ପ୍ରଥମ ଥର ପାଇଁ ଗଜପତି ଠାରେ ଅନୁଷ୍ଠିତ ବିଶ୍ଵ ପର୍ବତାରୋହଣ ଦିବସ ;ପୁଣି ଚର୍ଚ୍ଚା ରେ ଏସ୍.ପି ସାରା ଶର୍ମା…!
!!! ଗଜପତି ଜିଲ୍ଲା ରୁ ପାରଳାଖେମୁଣ୍ଡି ଟାଉନ ପ୍ରତିନିଧି ଅନିତା କୁମାରୀ ଅଧିକାରୀ ଙ୍କ ରିପୋର୍ଟ !!!
ଏଥର ସମ୍ଭାଳ (ପାରଳାଖେମୁଣ୍ଡି) – ଆଜି ବିଶ୍ଵ ପର୍ବତାରୋହଣ ଦିବସ। ଏହି ଅବସରରେ ଗଜପତି ଜିଲ୍ଲା ଠାରେ ପ୍ରଥମଥର ପାଇଁ ଏହି ଦିବସ ପାଳନ କରାଯାଇଛି। ଏହି କଥା କୁ ନେଇ ପୁଣି ଚର୍ଚ୍ଚା ରେ ଗଜପତି ଜିଲ୍ଲା ଆରକ୍ଷୀ ଅଧିକ୍ଷକ ସାରା ଶର୍ମା। ପୂର୍ବରୁ ଏରୋବିକ ମ୍ୟୁଜିକ୍ ରେ ନାଚି ଲୋକଙ୍କୁ ଫିଟନେସ ଫଣ୍ଡା ବତାଇ ଥିବା ସାରା ଆଜି ଲୋକଙ୍କୁ ପର୍ବତାରୋହଣ କରାଇଛନ୍ତି। ଫିଟନେସ ପାଇଁ ପର୍ବତାରୋହଣ କିଭଳି ସହାୟକ ହୋଇଥାଏ, ତାହା ସେ ବିଶ୍ଵ ପର୍ବତାରୋହଣ ଦିବସରେ ଶିଖାଇଛନ୍ତି। ସ୍ୱାସ୍ଥ୍ୟ ହିଁ ସମ୍ପଦ ଓ ସ୍ଵାସ୍ଥ୍ଯବାନ ହେବା ପାଇଁ ଫିଟନେସ ରହିବା ଜରୁରୀ। ଲୋକଙ୍କୁ ଏହି ମନ୍ତ୍ର ଦେବା ଉଦ୍ଦେଶ୍ଯରେ ଏଭଳି ଏକ ନିଆରା ପଦକ୍ଷେପ ଗ୍ରହଣ କରିଛନ୍ତି ସାରା ଶର୍ମା। ଗତକାଲି ସକାଳ ସମୟରେ ପାରଳାଖେମୁଣ୍ଡି ଗଜପତି ଷ୍ଟାଡ଼ିୟମ୍ ପରିସରରେ ଏକାଠି ହୋଇଥିଲେ ପୋଲିସ ଓ ବନ ବିଭାଗ ଅଧିକାରୀ ଓ ସାଧାରଣ ଜନତା। ଏଠାରୁ ସମସ୍ତେ ସ୍ୱତନ୍ତ୍ର ଗାଡ଼ି ଯୋଗେ ବୁରୁଖତ ଯାଇ ସେଠାରୁ ୭ କିମି ପାହାଡ଼ ଚଢି ମହେନ୍ଦ୍ରଗିରି ଠାରେ ପହଂଚି ସେଠାରେ ଭୋଜି କରି ମଜା ନେଇଥିଲେ। ସାରା ଶର୍ମା ଙ୍କ ଏଭଳି ପ୍ରଚେଷ୍ଟାକୁ ବିଭିନ୍ନ ମହଲରେ ସ୍ୱାଗତ୍ କରିବା ସହ ଭୂୟସୀ ପ୍ରଶଂସା କରଯାଇଅଛି।
