ଆର ପାରିରେ ଡ଼ଃ. ପୁରୁଷୋତ୍ତମ ଗମାଙ୍ଗ ; ଜିଲ୍ଲାରେ ଖେଳିଗଲା ଶୋକର ଛାୟା…!
!!! ରାୟଗଡା ଜିଲ୍ଲା ଗୁଣପୁର ରୁ ଉପଖଣ୍ଡ ପ୍ରତିନିଧି ବାସନ୍ତୀ କୁମାରୀ ପାଟ୍ଟଯୋଶୀ ଙ୍କ ରିପୋର୍ଟ !!!
ଏଥର ସମ୍ଭାଳ (ଗୁଣପୁର) – ରାୟଗଡା ଜିଲ୍ଲା ପରିଷଦ ସଭାପତି ଡ଼ଃ,ପୁରୁଷୋତ୍ତମ ଗମାଙ୍ଗ ଙ୍କ ସଡକ ଦୁର୍ଘଟଣାରେ ପରଲୋକ ହୋଇଯାଇଛି।ଗତକାଲି ଡ଼ଃ. ଗମାଙ୍ଗ ସାଂସଦ ସପ୍ତଗିରୀ ଉଲ୍ଲକା ଙ୍କ ଏକ ସୌହାର୍ଦ୍ଦ୍ୟପୂର୍ଣ୍ଣ ଭୋଜିରେ ଯୋଗଦେଇ ରାୟଗଡା ଠାରୁ ଗୁଣପୁର ଫେରୁଥିବା ରାସ୍ତାର ରାମନାଗୁଡା ନିକଟସ୍ଥ ଘାଟି ରାସ୍ତାରେ ବାଇକରେ ଆସୁଥିବା ବେଳେ ସଦକଦୁର୍ଘଟଣା ହୋଇଥିବା ଖବର ମିଳିଛି ।ପ୍ରାଥମିକ ଚିକିତ୍ସା ନିମନ୍ତେ ତାଙ୍କୁ ରାମନାଗୁଡା ହସ୍ପିଟାଲ ରେ ପହଞ୍ଚାଯାଇଥିଲା ।ସେଠାରେ ଚିକିତ୍ସା ନିମନ୍ତେ ସେଭଳି କୌଣସି ବ୍ୟବସ୍ଥା ନଥିବାରୁ ଏବଂ ଆମ୍ବୁଲାନ୍ସ ର ବ୍ୟବସ୍ଥା ନଥିବାରୁ କାର ସାହାଯ୍ୟରେ ଗୁଣପୁର ନିଆଯାଇଥିଲା।ଦୁର୍ଘଟଣା ବେଳେ ମୁଣ୍ଡରେ ଶକ୍ତ ଆଘାତ ବାଜିଥିବାରୁ କାନଦେଇ ପ୍ରବଳ ରକ୍ତସ୍ରାବ ହେଉଥିବାରୁ ଉଚ୍ଚ ଚିକିତ୍ସା ନିମନ୍ତେ ଆନ୍ଧ୍ରର ଶ୍ରୀକାକୁଲମ ର ଏକ ହସ୍ପିଟାଲ ରେ ପହଞ୍ଚାଇବା ପରେ ସେଠାରେ ତାଙ୍କୁ ମୃତ ଘୋଷଣା କରିଥିଲେ ।ଡ଼ଃ. ଗମାଙ୍ଗ ଙ୍କୁ ଗୁଣପୁର ପ୍ରତ୍ୟାବର୍ତ୍ତନ କରି ଗୁଣପୁର ଠାରେ ପୋଷ୍ଟମାଟମ କରିବାପରେ ପଦ୍ମପୁର ସ୍ଥିତ ତାଙ୍କ ସ୍ବଗ୍ରାମ ଅନ୍ତର ଝୋଲି ନିଆଯିବା ସ୍ଥିର କରାଯାଇଛି । ସେଠାରେ ତାଙ୍କ ଶେଷକୃତ୍ୟ ସମ୍ପନ କରାଯିବ ।
ଜିଲ୍ଲା ପରିଷଦ ସଭ୍ୟ ଗଙ୍ଗାଧର ପୁଅଲାଙ୍କ ଦ୍ଵାରା କରାଯାଇଥିବା ଏକ ନିର୍ବାଚନୀ ମାମଲାରେ ରାୟଗଡା ଜିଲ୍ଲା କୋର୍ଟ ଡ଼ଃ.ଗମାଙ୍ଗ ଙ୍କ ସଦସ୍ୟ ପଦବୀ ଅସିଦ୍ଧ ଘୋଷଣା କରିଥିବାରୁ ଏହାକୁ ଚ୍ୟାଲେଞ୍ଜ କରି ଡ଼ଃ. ଗମାଙ୍ଗ ହାଇକୋର୍ଟର ଆଶ୍ରୟ ନେଇଥିଲେ ।ହାଇକୋର୍ଟଙ୍କ ନିର୍ଦ୍ଦେଶ କ୍ରମରେ ପୁଣି ଉକ୍ତ ମାମଲା ରାୟଗଡା କୋର୍ଟ କୁ ପୁନଃ ବିଚାର ନିମନ୍ତେ ପଠା ଯାଇଥିଲା । ଏହାର ବିଚାର କରି ଜିଲ୍ଲା ବିଚାରପତି ଡ଼ଃ. ଗମାଙ୍ଗ ଙ୍କ ଅଧ୍ୟକ୍ଷ ନିର୍ବାଚନ ଓ ପଦକୁ ଅସିଦ୍ଧ ଘୋଷଣା କରି ରାୟ ପ୍ରକାଶ କରିଥିଲେ।ଡ଼ଃ. ଗମାଙ୍ଗ ରାୟଗଡ଼ା ରୁ ଫେରୁଥିବା ରାସ୍ତାରେ ଉକ୍ତ ଖବର ଟି ପାଇ ଭାରସାମ୍ୟ ହରାଇଥିବା ଯୋଗୁଁବାଇକ ଦୁର୍ଘଟଣା ଘଟିଥିବା କୁହାଯାଉଛି । ଡ଼ଃ. ଗମାଙ୍ଗ ଙ୍କ ଅମର ଆତ୍ମାର ସଦ୍ ଗତି ନିମନ୍ତେ ବିଭିନ୍ନ ମହଲ ରୁ ଶୋକ ର ବାର୍ତ୍ତା ଛୁଟିବାରେ ଲାଗିଛି।
