ, ସୁଦାମ, ରିଙ୍କୁ ସହଯୋଗ କରିଥିଲେ।
ଏହି ସମୟରେ ସ୍ଥାନୀୟ ଉପଖଣ୍ଡ ଆରକ୍ଷୀ ଅଧିକ୍ଷକ ଶ୍ରୀ ରାଜ କିଶୋର ଦାଶ ଓ ଉପଖଣ୍ଡ ଚିକିତ୍ସା ଅଧିକାରୀ ଡ଼.ରମେଶ ଚନ୍ଦ୍ର ସାହୁ ଉପସ୍ଥିତ ରହି ସଂଘ କର୍ମକର୍ତ୍ତା ସୂର୍ୟା ପଟନାୟକ, ସୁମନ ସାହୁକାର, ସୁନୀଲ ସାବତ, ସୁରେନ୍ଦ୍ର ମହାନ୍ତି,ଜଗବନ୍ଧୁ ଲିମା,ସଙ୍କେତ ପାତ୍ର , କାଳି ଶଙ୍କର ରଥ, ସନ୍ତୋଷ କୁମାର ଗୁରୁ, ଦୀପକ କୁମାର ବେହେରା(ସୁନା), ସତ୍ୟ ସୁନ୍ଦର କର, କୈଳାଶ ଗୌଡ, ମୋନଜ କୁମାର ଦାସ, ସନ୍ତୋଷ ସୁବୁଦ୍ଧି ଏବଂ ସଂଘ ର ଉପଦେଷ୍ଟା ଇନ୍ଦ୍ରାକ୍ଷୀ ପ୍ରସାଦ ଦାଶ ଙ୍କ ସହଯୋଗରେ ଖାଦ୍ୟ ପୁଡିଆ ବଣ୍ଟନ କରିଥିଲେ।
ଆଗକୁ ଏହି ଖାଦ୍ୟ ବଣ୍ଟନ କାର୍ଯ୍ୟ ଜାରି ରହିବ ବୋଲି ସଂଘ ର ବରିଷ୍ଠ ସାମ୍ବାଦିକ ଅରୁଣ ପାଢ଼ି , ଉପ ସଭାପତି ପ୍ରଶାନ୍ତ କୁମାର କର ଏବଂ କାର୍ଯ୍ୟକାରୀ ସମ୍ପାଦକ ରାମନାଥ ମହାନ୍ତି ମତ ପ୍ରକାଶ କରିଛନ୍ତି ।
